رواية مهرة الاسد الفصل الحادي عشر 11 بقلم اميرة خالد
اهلا بكم في مدونة مكتبة حواء نقرأ لكم ونكتب من اجلكم
11
وبعد وقت اتصل عمار باسد وقال له اطلب اكل عشان ستك النهارده ما عملتش اكل ورد اسد حاضر يا جدي وقفل معايا واتصل بمحل اسماك وجاب بالسمك للعيله كلها وسي فود وجمبري وخرج شاف مروه لسه بتتكلم في التليفون واقرب منها وقال لها بتكلمي مين ردت عليه ناهد صاحبتي اتعصب اسد عشان ما بيحبش الست ديت قال لها طب قومي قهوه وادخلي حمل عيال ولبسيهم عشان احنا جايبين اكل من بره وهننزل ناكل تحت ورده مروه باستغراب وده من امتى بنجيب اكل من بره رد اسد قومي يا مروه اعملي اللي انا قلت لك عليه واخفي من وشي بدل مخلي يومك اسود جريه مروه ودخلت على المطبخ وعملت القهوه وحطيتها له وهو بيشرب السجاير وسرحان في شكل مهره وجمالها ورقتها وسابته ودخلت الاوضه عند الاولاد وحمتهم ولبستهم ترنجات

اما شقه يحيى بعد ما كلم ابوه بص العيشه وقال لها اعملي حسابك ان هننزل نتغدى عند ابويا تحت وردت عيشه احنا ما عملناش اكل قال لها هم طلبوا اكل من بره حاضر يا يحيى قال لها انا عايزك تشد شويه مع مروه من لسانها الطويل عشان ما ينفعش اللي هي عملته مع مهره تحت ردت عيشه حاضر يا يحيى هتكلم معاها بس انت عارف هي دماغها ناشفه قد ايه ومهما اتكلم معاها اللي فيها فيها رد يحيى حذريها عشان انا متاكد ان اسد هيجي عليه وقت وهينطرها بره حياته ردت عيشه وهي بتخبط على صدرها يوم ستي ازاي طب والعيال قال لها الراجل ما بيفرقش معاه مره وانتي عارفه بكده مش هقول لك ثاني ردت عيشه حاضر
شقه عمر كانت مراته قاعده بتتاسف له على اللي حصل ورد ليها ما ينفعش اللي انتي كنت عاملاه ده وقلت لك كذا مره ما تمشيش ورا مروه عشان ما تخسريش بيتك ردت عليه انا اسفه انا غيرت عليك لما انت كنت بتتكلم معاه وتهزر معاها وكمان لما رحت جبت لها هدومها وجيت رد عمر انا عمري ما هبص لواحده غيرك انتي حبيبتي افهمي ده ردت عليه انا اسفه ومش هعمل كده تاني والله ما هكلم مروه تاني رد عليها انا ما قلتلكيش ما تكلميش كلميها عادي بس ما تمشيش وراها في دماغك دي هتخرب بيتها وبكره تقولي عمر ايه ردت عليه حاضر حقك بقى علي ما تزعلش طب وحياه ياسمين بنتنا ضحك عمر وقال لها خلاص مش زعلان قومي بقى اعملي لنا كوبايتين شاي بالنعناع ضحكه وقالت لي حاضر كانت رايحه على المطبخ بس رجعت تاني وقالت واحنا هناكل ايه رد عليها هم طلبوا اكل من بره ردت مي بركاتك يا ست مهره اول مره اجيبه اكل من بره عشان خاطرها ضحك عمر وقال لها برده ثاني قالت له ابدا ده انا مبسوطه يا ريت يا اخويا دايما يجيبوا اكل من بره قال لها طب روحي اعملي الشاي احسن لك
اما في شقه ميرفت كانت قاعده قدام التلفزيون ومتضايقه ومش عارفه تتكلم مع مين وقرب مجدي منها وقال لها مالك يا بنت خالي اللي مضايقك ردت ميرفت باستغراب ياه بالك كتير ما قلتليش يا بنت خالي ديت ولا يمكن ما بقتش في بالك يا مجدي ضحك مجدي وقال لها انا عمري ما كان في حد في قلبي قدك ولا حبيت حد قدك ردت ميرفت بجد يا مجدي انت حبتني طب على ايه انا فيا ايه حلوه عشان انت تحبني قرب مجدي منها وقال لها انتي طيبه يا ميرفت بس لسانك هو اللي موديك في داهيه وانا متاكد ان انتي مش بتبقي قصده اللي انتي بتعمليه عشان كده انا مستحمل واعيش معاكي ردت عليه بجد يا مجدي انت بتحبني ومستحملني عشان عارف ان انا كويسه قال لها اه تيجي نتفق نفتح صفحه جديده مع بعض رده ميرفت ماشي يا مجدي انا موافقه حتى عشان خاطر طه انا الولد بقى صعبان عليا قوي رد مجدي ماشي يا حبيبتي كوبايه شاي يروقوا المزاج كده ردت ميرفت حاضر من عيني
اما في شقه عمار مهره كانت قاعده بتشرب كوبايه النسكافيه بتاعتها وبتتكلم مع عمار في حاجات كثيره وعمار كان مبسوط من دماغها الحلوه وافكارها وردت زينب شفت يا عمار مهره شاطره ازاي طلع لامها ضحكه مهره وقالت لها ايوه يا تيته وبعد كده عمار تليفونه رن وكان اسد وقال له ان الراجل بتاع الاكل وصل رد ماشي يا اسد انزل حاسبه وانا هكلم العيله تنزل قال له ماشي يا جدي وبصت زينب لمهره وقالت لها قومي يا حبيبتي يلا غيري والبسي عبايه من العبايات الجديده اللي انا اشتريتها لك رده مهره حاضر يا تيته ودخلت مهره الاوضه وغيرت ولبست عبايه وعملت شعرها كحكه فوضويه وحطت ملمع شفايف وكحل عربي وخرجت

انا في شقه اسد كان بيدور على المحفظه بتاعته ونده على مروه وقال لها فين المحفظه بتاعتي ورده مروه هتلاقيها على التسريحه دخل الاوضه ولقىها على التسريحه ولبس ترنج وخرج وبص لمروه ولقاها لسه باللبس اللي هي لابساه قال لها خشي غيري اللبس المعفن ده والبسي اي عبايه قيمه ويلا انزلي ورايا انت والعيال ردت عليه حاضر وهي خايفه وسابهم ونزل وهي دخلت الاوضه وطلعت عبايه لبستها ولفت الطرحه على شعرها وبصت لعيالها وقالت لهم يلا اما اسد نزل عند البوابه ودفع الفلوس بالفيزا وطلب من العامل انه يدخل الحاجه قصاد شقه جده

وفي شقه عمار مهره حست بصوت عند الباب افتكرت ان الباب بيخبط وراحت تفتح وشافت اسد واقف مع واحد وقدام الباب شنط كثيره واتكلمت مهره هو ايه في ايه يا اسد بص لها اسد وهو مصدوم في جمالها وفي العبايه الشيك اللي هي لابساها وسحر عينيها وبعد كده تعصب لما افتكر ان في واحد واقف جنبه وشد الباب وقفله وبس للشاب وقال له يلا مع السلامه ورجع اخبط على الباب مهره ما رضيتش تفتح وسابت الباب ومشيت وراحت قعدت جنب جدها وقالت في سرها انسان مستفز زينب راحت فتحت الباب وقالت له في اسد قال لها ما فيش يا ستي وكانت مروه نازله ويحيى ومراته والكل نازل وبص لمروه وقال لها اخذ الشنط ديت مع ستي انتي والحريم وخشوا رصوها على السفره ردت زينب ماشي يا حبيبي
دخلوا الحريم المطبخ مع زينب حطوا الاكل على السفره اما الرجاله راحوا قعدوا مع عمار وشافوا مهره قاعده جنبه وبتتكلم وبس عمر لمهره وقال لها ايه الحلاوه ديت ضحكه مهره واتكلم عمار اتلم يا ولد ما تعاكسش حفيدتي قصادي هو حد يشوف الجمال ده كله ما يعاكسهوش كل ده تحت انظار اسد متضايق من عمر وكلامه المهرج واتكلم عمرو بصراحه يا جدي عمر للحق يعني في حلاوه زي ديت والواحد ما يعاكسها رد يحيى بقول لكم ايه ما حدش ليه دعوه ببنت اختي انا فهمتكم اهو واتكلم محمود والله العيال دي بتفهم بس اسكت انت يا يحيى مش احنا اللي متجوزين غفر واتكلمت عيشه بتقول ايه يا محمود اصل انا لسه هنده لمراتك تسمعك ضحك محمود وقال لها ما بقولش حاجه بقول متجوزين قمرات ضحكه عيشه وضحكوا الرجاله كلهم والكل قال قعدوا على السفره
وبداوا ياكلوا واتكلمت مهره على فكره يا جدو انا خلصت الرسومات ولو عايز تديها للمهندس او للمقاول يبدا الشغل ما فيش مشكله رد مجدي ممكن بعد الاكل بس اشوفها رده مهره ما فيش مشكله وبدا تليفون مهره يرن وكانت مستغربه رقم من امريكا وخافت ليكون عمها بس الرنه خلصت وبعد كده جالها اتصال فيديو كول وشافت وش جوليا وردت على طول وهي بتتكلم بالانجليزي هاي جوليا ورده جوليا كده يا مهره تسافري مصر من غير ما تقولي لي وردت مهره عرفت منين ردت جوليا من مازن وهو اللي اداني الرقم رده مهره بغمزه هو انتي حنيتي ولا ايه ضحكه جوليا وقالت لها لا بس انا كنت عايزه اكلمك بعد ما عرفت ايه اللي حصل لانكل محمد رده مهره المهم انتي عامله ايه ردت جوليا انا كويسه انت اللي عامله ايه قالت لها انا قاعده في وسط اهل ماما ورده جوليا هو انتي بتاكلي يا مهره قالت لها اه قالت لها طب اقفلي وهكلمك ثاني وبينا كلام كثير ردت مهره حاضر باي باي وقفلت معاها واتكلم زين طنط مهره ردت عليه ايوه يا حبيبي هو انت بتتكلمي انجليزي ضحك لكل عليه وقالت له ايوه يا حبيبي ليه قال لها هو ينفع تذاكري لي انجليزي اصل انا بجيب درجات وحشه فيه ردت مهره حاضر يا حبيبي تعالى وانا هساعدك
واتكلمت زينب يلا يا حبيبتي قولي انت قعدتي تتكلمي في التليفون وما اكلتيش قالت لها حاضر يا تيته بس انا ما بعرفش اعمل السمك عشان اكله ضحك عمار وقال لها انا كنت عارف ان انتي زي امك في كل حاجه حتى ما بتعرفيش تفصصي السمك تعالي اقعدي جنبي يا غاليه قربت مهره وقعدت جنب عمار وبدا ياكلها في بقها واسد كان متضايق ومتعصب ومروه بتاكل ولا فارق معاها اسد والعيال وعيشه بصت للزين ولقيته مش عارف ياكل وقالت يا مروه اكلي العيال عشان مش عارفين يفصصوا السمك وردت مروه هم صغيرين عشان ما يعرفوش يفصصوا السمك (هي كانت قصدها الكلام ده على مهره فاهمين يا جماعه) بتكلم اسد مروه ردي عدل واكلي العيال خافت مروه وبدات تاكل العيال ومهرك كانت مطنشاها ومبسوطه باكل مع عمار وزينب واتكلمت ميرفت خذي يا طه كل حته السمكه دي مني انبسط طه ان ميرفت بدات تقرب منه عمر كان بيشرب في السي فود ويتكلم بهمس المي احنا ليلتنا فسفوري ضحكه مي وقالت له ماشي يا بطل والكل قاعد ياكل هو فرحان وبعد الاكل كلمت مهره انا اكلت كثير جدا انا كده هعمل رياضه كثيره عشان ما تخنش ضحك عمر وقال لها تخنتي ايه انتي مزه كده يا بنت اسمعي الكلام ضحك الكل على كلامه وردت زينب يلا يا مي اعملي شاي بالنعناع للكل ردت مهره ممكن ما تعمليش شاي انا هقوم اعمل قهوه ليا رد عمار انتي بتشربي قهوه كثير يا مهره كده غلط قالت له طب حاضر عشان خاطرك بس يا جدو ماشي يا مي اعملي لي معاكي شاي رده مي ضحك حاضر من عيني
واتكلم مجدي ممكن بقى يا مهره تجيب الرسومات قالت له حاضر ودخلت الاوضه عشان تجيب الرسومات وخرجت ومجدي فرضها على الترابيزه وشافها واتصدم من شغلها الرائع وان انها استغلت كل سنتي في الارض وبص لعمار وقال له انا مش محتاجين مهندس يا حاج بعد كده معانا الخبره كلها ضحك عمار وقال له انا كنت متاكد ان مهره قدها ردت مهره يا جماعه انتم ليه مش مصدقين ان انا عندي شركه هندسه لوحدي بعيد عن شغل بابا او ماما ردت زينب طالعه لامها شاطره واتكلم عمار كده تمام يبقى احنا هننفذ من بكره يا مجدي وكلم المقاول يبدا في الشغل وردت مهره لو احتجته اي حاجه انا معاكم وممكن انزل الارض ابشر انا الشغل في الفتره اللي انا قاعده هنا رد عمار وهو شاف ان دي حاجه هتشجع مهره ان هي تعيش معاهم ماشي وانا هخلي حد من الشباب يبقى معاكي
واتكلمت مروه وهي مسحوبه من لسانها هو من امتى الحريم بتنزل تشتغل يا جدي رد اسد مروه قلت لك حطي لسانك جوه بقك واسكتي يا اما تطلعي شقتك اتضايقت مروه وطلعت الشقه ومسكت التلفون واتصلت بناهد وحكيت لها اللي حصل وناهد ردت عليها وبدا يخططوا لخرب بيت مروه مش بيت مهره اما مي خرجت بالشاي ودت لمهره كوبايتها وردت مهره انا ما بشربش بسكر خالص ردت مي حاضر يبقى كده في كوبايتين بتاعه اسد ومهره اللي ما فهمش سكر وشربت مهره الكوبايه
وبداوا يتكلموا في مواضيع كثيره عن الشغل واقترحت مهره فكره جديده في الشغل بتاعهم يعملوا اعلانات عن طريق السوشيال ميديا فرد يحيى ازاي يعني يا مهره ردت عليك يعني يا خالو الانترنت دلوقتي في كل بيت وما فيش حد بيقعد من غير التليفون و والناس دلوقتي بتحتاج التليفون انه بقى عامل اساسي في الحياه من ضغط الزرار ممكن تعمل معامله بنكيه وانت قاعد هنا ومن ضغط زرار برده ممكن تجيب عربيه وتروح اي مشوار انت عايزه وكمان في ناس كثيره بتشتغل على الانترنت وهم في بيوتهم وممكن اشتغل من دوله لدوله وانا قاعده من غير اي مشكله فهمت قصدي يا خالي رد يحيى ايوه فهمت وكلامك معقول وكملت كلامها مهره عشان كده بقول لك ان التليفون هو الاساس للحياه ودراعي يمين وكمان في ناس بتطلع على اليوتيوب بيعملوا الشغل ده وبقى لي الفلوس احسن من الاعلانات اللي احنا بنعملها في اي جرنان او اي مجله او اي حاجه من ديت وفي نفس الوقت بيبقى الناس مصدقينها عشان بتبقى حاجه ملموسه و متشافه احسن من الاعلان ومتصوره من ارض الواقع
رد عمار عجبتني الفكره وشوف يا اسد الناس اللي هي بتقول عليها ديت واعمل اللي هي قالت عليه ورد عمر لا انتي تيجي تشتغلي معانا بقى وتمسكي مكان اسد ما هو ما بقاش ينفع انتي بقيتي كل في الكل ضحك الكل وبصه مهره على اسد ولقيته متضايق واتكلمت انا اسفه لو اتدخلت في الشغل ولو كلامي ضايقكم انا مش هتكلم تاني رد عمار ما تقوليش كده يا بنتي كل حاجه انتي لك فيها وبزياده كمان امك كانت السبب في الخير ده كله ردت مهره بس يا جدي انا مش محتاجه حاجه انا الحمد لله عندي شغل الخاص وكمان والورث من بابا وماما في امريكا انا لما جيت هنا انا كنت بنفذ وصيه ماما وبابا غير كده ما كنتش هاجي وانا مش طمعانه في فلوس حد ولا محتاجاها ويا ريت الكل يكون عارف حاجه زي كده رد عمار ليه بتقولي كده يا بنتي استهدي بس بالله وحد زعلك قالت له ابدا يا جدي بس انا بحب احط النقط على الحروف عشان اقدر نتعامل مع بعض من غير ما حد يحس ان انا جايه اقسمكم في حقكم او في فلوسكم ردت زينب ما تقوليش كده يا بنتي انت قاعده في خير جدك ردت مهره طب يا تيته عامه يا جماعه تصبحوا على خير انا داخله انام عشان ورايا بكره شغل كتير وقامت مهره ودخلت اوضتها وكانت مخنوقه ومتضايقه ودخلت اخذت شاور عشان تفوق اما بره اتكلم عمار انا مش عارف اعمل ايه هي بقيت حساسه قوي وانا عايزها تاخد علينا بسرعه عشان ما تسيبناش ردت زينب ايوه يا حاج والكل زعل عشان طريقه تفكير مهره
بس اسد فاهم هي قالت الكلام ده ليه هي فاكره ان هو تعصب منها عشان قالت فكره لحكايه مش كده خالص هو تعصب نظرات الاعجاب اللي واضحه من كل اللي قاعد ليها وده اللي دايقه وبص لهم وقال لهم انا طالع انام تصبحوا على خير وطلع الشقه وشاف مراته ماسكه التليفون وقرب منه وقال لها تيجي تكلمي مين في وقت زي ده ورديت عليه ما كلم ناهد راح ماسك التليفون خبطه في الحيطه وقال لها انا مش قلت لك 100 مره ما تكلميش المره ديت وردت مروه انت عايز تقطعني على الناس كلها انت في ايه رد اسد وكمان بتردي وضربها بالقلم وشد شعرها وقال لها انا هعلمك ازاي تردي على امي وعليا ازاي بعد كده وفضل يضرب فيها وسابها في الاوضه وخرج قعد في الصاله ولع سجاير وقعد يشرب
اما تحت الكل طلع على شقته وزين واخوه كانوا واقفين على الباب وسامعين صوت ضرب امهم وخافوا يخشوا ونزلوا على شقه يحيى وخبطوا الباب بس يحيى كانوا ناموا نزل عندي شقه عمار وخبطوا الباب وفتحت لهم مهره وقالت لهم في ايه لقيتهم بيعيطوا نزلت لمستواهم وقالتوا مالك يا حبيبه بتعيط ليه انت وهو قال له بابا بيضرب ماما فوق وانا خايف قالت له طب تعالى نقعد انا وانت جوه وماسكه زين واخوه ودخلت الاوضه ودت لزين التابلت وشغلت له كرتون وقعد هو واخويا يتفرجوا وهي مسكت التليفون واتكلمت جوليا وعدت تحكي لها على اللي حصل وعلى كلامها وكان كل ده بالانجليزي عشان خاطر زين واخوه ما يفهموش الكلام
اما في شقه اسد كان مستغرب عدم وجود الاطفال وقال فتح اوضه الاطفال ملقهمش ونزل فتح شقه ابوه بالمفتاح بتاعه ودخل دور عليهم ما لقوهمش وقرر ينزل عند جده واخبط الباب ومهره سمعت صوت الباب وخرجت تفتح واتصدم اسد من لبسها وزعق لها وقال لها انتي ازاي تفتحي الباب باللبس ورده مهره انا حره انت ملكش دعوه ويا ريت تخليك في حالك وانا عملت لك ايه متضايق مني ده كله ليه رد اسد بقول لك ايه شغل الرط الحريم ده انا ما بحبوش العيال هنا ولا لا قالت له ايوه وانت اسلوبك همجي كده ليه حتى الاولاد خافوا منك لما كنت بتضرب مامتهم فوق ونازلين معيطين رد اسد ما لكيش دعوه خليك في حالك ردت عليه انت صحيح انسان مستفز وسابته ودخلت وراحت اوضتها وهو راح نده على زين وخرج زين واخوه وقال له نعم يا بابا قال لي انتم كنت بتعملوا ايه رد زين وحكى لباباه كل اللي حصل وان مهره ادته من التاب وقعدت معاهم تلعب وبعد كده تتكلم في التليفون رد اسد طب يلا اطلعوا على الشقه فوق رد زين لا يا بابا احنا عايزين نبات مع طنط مهره يتعصب اسد عشان ولاده شافوها بالمنظر ده وقال لهم لا يلا قصادي فوق وطلعوا الاولاد وهم متضايقين واتكلم اسد يا ريت بعد كده اللبس ده ما يتلبس غير في اوضتك وما تطلعيش بيه بره ردت مهره انسان همجي ودخلت ورجعت الباب في وشه وهو ضحك وخرج وكل ده تحت انظار عمار

اما في شقه اسد دخل الاوضه ولقى مروه نايمه ودخل خد دش وخرج وهو لابس بنطلون قطن وعاري الصدر ونام على السرير وهو بيفكر في مهره
