رواية عصابة بنات الفصل الثالث عشر 13 بقلم هاجر ابراهيم
كنان :اي بحبك شمس ... شو ردك ؟
شمس :ط طيب بعد شوي كمان لحتا جاوبكبعد كنان كمان خطوتين لورا
شمس :انت ماقلتلي انك بتكره جنس حوا كلو ، شو عدا مابدا ؟
كنان :انتي ... وبعدين انا حبيتك وهاد الشي مو بإرادتي
شمس :اه ... مزبوط حب لا ارادي
ابتسمت شمس وضربتو على ركبتو بإجرها وركضت لعند الباب ...
مسك ركبتو وبلش يتوجع وينط مكانو...
كنان :اااخ اااخ اااخ ...اعتبر هي موافقة ؟
اتطلعت شمس وابتسمت وقالت :لا اعتبر هي الضربة كرمال البوسة يلي اخدتا مني بدون اذن
وطلعت من المكتب ...
وصلت شمس عالغرفة وفاتت وهية مو مسدقة اللي صار ... كيف قدر كنان يخليها متل طفلة بين ايديه
.......................
تاني يوم ببيت عامر كان وائل قاعد وعم يفكر يحكي لأبو ... وقطعتلو سلسلة أفكارو ام شمس
ام شمس :تفضل ابني
وناولتو فنجان شاي
وائل :يسلمو خالتي ...
ام شمس :وائل انت ماعرفت شي عن شمس ؟
وائل :مبلا ... شفتا مبارح
ام شمس :وليش ماجبتا ... والله قلبي محروق لشوفتها
وائل :قبل مااحكي اي شي او خبرك وينها ... خالتي بدي تفهميني كيف ابي اخد الأملاك اللي كتبلك اياهون جوزك ؟
ام شمس :اه ... ما يعني...لـ ليش بدك تعرف ؟
وائل :لأنو شمس هربت لما عرفت انو عطيتي كلشي املاك لأبي وهية هلأ عم تحاول ترجع كلشي عم تفهمي عليي خالتي ؟
ام شمس :بس انا ما كتبتلو شي ...
وائل :شلون ماكتبتيلو شي ...خالتي بس فهميني ابي غصبك توقعي عأوراق بيع شراء وللا وقعتي من حالك ؟
ام شمس :....
وائل: ياخالتي لا تضلي ساكتة ،حكيلي بركي اقدر ساعدك ..وبعدين انتي بحياتك مارح تشوفي وجه شمس بدون ماتعرف الحقيقة
ام شمس :هية هيك حكتلك ؟
وائل :اي
ام شمس :خلص رح قلك ... ابوك وابوها لشمس كانو شركة وابو شمس كان يعتبر عامر متل اخوه ... لما مرض ابو شمس وبلش بعلاجو مسك عامر كلشي شغل عن ابو شمس واستلم هوة ادارة الشركات وطبعا بتوكيل من شاهر ولما قربت اخرة شاهر كتب وصيتو وطلعها المحامي بعد وفاة ابو شمس بأربع شهور بس الوصية خفاها المحامي ونكر بعدها بوجودها ..
وائل :وشو كانت وصيتو ؟
ام شمس :كان شاهر كاتب كل ثروتو لورثائو الشرعيين اللي هية شمس بس عامر والمحامي اتفقو يخفو الوصية وضل عامر موكل عن هالأملاك لحد الآن وازا ماظهرت هالوصية رح يضل كلشي لأبوك وكمان اللي طلعلي الي خلاني وقع على بياض واخدون
وائل :وليش ضليتي ساكتة على هالحكي ! يعني ابي لسا ماممتلك شي من ممتلكات شمس ؟
ام شمس :لا طبعا بعدو مجرد وكيل بس لا انا ولا شمس بنقدر انطالبو بشي من هالأملاك لأنو ابوك مأتمن عليهن اما اللي طلعولي صارو بإسمو فهمت عليي
وائل :اي فهمت... يعني لازم تلتقى هالوصية لحتا تسقط الوكالة عن ابي
ام شمس :مبلا ..بس لاتحكي لأبوك اني حكيتلك والله بطلقني وبرميني بالشارع
----------------*
كانو البنات عم يوضبو اغراضن بعد ما حكتلن شمس انها رح تتخلا عن هالشغلة وهنن ماحكو ووافقو بسرعة ...لما اجا كريم ...
كريم :كيفك اخي
كنان :اهلين كريم ... مالك بالعادة تكون صاحي هلا
كريم :لكك اي ..اجا عبالي جيب فطور ونفطر سوا
كنان :اه نفطر سوا ! حط عينك بعيني ولا ازعر انت اجيت لهون كرمالي وللا كرمال البنات اللي عندي ؟
كريم :اي اي اكيد مو كرمالك رح كون صاحي هلا ...وينون ؟
كنان :فوت يبليك بقتلك شو نسونجي
كانو لسا البنات عم يوضبو اغراضهن لما شافو يمنى صافنة ..
كانت يمنى عم يجيها لمحات عن ذكريات لما باسها كريم وحاول يغويها وهية دايخة
يمنى بقلبا :شو هالذكريات ،بجوز كنت عم بحلم ،اوووف من مبارح وانا عم حاول اتذكر اللي صار وماعم بقدر اتذكر غير شكل متل ميزان وهلأ عم تجيني هي التخيلات
واخيرا صحيت عحالها بعد ماسمعت شمس بتناديلا
يمنى :نعم
شمس :الله ينعم عليكي الي ساعة بناديلك وين كنتي شاردة ؟
يمنى :لا ماكنت شاردة
شهد :كيف ماكنتي شاردة .. احكي وين كان عقلك ؟
يمنئ :والله ولا بمكان
شمس :حالتك مو عاجبتني
ميرا :يمنى حبيبتي انتي .. كريم وين اخدك مبارح ؟
يمنى :مـ مااخدني عمكان
شمس :وليش هيك متلبكة ؟ احكي ولا تخجلي كريم مد ايدو عليكي ؟ اذاكي شي ؟ احكي بركي نقدر نساعدك
يمنى :لا والله ماعمللي شي ...
ودمعت عيونا
شهد :خلص بنات موشايفينها دمعت وشوي تانية بدها تبكي ازا ضغطو عليها ...تضربي انتي وهالعادة يمنى اي
وسمعو صوت الباب عم يدق
راحت شمس وفتحتو وطلع كنان بوجها .. وصفنو بعيون بعض
كنان :صباح الخير
شمس :صباح النور ..
كنان :ايوا انتي ماكنتي عم تمزحي مبارح لما قلتي انكون راجعين عبيتكون
ميرا :اكيد شمس مابتمزح بهيك شغلات ..
كنان :طيب تركو من ايديكون وتعالو نفطر ... اخي اجا وجاب معو فطور كامل ....
شمس :جمال ؟
كنان :لا كريم ... يالله تعالو خلينا نفطر سوا قبل ماتمشو
طلع كنان ولحقوه البنات ماعدا يمنى اللي كانت حاسة انو رجليها معد حملوها وخافت ...
رجعت شمس عالغرفة وقالت :يمنى مابدك تجي ؟
هزت يمنى براسها وطلعو البنات وشافو كريم مجهز الأكل عالطاولة وناطرهن .. وبس شاف يمنى ضحك وورجاها انو هوة مهتم ... قعدت يمنى عالطاولة وانتبهت على قميصو اللي كان لابسو انو كان مفتوح من عند الصدر ولابس سنسال مو مبين الحرف تبعو ... وبلشو ياكلو وضلت يمنى اتطلع عالسنسال لحتا اخيرا بين عليها الحرف تبعو ...كان ميزان
يمى :ميزااان ؟؟
صفنو كلون فيها واتفاجأو بتصرف يمنى
شهد :شبكي ياهبلة ؟
يمنى :مـ مافي شي ..انا شبعت ... الحمدلله
وقامت من عالطاولة وطلعت عالحديقة ...
وبهالوقت رن جرس الباب وراح كنان وفتحو وطلع بوجهو وائل ...
وائل :كيفك سيد كنان ..شمس هون ؟
كنان :اممم اهلا وسهلا تفضل...
فات ولماشافتو شمس وقفت وقالت : شو جابك يابعدي
وائل :اجيت لحتا نحكي
شمس: بشو ... مو على اساس بدك تخبر عني وبدك تحبسني
وائل :لا ...انا اجيت خبرك اني لقيتلك طريقة لحتا ترجعي املاك ابوكي على اسمك
شهد :عنجد ?
شمس :اصحكون تسدقوه هاد بدو يودينا كلنا عالسجن
وائل :وشو مصلحتي دخلكون عالسجن ؟
شمس :اولا لحتا تبري البابا تبعك ...تاني شي انت مالك مصلحة تخسر هالأملاك اللي سرقها ابوك ورح يورتكون اياها الك ولأخوك من بعدو
وائل :والله صحيح انا شلون مافكرت هيك ،يمكن لأنو مالي مادي متلك ! شمس انتي مادية ومن لما عرفتك وانتي بتحبي المصاري ومستعدة تعملي اي شي لحتا تحصليها
شمس :مابنكر حبي للترف ،بس عالقليلة ماسرقت شي مو الي
كان كريم عم يشرب مي لما سمعها عم تحكي هالكلمة وفجأة اجتو الضحكة ورشق كلشي مي كان بتمو وبلش يسعل ويضحك سوا
ميرا :شو صرلك ؟
كريم :مافيي شي ... كملي كملي حكيك
وائل :عكل حال انا عرفت كل الحقيقة من امك وعرفت انو ابي هوة مجرد وكيل على هالأملاك وابوكي يلي سلمو الوكالة ياشمس
اتفاجأو الكل من كلامو
شمس :وابي ليش لحتا يسلم ابوك الوكالة ؟
قعد وائل وخبر كلشي عرفو عن هالقصة
شهد :يعني عالحالتين ابوك عم يفكر ياخد كلشي
وائل :في فرق ... انتي ياشمس كنتي ظالمتيه ،وابي لما خفا وصية ابوكي فهاد مشان مصلحتك
شمس :اي مشان مصلحتي ... ولما كنت روح لعندو عالشركة يسلط عليي السيكيوريتي لحتا يضربوني ولما كنت طالبو بحقي يقعد يتمسخر ويقلي ماالك عندي شي ...كل هاد مشان مصلحتي ؟
وائل :رح يجي يوم وتعرفي الحقيقة ... بس هلا لازم نجيب الوصية
شمس : بكون ابوك والمحامي حرقوها ولا مين شاف ولا مين دري
كنان :بتسمحولي ادخل ... مابظن المحامي غبي لهالدرجة لحتا يحرق مستمسك متل هاد على عامر بيك .. وبما انو نفسو الدنية وطمعو خلا يخفيها فأكيد رح يكون عندو نسخة عنها ليقدر يبتز فيها عامر لحتا يحصل كم قرش من ورا هالقصة لأنو بيعرف انو ازا هالورقة بانت عامر رح يخسر وكالة شركات شاهر بيك الله يرحمو ...
ميرا :مزبوط ...كلام السيد كنان فيو وجهة نظر
كان كريم وشهد قاعدين وساكتين وعم يتابعو الحديث الخطير بإهتمام بالغ وواضح ويهزو براسهن ...
همس كريم لـ شهد :هنن عنشو عم يحكو بالضبط ؟
شهد :والله ازا انت فهمت كلمة انا فهمت ،خلص انت خليك ساكت وعميل حالك فهمان عليهن
أخيرا اقتنعت شمس انو وائل بدو مصلحتا ومابدو اياها تنضر او تفوت السجن او حتى يضر ابوه ... وبنفس اليوم أخد شمس وطلعو على المحامي يلي كان متوكل قضية ارث ابو شمس...
وبالمكتب ...
وائل :كيف يعني مافي وصية ؟
المحامي :مافي وصية ... السيد ابو شمس قبل مايموت ماكتب وصية
شمس :هاد الحكي كذب وانا ماباكل فيه ...هلا بدك اتطلعها بالزوء وللا اجي اعمللك اللازم خليك اتطلعها بالزور
وائل :هدي شمس ... بس مدامة شاهر بيك حكتلي غير هالحكي وانو كان فيه وصية طلعت بعد اربع شهور من وفاة شاهر بيك ورجعت اختفت ... فيني اعرف ليش بدك تخفيها ؟
المحامي «بلبكة » : قلتلكون مااافي وصية ..يعني جبلكون وصية من بيت ابي لحتا ترتاحو ...
وقفت شمس وبلشت ترفع بكمام ئميصها وهية عم تحكي :شكلوو مو ناوي يجيبها بالزوووء
وائل :شو بدك تعملي يامجنونة
وراحت لعندو لورا الطاولة ورفعتو من جاكيت بدلتو
شمس :اسماع يامحترم .. ازا مابتطلع هالوصية متل ما الله خلقك رح اضربك ضرب دخلك خمسين سنة بغيبوبة بعدا عم تفهم
المحامي :لك انتي عم تتعدي عليي بمكتبي ..والله لأرفع عليكون دعوة تعدي
راح وائل مسك شمس وبعدها عن المحامي ..
شمس «بعصبية »:ايدك وماتعطيك ... وحطا حلقة بإدنك ... وحياة ربك مالي مفارقتك
وائل :سمعت بيت الشعر هاد ... رح تصير تشوفو بمنامك
ومسك شمس وقلا :خلينا نمشي يالله
طلعو من عند المحامي ووائل كان فرطان ضحك
شمس :اي اتضحك .. اصلا هاد اللي شاطر فيه انت
وائل :رح نجيب الوصية اتطمني وحطي رجليكي وايديكي بمي باردة ..
شمس :شو قصدك ؟
وائل :انتبهتي انو هالمحامي حاطط خزنة ورا
شمس :وشو يعني ؟
وائل :ولو شموسة بعرفك بتلقطيها عالطاير. . يعني هوة لاتاجر ولا رجل اعمال. .. لحتا يكون عندو خزنة بمكتبو
شمس :اااااه
وائل :اممممم
وضربو كفوفهن ببعض وهنن عم يضحكو
-------------------*
وببيت كنان ... كانو البنات مجهزين الشناتي تبعاتون وناطرين شمس لحتا ترجع مشان يرجعو عبيتون ...ولما شاف كريم يمنى راحت عالمطبخ لحئها ...
كانت عم تشرب مي لما لفت وتفاجأت فيه
حطت الكاسة من ايدها ومشيت بس هوة مسكلا ايدها وثبتها ...
يمنئ :شـ شو لسا بدك
كريم : اديش عمرك ؟
يمنى :19 ليش عم تسأل ؟
همسلا كريم :بدي منك شي ..
يمنى :شـو هوة ؟
كريم :بدي اياكي تكوني رفيقتي
يمنى :مافهمت كيف يعني ؟
كريم :يعني اتضللي جنبي عطول وانا بالمقابل رح اعطيكي اللي بدك اياه ...
يمنى :انت اكيد مجنون ...تركلي ايدي خليني اطلع
كريم :مو انتي قلتيلي انك تربيتي بميتم ...اعتبريني اتبنيتك ..رح سكنك بأحلا شقة ورح جبلك احلا تياب ويلي بدك اياه بيصير
يمنى :وشو بدك بالمقابل ؟
كريم :تكوني صاحبتي ... اكيد فهمتي عليي انتي سمعتي عن المساكنة ؟
يمنى :شو شايفني بنت فلتانة لحتا اعمل هيك شي ؟
كريم«باستفزاز » :بكفي انك تربية ميتم يعني لقيطة ... عادي
انصدمت يمنى وصفنت بعيون كريم بقهر وبعد شوي فاجئتو بكف على وجهو
يمنى :انت ...انت واحد حيوان
وكانت بدها تمشي لما رجعها لورا ولزقها بالمجلي وكمملا تمها وقرب عليها ولزق جبينو بجبينها وهمس :بتعرفي انو لسا ما خلقت اللي ضربتني بس انتي معليش مقبولة منك ... انا يا يمني ماعم بطلبو منك طلب ولا عم باخد ازنك ... انا عم بأمرك أمر وبدك تنفذي غصبن عنك مو بكيفك ... بتعرفي ليش ؟
بلشت يمنى تبكي وتهز براسها برعبة
كريم :يمنى ازا بدك تنفدي وتنفدي رفقاتك من السجن بتنفذي يلي قلتلك عليه وانتي وضميرك بقا ... وعفكرة دخييل رب هالشفاف اللي عليكي بجننو وطعمتون بتشهي
توسعت عيون يمنى لأنو كريم اكدلا كلشي ذكريات عم تخطر عبالها
تركها وبعد عنها وقال :فكري منيح
وطلع ورقة من جيبو وحطا بإيدها
كريم :هاد رقمي ..بس تقرري رنيلي اوك
وغمزها وطلع من المطبخ ... تاركها وراه عم تبكي وتلوم حالها لأنها حكت
