رواية عصابة بنات الفصل الخامس عشر 15 والاخير بقلم هاجر ابراهيم

كانت شمس قاعدة ولسا عم تحاول تستوعب اللي حكاه المحامي ...

وائل :شموسة هي عرفتي الحقيقة .. بظن انو معد في شي يخليكي اتضلي بعيدة عن امك وحتى مافي سبب تكرهي ابي ..
شمس :بس ليش بدو اياني اكرهو ؟ كنت عطول روح عالشركة وهينو بكلام جارح وكنت اسأل حالي ليش ماكان يرد عليي ؟ والسيكيوريتي يلي كانو يعلقو معي عباب الشركة ماحاول يبدلون او يتمادو عليي ...كنت عطول اضربون ...كان عم يحميني بالسر وهوة على عيون العالم انو هوة اللي سرقني ؟

وبلشت شمس تتذكر كيف كان يعاملها لما كانت طفلة ..كيف يحملها ويلعبها ...ولما كان يشتغل مع ابوها يقعدو مع بعضن وتفوت عليهم شمس عم تركض وتنط عضهر عامر وهوة يلاعبها ،وحتى لما مات ابوها ماتركهن وضل واقف جنبن الها ولأمها وتجوز امها لحتا يقدر يحميهن من اللي حواليهن ... وكيف كان يعصب على وائل وحسان ولادو لما كانو يدايقوها ويزعلوها ... مسحت دمعتها

وائل :بشو عم تفكري ؟
شمس :وائل ،بدي اطلب منك طلب ،لا تخبر ابوك وتقلو انو نحنا عرفنا كلشي ... ممكن
وائل :اي ولاتخافي انا طلبت من المحامي مايحكي لأبي انو خبرنا شي

هزت براسها ووقفت وقالت :انا بدي ارجع تعال وصلني
ركبو بالسيارة ومشيو ...

--------------------*

صحيت شهد وراحت غسلت وجها وغيرت تيابها وراحت عالبلكونة. .
شهد :صباحو صبايا
ميرا :صباح الورد ابو الشباب
شهد :بشو عم تحكو ...
يمنى :بشغلات بنات ،اكيد مابتهمك
شهد :ايوا بلشنا من هلا ؟
ميرا :بدك تطلعي عالدكتور ؟
شهد :اي .. رايحة هلأ شوفو
يمنى :متأكدة من هالخطوة ؟
شهد :انا مو بس متأكدة ...اصلا ماني مسدقة صير شب
ميرا :رح نشتقلك
شهد :ليش وين رايحة انا ؟
يمنى :اصلا بس تتحولي لشب انا رح بطل نام جنبك
شهد :ايوا ...هههه عادي بتجوزك وبخليكي تنامي جنبي غصب عنك
يمنى :اي حبيبتي شهودة معد يمشي الحال أصلا
ميرا :شو قصدك وليه يمنى ؟
يمنى :كريم بحبني...
شهد :وانتي ؟
يمنئ «بلبكة »:مابعرف
ميرا :شلون مابتعرفي ..شوفي كيف عم تحكي عليه وانتي مبسوطة
شهد : اي تتهني ..
وقفت ولفت بدها تمشي وهية متدايقة ولاحظو عليها البنات ...
ميرا :شهد ..
شهد :نعم
ميرا :شبك ؟
شهد :سلامتك مافيني شي ...انا رايحة عالدكتور
يمنئ :شهودة
شهد :لبقي تناديلي شهودة ... بس تزبط واتحول رح غير هالاسم ... رح يصير اسمي اسم شب ورح غير حياتي

اتفاجاو يمنى وميرا وحاولو يفهمو شو صرلا بس شهد كانت مقهورة

طلعت شهد من البيت وشافت شمس ووائل نازلين من السيارة ... قربت عليهون
شهد :وين كنتي شمس ؟
شمس :رحت زور امي ..وين رايحة ؟
وائل :مرحبا حسن صبي
شهد :اهلين وائل .. كيفك
وائل :الحمدلله
شمس :ماقلتيلي وين رايحة ؟
شهد :عالدكتور
وائل :خير انشالله مافيكي شي ؟
شمس :لامافيها غير عرق طاقق براسها
شهد :شمس خلص...
وائل :ليش ؟ شوفي
شمس :الخانم بدها تعمل عمليه تحولها لشب
وائل :واو هههه عنجد وللا مزح !
شهد :لا مو مزح .. انا رايحة عن ازنكون
شمس :الله معك
مشيت شهد ...
شمس :اي وائل مابدي ارجع وصيك ،لاتجيب سيرة لأي كان عن اللي صار اليوم
وائل :قلتلك ماتاكلي هم ..يالله انا بدي روح

-----------------*

وصلت شهد عالمشفى وراحت عالدكتور وطلب منها فحوصات شاملة ومن هون بلشت رحلة شهد كرمال عملية التحويل...

-----------------*

بعد ساعتين كان كنان قاعد بالمكتب لما سمع صوت صراخ بنت بمكتب السكرتيرة وفجأة انفتح الباب ودخلت أسما ...
كنان :اسما ؟ انتي شو جابك لهون ؟
اسما :اجيت شوفك ..حبيبي
كنان :هههه حبيبك ؟ شو جنيتي
اسما :لا ليش بكون مجنونة ازا زرت حبيبي
وبلشت تقرب عليه وتلزق فيه ،، حطت ايدها على صدرو والايد التانية لفتها على خصرو
صرخ كنان :اسما بعدي عني ...
اسما :ليش مو كنت تحب قرب عليك بهالطريقة ؟
كنان :اسما انا عم حذرك مابدي اتصرف تصرف يأذيكي وماني مستعد وسخ ايديي ومد ايدي عليكي لأني قرفان منك ..بعدي عني من حالك
اسما : قرفان مني ؟

بعدت عنو وقالت :مين بتكون ؟
كنان :مين
اسما :البنت يلي قعدت عندك يومين مع رفقاتها. .. شوفي بينك وبينها ؟
كنان :مادخلك
اسما :اها ... اوك
واتطلعت عليه تطليعة خبيثة وقالت :باي بيبي
وراحت...

-----------------*

مر اسبوع بعد هالحوادث اللي فتحت للبنات حياة جديدة لكل وحدة فيهن ...
شمس وعلاقتها بكنان اللي كبرت وكنان اللي معد قدر يستغني عن شمس وحبها الو

وميرا وابو الجود اللي كان يعمل جهدو يتواصل مع اهل ميرا ويجهز حالو لحتا يخطبها رسمي

ويمنى اللي قدرت تحبس كريم بقفص من العشق ومعد قدر يشوف غيرها او تملي عينو بنت ،وحتى انو غير طريقة حياتو بسببها. وصار يهتم بشغلو وبطل بعزقة بالمصاري وحتى انو اشترا شقة وبلش يجهزها

اما شهد فكانت تتابع موضوع عملية التحويل بعد ماخبرها الدكتور انها شبه مستحيلة لأنو ماعندها اي تشوهات او سبب لحتا تعملها وانو امورها كأنثى ممتازة ...بس هية ما يأست وضلت تمشي بهالموضوع وضلت تنتقل من دكتور لدكتور ...

----------------*

كانت شمس معجوقة بالمطبخ وعم تفتل فيه متل المجنونة وهية شاعلة اللابتوب على فيديو لتعليم طريقة صنع الكيك ... وشعرها منكوش ولابسة مريول المطبخ وحالتها حالة
شمس :وهي تلات بيضات ...وشو كمان ؟

فاتو البنات عليها وعشوي كانو رح يئلبو عضهرون من الضحك عليها
شمس :خير ياطير ؟
ميرا :لك شو عاملة بحالك وبالمطبخ
شمس :اليوم عيد ميلاد كنان وحبيت فاجأو بقالب كيك من تحت دياتي وورجي اني ست بيت
يمنئ :انتي عم تعملي كيك ولا عم تعملي حرب ..شوفي كيف الطحين بكل قرنة لك حتى انو عوجهك فيه طحين
شهد :الله يثبت علينا العقل والدين

شمس :تعو شرفو ورجوني شطارتكون بدال مانكون فارطين
ميرا :لا حبيبتي كنان بخصك مابخصنا النا وعفكرة بدك تعزمينا على الحفلة فهمانة

وطلعو من المطبخ ...
شمس «عم بتقلد ميرا » :بدك تعزمينا على الحفلة فهمانة ... فشرت عينك منك الها...تضربو من بين الصحبة

ميرا «من برا »:سمعتك وليه شمس
شمس :

بهالوقت سمعو صوت جرس الباب وراحت ميرا فتحت وطلع وائل بوجها...
ميرا :اهلين سيد وائل
وائل :كيفك انسة ميرا ،شمس موجودة ؟
ميرا :اي طبعا ...تفضل

فات وائل وسلم عالبنات وقعد
وائل :كيفك حسن صبي
شهد :كنت منيحة قبل ماشوف خلقتك
وائل :له له له ليش
شهد :هيك
وائل :شو صار معك مشان العمليه ؟
شهد :صرت شايفة تلات دكاترة وكلون عم بقلولي انو مافيي اتحول لشب وانو نسبة نجاح العملية مابتتعدا الـ 1 بالمية

وائل :اكيد قلك انو مافيكي شي لا تشوهات ولا هرمونات زايدة
شهد :مزبوط انت شو عرفك ؟
وائل :لما كنت بالبرازيل كان عندي رفيقة هيك واكتشفت انها مالها انثى وعندها تشوهات بالأعضاء التناسلية لهيك كانت العملية سهلة بالنسبة الها..لكن بالنسبة الك موسهلة ابدا
يمنى :فهمها هالحكي...
شهد :رح اعملها ورح تزبط
ميرا :ياستي عمليها والك عليي اترك ابو الجود واتجوزك الك ازا زبطت معك
بلشت شهد تضحك وهية عم تحكي :لا نزلي ابو الجود ضرة عليي

ميرا :اي هاد اللي كان ناقصني والله
وطلعت شمس من المطبخ وهية عم تركض :ميرا حبيبتشي انتي الكيك حاسستو مو تمام تعالي ساعديني
وائل :هههههههه لك شوعاملة بحالك

شمس :يي انت هون ...يالله بعدين بسلم عليك وبقلك
وفاتت شمس عالمطبخ ولحئتها ميرا... اما يمنى اجاها اتصال وطلعت عالبلكونة تحكي ...

حملت شهد الريموت وبلشت تقلب بالقنوات ووائل عم يطلع فيها ...
وائل :حسن صبي...
شهد :نعم
وائل :بتعرفي انو ضحتك حلوة لأنو بتبينلك غمازاتك
اتطلعت شهد فيه وهية مستغربة
وائل :ياريت ماتوقفي ضحك لأنو الضحك بيلبقلك

شهد :....
وائل :شبكي ؟
شهد :والله لو ماشمس رح تزعل مني لمسحت هالبيت كلو فيك وحتى المطبخ يلي معبيتو شمس طحين كمان
وائل :ليش ؟
شهد :هيك اجا عبالي بالازن ..
ورمت الريموت من ايدها وطلعت برا البيت وخبطت الباب وراها

.......................

أخيرا خلصت شمس قالب الكيك اللي زبط معها بعد سبع محاولات وراحت لبست فستان كحلي كلاسيك على كندرة باليه حمرا وسبلت شعرا ونفلتو عكتافها مع مكياج ناعم وطلعت بتجنن ... وراحت على بيت كنان لحتا تعملو اياها مفاجأة ...

وصلت عالبيت ورنت الجرس.. كان يوم جمعة وبالعادة كنان بيقضي نهارو بالبيت بعد الصلاة هيك كانت حاسبة ... أخيرا انفتح الباب وانصدمت شمس باللي فتحلا.... فتحتلا اسما وهية لابسة قميص نوم عرايسي أبيض ساتان ومزبطة أمورها عال 24 من مكياج وشعر
شمس :انتي مين ؟
اسما :...
شمس :و وينو كنان ؟
اسما :اه انتي شمس ؟
شمس «بعصبية »:اي انا بطيخة وينو كنان احكي
اسما «بدلع »:كنان نايم بغرفتو
شمس :وانتي شو عم تعملي هون ؟
اسما :يبدو انك ماعرفتيني ... انا بكون زوجتو السابقة
شمس :احكي شو عم تعملي عندو مزالك طليقتو ؟
اسما :ممم يعني اليوم عيد ميلادو ،برأيك انا شو عم بعمل هون ؟ كنان اتصل فيني وطلب مني اجيلو لأنو اشتقلي كتير .. وبيني وبينك انا واياه قضينا مبارح سهرة من العمر ...يقبر قلبي شو كان مشتقلي مانام اللا لوجه الصبح

حست شمس قلبا انكسر بعد كلام اسما ووقع الكيك لا اراديا من ايدها وهية لسا صافنة فيها...
اسما :يووو شبكي حبيبتي..ههه انشالله مفكرة انو كنان ممكن يستغني عني ..لا غلطانة حبيبتي بعدين انا بضل مرتو وانتي مين ؟انتي مجرد نزوة بحياتو ...
تمالكت شمس حالها و ردت : قليلو شمس بتسلم عليك وبتقلك شكرا على كل لحظة حلوة عيشتا اياها ..

وبعدت عن الباب ومشيت ...حست حالها مهزومة ضعيفة وقلبا مكسور ...

وصلت عالبيت وفتحتو وعلامات اليأس واضحة على وجها ...
ميرا :شو مبين رجعتك قريبة ؟
ركنت شمس ضهرا عالباب وانفجرت بالبكي ،اما البنات ركضو عليها وهنن مرعوبين
يمنى :ولي عليي ليش عم تبكي
شهد :شمس حاج تبكي واحكيلنا شو يلي مزعلك
ميرا :شمس والله وقعتيلنا قلوبنا احكي ليش هالبكي كلو ؟
شمس :الخااين الحقيير .. انا انا يخوني طب ليش علقني فيه ازا كان ناوي يرجعها
ميرا :انتي عم تحكي عن كنان ؟
ضلت شمس تبكي وتشكي لرفقاتا وهنن مقهورين عليها ... وأخيرا قدرو يهدوها ونامت

شهد :جد ليش هيك عمل ؟
ميرا :انا كنت عرفانة ..اصلا الرجال ما منون امان كلون من نفس الطينة
يمنى :طب خلينا نسألو ؟
شهد :لا مارح نحاكيه. .. اصلا انا موطايقتو

.......................

بعد ساعة كانت يمنى عم تحكي مع كريم عالتلفون ..
كريم :لك اي حكيت لأمي عنك وطار عقلا وخاصة بعد مالاحظت اني متغير
يمنئ :اي وشو قالت ؟
كريم :بدها تتعرف على هالملاك اللي قلب حياة ابنها المستهتر وعلمو كيف يكون صاحب مسؤولية
يمنى :يي وانا كمان كتير حابة اتعرف عليها
كريم :اي معناها اليوم المسا جهزيلي حالك انتي ورفقاتك وخاصة شمس ...انا وجمال محضرين حفلة لأخي كنان بمناسبة عيد ميلادو. .. ومشان تتعرفي عإمي
يمنى :لا ماني جاي .. ولا تجبلي سيرة اخوك يالله شو متنرفزة منو
كريم :له ليش شو عمل ؟
وحكتلو يمنى عالفصل اللي عملو بـ شمس ..
كريم :هلأ اخي كنان عمل هيك ؟
يمنى :اي والله وهديك بكل عين وقحة بتقلا انو هية كنان قضو ليلة من العمر مع بعض ..

كريم :اي بس مستحيل اخي كنان يرجع اسما اصلا هوة كرهها
يمنى :وشمس شو مصلحتا تكذب ؟ ياريت تخبر اخوك انو شمس عرفت كلشي ومافي داعي يجرحها اكتر من هيك او يحاول يتواصل معها ويدايقها ..

-----------------*

سكر كريم الخط وحاول يرن على كنان بس يطلع خارج التغطية ...حمل حالو وراح على بيت كنان ورن جرس الباب ولما ماحدا فتحلو طلع مفتيح احتياط من جيبو وفتح وفات ...كان عتمة ويلي كان واضح الشموع اللي كانو موزعين بالبيت وعالطاولات والكيك والفواكه وصوت الموسيقى الرومنسية الهادية ... ضل فايت لجوة. بهدوء وهوة عم يتفتل بالصالة بهالعتمة ،، تفاجأ لما اجا حدا وضمو من ورا ...
اسما :كل عام وانت بألف خير حبيبي
كريم ضل مصدوم وواقف بمكانو بدون حراك
اسما :انا جهزتلك كل هاد الك ياعمري...
كريم :....
بعدت اسما عنو وقالت :شبك حبيبي بعرف تفاجأت بس كنت بدي قلك اني بدي نرجع لبعض وهالمرة بوعدك وبرحمة بابا اني حافظ عليك وعلى حياتنا
وفجأة شعلت الأضوية وانصدمت لما شافت كنان واقف عند باب البيت وصافن فيها ..
اسما :كنان !!؟ لكن ميين الـ ...
واتطلعت بـ كريم والصدمة كانت واضحة عوجها
اسما :كـ كريم ؟
كنان :شو عم تعملي هون ؟
التفت كريم و رد :اخي هالبنت عملتلك مصيبة اليوم ...
اسما :...
كنان :شو عملتي ؟
اسما :ماعملت شييي
كريم :وشمس ..شو حكيتيلا لما اجت ولقتك هون ؟
كنان :شمس اجت وانتي هون ؟
كريم :يمنى حكتلي انو اسما مخبصة معها بالحكي وشمس هلأ صابها انهيار عصبي من ورا كذبة اسما

قرب كنان عليها ومسكها من شعرها وصرخ :انتي مين سمحلك ترجعي تدوسي عتبة بيتي ؟ لك انتي ماعندك كرامة
اسما :بحبببك فهااام
كنان :كذاابة ...اللي بحب مابخون يا حيوانة ..ليش مصررة تخربيلي حياتي
اسما :كنان انا مجنونة فيك ...انت ملكي الي ومارح خلي لا شمس ولا غيرها تاخدك مني عم تفهم
كريم :اسما ..مرضك النفسي ياريت تمارسيه برا هالعيلة وبكفي اللي عملتيه
كنان :انقلعي من هوون طلعي من بيتي يا فاجرة
اسما :كنان ياا كنان والله بموت حالي
كنان :بتكوني عملتي خير وريحتي البشرية من شرررك
حملت اغراضها وطلعت من البيت وهية عم تبكي ... اما كنان طلع بسيارتو وهوة عم يحاول يرن على شمس بس عم يطلع مغلق...

وصل على بيتها وبلش يرن الجرس ويخبط عالباب لحتا فتحولو البنات ...
شهد :خير شو جايبك ؟
كنان :وينا شمس ؟
ميرا :شمس مالك حكي معها ..روح رجاع لعند حبيبة قلبك الست اسما
كنان :ميرا انا مو رايقلك ، بعديلي بدي شوفها

وفات لجوة وفات عغرفة شمس... وشافها قاعدة عالتخت وعيونها مورمين من البكي ...
شمس :شو بدك ...طلاع لبرة ياخااين
كنان :شمس حبيبتي
صرخت شمس : ماتقوول حبيبتي ،انا مستحيل كون حبيبة واحد خااين
كنان :بس انا ماخنتك. ..هي اسما كذابة
شمس :وشو كانت عم تعمل عندك ؟ ببيتك بقميص النووم عم تعمل سياحة ؟
كنان :سدقيني انا ماكنت بالبيت ،انا كنت مع...
شمس :حاج تكذب ...من وقت ما عرفتك وانت بتكره جنس حوا عالأساس انو جنس خاين. اصلا ماحدا علم جنس حوا الخيانة اللا جنس ادم ...
كنان :مارح احكي شي لحتا تهدي ،بس حابب قلك ... شمس انا لو بدي خون ليش لحتا خونك مع اسما .. كنت خنتك مع بنت تانية .. ليش لحتا خونك مع بنت انا بكرها... عن ازنك

طلع من الغرفة وشمس لسا موعارفة تسدقو وللا لا كانت حاسستو صادق ومع هيك ماقدرانة تنسا كلام اسما ...

-------------------*

بعد بيوم كانت شهد عم تغسل وجهها عالمغسلة وطلعت على حالها بالمراية وبلشت تتلمس وجها واتزكرت كلمة وائل
«بتعرفي انو ضحتك حلوة لأنو بتبينلك غمازاتك »

وبلشت تتصنع ضحكة عالمراية لحتا تشوف غمازاتها ..
شهد :اول مرة بنتبه انو الي غمازات

يمنئ :شو عم تعملي ؟ليش هيك عم تضحكي قدام المراية متل الهبلان ؟
شهد :يمنى شوفيلي انا الي غمارات عخدودي
وضحكت قدامها
يمنئى :اي الك .. انتي مين خلاكي تنتبهي عليهن ؟
شهد :اه ..ولا شي بس بعرف البنات بحبو الغمازات عالشباب خايفة العمليه تأثر عليهون ويروحو
يمنى :لا اتطمني مارح يروحو .. شو انتي وين رح تعملي العمليه بوجهك وللا بـ...

وبلشت اتطلع على رجلين شهد وتبتسم بخبث

شهد :وين راح تفكيرك وليه يمنى ،جد انو صايرة قليلة ادب من بعد ما بلشتي تحكي مع هاد كريم
يمنى :مو هاد الواقع ... يعني عمليتك استئصال وزراعة وتحوويل جنسك ...تخيلي تموتي بعد ماتعملي العمليه مين رح يغسلك رجال وللا مرة ؟ ومين رح ينزلك عالقبر ياترى رح يكون لازمك محرم وللا لا ...ولما يجي رب العالمين يحاسبك رح يناديلك يا ابن رائفة وللا يا بنت رائفة ؟«رائفة اسم والدة شهد »
شهد :عم تفاولي عليي وليه حيوانة ... روحي انقلعي من وجهي

راحت يمنى وضلت شهد واقفة عالمراية وهية متدايقة من حكي يمنى ...

----------------*

كنان :وهاد اللي صار عامر بيك
عامر :وهلأ شو المطلوب مني ؟
كنان :خبرها انو قضينا يوم الجمعة مع بعض عالمينا
عامر :اي بس انت بتعرف انو شمس ما بتطيقني
كنان :بس اكيد رح تسدقك ... طليقتي خربت بيناتنا وهلـ شمس ماعم بتحاكيني او حتى تحاول تسمعني

عامر :منيح اللي وقفت عند هالنقطة.. وماضربتك شي ضربة بين رجليك ضيعتلك مستقبلك فيها ...احمد ربك يازلمة
كنان :هلأ انا بشو وانت بشووو عامر بيك ..
عامر :اي اي خلص بحكي معها وبشرحلا انت وين كنت يوم الجمعه ...

----------------*

راحت شهد عالمشفى بعد ما سمعت عن دكتور جراح شاطر فيها ... فاتت ووقفت عالريسيبشن ...
شهد :مرحبا يا انسة
...ياهلا
شهد :سمعت انو فيه دكتور جراح شاطر مالو زمان راجع عالبلد بيشتغل هون
....:اي فيه اسمو الدكتور وا....
وفجأة سمعت صوت حدا عم بحاكيها ...
...:حسن صبي ؟!
التفتت شهد واتفاجأة بـ وائل اللي كان لابس مريول ابيض خاص بالدكاترة وحاطط سماعات الدكتور عرقبتو ..
شهد :وائل !!؟ شو عم تعمل هون ؟
....:يا انسة الدكتور وائل هوة اللي كنتي عم تسألي عليه ...
شهد :هههه ماقلتلي انك دكتور !!
وائل :وانتي ماسألتيني شو بشتغل لحتا جاوبك ..معقول شمس ما حكتلك ؟
شهد :لا والله ..
وائل :طيب تفضلي عمكتبي لو سمحتي...

راحت معو عالمكتب وقعدو...
وائل :اجيتي كرمال العملية ؟
شهد :اممم
وائل :وين تحاليلك والصور ؟
شهد :ليكون معي ...
عطتو التحاليل والصور وبلش يقلب فيهن ويتفرج عالصور بإهتمام ..
وائل :تمام ...وضعك ممتاز بس كأنثى ..الرحم وضعو ممتاز وحجمو طبيعي والحوض كمان ممتاز ... ههه وجسمك كلو طبيعي ...مافي اي تشوهات وبالتحاليل هرموناتك طبيعية والهرمونات الأنثوية اكتر من الذكرية

شهد :هيك حكولي الدكاترة اللي قبلك ،انا بدي اعرف ...انت بتقدر تعملي العملية ؟
وائل :اي .. بس هي رح تكون خسارة كبيرة
شهد :مافهمت ..
وائل :بنت متلك ليش لحتا تخسر حالها كرمال تتحول لشخص اسمو ذكر ؟
شهد :...

وائل :الله خالقك بأحسن صورة..وعاطيكي احلا صفات من الجمال وجمال الجسم ...
انحرجت شهد وقالت :لو سمحت مافي داعي لهالحكي
وائل :لا في داعي ... ياريت ترجعي تفكري منيح ... الله مأنعم عليكي بأحلا نعمة انو خالقك انثى ... انثى حلوة رقيقة ناعمة ...
شهد :انت قلتا انثى ...يعني كائن ضعيف وانا مابدي كون ضعيفة
وائل :ضعييف ؟؟ هههههه
شهد :ليش عم تضحك ؟

وائل :ازا بتسمحيلي ارفع الكلفة بيناتنا واندهلك بس شهد .... ياشهد الأنثى وعلى حسب الأساطير القديمة اقوى كائن على وجه هي الأرض ... بدون الأنثى مافي حياة واللي بيقلك انو البنات حرف هامشي بكون غبي لأنو البنات هنن الأساس ..

شهد :ما اقتنعت ...الأنثى مابتقدر تحمل اسم العيلة
وائل :وشو المشكلة ... بكفي انها بتعمل هالعيلة ... انتي الله عاطيكي نعمة حلوة ... بنت رح تتزوجي ورح تحملي جواتك روح .. رح تتحملي وجود كائن جواتك 9 اشهر بكل حب...رح تتلهفي لشوفتو رح تخلفي ...بكفي كلمة الجنة تحت اقدام الأمهات .. بدك احلا من هييك ... انتو الله بحبكون وكرمكون وخلقكم بالاحساس والحب وانتي جاي لحتا تشوهي حالك بعمليه سخيفة لحتا تتحولي لكائن ماعندو ذرة احساس متل الذكر ؟
انصدمت شهد وضلت صافنة بوائل فترة ...

وائل :ليش انصدمتي ؟ اي انا عم بحكي هالحكي ..انا بعترف انو نحنا جنس ادم مهملين بأكتر الأحيان وبنخفي مشاعرنا واحاسيسنا ومابنحب نبين ضعاف وهاد طبعا غباء بس هي الحقيقة للأسف ...
شهد :انا ...انا متمسكة بقراري لو سمحت هي تحاليلي كاملة عندك وانت شوف الوقت المناسب لحتا تحدد موعد العمليه وأجارها...

وقفت وطلعت من المكتب وضلت ماشية كل كلمة حكاها وائل عم ترن براسها وما قادرة تنساها

---------------------*

بيوم كانت شمس معزومة على غدا عند امها ...
ام شمس :لك تقبري قلبي شو اشتقتلك ياعمري
شمس :وانا كمان اشتقتلك ماما ...واشتقت لأكلاتك الطيبة
وائل :ايهاا من اول ..الله يلعن ابو الفراق
ام شمس :اي والله ،الله لا يفرقنا
شمس :اميين يارب
كان عامر قاعد عالطاولة وعم ياكل بدون مايبين اي ردة فعل ..وشمس حاسة بالخجل منو عالشي يلي كانت تعملو وتحكي عليه...
عامر :اي شموسة كيفك انتي ورفقاتك ؟
شمس :الحمدلله
عامر :ليش ماجبتيهن معك ؟ وخصوصي ميرا يعلا قطاطة شو امورة هالبنت
ام شمس :اف اف اف وانت منين بتعرف رفقات شمس ؟
عامر :سألي بنتك
شمس :......
عامر :الحمدلله ...
وائل :بس ما اكلت بابا ...
عامر :لا شبعت ...عندي اجتماع مع شريكي السيد كنان سيف الدين... رح نطلع اليوم كمان عالمينا سوا نتفقد المخازن
شمس :...

ام شمس :بس مو الجمعة الماضية كنتو مع بعض !؟
عامر :مبلا الجمعة الماضية ماكانت واصلة شحنة البضاعة ورحنا انا واياه اشرفنا عالجرد ..
انصدمت شمس وقالت :يعني انت وكنان كنتو بالمينا يوم الجمعة ؟
عامر :اي
شمس :ومن ايمت ؟
عامر :طلعنا من هون عالساعة 9الصبح وقضينا نهارنا كلو مع بعض... وقلي كمان انو عيد ميلادو كان يوم الجمعة لهيك عزمتو على مطعم وانبسطنا مع بعض

حست شمس وقتا انها ظلمت كنان وخاصة بعد ماخبرها كريم عن اللي صار بين كنان واسما ...

قضت شمس ليلتها عند امها وهية عم تفكر كيف رح ترجع تحكي مع كنان ... طلعت عالبلكونة وشافت وائلقاعد لحالو بالحديقة..

نزلت لعندو...
شمس :شو مصحيك لهلا ؟
وائل :يلي مصحيكي
شمس :بتعرف كتير خجلانة من ابوك
وائل :لاتخافي هوة بسامح دغري
شمس : وكنان كمان ؟
وائل :هي عرفتي انو ماخانك ليش مارجعتي حكيتي معو ؟
شمس :... بصراحة مالي عين احكي معو
وائل :انا متأكد انو هوة متلهف ليسمع صوتك ..
واتنهد...
شمس :شبك وائل ؟
وائل :رفيقتك شهد اجت لعندي اليوم عالمشفى
شمس :مشان العمليه صح ؟
وائل :اي...
شمس :بتقدر تعملها ؟
وائل :مو ضامن تنجح ... انا خايف عليها
شمس :...
وائل :حاولت احكي معها بس ماتجاوبت معي
شمس :راكبة راسها وبدها تصير شب...
وائل :وازا غيرتلا رأيها ؟
شمس :ياريت بس كيف ؟
وائل :بعدين بتعرفي

-------------------*

بنفس الليلة رنت شمس على كنان ... وبس شاف كنان رقمها نط من عالتخت وهوة مبسوط بس لما رد حاول يتقل حالو :الو
شمس :كيفك ...كنان
كنان :الحمدلله من الله منيح
شمس :كيف شغلك ؟
كنان :كمان منيح ...خير ليش راننتيلي ؟
شمس : ليش ممنوع !
كنان :مو عأساس انا كذاب وخاين وما بدك تحاكيني !!!
شمس :اي .. لا يعني خلص ماشي رح سكر باااي...
كنان :لككك وين تسكري يامجنونة ... ماسدقت سمعت صوتك ...يا الله شو اشتقت لاسمع هالصوت الحلووو
شمس :بحبك
كنان :وانا بموووت عليكي ياعمري

-------------------*

رجعو شمس وكنان لبعض اما اسما سافرت برا البلد بعد ماعجزت من كنان يرجعها ...

أما وائل اتخذ من شهد صديقة ..
شهد :هههه حلوة هالنكتة
وائل :انتي الحلوة شهد ...

بس حكاها بعفوية ..كانو عم يتمشو بالسوق جنب المشفى وهنن عم يشربو سلاش ومرو من جنب محل تياب وبلشو يتفرجو عالواجهة ...
وائل :شهودة تعالي شوفي هالفستان
شهد :اي حلو كتير
وائل :عم فكر اشتري للبنت اللي بحبها
شهد :اي طيب اشتري ...
فاتو عالمحل وطالو الفستان
وائل :هوة حلو بس خايف يطلع صغير عليها
شهد :مابتعرف قياسها ؟
وائل :لا والله بس تقريبا جسمها متل جسمك
البياع :خلي الصبية تقيسو معناها
شهد :اه لا لا مابدي

وائل :كرمالي شهودة انا مالي حابب ارجع مرة تانية لحتا بس بدلو
شهد :طيب هاتو امري لالله ..

فاتت شهد عغرفة القياس ... وطلعت بعد شوي ونادت لوائل ... بس شافها انصدم بجمال جسمها وقوامها الممشوق وبشرتها البيضة الناعمة اللي كانت مخبيتهن تحت التياب الفضفاضة والشبابية ...

شهد «بخجل »:شو حلو ؟
وائل :فتلي شوي
فتلت شهد فتلة ورجعت وقفت
شهد :ششبك بشو صافن ؟
وائل :ولا شي بس كتير حلو هالفستان بس يلي محليه اكتر هوة انتي ... مابعرف ازا لبستو هية رح يطلع عليها حلو لهالدرجة.
شهد :معناتا رح اشلحو ...
ورجعت على غرفة القياس وغيرت ورجعت لبست تيابها وطلعت وعطت للبياع...

كان وائل عم بحاسب حق الفستان لما بالغلط ضرب كاسة السلاش وانكبت على شهد وعبتلا تيابها ...

شهد :لكك وائل انت مو طاسس
وائل :يي اسف شهد والله بالغلط
شهد :ليك بلوزتي تعبت عصير ..الله يسامحك على هالعملة...كيف رح ارجع عالبيت
البياع :اشتري لبسة من عندي ودبري حالك فيها ...
وائل :اي شهودة نقيلك لبسة حلوة والبسيها وخلص هاللبسة عحسابي لأنو بسببي
شهد :لا مافي داعي خلص برجع عالبيت هيك
وائل :لا ماحزرتي رح تغيري تيابك ..
وراح نقالها بلوزة تفاحية كمها شيفون قصيرة وفضفاضة شوي مع بنطلون جينز مرتب ...
وائل :خدي شهودة روحي البسي هدول
شهد «باستغراب » :بدك اياني انا البس هيك شي ؟
وائل :وين المشكلة
رفضت بالأول وبعد محاولات منو راحت غيرت ... وطلعت ..
شهد :هي لبستن
وائل :ايهاا بس ناقص شي واحد
شهد :شو ؟
مشي اتجاهها وقرب لعندا لصار مستوا صدرو عند وشها وهية بهديك اللحظة تلبكت وبطلت تعرف تتصرف ... رفع ايدو ومدها على شعرا وفردلا اياه ...
شهد :لـ ليش هيك عملت ؟
وائل بصوت هادي :هيك أحلا

رفعت ايدها وكانت بدها ترجع اتضب شعرا بس هوة مسكلا ايدها وئال :شهد كرمالي خليه مفرود بس اليوم ..
اتطلعت بعيونو الخضر وضاعت فيون للحظة
اتمالكت حالها وبعدت عنو :بس اليوم ...
وتركتو مفرود وضبت تيابها بشنتة وطلعت برا المحل ..ولحقها وائل ...
وائل :كتير بيلبقولك تياب البنات ...
شهد :اي اي
وائل :وبيلبقلك تكوني بنت
شهد :....
وائل :موعد العمليه قرب
شهد :اي منيح ...
وائل :رح نضل صحاب بعد العملية صح ؟
شهد :انشالله
وائل :مع اني رح اشتاق للبنت العنيدة المسترجلة رفيقتي شهودة
شهد :....
وائل :ممكن اطلب منك طلب
شهد :تفضل
وائل :ممكن من اليوم لوقت العمليه تضلي تلبسي لبس بناتي وتكوني انثى عنجد
شهد :شو هالطلب الغريب ؟
وائل :بدي شبع عيوني بأنوثتك قبل ما اتضيع

صفنت بعيونو وحست حالا معد قدرت تتوازن بعد كلامو ...
وائل :بشو عم تفكري ؟
شهد :ولاشي ...

ورجعت كفت طريقها ... وصلها عالبيت وعطاها الكياس
شهد :بس هاد الفستان لحبيبتك !
وائل :بعرف .. انا متأكد انو مارح يلبقلا متل ما لبقلك الك ... خديه انتي

وشغل السيارة ومشي وضلت شهد واقفة وعم بتفكر بكلامو...

.......................

الأيام عم تمر وموعد عمليتها عم يقرب وهية من خلال الوقت اللي كانت تقضيه مع وائل بلشت تهتم بحالها اكتر وتمشي عحسب رغبة وائل ... كان بحب يشوف شعرها مفرود ويشوفها لابسة تياب بناتيات ناعمين وبلشت توقف عالمراية كتير ولاحظو البنات عليها هالتغيير المفاجأ ...

وبيوم بالمشفى ...
فاتت شهد على مكتب وائل فجأة وشافتو بدون بلوزة وانصدمت من منظرو وخاصة انو اول مرة بتشوف انو الو عضلات وعضلات بطن بارزين متل عارضين الأزياء ... انحرجت وبعدت نظرها وئالت :انا اسفة والله ماكنت بعرف

وائل :وليش زحتي نظرك ..ما نحنا شباب متل بعضنا
لبس قميصو وزررو وترك اول تلات زرار فالتين وقال :ليكني لبست تعالي اقعدي
قعدت وهية خجلانة اتطلع بوجهو ..
وائل :موعد العملية بعد بكرة ...
انصدمت شهد وحاولت تتقبل الوضع ...

شهد :ليش غيرت موعدها ؟...يعني انت قلت بدها اسبوعين
وائل :كلشي جاهز ليش نأجل ...
شهد :ممكن تشرحلي كيف رح تعملها ،ازا مافيها ازعاج طبعا
وائل :لا ابدا مافيها ازعاج ...

وووقف وطالع صورة كبيرة لـ كيم كاراشيان وهية لابسة بكيني وعلقها

انصدمت شهد وقالت :وهي ليش علقتا ؟
وائل «بخبث »:بدي اشرحلك شو رح اعمل

وحمل مسطرة وبلش يأشرلا فيها ويمرقها عالصورة متل كأنو استاز مدرسة عم بعلم طلابو ...

وائل :أولا رح نستأصل الثديين لانو مالهن لازمة ..بحياتك شفتي رجال الو صدر
وأشر على الثديين

شهد :

وائل :تانيا رح ناخد شوية دهون من المؤخرة لأنو المؤخرة البارزة للرجل مو حلوة

شهد :

وائل :تالتا رح نستئصل الرحم وكلشي بيتعلق فيه

شهد :

وائل :رابعا رح...

شهد :كلو هاد رح تعملوه ؟
وائل :طبعا وللا شو كنتي مفكرة !!
شهد :بعرف وبعد العمليه شو رح يصيبني ؟

وائل :هههه ما انا جاييكي بالحكي ،رح تحسي بتغيير كتير كبير بجسمك رح يصير يطلعلك شعر بكثرة بمنطقة الوجه والرجلين والايدين وتحت الأباط وبالاماكن الحساسة وعالوجه لا تخافي هاد زيادة هرمونات شي طبيعي يعني رح يكون عندك ورح تصير شهيتك عالأكل تكبر ... وفي شغلات رح تصير معك بس رح تتعودي عليها

شهد :شو هالشغلات. ؟
وائل :شغلات ...اسف بستحي احكي

شهد :

اتطلع وائل بشهد وشافها متكركبة ...
وائل :شايفك خفتي ...عادي كتير ما انتي رح تصيري منا وفينا
شهد :اي ...

ونزلت راسها

قرب عليها وائل وانحنى على ركبو قدامها وهية تفاجأة فيه وصفنت بعيونو...
وائل :بتعرفي شهد جميلات الكون رح ينقصو وحدة بعد بكرة
شهد :...
وائل :ماتعمليها ماتشوهي حالك وجمالك
شهد :وائل

وائل :ماتضيعي حبي الك شهد

تفاجأت فيه وحاولت تستوعب اخر جملة حكاها...
رفع ايدو وبلش يمسدلا بشعرها وهمس :بحبك ...

حست جسمها كلو قشعر وتنفسها ماعاد مستقر ...ارتبكت ووقفت بسرعة وهوة وقف معها بسرعة وحاصرها بين ايديه وضمها على صدرو
شهد :وائل شو صرلك ؟
وائل :بحبببك ماعم تفهمي

وحملها وهو بعدو ضاممها وقاعدها عطرف المكتب وبعد عنها شوي
وائل :رفعي راسك شهد
رفعت راسها ورجعت اتطلعت بعيونو ...
وائل :بشو عم تحسي ؟
شهد :...

وائل :عم بسألك جاوبيني ، حرارتك حسيتيها ارتفعت من الخجل...تنفسك مو مستقر جسمك قشعر ... كلو هاد لأنك انثى بتحس ...انثى عندها مشاعر وعندا قلب يدق

وحط ايدو عصدرا مكان القلب والمفاجأة انها ما مانعت
وائل :قلبك... شهد ازا غيرتي جسمك وجنسك هاد مارح تقدري تغيريه ...
ورجع حط ايدو عراسها وقال :وعقلك وتفكيرك مارح تقدري تغيريهم ...روووحك اللي مجسدها ربك عأنها بنت مارح تتغيير ،بنت...و رح اتضلي بنت حتى لو صرتي بعيون العالم رجال ،من جواتك رح اتضلي بنت وبنظري رح تضلي احلا بنت....ورح ضل حبك

شهد :....
رجع حط راحة ايديه على خدودها وهمس :بدي بوسك وبعدها بوعدك معد افتح معك هاد الموضوع بتسمحيلي ؟

بلش يقرب شفايفو عند شفايفها وشهد مغمضة عيونها باستسلام و رغبة ...بس وائل وقف قبل مايلمس شفايفها
وائل :مابدي... مابدي خايف ادمن عليهم

وبعد عنها بدون مايبوسها وتركها ولف وجهو ...
وائل :خايف ازا بستك طعمتون تبقى عشفايفي وصير اتمناهم كل مرة ،لهيك روحي شهد وارتاحي قبل العملية وبعد بكرة لقائنا

نزلت عن طرف المكتب ووقفت وراه ..كان عندها كلام كتير تحكي بس فضلت تطلع ...

حس وائل انو خسر معركتو وقلبو اللي عم يحترق على شهد ... رجع اندق الباب وفتحتو شهد واتطلع فيها ..
وائل :شهد ... انـ...

وبدون اي انذار ركضت لعندو ونطت عليه وضمتو بكل مشاعرها وهوة حملها وبلش يفتل فيها ، بعدت راسها وباستو بوسة طويلة عشفايفو خلتو ينسى الدنيا ومافيها

بعدت عنو وقالت :وانا كمان بحببك وائل

اي هاد اللي صار .. شهد... حسن صبي اللي ماكان حدا متوقع تتغير ...تغيرت بسبب الحب بسبب شخص ورجاها قيمة حالها ورجاها انو هية ممكن تكون انثى و قوية بنفس الوقت

------------------*

ميرا عم تحكي عالتلفون :يعني شو ابو الجود
ابو الجود :متل ماسمعتي اهلك طلعو مسافرين ... وحاولت اعرف لوين ...ناس بتقلي عتركيا وناس بتقلي على مصر ومافي اي طريق يوصلني عليهون
ميرا :يعني خلص ...اهلي اتخلو عني

ابو الجود :بس اهلك حواليكي حبيبتي ... البنات وانا نحنا اهلك وللا ما بتعتبرينا هييك

ميرا :والله واحلا أهل كمان بس...
ابو الجود :انا عملت اللي عليي ...بس ما قدرت رجعك على اهلك سامحيني ...
ميرا :...

ابو الجود :بحبك كتير ... ورح ضل حبك على طول ...بالاول كنت رافض فكرة الزواج لحتا ما احمل مسؤولية بس هلأ انا مارح اتزوج بحياتي ومتل ماحتضلي انتي عزابية انا رح ضل وكرمالك بوعدك جسمي مايلمس جسم مرا طول عمري وحياتي. .. بخاطرك ياعمري كلو

وسكر الخط بقلب محروق
اما ميرا ماكان حالها احسن من حالو وقضت ليلتها بكي

--------------------*

تاني يوم راحت شمس لعند عامر وكالعادة دخلت عمكتبو غصب عن السكرتيرة ...
عامر :هههه اهلين شموسة والله بعد زمان
شمس :....
عامر :خير جاي تهددي كالعادة ؟
ركضت لعندو وضمتو وهية عم تبكي ...تفاجأ فيها عامر وخاف يكون صاير عليها شي
عامر :بنتي شو صاير معك ؟ احكي حدا اذاكي حدا عامللك شي ؟
شمس :مشان الله سامحني

عامر :ليش شو عملتي ...
شمس :المحامي خبرني كلشي
عامر :ايمت ؟؟

شمس :الي فترة بعرف. .. بس ليش ماحكيتلي انو هي وصية ابي
عامر :الله يرحمو ... كنت بدي اياكي تكوني قوية وقد حالك وحتى لو عليي انا رضيان المهم ماتسكتي عن حقك ..خليكي قوية متل ماكان ابوكي
شمس :بتسمحلي ناديلك بابا

عامر :طول عمري كنت بتمنى يكون عندي بنت بس خفت خلف بنت ماتكون متلك فغضيت النظر عن هالقصة بعد ما تزوجت امك واعتبرتك بنتي من زمان
شمس :الله لايحرمني منك

-------------------*

بعد كم يوم الصبح كان كنان عم يفتح باب سيارتو لما اجا من ورا زلمة وخدرو وسحبو مع كم رجال عسيارة جيب مفيمة

اما كريم كان سايق سيارتو لما اعترضتو سيارة سودة ونزلو منها زلمتين وحاول يقاومهون بس كهربوه بأداة الكهربا لحتا غمي وطلعو بالسيارة واخدوه

أما وائل عملو معو نفس الحركة وخطفوه .. وابو الجود لما كان عم يفتح باب ورشتو كمان غافلو وخلو يفقد وعيو وخطفوه

صحي كنان اللي كان مكتف على كرسي و فيه ئماشة مسكرة عيونو ...
كنان :ميين في هون

كريم :اخي هاد انت ؟
كنان :كريم ! شو عم يصير
كريم :حتى انت مربط ومعصوبين عيونك ؟
كنان :اي
وائل :وانا هون كمان
ابو الجود :شباب وانا هون كمان

كنان :وانتو كمان مخطوفيين ؟ مين في كمان ؟
ابو الجود :شكلنا بس نحنا ..
وائل :لك حدا يفهمنا شو عم بيصير ؟

وفجأة حدا شال العصبات عن عيونهن واتفاجأو الشباب ...
كنان :شمس ؟ انتو !!

وائل :شهد شوفي ؟
كريم :يمنى شو عم يصير هون ؟
ابو الجود :كيفك ميرا ..

ابتسمت ميرا وقالت :انتو مابتعرفو ليش خاطفينكون ؟
كنان :والله ماعملنا شي
شمس :نحنا عصابة بنات وياويلو اللي بدو يلعب فينا
كريم :ومين لعب فيكون ؟
شهد :انتو

شمس :بدكون تتجوزونا وللا لا
انصدمو الشباب وانفجرو ضحك والبنات بيطلعو فيهن ببرود

ميرا :شو رأيكون بنات ..شكلن عم يتضحكو علينا
يمنى :ماعاش اللي بدو يتضحك علينا
شمس :ازا مابدهن يتجوزونا بحياتن مارح يكون الن عين يتجوزو غيرنا
حملت شهد مقص وقالت :اكيييد ،، جاهزين لعملية طهور من الدرجة الاولى. !!

وبس شافو الشباب المقص بلعو ريقهم وتحول ضحكهم لصدمة وبكي
كنان :شووو ناووين تعملو ؟
شمس :شو رأيك حبيبي
كريم :

شهد :بميين بتحبو بلش صبايا
يمن؟ :انا برأيي تبلشي بـ كريم لأنو خلاني حبو بعد مابلش يهدد فيني
كريم :يمونة حبيبتي و الله عملت هيك لحتا ما اخسرك من بين ايديي

شمس :لاا بلشي بكنان لأنو نسيني هالفترة وحتى اتصال بطل يرن

كنان :وحياتك عندي كنت مشغول وازا مو مسدقة اسألي عامر بيك

ميرا :شهودة بلشي بأبو الجود لأنو ماسدق مالقا اهلي لحتا تخلا عني ويأس مني بسرعة

ابو الجود :انتي بتعرفي اديش انا بحبك وعملت المستحيل لحتا وصل لعيلتك بس ما قدرت ومع هيك وعدتك جسمي مايلمس جسم مرة طول مالك بعيدة وانا ماعندي مانع عملي اللي بدك اياه بس اتأكدي اني بحبببك

شهد :شو وائل ؟
وائل :شو انا ماعملت شي
شهد :قنعتني اني ما اعمل العملية
وائل :وهاد بكون ذنب برأيك ؟
شهد :وعلقتني فيك وخليتني حبك
وائل :بس انتي علقتيني قبل ما انا علقك وحبيتك قبل ما انتي تحبيني ومع هيك ضليتي مصرة عالعملية ولاخر لحظة لحتا قدرت اقنعك انو ماتعمليها

شمس :هلأ من الأخر رح تتجوزونا وللا لااا
كنان :احب على قلبي
كريم :لك ماني مسدق ايمت تجمعنا غرفة وحدة انا وحبيبة قلبي يمونة

ابو الجود :ازا ميرا قبلت انا رح كون اسعد انسان بالدنيا
وائل :بتتزكري لما نطيتي عليي وضميتني شهودة ...من وقتا وانا متلهف لحتا نتجوز وترجعي تعيدي هالحركة معي
الكل :

شهد :استحي تضرب

اخيرا فات عامر ومعو كاتب العدل ...
عامر :معناتا بتتجوزوهم
كنان :عامر بيك ؟ !!!
عامر :اي .. شمس طلبت مني كون وكيل عليهم ... شمس ويمنى وميرا وشهد هدول من اليوم ورايح بناتي ويلي بزعلهم بكون فتح علئ حالو بواب جهنم

وافقو الشباب وفكووهم البنات و كتبو كتابهم كلهم وبعد شهر تزوجو كلن بـ عرس جماعي كان أحلا عرس لأنو جمع سعادتهم وأحلامهم ...

عصابة بنات أسطورة أربع بنات واجهو هالحياة بقوة بدون استسلام وبدون خوف... وعاشوها بكل تفاصيلها بحلوها وبمرها ...