رواية احببتها بشدة ولكنها لم تحبني الفصل الخامس 5 بقلم ياسمين محمد
اهلا بكم في مدونة مكتبة حواء نقرأ لكم ونكتب من اجلكم
الفصل الخامس
في صباح يوم باكر صحيت نرمين وجددت وضوئها وصلت الصبح وطلعت فطرت مع سوسن
اما تحت عند يوسف لاقي الباب بيخبط جامد باب الاوضه بتاعته صحي مخضوض وفتح بسرعه
يوسف بخضه:اي مين حصل ايه قولي بسرعه
ريناد فضلت تضحك علي شكل يوسف المخضوض:مالك مالك اهدي مفيش حاجه عارفه ان نومك تقيل ذي دماغك قلت اهزر معاك كدا واصحيك 
يوسف وهو بيمسح وشه بايده:امشي من وشي دلوقتي
ريناد وهي بتزقه لجوه:خلصت البس عشان الشغل
بص يوسف علي لبسها وقالها وهو مستغرب:اي الحلاوه دي ي بت
ريناد بضحك:طول عمري حلوه يا حبيبي خلص بقي وسبته وراحت علي المطبخ تحضر الفطار مع عايده
دخل يوسف الحمام وخد شاور وراح لبس هدومه وظبط نفسه
عايده دخلت علي محمد الاوضه عشان تصحي من النوم: محمد انت يا منيل اصحي
محمد بضيق:عايزاه ايه امشي اطلعي برا
عوجت عايده بوقها: قوم يامنيل انا امك
محمد بتافف:ايوه وبقولك اطلعي برا انا هقوم لوحدي
خرجت عايده من الاوضه وهي بتقول في سرها:جالك الاقرف نكدي ذي ابوك الله يرحمه
قام محمد وبص ف الفون لاقي مكالمات من نرمين لم يتم الرد عليها ..قال ياااه لو تعرفي حبي ليكي يانرمين هتخجلي من نفسك اوووي
قام وخد شاور ولبس هدومه وخرج لقائهم قاعدين علي السفره بيفطرو ريناد وعايده ويوسف
خرج من غير ما يتكلم مع حد وقعد يلبس الشوز بتاعته
ريناد:طب قول صباح الخير
عايده بضحكه مستفزه;:وهيجي الخير منين دا من ساعه ما نزل من عند العقربه سوسن وهو مكشر كدا
اتنهد محمد وفضل ساكت تلفون البيت رن راح فتح: الوو يا حبيبتي عامله ايه
-كويسه والله وانت طمني عنك وعن نرمين
محمد:كويسين والله وانتي جوزك والعيال
-الحمدلله جايين عندكم انهارده
محمد بفرحه:علي الساعه 7 هكون موجود
-واحنا كمان يلا سلملي ع الكل
محمد:بيوصل وقفل السكه
عايده:مين
محمد: بنتك هيكون مين وجايه الساعه7
وبتسلم عليكم وفتح باب الشقه وخرج رايح شغله...
وهو نازل سمع صوت
نرمين بخجل:محمد
محمد قلبه دق:صباح الخير ي نونو
نرمين: صباح النور رنيت عليك بس مردتش عليا
محمد: اه كنت نايم كنت لما اوصل الشغل هرن عليكي
نرمين بخجل:اتفضل دي
بص محمد علي الورقه اللي ف ايديها :اي دا
نرمين:لما تروح الشغل شوفها
ابتسم محمد ليها ابتسامه صادقه وبحب: اختي جايه انهارده ابقي انزلي وسالت عليكي
ابتسمت نرمين وقالت حاضر وسبته وطلعت
محمد:يخربيت ابتسامتك بتجنني
ونزل ركب عربيته وراح الشغل
اما جوه قامت ريناد تظبط المكيب بتاعها وقام يوسف لبس جاكته ووقفت ريناد تظيط الجرفته بتاعته وهو بيبتسم ليها وعايده عماله تبص عليهم بخبث لفت ريناد لعايده وقالت وهي بتغمز لها:ماما عايده ذي ما اتفقنا هعمل
ضحكت عايده وقالت:ماشي ي حبيبتي ابقي طمنيني بقي
كان يوسف واقف بيراقب الموقف ف انتباه شديد وقال:يلا ي ريري ومسك مفاتيح عربيته ونزل وريناد نزلت ورا
فوق عند سوسن كان قاعده قدام التلفزيون وبتتفرج علي مسلسل الزوجه الرابعه دخلت عليها نرمين وقالت:مسلسل قديم اووي ي سوسو وغير كدا اتفرجتي عليه 20مره اي مزهقتيش منه
سوسن بضحك:والله لو مفيش غيره هتفرج عليه برضو
ضحكوا الاتنين مع بعض واتكلمت سوسن بعد ما وطت صوت التلفزيون:بت يا نرمين
نرمين: اممممممم
اكملت سوسن كلمها;:الواد محمد نزل مضايق ليه امبارح
اعتدلت نرمين في قعدتها: اصل
سوسن بنتباه:اه هي فيها اصل احكي احكي
نرمين بخجل:اصله شاف رسوماتي ليوسف وشكله عرف اني بحب يوسف بس متكلمش سبني ونزل
سوسن في سرها:ياعيني ي محمد وعلي قلبك اللي اتجرح
نرمين:اي روحتي فين
سوسن بتركيز:معاكي اهو وبعدين
نرمين:ولا قبلين يعني محمد هيزعل ليه عشان بحب يوسف مهو بيحب ريناد ومحدش اتكلم
سوسن وظهر عليها الضيق:ريناد اي دي هي مش عاتقه لا يوسف ولا محمد المهم قولي مين قالك ان محمد بيحب ريناد
نرمين بحزن:عمتو عايده
سوسن: يخيبك سيبك منها دي بتغيظك يا عبيطه
نرمين بعدم فهم:وتغظني ليه
سوسن بنفاذ صبر:صبرني يارب انا قايمه اطبخ
فضلت نرمين قاعده مكانها ترسم.
في مكان تاني في التجمع الخامس في شركه من اكبر شركات في مصر
يااااااا ميه مرحب ياعم فينك كدا
محمد بتنهيده:اهو موجود هروح فين بقولك اي ي حسين
حسين: تحت امرك
محمد:مش المدير كان طالب موظفين جدد للشركه
بعد ما وصل يوسف وريناد الشركه فضل واقف بعربيته قدام الشركه
يوسف وهو بيبص لريناد بتنهيده:يابنتي انتي حلوه وذي القمر من غير حاجه
ريناد وهي بتظبط الميكب بتاعتها وبتبص للمرايا :لا انهارده يوم عالمي عالمي اوووي يا جو
يوسف بتذكر:صح اي النصحيه اللي هتعملي بيها للي امي قالتلك عليها
ابتسمت ريناد وقالت:انهارده هصارح نادر بحبي
يوسف برتباك:نعم لا طبعا دي اسمها قله حياء فين حيائك وخجلك
ريناد بتافف:اووووف انت في عصر اي ياجو الدنيا اتطورت والدنيا اتغيرت فوق بقي لنفسك انت قديم اووووي
يوسف: طب مش خايفه يرفض حبك ويعتبرها قله ادب منك
ريناد ببتسامه: لا مش خايفه وسبته ونزلت من العربيه
ويوسف قلبه بيرجعه من كلامها فاتنهد ونزل وراها وهو مش مصدق ان ريناد بعد كل السنين دي تكون لغيره بعد ما ادها كل الحب والحنان والاهتمام ونسي نفسه عشانها ف الاخر تكون لواحد تاني، دخل الشركه وراح مقر عمله
الساعه الان السادسه مساءا
يوسف كان واقف قدام الشركه بعربيته كل ما يرن علي ريناد تكنسل عليه وفاجاه شافها وهي بتجري من الشركه ناحيه عربيته وهي بتعيط نزلها بسرعه جدا وحضنها وقالها:مالك بتعيطي ليه حد كلمك قوليلي وانا مش هسيبه
ريناد اتكلمت وهي بتشنق:نادر نادر ي يوسف
بلع يوسف ريقه: طب اركبي واحكيلي
ركبت ريناد وركب يوسف وساق وفي الطويق بداءت ريناد تحكيله:انت متخيل ان نادر رفضني ي جو
يوسف برتياح لم يظهره:منا قولتلك ي ريناد مسمعتيش مني
ريناد ببكاء:فكرني بعرض نفسي عليه
يوسف بضيق:خلاص انتي متروحيش الشغل تاني عشان متتاثريش بيه
ريناد: لا طبعا هروح وهبين انه هو اللي بالنسبه ليا نزوه كدا واني قويه
اتنهد يوسف وسكت
في البيت كانت الساعه 6:45
الباب خبط فتحت عايده:اه هو انتي اهلا ادخلي
دخلت نرمين وقفلت الباب وراها:عمتو محمد كان قالي الصبح ان مروه جايه مع اشرف جوزها هي لسه مجتش
عايده وهي قاعده قدام التلفزيون:لا لسه
قعدت جنبها نرمين وقالت:طيب عندك حاجه تحبني اعملها عشان مروه
عايده:شكرا
الساعه دقت 7الباب خطبت قامت نرمين تجري علي الباب وبتقول مروه جت
عايده ضحكت ضحكه سخريه :هبله ذي امك
فتحت نرمين الباب وهي مبتسمه :اهلا مرو
اه اسفه فكرتكم مروه واشرف
دخلت ريناد وهي بتبكي وحضنت عمتها ودخل يوسف وراها
عايده بخضه:مالك يا ريري ي حبيبتي مالك بس
كانت نرمين قاعده علي الكرسي متاثره ببكاء ريناد اتكلم يوسف وقال:اظاهر خطتكم فشلت وسبهم ودخل اوضته
كانت نرمين متابعه كل حركه يوسف بيتحركها بتحاول ع قد ما تقدر تحفظ ملامحه اللي هي حافظها عن ظهر قلب
عايده بصت علي نرمين وقالت:معليش يا حبيبتي يانرمين اسالي يوسف هيتغدا دلوقتي ولا لا
ابتسمت نرمين وقالت: حاضر ياعمتو
بعد ما راحت نرمين علي اوضه يوسف
خرجت ريناد من حضن عمتها:ليه بتخليها تروح عند يوسف
عايده بضحكه خبث:عشان يكسر قلبها للمره المليون
حضنت ريناد عمتها تاني وفضلت تبكي: حببتي ياعمتو
راحت ريناد اوضه يوسف وخبطت بخجل فتح لها يوسف وهو عاري الصدر ومن غير ما ياخد باله فتح الباب وقال ادخلي وهو مفكرها ريناد
رفعت نرمين راسها وشافته وهو عاري الصدر حست بخجل فوطت واسها للارض تاني:انا اسفه بس عمتو قالتلي اسالك لو كنت هتتغدا دلوقتي
اتحرج يوسف منها دي المره الاولي اللي نرمين تخبط عليه اوضته وتدخل:اه ماشي ي نونو
خرجت وهي قلبها بيدق جامد اوووي وكانت فرحانه
دخل يوسف خد شاور علي ما نرمين تجهز الغدا
الساعه بقت 7:30
جهزت نرمين الغدا وداخله بيه عند يوسف شافت الباب مفتوح فتدخلت ع طول وحطت الصينيه علي التربيزه وفضلت واقفه تتفرج علي صور يوسف اللي متعلقه خرج جو من الحمام وهو لافف فوطه في النص الاسفل وكان بينشف شعره
يوسف بخضه:نونو انتي هنا
نرمين باحراج:اه ايه انا كنت خارجه دلوقتي انا بجد اسفه
دخلت ريناد في الوقت دا وقالت:جو حبيبي وحضنته كانت نرمين واقفه مستغربه للدرجه دي البنت دي وقحه كدا ومعندهاش حياء خالص
جرس الباب رن اتكلمت نرمين وقالت:هشوف مين بعد اذنكم
راحت تشوف مين وسابت ريناد ويوسف
فتحت الباب شافت محمد ومروه ومعاهم اشرف والاولاد سلمت عليهم ودخلوا راحت عشان تقول ليوسف ان اخته جت
وهي واقفه عند الباب شافت يوسف قاعد وريناد قاعده جنبه وهو حضنها وهي بتقوله شوفت اللي حصل ي جو انا محتاجه اغير جو شويه تعال نتطلع الساحل اي رايك
يوسف ببتسامه:موافق ي مزتي بس تنسي نادر خالص وركزي في ناس بتحبك اووووي بس ركزي يا ريري
كانت ريناد مبتسمه وهي بتكلمه: ثصدك علي مين ياحبيبي
غمض يوسف عينه وقالها:ريناد انا بحبك وبحبك من زمان اووووي
فتح عينه لاقها لسه مبتسمه: كنت عارفه انك بتحبني ياجو بس ليه كنت ساكت كل دا
سبتهم نرمين وهي عيونها مليانه دموع وخرجت بسرعه علي باب الشقه شافها محمد وهي بتبكي
محمد بقلق:نرمين نرمين
