رواية عصابة بنات الفصل العاشر 10 بقلم هاجر ابراهيم
اما جوا كانت يمنى عم تحاول تهرب من كريم بأي طريقة ...
كريم :تفضلي انسة يمنىيمنى :شوهاد ؟
كريم :كوكتيل ... هاد مشروبي المفضل هون
يمنى :اي ازا كوكتيل ماشي بشرب ...
انشغل كريم بجوالو اما يمني من نشفان حلقها وتوترها شربت كل الكاسة بشفة وحدة ...
رجع التلفون عجيبو واتطلع فيها ...
كريم :انتي شربتي الكاسة كلها بشفة وحدة ؟؟
كانت يمنى عم اتطلع بالكاسة ونظرها معد مستقر وحست بعدها بدوخة وصارت تشوف التنين اربعة والأربعة تمانة
كريم :بتحبي اطلبلك كمان كاسة ؟
يمنى :اي بدي وحدة تانية لو ...سمحت
كريم :اي تكرمي .. لك روني جبلي كاسة كوكتيل تانية للصبية ...
طلع كنان بسيارتو بدون وعي وطلعت معو شهد وراحو بوجهن عالمشفى نسيانين يمنى وميرا وهنن مو مسدقين انو شمس ماتت
كنان «بقهر »:معقول تكون عنجد ماتت !
شهد :مو مسدقة ... مستحييل
،،،،،،،،،،،،،،،،،،،
بالبار كانت يمنى عم تشرب وكريم عم يحاكيها ...
كريم :بتعرفي انسة يمنى من لما شفتك بمكتب اخي كنان وسمعت صوتك حسيت حالي بعرفك من زمان ... حسيت حالي سمعت صوتك قبل هالمرة ...
بلشت يمنى تضحك
كريم :ليش عم تضحكي ؟
يمنى :انت غـ ـبي شي .. كيف سمعتني وانت نايم
كريم :ههه انتي سكرتي ؟
يمنى «عم تحزق واتطلع عالكاسة اللي بإيدها » :هـاد الكوكتيل بشو معمول ؟
كريم :هاد كوكتيل مشاريب ،شو كنتي مفكرتيه ؟
انفجرت ضحك وقالت :ههه لك و اناااا يلي كنت مفكرتو تفاااح وبرتقال ونجاص وخوخ ويانسون هههه
كريم :لا انتي عنجد سكرتي
،،،،،،،،،،،،،،،،،،،،،،،
حملت ميرا جوالها وحاولت ترن على كنان .. بس ماكان يرد ...
وشافت جزدان يمنى بجنبها ...
ميرا : تفضل مسيو عامر هالكاسة من ايدي
ورجعت ميرا انشغلت بـ عامر ...
،،،،،،،،،،،،،،،،،،،،،
وصلو كنان وشهد عالمشفئى وفات كنان ركض لجوة وسأل موظف الريسيبشن ...
....:اي مزبوط. اجتنا حالة اسعاف كبيرة قبل شوي
كنان :طمنا
....:عم يقولو في صبية مخطرة وشوفير التكسي كمان حالتو حرجة وفي حالتين وفاة ...
انهارت شهد وبلشت تبكي
شهد :ياربي. ليييش
كنان :اهدي شهد خليني اتأكد. .. عفوا معك اسماء حالات الوفاة ؟
...:لا والله بدك تسأل الدكتور يلي استلمون عالاسعاف ...
ركض كنان عالاسعاف لحتا يتأكد ... وأخيرا لقاه وسأل على شمس
الدكتور :حالتين الوفاة كانت لشب وصبية كانو راكبين بالسيارة المتضررة ..
شهد :معقول يكونو شمس وابو الجود
كنان :ممكن شوف الجثث لحتا اتأكد
الدكتور :مافي داعي ..عطيني الاسم بس
كنان :شمس... الصبية اسمها شمس
الدكتور :اه معناتا انتو عم تسألو على الصبية يلي كانت راكبة مع شوفير التكسي. .. لاهي بعدها عايشة بس لسا فاقدة الوعي ...
ارتاح قلب كنان ونزلت دمعتو وحس كأنو جبل وانزاح عن صدرو ... اما شهد قعدت بالأرض وخي عم تبكي وتحكي :يييا الله انحلو ركبي من الرعبة .. الحمدلله ياربي شمس ما ماتت ماا مااتت
قعد كنان عركبو ورفع شهد عن الارض ...
كنان :اهدي شهد ..لك طلعت عايشة ما ماتت ... اهدي لا تبكي ...
.......................
بلش كريم يفئد السيطرة على يمنى يلي سكرت عالآخر ...
كريم :انسة يمنى حاج تشربي ...ومد ايدو عكتفها
يمنى :شييل ايدك ...لكك انت مممااا بتستحي
كريم :والله مو قصدي .. ياربي شو اعمل هلأ
وبلشت تعلا الأغاني ويمنى بلشت تميل راسها يلي كانت حانيتو وشعرا الطويل اللي كان مغطي كل وجها وعم يميل مع راسها وهية عم تتمتم بكلمات مو مفهومة...
كريم :انسة يمنى خليني وصلك عالبيت
بعدتلو ايدو ولوحتلو وهي بعدا حانية راسها ...
كريم :لااا هيك مابيصر ...ثواني رايح وراجع لاتروحي...
راح كريم لمكان هادي بعيد عن الضجة ورن على اخوه جمال ...
جمال :ههه لا حبيبي كروم هنن رجعو عبيتهن مبارح
كريم :طيب بتعرف وين بيتون ؟
جمال :لا والله ماخطرلي اسأل شموسة
كريم :وينك انت ؟
جمال :انا بالاستيديو .. عندي جلسة تصوير .. اما شو جاييني موديل بيفلج
كريم :اي تتهنى ..باي
سكر كريم الخط ورجع عمكان ماترك يمنى بس ما لقاها ...
كريم :وين راحت هي ؟؟
بلش يتلفت حواليه وشافها عم ترقص بنص الساحة وفي شباب محاوطينها وعم يلمسوها بطريقة مستفزة .. ولعت النار بقلب كريم وركق عالساحة ودفش عنها الشباب ومسكها من ايدها. وشدها
....:هييي شو مانك شايف
كريم :ليش مين قلك اني شايفك اصلا ..
...:طيب تروك الصبية بحالها ...
كريم :هي البنت بتخصني وازا بتقرب منها بتكون حكمت عحالك بالموت
رجع مشي وهوة جاررها من ايدها وطلعها برا البار ...
نترت يمنى ايدها وقالت :ليييش طلعتني ..بدي ارجع لجوة
كريم :يمنى اصحي وتعالي دليني وين ساكنة خليني وصلك
يمنى :ممم وين ساكنة انا ؟؟
كريم :ههه يمنى انا عم بسألك هالسؤال ..وين بيتك ؟
بلشت تمشي وهية عم تتلوى من كتر مالها سكرانة
يمنئ :اي اي رايـ..ـحة عالبيت ،ياااااي لييش هيك الاضوية هههه
كريم :لك من كل عقلك
رجع ركض وراها ومسكها ...
كريم :لك حتى انك مو بوعيك .. شكلك اول مرة بتشربي ؟
مسكها وحطها بسيارتو ...
كريم :وين اخدك حكيلي بس
يمنى :خدني ليييك لعنيييك طفل صغييير ..هئ ههه معك علكة شعراوي هههههه
كريم :هههه جد قلبتي وائل كفوري ... يمنى ردي عليي وينهن رفقاتك ؟
يمنى :رفقاتي ؟ مين ؟ قصدك حسن صبي... ومقصوفة الرقبة ... وإم راس
كريم :هههههههه انتي بتناديلون هيك ؟؟ طيب انتي شو بدلعوكي
يمنى :بدلعوني...شو بدلعوني ...بيبي العصابة
كريم :العصابة ،،، لااا انتي عنجد نهفة
وشغل السيارة ومشي فيها
.......................
اما بالمشفى سمحو أخيرا لـ كنان وشهد يفوتو لعند شمس ...
كنان :الحمدلله وضعها تمام
شهد :الحمدلله ماتأذت ..
صفنت شهد شوي وقالت : البنات ... استاز كنان نحنا نسينا البنات
كنان :لك اي والله ...ليكي طلعي رني على ميرا وخبريها انو تلغي كلشي او قلك روحي جيبيهن لهون ... خدي هي مفاتيح السيارة
اخدت. المفاتيح منو وطلعت وضل هوة لحالو جنب شمس ...
صفن بوجها ومسكلا ايدها وقال :مو معقول شو خفت اليوم ... حسيت روحي رح تطلع مني بس سمعت كلمة العوض بسلامتكون ...سدقيني شمس حسيت وكأنو سكين شكت بنص قلبي
.......................
اتصلت شهد على ميرا اللي كانت يدوبها قدرانة تتحمل غلاظة عامر بعد ماخلتو يسكر عالآخر ...
ميرا :كييف ؟؟
شهد :اي ميرا ...تركي هالمضروب وطلعي انتي ويمنى من البار ليكني جاي اخدكون عالمشفى
ميرا :بس يمنى مو معي وفكرتا طلعت مع كنان
شهد :لا ماكانت معو ...ميرا قومي وجيبيها وطلعي ...
وقفت ميرا ومسكها عامر من ايدها وهوة مدووخ. ..
عامر :ويين رايحة خـ..ـليكي قاعدة جنبي
ميرا :لك تركلي ايدي
حملت ميرا جزدانها وجزدان يمنى وبلشت اتدور عليها بالبار الكبير بس بدون فايدة ...
ميرا :ياربي دخيلك وين راحت هي ؟
.......................
وبسيارة كريم ...
يمنى :أخصمك أه أسييبك لااا وجوا الرووح حتفضل حبيبي النا بهواااه اخصمك اااه هههههاي
كريم :ههه اي ست نانسي اي اهدي شوي وحاج شخلعة هلأ بشوفنا شي شرطي وبخالفنا
يمنى :ماشي براحتك ياخي مصلحتك وشوف ازااي انا هئلئ راحتك هههه
كريم :طيب ميريااام ما انتي قلقتيلي راحتي عنجد
بلشت تحزق وتلعي منافسها وبينت عليه كأنها رح تستفرغ ...
كريم :شو بدك ؟
يمنى :ممممم اممممم
كريم :بدك تستفرغي ؟
بلشت تأشرلو لحتا يصف عجنب ...صف على جنب وهية طلعت بدون وعي واستفرغت كلشي ببطنها ،، اما هوة كان واقف وعم يضربلا عضهرا وبلشت هوة كمان منافسو تلعي منها
كريم :شو خلصتي ؟
يمنى :وووااااااع قرف
كريم :ايشوووو تغديتي اليووم
يمنى :فـ فاصولية
ورجعت تستفرغ ، كان كريم عم يلعن الساعة يلي اخدها من البار وركبها بسيارتوو
.......................
طلعت ميرا من البار وبلشت اتدور عليها عالباب بس عبث ماكانت تلاقيلها أثر ...وصلت شهد وسألتها عن يمنى
ميرا :مااا لقيتا ...شهد انا كتيير خايفة عليهاا
شهد :طب تعالي نرجع نفتل عليها فتلة بجوز نلاقيها ...ورجعو فاتو عالبار...
.......................
رجع كريم شربها مي وطلعها بالسيارة ورجعت تغنيلو
يمنى :يللي بدو يتحدا هي الحارة مين قدا ...هئ
كريم :اي هدي عكيييد مو محرزة
يمنى :وليييش هيك عم تحكي ممعييي ...انت مابتعرف مع مين عم تحكي ؟
كريم :مع ميين بالله ؟
يمنى :أنا أنا..
«وبلشت تغني ».أنا يلي بحبك وحدي انا انا يلي بريدك ليا انااااا ..هئ
كريم :انطربت نانسي خانم
يمنى :كيفك ... ؟
كريم :... شو كمااان
يمنى «عم تغني » :كيييفك انت انشالله منيح ،بعدك متزكرني منيح. هئ
كريم :هههههه رجعت مريام
يمنئ :لك صحيييح انت مو متزكرني بس انا متزكرتك منيييح ...
كريم :اي اي متزكرتيني
يمنى :بالعلامة كنت حليوة كتييير وانت نااايم
صفن كريم شوي وضرب بريك ...
كريم :ليش وين شفتيني نايم ؟
يمنئ :شو خصك شغلة مابتخصك انت ...بس جد كنت امور وبتزكر لما... وقعت انا وايااك حسيت بعضلاتك الكباار
كريم :وقعت انا واياكي ؟ يمنى لتكوني مشبهة عليي !
يمنى :ههه لا لا متأكدة كنت انـ...ـتة هئ
