رواية احببتها بشدة ولكنها لم تحبني الفصل الثامن 8 بقلم ياسمين محمد
اهلا بكم في مدونة مكتبة حواء نقرأ لكم ونكتب من اجلكم
الفصل الثامن من نوفيلا احببتها بشده ولكنها لم تحبني
بقلم ياسمين محمد
**************
جري يوسف ورا ريناد وهو بينده عليها
يوسف: ريري ريري استني بس
فضلت ريناد تجري لحد ما وصلت لحد الشاله وطلعت اوضتها وهي زعلانه وبتعيط
ريناد:انا غلطانه اني وافقت اكمل حياتي مع واحد زيك انا سيبالك المكان وماشيه
مسكت يوسف بحزم وقالها:استني بس راحه فين انتي ملكي لوحدي يا ريري ومحدش هياخدك مني فاهماني
ريناد علت صوتها وقالت:انت بجد لو بتحبني يا جو مكنتش هتعمل اللي عملتوا دا
يوسف بتنهيده وهو بياخدها في حضنه:منتي عارفه انا بغير عليكي قد ايه اول ما شوفتك كدا وكل واحد بيتفرج علي جسمك
ريناد بتافف:اووووف بقي خلاص ياجو خلينا نمشي
يوسف ضمها في حضنه اكتر:لا هنفضل كمان يومين وهيبقوا احلي يومين،
*************
بعد ما نرمين ومحمد راحوا الشغل بدا محمد يعرفها علي طبيعه الشغل والزملاء
نرمين ببتسامه:انا مبسوطه اوووي تعرف انا فرحانه اني هعتمد علي نفسي عالطول بعتمد علي اللي حواليا
محمد مبسوط عشان حبيبت قلبه مبسوطه
اكملت نرمين كلامها وقالت:هو مش المفروض المدير يشوفني والكلام دا
محمد ضحك:يا نونو انا مظبط كل حاجه بعدين بص في ساعته وقال: وبعد عشر دقايق في اجتماع يلا قدامي
ابتسمت نرمين ومشيت قدامه وهي مبسوطه
**********
في البيت كانت عايده قاعده في اوضتها وفتحه قدامها ظرف وهي قاعده بتبص فيه وسرحت بفكرها ايام زمان ماكانت شباب
عايده بضحك: تعرفي يابت يا ساره السيد الصعيدي معاه شابين ذي القمر جاد و ماجد بس شايفه ان جاد ظريف ودمه خفيف عن اخوه ماجد
سمعتهم وهما بيتفقوا مع بابا انا مبسوطه اووي اوووي وانتي
ساره ببتسامه:وانا كمان مبسوطه يارب جاد يكون من نصيبي يارب
بصت عايده ليها بصت خبث وحقد وسكتت
رجعت بذاكرها تاني للواقع علي صوت الباب قامت جري وفتحت الباب
عايده بضيق:في ايه يا سي زفت
البواب:الخضار اللي وصيتي عليه ياست هانم
عايده بقرف;حطهم في المطبخ
"للتوضيح:-ساره بنت عم عايده امها وابوها ماتوا وعمها هو الواصي عليها اللي هو ابو عايده "
************
في الشركه عند محمد ونرمين جوه الاجتماع
السلام عليكم
الكل:وعليكم السلام ورحمه الله وبركاته
انا الاستاذ مراد اللي لسه جديد وميعرفنيش اهم حاجه عندي هنا الاخلاق والمبادي والقيم اللي هتمشي عليها احترامك فوق الكل ودا اول شي حابب اقوله والتاني اني هعمل خطه الكل يمشي عليها هو ان كل 3اشخاص في مجموعه 2مهندسين معماري وواحد ديكور وبدا مراد يوزع الادوار
كانت نرمين ومحمد وواحد تاني اسمه مصطفي معاهم
مراد:كدا واحد عرف مكانه وشغله ايه وبليل هيوصل لكل واحد الموقع بتاعه
بالتوفيق
قام الكل خرج
نرمين ببتسامه:عايزه اشرب قهوه دا لو مش هعطل الشغل يعني
محمد ابتسم:طب عايز اقولك انك لسه مش بداتي شغل اصلا وممكن تروحي دلوقتي 
بس هعزمك الاول علي الغدا اشطا
نرمين 
اشطا
وخرج نرمين ومحمد عشان يتغدوا مع بعض.
**************
عدي يومين محمد بيحاول ينسي نرمين حبها ليوسف بطريقه غير مباشره وبيحاول هو يقرب منها عشان يكسب ثقتها وقلبها اما نرمين فكل ما كانت تلاقي وقت فراغ قلبها وعقلها يفكرو في يوسف وفي اللي بيعملوا دلوقتي مع ريناد وعقلها عمال يودي ويجيب يمين وشمال يوسف اعترف بحبه طب ريناد بتحبه ولا لا اما يوسف وريناد فكان وقت حلو بيقضوا مع بعض وهيبقي من احلي زكرياتهم، سوسن بتحاول تخفف وجع قلب نرمين ولهفتها علي يوسف وبتحاول تواسي محمد وتصبر قلبه، انما عايده في قلبها كله حقد وغل لعيالها ونرمين وسوسن وكل الناس بتفضل قاعده تفكر ازاي تكسر قلب الكل واولهم نرمين بنت جاد،
الاتنين الساعه ال7مساءا الباب خطبت 3خبطات
عايده وهي جايه علي الباب:مين
-انا
عايده من ورا الباب:ايوه مين يعني
-الله مقولت انا يا حبيبي
عايده بضيق:ياقليل الادب وفتحت الباب ولسه هتطول لسانها لاقته يوسف ومعاه ريناد ومبتسمين
يوسف بغمزه:كدا متعرفيش صوتي يا ست الكل
عايده وهي بتضربه علي كتفه:ياواد بطل حركات دي وحضنت يوسف وريناد
في الوقت دا كان محمد ونرمين طالعين علي السلم
نرمين: يوسف
