رواية مهرة الاسد الفصل الثالث عشر 13 بقلم اميرة خالد

وثاني يوم في امريكا في بيت حسن دخل حاتم وهو بيجري وبيقول له الحق يا بابا المحامي لقى جد مهره وخلاه مضى على الوصيه رد حسن طب هم عرفوا يوصلوا المهره رد حاتم لسه يا بابا احنا عايزين اول ما هي ترجع اتجوزها على طول عشان جدها ما يسيطرش عليها قال له طيب يلا خلينا نروح الشركه نشوف المشكله بتاعه شركه محمود الجبالي رد حاتم يلا يا بابا خد مفتاح العربيه والموبايل وراحوا ركبوا العربيه

اما في الشركه كان مازن بيكلم الشؤون القانونيه انهم حلوا المشكله ورد المحامي تمام يا استاذ مازن احنا هنعمل تسويه ونخلص الموضوع رد مازن تمام راح على مكتبه ومسك الموبايل واتصل على جوليا وطلب منها انهم يتقابلوا ردت جوليا ابعد عني يا مازن رد عليها لا يا جوليا مش هبعد و لازم تفهمك ان انا ما خنتكيش انا بحبك وعايزك ويا ريت تدينا فرصه ثانيه رده جوليا انا تعبانه يا مازن مش قادره اخد قرار دلوقتي يا ريت تسيبني شويه اعرف ارتب افكاري رد مازن هو الحب اللي بينا محتاج يترتب افكاره انا مش هطلب منك حاجه غير ان انتي تسالي قلبك وتشوفي هو هيقول لك ايه ولو موافقه هتلاقيني مستني في المطعم بتاعنا الساعه 9:00 سلام يا جوليا وقفل مازن وهو بيتنهد بقوه

مكتب حسن كان قاعد وطلب من السكرتيره القهوه بتاعته وقال لها ابعتي لي الملف بتاع محمود الجبالي وردت السكرتيره استاذ مازن خده وسمعت انه خلص الموضوع وانه اتحل رد حسن اتحل ازاي طب اخرجي وابعتي لي مازن قالت له حاضر خرجت السكرتيره ومسكت التليفون واتصلت على مازن وقالت له ان حسن عايزه بعد وقت دخل مازن وهو بيقول ايوه يا حسن بيه في حاجه رد حسن انت حليت مشكله محمود الجبالي ازاي رد مازن مش انا اللي حليتها جوليا المحاميه هي اللي حلتها رد حسن هو انت رجعت لجوليا رد مازن لا بس ده شغله في المكتب قال له تمام وخرج مازن وبص للسكرتيره بمعنى تعالي ورايا وقف مع السكرتيره وقال لها انا عايزك تبقي مركزه معاهم وفي اي جديد اتصلي عليا رده السكرتيره باحترام حاضر يا مازن بيه ورجعت على مكتبها ولقت حاتم داخل المكتب عند حسن اتكلم حاتم في حاجه يا بابا رد حسن ايوه مشكله محمود الجبالي اتحلت رد حاتم طب ازاي قال له مازن بيقول ان جوليا هي اللي حلتها واتكلم حاتم ازاي تتحل وانا وانت متفقين مع الراجل اللي هناك عشان خاطر ياخذ الشط الجزائي وناخد نسبه منه في حاجه غلط ما حدش يقدر يحل المشكله ديت الا مهره وانت عارف ان مهره مش موجوده في الشركه عشان تقدر تحل مشكله زي دي وكمان نفسيتها وحشه من ساعه موتت والدها يعني مش هتبقى فاضيه لحل المشاكل ديت اتكلم حسن انا عايزك تتصل للراجل بتاعنا اللي عند محمود الجبالي ويعرف مين اللي حل المشكله رد حاتم حاضر يا بابا ومسك التليفون واتصل واتكلم الراجل وقال له ان في محاميه جت واسمها جوليا وقبلت محمود الجبالي بنفسه وحلت المشكله وضيعت علينا الفلوس ورد حاتم خلاص ما فيش مشكله بس اهم حاجه ما حدش يعرف الاتفاق اللي كان بينا رد الراجل تمام عشان انت عارف محمود الجبالي لو عرف هتحصل مصيبه قال له طيب وقفل معاه وبص لابوه وقال له فعلا ان جوليا راحت وحلت المشكله رد حسن تمام كل ده كانت سمعاه السكرتيره وراحت على مكتب مازن حكيت له كل اللي حصل ورد مازن تمام ولو في جديد ابقي تعالي قولي لي عليه ردت السكرتيره حاضر اما مازن ماسك التليفون واتصل على مهره وحكى لها كل اللي حصل وردت مهره تمام وقفلت معاه

اما في القاهره مهره كانت قاعده بتشرب القهوه بتاعتها وهي لابسه عبايه ماسكه التليفون وبتخلص شغلها وبعتت رساله لمحمود الجبالي وقالت له ان في شخص عنده في الشركه بيعمل صفقات من وراها خلي بالك من شغلك ورد محمود الجبالي عليها مين هو ردت عليه ما اعرفش بس انت خلي بالك من شغلك رد محمود الجبالي شكرا على تنبيهك ويا ريت تقبلي مني عزومتي على الغداء ردت مهره متاسفه عندي شغل خليها في الويك ان رد عليها حاضر هستناك



وستها خرجت وقالت لها كنت بتعملي ايه يا مهره ردت عليها كنت بخلص شغل يا تيته محتاجه حاجه قالت لها لا يا حبيبتي ودخلت زينب المطبخ وبعد وقت الحريم بدات تنزل وكمان مروه وهي بتبص لمهره بقرف ما عبرتهاش مهره وراحت قعدت جنب جدها واتكلمت معاه ورد عمار المقاول هيبدا النهارده حابه تنزلي معاه ردت مهره تمام يا جدو قال لها خلاص هبعت حد من الشباب معاكي رده مهره حاضر يا جدو بس ما يكونش اسد بعد اذنك قال لها حاضر

اما في شقه اسد صحي من النوم ودخل الحمام استحمى وخرج وطلع هدومه وهو بيفكر هيتكلم مع جدو ازاي وسرح شعره رش برفان ومسك التليفون ومفاتيح العربيه وخرج شاف زين هو وزياد بيتكلموا وقال له ما نزلتوش ليه رد زين هننزل دلوقتي عشان نقعد مع طنط مهره رد اسد ماشي يلا بينا



وفي شقه عمار الحريم حضروا الفطار والكل قاعد بيفطر واتكلم عمار مجدي انت هتقف مع المقاول رد عليه ايوه يا عمي قال له تمام ابقى خذ مهره معاك عشان لو في حاجه المقاول عملها غلط تبقى مهره موجوده عشان هي اللي عملت الرسومات وخلي بالك منها ورد مجدي في عينيا يا عمي واتكلمت مهره معلش يا جدو كنت عايزه اروح معرض اجيب عربيه اتحرك بيها هنا رد عمار ومحتاجه العربيه ليه ولو عايزه عربيه هجيب لك اللي انت عايزاه واتكلمت مروه بمس لمي وقالت لها شفتي داخله على طمعه ردت مي بقول لك ايه ما لكيش دعوه بيا وهم حرين بيها وفي الاول وفي الاخر دي حفيدتهم ويا ريت تسكتي خالص سكته مروه وهي متضايقه واتكلمت مهره معلش يا جدي انا هجيب العربيه بفلوس الخاصه انا كلمت مازن يبعت لي فلوس رد عمار هزعل منك دي فلوس امك فاهمه يا مهره ردت مهره خلاص يا جدو مش عايزه عربيه وممكن تخلي السواق يروح بيا في كل مكان ما دام انت مش محتاج العربيه بتاعتك اما فلوس مش هياخد من حضرتك حاجه ولا هجيب حاجه من فلوس حضرتك رد عمار عنيده زي امك ماشي يا ستي العربيه بتاعتي تحت امرك كل ده تحت انظار اسد اللي مخنوق ومتعصب من تجاهلها لي وقامت مهره ودخلت الاوضه وغيرت لبسها وعملت شعرها وحطت ميك اب



وخرجت واول ما شافتها زينب قالت اللهم صل على النبي ايه الحلاوه ديت ضحكه مهره وهي بتقول لها ما فيش بعد جمالك يا تيته رد زين انت حلوه قوي يا طنط مهره وانا بحبك قربت مهره من زين وبسيته من خده وطلعت له شوكولاته من شنطتها وقالت له خدي يا زين الشيكولاته ودت للاولاد كلهم واتكلمت ميرفت خلي بالك منها يا مجدي ضحك مجدي وقال لها انا خايف يتخطف مني بالحلاوه الكل ضحك واسد ماسك كوبايه وضغط عليها جامد لغايه ما اتكسرت واتكلمت عيشه ايه يا اسد جرى لك حاجه رد اساس ما فيش حاجه يا ماما انا كويس وبصت لمروه وقالت لها قومي شوفي جوزك اذا كانت عور ولا لا ردت مروه ببرود اسد كويس ما فيهوش حاجه واتكلمت مهره لو انت يا عم مجدي خلصت يلا بينا قال لها طيب يا حبيبتي واتكلم عمار لو في اي حاجه اتصلوا بيا وانا هاجي لكم رد مجدي ماشي يا عمي وخرج هو ومهره ركبوا العربيه

اما اسد بص لجدو وقال له يلا بينا رد عمار تمام وخرجوا ركبوا العربيه والكل راح على شغله وزينب بصت للحريم وقالت لهم يلا عشان نجهز الغداء وجزء منكم هيروق الشقه ويمسحها وتضايقت مروه وبصت لمي وقالت مش معنى هي ما عملتش حاجه معانا ردت مي انت شكلك مش هتجيبيها لبره ما تبعدي يا ستي بقى واهدي ومشيت مي مع الحريم وتضايقت مروه

وبعد وقت وصل اسد مع جدو المعرض واتكلم عمار قول يا اسد انت عايز تقول ايه واتكلم اسد هو انت عرفت منين ان انا عايزه اتكلم معك يا جدي رد عمار انا اعرفك اكتر من نفسك وعارف انت عايز تتكلم وامتى لا قال له طيب هو انا مش عارف اجيبها لك ازاي بس كل اللي انا عايزه اقوله لك لو مهره لازم تتجاوز حد من العيله ينفع اتجوزها انا بص له عمار وقال له وتفتكر ان مهره توافق انت اخر واحد ممكن توافق عليك بسبب تصرفاتك معاها ومهره جامده ودماغها ذكيه وشاطره جدا وعايزه حد يكون حنين عليها ويعوضها فراق ابوها وامها فهمت يا اسد رد عليه مش يمكن لو اتجوزتني وتعرفني كويس هتحبني رد عمار جايز بس اللي انا هقدر اقوله لك سيبها على ربنا وانا هحاول اتكلم معاه تاني واشوف هتعمل ايه رد اسد طيب يا جدي بس بالله عليك ما تخليهاش تتجوز حد من العيله انا بحبها يا جدي وانا اول مره احس بالمشاعر ديت رد عمار يا ابني بص لبيتك وحياتك وعيالك واللي فيه الخير يقدمه ربنا اتنهد اسد وساب جده وخرج راكب العربيه ام عمار كان قاعد زعلان عشان اتاكد من اللي هو كان شاكك فيه ان حفيده بيحب مهره بس المشكله ان مهره مش طايقه يا اسد فقرر انه هيحاول يقرب بين الاثنين

اما في البيت عند زينب طلبت من الحريم يمسحوا الشقه وبعد ما خلصوا وقالت لزينب معلش يا ستي هطلع هغير هدومي عشان الجلابيه كلها ميه وردت زينب ماشي يا مروه واول ما شافتهم دخلوا المطبخ وما فيش حد في الصاله عملت نفسها انها طالعه بس اتسحبت ودخلت على اوضه مهره وهي معاها مقص ودخلت الاوضه قطعت هدوم مهره وكمان كسرت لها التابلت وبوزت لها الميك اب وقزاز البرفان كسرتها وقالت يانا يا انت هنا وفتحت الباب بالراحه وبصت ما لقيتش حد وخرجت وكل ده وكانت فاكره ان ما حدش شافها بس كان في حد شافها

اما عند اسد كان بيلف بالعربيه وهو متضايق ومتعصب مش عارف يعمل ايه ولقى تليفونه بيرن وكان جدو عمار وطلب منه انه يروح عند مهره في الارض عشان مجدي سابها عشان في مشوار مهم لازم يعملوا للحديد فرح اسد وهو فهم دماغ جده انه بيدي له فرصه يقرب من مهره ورد حاضر يا جدي قدامي ربع ساعه واكون عندها وشكرا على اللي انت بتعمله معايا وضحك عمار وقفل معاه التليفون وبعد ربع ساعه وصل اسد الموقع وشاف مهره بتتكلم مع المقاول بجديه و صرامه وانبسط جدا من شخصيتها بس اغار عليها من عيون الرجاله وقرب منهم وقال لها في مشكله باشمهندسه بصيت له باستغراب انه اول مره يتكلم معاها بالطريقه دي وردت عليه ما فيش مشكله واتكلم المقاول بصراحه الباشمهندسه عامله تصميم 100 100 واول مره اشتغل مع حد لسه سنه صغير وفاهم في الشغل كده رد اسد طبعا هي اي حد دي حفيده الحاج عمار اتصدمت مهره من كلامه واتكلم اسد تشربي عصير قصب اصل الحته دي فيها بتاع عصير قصب حكايه ضحكه مهره وقالت له طيب وراح اسد جاب لها عصير قصب وقعد معاها وعايز يتكلم بس مش عارف كلمت مهره وقالت له عايز تقول ايه يا اسد رد اسد هو انت عرفت منين ان انا عايزه اقول حاجه قالت له باين عليك قال لها ممكن نفتح صفحه جديده ونبقى اصدقاء ردت مهره ما عنديش مشكله رد اسد بفرحه تمام وبعد وقت طويل خلص الشغل واتكلمت مهره يلا عشان انا مش قادره ونفسي اخش اخد شاور باي طريقه ضحك اسد وقال لها تمام وركب العربيه وراحه على بيت

اما في البيت عمار زينب كانت واقفه مع الحريم وبيعملوا الاكل ومروه واقفه كل شويه بتضحك ونفسها تشوف تعبيرات وش مهره بعد اللي حصل في اوضتها وخلصوا الاكل ووصلوا الرجاله وخرجت مروه مع الحريم وشافوا اسد داخل مع مهره وبيتكلموا وبيضحكوا وتضايقت مروه وقالت له هو انت كنت مع مهره رد اسد وانت مالك واتكلم عمار ايوه عشان مجدي راح مشوار في حاجه يا مروه قالت له ما فيش حاجه يا جدي وسكتك وردت مهره عايزين حاجه يا جماعه ودخلت الاوضه واول ما دخلت الاوضه اتصدمت وخرجت وبصت لستها وقالت لها وفي حد جه جنب الاوضه بتاعتي وردت زينب ابدا يا حبيبتي ده انا حتى خليت خالتك ميرفت هي اللي مسحتها وقفلتها ثاني واتكلم عمار في ايه يا حبيبتي ايه اللي حصل قالت له تعالى بس ثواني يا جدو ولكل راح وراه ودخل وشاف المنظر وقال ايه ده من اللي عمل كده واتكلمت زينب ممكن العيال واتكلمت مهره مستحيل العيال يخشوا يعملوا كده ده حد مش كويس شوفي هدومي اتقطعت ازاي بمقص يا تيته ردت ميرفت ان شاء الله يتقطع ايده اللي عمل كده ما تزعليش نفسك ردت مهره انا مش زعلانه يا خالتو وانا بايدي اجيب احسن من دولت 100 مره ورد عمار خلاص يا مهره انا هعرف مين اللي عمل كده وبعد الغداء ابقي انزلي جيبي اللي انت عايزاه بدل اللي اتكسر وردت مهره انا مش هجيب حاجه يا جدو غير لما اعرف مين اللي عمل كده ويتحاسب رد اسد خلاص يا مهره اسمعي كلام جدك كلمت زينب تعالي يا حبيبتي خشي الاوضه عندي استحمي وهطلع لك العبايه ثانيه عقبال مع حد يخش ينظف اوضتك هزت راسها بالموافقه وهي ماشيه مع زينب شافت مروه بتضحك وتاكدت ان هي واتكلم عمار مين فيكم اللي عمل كده في اوضه مهره الحريم رده احنا كلنا كلنا مع بعض في المطبخ ما سبناش المطبخ ثانيه رد عمار انا هعرف مين ومهره دخلت خدت شاور ولبست العبايه اللي ستها طلعتها ورفعت شعرها بكحكه فوضويه وخرجت وبصت لجدها وقالت له مين بقى يا جدو اللي عمل كده رد عمار انا مش عارف رده مهره بس انا عارفه ويا ريت يا جدي اللي عمل كده يتعاقب ورد عمار عرفت ازاي قالت له انا حاطه كاميرا في الاوضه ورد عمار بصدمه واستغراب ليه انت ببيت جدك واتكلمت مهره دي حاجه انا اتعودت عليها يا جدو حتى عندي في اوضتي في امريكا حاطه كاميرا وفي مكتبي واتصدمت مروه وخافت انهم يعرفوا ان هي اللي عملت كده وقالت جوه سرها يخرب بيتك يا ناهد دخل زين وهو بيقول بس انا شفت مين يا جدو اللي عمل كده ورد عمار مين يا حبيبي وبص لمروه ورجع خاف واتكلم اسد بصي لي يا زين ملكش دعوه بحد وانت راجل ونازم تبقى قوي ومدام شفت حد غلط لازم تقول هو غلط في ايه رد زين انا شفت ماما خارجه من اوضه طنط مهره بس اتكلمت مروه انا يا زين وهي بتبرق له وبص لها اسد وقال لها ما لكيش دعوه بالولد قول يا زين انت شفتها وهي بتقطع هدوم طنط مهره قال له لا بس كانت خارجه من الاوضه واتكلمت مروه انا لقيت باب الاوضه مفتوحه وقفلتها ما عملتش حاجه ردت مهره ما تتعبوش نفسكم يا جماعه وشكرا يا زين انت بطل وعشان انت بطل انا هجيب لك هديه وبصت لجدها وطلعت التليفون بتاعها ووريت جدها اللي حصل وقال لها تمام يا مهره اقفلي واتكلم اسد مين يا جدي اللي عمل كده رد عمار خلاص يا اسد الموضوع انتهى رد اسد لا لازم اعرف واتكلمت ميرفت ايوه يا بابا مين اللي عمل كده ردت مهره خلاص يا جماعه انا مسامحه بس انا حبيت اوري الشخص ده اني مش فاضيه اللعب العيال ده ردت زينب طب يا بنتي وريني مين اللي عملته قالت لها خلاص يا تيته الموضوع انتهى ولكل قاعد بياكل ومهره كل شويه تبص لمروه وتضحك ومروه مش عارفه تاكل واسد فهم من نظرات مهره لمروه ان هي اللي عملت كده واستحلف لمروه

الرابع عشر من هنا