رواية هواك اذلني الفصل الخامس 5 والاخير بقلم سارة العلي

بيركد لعندا

بتكون عم تتأوه

أوس:آسيا..آسيا ردي عليي

مافي ولا حرف بس عم تتأوه

بينزلو البقية وبيركدو وبلويل ليقدرو يبعد الناس ويقربو لعندن

ميلا بتصير تبكي وقت تلاقي دم وايدين أوس كلهم دم

أغيد بعصبية:لك شو عملتلا..لك ليش هيك عم تعمل بلبنت

أوس بيرفع عيونو عليهن وكلن دموع موجوع ومكسور:لك اتصلو بلاسعاااف..أغيد بترجااك آسيا رح تروح من بين ايديي

دقايق وبتصير الاسعاف عندهم بيحملوها بلحمالة وبيركدو علسيارة وبيلحقهم أوس..لسا صاحية وعم تتوجع

أوس:آسيا ياقلبي اوعك تنامي ضلي صاحية.. الممرضين عم يحكو مع بعض:عم تنزف كتير..لازم نوصل قبل مانخسر المريضة

أوس:لا ياربي لا..آسيا لا تتركيني..انا السبب

بيوصلو علمستشفى كلهم خايفين ومتوترين وفوراً بفوتوها علعمليات...بعد وقت قصير بتجي ممرضة بتقلهم:ياجماعة البنت لازمها دم مين زمرتو متطابقة معاها(+A)

أوس:أنا...أنا بتبرعلا يلا قولي شو لازم اعمل

الممرضة:أمشي معي

شوية وقت وبيمرء ولسا مابيعرفو شي عنها

وبعد ساعة بينقلوها علعناية المشددة..بيمرء وقت محدد وبيسمحو لشخص يزورا وأول شخص بيفوت أوس

بيقرب منها..وقت بشوف وجها اصفر وهادية تماماً بدمعو عيونو بيلمس شعراتا..وبيمسك ايدا

أوس:سامحيني..آسيا بترجاكي سامحيني رجعيلي.. هلوقت القصير مابتعرفي اديش كان طويل بلنسبة ألي..حتى النفس عم يطلع من صدري بلويل..ماتوقعت أني...أني بحبك لهلدرجة.. بيمرء هليوم والتاني وبتصحا آسيا..ونقلوها عغرفة عادية ليزوروها قرايبينها...كانت ماعم تحط عينها بعينو بنوب وهاد الشي يوجعو اكتر تجاهلتو تماماً هيك لحتى خرجوها من المشفى..

صار هو ينتبهلا ويعتني فيها..وقت كانو لحالهم،قالتلو

آسيا:بكفي هلقد شفقة،فيك تخلي أي شخص يعتني فيني

أوس:لا مستحيل انا بس يلي رح كون قريب منك

آسيا:ايي يعني الشفقة تحولت لتأنيب ضمير..صح؟

أوس:مو تأنيب ضمير...وجع هون جوا القلب

آسيا:ليش عندك قلب؟؟

أوس:لا كان صاير معو سكتة ..وانتي صرتي ألو متل صعقات الكهربا..وصحيتيه

سكتت...

أوس بيرفعلا راسا وبيحط عينو بعينها:لا تسكتي..اديش كنت قاسي لحرقت هلوردة وخليتا تدبل هيك

آسيا:فوق ماتتصور..

بيمسك ايدها..بترتعش

أوس:كل هاد بتخافي مني

آسيا:بحياتي ماخفت منك

أوس:اوف..مع كل يلي عملتو؟

آسيا:لأنو بعرف أنك عم تمثل القوة

أوس:بس انا جرحتك كتير..

آسيا:ومو عارفة كيف رح اقدر سامح..

أوس:يلي بحب بيسامح.

آسيا بتطلع فيه باستغراب:يعني بيجي يوم وبتسامح سلمى؟

أوس:ماعاد مهمة لدرجة اني سامحا أو لا..

آسيا:غريب.. أوس:شو الغريب؟

آسيا:هي أول مرة بذكر اسمها ومابتنفعل ولا بتدايق

أوس:قلتلك صارت برا حياتي لدرجة ماعاد شي بخصا بهمني..لأنو صار في شي أهم واستحوذ كل تفكيري وكل ...

آسيا:كل شو؟

أوس:كل مشاعري وملك قلبي كلو..

آسيا:أوف..

أوس بيمسك ايدها وبشما بعمق وببوسا..:آسيا..أنا حبيتك

آسيا بتسحب ايدا:بهلسرعة؟بهلبساطة؟بس لأنو كنت رح موت

أوس:هسسس بعيد الشر..هاد يلي خلاني اعرف مكانتك بقلبي وكلشي كنت عم اعملو غصب عني ومابعرف كيف حاكيكي هيك..

ماكان في اي ردة فعل منها

أوس:ليش صرتي باردة هلقد؟معقول بردت مشاعرك تجاهي

آسيا:ممكن لأنو دمك صار بعروقي،واخدت هلطبيعة منك

بيطلع فيها بشوفا عم تبتسم وبتحاول تخبي

بيبروم وجها وبيقلا:..كنت متوقع أنك رح تسامحيني..لأنو العشق اكبر بكتير أنو نقدر مانسامح يلي منحبو او نتخلى عنو

بيقرب منها وبيضما..وبياخد نفس كبير من ريحتا:ااخ يابنت شو عملتي فيني..آسيا أنا بحبك كتير

الفرحة خلت قلبها ينبض من جديد...يمكن هاد أول يوم بتفرح فيه من زمان كتير بتقضي اليوم كلو وهية بحضنو حتى غفيت بين ايديه..كانت أول ليلة بتنامها بسلام..بدون كوابيس ولا حزن

وهيك بتمرء ايامهن..والكل بينتبه علتغيير الكبير يلي صار أما عند ميلا وزياد هني قررو يحكو للكل انهن بحبو بعض..وأجا طلبها وانخطبو😍

بس وينن رايحين..مافي شي بلا عذاب،وبيوم بتتصل سلمى ب آسيا

آسيا:ايوا مين معي

سلمى:انا بنت رح تحكيلك معلومات كتير مهمة..وفيكي تتأكدي اذا رحتي بعد ساعة عمكتب زوجك..

آسيا:شو عندك احكي بسرعة مو فاضيتلك

سلمى:زوجك رجع لعلاقتو السابقة مع حبيبتو وحبيت خبرك وبرجع بقلك روحي وتأكدي بنفسك

آسيا بتصير تتخبط بأفكارا..ومابتعرف شو تعمل،تروح؟أو لا؟

ياترى ثقتا بأوس كافية ولا لسا عندها شك

ماقدرت..هلوقت القصير مااثبتلا أوس ابداً انو قد هي الثقة،لذلك طلبت من الشوفير ياخدا علشركة.. بلشركة

أوس:تفضل

السكرتيرة:استاذ في صبية بدا... بتبعدا سلمى وبتفوت:له ياأوس هلأ انا بدي أذن لشوفك

أوس:انتي شو بدك شو جابك لهون؟

سلمى بتسكر الباب بتشلح جاكيتها وبتأعد:بدي ياك

أوس:لا حول ولا قوة الا بلله لا تجننيني،طلعي من حياتي..طالعتك من راسي ومن قلبي لذلك طلعي من حياتي

سلمى:مستحيل،انت كذاب ومافيك تطالعني من قلبك

أوس:مبلا طلعتي،بتعرفي ليش..لأنو في انثى حقيقية وصادقة وبتحب بقوة ملكتو وصار الها وبس

سلمى بتعصب..:كذااب مستحيل تقدر تنساني

بتوقف وبتقرب منو:عشقك ألي مابينتهي،نسيت هلكلام؟

أوس:خيانتك حرقتو حرق لهلحب الغبي

سلمى:وهلوقت كلو ماقدر ينسيك..ومحاولاتي كلهن وذليت نفسي الك كتير..كل هاد وماقدرت تنسا

بيسكت وهية كل مالها بتقرب منو بتبرملو وجهو تجاه وجها تماماً:تطلع بعيوني أوس..حط عينك بعيني وقولها،لسا بتحبني أو لا؟

بيتطلع بعيونها مباشرةً وهي عم تقرب..

أوس:لأ..أنا مابحبك ولا بكرهك وانتي ولا شي بنظري..أنا بعشق بنت وحدة يلي هية... وقبل مايكمل بنفس اللحظة بينفتح الباب وسلمى بترتمي بحضنو..بيلمح آسيا علباب..بيرميها من حضنو بسرعة وبيركد عند آسيا يلي عيونها كلهن دموع

أوس:آسيا عمري بس سمعيني

آسيا:هسسس ولا حرف

بتتركو وبتركد علسيارة وبتطلع فوراً علبيت

بيرجع لعند سلمى:بتعرفي انك احقر انسانة بشوفها بحياتي..لك لأي درجة وصلت وساختك مابعرف..

بياخد جاكيتو وموبايلو وبيركد ورا آسيا وسلمى عم تضحك ضحكة انتصار..بتطلع من الشركة بتلتقى بلشب نفسو يلي كان معا من زمان ..:شو صار

سلمى:انسى،الظاهر عنجد عشقانا بس المهم نكدت عيشتهم..منشوف غيرو😉🤣 بتفوت عغرفتا وبتصير بتبكي..هية كم دقيقة وبصير وراها أوس بسكر الباب وبيقفلو وبياخد المفتاح..

أوس:سمعيني بس

آسيا:أوس طلاع من هون كرمال الله،،والله تعبت محتاجة ابقى لحالي

أوس:وانا مارح اتركك لحالك..ولازم تسمعيني آسيا هية لعبت كل هللعبة ومابعرف شو بدا

آسيا:لعبت لعبة..شو وصلها لحضنك وانت لسا آعد؟هيك فجأة بتفوت وجاكيتها بتشلحو وبتصير بحضنك؟اكيد صرلكن وقت مع بعض

أوس:انا كنت عم حاكيا بس لحتى خليا تطلع من حياتي

آسيا وهية عم تبكي:آسفة أوس..عنجد مو قادرة صدقك انت كذاب..وقلتلي انو البحب بسامح ولهيك انت سامحت سلمى

أوس بعصبية:انا مو كذاب

آسيا:أوعك تصرخ..لاتفكرني لسا ضعيفة،لهون وبس...عنجد انت شخص بتستحق الخيانة ومو مرة..مية مرة

مابيتحمل كلامها بيرفع ايدو وبيضربها

وقفت مصدومة...مكسورة وموجوعة بيقرب منها خطوة بتبعد عنو تنتين وبتأعد بلأرض..

أوس:آسيا ...آسف

آسيا:طلقني

أوس بينصدم..بترجع بتقلو:هلأ بتطلقني انا ماعاد فيني اتحمل..فتاح الباب

أوس:مارح افتحو بترجاكي سمعي

بتصرخ:لك فتاااح البااب..طلاع من حياتي خلصص ماعاد تحملتك فتلحي الببااب..انا بكرههككك

بيفتحلا بتطلع والكل بيكون متجمع عصواتها..وفوراً بتهرب عغرفتا القديمة وبتقفل الباب..

بعد ساعة تنتين تلاتة..ماعاد يتحمل أوس

عامر:اعود مكانك مابتقرب عليها عم تفهم..لاحدا يروح لعندا لتفتح لحالا..

ميلا:أنا برأيي نخبر زياد ممكن ترتحلو

أوس بيعصب بزيادة:لك شو يعني زياد انا زوجها عم تفهمو ولا حدا يتدخل

بتطلع بوجهو آسيا:كنت زوجي وهلأ بطلت..لأنك رح تطلقني وارجع عبلدي..

أوس:مستحيل..مستحيل خليكي تروحي عمكان

عامر بعصبية:لك خلصنا انت وياها..كل واحد عغرفتو ولا تطلعو منها لحتى انا خبركم عم تفهموو

كل واحد راح بطرف..بس أوس فضل أنو يروح عغرفتهم وتسطح علتخت مسك مخدتها وصار يشما..وجواتو ندم كبير علي عملو فيها..كيف عم يكسرا هيك..وكيف رح تثق فيه بعد هلعملة.. مر يومين عهلحالة زياد حاول يتدخل بس عامر منع أي شخص يتدخل..بعد هيك سمحلن يتقابلو

عامر:شو قررتي ياآسيا؟

آسيا:بدي سافر..

عامر:وحضرتك أوس شو رح تعمل..

أوس:بدي سافر..

الكل بيتطلع فيه مستغربين..عامر بيسألو لوين..

أوس:محل مارح تسافر آسيا..عسوريا

آسيا:انت مجنون شي؟؟بدك تروح فيها يعني...

أوس:مو مهم..المهم انك تعرفي قبل ماتطلعي خطوة برا البيت رح كون سابقك ومنلتقى هنيك ماشي

بصيرو يضحكو عليهن أغيد وميلا..

عامر:الظاهر انتو ماتأدبتو..وانا رح اعرف كيف ربيكن

آسيا:عمي..بدي احكي معك لحالنا،ممكن

أوس:بابا انا الاكبر وانا يلي رح احكي أول معك

آسيا بتنرفز منو:يعني انت وبعدين معك شو مابدي اعمل بدك تقلدني.. أوس بيغمز لأبو بدون ماتنتبه آسيا..بيقول عامر:خلص أوس لحقني لشوف شو عندك

آسيا بتعصب كتير وبترجع عغرفتا

بعد ربع ساعة من حديثن

عامر:اذا ممكن تلاقي نتيجة..عميل يلي بريحك،وبتعرف ليش رح اسمحلك..لأنو هلمرة مصدق انو سلمى لعبت عليك..بس انت غلطت وقت مديت ايدك ع آسيا

أوس:بعرف..وبوعدك رح خليا تسامحني

عامر:الله يوفقكم ياابني ويسعدكم

بتفوت ميلا لعندا..

ميلا:كيف صرتي

آسيا بتاخد من ميلا العصير:منيحة ياعمري لاتاكلي هم..طلع أوس

ميلا:لسا..قصدي أي طلع بس بابا قال بكرا بحاكيكي يعني صار عندو شغلة

آسيا:تمام،وكيفك انتي وزياد..اكيد خربنا فرحتكم

ميلا:لايعمري المهم تكوني بخير..صدقيني أوس تغير وبحبك كتير ونحن لاتاكلي همنا بس تهدا الاوضاع رح نحدد موعد الزواج

آسيا:الله يوفقكم.. بتتركا ميلا وبتطلع..بتحط راسا علمخدة وبتنام.. ""بتصحى فوراً بتركد بدا أوس

ميلا بحزن:آسيا آسفة أوس سافر،قال بدو يسافر قبلك ويستقبلك

آسيا بقهر:لك كيف بيعمل هيك..لك هو مابيصير يخطي جوا البلد

بيجي اتصال لريم..بعدا بيسمعوها عم تبكي وتنده أوووس.."" بترمح آسيا وبتصحا....بقلق وخوف بتشوف أوس قدام عيونها..آسيا بخوف:أوس انت مامتت؟..هاد انت ولا عم احلم

أوس بيضحك:لا خيالي..لمسيني حتى تتأكدي

بتلمس وجهو:لك والله انت..بس شو صار انت ماسافرت

أوس:ههههه لا ياهبلة ماسافرت مجنونة انتي معقول غامر بحالي وفيكي وسافر بس اكيد رجعتلك الكوابيس..انتي كنتي عم تحلمي

بتطلع حوليها كان مكان غريب..آسيا:وين أنا بلجنة

أوس:أي هههه بعد مامتت اخدتك معي

آسيا:بس المفروض انت تكون بجهنم😏

أوس بيمثل الحزن:معقول بتسخي بهلشب الحلو

آسيا:هأ مستحيل

بيضحك وبيضما بقوة،بترجع بتبعد عنو..

آسيا:بس كيف وصلت انا لهون..كأنو نحن ببيت علشاطئ سمعانة صوت بحر

أوس:هههه ياستي انا اتفقت مع ميلا لتشربك عصير وفيو منوم..وهيك نمتي وجبتك لهون..وماعذبتيني بنوب كان نقلك كتير سهل لأنو كلك شبرين ونص

بتضربو عكتفو:شو غليييظ

بيقرب عخدا وببوسا:بعششققققك

آسيا:اي وانا كمان

بيحملا وبيفتل فيها وبيصيح بأسما وبيقلا انو هو بحبا كتير

بعدا بتتسطح بحضنو وهو بيتسطح جنبا بيسرح فيها وبيقرب منا

وبعد مايمرء يومين...وهنن عم يلعبو علشاطئ بتأعد آسيا لأنو تعبت كتير:افف اديش صرلي ماضحكت هيك

أوس:الله يقدرني وخليكي تضحكي عطول

آسيا:ياعمري انت(بتتسطح بحضنو)

آسيا:طيب ايمتا رح نرجع..لازم نزوج زياد وميلا

أوس:لاتخافي طول مانحن بعاد عنن هنن مكيفين واكيد حددو الزواج ونحن منبقا مننزل منحضر ومنرجع

بدي قضي عمري كلو معك هون..لأنو هون حسيت بطعم الحياة هو ملكتك كلك وصرتي الي وحدي

بتخجل من كلامو بترجع بتضمو.. هيك بيبقو وأول مابيسمعو خبر انو تحدد الزواج بيرجعو..كانت ميلا كتير مبسوطة بزياد وصار العرس..وهي أغيد كمان عترف للعيلة عن حبيبتو..يلي كانت صديقتو المجهولة وقرر يخطبا

واحلى خبر سمعو بحياتو أوس وقت آسيا خبرتو أنها حامل...وبنظرو هلأ بديت حياتو..وسعادتو وهو بيملك اروع انسانة بلكون

‬‏#هواك_أذلني #الخاتمة

كانت مجرد قصة..مابعرف إذا فيها عبرة معينة..

كل شخص ألو نظرتو وبحدد إذا اخد منها عبرة أو لا.. بس برأيي الأفضل الانسان مايحب بقوة بدون مايتأكد من مشاعر الطرف التاني..لأنو رح يتوجع كتير

وشغلة تانية الانسان مابصير يحكم من تجربة وحدة بحياتو..ومو يعني اذا قابل انسان خاين معناها الكل خاينين....أو كتير تفاصيل مو معقول الناس كلها متشابهة

بس الأهم يصير يعرف يختار الصح من الغلط.. وبكفي لاتوجعو قلوب حبت بصدق..لأنو الله اعلم بقدر الوجع يلي جواتها من غير قصص

بتمنى تنال اعجابكم..هلقصة تعبت فيها مو بسبب الاحداث او هيك..بس لأنو كتبتها بوقت كتير قصير..ان شاء الله يكون ماأثر هاد الشي عطريقة الكتابة بشكل سيئ

بتمنالكم حب حقيقي صادق يستاهل قلوبكم الطيبة💙

إلى اللقاء بقصة جديدة🤗😉 #سارة_العلي💙