رواية رحلت بعدما احيت قلبي كامله وحصريه بقلم هاجر خالد
— ايه دا في إيه!!!
— خبيني بسرعه قبل ما يعرفوا إني هربت.
— اخبيكي إيه!!!
أنتِ مين؟؟.
— مش وقته.....خبيني بسرعه قبل ما عامر يكتشف إني هربت.
— عامر مين و..........
ملحقتش اكمل الجمله كانت زقتني ودخلت البيت وجريت على السلم ، فانديت عليها بصوت عالي : استني عندك أنتِ رايحه فين.....تعالي هنا.
— وقفت فجاءه وبصتلي بعيون دامعه بعدا قالت : أنا آسفه بس.....بس لو عامر لقاني هيموتني.
— عامر مين......انتِ إيه حكايتك.
— عيطت جامد ماكنتش عارفه اسكتها فقولت : طيب أنتِ بتعيطي ليه دلوقتي؟.
— مسحت دموعها وقالت بصوت مخنوق : عشان انا اصلًا معرفش حكايتي إيه.
— يعني إيه ؟؟!!
— مش عارفه عامر مش بيرضي يحكيلي أي حاجه خالص .
— أيوا بقا قوليلي عامر مين.
—..........
— ماتردي يا بنتي خلصيني.
— سكتت تاني بعدها عيطت اكتر ، فقولت بنفاذ صبر : بتعيطي ليه تاني.
— قالت من بين دموعها: انا بقالي كتير اوي بجري وعاوزه اشرب.
— انتِ بتعيطي عشان كدا؟!!!
— أيوا.
— طيب اقعدي هنا وانا هروح اجيبلك مياه واجي متتحركيش من مكانك.
— حاضر.
— روحت جبت المياه من المطبخ وطلعت كانت قاعده ساكته ولسه بتعيط ، عطيتها المايه و انا بقول : ممكن تبطلي عياط بقا.
— ..............
— طيب قوليلي مين عامر.....وازاي جيتي الطريق دا لوحدك .
— هو انت لو طلعت تعرف عامر هترجعني ليه صح؟!!
— انا معرفش حد اسمه عامر......و حتى لو طلعت اعرفه متقلقيش مش هرجعلك ليه.
— بصت ليا بشك ، فقولت عشان اطمنها : متخافيش اوعدك مش هرجعك ليه.
— دام سكوتها دقايق بعدين اتكلم وقالت بحزن : انا بقالي سنتين قاعده عند عامر في البيت بتاعه بس هو مش بيبقى موجود هو حابسني في اوضه ومش بيطلعني منها غير لما بيجي......
— قاطعتها وقولت : طيب وأنتِ قاعده عنده ليه وفين أهلك ليه سايبينك هناك.
— ما أنا مش فاكره أي حاجه خالص.....عامر قالي إني عملت حادثه أنا وأهلي وكلهم ماتوا وهو خدني اعيش عنده عشان هو كان يعرف بابا .
— طيب أنتِ هربتي ليه؟؟.
— عشان هو حابسني ومش بيرضى يخرجني.....وكل ما أقوله يحكيلي حاجه عن اهلي أو عني بيضرب*ني ويحبسني في الاوضه ويقولي إن أهلي ماتوا وإني مليش حد خالص.
— بس هو اكيد حابسك عشان حاجه صح؟.
— مش عارفه بس هو قالي إني لو مشيت كل حاجه هتبوظ منه وهيخسر كل حاجه.
— طيب أنتِ على مدار السنتين دول مفتكرتيش أي حاجه خالص؟.
— لأ خالص.......حتى الدواء اللى كنت علاطول باخده ماكنش بيفكرني بحاجه.
— خلصت كلامها وسكتت وانا كمان كنت ساكت مش عارف اقولها إيه بس اتكلمت وقولت : بس أنتِ مينفعش تعيشي معايا هنا.
— بس انت وعدتني إنك مش هترجعني لعامر.
— مش هرجعك......بس انا عايش هنا لوحدي فامينفعش.
— خلاص انا ممكن امشي اروح في أي حته تانيه.
— هتروحي فين بس أنتِ تعرفي أي مكان أو أي حد تروحي له.
— هزت رأسها بنفي ، فقولت : خلاص بصي هتصرف........بس انا دلوقتي جعان ومتعشتش وأنتِ كمان شكلك جعانه.
— جدًا جدًا.
" After 15 minute"
— ما أنا كلت من نفس الأكل ومحصلش حاجه........اعمل إيه دلوقتي طيب .
— كان وشها احمر اوي وعماله تكح جامد ، فقولت بعد ما استنتجت أخيرًا : استني كدا هو أنتِ عندك حساسيه من الفول!!!!
— قالت وهي بتحاول تخاد نفسها : ايوا.
— ياشيخه منك لله.......وانا قول مسحتي الطبق كله ليه.
هطلع اجيبلك دواء حساسية وجاي بسرعه .
— طلعت جبت الدواء بسرعه من اوضتي ونزلت ، اخدت الدواء وبعد دقايق نفسها انتظم اكتر وبقيت كويسه : مقولتيش ليه إنك عندك حساسيه صعبه كدا.
— انت عاوز الفرصه تجيلي اكل فول ومستغلش الفرصه......انت عارف انا مكلتش فول بقالي قد إيه.
— قد إيه ؟؟
— لأ مش فاكره بصراحه.
هو انت كمان عندك حساسيه؟؟!.
— لأ كان زماني ميت انا وانتِ دلوقتي.......دا بتاع اخويا.
— هو فين اخوك مشوفتوش؟
— مش موجود.
— سكتنا وكانت بتبص بعيونها على البيت : بيتك شكله حلو.
— قولت بابتسامه : شكرًا يا هاجر .
— قالت بصدمه : انت عرفت اسمي منين؟!!!.
— شاورت على السلسله اللي كانت لبساها وقولت : من السلسله.
…………………………………………………….…………………………
" في أماكن اخر "
— اغبيه يعني إيه هربت منكم......هو أنا مشغل معايا عيال صغيره؟؟
— يا باشا والله كنت........
— مش وقت كلام دلوقتي........تروح دلوقتي ومترجعش من غيرها إلا انت عارف انا ممكن اعمل إيه.
— حاضر يا باشا حاضر.
— غور يلا.
ماشي يا هاجر انتِ إللي جبتيه لنفسك .
................................................................................
— هو أنا هقعد هنا؟.
— ايوا هو المكان مبهدل شويه بس عشان بقاله دي متفتحش .
— لا تمام .
— طيب خدي المفتاح اهو واقفلي على نفسك ولو عوزتي حاجه نادي عليا......اتفقنا ؟
— اتفقنا يا.......
— حسن.....اسمي حسن.
— اتفقنا ياحسن.
— عطيتها المفتاح وطلعت من المكان طلعت على البيت دخلت اوضتي وكنت مستغرب اليوم والبنت دي وعندي فضول اعرف ايه حكايتها ، ومستغرب نفسي اكتر اني ساعدتها بكل بساطه مع إني مش بثق ادخل حد بيتي و.........
— انت مين الحوقنييييي
— قطع افكاري صوت الصريخ اللي جاي من تحت دا واللي هو كان صوتها.......نزلت اجري بسرعه على تحت وكان.........
يتبع.......
الثاني من هنا
