رواية سلطانة الزين الفصل الخامس 5 بقلم نوره عبدالرحمن

زين ارتبك : احم انتي كويسه

سلطانة بخجل : انا ... انا .. اسفه معرفش عملت كده ازاي انا .

زين : و انت عملتي اي يعني .. وكمل كلامه و هو بيحاوط وشها وبيمسح دموعها بحنيه : يللا عشان منتأخرش على خالي امسحي دموعك و البسي حاجه حلوه و ضحكي عشان خالي ما يشكش بحاجه انا هنزل و انتي متتاخريش ماشي

هزت راسها وهي حاسه ان قلبها بيضرب جامد اول مره حد يبقي قريب منها كده ومش اي حد ده زين اللي ملامحه كافيه تخطف قلب اي بنت. و لسه زين هيمشي

سلطانة :زين ندهت عليه لما مشي و كان هيخرج

بص ليها و هي قالت مش عارفه اقولك ايه متشكره اوووي على كل حاجه

اكتفى زين بابتسامه هاديه و هز رأسه ومشي و اول ما خرج مسكت خدودها اللي حمروا و قالت يخرب بتيك يا سلطانه انتي عملتي ايه .. حضنتي الراجل . .. دلوقتي هيقول عليكي ايه مش امبارح كنتي رافضاه يخربيتك ابص فوشه ازاي انا دلوقتي. ..

************

هتمشي يا بوي بالسراعه دي قالتها سلطانة لأبيها برجاء

الاب بص ليها وكان عاوز يتكلم لكنه اتردد عشان زين و جده موجودين معاهم

الجد كان حابب يتركهم لوحدهم و نده لزين وقاله : طلعني اوضتي يا زين انا تعبت النهارده

زين : حاضر يا جدي ساعده زين يطلع اوضته

اما سلطانه بتبص لابوها بكسره

الاب حاوط وشها بإديه و باس جبينها و قال حقك عليا يا بنتي معرفش ازاي مديت يدي عليكي..

عيطت سلطانة و اترمت في حضنه و شهقاتها بتعلى..

و هو مسح شعرها بحنان و قال و الله يا بنتي مع الوقت هتعرفي اني عملت كل ده عشانك .. أنا عندي ادفع عمري كله ولا اشوف دمعه وحده في عينيك ياست البنات ..

سلطانة رفعت وشها ليه و لسه هتتكلم فون ابوها رن و كان اخوها حازم ..

ابتسم عمران الاب وهو بيرد على ابنه : ايوا يا حازم يا بني عامل ايه .. هترجع امتى

حازم ......

عمران : بجد ده احلى خبره بسمعه ربنا يفرحك يا بني

حازم :

عمران : ايوا يابني انا عندها دلوقتي امبارح كان فرحها الله .. يسلمك يا حبيبي اشوفك بكرى مع السلامه

سكر عمران الفون و بص على سلطانة

سلطانه بفرحه : حازم هيرجع بكرى يا بوي

عمران : ايوا يا بنتي الحمدلله و اخيرا هيرجع اخوكي و اشوفه من تاني ده وحشني اوووي ..

بالوقت ده نزل زين : مين اللي وحشك يا خالي

عمران بفرحه :حازم بكرى هيرجع ان شاء الله

زين : هو حازم مش كان مسافر عشان يدرس خلص دراسه والا. ايه

عمران اه هو اصلا خلص دراسه من زمان لكن مرضيش يرجع لكن الحمدلله و اخيرا ربنا هداه و هيرجع استئذن انا يابنتي وانت يازين خد بالك من سلطانه وحطها في عينيك يا بني مش هوصيك.

زين بابتسامه متكلفه في عنيا يا خالي ...

و دعوه سلطانه و زين ..

يتبع .