رواية علي اكتاف النساء الفصل السابع 7 بقلم ناديه علي

﷽

على أكتاف النساء

البارت السابع

لـ ناديه علي

ــــــــــــــــــــــــــــــــــــ

وئام

::- رحت ويه روان لغـرفتي نحيـله جسدي متألم كُل عضو بيه يصـــــرخ اخ تفاجئت معقول هذا دمـي تارس الگاع رحت غسـلت وجهي وأبتسمت ميخالف تهون وئام تهون

روان:- اسفه نيابه عن اخـوي وئام سامحيني

وئام::- ياربي شگد طيبه انتِ؟ لا يـروحي انتِ

شعليـج وتعتذرين حضنتهه وبقينه نسـولف

شويه ونزلت نضـفت الغرفه ومسـحت دمي

لأن ماشاء الله محد ينضف أذا مو أني

نزلت لگيت مصطفى گتـله

ـ اسـفه مصطفى دمـرت تشيرتك انطينياه

خل اغـسله الك

مصطفى:- لتتأسـفين خويه احنه النعتذر نيابه عن

اخونه عادي لاتغسليـنه ميحتاج لأن راح اذبـه

ـ، تمام خـويه على راحتك رحت لگـيت شهد زعلانه شبـــــيها الحلوه كاعـده وصافنه وزعلانه؟

شهد::- جوعانه

وئام:- اني هـم جوعانه شنو رأئيچ أنروح لعمو

مصطفى ويطلبنـه بيتزا ونشتري ببـسي

شهد:- اي يسسس بس خاف مايجيب؟

وئام:- امشي نشوف رحنه لمصـطفى دگينه

باب غرفته

ـ عادي تستقبل ضيـــوف؟

مصطفى ببتسامه:- اهلاً تفضلو!

وئام:- عادي نطلب طلب؟

شهد:- طلب زغير عمو!

وئام:- اي عمو طلـب زغير اها واحنه ندفعلك فلوسه شگلت؟

مصطفى بضحك:- اطلبن بعد عمچن

وئام:- اطلبنه بيتزا احـنه الأثنين جوعانات

اها ونريد ببسي وياها وهاك هاي فلـوس

مصطفى:- افا عليج اني اطلبلچن وماأريد سالفه الفلوس تنعاد اني أخوچ وشتحتاجين موجود

ـ تــسلم متقصر

:- طلب النه نص ساعه وصلت الطلبيه جابها مصطفى وانطانياها

وئام:- شهد تعاي تعاي خل ناكل حموت من الجـــوع باع عطرها يجنن گولي

بسم الله الرحمن الرحيم

شهد:- بسم الله الرحمن الرحيم ... يلاً

وئام اطيني قطعه

وئام::- امممم لذيذ يـدلل الحلو اكل وامسـح الكتـشب على اخدودهه شويه واجه متيم گــــال

ـ زعطوطه انتِ ديلا كومـي بسرعه اكوي ملابسي البلكنتور كُلها خل اجي واشوف شيء ناقـص اكسرچ مثــل البـارحه

وئام:- فوگ شيـنه گوة عيـنه ياربي وجع متگوم منه ان شاء الله گتله ...

ـ حاضر

گمت كويتهن وتعبـت هالوضع يتعب ... دخل متيم للغرفه وهف بوجهي ملابس غير هذني گتله

ـ انت ليش اتحب أتعب البني آدم هذول البارحـه كويـتهن

ـ اششش عاجبني أتعبـچ اكوي وأنتِ ساكته؟

ـ هذا هم أسلوب؟ رب العالمين يحب الأنسان السخي الي يحب الناس ويعاملهم بلطف وانت لاصلاة لاعبادة ذنوب بذنوب متتعب؟

ـ خلي سوالفچ الچ وأكوي من حلگ ساكت

:- گعد عالسرير حاط رجل على رجل والله يالله بس لامفكر نفسه الأمبراطور لو رئيس وزراء العراق صاح

ـ وئـام منو سماج؟ اسمج مو حلو أسم عجايز

:گتله بأستهزاء ... شوف ياضابطنه المحترم متيـم جابر وحق صاحب رايه الهُدى ماعاش الي يخلي وئـام ذليـله اني وئـام بنية تفهم شنو بنية يمكن تذلني من تجبرني انضف واطبخ وأمسح واكنس بس مستحيل تهزززززز شويه من الثقه بداخلي فهمت؟ لو اعيد؟ الي مثلك المفروض ينبچي على حالـــــه ماكو غيـركم ش...

بعدني اريد اكمل ماأحس الا انضربت على حلگي ضربه أحس روحي شاطت ونزلت دمعن عيوني درت وجهي أريد أطلع جرني وضربني الراجدي الثاني سحب شعري كل قوته گال

ـ اني زعطوطه مثلچ تحچي هيچ وياي؟

::- اني بسرعة يطگ خشمي دم فنزل الدم من خشمي لحلگي أخذت كلينكس بعدت أيده عن شعري مسحت الدم

:- انت متيم ليش منو متـيم حتى نفتخر بي شنو الأنجازات المقدمها؟ حتى تگول اني متيم ولك

حتى جسدك ملك رب العالمين ماألك شيء

انت فرد ضعييييف ... اني مو زعطوطه لااااااا

اني عرفت قدر نفسي عرفت أربي نفسي عرفت طريق ربي ويـن وربي ماقصر وياي بشيء خلاني أگدر ارد عليك وعلى أمثالك

:- جن جنونه ضربني كلما عنده قوه وطلع گمت للمرايه سحبت كلنكــس باوعت لنفسي وگلت

ـ ميخالف الله يعوضني خليهم يحجون الي يردو خليهم وئام سكتي عنهم تهون ياچويات روحي الماتهون

نزلت وتلگتني الحيه

غسق:- هي يلا مو عبالچ خلصـتي گومي اغسـلي ملابس حسين والــــجهال بسرعه!

وئام:- اصبرلي بس هالفـتره وادبــر فلوس والله لأروح واني الـچن گتلــــها

ـ ترى الله يشـــــوف ورب العالميـــــن على حق

مو على باطل

ـ نفذي بدون مواعــــــضج وحكمج المالـها معنى

ـ گلت بصوت مبتسم وعالي گدامهم وگدام متيـم

‏إلهي كيف أشكرك بلسان أنت خلقته؟

وبقلب أنت صوّرته؟

وببيان أنت أبدعته؟

فشكري على نعمك نعمة أخرى تستحق الشكر

فأنت المتفضّل بالنعم والشكر

يَا رَبِّ لَكَ الْحَمْدُ كَمَا يَنْبَغِي لِجَلالِ وَجْهِكَ وَلِعَظِيمِ سُلْطَانِكَ...

:- من أشوف قذارتهم دائماً أحمد رب العالمين

أني مو مثلهم

مرام::- هيو وئـام تـعاي سوي غدء

ام متيم::- تعاي نضـــفي البيـت

::- أباوعلهن كُل وحده بجـهه اتريدني أسوي

شيء گالتــلهن روان

ـ ترا حرام عليچـن وانتن مكسرات بس اتودن بيـها

ام متيم:- انجبي وصعـــدي لغرفتچ مالي خلـگچ امشي اقري ولاتدخـــلين لا لسانچ اگصه

::- نضفت البـيت وغـسلت الملابـس وسويت غدء ودخلت للمطـبخ لگيت مصطفى كامش تيلـفونه وگاعد على الطاوله صاح الأذان گتــــله

ـ مصطفى شوكت تنهي حربك ويه الشيطان ترا واضح الشـــيطان منتصر عليك

مصطفى:- ما فهمت شتقصدين؟

وئام:- ما كافي البعد والأغتراب؟

ماكافي الهجران؟

الســـت بعبد خُلقت لأجل عباده الله؟

مُنذ متى لم تذهب لصلاة الجماعه؟

مُنذ متى لم تتصل بربك؟

مُنذ متى مُقاطع القرأن؟

مُنذ متى قطعت اتصالك بربك؟

قُم يا أخي هيَ دُنيا فناء لا بقاء

قُل انكم حتما ستلاقون الموت

الذي انتم منهُ تفرون!

ـ احفظ نفسك هــــــي امانه من ربك لتؤمنـها وتعيدها نضيفه وليس ملطخه بأوساخ الدنيا وزخرفها أولا تحـــــب ربك؟ اولا تريد لقائه؟

قُم حان موعد لقاء الحبيب بحبيبه

روان:- واكفه باب المطـــبخ واسـمع ودموعي ينزلـــــــن ياربي شگد عاصيتك اني ياألهي دخلـت

ـ گوم مصطفى گوم صدگ احنه مبتـعدين

عن الي خلقنه گوم

مصطفى:- ياربي ولج وئام مو كلام عبــالك صاعقه على عقلي اي وئام اي أنبيني بعد سمعـيني ولچ والله محد علمني اني عبالي كلشـي فلوس و... ونسه.. ولچ حلوه هاي مال موعد لقاء الحبيب بحبيبه

وئام::- گوم مصـطفى ...گومي روان

ـ باب التوبه مفتوح ودامنه بعـدنه بالـحياه

الله غفور رحيم گومــــــو خل نتوضى ونصلي

ورا عمو ابو متـيم جماعه گومو الله ميعوف عبده يحبك ودزلـك الي ينير الضُلمه الي بداخلك مصـطفى اريدك تقرء دُعاء ابـي حمزه الثمالـي بخشوع حس بكلماته

مصطفى:- صار بعد أخوج صار والله من اليوم ياوئـام من اليوم بعد ماأترك صلاتـي لو شيـصير

...گمنه توضينه ورحنه ورا عمو ابو متيم صلينه جماعه گاعدين انصلي ومصطفى يقرء بالدُعاء ويبچي اخير شيء صاح بصوت باكي

مصطفى: ياربي وين چنـت اني عنك غافـل ياألهي سامحني..... والقرأن مو دُعاء ضيم يجننن ياوئـام هالدُعاء أنبني زايد

ـ ولچ وئام تعاي

ـ هاا؟

ـ ولج گليلي شسوي اني غافـل عبد حقير انطاني الله كلشي بس اني ماأشكر ولا أحس بنعمتـه تكبرت هواي ومشيت بـطريق الأوهـام ولچ كلامچ صاعقة وعتني هوووواي متندم

ـ مصطفى رب العالميـن اختارك اليوم تكون عبد الـه رب العالمين يحـبك وينتضر قدومك. ينتضر لحضه لقائك... بي يحبك ورادلك... الخير ولتضن اني أجيت بأرادتي الك لا والله رب العالميـن يحبك ودزني الك اني مجرد وسيطـه بـسيطه

روان: شكرًا وئام والله ماأعرف شلون اشـكرج

وئام: لا روان الشـكر لـ الله باعي هوَ الي رادج تجينه رب العالمين اختارج اشـكري

هيَ الورده متجي للمي بس المي يجيها يحيها بالوصال ويداومها بالاتصـال

تبعثرنا الحياه ويلملمنا لطف الله

تكسرنا الظروف ويجبرنا الله

تضعفنا المصائب ويقوينا الله

تحيط بنا الابتلاءات وياتي الفرج من الله

لا تحزن ان الله معنا

مصطفى:- فعلاً كلامچ خيتي عسا ربي ينور طريقچ

مثل مانورتي طريقي

وئام:- أخويه أنت ربي يوفقك أن شاء الله

روان:- وئام اخ ياوئام ماأعرف شگلچ

وئام:- ‏عامٌ تُجدّدُ في أيامه النِّعَمُ

‏لِمنْ أفاؤوا لحبلِ اللهِ واعتصموا

‏ومن رأوا في رسولِ اللهِ أُسوتَهم

‏فقدّموا أمرَهُ بالحقِّ والتزموا

‏وقد تَحلَّوا بأخلاقِ النبيِّ فما

‏ضلُّوا الطريقَ وقد فازوا بما غنِموا

‏ما العمرُ إلا سويعاتٌ تطيبُ لِمن

‏يبنون ما عملوا مِن خيرِ ما علِموا

‏‌مصطفى:- من هاي الساعة راح ألتزم

علميني وئام علميني

وئام:- لتخاف ان شاء الله نبدأ برحلة

لطاعة رب العالمين سوية

ــــــــــــــــــــــــــــــــــــ

ـ نورس

هيه الحياه سهـله بس.... عبادك ياربي مصعبيـها ياألهي ما ألي غـيرك الكُل يتخلى عن الكُل وبس انتَ التحبنه واتصيح النـه واحنه شكثر نغفل عنك... داحچي ويه نفسي ودخل علي

ـ اسف نـورس مو قـصدي اضربچ

...والله علي مگلتلي يعني الحلف برب العالمين

مو شوية

:- المهم الـراح راح

ـ بس علي والله ضلـم هذا اني مستحيل

اجذب والله

ـ نورس عيـب تگولين على مره أكبـر منچ جذابه

::- سكتت عنه... وهوه ضايچ ومكتئب سئلت...

ـ شبيك شو مو على بعضك؟

علي: مابيه شيء گومي جيييلي غدء

نورس: تمام

شلونك عموو شخبارك

"ابو علي مقعد على العربانه

ابو علي: هلا بنيتي گـواج الله بخـير

ام علي:- طبعا بـخير اذا اني حايره اغسـلك وابدلك ومحتاره بس بيـك شبابي ضيعته بيك

نورس:- باوعتلـها راحت واني تقـدمت يم عمو همـست بأذنه... لتزعل عمـو اني موجوده ماأعوفك لـو الكُل عافـوك وما اعيرك لو الُـكل عيروك

ابو علي:- تعاي ابوسچ يعمي بعد روحي

رحت يمه وبسته براسه ... صعدت فوگ... وگفت يم الدرج واسمع عمتي وعلي يحچون

ام علي:- هاا ولك علـيش يمته تخـلي ابـوك يـوقع على اوراق المـلكيه مال البيـت وتودي لـدار المسنين؟

علي:- يمه فتره انـطيني هوَ اني بس محتـار

بي وبأدويته مليـت وروحي طگت منه

تبارك:- اي والله علي حتى اني جزعنـي بطلباته

:- دخيل الله منهم سمعـتهم... رحت لعمو همست عالكيف عـمو والله لتوقـع على شيء هذول اهـلك وحوش سمعتهم بأذني من زوجـتك لبنتك وأبنك تـدري گالو يخلوك توقع اوراق الأملاك ويذبـوك بدار المسنين

ابو علي بحسره:- آه يبنتي هاي تاليـتي ولج اشـتغلت حمال بس اعيشـهم ماخليت شغـل ما أشتغلت بي ولج چنت ماأعترف اني ابو تـبارك خاف تتفشل گدام صديقاتها وتستعـار مني وهذا علي ذبيـت دم گلبي علي وفرتلـه كلشي من دوامـه بالأول ابتدائي وهسه هوَ دكتور ذبـيت كلشي عليّ بس ولايغزر وام علي سويتلها عمليه لرجليها بأيران ولاينفع ولايغزر

نورس:- يحچي ويبچي كسر خاطري يمه شـنو من بشر نزلن دموعي وحضنته اني بنتـك عمو وداعت عيون العباس ما أعوفك اطمـئن.. اطمئن

نزلت عمتي وگبل گلت بأبيات أللفتـها وئـام

منزمان

وصل يومي ونفسي أبد ماجهزتها للحساب

شالو التابوت وكلها تصرخ وكفو يم عتبت الباب

.. صحت بعلو صوتي هاي اني ماميت ما غطاني التراب، محد سمعني وكلها تصرخ راح وبعده

شباب، متت وماحسبت كل احلامي تروح تاليها

سراب،مارجعوني وكلشي راح متت ودفنوني أغلى الاحباب

ام علي هزت ايدها وگالت مخبلة

" حقه الي ميحس بوجود رب العالمين يعتقد كُلشي خبال ولو نجي للواقع ماكو غير الي معتقدين انو الحياه ونسه همه المخبلين

"يا حيف ع الرجال... ويا خيبة التعب!

ما جنت أتصور بليلة وضحاها، الإنسان اللي شاركته عمري وسقفي وأسراري يطلع بهالجراءة والقسوة أني نورس وزوجي الدكتور علي... أي "الدكتور" اللي الناس تحلف براسه وبأخلاقه وشهادته العالية جنت أتباهى بيه بين الناس وأگول هذا رجلي المتعلم المُثقف... بس أثاري الشهادة أوقات مجرد ورقة تتعلق ع الحايط وما تغير بالروح الغشيمة شي

سمعته بغير قصد... جان يحجي ويه أمه وأخته بصوت ناصي ويخطط يربس ويحسب شلون يخلي أبوه الكهين المسكين يوقع على أوراق التنازل عن ملكية البيت! أبوه اللي رباه وصرف عليه دم گلبه حتى يصير "دكتور"أبوه اللي أنحنى ظهره حتى يعلى راس علي... هسه صار بنظر علي مجرد عقبة لازم ينشال ويرتمى بـ دار المسنين!

وگفت بمكاني والشمس بعيني أظلمت حسيت بخيبة أمل تلوي الروح دموعي نزلن حارات مو بس زعل على عمي المظلوم لا والله... حزناً على رجلي اللي رخص نفسه ردت أصرخ بوجهه وأگله:

"ولك يا علي! وين راحت الإنسانية؟ وين راحت رحمة الله بگلبك؟ شنسيت من تعب هذا

الشايب اللي كبرك؟"

طلعت من هالقصة بدرس يكسر الگلب: مو كل من درس وعنده شهادة صار إنسان الشهادة تبني بيوت وتجيب ألقاب بس ما تبني ضمير ولا تشتري أصل العلم بلا أخلاق مجرد قناع يخفي تحته أقسى گلوب

يا حيف على اللي يبيع أصله وأبوه علمود حجارة ودنيا زايلة... وباجر الدنيا الدوارة تدور واللي يسويه بأبوه اليوم يعيشه مضاعف باچر

دخلت للغرفه بالي مشتت ياربي هذا علي شناوي يسوي عيب أبوه هذا وعمي رجال جبير وين يعوفه حرام يكسر خاطره....مستحيل اتركه اهمداني ماعرفت أختار كمشت تيلفوني ضايجه دخلت عالفيس طلع بوجهي منشور ...يموت ضحك

" عندي ثنين خوات توأم مواليد 86 توأم متطابق نفس الشكل نفس الجسم نفس الطول نفس الشعر نفس الصوت

الاختلاف فقط بشغلتين

وحده فقيرة كلش اليتعـارك وياها تبجي متعرف تحجي والثانيه وكحه الى ابعد الحدود مينكدرلها والوكحه عدها بزرها نساوة عنكود عنب صـغير

بحيث ابويه ميفرق بيناتهن لليوم الوكحه متزوجه محافضات والفقيرة يمنه بغداد

طبعا تصير مواقف بين التوأم هوايه احجيلكم شكم موقف للاستمتاع

١_ فديوم اختي الوكحه راحت هي وزوجه للعمرة كناله عوفي جهالج يمنه وروحي وعدها ابنه 3 سنوات كناله هم عوفي روحي غيري جو والله راحت شو ابنها فضحنه فضيحه بالبجي بس يصرخ يبجي موتنه اخر شي اخويه ب11 جاب اختي الفقيرة اول مشافها ركض عليها وسكت

2_ عدنه اختي الوكحه تزوجت قبل الفقيرة فديوم رادت تنخطب الفقيرة فعود يردون يجون اهل العريس يشوفوها وصبحت عينها كارصتها بكايه وبقت دك وتلطم جان طلعنالهم الوكحه ولليوم ميدورن هي اختها الطلعتلهم مو العروس

3_ فديوم اخويه سوة حادث وسوينه عزيمه على سلامتة جان اجتنه اختي الوكحه هي وزوجها وعمتها جان اختي الفقيرة شايله ابن الوكحه وتغسله ع المغسله واجت عمت الوكحه هم تغسل جان تكلها عمه خو ماكلتي الاهلج على رجلج باع الذهب عيب جان اختي الفقيرة كالتلها لا ماكتلهم

تكول استحيت افشلها واكلها اني مو جنتج اختها

4_اختي الفقيرة زوجه يدرس بالهند وعياله طردوها علمود مشكله ع الجهال وهي جيبي الجهال وتعالي وتبجي تخاف منهم وبنفس اليوم عود اجتنه اختي الوكحه خطار وفرحانين بيها 5 اشهر ماجايتنه

جان امي تكله امشي العب بيهم طوبه ماتقبل

امي اخذت اختي الوكحه وراحت اختي لعبت بيهم طوبه وجابت الذهب وملابسها وملابس الجهال

عمتها تكله ها حجو براسج اهلج طلعلج اللسان

كالتلها اي بعد مو عبالج اني ذيج الفقيرة التاكلوه ولليوم ميدرون هي مو جنتهم الراحتلهم اختها

:: متت ضحك ياربي والله حلوه .... الحمد الله الله رازقني بوئـام ودق... وسـاره ونـورهان

ــــــــــــــــــــــــــــــــــ

ـ ساره

::- ماعاد ينفع شيء نفسي گامت تلعب منهم كلهم مابيهم اليطـمن الـروح ويبـرد الجروح ليششش أبويـه بهالحقاره اني شنـو سويـتله النبي محمد صلى الله عليه وسلم جان يگول

«برو أبائكم تبركم أبنائكم واستعفو تعف نسائكم»

:- أني أبوي بكـلمه ماأذيـته وهوه رواني نجوم الضهر يجوز لو مو وئـام وأخواتـها من زمـان اني مدفونه جوه التراب بعدني داسولف ويه نفسي وصاح هذا الحيوان.... زين العابديـن

:- ساره وينج تعاي

ساره:- ها شتريد؟

زين العابدين:- احترمي نفسج وگولي حاضر بسرعه غدء... ونضفي البيت

ساره:- حاضر طلعت وصلت يم عتبت الباب وگلت

ليش احنه منوو؟

احنه منو بعيونهم حتى

يحبونه ويعطفون علينه

عدنه منصب؟ لا

ضالمين؟ هم لا

متكبرين؟ هم لا

اغنياء؟ هم لا

احنه بوقت يحبون ويهتمون بي بس للغني... والمتكبر الي عنده منصب

احنه بوقت واسطات وبس

محد ديتعامل بالعدل ويه عباد الله البعض راضين ومطمئنين لأن بگلوبهم الله

والبعض لا ناسين الله ويحكمون بضلم

لذلك أنا وكُل لمن حالهُ كحالي

لله المشتكى ولن نبكي الليالي

سوف تمضي ياصديقي لاتخيب الآمالي

:- وداعت الحسين بيوم اروح وانت تندم ... گام كمشني من شعري كُل قوته

زين العابدين:- ويننننن اتولينننن شگد تحچين دخيل ربچ... اي اندم ولي من وجهـي

دفعني رحت غسـلت الملابس ونـضفت وطبخت غدء وانطيته غدء ... درست ادروسي وهمـزين هسه عندي قطعـتين بديت اخيط جـبتلهم غدء ورحت فرشت السجاده وطلعت دُعاء المجير قريته وسبحت تسبيح الزهراء واجت زهره - گلت متعمده

وَالمُستَغفِرِين؟

يَضُمَّهُم اللَّٰهُ تَحتَ أَجنِحَةِ الرَّحمَة

أستَغفِرِ اللَّٰهَ العَظِيمَ الَّذِي لَا إلَهَ إِلَّا هُوَ

عَلَيهِ تَوَكَّلتُ وَهُوَ رَبُّ العَرشِ العَظِيمِ .

زهره:- هيوو كملتي؟

تعاي غسلي لنـمارق ونضفيها

ساره:- عيدي مسمعت ... والله العظيم اكسر راسچ مو خدامه عندچ اني فهمتي لولا

زين العابدين:- تكسرين راس منو؟

سـاره:- أدب مرتك لأنها مو مؤدبه وتربيتـها ناقـصه ومن الصـبح لهسه اني ساكتتلها لتضنون ماعندي أحد وأسكت عن حقي

زين العابدين:- اها ماتسكتين عن شيء مو وتكسرين روس ست ساره

:- باوعتله مستهزأ ... وگلت اي يا أستاذ زين العابدين ...

:- أخذي نمارق غسلـيلها واريد اشوف شلون تكسرين روس يلا گدامي

ـ رحت واني أباوعله بحقد شگد اكره اموت منه

ـ شسمج حبيبتي؟

ـ اسمي نمارق!

"" اذكرت وئام من اتگول نحن بنات طارق نمشـي على النمارق أجـمعت الدمـوع بعيني واني اذكر ايام ضحكنه وابتساماتنه اف تعاي يروحي

غسلتلها واجتي... ورد شلون شكـول ياربي

ورد:- هيو تعاي حضريلي عصير وفواكهه اريد ادرس لا والله أكول لزين وانتِ اتعرفينه

ساره:- بعدم اهتمام كملتي ولي من خلقتي

منو مهتملچ اصلا گليله يطبچ مرض

سيزول الألم

وتتحقق الأحلام

سنصبر جميعنا

رغم آلآمنا وأحزاننا

سنتعب ونجتهد

ونعثر ونقوم

علينا أن نتذكر

آن الله معنا

ورد::- والله تمام والعباس اني أعلمچ

::- راحت .. بس لو اعرف براسهم عقل لو حجـرات ياربي معقول اكو ناس هيج دخيلك ياربي وداعت علي الدلفي احلف عليهم مجانين تگول لزين شوف زين هسه جمال وفايده ماكو مسودنين گوا هي

:- غسلتـلها وطلعت من الحمام شايلتها بأديه بسـتهه وصاح زيـن العابدين بكل صوتـه ساررررره

::- أحس گلبي رجف ياربي دخيلـك شيخلصـها

شده رحت للغرفـه تقدمت بخوف

... هااا؟

ـ دخلي وسدي الباب

ـ شنو تريد مني؟

ـ گلت دخلي وسدي الباب لا وحك علي ابن ابي طالب أکوم اكسرچ تكسر

:- گلت بکلبي ...والله العظيم ماادخل لوشيصير ...هسه يموتني ومحد يسمي عليـه رحت ركض لغرفـه عمتي طلع يركض ورايـه

ـ فتحت بابـها ودخلـت ختلـت وراها وکتلـها

ـ عمه دخيلچ راح يموتني

::- باوعتـله عمتي وگالت ... زين عوف البت ترا اختك ومرتك لسانهن طويل وهي ماسوت شيء فقيره

:- ماأهتم لكلام أمه سحبني واني لايذه بضهرها منه سحبني من أيدي وأني أكمش بعمتي گام شالني بأيد وحده واني أصرخ وأضرب بي وأگله عوفني

: دخلني للغرفه وهفني كلما عنده قوه عالسرير وسد الباب وعمتي تصيح زين عوف البت واجت ورد اتصيح خويه عوفـها مو هيچ

: دار وجهه عليه وکال: اتكسرين روس ست سـاره وتدعين على أختي مو؟ وانتِ مو خدامه ؟

:- زيـن باوع شوف بس عوفني اروح يم عمتي الله عليك أسفه والله أسفه هيّ ورد اتجاوزت هيّ وزهره عليـه

ـ هسه اني أعلمچ باوعتلـه عنده صونده بأيده ضربني على طول ضهري كلما عنده قوه على اديه وضهري گمت احمي وجهي واصرخ من الألم بس تعب وكف وگال

: خل أشوفچ يطول لسانچ بعد..

فتح الباب ودخلن عمتي و...ورد هوَ راح

::- گالت ورد:- اسفـه ماحسبالي راح يضربچ هيچ ...عمتي کالت كسر بدي ان شاءلله تع... اني أشهك من الألم وجهي أشتعل نار ماخلـيتها

اتكمل صرخت بعلو صوتي

::- أطلعننننننننننننننن برااااااااا گومن من وجهي ... نزلن راسهن بأسئ وطلعن قفلت الباب گمت للمرايه وجهي دم أحمر أيديه عليـها طبع الصونده گمت لمكياچ زهره الي عالطاوله گلبته گلاب هفيت علبه العطر بالچامه واني اصرخ

::- الله لايوفقكم الله لايهنيكم الله يراويني بيكم يوم انتم وأهلي يوم تحتاجون بي واحد وماتلگون الله لايهنيكمم زين العابدين الحقيررررر النذذذللللل اكرهكككككككك انتَ وأبويييي اموت منكمممم زين العابدين اكرهكككك تسمعنييي اكرهكك ورد ... زهره أكرهچن الله يموتچن الله لايوفقچن عائله نذله زين العابديـن الخبيث النذللللل الحقيرررررر يشبه لمعاويه انتوووو من نسل اعداء ال بيت محمد لو كنتوووو مو هيچ لعد طبقتوووو أقوال الرسول والأمام علي من گالووووو

أستوصو بالنساء خيرااااا

"مااكرمهن إلا كريم وماأهانهن إلا لئيم "

:- داعيط ورجع زين العابدين فتح الباب يريد يكتلني اجتي عمتي طلعته وسدت الباب حضنتني واني أبچي واصيح سكتت وأستسلمت لواقعي المر......

ـــــــــــــــــــــــــــــــــــ

ـ نورهان

بمتاهه عاليه وتفكير ممنتبهه عدلت شالي فاتحه الكاونتر أعزل بالبهارات وأسمع عمتي والاء اخت مهيمن يحچن حسبالي يحچون على غير بنيه

ام مهيمن:- ياااا ولج غير شفتها هي

وسند يضحكون سويه

ولاء:- يا يمه حتى بليل دائما من انزل اشوفهم يسولفون وحـدهم

مهيمن:- يمه منيه هاي؟

ام مهيمن::- بتصنع.... ها لا ماكو شيء

مهيمن بعصبيه:- يمه منيه؟

ام مهيمن:- نورهان

ـ فتحت عيوني على كبرهن ... الله لحد شنو هالجذب الي دتألفنه بويه حرام حرام الأفتراء

على أي بني أدم حرامممم

بدون سابق انذار سحب ايدي جر فوتني وسد الباب وگال.. ... شعندج وي سند هااااا؟

نورهان:- شبيك مهيمن والله ماعندي شيء

اني زوجتك ترا وكُلشي أحچيلك حتى ذاك اليوم

مضميت عليك شيء

ـ يعني امي وخواتي يچذبن هاا؟

گتله وعيوني مغورگه بالدموع

ـ ما أثقلها هذه الايام لا يخمد فيها أنينك

ولا يتوقف عقلك عن التساؤلات

ولا تكف روحك عجزها

عن التجاوز عن، التقُبل!

تبلغ هشاشتك أقصاها الى حد لا يكون بمقدورك اخفاء أدمعك وطمسها

او حتى تبرير تساقطها السخي لمن حولك

: ـ باوع مهيمن اني من تزوجتك اكـتفيت بيك وحدك وگلت انته سندي رجاءً يامهيمن لتحكم اذا متشوف بعينك وتسمع بأذنك لك ابويه ماكان عليه حنـين

وزوجني الك حتى يفصل ديونه بنص مهري ومن اجيت لليوم حاسبتك ابويه وزوجي ومو اني الي احچي وي اي أحد اتفقنه احنه الخمسه

: ولليوم واحنه نبغض الذنوب رجاءً مهيمن التفهُم احسن من عصبيتك والهوسه الي ماالها معنى انتَ من تحكم لازم ترضي كل الاطراف مو تفرق

مهيمن بهدوء:- اسف والله نورهان ماچان قصدي

نورهان:- عادي مهيمن لتعتذر متفهمه موقفك لتخاف اني مومن هذن البنات الي يخبصن الدنيا ويتزعلن

مهيمن:- ههههههه تعالي

ـ مهيمن

ـ ها؟ ... أسمع

بـهَذهِ الأيام القاسِيه والحروب والرسائِل

الإلهِيه المُبطنه ، أانتَ ضامِن وجودكَ غدًا ؟

أتعتقِد أنتَ حيًا تُرزق حتىٰ المَساء ؟

لا تَعرِف إن كُنت سَتعيشَ عُمرًا طويلًا ،

وبهذهِ الحَاله ، لماذا انتَ غارق

في بحر الغفلة والسهو ؟ انهض الآن وتُب

تُب الآن ! الذي يؤجلَ توبتكَ هوَ الشيطان لا تكُون مُطيعًا للشيطاان!

إن هذهِ الدُنيا فانيه لا أمانَ لها ولا ضمان

لا نَعرِف إن كُنا غدًا نفس حالتنا الآن ؟

لذلك تقرب من اللّٰه واذِق حلاوةَ القُرب وتلذلذ بعبِادة اللّٰه وقرائِة القُرآن ، واترك هذهِ الدُنيا الدَنيّه ، واترِك سماع الأغاني فأنهَا تقسي القلوب وتُبعدك عِن لذة العِبادة ، تُب يا غافل عن اللّٰه

تُب وصلي قبل أن يُصلى عليك.

ـ والله صحيح يانورهان ماحچيتي الا الصواب

ـ نورهان

ـ هااا؟ ... سمعي

- عقوبة تارك الصلاة. -

في الدنيا.

1-تنزع البركة من عمره

2-تمحي سمة الصالحين من الوجة

3-كل عمل يعمل لا يؤجر عليه

4-لا يرفع له دعاء الى السماء

5-ليس له حض في دعاء الصالحين.

6-تخرج روحة بغير ايمان.