رواية احببتها بشدة ولكنها لم تحبني الفصل الثاني 2 بقلم ياسمين محمد
اهلا بكم في مدونة مكتبة حواء نقرأ لكم ونكتب من اجلكم
الفصل الثاني من احببتها بشده ولكنها لم تحبني
بقلم 
ياسمين محمد
راحت سوسن ونرمين ومروه واشرف ومحمد عند المقابر عشان يقروا الفاتحه ل علي ابو نرمين وفاطمه بنت سوسن
وقفت نرمين قدام قبر ابوها وقراءت الفاتحه وفضلت واقفه تسكي همها لبوها في سرها وتقوله شايف يابابا اللي بيحصل في قلب بنتك بقيت وحيده في الدنيا مليش حد غير ربنا وسوسن قلبي يا بابا مدمر بسبب الحب فضلت طول عمري مخبيه حبي علشان ربنا يرزقني حلاله من الانسان اللي بحبه بس للاسف يا بابا طلع بيحب واحده تانيه ربنا يرزقنا الحب الحلال يارب
جه محمد في الوقت دا وقراء الفاتحه لعمه وبعدها بفتره مشيوا كل واحد علي بيته مشيت مروه واشرف علي بيتهم ومحمد وسوسن طلعوا العماره ودخل محمد شقته عند عايده ويوسف ودخل نرمين و سوسن شقتهم ،
بعد ما دخل محمد لاقي امه عايده ويوسف وريناد قاعدين بيتفرجوا ع فليم كوميدي
محمد بتنهيده:السلام عليكم ورحمه الله وبركاته
الكل:وعليكم السلام ورحمه الله وبركاته
عايده بتريقه:مالسه بدري يابيه
محمد بص في ساعته:فعلا لسه بدري لسه ٦ المغرب
عايده بتافف:رايحه اعمل فشار علي ما الاعلان يخلص
قعد محمد وكل شويه يبص في تلفونه
لاحظه ريناد فقالت:مالك يا محمد سرحان ومش معانا ليه
محمد بضيق:ملكيش دعوه
عايده :متزعليش يا بنتي هو كدا
ريناد والدموع بتتجمع في عيونها:بس هو بيعامل نرمين احسن مني يا عمتو
محمد اتكلم بنرفزه:وهو مش مكفيكي لامت امي ويوسف حوليكي يوسف كدب علي نرمين ومجاش الحفله عندها عشانك مع انها عزمته قبلك وانتي كدبتي عليها عشان متحضرش ليكي الحفله
اتجمعت الدموع في عيون ريناد وسبتهم وخرجت برا الشقه بسرعه
عايده بصوت عالي:عجبك كدا انت مبتحسش ابدا
قام يوسف يجري ورا ريناد من غير ما يكلم اخوه ولا كلمه
جريت ريناد علي شقتها اللي قدام شقه نرمين وطلع يوسف خبط عليها :افتحي يا ريناد محمد ميقصدش يزعلك افتحي يا قلبي بقي
فتحت ريناد وهي بتبكي:هو مش بيحبني يا جو مش بيعتبرني اخته ذي منتا بتعتبرني حتي في الحفله كله راح عند نرمين مبقاش ليا غيرك انت وعمتو عايده
يوسف بحب وقلبه وجعه اوووي من كلامها يااااه للدرجه دي معتبراني اخوكي محستيش بحبي ابدا يا ريناد فاق علي شهيق بكائها:خلاص خلاص متزعليش هجيبه لحد عندك يعتذر احبش اشوف الدموع دي يا وردتي
حضنته ريناد :بحبك يا جو اووووي يلا انا هدخل ارتاح شويه باي ودخلت وقفلت الباب.
فضل واقف شويه قدام الباب بيشم ريحتها اللي لسه موجوده وقلبه دايب
فتحت نرمين الباب اول ما اتاكدت ان ريناد دخلت وقفلت الباب خرجت تطمن عليه :ازيك يا يوسف عامل ايه
يوسف وهو باصص في الارض: الحمدلله اخبارك انتي معليش نسيت اقولك الف مبروك بجد يا نونو محروج منك
نرمين فهمت يقصد ايه بفقالت بسرعه كلام وفي عيونها حب وشوق:ولا يهمك يا يوسف احنا برضو ولا عم ومينفعش نزعل من بعض
بص يوسف في عيونها لحظه ورجع بص في الارض :هنزل انا بقي انام عندي شغل بكرا تصبحي علي خير
نرمين بحب:وانت من اهل الخير يا يوسف
نزل يوسف وهو مكدب عينه نزل ودخل لاقي امه قاعده ومش طايقه محمد
محمد اول ما شافه:اي تبطبط عليها يا جو
يوسف بضيق:اسكت يا محمد خلاص
محمد بزعيق:لا مش خلاص انا مش بطيق البت دي ومش عايزها هنا ولا اشوفها هنا
يوسف بغضب:لا هتشوفها هنا وهتشوفتها كتير دي بنت عمنا يا محمد وملهاش حد غيرنا
ضحك محمد بتريقه:فعلا ملهاش حد غيرنا من واحنا صغيرين وانت وكدا وبتقول كدا فضلتها ختي علي اختك مروه بعدها سابو ودخل اوضته
قعد يوسف وامه قعدت جنبه:سيبك منه يا يوسف عيل ميعرفش في الاصول
قام يوسف ودخل اوضته ونام علي سريره بيفكر في محببته ومعشقته بيفكر قد اي بيحبها وبيحب غرورها وجمالها شعر الاحمر ووجهها الابيض وغمازتها الحلوين بعدين اتبدلت الصوره من ريناد الي نرمين ونظره عيونها اللي كانت مليانه حب وكلم يوسف نفسه :لا مستحيل تكون نرمين بتحبني مستحيل بعدها غمض عيونه ونام
عند نرمين فوق بعد ما صلت وقعدت تدعي ربنا انه يجمعها بحببها يوسف دخلت عليها سوسن
سوسن ببتسامه:الحلو بيعمل ايه
نرمين لامت المصليه من علي الارض مفيش يا سوسن كنت بصلي
سوسن قعدت علي السرير :تعالي اقعدي يا نونو تعالي
قعدت نرمين علي السرير :اممممم خير بقي
سوسن :بصي من غير مقدمات كتير انتي بتحبي يوسف صح
احمر وجه نرمين :بصراحه ايوه بحبه من زمان اوووي
بس هو ديما مهتم ب ريناد معرفش ليه ديما كان يهملني انا ومروه كنا بنقول ممكن عشان ريناد اهلها ماتوا واهو مروه ربنا رزقها ب اشرف عوضها عن كل حاجه ربنا يحميهم يا سوسن وانا مستنيه حبي بعدها بصت علي وجه سوسن اللي كان مبتسم
اتكلمت سوسن وقالت:عليكي بقي وعلي قيام اليل والدعي الدائم بس ربنا هيرزقك باللي يستهلك يا نونو ومتزعلش لو ربنا رزقك بانسان تاني اتفقنا
اختفت الابتسامه من ع وجه نرمين:حاضر
قامت سوسن وخرجت برا الاوضه نامت نرمين علي جنبها والدموع بتنزل من عيونها ليه يا يوسف من بتحبني ليه لازم يعني ابين شعري واحط ميكب والبس ضيق عشان الفت نظرك استغفر الله العظيم واتوب اليه.
احببتها بشدة ولكنها لم تحبني.
بقلم ياسمين محمد
الكَلمآت عندمآ نخبئهآ في انفسنآ , تؤثر عليها حرارة الكتمان ف تتبخر وتتكثف على عتبات الاعين ثم تسقط على هيئة دموع..
قامت نرمين من سريرها كان وقت الضهر جددت وضوئها وصلاه الظهر ولبست هدومها ولفت طرحتها وهي خارج من اوضتها
نرمين بحب:صباحوووو يا قمر
سوسن وهي قاعده علي الكرسي:صباحووو ايه دحنا بقينا الضهر يختي بقولك تعالي اتفرجي على مسرحيه العيال كبرت معايا
نرمين وهي بتفتح باب الشقه:لا نازله عند مرات عمي عايده وخرجت وقفلت الباب وراها
سوسن جوه اتنهدت وقالت :ربنا يريح قلبك يا نونو ويحس بيكي الحلوف يوسف
نزلت نرمين ورنت الجرس كانت متوقعه ان ريناد هي اللي تفتح عالطول ريناد قاعده عندها فتحت عايده الباب وقالت:اه نرمين ادخلي
دخلت نرمين وقالت:اومال فين ريناد يا مرات عمي
ودت عايده وشها الناحيه التانيه وقالت في سرها:استغفر الله العظيم منك بت رخمه مش بطيقك بعدها لفت لها وشها وقالت ريناد مع يوسف يا حبيبتي كان وعدها انه هيشغلها معاه في شركته من ساعه ما خلصتوا ٣ث اسيبك بقي ورايا طبيخ البيت بيتك انتي عارفه وسبتها ومشيت
فضلت نرمين واقفه مكانها والدموع هتنزل من عنيها وبتسترجع لحظات فاتت من ٥ سنين لما كانت نرمين في ٣ث وريناد في ٣ث كانت نرمين عايزه تدخل تجاره عشان تبقي مع يوسف ويشغلها معاه في الشركه لللي شغال فيها ولما عرضت عليه الموضوع قالها
يوسف:بصي انا مش هقدر اتوسط لحد يا نونو انا شايفك في الرسم حلوووه اووووي ادخلي فنون جميله
نرمين بحزن:يعني مش هينفع ابدا
يوسف هز راسه بالايجاب:لو ينفع كنت شغلتك يل نونو هو انتي حد غريب برضو
رجعت نرمين من ذاكرتها على صوت محمد
محمد وهو بيضرب ايدو على راس نرمين:الحلو سرحان في ايه
نرمين بتركيز:هاا ولا حاجه
محمد وهو بيرفع حواجبه:مالك يا نونو شكلك زعلان
لسه هتتكلم نرمين وتقول مفيش خرجت عايده من المطبخ:انت صحيت تعال احضرلك الفطار
محمد وهو بيبص لنرمين:استني يا ماما مالك يا نونو
عايده بتافف:هيكون مالها يابني ومهي كويسه اهي
اتنهد محمد وقال:اومال فين ست الحسن والجمال ريناد
نرمين في سرها بتقول:حتي انت يا محمد معجب بيها
لسه هتتكلم وتقوله سبقتها عايده:مدير الشركه عند يوسف قال عايز موظفين ف يوسف اقترح عليه ريناد تمسك الحساباات بعد تدريب ووافق وهي دلوقتي في مقابله معاه
بص محمد علي نرمين شاف نظره حزن وعرف ليه هي زعلانه عشان حبيبك مع واحده تانيه حسي بيا يا نرمين لو للحظه واحده فاق من تفكيره علي صوت عايده وهي بتقوله:قوم قوم اغسل ايدك ووشك علي ما احطلك الفطار
قام محمد ووهو مضايق من جواه واول ما دخل قربت عايده من نرمين
عايده بحذر:بت يا نرمين
=نعم يا مرات عمي
عايده: اوعي تقولي لمحمد ان يوسف هو لللي خد ريناد معاه واني كنت بكذب عليه بخصوص المدير
=حاضر يا مرات عمي مش هقول
عايده بمكر:معليش يا حبيبتي عارفه انك مش بتكدبي بس معليش انتي شايفه محمد شكله معجب بريناد دا اول ما صحي سال عليها ولو قولنا الحقيقه هيزعل وممكن يعمل مشكله مع يوسف
خاف نرمين وقالت:لا لا مش هقول
عايده ببتسامه:هروح بقي احضر الفطار
سبتها ومشيت وفضلت نرمين زعلانه وكل يوم بيحصل شرخ في قلبها ياااااااه للدرجه دي يا يوسف معجب ب ريناد هي فيها ايه احسن مني بس وسبت الشقه وخرجت تتمشي شويه في الشارع
في مكان تاني خالص :
ياااااه الشركه حلوووه اووووي يا جو
يوسف. ابتسم :مفيش احلي منك يا ريناد
عبست ريناد وشها واتقمصت
يوسف بخضه:مالك بس زعلتي ليه انا قولت حاجه
ريناد:انت بتقول ل نرمين يا نونو وانا مش بدلعني خالص مش انا صدقتك المقربه مش هي
ضحك يوسف وقالها:ادلعك بايه انتي حلوه علي الدلع اصلا بس ادلع بايه ادلع بايه اه ريري اي رايك
ضحكت ريناد ضحكه سحرت قلب يوسف وفضل سرحان في ضحكتها وجمالها وفاق وهي بتقول:حلوو يا جو بس متقولش بنرمين يا نونو تاني ماشي
يوسف ببتسامه:بتغيري يا ريري عليا عموما علم وينفذ
فضلوا يتكلموا لحد ما جت سكرتيره المدير
ناديه:يا يوسف نادر بيه جه يلا عشان مقابله الانسه ريناد
راح يوسف معاها عند الباب ولسه هيدخل معاها اتكلمت ريناد:لا لحد هنا وخليك هكمل لوحدي اتعلمت منك اني اعتمد على نفسي
يوسف:برافو يلا ادخلي
ودخلت ريناد وفضل يوسف برا الغيره هتموته ازاي خلها تدخل لوحدها وفضل رايح جاي راح جاي لحد ما خرجت ريناد .
