رواية عزاي انك رجاي العذب لو كل الدروب عثور كامله وحصريه بقلم الكاتبة اديم الراشد
اهلا بكم في مدونة مكتبة حواء نقرأ لكم ونكتب من اجلكم
📖 رواية عزاي إنك رجاي العذب لو كل الدروب عثور }
*🌺ـــ #شخصيات__الرواية👇ـــ🌺*
بعد كميييية الحماس بنزل لكم الشخصيات
واحب اكرر وانوهه ان الشخصيات مجرد تشبيهات للاشكال فقد ولا لها اي صله بالروايه ✋🏻
واحب اقول ممكن كثير يعترض على بعض الشخصيات بس اعرفوا اني احاووول قد ما اقدر اجيب المواصفات القريبه من مجتمعنا 👀
يعني مو منطقي عايشين في قلب السعوديه عيونهم كلهم خضر وزرق وشعور شقر😂💔 مو منطق عشام كذا احاول ادور القريب من مواصفاتنا السعوديه خاصه والخليجيه عامه 🤦🏽♀️ .
.
#عزاي_إنك_رجاي_العذب_لو_كل_الدروب_عثور
.
.
ملاحظة : روايتنا هالمره بتختلف عن الباقي ورح تكون فيها اكثر من قصه وعدة ابطال 🛑
.
1
🌺 #التعريف_الشخصيات :🌺
#عائلة_بيت_الجد_قايد ( ابو ناصر )
28
🌺الجد قايد شخص حبيييب وطيب وانسان سخي وكريم ومعروف بإلتزامه وكرمه وسعة صدره وحريص ولكن صااارم نوعا ما
8
🌺الجده منيره ( ام ناصر ) : طيبه واخلاقها عاليه ومحبوبه من الكل ولكن معروفه بالغضب والعصبيه والنقد الزايد ولكن حكيمه وطيبه
اكبر عيالهم ( ناصر : ابو خلف )
🌺 ابو خلف كان يختلف اختلاف كلللي عن اطباع ابوه كان انسان مزواج بخيل نوعا ما وحريص محافظ وصاااارم بشكل عجيب
🌺وثاني عيالهم ( نايف : ابو عقاب )
هالحبيب اللي كان قريب من صفات ابوه لكن ما اسعفه الزمان وتوفى هو وزوجته في الحج وترك عياله لابوه يربيهم
🌺ثالث عيالهم ( محمد )
تزوج من فتره قدييمه واكتشف انه عقيم وطلق زوجته ولا تزوج بعدها وانقلب حاله لسفر ووناسه بما انه مافيه شي يهمه ولا تحت مسؤليته
وبعد سنيين رزقهم الله بأخر عيالهم بنتين
🌺هيا : طيبه وفطينه وحبييييبه وعصبيه نوعا ما لكن تنحب عمرها ٢٨
🌺مضاوي : تشارك هيا نفس التفاصيل بس بشكل احن وخفيفه ظل ووسيعة صدر واخر العنقود عمرها ٢٥
_______________.
🌺 #عائلة_بيت_ناصر🌺
( ابو خلف )>> سبق التعريف به
نتيجة زواجات ابو خلف كان بيته مزدحم بزوجتين وعيال كانوا متفقين جداً
🌺اول زوجه الجازي ( ام خلف ) : صبووره صبر الدنيا ومثل كل ام حنونه على عيالها قلبها طيب ما تعرف الحقد ابد
تحب ولدها خلف جب عظيم بما انه جاء لها بعد سنين من الحرمان وبعد ما فقدت الامل وبعد ما تزوج عليها ابو خلف رزقها الله بخلف
🌺خلف ( البطل ) : الابن الاكبر والوحيد لام خلف اللي من فرط الحب اللي يشوفه من امه له انتقلت له هالصفه حنيين وطيب وطويل بال وصبور ورزين وفطين لكن من بين هصفات يطغى عليه خفت الظل وسعت الصدر وبما ان ابوه صعب كان مجبور خلف يكون الجانب اللين لخواته واخوانه من ابوه كان سسمح بكل ما تعنيه الكلمه عمره ٢٧
7
🌺الزوجه الثانيه نوريه ( ام وعد ) :
رغم العصبيه النادره اللي فيها الا انها انسانه متزنه وطيبه وهذا شي هون عليها وعلى ام خلف قضية انهم ضراير وصاروا خوات واكثر وحبايب وهي بعد تحب خلف مثل ولدها بالضبط زي ما ام خلف تحب عيالها
🌺اكبر عيالها وعد ( من ضمن الابطال ) : اللي جت بعد ولادة خلف بسنتين لكنها صعببه كثيييير قويه وعنيده تقريبا هي العنصر الاقوى في بيت ابو خلف واللي كلٍ يحسب حسابها لكنها فيها من بين الصفات الطيبه كثييير عمرها ٢٥
🌺ندى : هالبنت هي العقل المدبر لكل حيله فالبيت هي السوسه اللي مايخفى عليها شي تقريباً كل شي تدري عنه طيب او غصب لكن وسيعة صدر عمرها ٢٣
🌺حنان: اسم على مسمى هي الحنونه الطيبه اللي يهمها كل شخص فالبيت ودايماً تحس بالمسؤوليه اتجاههم طيييبه لدرجة انها تصدق كل شي عمرها ٢١
4
🌺اماني : انسانه شاعريه ورومانسييه واحلامها الورديه كثيييير وعمرها ١٩
10
🌺فيصل : اللي جاء بعد البنات كان المفروض يكون مدلل لكن ابداً ما كانت فيه هالصفه بالعكس كان نشيط في المشاكل والهواش وقلة التعليم وكل واحد في البيت لازم يعاني منه ولكن وعد وخلف مايقدر ابداً يتطاول عندهم
يعيش سن الطيش المتعب وعمره ١٨
🌺وجدان : هي الوحيده في بيت ابو خلف مدللله من الجميع وتستوحذ على مكانه في قلوبهم وقادره تكسبهم لصالحها وهي بعد لطيفه وحلوه وطيبه عمرها ١٥
1
🌺سالم : من اسمه له نصيب انسان مسالم وهاادي وراكز ماله حس ولا له اذى عمره ١٣
1
🌺وغيث : اصغر العنقود واكثرهم دلال عمره ٨ سنوات _______________.
25
🌺( #عيال_ابو_عقاب )🌺
بعد وفاة امهم وابوهم استقروا في بيت جدهم قايد وصاروا ساكنين معاه
🌺 عقاب ( من ضمن الابطال) : الاكبر لكن ابداً ما يعرف في حياته الهدوء دايماً عجول ومستعجل ومتسرع ونار وشرار غيوور على خواته وعلى كل شي يخصه بشكل مرعب عصبي نوعاً ما معتمد على نفسه في كل شي لكن فيه جانب طيب وحبيييب عمره ٢٦
🌺 سحر : انسانه جميله وطيبه شخصيتها متردده كثيير انسانه طموحه
واحلامها كبييييره لكن يكبحها غضب وعصبية وخوف عقاب عليهم عمرها ٢٤
🌺 عهد : رغم خوفهم الكبير من عقاب الا انها ما تخلي شي يفوتها ابداً تحب تعرف كل شي وطويله لسان لكن ينقطع صوتها اذا حضر عقاب ولكن شخصيتها خفيفه وحلوه عمرها ٢١
🌺عبد العزيز : يعيش نفس حياة فيصل من جمييع النواحي الطيش وحياة الشباب المزعجه المراهقه لكن هو له حدود مفروضه عليه من عقاب ما يتعداها ابداً عمره ١٨
4
🌺شهد : اصغر وحده عمرها ١٥ وهي شخصيتها متقلبه ما ينعرف لها احياه ساكته وهاديه واحييييان جنيييه وشقيه
_______________.
شخصيات اخرى...
🌺 #عائلة_ابو_نهيان ( النوخذه ) 🌺
1
🌺 ابو نهيان : تاجر كويتي شبه مستقر بالسعوديه وبحكم تجارته البحريه كان كثير التردد لسعوديه معروف عند سكان المنطقه ومحبوب
🌺 ام نهيان :انسانه عاديه ومثل اي ام حريصه ومهتمه وطيبه
🌺نهيان : الولد الاكبر متزوج ومستقر بالكويت انسان عاقل وعملي ومهووس في شغله وتجارته عمره ٣٠
🌺جابر : مختلف كلياً عن اخوه كان انسان تهمه الوناسه وسعة الصدر من جميع الجهات شخصيته متقلبه ما ينعرف له ؟ عمره ٢٧
🌺 شيخة : الاخت الكبيره انسانه جديه عمليه تحب يكون لها هدف فالحياه عمرها ٢٥
🌺 ليلى ( بطله) :ليلى عاد انسانه تحب الحياه وتحب تكون متجدده ومبسوطه تحب تكون في اجمل المواقف واحلى الاحلام تحب تكون مصدر لسعاده وللحياه الحلوه احلامها مليانه مشاعر وحياه ولا تعرف لضيق طريق ابد تنبسط بيومها الباقي على الله خفيفة رووح وجميلة منطق واسلوب وبحكم عيشهم بالسعوديه كانت تحبها حيييل وتتمنى تكون كل السنين فيها
عمرها ٢١
_______________.
🌺 #عائلة_ابو_نادر🌺
🌺 ابو نادر : انسان مايعتبر صاحب شخصيه قويه انسان في حاله ماله شغل العالم والمشاكل
🌺 ام نادر : تقريباً كانت تشبهه ابو نادر بصفة عامه عايله مسالمه
🌺 نادر ( من ضمن الابطال ) : الابن الوحيد انسان متسهل ومُراعي جداً كان نادر حنوووون وطيب قلبه ابيض وسمح
من اهل الحي ويعتبر صاحب خلف وعقاب
عمره ٢٧
_______________.
🌺 ماجد : اخو ام وعد نوريه
كان مهتم بالتعليييييم والعلم وحريص ومُطلع وممرض شخصيته نوعاً ما كلاسيكيه وهاديه
عمرها ٣٠
_______________.
🌺باقي الابطال مع الاحداث بنتعرف عليهم .. ✋🏻
.
.
♥️✍🏼
#عزاي_إنك_رجاي_العذب_لو_كل_الدروب_عثور
*🌺ــــــــــــــــــــــــــــــــــــ🌺*
🍃🌺
🌺🍃🌺
🍃🌺🍃🌺
🌺🍃🌺🍃🌺
*(( #الحديقة_الاولى ))*
لاتنسواااا متابعة صفحتي على الواتباد
1
*ــــــــــــــــــــــــــــــــــ*
ﻓﻲ ﺍﻟﻤﻨﻄﻘﻪ ﺍﻟﺸﺮﻗﻴﻪ ﺗﺤﺪﻳﺪﺍً ﻓﻲ ﺍﻟﺨﻔﺠﻲ ﻓﻲ ﺣﻲ ﺳﺎﻛﻦ ﺣﻲ ﻣﺘﻤﺎﺳﻚ ﻭﻣﺘﻌﺎﻭﻥ .
ﻓﻲ ﺑﻴﺖ ﺍﺑﻮ ﺧﻠﻒ
ﻓﻲ ﺍﺣﺪ ﺍﻟﻐﺮﻑ ﻓﺰ ﺧﻠﻒ ﻋﻠﻰ ﺻﻮﺕ ﺍﻟﺒﺎﺏ ﺍﻟﻠﻲ ﺍﻧﻔﺘﺢ ﺑﻜﻞ ﻗﻮﺗﻪ ﻭﺻﻔﻖ ﺑﺎﻟﺠﺪﺍﺭ ﻗﺒﻞ
ﻳﻔﻬﻢ ﻭﺵ ﺍﻟﻠﻲ ﺻﺎﺭ ﻧﺰﻝ ﺭﺍﺳﻪ ﺑﺴﺮﻋﻪ ﻗﺒﻞ ﺗﻮﺻﻠﻪ ﺍﻟﻤﻜﻨﺴﻪ ﺍﻟﻠﻲ ﻃﺎﺭﺕ ﻭﺻﻔﻘﺖ ﺑﺎﻟﺠﺪﺍﺭ
ﻭﻃﺎﺣﺖ ﻭﺍﻟﺘﻔﺖ ﻳﻨﺎﻇﺮ ﻣﻦ ﻫﺎﻟﻠﻲ ﺩﺍﻫﻤﻪ ﺷﺎﻑ ﻭﺟﺪﺍﻥ ﻭﺳﺎﻟﻢ ﻭﻏﻴﺚ ﻣﺘﺨﺒﻴﻴﻦ ﻭﺭﺍ
ﺍﻟﺪﻭﻻﺏ ﺑﺨﻮﻑ
ﺧﻠﻒ ﺑﻐﻀﺐ : ﻭﺵ ﺻﺎﺍﺍﺍﻳﺮ ﻭﺵ ﺑﻼﻛﻢ ﻳﺎ ﻣﺠﺎﻧﻴﻦ ! ؟
ﻗﺒﻞ ﻳﺘﻜﻠﻤﻮﻥ ﺳﻤﻌﻮﺍ ﺻﺮﺍﺥ ﻭﻋﺪ ﺍﻟﻠﻲ ﺗﻨﺎﺩﻱ ﻣﻦ ﺑﺮﺍ
ﻭﻗﺮﺏ ﻏﻴﺚ ﺑﺨﻮﻑ : ﺧﻠﻒ ﺗﻜﻔﻰ ﻓﻜﻨﺎ ﻣﻦ ﻭﻋﺪ
ﺧﻠﻒ ﺿﺮﺑﻪ ﺑﺸﻮﻳﺶ ﺑﻄﺮﻑ ﺭﺟﻠﻪ : ﻭﺵ ﻣﺴﻮﻭﻳﻴﻴﻦ ! ؟ ﻗﺮﺑﺖ ﻭﺟﺪﺍﻥ ﻭﻫﻲ ﺗﺠﻠﺲ ﺟﻨﺒﻪ
ﻭﻫﻲ ﺗﻀﺤﻚ ﻣﻦ ﻗﻮﺓ ﺍﻟﺨﻮﻑ : ﻭﺍﻟﻠﻪ ﻣﺎ ﻗﺼﺪﻧﺎ ﻛﻨﺎ ﺟﺎﻟﺴﻴﻦ ﺑﺎﻟﺴﻄﺢ ﻭﺑﺎﻟﻐﻠﻂ ﺍﻧﻌﺪﻡ
ﺍﻟﻐﺴﻴﻞ ﻣﺎ ﺍﻧﺘﺒﻬﻨﺎ
ﺧﻠﻒ ﻃﺎﺭﺕ ﻋﻴﻮﻧﻪ ﺑﺬﻫﻮﻝ: ﻭﺵ ﻣﻄﻠﻌﻜﻢ ﺍﻟﺴﻄﺢ ﻓﺠﺮ ! ؟
ﺍﺑﺘﺴﻤﺖ ﻭﺟﺪﺍﻥ ﺑﻔﺸﻠﻪ : ﻫﻮ ﺍﻣﺲ ﺧﺮﺑﻨﺎ ﺍﻟﻐﺴﻴﻞ ﻭﺗﻮ ﺍﻛﺘﺸﻔﺘﻪ ﻭﻋﺪ
ﺩﺧﻠﺖ ﻭﻋﺪ ﻭﺍﺧﺘﻔﻮﺍ ﻛﻠﻬﻢ ﻭﺭﺍ ﺧﻠﻒ ﻭﻭﻗﻒ ﺧﻠﻒ ﺑﺘﻌﺐ : ﻓﻲ ﻭﺟﻬﻲ ﻫﺎﻟﻤﺮﻩ ﻓﻲ ﻭﺟﻬﻲ
ﻭﻋﺪ ﺑﻐﻀﺐ: ﻣﺎﺷﺎﺀ ﻟﻠﻠﻪ ﻛﻞ ﻣﺮﻩ ﺑﻴﺨﺮﺑﻮﻥ ﻭﺗﺤﻄﻬﻢ ﻓﻲ ﻭﺟﻬﻚ
ﺧﻠﻒ : ﺑﺎﻟﻐﻠﻂ ﻳﺎﺑﻨﺖ ﺍﻟﺤﻼﻝ
ﺳﺎﻟﻢ : ﻭﺍﻟﻠﻪ ﺑﺎﻟﻐﻠﻂ
ﻭﻋﺪ : ﺧﻠﻚ ﺍﻧﺖ ﻳﺎ ﺛﻮﺭ ! ؟ ﺍﻧﺎ ﺑﻼﻱ ﻣﻦ ﻫﺎﻟﺒﻘﺮﻩ ﺍﻟﻠﻲ ﻣﻌﻜﻢ ؟؟
ﻟﻔﻮﺍ ﻛﻠﻬﻢ ﻋﻠﻰ ﻭﺟﺪﺍﻥ ﺍﻟﻠﻲ ﺷﻬﻘﺖ ﺑﺼﺪﻣﻪ : ﺍﻧﺎ ﺑﻘﺮﻩ ! ؟ ﻭﻋﺪ : ﺑﻘﺮﺭﺭﻩ ﻋﻨﺪﻙ ﻣﺎﻧﻊ ! ؟
ﻭﺟﺪﺍﻥ ﺑﻀﺤﻚ : ﺍﻟﻠﻲ ﺗﺒﻴﻴﻴﻦ ﺍﻧﺎ ﺑﻘﺮﻩ ﻭﺳﺘﻴﻦ ﺑﻘﺮﻩ ﺑﺲ ﻧﻄﻠﺐ ﺍﻟﻌﻔﻮ
ﺍﻟﺘﻔﺖ ﻟﻬﺎ ﺧﻠﻒ ﺑﺒﺘﺴﺎﻣﻪ ﻭﻫﻮ ﻳﻀﺮﺑﻬﺎ ﺑﺨﻔﻪ ﻭﺩﺧﻠﺖ ﻧﺪﻯ : ﺧﻴﻴﻴﺮ ﻭﺵ ﻫﺎﻟﺤﺮﺏ ﻣﻦ
ﺻﺒﺢ ﺍﻟﻠﻪ
ﻭﻋﺪ : ﺟﻬﺰﺗﻲ ﻓﻄﻮﺭ ﺍﺑﻮﻱ ﺍﻧﺘﻲ ﻭﻻ ﺟﺎﻳﻪ ﺗﺸﻮﻓﻴﻦ ﻭﺵ ﻓﺎﺗﻚ ! ؟
ﻧﺪﻯ ﺳﻜﺘﺖ ﺑﻀﺤﻚ ﻭﺭﺟﻌﺖ ﻟﻠﻤﻄﺒﺦ ﻗﺒﻞ ﺗﻘﻠﺐ ﻋﻠﻴﻬﺎ
ﻭﺟﺎﺕ ﺣﻨﺎﻥ ﺑﺒﺘﺴﺎﻣﻪ : ﺻﺒﺎﺡ ﺍﻟﺨﻴﺮ ﺧﻠﻴﻒ ( ﺗﺼﻐﻴﺮ ﺍﺳﻢ ﺧﻠﻒ)
ﺍﺗﺠﻬﻪ ﻟﻬﺎ ﺧﻠﻒ ﺑﺒﺘﺴﺎﻣﻪ : ﺻﺒﺎﺡ ﺍﻟﻨﻮﺭ ﻭﺍﻟﻨﻮﻳﺮ
ﻣﺪﺕ ﻟﻪ ﺣﻨﺎﻥ ﻣﻼﺑﺴﻪ : ﺗﺄﺧﺮﺕ ﺍﻟﻴﻮﻡ ﻓﻲ ﺍﻟﻨﻮﻡ ! ؟ ﻓﻴﻚ ﺷﻲ
ﺧﻠﻒ : ﻗﺼﺪﻙ ﺗﺄﺧﺮﺕ ﺍﻓﻜﻚ ﺍﻟﻬﻮﺷﻪ
ﺿﺤﻜﺖ ﺣﻨﺎﻥ : ﻳﻼ ﻋﺸﺎﻥ ﺗﻠﺤﻖ ﻟﺪﻭﺍﻣﻚ
ﺍﺧﺬ ﺧﻠﻒ ﺍﻏﺮﺍﺿﻪ ﻭﺩﺧﻞ ﻭﻫﻮ ﻳﻨﺎﻇﺮ ﺍﻣﺎﻧﻲ ﺍﻟﻠﻲ ﺗﻨﻈﻒ ﻭﻫﻲ ﺭﺍﻓﻌﻪ ﺻﻮﺕ ﺍﻻﻏﺎﻧﻲ
ﻭﻋﺎﻳﺸﻪ ﺟﻮﻫﺎ
ﻭﻫﻮ ﻓﻌﻼً ﻓﻲ ﺑﻴﺘﻬﻢ ﻛﻞ ﺍﻧﺴﺎﻥ ﻟﻪ ﺟﻮﻩ ﺍﻟﺨﺎﺹ
ﺍﺳﺘﻌﺪ ﻭﺟﻬﺰ ﻭﻃﻠﻊ ﻭﻫﻮ ﻳﺴﻤﻊ ﺳﻮﺍﻟﻒ ﺍﻣﻪ ﻭﻋﻤﺘﻪ ﺑﺎﻟﺤﻮﺵ ﻭﺍﺻﻮﺍﺕ ﻫﻮﺍﺵ ﻭﻋﺪ
ﻗﺮﺏ ﻭﻫﻮ ﻳﻨﺰﻝ ﻳﺒﻮﺱ ﺭﺍﺱ ﺍﻣﻪ ﻭﺑﻌﺪﻫﺎ ﻋﻤﺘﻪ ﻧﻮﺭﻳﻪ: ﺻﺒﺎﺡ ﺍﻟﺨﻴﺮ
ﺍﻡ ﺧﻠﻒ : ﻫﻼ ﻫﻼ ﻳﺎ ﺍﻣﻲ ﺻﺒﺎﺣﻚ ﺧﻴﺮ ﻳﺎﺣﺒﻴﺒﻲ
ﺍﻡ ﻭﻋﺪ: ﻫﻼ ﻳﺎ ﺧﻠﻒ ﻳﺎ ﻭﻟﺪﻱ ﻣﺎ ﻣﺮﻳﺖ ﻓﻴﺼﻞ ﺗﺼﺤﻴﻪ ﺑﻄﺮﻳﻘﻚ ! ؟؟
ﺧﻠﻒ : ﻭﻫﻮ ﺑﺎﻗﻲ ﻣﺎ ﺻﺤﻰ ! ؟
ﺍﻡ ﻭﻋﺪ : ﻧﺼﺤﻴﻪ ﻣﺎﻓﻴﻪ ﻓﺎﻳﺪﻩ ﻭﺍﺑﻮﻙ ﺑﻴﻨﺰﻝ ﻟﻠﻔﻄﻮﺭ ﺍﻟﺤﻴﻦ ﻭﻣﺎﻳﺤﺼﻠﻪ
ﺍﺑﺘﺴﻢ ﺧﻠﻒ ﻭﻫﻮ ﻳﻨﺎﺩﻱ : ﻭﻋﻌﻌﺪ ﻭﺍﻧﺎ ﺍﺧﻮﻙ ﺷﻮﻓﻲ ﺷﻐﻠﻚ ﻣﻊ ﻓﻴﺼﻞ
ﺿﺤﻜﺖ ﺍﻡ ﻭﻋﺪ : ﻳﺎ ﺧﻠﻒ ﺍﻧﺎ ﻟﻮ ﺍﺑﻴﻬﺎ ﺗﺼﺤﻴﻪ ﺑﻘﻮﻟﻬﺎ ﺑﺲ ﺗﻌﺮﻓﻬﺎ ﺑﺘﻬﺎﻭﺵ ﻫﻲ ﻭﻳﺎﻩ
ﺿﺤﻚ ﺧﻠﻒ : ﺗﺪﺭﻳﻦ ﺍﻥ ﺭﺑﻲ ﺭﺍﺣﻤﻨﻲ ﺍﻥ ﻭﻋﺪ ﻗﻮﻳﻪ ﻭﺷﺎﻳﻠﻪ ﻋﻨﻲ ﻧﺺ ﻫﺎﻟﺒﻼﻭﻱ ﻭﻻ
ﻭﻛﺎﻥ ﺍﻧﺠﻨﻴﺖ
ﺍﻡ ﺧﻠﻒ : ﺑﺴﻢ ﻟﻠﻪ ﻋﻠﻴﻚ
ﺟﺎﺕ ﺍﻣﺎﻧﻲ ﺑﺒﺘﺴﺎﻣﻪ ﻭﻫﻲ ﺗﻐﻨﻲ ﺑﻀﺤﻚ : ﺻﺒﺢ ﺻﺒﺎﺍﺍﺡ ﺍﻟﺨﻴﺮ ﻣﻦ ﻏﻴﺮ ﻣﺎ ﻳﺘﻜﻠﻢ
ﻭﻟﻤﺎ ﻏﻨﻰ ﺍﻟﻄﻴﺮ ﺿﺤﻚ ﻟﻨﺎ ﻭﺳﻠﻢ
ﺧﻠﻒ : ﺍﻟﻠﻪ ﺍﻟﻠﻪ ﺗﻌﺎﻟﻲ ﺗﻌﺎﻟﻲ ﻳﺎ ﺍﺭﻭﻕ ﻭﺣﺪﻩ ﻓﻲ ﻫﺎﻟﺒﻴﺖ
ﺟﻠﺴﺖ ﺍﻣﺎﻧﻲ ﺟﻨﺒﻪ : ﻭﺍﻟﻠﻪ ﺍﻧﻲ ﺍﻛﺎﻓﺢ ﻋﺸﺎﻥ ﺍﺭﻭﻕ
ﻣﺪﺕ ﻟﻪ ﻭﺭﻗﻪ : ﺧﺬ ﻫﺎﺫﻱ ﺍﻏﺮﺍﺿﻨﺎ ﺍﻟﻠﻲ ﻧﺒﻴﻬﺎ
ﺍﺧﺬﻫﺎ ﺧﻠﻒ ﻭﻫﻮ ﻳﻨﺎﻇﺮ ﺑﻬﺪﻭﺀ ﻭﺭﺟﻌﻬﺎ ﻟﻬﺎ ﻭﻫﻤﺲ : ﺍﺑﻮﻱ ﻣﺎ ﺑﻴﺮﺿﻰ ﻋﻠﻴﻬﺎ ﻛﻠﻬﺎ ! ؟
ﺍﻣﺎﻧﻲ ﺑﻨﻔﺲ ﺍﻟﻬﻤﺲ : ﺗﻌﺎﻝ ﺍﻟﻤﻄﺒﺦ
ﻃﻠﻌﻮﺍ ﻣﺘﺠﻬﻴﻦ ﻟﻠﻤﻄﺒﺦ ﺍﻟﻤﺰﺩﺣﻢ ﻭﻏﻤﺰﺕ ﺍﻣﺎﻧﻲ ﻟﻮﻋﺪ ﺗﻄﻠﻊ ﻏﻴﺚ ﻭﻭﺟﺪﺍﻥ ﻭﺳﺎﻟﻢ
ﺧﻠﻒ : ﻭﺵ ﺍﻟﺴﺎﻟﻔﻪ !
ﺍﻣﺎﻧﻲ : ﻧﺪﻯ ﻗﻮﻟﻲ ﻟﻪ
ﻗﺮﺑﺖ ﻧﺪﻯ ﺗﺴﻜﺮ ﺍﻟﺒﺎﺏ
ﻭﻋﺪ : ﻧﺪﻯﻰ ﻭﺵ ﻣﺴﻮﻳﻪ ! ؟
ﻧﺪﻯ ﺿﺤﻜﺖ ﻭﻫﻲ ﺗﻄﻠﻊ ﻣﻦ ﺟﻴﺒﻬﺎ ﺷﻄﺮﻃﻮﻥ ﻋﻠﻴﻪ ﺑﺼﻤﻪ ﻭﺭﻓﻌﺘﻪ ﻭﻛﻠﻬﻢ ﻳﻨﺎﻇﺮﻭﻥ
ﺍﺧﺬﻩ ﺧﻠﻒ ﻳﻘﻠﺒﻪ : ﻭﺵ ﺫﺍ ! ؟
ﺳﻜﺮﺕ ﺍﻟﺒﺎﺏ ﻭﻟﻔﺖ ﺑﻤﻜﺮ : ﺍﺑﻮﻱ ﺍﻣﺲ ﺑﺼﻢ ﻋﻠﻰ ﺍﻭﺭﺍﻕ ﻭﺑﻌﺪﻫﺎ ﻧﺎﻡ ﻭﻳﻮﻡ ﺷﻔﺖ ﺍﺻﺒﻌﻪ
ﻃﺮﺕ ﻟﻲ ﻓﻜﺮﻩ ﺍﺧﺬﺕ ﺍﻟﺸﻄﺮﻃﻮﻥ ﻭﻟﺰﻗﺘﻪ ﻋﻠﻰ ﺍﺻﺒﻌﻪ ﻭﺳﺤﺒﺘﻪ ﺑﺸﻮﻳﺶ ﻭﺻﺎﺭﺕ ﺑﺼﻤﺔ
ﺍﺑﻮﻱ ﻓﻴﻪ
ﺣﻨﺎﻥ ﺷﻬﻘﺖ : ﻟﻴﻴﻴﻪ ﻭﺵ ﺗﺴﻮﻳﻦ ﺑﺒﺼﻤﺔ ﺍﺑﻮﻱ
ﺗﻜﺘﻒ ﺧﻠﻒ ﻣﺘﻌﺠﺐ : ﻭﺵ ﺑﺘﺴﺘﻔﻴﺪﻳﻦ ﺍﺻﻼ
ﻧﺪﻯ : ﻣﻮ ﺻﺢ ﻻﺯﻡ ﻧﻜﺘﺐ ﺍﻟﻄﻠﺒﺎﺕ ﻓﻲ ﻭﺭﻗﻪ ﻭﻻ ﻧﻘﺪﺭ ﻧﺎﺧﺬ ﻫﺎﻟﻄﻠﺒﺎﺕ ﻣﻦ ﺍﻟﺒﻘﺎﻟﻪ ﻟﻴﻦ
ﺍﺑﻮﻱ ﻳﺒﺼﻢ ﻋﻠﻴﻬﺎ ﻭﻳﻘﺘﻨﻊ ﺑﻬﺎ ﻛﻠﻬﺎ ! ؟ ﻭﺍﻥ ﻣﺎﻓﻴﻬﺎ ﺧﺮﺍﺑﻴﻂ ﻭﻻ ﺷﻲ ﻳﻜﻠﻔﻪ ﻓﻠﻮﺱ
ﻭﻋﺪ : ﺍﻳﻴﻴﻴﻪ
ﺍﺧﺬﺕ ﻧﺪﻯ ﺍﻟﺸﻄﺮﻃﻮﻥ ﺑﺒﺘﺴﺎﻣﻪ ﻭﻫﻲ ﺗﻠﺼﻘﻪ ﻋﻠﻰ ﺍﺻﺒﻌﻬﺎ ﺑﺎﻟﻌﻜﺲ ﻭﺣﻄﺖ ﺍﺻﺒﻌﻬﺎ ﻓﻲ
ﺍﻟﺒﺼﻤﻪ ﻭﺑﺼﻤﺖ ﻭﻃﺒﻌﺖ ﺑﺼﻤﺔ ﺍﺑﻮﻫﺎ ﺑﺎﻟﻀﺒﻂ ﻓﻲ ﺍﻟﻮﺭﻗﻪ ﻭﺭﻓﻌﺘﻬﺎ ﺑﻀﺤﻚ: ﺍﻟﺤﻴﻴﻴﻴﻦ
ﺗﻘﺪﺭﻭﻥ ﺗﺸﺘﺮﻭﻥ ﺍﻟﻠﻠﻲ ﺗﺒﻮﻥ ﻣﻦ ﺍﻟﺒﻘﺎﻟﻪ ﻭﺍﺑﻮﻱ ﻳﺪﻓﻊ ﺑﺴﻼﻡ
ﻟﻔﻮﺍ ﻋﻠﻴﻬﺎ ﺑﺬﻫﻮﻝ ﻭﻫﻢ ﻣﺼﺪﻭﻣﻴﻦ ﻭﻛﺎﻥ ﺍﺑﻮ ﺧﻠﻒ ﻣﻦ ﺣﺮﺻﻪ ﻣﺎ ﻳﻘﺪﺭﻭﻥ ﻳﺸﺘﺮﻭﻥ ﺷﻲ
ﻣﻦ ﺍﻟﺒﻘﺎﻟﻪ ﻋﻠﻰ ﺣﺴﺎﺑﻪ ﺍﻻ ﺑﺒﺼﻤﺘﻪ ﻭﻣﻦ ﺿﻤﻨﻬﺎ ﺍﻏﺮﺍﺽ ﺍﻟﺒﻴﺖ
ﻭﻋﺪ : ﺍﻧﺘﻲ ﻣﺠﻨﻮﻧﻪ ﻳﺎ ﺑﻨﺖ
ﺣﻨﺎﻥ ﺑﺨﻮﻑ : ﻟﻮ ﺩﺭﺍ ﺍﺑﻮﻱ ﺑﻴﺬﺑﺤﻨﺎ
ﻧﺪﻯ : ﻣﺎﻫﻮ ﺩﺍﺭﻱ ﻭﺑﻌﺪﻳﻦ ﺗﺮﺍ ﺍﺑﻮﻱ ﻻ ﻳﻘﺮﺍ ﻭﻻ ﻳﻜﺘﺐ ﻳﻌﻨﻲ ﻣﺎﻫﻮ ﺩﺍﺭﻱ
ﺧﻠﻒ : ﺍﺳﻢ ﺍﻧﻚ ﺗﻌﺒﺘﻲ ﻭﻓﻜﺮﺗﻲ ﺑﻨﺴﻮﻳﻬﺎ ﻣﺮﺭﺭﻩ ﻭﺣﺪﻩ ﻭﺑﺲ ﻭﻓﻴﺼﻠﻮﻩ ﻻ ﻳﺪﺭﻱ
ﺿﺤﻜﺖ ﻧﺪﻯ : ﻳﻌﻨﻲ ﺍﻟﻴﻮﻭﻭﻭﻡ ﺑﻨﺴﺒﺢ ﻓﻲ ﺍﻟﺨﺮﺍﺑﻴﻂ
ﺧﻠﻒ ﺍﺧﺬﻫﺎ ﺑﻀﺤﻚ: ﺑﺘﺴﺒﺤﻴﻦ ﺑﺲ ﺍﻟﻠﻪ ﻳﺴﺘﺮ ﻻ ﻳﻨﺘﺒﻪ ﺍﺑﻮ ﻣﻤﺪﻭﺡ ﻭﻳﻘﻮﻝ ﻻﺑﻮﻱ
ﺍﻣﺎﻧﻲ : ﻣﺎ ﻫﻮ ﻣﺮﻛﺰ ﻫﺎﺫﻱ ﻣﻘﺎﺿﻲ ﻛﻞ ﺍﺳﺒﻮﻋﻴﻦ ﻳﻌﻨﻲ ﻣﺎﻫﻲ ﻳﻮﻣﻴﻪ
ﺳﻜﺘﻮﺍ ﻋﻠﻰ ﺻﻮﺕ ﺍﺑﻮﻫﻢ ﺍﻟﻠﻲ ﻧﺰﻝ ﻭﺍﻟﻜﻞ ﻃﻠﻊ ﻟﻠﻔﻄﻮﺭ ﻭﺍﺧﻴﺮﺍً ﻣﺪﺕ ﺍﻣﺎﻧﻲ ﺍﻟﻮﺭﻗﻪ: ﻳﺒﻪ
ﻫﺎﺫﻱ ﺍﻟﻤﻘﺎﺿﻲ ﻧﺎﻗﺼﻪ
ﺍﻟﺘﻔﺖ ﺍﺑﻮ ﺧﻠﻒ: ﺧﻠﻒ ﺍﻗﺮﺍﻫﺎ
ﺍﺧﺬﻫﺎ ﺧﻠﻒ ﻳﺮﺍﻗﺒﻬﻢ ﺑﺒﺘﺴﺎﻣﻪ ﻭﻫﻮ ﻳﺪﻗﻖ ﻓﺎﻟﻮﺭﻗﻪ : ﺭﺯ ، ﺷﺎﻫﻲ ، ﺣﻠﻴﺐ ، ﺳﻜﺮ ،
ﺻﺎﺑﻮﻥ ﻭ ... ﻭﻛﻤﻞ ﺑﺎﻗﻲ ﻃﻠﺒﺎﺕ ﺍﻟﺒﻴﺖ
ﻭﺍﺧﺬﻫﺎ ﺍﺑﻮﻩ ﻭﻫﻮ ﻳﻄﻠﻊ ﺍﻟﺒﺼﻤﻪ ﻣﻦ ﺟﻴﺒﻪ ﻭﺑﺼﻢ ﻋﻠﻴﻬﺎ : ﺧﺬﻫﺎ ﻻﺑﻮ ﻣﻤﺪﻭﺡ ﻭﻻ ﺗﺎﺧﺬ
ﻏﻴﺮﻫﺎ
ﺧﻠﻒ : ﺍﺑﺸﺮ
ﻭﻗﻒ ﺍﺑﻮ ﺧﻠﻒ ﻳﻨﺎﻇﺮ ﻓﻴﺼﻞ ﺍﻟﻠﻲ ﺗﻮﻩ ﻳﻨﺰﻝ ﻭﻫﻮ ﻳﺴﺤﺐ ﻧﻔﺴﻪ ﻭﻭﻗﻒ : ﺍﻧﺖ ﻣﺘﻰ
ﺑﺘﺼﻴﺮ ﺭﺟﺎﻝ ﻭﺗﻘﻮﻡ ﻣﻊ ﺍﻟﻨﺎﺱ ﻫﺎﺍﺍﻩ
ﺳﻜﺖ ﻓﻴﺼﻞ ﻣﺎﺭﺩ ﻭﺍﻟﺘﻔﺖ ﺍﺑﻮﻩ ﺑﻐﻀﺐ : ﺧﻠﺺ ﺍﻓﻄﺮ ﻭﺭﺍﻛﻢ ﻣﺪﺍﺭﺱ
ﻟﻔﻮﺍ ﻋﻠﻰ ﺻﻮﺕ ﺍﻟﺒﺎﺏ ﺍﻟﻠﻲ ﻓﺎﺻﻞ ﺑﻴﻦ ﺑﻴﺘﻬﻢ ﻭﺑﻴﺖ ﺟﺪﻫﻢ ﻗﺎﻳﺪ
ﺍﺗﺠﻬﻪ ﻟﻪ ﺧﻠﻒ ﻭﻓﺘﺤﻪ ﺑﺒﺘﺴﺎﻣﻪ : ﺍﺭﺣﺒﻲ ﻳﺎ ﻣﻀﺎﻭﻱ
ﻣﻀﺎﻭﻱ : ﻫﻼﺍﺍ ﻭﺍﻟﻠﻪ ﻭﺵ ﺫﺍ ﺍﻟﺼﺒﺢ ﺍﻟﺰﻳﻴﻴﻦ ﻣﺼﺒﺤﻴﻦ ﻋﻠﻰ ﻭﺟﻬﻪ ﺧﻠﻴﻒ
ﻭﻫﻤﺴﺖ : ﺯﻳﻴﻴﻦ ﻣﺎﻫﻮ ﺍﺑﻮﻙ ﺍﻟﻠﻲ ﻓﺘﺢ ﺍﻟﺒﺎﺏ ﻭﻻ ﻣﺎ ﺻﺒﺤﻨﺎ ﺑﺨﻴﺮ
ﺿﺤﻚ ﺧﻠﻒ : ﻻ ﻳﺴﻤﻌﻚ ﺗﺮﺍﻩ ﻣﻌﺼﺐ
ﺿﺤﻜﺖ ﻣﻀﺎﻭﻱ : ﺍﺳﻜﺖ ﻟﻮ ﻳﺪﺭﻱ ﻭﺵ ﺍﻧﺎ ﺟﺎﻳﻪ ﺍﺑﻲ ﻳﻬﻮﻥ ﻋﻠﻴﻪ ﺍﺳﺒﻪ ﻭﻻ ﺍﻃﻠﺐ
ﻫﺎﻟﻄﻠﺐ
ﻗﺮﺏ ﺧﻠﻒ ﺑﻀﺤﻚ: ﻭﺵ ﺗﺒﻴﻦ ! ؟
ﻣﻀﺎﻭﻱ : ﻃﺎﻝ ﻋﻤﺮﻙ ﺻﺤﻴﺖ ﺍﻟﺼﺒﺢ ﻭﺷﻤﻴﺖ ﺭﻳﺤﺔ ﻓﻮﻟﻜﻢ ﻭﺍﺷﺘﻬﻴﺘﻪ ﺑﺲ ﻧﻈﺮﺍً ﻟﻜﺜﺎﻓﻪ
ﺍﻟﺴﻜﺎﻧﻴﻪ ﻓﻲ ﺑﻴﺘﻜﻢ ﺍﺩﺭﻱ ﻣﺎ ﺍﻧﺘﻢ ﻣﺨﻠﻴﻦ ﺷﻲ ﻋﺸﺎﻥ ﻛﺬﺍ ﺑﺴﺄﻟﻚ ﻋﻨﺪﻛﻢ ﻓﻮﻝ ! ؟ ﻭﺍﻧﺎ
ﺍﺳﻮﻳﻪ ! ؟
ﺿﺤﻚ ﺧﻠﻒ : ﺍﺩﺧﻠﻲ ﺗﻔﺎﻫﻤﻲ ﻣﻊ ﻧﺪﻯ ﺍﻧﺎ ﻣﺎﻟﻲ ﺷﻐﻞ ﻓﻲ ﺍﻣﻮﺭ ﺍﻟﻤﻄﺒﺦ
ﺍﻋﺘﺪﻟﺖ ﻣﻀﺎﻭﻱ ﻭﻫﻲ ﻣﺒﺘﺴﻤﻪ ﺑﻔﺸﻠﻪ ﻭﺩﺧﻠﺖ : ﺻﺒﺎﺡ ﺍﻟﺨﻴﺮ
ﺍﻟﻜﻞ : ﺻﺒﺎﺡ ﺍﻟﻨﻮﺭ
ﺍﺑﻮ ﺧﻠﻒ : ﻭﺵ ﻋﻨﺪﻙ ﻳﺎ ﻣﻀﺎﻭﻱ ﻣﺴﻴﺮﻩ ﻣﻦ ﺻﺒﺢ ﺍﻟﻠﻪ
ﻣﻀﺎﻭﻱ ﺑﻔﺸﻠﻪ: ﺍ ﺍﺑﺪ ﺍﺗﻄﻤﻦ ﻋﻠﻴﻜﻢ
ﺧﻠﻒ ﺍﺷﺮ ﻟﻨﺪﻯ ﺗﻘﻮﻡ ﻭﻓﺰﺕ ﻭﻫﻲ ﺗﺮﻛﺾ ﻟﻤﻀﺎﻭﻱ ﻭﺍﺧﺬﺗﻬﺎ ﺑﻬﻤﺲ : ﻫﺎﻩ ﻭﺵ ﻓﻴﻚ ! ؟
ﻣﻀﺎﻭﻱ : ﻋﻨﺪﻛﻢ ﻓﻮﻝ ! ؟
ﺿﺤﻜﺖ ﻧﺪﻯ : ﻛﻨﺖ ﺣﺎﺳﻪ ﺑﺘﺠﻴﻦ ﺗﺪﻭﺭﻳﻦ ﻋﺸﺎﻥ ﻛﺬﺍ ﺣﻄﻴﺖ ﻟﻚ ﻋﻠﻰ ﺟﻨﺐ
ﻣﻀﺎﻭﻱ : ﻛﻔﻮﻭ ﻋﻠﻰ ﺑﻨﺖ ﺍﺧﻮﻱ
ﺍﺑﻮ ﺧﻠﻒ: ﻣﻀﺎﺍﺍﺍﺍﻭﻱ
ﻃﻠﺖ : ﺳﻢ
ﺍﺑﻮ ﺧﻠﻒ: ﻛﻠﻤﻲ ﻋﻴﺎﻝ ﻧﺎﻳﻒ ﻳﺠﻬﺰﻭﻥ ﻋﺸﺎﻥ ﺍﻭﺩﻳﻬﻢ ﻣﻊ ﺍﻟﻌﻴﺎﻝ ﻟﻠﻤﺪﺭﺳﻪ
ﺍﺧﺬﺕ ﻣﻀﺎﻭﻱ ﺍﻟﺼﺤﻦ : ﺍﺑﺸﺮ
ﻭﺭﺟﻌﺖ ﻭﻫﻲ ﺗﻬﻤﺲ : ﺧﻠﺼﻮﺍ ﻭﺗﻌﺎﻟﻮﺍ ﺗﻘﻬﻮﻭ ﻣﻌﻨﺎ
ﻧﺪﻯ: ﻃﻴﺐ
ﻭﻗﻒ ﺍﺑﻮ ﺧﻠﻒ ﻭﻫﻮ ﻳﺴﺘﻌﺠﻠﻬﻢ ﻳﺠﻬﺰﻭﻥ ﻣﺎﻋﺎﺩ ﻓﻴﻪ ﻭﻗﺖ
._______________________
ﻭﻓﻲ ﺑﻴﺖ ﺍﻟﺠﺪ ﻗﺎﻳﺪ
ﺩﺧﻠﺖ ﻣﻀﺎﻭﻱ ﺑﺼﺤﻦ ﺍﻟﻔﻮﻝ ﻣﺴﺘﺒﺸﺮﻩ ﺑﺲ ﻓﺠﻌﻬﺎ ﻋﻘﺎﺏ ﺍﻟﻠﻲ ﻣﻦ ﺻﺒﺢ ﺍﻟﻠﻪ ﻭﻫﻮ
ﻣﺴﺘﺸﻂ ﻭﻳﺼﺎﺭﺥ ﻭﻳﺼﺤﻲ ﺍﺧﻮﺍﻧﻪ
ﻭﻭﺍﻗﻒ ﻣﺘﻜﺘﻒ ﻭﻫﻮ ﻻﺑﺲ ﺑﺪﻟﺘﻪ ﺍﻟﻌﺴﻜﺮﻳﻪ ﻭﻛﺎﻥ ( ﻳﺸﺘﻐﻞ ﻋﻠﻰ ﺍﻟﺤﺪﻭﺩ )
ﻫﻴﺎ :ﺑﺸﻮﻭﻭﻳﺶ ﻳﺎ ﻋﻘﺎﺏ ﻋﻠﻰ ﺍﺧﻮﺍﻧﻚ
ﺍﻟﺘﻔﺖ ﻟﻬﺎ ﻭﻫﻮ ﻣﻘﻄﺐ : ﻫﻴﻮﻥ ﻻ ﺗﺮﻓﻌﻴﻦ ﺿﻐﻄﻲ ﺍﻧﺘﻲ ﺑﻌﺪ
ﻃﻠﻊ ﻋﺒﺪ ﺍﻟﻌﺰﻳﺰ ﻳﻠﺒﺲ ﺑﺴﺮﻋﻪ ﻭﻟﻔﺖ ﻣﻀﺎﻭﻱ : ﺷﻬﺪ ﻋﺰﻭﺯ ﺑﺴﺮﺭﺭﻋﻪ ﺗﺮﺍ ﻧﺎﺻﺮ ﻳﻨﺘﻈﺮﻛﻢ
ﻭﻣﻌﺼﺐ
ﻃﻠﻌﺖ ﺷﻬﺪ ﺗﺮﻛﺾ ﻭﻫﻲ ﺗﻮﻗﻒ ﻋﻨﺪ ﺳﺤﺮ : ﺳﺤﺮ ﺳﻮﻱ ﺷﻌﺮﻱ ﻋﺠﺰﺕ ﻓﻴﻪ
ﺍﻟﺘﻔﺖ ﻋﻘﺎﺏ ﺑﻐﻀﺐ : ﻭﻳﻴﻴﻴﻦ ﻋﻠﻰ ﺍﻟﻠﻪ ﻛﻞ ﻫﺎﻟﻜﺸﺨﻪ ! ؟ ﺗﺮﺍﻫﺎ ﻣﺪﺭﺳﻪ ﺟﺪﻟﻲ ﺷﻌﺮﻙ
ﻭﺍﻣﺸﻲ
ﻧﺎﻇﺮﺗﻪ ﺷﻬﺪ ﺑﻀﻴﻖ ﻭﺻﺪﺕ ﻭﻗﺮﺑﺖ ﻣﻀﺎﻭﻱ ﻭﻫﻲ ﺗﻌﻄﻴﻪ ﻛﻮﺏ ﺷﺎﻫﻲ : ﻳﺎﺧﻲ ﻋﻼﻣﻚ
ﻋﻠﻴﻬﺎ ﺧﻠﻬﺎ ﺗﻜﺸﺦ ﺗﺮﺍﻫﺎ ﺍﻧﺜﻰ
ﻋﻘﺎﺏ : ﺍﻗﻮﻝ ﻣﻀﺎﻭﻱ ﻛﻠﻲ ﻫﺎﻟﻔﻮﻝ ﺍﻟﻠﻲ ﺗﻄﻮﻓﻴﻦ ﺑﻪ ﻭﺭﻳﺤﻴﻨﺎ
ﺿﺤﻜﺖ ﻣﻀﺎﻭﻱ ﻭﻫﻲ ﺗﺮﺟﻊ ﺗﺠﻠﺲ : ﺑﻜﻴﻔﻚ ﻳﺎﻋﺪﻭ ﺍﻟﺠﻤﺎﻝ
ﻃﻠﻊ ﺍﻟﺠﺪ ﺍﺑﻮ ﻧﺎﺻﺮ : ﻭﺭﺍﻙ ﻳﺎﺫﺍ ﺍﻟﺠﻨﻲ ﺻﺮﺍﺧﻚ ﻭﺍﺻﻞ ﺍﺧﺮ ﺍﻟﺤﺎﺭﻩ
ﻣﻀﺎﻭﻱ : ﺑﻌﺪ ﻳﺎ ﻳﺒﻪ ﻣﺎ ﺗﻌﺮﻑ ﻋﻘﺎﺏ
ﻋﻘﺎﺏ ﻃﻨﺶ ﻭﺟﻠﺲ ﺑﺠﻨﺐ ﺟﺪﻩ ﺑﻌﺪ ﻣﺎﺑﺎﺱ ﺭﺍﺳﻪ : ﻳﺎﺟﺪﻱ ﻣﺎﻳﻄﻴﻌﻮﻥ ﻣﻦ ﺳﺎﻋﻪ ﻭﺍﻧﺎ
ﺍﻗﻮﻝ ﺧﻠﺼﻮﺍ ﻋﻤﻲ ﻳﻨﺘﻈﺮ ﻣﺎ ﻓﻴﻪ ﻓﺎﻳﺪﻩ ﻳﻤﺸﻮﻥ ﻋﻠﻰ ﺑﻴﺾ
ﺍﻟﺠﺪﻩ ﺍﻡ ﻧﺎﺻﺮ ﻣﺮﺕ ﻭﻫﻲ ﻣﻌﺼﺒﻪ ﺑﻌﺪ : ﺍﻧﺎ ﺍﺩﺭﻱ ﺳﻨﻪ ﻟﻴﻦ ﻳﻘﻮﻣﻮﻥ ﻭﺳﻨﻪ ﻟﻴﻦ ﻳﻄﻠﻌﻮﻥ
ﺳﻜﺘﻮﺍ ﻋﻠﻰ ﺻﻮﺕ ﺍﺑﻮ ﺧﻠﻒ ﻳﻨﺎﺩﻱ : ﻭﻳﻴﻴﻨﻜﻢ
ﻃﻠﻌﻮﺍ ﻋﺰﻭﺯ ﻭﺷﻬﺪ : ﺟﺎﻫﺰﻳﻦ ﻋﻤﻲ
ﻗﺮﺏ ﺍﺑﻮ ﺧﻠﻒ ﻳﺴﻠﻢ ﻋﻠﻰ ﺍﺑﻮﻩ ﻭﺍﻣﻪ ﻭﻃﻠﻊ ﻻﻧﻪ ﻣﺴﺘﻌﺠﻞ ﻭﻃﻠﻊ ﻋﻘﺎﺏ ﻭﻫﻮ ﻳﻨﺎﺩﻱ :
ﻋﺰﻭﺯ
ﺍﻟﺘﻔﺖ ﻋﺒﺪ ﺍﻟﻌﺰﻳﺰ : ﻫﻼ
ﻣﺪ ﻟﻪ ﻋﻘﺎﺏ ﻓﻠﻮﺱ : ﺧﺬ ﻣﺼﺮﻭﻓﻚ ﻭﺍﻧﺘﺒﻪ ﻟﻨﻔﺴﻚ
ﻋﺰﻭﺯ : ﺍﺑﺸﺮ
ﻗﺮﺑﺖ ﺷﻬﺪ ﺑﺒﺘﺴﺎﻣﻪ: ﻭﺍﻧﺎ ﻣﺎﻟﻲ ﻧﺼﻴﺐ
ﺍﻟﺘﻔﺖ ﻟﻬﺎ ﻋﻘﺎﺏ ﺑﺒﺘﺴﺎﻣﻪ : ﺍﻓﺎ ﻭﺍﻧﺎ ﺍﺧﻮ ﺷﻬﺪ ﻟﻚ ﺩﺑﻞ ﺍﻟﻨﺼﻴﺐ
ﻋﻄﺎﻫﺎ ﻣﺼﺮﻭﻓﻬﺎ ﻭﻫﻮ ﻳﺤﺮﺹ ﻋﻠﻴﻬﺎ ﻛﺎﻟﻌﺎﺩﻩ ﻭﺭﺍﺣﺖ ﻭﻋﻘﺎﺏ ﻳﻨﺎﻇﺮ ﻋﻤﻪ ﺍﻟﻠﻲ ﻛﺎﻧﺖ
ﺳﻴﺎﺭﺗﻪ ﻭﺍﻧﻴﺖ ﻏﻤﺎﺭﻩ ﻭﺣﺪﻩ ﻗﺪﺍﻡ ﺷﻬﺪ ﻭﻭﺟﺪﺍﻥ ﻭﻏﻴﺚ ﻭﻓﻲ ﺍﻟﺤﻮﺽ ﻋﺰﻭﺯ ﻓﻴﺼﻞ ﺍﻟﻠﻲ
ﻛﺎﻥ ﺍﺧﺮ ﻣﺮﺣﻠﻪ ﻓﺎﻟﺜﺎﻧﻮﻱ ﻭﺳﺎﻟﻢ ﺍﻟﻠﻲ ﻟﻠﺤﻴﻦ ﺑﺎﻟﻤﺘﻮﺳﻂ
ﻭﻭﺍﺿﺢ ﻃﻔﺸﺎﻧﻴﻦ ﻛﻠﻬﻢ ﻭﺍﻟﺘﻔﺖ ﻭﻫﻮ ﻳﺸﻮﻑ ﺧﻠﻒ ﺍﻟﻠﻲ ﻭﺍﻗﻒ ﺑﺒﺘﺴﺎﻣﻪ : ﺻﺒﺤﻪ
ﺑﺎﻟﺨﻴﻴﻴﻴﺮ ﺧﻠﻴﻒ
ﻟﻒ ﺧﻠﻒ : ﻫﻼ ﻫﻼﺍ ﺑﺎﻟﻨﺎﺭ ﻭﺍﻟﺸﺮﺍﺭ
ﻋﻘﺎﺏ : ﻫﻼﺑﻚ ﺗﻌﺎﻝ ﺗﻌﺎﻝ ﻟﻠﻘﻬﻮﻩ ﺟﺪﻱ ﻳﺤﺘﺮﻳﻚ
ﺧﻠﻒ : ﻳﻼ ﺍﺧﺬ ﺍﻏﺮﺍﺽ ﺍﻫﻠﻲ ﻭﺍﺭﺟﻊ
ﺭﺟﻊ ﻋﻘﺎﺏ ﻣﺴﺘﻌﺠﻞ : ﺳﺤﺮ ﻋﻬﺪ ﻭﻳﻨﻜﻢ
ﻋﻬﺪ: ﺑﺴﻢ ﻟﻠﻠﻪ ﻭﺵ ﻓﻴﻚ ! ؟
ﻋﻘﺎﺏ: ﺑﻴﺠﻲ ﺧﻠﻒ ﺍﻧﺘﺒﻬﻮﺍ ﻻ ﺗﻄﻠﻌﻮﻥ ﻭﺟﻬﺰﻭﺍ ﺍﻟﻘﻬﻮﻩ
ﻋﻬﺪ : ﻃﻴﺐ
ﺩﺧﻠﺖ ﺍﻟﻤﻄﺒﺦ ﻭﻫﻲ ﻣﺘﺒﺴﻤﻪ ﻭﻫﻤﺴﺖ : ﺳﺤﺮ ﻳﻘﻮﻝ ﻋﻘﺎﺏ ﺟﻬﺰﻱ ﺍﻟﻘﻬﻮﻩ ﺧﻠﻴﻒ ﺟﺎﻳﻴﻲ
ﻭﻗﻔﺖ ﻣﻀﺎﻭﻱ ﻭﻫﻲ ﺗﻀﺤﻚ : ﻟﻠﻠﻪ ﺍﻟﻠﻪ ﻋﻴﻦ ﺍﻟﺴﻴﺢ ﺟﺎﺍﻱ ﺑﺘﻨﺰﻝ ﻟﻪ ﺍﺣﺴﻦ ﻗﻬﻮﻩ
ﻟﻔﺖ ﻫﻴﺎ ﺗﻀﺤﻚ ﻭﻫﻲ ﺗﺸﻮﻑ ﺳﺤﺮ ﻣﺒﺘﺴﻤﻪ ﻭﻫﻲ ﻣﺎ ﺗﺒﻴﻦ ﺭﺩﺓ ﻓﻌﻠﻬﺎ ﻟﻜﻦ ﻣﻌﺮﻭﻓﻪ
ﻣﺸﺎﻋﺮﻫﺎ
( ﻛﺎﻧﻮﺍ ﻣﻦ ﺯﻣﺎﻥ ﻳﻌﺮﻭﻓﻮﻥ ﺳﺤﺮ ﻟﺨﻠﻒ ﻭﺧﻠﻒ ﻟﺴﺤﺮ) ﻭﻣﺎﻛﺎﻧﺖ ﺳﺤﺮ ﺗﺸﻮﻑ ﻓﻲ ﻫﺬﺍ
ﺷﻲ ﻏﻠﻂ ﺑﺎﻟﻌﻜﺲ ﻣﺘﺄﻣﻠﻪ ﺧﻴﻴﻴﺮ ﻓﻲ ﺧﻠﻒ ﺍﻟﻠﻲ ﻛﺎﻥ ﻃﻮﻕ ﺍﻟﻨﺠﺎﺓ ﻣﻦ ﺗﺸﺪﺩ ﻋﻘﺎﺏ
ﻭﻻ ﻫﻲ ﺍﻻ ﺛﻮﺍﻧﻲ ﻭﺳﻤﻌﻮﺍ ﺻﻮﺕ ﺧﻠﻒ ﻳﺪﻕ ﺍﻟﺒﺎﺏ : ﻳﺎﺍﺍ ﺍﻫﻞ ﺍﻟﺒﻴﺖ
ﻋﻘﺎﺏ ﺑﺼﻮﺕ ﻋﺎﻟﻲ : ﺍﻗﻠﻂ ﺍﻗﻠﻂ
ﺩﺧﻞ ﺧﻠﻒ ﻭﻫﻮ ﻳﺴﻜﺮ ﺍﻟﺒﺎﺏ ﺍﻟﻠﻲ ﺑﻴﻨﻬﻢ : ﺻﺒﺤﻬﻢ ﺑﺎﻟﺨﻴﺮ
ﺍﺑﻮ ﻧﺎﺻﺮ ﻭﺍﻡ ﻧﺎﺻﺮ : ﺻﺒﺎﺡ ﺍﻟﻨﻮﺭ ﻳﺎ ﺧﻠﻒ
ﺧﻠﻒ : ﻛﻴﻒ ﺍﺻﺒﺤﺘﻮﺍ
ﺍﺑﻮ ﻧﺎﺻﺮ : ﺣﻤﺪﻟﻠﻪ
ﺍﻡ ﻧﺎﺻﺮ : ﻭﻳﻦ ﺍﻣﻚ ﻭﻋﻤﺘﻚ ﻣﺎ ﺻﺒﺤﻮﺍ
ﺧﻠﻒ : ﺑﻴﺠﻮﻥ ﺷﻮﻱ
ﺍﻡ ﻧﺎﺻﺮ : ﻭﺭﺍﻫﺎ ﺍﺧﺘﻚ ﻫﺎﻟﺠﻨﻴﻪ ﻣﻦ ﺻﺒﺢ ﺍﻟﻠﻪ ﺗﻬﺎﻭﺵ ! ؟ ﺿﺤﻚ ﺍﺑﻮ ﻧﺎﺻﺮ : ﺍﻟﻈﺎﻫﺮ ﻓﻲ
ﻛﻞ ﺑﻴﺖ ﺟﻨﻲ ( ﻳﻘﺼﺪ ﻋﻘﺎﺏ ﻭﺻﺮﺍﺧﻪ ﻭﻭﻋﺪ ﻭﺻﺮﺍﺧﻬﺎ )
ﻋﻘﺎﺏ : ﺍﻓﺎ ﻳﺎ ﺟﺪﻱ ﻭﺵ ﻗﺼﺪﻙ
ﺻﺪ ﺧﻠﻒ ﻣﺒﺘﺴﻢ ﻭﻫﻮ ﻋﺘﺒﺎﻥ ﻋﻠﻰ ﻭﻋﺪ ﻭﻫﻮﺍﺷﻬﺎ ﺍﻟﻠﻲ ﺍﺫﺍ ﻋﺼﺒﺖ ﻳﻄﻠﻊ ﺻﻮﺗﻬﺎ :
ﺗﻌﺮﻓﻮﻥ ﻓﻴﺼﻞ ﻻﺯﻡ ﻳﺮﻓﻊ ﺿﻐﻂ ﺍﻫﻞ ﺍﻟﺒﻴﺖ ﻛﻠﻬﻢ
ﺍﻡ ﻧﺎﺻﺮ : ﺍﻟﻠﻪ ﻳﻌﻴﻦ ﺑﺲ
ﺧﻠﻒ : ﻣﺎ ﺟﺎﺀ ﻋﻤﻲ ﻣﺤﻤﺪ ! ؟
ﺍﺑﻮ ﻧﺎﺻﺮ: ﻻ ﺟﺎﺀ ﻭﻻ ﻧﺪﺭﻱ ﻋﻨﻪ ؟ ﺍﻟﻈﺎﻫﺮ ﻟﻮ ﻳﻤﻮﺕ ﻓﻲ ﺩﻳﺮﺓ ﺍﻟﻴﻬﻮﺩ ﻣﺤﺪ ﺩﺭﺍ ﻋﻨﻪ
ﻋﻘﺎﺏ : ﺍﻟﻠﻪ ﻳﺼﻠﺤﻪ ﻣﺪﺭﻱ ﻭﺵ ﻳﺒﻲ ﻫﻨﺎﻙ
ﺧﻠﻒ : ﻳﻮﺳﻊ ﺻﺪﺭﻩ
ﺍﺑﻮ ﻧﺎﺻﺮ: ﻣﺎﻋﻠﻴﻪ ﻣﺎﻋﻠﻴﻪ، ﻳﻼ ﻳﺎﺧﻠﻒ ﻭﺍﻧﺎ ﺟﺪﻙ ﺧﻠﻨﺎ ﻧﺮﻭﺡ ﻟﺪﻛﺎﻧﻨﺎ
ﺍﺑﺘﺴﻢ ﺧﻠﻒ : ﺍﺑﺸﺮ ﺑﺲ ﺍﻗﻀﻲ ﺍﻏﺮﺍﺽ ﺍﻟﺒﻴﺖ ﻭﺃﻟﺤﻘﻚ
ﺍﺑﻮ ﻧﺎﺻﺮ : ﺯﻳﻦ ﺍﻟﻠﻪ ﻳﻌﻄﻴﻚ ﺍﻟﻌﺎﻓﻴﻪ ( ﺧﻠﻒ
ﺍﻟﻠﻲ ﻛﺎﻧﺖ ﺍﻣﻨﻴﺘﻪ ﻳﻜﻮﻥ ﻓﻲ ﺍﻟﺴﻠﻚ ﺍﻟﻌﺴﻜﺮﻱ ﺍﻭ ﻓﻲ ﺍﻟﻤﺠﺎﻝ ﺍﻟﻌﺴﻜﺮﻱ ﻭﻟﻜﻦ ﺭﻓﺾ ﺍﺑﻮﻩ
ﺧﻮﻓﺎً ﻋﻠﻴﻪ ﻳﺼﻴﺒﻪ ﺧﻄﺮ ﺍﻭ ﺍﻧﻪ ﻳﺘﻌﺐ ﺑﻤﺎ ﺍﻥ ﺧﻠﻒ ﻳﻌﺎﻧﻲ ﻣﻦ " ﺍﻟﺮﺑﻮ ﺍﻟﺤﺎﺩ ﺟﺪﺍً ) ﻭﻣﻦ
ﺑﻌﺪﻫﺎ ﺟﻠﺲ ﺧﻠﻒ ﻣﻊ ﺟﺪﻩ ﺍﻟﻠﻲ ﻛﺎﻥ ﻋﻨﺪﻩ ﻣﺤﻞ ﺟﻤﻴﻊ ﻻﺟﻬﺰﻩ ﻭﺍﻻﻟﻜﺘﺮﻭﻧﻴﺎﺕ ﻭﺻﻴﺎﻧﺘﻬﺎ
ﻭﻗﺮﺭ ﻳﻜﻮﻥ ﻋﻨﺪﻩ ﺑﻤﺎ ﺍﻧﻪ ﻣﻬﺘﻢ ﻓﻲ ﻫﺎﻻﻣﻮﺭ )
._______________________
ﻓﻲ ﺳﻄﺢ ﺑﻴﺖ ﺍﺑﻮ ﺧﻠﻒ
ﻛﺎﻧﺖ ﺳﺤﺮ ﻭﺍﻗﻔﻪ ﻭﻫﻲ ﺗﺴﻮﻟﻒ ﻣﻊ ﻭﻋﺪ ﻭﺍﻣﺎﻧﻲ ﻭﻛﺎﻥ ﻓﻴﻪ ﺑﻌﺪ ﺑﺎﺏ ﻓﻲ ﺍﻟﺴﻄﺢ ﻳﻔﺘﺢ
ﺍﻟﺒﻴﻮﺕ ﻋﻠﻰ ﺑﻌﺾ
ﻟﻔﺖ ﻭﻋﺪ ﻭﻫﻲ ﺗﺸﻮﻑ ﺳﺤﺮ ﺍﻟﻠﻲ ﺣﺎﻃﻪ ﻃﺮﺣﺘﻬﺎ ﻋﻠﻰ ﺭﺍﺳﻬﺎ: ﻭﺵ ﺑﻼﻙ ﺍﻧﺘﻲ ﻣﻦ
ﺑﻴﺸﻮﻓﻚ ﻓﻲ ﺍﻟﺴﻄﺢ
ﺿﺤﻜﺖ ﺳﺤﺮ: ﻭﺍﻟﻠﻪ ﻋﺎﺩ ﻫﺎﺫﻱ ﺍﻭﺍﻣﺮ ﻋﻘﺎﺏ ﻣﺪﺭﻱ ﻣﻦ ﺑﻴﺸﻮﻓﻨﻲ ﺑﺲ ﺍﺗﻮﻗﻊ ﺍﻧﻪ ﻳﺸﻮﻑ
ﺷﻲ ﻣﺎ ﻧﺸﻮﻓﻪ
ﺍﻣﺎﻧﻲ : ﺑﺴﻢ ﻟﻠﻪ ﻭﺵ ﻳﺸﻮﻑ ﻳﻌﻨﻲ
ﻭﻋﺪ : ﻻ ﻭﻭﺍﻟﻠﻪ ﻳﺎﺣﺒﻴﺒﺘﻲ ﻫﺬﺍ ﻣﺮﺽ ﻓﻲ ﺭﺍﺱ ﺍﺧﻮﻙ ! ؟ ﺧﻴﻴﻴﺮ ﺍﻧﻬﺒﻞ ﻭﻗﻌﺪ
ﺳﺤﺮ : ﻣﺎﻋﻠﻴﻨﺎ ﻣﻦ ﺍﺧﻮﻱ ! ﺗﻌﺎﻟﻮﺍ ﺑﻨﺠﻠﺲ ﻭﻧﺴﻮﻟﻒ ﺯﻳﻦ ﻋﻘﺎﺏ ﺑﻴﻄﻠﻊ ﻟﺪﻭﺍﻡ ﺑﻌﺪ ﺷﻮﻱ
ﺍﻣﺎﻧﻲ : ﻣﺎﻋﻠﻴﻪ ﻧﺨﻠﺺ ﺍﻟﺒﻴﺖ ﻭﻧﺠﻲ ﺗﻌﺮﻓﻴﻦ ﺍﻟﺤﻮﺳﻪ
ﺳﺤﺮ : ﺯﻱ ..
ﺍﻧﻘﻄﻊ ﺻﻮﺗﻬﺎ ﻭﻫﻲ ﺗﺴﻤﻊ ﺻﻮﺕ ﻋﻘﺎﺏ ﻳﻨﺎﺩﻳﻬﺎ ﻭﺳﻜﺮﺕ ﺍﻟﺒﺎﺏ ﻭﻧﺰﻟﺖ ﺗﺮﻛﺾ : ﺳﻢ
ﻋﻘﺎﺏ : ﻭﺵ ﺗﺴﻮﻳﻦ ﻓﻮﻕ ﺍﻟﺴﻄﺢ ؟
ﺳﺤﺮ : ﺍﻧﺸﺮ ﺍﻟﻐﺴﻴﻞ
ﻋﻘﺎﺏ : ﻻﺑﺴﻪ ﺍﻟﻄﺮﺣﻪ ؟
ﺳﺤﺮ : ﺍﻳﻪ
ﻋﻘﺎﺏ : ﻳﻼ ﺍﻧﺰﻟﻲ ﻻ ﺗﻄﻠﻌﻴﻦ ﻓﻮﻕ ﺍﻻ ﻟﻀﺮﻭﺭﻩ
ﺳﺤﺮ : ﻃﻴﺐ ﺍﺑﺸﺮ
ﻋﻘﺎﺏ : ﻳﻼ ﺍﻧﺎ ﺭﺍﻳﻴﻴﺢ ﺗﺒﻮﻥ ﺷﻲ
ﺳﺤﺮ : ﺳﻼﻣﺘﻚ
ﻃﻠﻊ ﻋﻘﺎﺏ ﻭﻛﻌﺎﺩﺗﻪ ﻳﻄﻴﺮ ﻭﻣﺴﺘﻌﺠﻞ ﻭﻧﺰﻟﻮﺍ ﺍﻟﺒﻨﺎﺕ ﻛﻠﻬﻢ ﻳﺠﻬﺰﻭﻥ ﻗﻬﻮﺗﻬﻢ ﻭﺳﻮﺍﻟﻒ ﺑﻤﺎ
ﺍﻧﻬﻢ ﺍﻏﻠﺒﻬﻢ ﻣﺎ ﻛﻤﻠﻮﺍ ﺩﺭﺍﺳﺘﻬﻢ ﻭﺟﺎﻟﺴﻴﻦ ﻓﻲ ﺍﻟﺒﻴﺖ
._______________________
ﻭﻓﻲ ﺑﻴﺖ ﺍﻟﻨﻮﺧﺬﻩ ﺍﺑﻮ ﺛﻨﻴﺎﻥ
ﻓﻲ ﻏﺮﻓﺔ ﻋﺎﻟﻲ ﻓﻴﻬﺎ ﺻﻮﺕ ﻓﻴﺮﻭﺯ ﻓﻲ ﻫﺎﻟﻐﺮﻓﻪ ﻛﺎﻧﺖ ﻟﻴﻠﻰ ﻭﺍﻗﻔﻪ ﺑﻌﺪ ﻣﺎ ﻟﺒﺴﺖ ﻓﺴﺘﺎﻧﻬﺎ
ﺍﻟﻠﻲ ﻣﻠﻴﺎﻥ ﺑﺄﻟﻮﺍﻥ ﺍﻟﺼﻴﻒ ﻟﻔﺖ ﻭﻫﻲ ﺗﻌﺪﻝ ﺷﻌﺮﻫﺎ ﻭﺗﻐﻨﻲ ﻣﻌﻪ ﻃﻠﺖ ﺗﻔﺘﺢ ﺍﻟﺸﺒﺎﻙ
ﻭﺍﺑﺘﺴﻤﺖ ﻭﻧﺰﻟﺖ ﻭﻫﻲ ﺗﺴﻤﻊ ﺻﻮﺕ ﺍﺑﻮﻫﺎ ﻭﺍﻣﻬﺎ ﻭﺷﻴﺨﻪ : ﺻﺒﺎﺡ ﺍﻟﺨﻴﺮ
ﺍﺑﻮ ﻧﻬﻴﺎﻥ : ﺻﺒﺤﭻ ﺍﻟﻠﻪ ﺑﺎﻟﺨﻴﻴﻴﺮ ﻭﺍﻟﺴﺮﻭﺭ
ﺍﻡ ﻧﻬﻴﺎﻥ: ﺗﻌﺎﻟﻲ ﻳﻤﻪ ﻗﻌﺪﻱ ﺗﺮﻳﻘﻲ ﻭﻳﺎﻧﺎ
ﻟﻔﺖ ﻟﻴﻠﻰ : ﺷﻴﺨﻮﻭﻭﻩ ﺑﺲ ﺧﻠﻲ ﻫﺎﻟﻜﺘﺐ ﻭﺍﻟﻠﻪ ﺭﺍﺳﻲ ﻋﻮﺭﻧﻲ ﻭﺍﻧﺘﻲ ﻣﺴﺘﻤﺮﻩ
ﺷﻴﺨﻪ ﻟﻔﺖ ﺗﻨﺎﻇﺮﻫﺎ ﺑﺒﺘﺴﺎﻣﻪ : ﺷﻌﻠﻴﭻ ﺍﻧﺘﻲ ﺧﻠﻴﺘﭻ ﺑﺮﻭﺣﭻ
ﺍﺑﻮ ﻧﻬﻴﺎﻥ : ﺗﻌﺎﻟﻲ ﺍﺗﺮﻛﻴﻬﺎ ﺑﺮﺍﺣﺘﻬﺎ
ﺟﻠﺴﺖ ﻟﻴﻠﻰ : ﻳﺒﻪ ﻭﻳﻦ ﺑﺘﺮﻭﺡ ﺍﻟﺤﻴﻦ !
ﺍﺑﻮ ﻧﻬﻴﺎﻥ : ﺑﺮﻭﺡ ﺍﻟﺴﻮﻕ ﻳﺒﻪ ﻭﺭﺍﻱ ﺍﺷﻐﺎﻝ
ﻟﻴﻠﻰ : ﻃﻴﺐ ﺍﺭﻭﺡ ﻭﻳﺎﻙ ﻋﺎﺩﻱ ! ؟
ﺍﺑﻮ ﻧﻬﻴﺎﻥ : ﻳﺎﺑﻨﺘﻲ ﻣﺎﻳﺼﻴﺮ ﺍﻟﻴﻮﻡ ﺧﻠﻴﻪ ﺑﺎﻛﺮ ﺍﺣﺴﻦ
ﻟﻔﺖ ﻟﻴﻠﻰ ﺑﻀﻴﻖ : ﻳﻼ ﻣﻮ ﻣﺸﻜﻠﻪ
ﺍﺑﻮ ﻧﻬﻴﺎﻥ : ﻭﺍﻧﺘﻲ ﻳﺎ ﺍﻡ ﻧﻬﻴﺎﻥ ﺟﺰﺍﺗﭻ ﺍﻟﻠﻪ ﺧﻴﺮ ﻗﻌﺪﻱ ﺟﺎﺑﺮ ﺧﻠﻴﻪ ﻳﻠﺤﻘﻨﻲ ﺻﻮﺏ ﺍﻟﺸﻐﻞ
ﺍﻡ ﻧﻬﻴﺎﻥ: ﺯﻳﻦ
ﻃﻠﻊ ﺍﺑﻮ ﻧﻬﻴﺎﻥ ﻭﻟﻔﺖ ﻟﻴﻠﻰ ﺑﻤﻠﻞ ﻭﻫﻲ ﻣﺎ ﺗﻌﺮﻑ ﺍﺣﺪ ﻓﻲ ﺍﻟﺨﻔﺠﻲ ﺑﺲ ﻳﻮﺳﻊ ﺻﺪﺭﻫﺎ
ﺳﻮﺍﻟﻒ ﺍﻟﺤﺮﻳﻢ ﺍﻟﻠﻲ ﻳﺠﻮﻥ ﻋﻨﺪ ﺍﻣﻬﺎ
ﻭﻃﻠﻌﺖ ﻟﻐﺮﻓﺘﻬﺎ ﻭﻫﻲ ﺗﻘﻠﺐ ﺍﻟﻜﺎﻣﻴﺮﺍ ﺑﺘﻔﻜﻴﺮ ﻭﺣﻄﺘﻬﺎ ﻭﻫﻲ ﺗﺸﻐﻠﻬﺎ
ﺭﺍﺣﺖ ﻟﺮﺍﺩﻳﻮﺍ ﺍﻟﻤﻮﺟﻮﺩ ﻭﻫﻲ ﺗﻐﻴﺮ ﺑﺎﻟﻘﻨﻮﺍﺕ ﺑﺲ ﺍﺑﺘﺴﻤﺖ ﺍﻭﻝ ﻣﺎﺳﻤﻌﺖ ﺍﻏﻨﻴﻪ ﺗﺼﻠﺢ
ﻟﺮﻗﺺ ﺳﻜﺮﺕ ﺍﻟﺒﺎﺏ ﺑﺒﺘﺴﺎﻣﻪ ﻭﺑﺪﺕ ﺗﻤﺎﺭﺱ ﺗﺴﻠﻴﺘﻬﺎ ﺍﻟﻮﺣﻴﺪﻩ ﻭﻫﻲ ﺍﻟﺮﻗﺺ ﺍﻟﺸﺮﻗﻲ
ﻭﻛﺎﻧﺖ ﺗﺤﺐ ﺗﺼﻮﺭ ﻋﺸﺎﻥ ﺗﺸﻮﻑ ﺍﺩﺍﺋﻬﺎ
._______________________
ﻋﻨﺪ ﺧﻠﻒ
ﺍﻟﻠﻲ ﻭﻗﻒ ﻣﺘﻜﺘﻒ ﻗﺪﺍﻡ ﺑﻘﺎﻟﺔ ﺍﺑﻮ ﻣﻤﺪﻭﺡ ﻭﻫﻮ ﻳﺪﻋﻲ ﻣﺎ ﻳﻜﺸﻒ ﺍﻟﺘﻼﻋﺐ ﺍﻟﻠﻲ ﺳﻮﻭﻩ
ﺑﺒﺼﻤﺔ ﺍﺑﻮﻩ ﺍﺑﺘﺴﻢ ﻭﻫﻮ ﻳﺪﺭﻱ ﺍﻥ ﺍﻃﺒﺎﻉ ﺍﺑﻮﻩ ﻋﺠﻴﺒﻪ ﻏﺮﻳﺒﻪ ! ؟ ﻭﻃﺮﻳﻘﺔ ﺗﺼﺮﻓﻬﻢ ﻣﻌﻪ
ﺍﻏﺮﺏ
ﺿﺤﻚ ﺑﻨﻔﺴﻪ ﻳﻘﻮﻝ ( ﺍﻟﻨﺎﺱ ﺗﺴﺮﻕ ﺍﻟﺒﺼﻤﺎﺕ ﺗﺴﻮﻱ ﺑﻬﺎ ﻣﺼﺎﻳﺐ ! ؟ ﻭﺣﻨﺎ ﻧﺴﺮﻗﻬﺎ
ﻧﺸﺘﺮﻱ ﻓﻴﻬﺎ ﺍﻏﺮﺍﺽ ﻣﻦ ﺍﻟﺒﻘﺎﻟﻪ ! ﻭﺍﻟﻠﻪ ﻋﺠﺐ )
ﻣﺎﻛﺎﻥ ﺭﺍﺗﺐ ﺧﻠﻒ ﻳﺴﺎﻋﺪﻩ ﺍﻧﻪ ﻳﻐﻨﻲ ﺍﻫﻠﻪ ﺗﻤﺎﻣﺎً ﻋﻦ ﺻﺮﻑ ﺍﺑﻮﻩ ﻋﻠﻴﻬﻢ ﻋﺸﺎﻥ ﻛﺬﺍ ﻛﺜﻴﻴﺮ
ﺍﺣﻴﺎﻥ ﻳﻨﺼﺎﻉ ﻟﺒﺨﻞ ﺍﺑﻮﻩ
ﻣﺪ ﻳﺪﻩ ﻳﻌﺪﻝ ﻧﻈﺎﺭﺗﻪ ﺍﻟﻄﺒﻴﻪ ﻭﺍﺧﺬ ﻧﻔﺲ ﺍﻭﻝ ﻣﺎ ﺑﺪﺍ ﺍﺑﻮ ﻣﻤﺪﻭﺡ ﻳﺠﻬﺰ ﺍﻟﻄﻠﺒﺎﺕ
ﻭﻳﺤﺎﻭﻝ ﺧﻠﻒ ﻳﺨﻔﻲ ﺍﻟﺨﺮﺍﺑﻴﻂ ﻋﻠﻰ ﻗﻮﻟﺔ ﺍﺑﻮﻩ ( ﺷﺒﺴﺎﺕ ، ﻏﺎﺯﻳﺎﺕ، ﺣﻠﻮﻳﺎﺕ )
ﺭﺟﻊ ﻟﺒﻴﺘﻬﻢ ﺩﺧﻞ ﻭﻫﻮ ﻳﻨﺎﺩﻱ ﻭﺭﻛﻀﻮﺍ ﻟﻪ ﺍﻟﺒﻨﺎﺕ ﻭﺍﺟﺘﻤﻌﻮﺍ ﺣﻮﻟﻪ
ﺿﺤﻜﺖ ﻧﺪﻯ : ﺿﺒﻄﺖ ﺍﻟﺨﻄﻪ
ﺧﻠﻒ : ﻧﺸﻒ ﺭﻳﻘﻲ ﻟﻴﻦ ﺿﺒﻄﺖ ﺗﺨﻴﻠﺖ ﺑﺲ ﺍﻥ ﺍﺑﻮ ﻣﻤﺪﻭﺡ ﻳﻘﻮﻝ ﻻﺑﻮﻱ ﻭﺣﺰﺗﻬﺎ ﻭﺵ
ﻳﻔﻜﻨﺎ
ﻭﻋﺪ ﺑﺒﺘﺴﺎﻣﻪ : ﺑﺎﻟﻠﻪ ﻋﻠﻴﻜﻢ ﺳﺎﺭﻗﻴﻦ ﺑﺼﻤﺔ ﺍﺑﻮﻱ ﻋﺸﺎﻥ ﻫﺎﻟﺨﺮﺍﺑﻴﻂ
ﺍﻣﺎﻧﻲ : ﻭﺍﻟﻠﻪ ﻫﺎﻟﺨﺮﺍﺑﻴﻂ ﻋﻠﻰ ﻗﻮﻟﻚ ﻟﻮ ﻣﺎ ﺳﺮﻗﻨﺎ ﻫﺎﻟﺒﺼﻤﻪ ﻣﺎ ﻛﺎﻥ ﺷﻔﺘﻴﻬﺎ ﺍﻻ ﻛﻞ ﺳﻨﻪ
ﻣﺮﻩ ﻭﻛﻠﻪ ﻋﺸﺎﻥ ﻣﺎ ﻧﻜﺜﺮ ﻣﺼﺎﺭﻳﻒ ﻋﻠﻰ ﺍﺑﻮﻙ
ﺧﻠﻒ : ﺧﻼﺹ ﺧﻼﺹ ﻫﻲ ﻣﺮﻩ ﻭﺗﻮﺑﻪ ﺍﻟﻤﻬﻢ ﺳﻜﺮﻭﺍ ﻋﻠﻰ ﺍﻟﻤﻮﺿﻮﻉ ﻭﺍﻧﺎ ﺑﺮﺟﻊ ﻟﺸﻐﻠﻲ
ﺗﺒﻮﻥ ﺷﻲ
ﺣﻨﺎﻥ: ﻣﺎﻗﺼﺮﺕ ﻛﻔﻴﺖ ﻭﻭﻓﻴﺖ
ﺭﺟﻊ ﺧﻠﻒ ﻟﺸﻐﻠﻪ ﻣﺒﺘﺴﻢ ﻭﻫﻮ ﻳﻨﺒﺴﻂ ﺍﺫﺍ ﺷﺎﻑ ﺧﻮﺍﺗﻪ ﻣﺒﺴﻮﻃﺎﺕ ﺣﺘﻰ ﻟﻮ ﻫﻲ ﺍﺷﻴﺎﺀ
ﺑﺴﻴﻄﻪ
ﺍﺧﺬ ﻃﺮﻳﻘﻪ ﻟﻤﺤﻞ ﺟﺪﻩ ﻭﺩﺧﻞ ﻭﺳﻠﻢ ﻭﺟﻠﺲ ﻭﻫﻮ ﻛﻌﺎﺩﺗﻪ ﺍﺑﺘﺪﺍﺀ ﺷﻐﻠﻪ ﺑﻔﻚ ﻭﺗﺼﻠﻴﺢ
ﻭﻓﻲ ﻋﺰ ﺍﻧﺪﻣﺎﺟﻪ ﺭﻓﻊ ﺭﺍﺳﻪ ﻋﻠﻰ ﺻﻮﺕ ﺗﺼﻔﻴﻴﺮ ﻳﻌﺮﻓﻪ ﺯﻳﻦ ﻧﺰﻝ ﺍﻻﻏﺮﺍﺽ ﻣﻦ ﻳﺪﻩ
ﻭﻃﻠﻊ ﻳﻀﺤﻚ : ﻧﺎﺩﺩﺭ ! ؟ ﻭﺵ ﻓﻴﻚ ﺗﻌﺎﻝ
ﻫﻤﺲ ﻧﺎﺩﺭ ﻣﻦ ﺑﻌﻴﺪ ﺑﻀﺤﻚ: ﺗﻌﺎﻝ ﻣﺎﺑﻲ ﺍﻧﺸﺐ ﻣﻊ ﺟﺪﻙ
ﻟﻒ ﺧﻠﻒ ﻭﻫﻮ ﻳﺸﻮﻑ ﺟﺪﻩ ﻣﺸﻐﻮﻝ ﻭﻃﻠﻊ ﻟﻪ : ﻟﻴﻪ ﻭﺵ ﻗﺎﻳﻠﻚ ﺟﺪﻱ ! ؟
ﺿﺤﻚ ﻧﺎﺩﺭ: ﻛﻞ ﻣﺎ ﻳﺸﻮﻓﻨﻲ ﻳﻬﺎﻭﺷﻨﻲ ﻋﺸﺎﻥ ﺍﻟﺘﺪﺧﻴﻦ ﻭﻛﺄﻧﻪ ﻳﻘﻮﻝ ﻻ ﺗﺨﺮﺏ ﺣﻔﻴﺪﻱ
ﻣﻌﻚ
ﺿﺤﻚ ﺧﻠﻒ ﻭﻫﻮ ﻳﻌﺮﻑ ﻣﻌﺎﻧﺎﺓ ﻧﺎﺩﺭ ﻣﻊ ﺍﺑﻮﻩ ﻭﺟﺪﻩ : ﺑﺴﻴﻄﻪ ﻳﺎ ﺭﺟﺎﻝ ﺍﻟﻤﻬﻢ ﻏﺮﻳﺒﻪ
ﻭﺵ ﺟﺎﻳﺒﻚ ﻫﻨﺎ
ﻧﺎﺩﺭ : ﻛﻨﺖ ﻓﺎﺿﻲ ﻗﻠﺖ ﺍﻣﺮﻙ ﻭﻳﻦ ﻋﻘﺎﺏ ! ؟
ﺧﻠﻒ : ﻣﺪﺍﻭﻡ
ﺳﻜﺘﻮﺍ ﻋﻠﻰ ﻣﺮﻭﺭ ﻋﺪﺩ ﻣﻦ ﺍﻟﺮﺟﺎﻝ ﻭﺑﻴﻨﻬﻢ ﺷﺨﺺ ﻟﻪ ﻫﻴﺒﺘﻪ ﻳﻐﻄﻲ ﻭﺟﻬﻪ ﺍﻟﺸﻴﺐ
ﻭﻭﺍﺿﺢ ﻣﺎﻫﻮ ﻣﻦ ﺍﻫﻞ ﺍﻟﺴﻌﻮﺩﻳﻪ
ﻧﺎﺩﺭ : ﺷﻔﺖ ﻫﺎﻟﺸﺎﻳﺒﺐ ! ؟
ﺧﻠﻒ : ﺍﻳﻪ ﻣﻨﻬﻮ ! ؟
ﻧﺎﺩﺭ : ﺳﺎﻛﻦ ﻓﻲ ﺍﺳﻔﻞ ﺍﻟﺤﺎﺭﻫﺎﺳﻤﻪ ﺍﻟﻨﻮﺧﺬﻩ ﺍﺑﻮ ﻧﻬﻴﺎﻥ ﻛﻮﻳﺘﻲ
ﻋﺪﻝ ﺧﻠﻒ ﻧﻈﺎﺭﺗﻪ ﻭﺍﺑﺘﺴﻢ : ﺍﻳﻴﻴﻪ ﻭﺍﺿﺢ ﻣﺎﻫﻮ ﻣﻦ ﺍﻫﻞ ﺍﻟﺤﺎﺭﻩ
ﻧﺎﺩﺭ : ﺍﻳﻪ ﻟﻪ ﻓﺘﺮﻩ ﻳﺮﻭﺡ ﻭﻳﺠﻲ ﺑﺲ ﻣﻌﻄﻴﻪ ﺍﻟﻠﻪ ﺧﻴﻴﻴﻴﻴﺮ
ﺧﻠﻒ : ﺍﻟﻠﻪ ﻳﺮﺯﻗﻨﺎ
ﻟﻒ ﻧﺎﺩﺭ : ﻟﻴﻪ ﻣﺎ ﺗﺠﺮﺏ ﺗﺸﺘﻐﻞ ﻣﻌﻬﻢ ﻓﺎﻟﺒﺤﺮ ﻭﺗﺠﺎﺭﺗﻪ ! ؟ ﺿﺤﻚ ﺧﻠﻒ : ﺍﻧﻬﺒﻠﺖ ﻳﺎ ﻧﺎﺩﺭ
ﺍﺑﻮﻱ ﻣﺎ ﺧﻼﻧﻲ ﻓﺎﻟﺒﺮ ﺑﻴﺨﻠﻴﻨﻲ ﻓﺎﻟﺒﺤﺮ
ﻧﺎﺩﺭ : ﻭﺍﻟﻠﻪ ﺍﻧﺎ ﺑﺴﻮﻱ ﺩﺭﺍﺳﻪ ﺍﺩﺭﺱ ﻓﻴﻬﺎ ﺣﺎﻟﺔ ﺍﺑﻮﻙ ﺍﻟﻐﺮﻳﺒﻪ
ﺍﺑﺘﺴﻢ ﺧﻠﻒ : ﺷﻮﻑ ﺭﺑﻲ ﻳﻘﺴﻢ ﺍﻻﺭﺯﺍﻕ ﻋﻠﻰ ﺍﻟﻨﺎﺱ ﻭﺭﺯﻗﻲ ﻓﺎﻟﺪﻧﻴﺎ ﻫﻮ ﺍﻧﻲ ﺍﺩﺭﺱ
ﻋﺠﺎﻳﺐ ﺍﻃﺒﺎﻉ ﺍﺑﻮﻱ
ﺿﺤﻚ ﻧﺎﺩﺭ : ﺍﻱ ﻭﺍﻟﻠﻪ ﺻﺎﺩﻕ
ﻭﺻﺪ ﻧﺎﺩﺭ ﺑﻀﺤﻚ ﻭﻫﻮ ﺭﻏﻢ ﺍﻧﻪ ﻳﺘﻀﺎﻳﻖ ﻣﻦ ﺍﺑﻮ ﺧﻠﻒ ﻭﻫﻮﺍﺷﻪ ﺍﻟﻤﺴﺘﻤﺮ ﻟﻪ ﺍﻻ ﺍﻧﻪ
ﻣﺎﻳﻘﺪﺭ ﻳﻜﺮﻫﻪ ﺧﻠﻒ ﺍﺑﺪ ﺍﻟﻠﻲ ﻋﻜﺲ ﺍﺑﻮﻩ
ﺍﻣﺎ ﺧﻠﻒ ﻛﺎﻥ ﻳﻀﻴﻖ ﺻﺪﺭﻩ ﻋﻠﻰ ﻧﺎﺩﺭ ﺍﻟﻠﻲ ﻛﺎﻥ ﻛﻞ ﻣﺎﻳﺸﻮﻓﻪ ﺍﺑﻮﻩ ﻣﻊ ﻧﺎﺩﺭ ﻳﻬﺎﻭﺷﻪ
ﻭﻳﻘﻮﻝ ( ﻻ ﺗﻤﺸﻲ ﻣﻊ ﻭﻟﺪ ﻣﺤﻤﺪ ﺍﻟﺨﺒﻞ ) << ( ﻳﻘﺼﺪ ﻓﻴﻬﺎ ﺍﻥ ﺍﺑﻮ ﻧﺎﺩﺭ ﺷﺨﺼﻴﺘﻪ
ﺿﻌﻴﻔﻪ ﻭﺍﺫﺍ ﺍﺣﺪ ﻏﻠﻂ ﻋﻠﻴﻪ ﻣﺎﻳﺮﺩ ﻭﻻ ﻳﺪﺍﻓﻊ ﻋﻦ ﻧﻔﺴﻪ ﻭﻭﻟﺪﻩ ﻭﻳﺨﻠﻴﻪ ، ﺑﺎﻟﻤﺠﻤﻞ
ﻳﻘﻮﻟﻮﻥ ﻟﻪ ﺍﻟﺨﺒﻞ )
ﻟﻒ ﻧﺎﺩﺭ ﺑﺴﺮﻋﻪ ﻭﻫﻮ ﻳﺮﻣﻲ ﺍﻟﺰﻗﺎﺭﻩ ﻭﻳﻄﻔﻴﻬﺎ : ﺍﺳﻤﻊ ﺍﻟﻮﻋﺪ ﺍﻟﻠﻴﻠﻪ ﻓﻲ ﻣﺤﻠﻨﺎ ! ؟
ﺧﻠﻒ : ﺯﻳﻦ
ﺭﺍﺡ ﻧﺎﺩﺭ ﻭﺭﺟﻊ ﺧﻠﻒ ﻟﻤﺤﻠﻪ
._______________________
ﻭﻓﻲ ﺑﻴﺖ ﺍﻟﺠﺪ
ﻛﺎﻧﻮﺍ ﺍﻟﺒﻨﺎﺕ ﺑﻄﺮﻑ ﻭﺍﻟﺤﺮﻳﻢ ﺑﻄﺮﻑ
ﺟﻮ ﺍﻟﺒﻨﺎﺕ ﻛﺎﻥ ﻭﺍﺿﺢ ﺳﻮﺍﻟﻒ ﻭﻟﻌﺐ ﻭﻟﻔﺖ ﻫﻴﺎ : ﻭﻋﺪ !! ﻭﺵ ﺳﺎﻟﻔﺔ ﺍﻟﻤﻌﻬﺪ ﺍﻟﻠﻲ
ﺗﻘﻮﻟﻴﻨﻪ ! ؟
ﻭﻋﺪ : ﺍﻳﻴﻴﻪ ! ؟ ﻫﺬﺍ ﺍﻟﻠﻪ ﻳﺴﻠﻤﻚ ﻛﻠﻤﺖ ﺧﺎﻟﻲ ﻣﺎﺟﺪ ﻳﺴﺠﻠﻨﻲ ﺑﻤﻌﻬﺪ ﺍﺩﺭﺱ ﺍﻱ ﺷﻲ
ﻳﻨﻔﻌﻨﻲ ﺑﺪﺍﻝ ﻣﺎ ﺍﻧﺎ ﺟﺎﻟﺴﻪ ﻫﻨﺎ
ﺷﻬﻘﺖ ﺳﺤﺮ : ﺍﻣﺎﺍﺍﻧﻪ ﺑﺘﺪﺭﺳﻴﻦ ! ؟ ﻃﻴﺐ ﻋﻤﻲ ﻛﻴﻒ ﺑﻴﺮﺿﻰ ﻭﺧﻠﻒ ! ؟
ﺿﺤﻜﺖ ﻧﺪﻯ : ﺍﺫﺍ ﻋﻠﻰ ﺍﺑﻮﻱ ﻣﻘﺪﻭﺭ ﻋﻠﻴﻪ ﺍﻫﻢ ﺷﻲ ﻣﺎﻳﺪﻓﻊ ﺷﻲ ﻭﺑﻜﺬﺍ ﻳﻮﺍﻓﻖ
ﺍﻣﺎﻧﻲ :ﺍﻣﺎ ﺧﻠﻒ ﻳﺎﺯﻳﻨﻪ ﺧﻠﻒ ﻣﺄﻳﺪ ﺍﻟﻤﻮﺿﻮﻉ ﻛﻠﻴﺎً ﺑﺎﻟﻌﻜﺲ ﻳﻘﻮﻝ ﻛﻤﻠﻮﺍ ﻭﺍﻧﺎ ﻣﻌﻜﻢ
ﻋﻬﺪ : ﺳﺒﺤﺎﻥ ﺍﻟﻠﻪ ﺍﻟﺨﺎﻟﻖ ﺍﻟﻔﺎﺭﻕ ﻟﻮ ﻗﺎﻳﻠﻴﻦ ﻟﻌﻘﺎﺏ ﺑﻨﻜﻤﻞ ﺑﻴﺘﻮﻓﻰ ﺑﺠﻠﻄﺔ ﺛﻼﺛﻴﺔ ﺍﻻﺑﻌﺎﺩ
ﻧﺪﻯ: ﻳﺎﺧﻲ ﺍﻧﺎ ﻓﻜﺮﺕ ﻓﻲ ﺗﺼﺮﻓﺎﺕ ﺍﺧﻮﻛﻢ ! ؟ ﻣﺎﺷﻔﺖ ﻓﻴﻬﺎ ﺍﻻ ﻣﺮﺽ
ﻭﻋﺪ ﺍﻟﻠﻲ ﺗﻜﺮﻫﻪ ﺗﺼﺮﻓﺎﺕ ﻋﻘﺎﺏ ﺍﻟﻠﻠﻲ ﺑﻜﻞ ﺗﺄﻛﻴﺪ ﺗﻌﺘﺒﺮﻩ ﻣﺮﻳﺾ ﻧﻔﺴﻲ : ﻭﺍﻟﻠﻪ ﺍﺫﺍ ﻭﺩﻙ
ﺗﻜﻤﻠﻴﻦ ﻛﻤﻠﻲ ﻣﺎ ﻋﻠﻴﻚ ﻣﻦ ﺍﺣﺪ ﻻﻥ ﻣﺤﺪ ﻳﺪﻭﻡ ﻻﺣﺪ ﻭﻣﺼﻴﺮﻙ ﺗﺤﺘﺎﺟﻴﻦ ﺷﻬﺎﺩﺓ ﺗﻨﻔﻌﻚ
ﺳﺤﺮ ﺑﻀﻴﻖ: ﻣﻦ ﻳﻘﻨﻌﻪ ﻋﺎﺩ ! ؟
ﻫﻴﺎ: ﻭﺍﻟﻠﻪ ﻋﻘﺎﺏ ﻣﺎﻫﻮ ﻣﺮﻳﺾ ﺑﺲ ﻳﺨﺎﻑ ﻋﻠﻴﻜﻢ ﻣﺎﻳﺒﻲ ﺷﻲ ﻳﺄﺫﻳﻜﻢ
ﺣﻨﺎﻥ: ﺑﺎﻟﻨﺴﺒﻪ ﻟﻲ ﺍﺷﻮﻑ ﺗﺼﺮﻓﺎﺗﻪ ﻣﻦ ﺣﺒﻪ ﻟﻜﻢ
ﻭﻋﺪ ﺑﻐﻀﺐ: ﺍﻱ ﺣﺐ ﺍﻧﺘﻲ ﻭﻳﺎﻫﺎ ﻟﻮ ﻛﻠﻪ ﺣﺐ ﻛﺎﻥ ﺍﻗﻞ ﺷﻲ ﺿﻤﻦ ﻟﻬﻢ ﻣﺴﺘﻘﺒﻞ ﻳﺮﻓﻌﻬﻢ
ﻋﻦ ﺍﻟﻨﺎﺱ ﻟﻮ ﺻﺎﺭ ﻟﻪ ﺷﻲ
ﻧﺎﻇﺮﺗﻬﺎ ﻫﻴﺎ ﺑﺤﺪﻩ ﻭﺻﺪﺕ ﻭﻋﺪ ﺑﻐﻀﺐ ﻭﻗﺒﻞ ﻳﻨﺘﻬﻲ ﺍﻟﻨﻘﺎﺵ ﻓﺰﻭﺍ ﻋﻠﻰ ﺻﻮﺕ ﺗﺮﺣﻴﺐ ﺍﻡ
ﻧﺎﺻﺮ
ﻭﻃﻠﺖ ﻋﻬﺪ : ﺍﻭﻭﻭﻩ ﻋﻤﻲ ﻣﺤﻤﺪ ﻭﺻﻞ
ﻃﻠﻌﻮﺍ ﻛﻞ ﺍﻟﺒﻨﺎﺕ ﺍﻟﻠﻲ ﻳﺤﺒﻮﻥ ﻣﺤﻤﺪ ﻭﻣﺤﻤﺪ ﻳﺤﺒﻬﻢ ﺑﻤﺎ ﺍﻧﻪ ﻣﺤﺮﻭﻡ ﻣﻦ ﻧﻌﻤﺔ ﺍﻟﻌﻴﺎﻝ
ﻳﺤﺎﻭﻝ ﻗﺪ ﻣﺎﻳﻘﺪﺭ ﻳﻌﻮﺽ ﻧﻘﺼﻪ ﻓﻲ ﻋﻴﺎﺍﻝ ﺍﺧﻮﺍﻧﻪ
ﺑﻌﺪ ﻣﺎ ﺍﻟﻜﻞ ﺳﻠﻢ ﻟﻒ ﻣﺤﻤﺪ ﺑﺒﺘﺴﺎﻣﻪ : ﺟﻴﺒﻮﺍ ﺍﻟﺸﻨﺎﻁ ﻳﺎ ﺑﻨﺎﺕ ﻭﺍﻟﻠﻪ ﻳﺎ ﺍﻧﻲ ﺟﺒﺖ ﻟﻜﻢ
ﻫﺪﺍﻳﺎ
ﺭﻛﻀﺖ ﻧﺪﻯ ﻭﻣﻀﺎﻭﻱ ﻭﻋﻬﺪ ﻳﺘﺴﺎﺑﻘﻮﻥ ﻋﻠﻰ ﺍﻟﺸﻨﺎﻁ
ﻭﺟﻠﺴﺖ ﻭﻋﺪ ﻭﺍﻟﺘﻔﺖ ﻣﺤﻤﺪ ﺑﺒﺘﺴﺎﻣﻪ : ﺍﻫﻠﻴﻴﻴﻴﻦ ﻳﺎ ﻭﺣﺶ
ﻧﺎﻇﺮﺗﻪ ﻭﻋﺪ ﺑﻀﺤﻚ: ﻋﻤﻲ ﺍﻟﻠﻪ ﻳﺮﺿﻰ ﻋﻠﻴﻚ ﻭﺵ ﻭﺣﺶ
ﻣﺤﻤﺪ : ﻭﺍﻧﺎ ﺻﺎﺩﻕ ! ؟ ﻛﻞ ﻣﺎ ﻛﻠﻤﺖ ﺍﺑﻮﻙ ﻭﻻ ﺧﻠﻒ ﺍﻻ ﺍﻧﺘﻲ ﺗﻬﺎﻭﺷﻴﻦ ﻭﺭﺍﻩ
ﺻﺪﺕ ﻭﻋﺪ ﺑﻀﺤﻚ: ﻭﺍﻟﻠﻪ ﻣﻦ ﻫﺎﻟﺒﺰﺭﺍﻥ
ﻣﺤﻤﺪ : ﺍﺟﻞ ﻟﻮ ﺗﺰﻭﺟﺘﻲ ﻭﺟﺒﺘﻲ ﻋﻴﺎﻝ ﻭﺵ ﺑﺘﺴﻮﻳﻦ ﺗﻨﻬﺒﻠﻴﻦ ! ؟
ﻟﻔﺖ ﻭﻋﺪ ﺑﻀﺤﻚ : ﻻ ﻭﺍﻟﻠﻪ ﻻ ﺑﺘﺰﻭﺝ ﻭﻻ ﺑﺠﻴﺐ ﻋﻴﺎﻝ
ﻣﺤﻤﺪ ﺑﻀﻴﻖ ﺑﺎﻥ ﻋﻠﻴﻪ ﻭﻫﻤﺲ : ﻻ ﺗﻘﻮﻟﻴﻦ ﻛﺬﺍ ﻳﺎ ﻭﻋﺪ ﻭﺍﻧﺎ ﻋﻤﻚ ﺗﺮﺍﻫﻢ ﻧﻌﻤﻪ ﻻ ﺗﺮﻓﺴﻴﻦ
ﺍﻟﻨﻌﻤﻪ
ﺍﻧﺨﻄﻒ ﻟﻮﻥ ﻭﻋﺪ ﻭﺗﻔﺸﻠﺖ ﻭﺳﻜﺘﺖ ﻭﻫﻲ ﺗﺪﺭﻱ ﺍﻥ ﻋﻤﻬﺎ ﻣﺠﺮﻭﺡ ﻣﻦ ﻫﺎﻻﻣﺮ
ﻓﺘﺤﺖ ﻣﻀﺎﻭﻱ ﺍﻟﺸﻨﻄﻪ ﻭﺻﺮﺧﺖ ﺑﻔﺮﺡ: ﺍﻟﻠﻪ ﻋﻄﻮﺭﺭﺍﺍﺍﺍﺕ
ﺍﻡ ﻧﺎﺻﺮ : ﻭﺟﻊ ﻭﺵ ﺫﺍ ﺍﻟﺼﺮﺍﺥ
ﺍﻟﺠﺎﺯﻱ : ﺳﻤﻲ ﺑﺎﻟﻠﻪ ﻳﺎ ﻣﻀﺎﻭﻱ
ﻭﻗﻒ ﻣﺤﻤﺪ ﻣﺒﺘﺴﻢ: ﺍﺻﺒﺮﻭﺍ ﺍﺻﺒﺮﻭﺍ ﺍﻧﺎ ﺍﻭﺯﻋﻬﺎ
ﺣﻨﺎﻥ ﺑﺒﺘﺴﺎﻣﻪ: ﻭﺍﻟﻠﻪ ﻛﺜﺮ ﺍﻟﻠﻪ ﺧﻴﺮﻙ ﻳﺎ ﻋﻤﻲ ﻛﻞ ﻣﺮﻩ ﺗﻜﻠﻒ ﻋﻠﻰ ﻧﻔﺴﻚ
ﺍﺑﺘﺴﻢ ﻟﻬﺎ ﻣﺤﻤﺪ : ﺍﻓﺎ ﻭﺍﻟﻠﻪ ﻳﺎﺣﻨﻮﻧﻪ ؟ ﺍﻧﺎ ﻭﺵ ﻋﻨﺪﻱ ﺑﺎﻟﺪﻧﻴﺎ ﺍﻏﻠﻰ ﻣﻨﻜﻢ
ﺭﻓﻌﺖ ﻳﺪﻳﻨﻬﺎ ﻣﻀﺎﻭﻱ ﺑﺒﻀﺤﻚ: ﻳﺎﻟﻠﻠﻠﻪ ﺗﺨﻠﻲ ﻟﻨﺎ ﺍﺧﻮﻱ ﻣﺤﻤﺪ ﻭﺗﺮﺯﻗﻪ ﻣﻦ ﻭﺍﺳﻊ ﻓﻀﻠﻚ
ﺍﻟﻜﻞ : ﺍﻣﻴﻴﻴﻴﻴﻴﻦ
ﺍﻟﻜﻞ ﻣﺠﺘﻤﻊ ﺣﻮﻝ ﻣﺤﻤﺪ ﻭﻫﻮ ﻳﻮﺯﻉ ﻫﺪﺍﻳﺎﻩ ﻣﺒﺘﺴﻢ ﻭﻳﻜﻔﻴﻪ ﻫﺎﻻﺑﺘﺴﺎﻣﻪ
._______________________
ﻓﻲ ﺍﻟﻤﺤﻞ
ﻛﺎﻥ ﺧﻠﻒ ﻭﺍﻗﻒ ﻭﻫﻮ ﻳﺮﺍﻗﺐ ﺍﻫﻞ ﺍﻟﺴﻮﻕ ﻟﻜﻦ ﻫﺎﻟﻤﺮﻩ ﻳﺮﺍﻗﺐ ﺍﻟﺠﺪﻳﺪ ﻓﻲ ﺍﻟﺴﻮﻕ ﻭﻫﻮ
ﺍﻟﻨﻮﺧﺬﻩ ﺍﺑﻮ ﻧﻬﻴﺎﻥ
ﻭﻟﻒ ﻋﻠﻰ ﺻﻮﺕ ﻭﺍﺣﺪ ﻳﻘﻮﻝ : ﺳﻼﻡ ﻋﻠﻴﻜﻢ ﻳﺎﻻﺧﻮ
ﺍﻟﺘﻔﺖ ﻟﻪ ﺧﻠﻒ ﻭﻫﻮ ﻳﺮﻓﻊ ﻧﻈﺮﺍﺗﻪ : ﺳﻢ ﻭﻋﻠﻴﻜﻢ ﺍﻟﺴﻼﻡ
ﺟﺎﺑﺮ: ﺍﻧﺎ ﺟﺪﻳﺪ ﻋﻠﻰ ﻫﺎﻟﺴﻮﻕ ﻭﺑﺴﺄﻟﻚ ﻋﻦ ﺩﻛﺎﻥ ﺍﻟﻨﻮﺧﺬﻩ ﺗﺪﻟﻪ ؟
ﺍﺑﺘﺴﻢ ﺧﻠﻒ : ﻫﻼ ﻓﻴﻚ ﻭﺩﻛﺎﻥ ﺍﻟﻨﻮﺧﺬﻩ ﻫﺬﺍ ﻫﻮ ﺧﺎﻣﺲ ﺩﻛﺎﻥ ﻋﻠﻰ ﻳﻤﻴﻨﻚ
ﺗﺤﺮﻙ ﺟﺎﺑﺮ ﺑﺲ ﺭﺟﻊ : ﺍﻟﻌﺬﺭ ﻭﺍﻟﺴﻤﻮﺣﻪ ﺑﺲ ﻣﺎ ﺗﺸﺮﻓﺖ ﺑﻤﻌﺮﻓﺘﻚ؟
ﺍﻋﺘﺪﻝ ﺧﻠﻒ : ﺧﻠﻒ ﺍﻝ ﻗﺎﻳﺪ
ﻣﺪ ﻳﺪﻩ ﺟﺎﺑﺮ ﻳﺴﻠﻢ ﻋﻠﻴﻪ ﺑﺒﺘﺴﺎﻣﻪ : ﻣﻌﻚ ﺟﺎﺑﺮ ﺍﻝ ﻧﻬﻴﺎﻥ ﻭﻟﺪ ﺍﻟﻨﻮﺧﺬﻩ ﺍﺑﻮ ﻧﻬﻴﺎﻥ
ﺧﻠﻒ : ﻳﺎ ﻫﻼ ﻓﻴﻜﻢ ﺷﺮﻓﺘﻮﻧﺎ ﻭﻧﻮﺭﺗﻮﺍ ﺍﻟﺴﻮﻕ ﻳﺎ ﺍﻫﻞ ﺍﻟﻜﻮﻳﺖ
ﺍﺑﺘﺴﻢ ﺟﺎﺑﺮ ﺑﺮﺿﺎ : ﺍﻟﺸﺮﻑ ﻟﻨﺎ ﻳﺎﺧﻠﻒ
ﺧﻠﻒ : ﺍﻗﻠﻂ ﺍﻟﻘﻬﻮﻩ ﺯﺍﻫﺒﻪ
ﺟﺎﺑﺮ : ﻣﺮﻩ ﺛﺎﻧﻴﻪ ﺻﻴﻔﺖ ﻋﻠﻰ ﺍﺑﻮﻱ ﻭﺍﺟﺪ
ﺧﻠﻒ : ﻻﺍﺯﻡ ﺗﻮﻋﺪﻧﻲ
ﺟﺎﺑﺮ : ﺍﻥ ﺷﺎﺀ ﺍﻟﻠﻪ ﺍﻗﺮﺏ ﻓﺮﺻﻪ
ﺭﺍﺡ ﺟﺎﺑﺮ ﻭﺧﻠﻒ ﻳﻨﺎﻇﺮﻩ ﻭﻣﺎﻛﺎﻥ ﺧﻠﻒ ﻣﺴﺘﻐﺮﺏ ﻭﺟﻮﺩ ﺍﻟﻜﻮﻳﺘﻴﻦ ﺍﺑﺪﺍً ﻻﻧﻪ ﺑﺤﻜﻢ ﺍﻥ
ﺍﻟﺨﻔﺠﻲ ﻋﻠﻰ ﺣﺪﻭﺩ ﺍﻟﻜﻮﻳﺖ ﺩﺍﻳﻤﺎً ﺍﻟﻜﻮﻳﺘﻴﻦ ﻓﻴﻬﺎ ﻭﺍﻟﺴﻌﻮﺩﻳﻦ ﻓﻲ ﺍﻟﻜﻮﻳﺖ ﻭﻣﺘﻌﺎﻳﺸﻴﻦ
ﻣﻊ ﺑﻌﺾ ﻭﻣﺘﻔﺎﻫﻤﻴﻦ
ﺗﻘﺪﻡ ﻟﺠﺪﻩ ﺍﻟﻠﻲ ﺟﺎﺀ ﻭﻫﻮ ﻳﻘﻮﻝ : ﺧﻠﻒ ﻭﺍﻧﺎ ﺟﺪﻙ ﻗﻔﻞ ﺍﻟﻤﺤﻞ ﺧﻠﻨﺎ ﻧﻠﺤﻖ ﻗﺒﻞ ﺻﻼﺓ
ﺍﻟﻈﻬﺮ ﻧﺼﻠﻲ ﻭﻧﺮﻭﺡ ﺍﻟﺒﻴﺖ
ﺧﻠﻒ : ﺍﺑﺸﺮ
ﻗﻔﻞ ﺍﻟﻤﺤﻞ ﺧﻠﻒ ﻭﺍﺗﺠﻬﻪ ﻟﺠﺪﻩ ﻭﻫﻮ ﻳﻤﺸﻲ ﺟﻨﺒﻪ
ﺧﻠﻒ : ﺍﻗﻮﻝ ﺟﺪﻱ ﻣﺮﻳﺖ ﺩﻛﺎﻥ ﺍﻟﻨﻮﺧﺬﻩ ! ؟
ﺍﺑﻮ ﻧﺎﺻﺮ: ﺍﻱ ﻭﺍﻟﻠﻪ ﻣﺮﻳﺘﻪ ﻭﻋﺰﻣﺘﻪ ﻭﺣﻠﻒ ﻣﺎ ﻳﺒﻲ ﻳﻜﻠﻒ ﻋﻠﻰ ﺍﺣﺪ
ﺧﻠﻒ : ﻣﺮﻧﻲ ﻭﻟﺪﻩ ﺟﺎﺑﺮ ﺑﻌﺪ ﻭﻋﺰﻣﺘﻪ ﻟﻠﻘﻬﻮﻩ ﻭﺍﻋﺘﺬﺭ
ﺍﺑﻮ ﻧﺎﺻﺮ : ﺧﻠﻬﻢ ﻋﻠﻰ ﺭﺍﺣﺘﻬﻢ ﺗﻮﻫﻢ ﻣﺎ ﺍﺳﺘﻘﺮﻭﺍ
ﺧﻠﻒ : ﺍﻟﻠﻪ ﻳﻌﻴﻦ
._______________________ .
ﻭﻓﻲ ﺳﻴﺎﺭﺓ ﺍﺑﻮ ﺧﻠﻒ
ﻓﻲ ﺍﻟﺤﻮﺽ
ﻛﺎﻥ ﻓﻴﺼﻞ ﺣﺎﻁ ﺍﻟﻜﺘﺎﺏ ﻋﻠﻰ ﺭﺍﺳﻪ ﻋﺎﺯﻝ ﺑﻴﻨﻪ ﻭﺑﻴﻦ ﺍﻟﺸﻤﺲ ﻭﻣﻘﺎﺑﻠﻪ ﻋﺰﻭﺯ ﻭﺳﺎﻟﻢ ﺍﻟﻠﻲ
ﻧﺎﻳﻢ
ﻓﻴﺼﻞ: ﻋﺰﻭﺯ ! ؟ﺍﻧﺖ ﺻﺎﻣﻞ ﻣﻌﻲ ! ؟
ﻋﺰﻭﺯ ﻗﺮﺏ : ﺻﺎﻣﻞ ﺑﺲ ﻣﺤﺪ ﻣﺨﻠﻴﻨﺎ ﻧﻄﻠﻊ ﺗﻌﺮﻑ ﻋﻘﺎﺏ ﻭﺟﺪﻱ
ﻓﻴﺼﻞ : ﺗﺮﺍ ﺣﺘﻰ ﺍﻧﺎ ﻋﻨﺪﻱ ﺧﻠﻒ ﻭﺍﺑﻮﻱ ﺑﺲ ﺍﻟﻤﻮﺿﻮﻉ ﺫﻛﺎﺀ ﻳﺎ ﺍﺧﻮﻱ ﻭﺣﻨﺎ ﻣﺎﺭﺡ ﻧﺴﻮﻱ
ﺷﻲ ﺑﻨﻄﻠﻊ ﻧﺴﻬﺮ ﻣﻊ ﺍﺻﺤﺎﺑﻨﺎ ﻭﻧﺠﻲ ﺧﻠﻒ ﻭﻋﻘﺎﺏ ﺑﻌﺪ ﻳﺴﻬﺮﻭﻥ ﻣﺤﺪ ﻗﺎﻟﻬﻢ ﺷﻲ
ﻛﺎﻥ ﻋﺰﻭﺯ ﻳﺘﺮﺩﺩ ﻛﺜﻴﺮ ﻭﺍﻟﺴﺒﺐ ﻋﻘﺎﺏ : ﻃﻴﺐ ﻛﻴﻒ ﺑﻨﻄﻠﻊ
ﻓﻴﺼﻞ: ﺍﺑﺪ ﺑﻌﺪ ﺍﻟﻌﺸﺎﺀ ﻗﻞ ﺍﻧﻚ ﺗﻌﺒﺎﻥ ﻭﺑﺘﻨﺎﻡ ﻣﺎﺗﺒﻲ ﺍﺣﺪ ﻳﺰﻋﺠﻚ ﻭﻗﻞ ﺍﻧﻚ ﺑﺘﻨﺎﻡ
ﺑﺎﻟﺴﻄﺢ ﻭﺍﻧﺎ ﺑﻌﺪ ﻭﺫﺍ ﻧﺎﻣﻮﺍ ﻛﻠﻬﻢ ﻃﻠﻌﻨﺎ ﻣﺤﺪ ﻳﺪﺭﻱ
ﺭﺟﻊ ﻋﺰﻭﺯ ﻟﻮﺭﺍ ﻭﻫﻮ ﻳﺸﻴﻞ ﻫﻢ ﺍﺫﺍ ﺑﻐﻰ ﻳﻄﻠﻊ ﻭﺧﺼﻮﺻﺎ ﺍﻧﻪ ﻳﺪﺭﻱ ﺍﻧﻬﻢ ﺑﻴﺮﻭﺣﻮﻥ ﻟﺸﻠﻪ
ﻣﺎﻫﻲ ﻃﻴﺒﻪ ﻛﺜﻴﺮ ﻭﺍﻛﻴﺪ ﻋﻘﺎﺏ ﺑﻴﺴﺄﻝ ﻋﻨﻬﻢ ﻭﻫﻮ ﻣﺎﻳﻌﺮﻑ ﻳﻜﺬﺏ ﻋﻠﻰ ﻋﻘﺎﺏ
ﻟﻜﻦ ﻓﻴﺼﻞ ﻛﺎﻥ ﺟﺮﻱﺀ ﻭﻗﻮﻱ ﻭﻣﺎﻳﻬﺘﻢ ﻻﺣﺪ
ﺳﻜﺘﻮﺍ ﺑﻮﺻﻮﻟﻬﻢ ﻟﻠﺒﻴﺖ
._______________________
ﻓﻲ ﺑﻴﺖ ﺍﺑﻮ ﺧﻠﻒ
ﺩﺧﻞ ﺧﻠﻒ ﻣﻊ ﺩﺧﻮﻝ ﻓﻴﺼﻞ ﻭﺳﺎﻟﻢ ﻭﻫﻮ ﻣﺘﺤﻀﻦ ﺳﺎﻟﻢ ﺍﻟﺪﺍﻳﺦ ﻣﻦ ﺍﻟﻨﻮﻣﻪ
ﺣﻨﺎﻥ : ﺟﻴﺘﻮﺍ ﺑﻮﻗﺘﻜﻢ ﻳﻼ ﻋﺸﺎﻥ ﺑﻨﻨﺰﻝ ﺍﻟﻐﺪﺍﺀ
ﻓﻴﺼﻞ : ﻭﺵ ﻓﻴﻜﻢ ﻣﺴﺘﻌﺠﻠﻴﻦ ! ؟
ﺭﻓﻊ ﺧﻠﻒ ﻳﺪﻩ ﻳﻨﺎﻇﺮ ﺍﻟﺴﺎﻋﻪ : ﺣﺘﻰ ﻋﻘﺎﺏ ﻣﺎ ﺟﺎﺀ ﻣﻦ ﺍﻟﺪﻭﺍﻡ ﻟﻠﺤﻴﻦ
ﻭﻋﺪ : ﻋﻤﻲ ﻣﺤﻤﺪ ﺟﺎﺀ ﻭﺗﻌﺒﺎﻥ ﻳﺒﻲ ﻳﺘﻐﺪﺍﺀ ﺑﺴﺮﻋﻪ ﻭﻳﻨﺎﻡ
ﻭﺟﺪﺍﻥ : ﺑﺸﺮﻭﻧﻲ ﻭﻗﻮﻟﻮﺍ ﺟﺎﻳﺐ ﻟﻨﺎ ﻫﺪﺍﻳﺎ
ﺿﺮﺑﻬﺎ ﻓﻴﺼﻞ : ﺍﻧﺘﻲ ﻣﺎ ﺗﺘﻮﺑﻴﻦ ﻋﻨﺪ ﻫﺎﻟﺸﺤﺎﺫﻩ ! ؟
ﺍﻟﺘﻔﺖ ﻟﻪ ﺧﻠﻒ ﺑﻐﻀﺐ : ﻭﺵ ﻓﻴﻚ ﻋﻠﻴﻬﺎ ! ؟
ﻓﻴﺼﻞ : ﻃﻮﻳﻠﺔ ﻟﺴﺎﻥ
ﺳﺤﺒﻪ ﺧﻠﻒ ﺑﻬﺪﻭﺀ ﻭﻫﻮ ﻳﻜﻠﻤﻪ ﺑﻐﻀﺐ ﻫﺎﻣﺲ : ﻣﻠﻴﻮﻥ ﻣﺮﻩ ﺍﻗﻮﻟﻚ ﺍﺫﺍ ﻣﺪﻳﺖ ﻳﺪﻙ ﻋﻠﻰ
ﺧﻮﺍﺗﻚ ﻛﺴﺮﺗﻬﺎ ﻟﻚ ﺗﺴﻤﻊ ؟
ﺳﺤﺐ ﻳﺪﻩ ﻓﻴﺼﻞ ﻭﺩﺧﻞ ﻭﺍﺧﺬ ﺧﻠﻒ ﻧﻔﺲ ﻭﺍﺗﺠﻬﻪ ﻟﻠﻤﻄﺒﺦ ﻭﺍﻭﻝ ﻣﺎ ﺩﺧﻞ ﻃﺎﺣﺖ
ﻋﻴﻮﻧﻪ ﻋﻠﻰ ﺍﻟﻤﻌﻤﻮﻝ ﺍﺗﺠﻬﻪ ﻟﻪ : ﺍﻭﻭﻭﻩ ﻫﺬﺍ ﻣﻌﻤﻮﻭﻭﻝ
ﻧﺎﻇﺮﺗﻪ ﺍﻣﺎﻧﻲ ﺑﻀﺤﻚ : ﺍﻳﻴﻴﻪ ﻣﻌﻤﻮﻭﻝ ﻭﻻ ﻫﻮ ﺍﻱ ﻣﻌﻤﻮﻝ ﻣﻌﻤﻮﻝ ﺳﺤﺮ
ﺍﺑﺘﺴﻢ ﺧﻠﻒ ﺑﺨﻔﻪ ﻭﻫﻮ ﻣﺘﻌﻮﺩ ﺍﻧﻬﻢ ﻳﻄﻘﻄﻘﻮﻥ ﺑﻬﺎﻟﻤﻮﺿﻮﻉ ﻭﻣﺎﻛﺎﻥ ﻋﻨﺪﻩ ﺍﻱ ﺍﻋﺘﺮﺽ
ﺑﺎﻟﻌﻜﺲ ﺭﺍﻏﺐ ﻭﻗﺎﺑﻞ ﻓﺎﻟﻨﻬﺎﻳﻪ ﻫﻮ ﺑﻴﺘﺰﻭﺝ ﺍﻛﻴﺪ ﻣﻦ ﺑﻨﺎﺕ ﻋﻤﻪ
ﻟﻒ ﺑﻀﺤﻚ ﻭﻫﻮ ﻣﺘﺤﻀﻦ ﺍﻟﺼﺤﻦ : ﻳﻌﻨﻲ ﺗﻀﻤﻨﻮﻥ ﻣﺴﺘﻘﺒﻞ ﺯﺍﻫﺮ
ﻧﺪﻯ ﺑﻀﺤﻚ : ﻧﻀﻤﻦ ﻟﻚ ﻛﺮﺵ ﺯﺍﻫﺮﻩ
ﻟﻒ ﺧﻠﻒ ﺑﻀﺤﻚ ﻭﻫﻮ ﻳﻘﻮﻝ : ﺳﺎﺍﺍﻟﻢ ﺗﻌﺎﻝ ﺇﻟﺤﻘﻨﺎ ﺑﺎﻟﻐﺪﺍﺀ
ﻃﻠﻊ ﻣﺘﺠﻬﻪ ﺑﻴﺖ ﺟﺪﻩ
ﺍﺑﺘﺪﻭﺍ ﺍﻟﺒﻨﺎﺕ ﻳﺠﻬﺰﻭﻥ ﺍﻟﻐﺪﺍﺀ ﻭﺍﻟﻨﻈﺎﻡ ﺍﻧﻪ ﺑﻴﺖ ﺍﻟﺠﺪ ﻭﺑﻴﺖ ﺍﺑﻮ ﺧﻠﻒ ﻳﺘﻨﺎﻭﺑﻮﻥ ﻋﻠﻰ
ﺍﻟﻮﺟﺒﺎﺕ ﻳﻮﻡ ﺍﻟﻐﺪﺍﺀ ﻭﺍﻟﻌﺸﺎﺀ ﻓﻲ ﺑﻴﺖ ﺍﻟﺠﺪ ﻭﻳﻮﻡ ﻓﻲ ﺑﻴﺖ ﺍﺑﻮ ﺧﻠﻒ
._______________________
ﻭﻓﻲ ﺑﻴﺖ ﺍﻟﺠﺪ
ﻛﺎﻧﻮﺍ ﺍﻟﺠﺪ ﻭﺍﻟﺠﺪﻩ ﻭﺍﺑﻮ ﺧﻠﻒ ﻭﻣﺤﻤﺪ ﺟﺎﻟﺴﻴﻦ ﻭﺩﺧﻞ ﺧﻠﻒ ﻭﻓﻴﺼﻞ ﻭﺳﺎﻟﻢ
ﻭﻓﺰ ﻣﺤﻤﺪ ﻳﺮﺣﺐ ﻭﺍﺣﺘﻀﻦ ﺧﻠﻒ ﺑﺤﺐ ﻭﻫﻮ ﻳﻐﻠﻴﻴﻴﻴﻪ ﺣﻴﻞ ﻭﺍﺑﻌﺪ ﺧﻠﻒ ﻣﺒﺘﺴﻢ : ﺍﺷﺘﻘﻨﺎ
ﻟﻚ ﻳﺎﻋﻤﻲ ﻭﻳﻨﻚ ﺍﺑﻄﻴﺖ ﻋﻠﻴﻨﺎ ! ؟
ﻣﺤﻤﺪ : ﻭﺍﻟﻠﻪ ﻳﺎﺧﻠﻴﻴﻴﻒ ﻟﻮ ﺗﺸﻮﻑ ﻭﺵ ﻫﻨﺎﻙ ﻣﺎ ﺗﺠﻲ ﻫﻨﺎ ﺍﺑﺪ
ﺿﺤﻚ ﺧﻠﻒ : ﻣﺎﺑﻲ ﺍﺷﻮﻑ ﺍﺑﻲ ﺍﻟﺴﻼﻣﻪ
ﺍﺑﻮ ﻧﺎﺻﺮ : ﺍﻗﻮﻝ ﻻ ﺗﺨﺮﺏ ﻋﻴﺎﻟﻨﺎ ﻣﻌﻚ ﺧﻠﻬﻢ ﻓﻲ ﺣﺎﻟﻬﻢ
ﺿﺤﻚ ﻣﺤﻤﺪ ﻭﻫﻮ ﻳﺨﺒﻂ ﻋﻠﻰ ﻛﺘﻒ ﺍﺑﻮ ﺧﻠﻒ : ﺍﻗﻮﻝ ﻳﺎ ﻧﺎﺻﺮ ﺍﺫﺍ ﻭﺩﻙ ﺗﻌﺮﺱ ﺍﺑﺪ
ﻟﻘﻴﻴﻴﺖ ﺍﻟﺪﻳﺮﻩ ﺍﻟﻠﻲ ﺗﺴﺮ ﻗﻠﺒﻚ
ﻟﻔﻮﺍ ﻛﻠﻬﻢ ﻳﻨﺎﻇﺮﻭﻧﻪ ﻭﺍﻭﻟﻬﻢ ﺍﺑﻮ ﺧﻠﻒ ﺍﻟﻠﻲ ﺟﺎﺯﺕ ﻟﻪ ﺍﻟﻔﻜﺮﻩ ﺑﺲ ﻗﺎﻝ ﺍﺑﻮ ﻧﺎﺻﺮ ﻳﻨﻔﻲ
ﺍﻟﻔﻜﺮﻩ: ﻣﻌﺼﻲ ﻣﺎ ﻳﺘﺰﻭﺝ ﻣﻦ ﺩﻳﺮﺓٍ ﻣﺎﻫﻲ ﺩﻳﺮﺗﻪ ﺍﺹ ﺍﺹ ﻋﻠﻰ ﺍﻓﻜﺎﺭﻙ ﺍﻟﺸﻴﻨﻪ
ﺍﺑﻮ ﺧﻠﻒ ﺻﺪ ﻭﻫﻮ ﻳﻀﺤﻚ : ﻣﻜﻔﻴﻨﻲ ﺍﻟﻠﻲ ﻋﻨﺪﻱ
ﻗﺎﻃﻌﻬﻢ ﺩﺧﻮﻝ ﻋﻘﺎﺏ ﺍﻟﻠﻲ ﻳﻤﺴﺢ ﺟﺒﻴﻨﻪ ﺑﺘﻌﺐ : ﺳﻼﻡ ﻋﻠﻴﻜﻢ
ﺍﻟﻜﻞ : ﻋﻠﻴﻜﻢ ﺍﻟﺴﻼﻡ
ﻗﺮﺏ ﻳﺴﻠﻢ ﻋﻠﻰ ﻣﺤﻤﺪ ﻭﻟﻒ ﻟﻪ ﺍﺑﻮ ﻧﺎﺻﺮ: ﻋﺠﻞ ﺑﺪﻝ ﻭﺃﻟﺤﻖ ﻣﻌﻨﺎ
ﻋﻘﺎﺏ : ﻳﻼ ﻳﻼ
._______________________
ﻭﻓﻲ ﺍﻟﻤﻄﺒﺦ
ﻛﺎﻧﻮﺍ ﺍﻟﺒﻨﺎﺕ ﻳﺠﻬﺰﻭﻥ ﺍﻻﻏﺮﺍﺽ ﻭﻭﺍﻟﻜﻞ ﻃﻠﻊ ﻟﻠﻐﺮﻓﺔ ﺍﻟﻤﻮﺟﻮﺩ ﻓﻴﻬﺎ ﺑﺎﻗﻲ ﺍﻟﺤﺮﻳﻢ
ﻟﻜﻦ ﺑﺎﻗﻲ ﻫﻴﺎ ﻭﻭﻋﺪ ﻭﻗﺮﺑﺖ ﻫﻴﺎ ﻣﺴﺘﻌﺠﻠﻪ : ﻭﻋﺪ ﺭﺟﻌﺘﻲ ﻟﻌﻘﺎﺏ ﻏﺪﺍﺀ ! ؟
ﻟﻔﺖ ﻭﻋﺪ : ﻣﺪﺭﻱ ﻋﻦ ﺍﻟﺒﻨﺎﺕ ﻟﻜﻦ ﺍﻧﺎ ﻣﻌﺼﻲ ﻣﺎ ﺍﺭﺟﻊ ﻟﻪ
ﻫﻴﺎ ﻟﻔﺖ ﺑﺼﺪﻣﻪ: ﻭﺵ ﺑﻼﻙ ﺍﻧﺘﻲ ﻋﻠﻴﻴﻴﻪ ! ؟ ﺗﺮﺍﻩ ﻣﺎﻫﻮ ﺫﺍﺑﺢ ﺍﺑﻮﻙ
ﺻﺪﺕ ﻭﻋﺪ ﺑﻜﺮﻫﻪ : ﺧﻠﻴﻴﻴﻪ ﻳﺴﺘﺮﻳﺢ ﺑﺲ ﻭﺑﻌﺪﻳﻦ ﺍﺣﺴﻦ ﻻ ﺗﺮﺟﻌﻮﻥ ﻟﻪ ﺧﻠﻮ ﻃﺎﻗﺘﻪ
ﺗﻬﺒﻂ ﻭﻳﻔﻚ ﺧﻮﺍﺗﻪ ﻣﻦ ﺷﺮﻫﻪ
ﻫﻴﺎ : ﺇﻧﺎ ﻟﻠﻪ ﻭﺇﻧﺎ ﺇﻟﻴﻪ ﺭﺍﺟﻌﻮﻥ ﺍﻧﺘﻲ ﻟﺴﺎﻧﻚ ﻣﺘﺒﺮﻱ ﻣﻨﻚ
ﺍﺧﺬﺕ ﺍﻟﺼﻴﻨﻴﻪ ﻭﻃﻠﻌﺖ ﻭﺗﺮﻛﺖ ﻭﻋﺪ ﺍﻟﻠﻲ ﻛﺎﻥ ﺩﺍﺋﻤﺎً ﻋﻘﺎﺏ ﺿﺪﻫﺎ ﻓﻲ ﻛﻞ ﺍﻻﻣﻮﺭ ﻭﺩﺍﺋﻤﺎً
ﻳﺸﻮﻓﻬﺎ ﺍﻟﺒﻨﺖ ﺍﻟﺴﻠﻴﻄﻪ ﻃﻮﻳﻠﺔ ﺍﻟﻠﺴﺎﻥ ﺍﻟﻠﻲ ﻟﻮ ﻳﺼﺪﺭ ﻣﻦ ﺧﻮﺍﺗﻪ ﺗﺼﺮﻑ ﻏﻠﻂ ﺍﻭ ﻛﻠﻤﻪ
ﻏﻠﻂ ﻋﻠﻰ ﻃﻮﻝ ﻳﺘﻬﻢ ﻭﻋﺪ ﻓﻴﻬﺎ ﻭﻟﻬﺬﺍ ﺍﻟﺴﺒﺐ ﺗﻜﺮﻫﻪ ﻭﻋﺪ ﻭﻳﻜﺮﻫﻬﺎ
ﻟﻜﻦ ﻓﻲ ﺍﻟﻤﻤﺮ ﺍﻟﻠﻲ ﻗﺮﻳﺐ ﺍﻟﻤﻄﺒﺦ ﻣﺮ ﻋﻘﺎﺏ ﻭﺳﻤﻌﻬﺎ ﻭﺷﺪ ﻋﻠﻰ ﻳﺪﻩ ﺑﻐﻀﺐ : ﻫﻴﻴﻴﻦ
ﻫﻴﻴﻴﻦ ﻳﺎ ﺍﻟﻌﻮﺑﺎ ﻳﺎ ﺍﻡ ﻟﺴﺎﻥ ﺍﻧﺎ ﺍﻭﺭﻳﻚ ﺷﺮﻱ ﺯﻳﻦ
ﻛﻤﻞ ﻃﺮﻳﻘﻪ ﻟﻠﺤﻮﺵ ﻏﺎﺿﺐ ﻣﻨﻬﺎ ﻭﻣﻦ ﻃﻮﻟﺔ ﻟﺴﺎﻧﻬﺎ
._______________________
ﻭﻓﻲ ﺍﻟﺤﻮﺵ
ﺍﻟﻜﻞ ﻣﺠﺘﻤﻌﻴﻦ ﺣﻮﻝ ﺍﻟﺴﻔﺮﻩ ﻳﻨﺘﻈﺮﻭﻥ ﻋﻘﺎﺏ ﻭﻣﺤﻤﺪ ﻣﺘﺤﻀﻦ ﻏﻴﺚ ﻭﻫﻮ ﻳﻘﺮﺏ ﻟﻪ ﻛﻞ
ﺷﻲ ﺑﺎﻟﺴﻔﺮﻩ ﻭﺍﻟﻜﻞ ﻣﺒﺘﺴﻢ
ﻭﺗﻘﺪﻡ ﻋﻘﺎﺏ ﻭﻫﻮ ﻳﺨﺒﻂ ﻛﺘﻒ ﺧﻠﻒ ﺑﺒﺘﺴﺎﻣﻪ : ﺍﻗﻮﻝ ﺧﻠﻴﻒ ﺍﻟﻴﻮﻡ ﻓﺘﺤﻮﺍ ﺑﻮﺍﺑﺔ ﺍﻟﺘﻘﺪﻳﻢ
ﻣﺎ ﻭﺩﻙ ﺗﻘﺪﻡ ! ؟
ﺍﻟﺘﻔﺖ ﺍﺑﻮ ﺧﻠﻒ ﺑﺤﺪﻩ : ﻳﻘﺪﻡ ﻭﻳﻦ ! ؟؟
ﻋﻘﺎﺏ : ﻓﻲ ﺍﻟﻌﺴﻜﺮﻳﻪ ! ؟
ﺍﺑﻮ ﺧﻠﻒ : ﻻ ﻣﺎﻳﺒﻲ ﻳﻘﺪﻡ ﻫﻮ ﻣﺮﺗﺎﺡ ﻓﻲ ﻭﻇﻴﻔﺘﻪ
ﺷﺪ ﺧﻠﻒ ﻋﻠﻰ ﺍﺳﻨﺎﻧﻪ ﺑﻬﺪﻭﻭﻭﺀ ﻭﺍﺑﺘﺴﻢ ﻭﻫﻮ ﻣﺨﻨﻮﻕ ﻣﻦ ﺧﻮﻑ ﺍﺑﻮﻩ ﺍﻟﺰﺍﻳﺪ ﻋﻠﻴﻪ ﻭﺍﻟﻠﻲ
ﻳﺤﺴﺴﻪ ﺑﺎﻟﻨﻘﺺ ﻭﺍﻟﻠﻲ ﻳﻌﺎﻧﻲ ﺧﻠﻒ ﻣﻨﻪ ﺍﻛﺜﺮ ﻣﻦ ﻣﻌﺎﻧﺎﺗﻪ ﻣﻦ ﺍﻟﺮﺑﻮ
ﻟﻒ ﻣﺤﻤﺪ ﻳﻤﺴﺢ ﻇﻬﺮ ﺧﻠﻒ ﺑﺤﺐ ﻭﻫﻮ ﻳﻜﺮﻫﻪ ﺍﻥ ﺍﺣﺪ ﻳﺠﺮﺡ ﺍﺣﺪ ﺑﺴﺒﺐ ﻣﺮﺽ ﺍﻭ
ﻣﺸﻜﻠﻪ ﻳﻌﺎﻧﻲ ﻣﻨﻬﺎ : ﻻ ﻭﺍﻟﻠﻪ ﻻ ﻳﻘﺪﻡ ﺧﻠﻴﻒ ﻭﻻ ﺷﻲ ﺍﺭﻳﺢ ﻟﻪ ﻳﺪﺍﻭﻡ ﻣﻊ ﺍﺑﻮﻱ ﻭﺵ ﻟﻪ
ﺑﺎﻟﻌﺴﻜﺮﻳﻪ ﻭﺍﻟﺸﻘﺎ ﻣﺎ ﺗﺸﻮﻑ ﻭﺟﻬﻚ ﻳﺎ ﻋﻘﺎﺏ ﻛﻨﺖ ﻣﺰﻳﻮﻥ ﺍﻟﺤﻴﻦ ﻣﺎﺵ ﻃﺎﺡ ﻛﺮﺗﻚ
ﺿﺤﻚ ﻋﻘﺎﺏ : ﺍﻳﻴﻴﻪ ﻣﻌﺎﺩ ﻳﻤﺪﻳﻚ ﺗﻜﺸﺦ ﺑﻲ
ﺍﻟﻜﻞ ﺻﺎﺭﻭﺍ ﻳﺤﺎﻭﻟﻮﻥ ﻳﻐﻴﺮﻭﻥ ﺍﻟﺴﻴﺮﻩ ﻭﻳﻘﻔﻠﻮﻭﻥ ﻋﻠﻴﻬﺎ ﻭﺳﺎﻋﺪﻫﻢ ﺍﻥ ﻣﻼﻣﺢ ﺧﻠﻒ
ﻣﺎﻳﺒﺎﻥ ﻓﻴﻬﺎ ﺍﻟﺰﻋﻞ ﺍﺑﺪ
._______________________ .
ﻭﻓﻲ ﺑﻴﺖ ﺍﻟﻨﻮﺧﺬﻩ
ﻛﺎﻧﺖ ﻟﻴﻠﻰ ﻭﺍﻗﻔﻪ ﺑﺒﺘﺴﺎﻣﻪ ﻫﻲ ﺗﺴﺘﻘﺒﻞ ﺍﺑﻮﻫﺎ : ﻗﻮﻭﻩ ﻳﺒﻪ
ﺍﺑﻮ ﻧﻬﻴﺎﻥ : ﺍﻟﻠﻪ ﻳﻘﻮﻳﭻ ﻳﺒﻪ
ﺟﺎﺑﺮ : ﺗﺮﺍ ﺍﻧﺎ ﻣﻌﺎﻩ
ﺿﺤﻚ ﻟﻴﻠﻰ : ﻗﻮﺍﻙ ﺍﻟﻠﻪ
ﺟﺎﺑﺮ ﺿﺤﻚ : ﺍﻟﻠﻪ ﻳﺴﻠﻤﭻ
ﺷﻴﺨﻪ : ﺗﺄﺧﺮﺗﻮﺍ ﻳﺒﻪ ! ؟
ﺍﺑﻮ ﻧﻬﻴﺎﻥ : ﻭﺍﻟﻠﻪ ﺍﻫﻞ ﺍﻟﻤﻨﻄﻘﻪ ﻣﺎﻗﺼﺮﻭﺍ ﻣﻦ ﺻﺒﺎﺡ ﺍﻟﻠﻪ ﺧﻴﺮ ﻭﻫﻢ ﻋﻨﺪﻧﺎ ﻣﺎﻗﺪﺭﺕ ﺍﻫﺪﻫﻢ
ﻭﺍﻃﻠﻊ
ﺍﻡ ﻧﻬﻴﺎﻥ : ﻣﺎﺷﺎﺀ ﺍﻟﻠﻪ ﻋﻠﻴﻬﻢ ﺣﺮﻳﻤﻬﻢ ﺑﻌﺪ ﻣﺎ ﺧﻠﻮﻧﺎ ﺯﺍﺭﻭﻧﺎ ﻭﺍﺳﺘﺎﻧﺴﻨﺎ ﻭﻳﺎﻫﻢ
ﺍﺑﻮ ﻧﻬﻴﺎﻥ : ﻃﻴﺒﻴﻦ ﻭﺍﻟﻠﻪ ﻃﻴﺒﻴﻦ ﻭﺍﺍﺟﺪ
ﻟﻴﻠﻰ : ﻳﺒﻪ ﺗﻜﻔﻰ ﺑﺎﻛﺮ ﺑﺮﻭﺡ ﻭﻳﺎﻙ ﺍﻟﺴﻮﻕ
ﺟﺎﺑﺮ ﺑﻐﻀﺐ : ﻋﻠﻰ ﻛﻴﻔﭻ ﻫﻨﻴﻪ ﻣﻮ ﻣﺜﻞ ﺍﻟﻜﻮﻳﺖ
ﺍﺑﻮ ﻧﻬﻴﺎﻥ : ﺑﺴﺲ ﺻﻮﺗﻚ ﻻ ﻳﺮﺗﻔﻊ ﻋﻠﻰ ﺍﺧﺘﻚ ﻭﺑﻌﺪﻳﻦ ﻳﺎ ﻟﻴﻠﻰ ﻳﺎ ﻳﺒﻪ ﻣﺎﻳﺼﻴﺮ ﺗﺮﻭﺣﻴﻦ
ﻭﻳﺎﻱ ﻟﻜﻦ ﺑﺎﻛﺮ ﺗﺮﻭﺣﻴﻦ ﺍﻧﺘﻲ ﻭﺍﻣﭻ ﻭﺷﻴﺨﻪ ﻭﺗﻤﺸﻮﻥ ﺷﻮﻱ ﻭﺗﺮﺩﻭﻥ ﺍﻟﺒﻴﺖ
ﻟﻴﻠﻰ : ﺯﻳﻦ ﻳﺒﻪ
ﺳﻜﺘﺖ ﻭﻫﻲ ﺗﻨﺘﻈﺮ ﻣﺘﻰ ﻳﺠﻲ ﺑﻜﺮﻩ ﻭﺗﻄﻠﻊ ﻭﺗﺸﻮﻑ ﻫﺎﻟﺪﻧﻴﺎ
._______________________
ﺍﻟﻠﻴﻞ
ﻓﻲ ﺑﻴﺖ ﺍﻟﺠﺪ
ﻛﺎﻧﻮﺍ ﻛﻞ ﺍﻟﻌﻴﺎﻝ ﺟﺎﻟﺴﻴﻦ ﺣﻮﺍﻟﻴﻦ ﻣﺤﻤﺪ ﺍﻟﻠﻲ ﻳﺤﻜﻲ ﻭﻳﻌﺒﺮ ﻋﻦ ﺍﻟﻠﻲ ﺷﺎﻓﻪ ﻓﻲ ﺍﻟﻐﺮﺏ
ﻣﻦ ﺟﻤﺎﻝ ﻃﺒﻴﻌﻪ ﻭﺟﻤﺎﻝ ﺑﺸﺮ
ﻭﻛﻠﻬﻢ ﻳﻨﺎﻇﺮﻭﻧﻪ ﺑﺬﻫﻮﻝ ﻭﻫﻢ ﻛﻞ ﻭﺍﺣﺪ ﻣﻦ ﻫﻮﻝ ﺍﻟﻮﺻﻒ ﺍﻟﻠﻲ ﻳﻮﺻﻔﻪ ﻣﺤﻤﺪ ﻓﺎﺗﺢ ﻓﻤﻪ
ﻟﻜﻦ ﺗﻨﺤﻨﺢ ﻋﻘﺎﺏ ﻭﺍﻧﺘﺒﻪ ﻟﻨﻔﺴﻪ ﻭﻟﻒ : ﻋﻤﻤﻤﻲ ﺍﻟﻠﻲ ﻳﻬﺪﻳﻚ ﻻ ﺗﺠﻠﺲ ﺗﻮﺻﻒ ﻛﺬﺍ
ﺍﻟﺘﻔﺖ ﺧﻠﻒ ﻳﻨﺎﻇﺮ ﻓﻴﺼﻞ ﻭﻋﺰﻭﺯ ﻭﺳﺎﻟﻢ ﺍﻟﻠﻲ ﻛﺎﻧﻮﺍ ﻓﻲ ﺍﻗﺼﻰ ﻣﺮﺍﺣﻞ ﺍﻟﻬﻴﻤﺎﻥ ﻣﻦ
ﺧﻴﺎﻻﺗﻬﻢ ﺑﻌﺪ ﻭﺻﻒ ﻣﺤﻤﺪ
ﺿﺮﺏ ﺍﻟﺼﺤﻦ ﻗﺪﺍﻣﻬﻢ ﻭﻓﺰﻭﺍ ﻭﻫﻢ ﻳﺒﻌﺪﻭﻥ
ﻓﻴﺼﻞ : ﻭﺵ ﻓﻴﻴﻴﻚ ! ؟
ﺧﻠﻒ : ﻭﻳﻴﻴﻦ ﻭﺻﻠﺖ ﺍﻧﺖ ﻭﻳﺎﻩ
ﻋﻘﺎﺏ : ﻭﻟﺪ ﺍﻧﺖ ﻭﻳﺎﺍﺍﻩ ﻟﻢ ﻧﻔﺴﻚ
ﺿﺤﻚ ﻣﺤﻤﺪ : ﻋﻘﺎﺏ ﺣﺘﻰ ﺍﺣﻼﻣﻬﻢ ﺑﺘﺴﻠﻂ ﻋﻠﻴﻬﺎ
ﻋﻘﺎﺏ : ﻣﻦ ﺯﻳﻦ ﺍﺣﻼﻣﻬﻢ ﻗﻢ ﺍﻧﺖ ﻭﻳﺎﻩ ﻗﻢ
ﻋﺰﻭﺯ: ﻭﺵ ﻓﻴﻚ ﻳﺎ ﻋﻘﺎﺏ ﺑﻨﺴﻤﻊ
ﻋﻘﺎﺏ : ﺍﻧﺎ ﻭﻟﺪ ﺍﺑﻮﻱ ! ؟؟ﻭﺵ ﺑﺘﺴﻤﻊ
ﻓﻴﺼﻞ : ﻳﻌﻨﻲ ﺣﻼﻝ ﻋﻠﻴﻚ ﺣﺮﺍﻡ ﻋﻠﻴﻨﺎ
ﺧﻠﻒ : ﻓﻴﺼﻠﻮﻩ ﺍﻗﺼﺮ ﺍﻟﺸﺮ ﻭﻗﻢ
ﻭﻗﻒ ﻓﻴﺼﻞ ﻳﻐﻤﺰ ﻟﻌﺰﻭﺯ ﻳﻘﻮﻡ ﻋﺸﺎﻥ ﻳﻨﻔﺬﻭﻥ ﺧﻄﺘﻬﻢ
ﻭﻟﻔﻮﺍ ﻋﻠﻰ ﺳﺎﻟﻢ ﺍﻟﻠﻲ ﺟﺎﻟﺲ ﻣﺒﺘﺴﻢ: ﻭﺍﻧﺖ ﻳﺎﻻﺧﻮ
ﺳﺎﻟﻢ : ﻭﺷﻮ ! ؟؟
ﻋﻘﺎﺏ : ﺍﻗﻀﺐ ﺍﻟﺒﺎﺏ ﻳﻼ ﻭﺭﺍﻛﻢ ﻣﺪﺍﺭﺱ
ﻭﻗﻒ ﺳﺎﻟﻢ ﺑﻀﺤﻚ ﻭﻃﻠﻊ ﻣﻌﻪ ﻏﻴﺚ
ﻭﺍﻋﺘﺪﻝ ﻋﻘﺎﺏ ﺑﻤﺰﺡ: ﺍﻳﻴﻴﻪ ﻳﺎﻋﻤﻲ ﻛﻤﻞ
ﻃﺎﺭﺕ ﻋﻴﻮﻥ ﺧﻠﻒ : ﺗﻮﻭﻭﻙ ﻃﺎﺭﺩ ﺍﻟﻌﻴﺎﻝ ؟
ﻋﻘﺎﺏ : ﻫﺬﺍﻙ ﻗﻠﺘﻬﺎ ﻋﻴﺎﻝ ﻳﻌﻨﻲ ﻣﺎﻳﺼﻠﺢ ﻟﻬﻢ ﻫﺎﻟﻜﻼﻡ
ﻣﺤﻤﺪ : ﻳﺼﻠﺢ ﻟﻚ ﺍﻧﺖ ﺍﺟﻞ
ﺿﺤﻚ ﻋﻘﺎﺏ : ﺍﻳﻪ ﻛﻤﻞ ﻛﻤﻞ
ﺿﺤﻚ ﺧﻠﻒ ﻭﻫﻮ ﻳﻘﻮﻝ : ﺍﻧﺎ ﺑﺎﻟﻨﺴﺒﻪ ﻟﻲ ﻣﺎ ﺍﺑﻲ ﺍﺳﻤﻊ
ﻋﻘﺎﺏ :ﻭﻳﻦ ﺑﺘﺮﻭﺡ ! ؟
ﺧﻠﻒ : ﻟﻨﺎﺩﺭ
ﻭﻗﻒ ﻋﻘﺎﺏ : ﺧﺬﻧﻲ ﻣﻌﻚ
ﻣﺤﻤﺪ ﺑﻬﻤﺲ : ﺍﺑﻮﻙ ﻳﺪﺭﻱ ! ؟
ﺧﻠﻒ ﺻﺪ ﺑﻀﻴﻖ: ﺍﻛﻴﺪ ﻻ ﻭﻟﻮ ﺩﺭﺍ ﺑﻴﺤﻠﻒ ﺍﻧﻲ ﻣﺎ ﺍﺭﻭﺡ ﺍﻟﻤﻬﻢ ﺍﻧﻪ ﻳﺤﺴﺐ ﺍﻧﻲ ﻋﻨﺪﻙ
ﻋﻘﺎﺏ : ﻳﻼ ﺍﺟﻞ ﺑﻠﺒﺲ ﻭﺍﺟﻲ
ﺧﻠﻒ : ﺯﻳﻦ ﺑﺒﻠﻎ ﺧﻮﺍﺗﻲ ﻭﺍﺟﻲ
ﺭﺍﺡ ﺧﻠﻒ ﻟﺒﻴﺘﻬﻢ ﻭﺩﺧﻞ ﻭﻫﻮ ﻳﻨﺎﺩﻱ ﺑﻬﻤﺲ : ﻭﻋﺪ ﻭﻋﻌﺪ
ﻃﻠﺖ ﻭﻋﺪ ﻣﻦ ﺍﻟﻐﺮﻓﻪ : ﺗﻌﺎﻝ ﻫﻨﺎ
ﺩﻕ ﺍﻟﺒﺎﺏ ﻭﺩﺧﻞ ﻭﻫﻮ ﻳﺸﻮﻑ ﺧﻮﺍﺗﻪ ﻛﻠﻬﻢ ﺑﻐﺮﻓﺘﻬﻢ ﺩﺧﻞ ﻳﺠﻠﺲ ﺑﻬﺪﻭﺀ : ﺍﺳﻤﻌﻮﺍ ﺍﻧﺎ
ﺑﻄﻠﻊ ﻟﻨﺎﺩﺭ ﺍﺫﺍ ﺳﺄﻝ ﺍﺑﻮﻱ ﺑﺘﻘﻮﻟﻮﻥ ﻋﻨﺪ ﻋﻤﻲ ﻣﺤﻤﺪ ﻃﻴﺐ ! ؟؟
ﻭﻋﺪ : ﻣﺎﻋﻠﻴﻚ ﺭﻭﺡ
ﺣﻨﺎﻥ ﺑﺘﺮﺩﺩ : ﺑﺲ ﺍﺧﺎﻑ ﻳﺮﻭﺡ ﻭﻣﺎﻳﺤﺼﻠﻚ
ﺧﻠﻒ : ﻣﺎﻋﻠﻴﻚ ﻣﺐ ﻋﺎﺭﻑ ﺍﺫﺍ ﻣﺤﺪ ﻗﺎﻟﻪ ، ﻓﻴﺼﻞ ﻭﻳﻦ
ﻭﺟﺪﺍﻥ : ﻣﻦ ﺷﻮﻱ ﻗﺎﻝ ﺑﻴﻨﺎﻡ ﻓﺎﻟﺴﻄﺢ ﻭ ﻻ ﺍﺣﺪ ﻳﺠﻲ
ﺧﻠﻒ : ﻳﻼ ﺯﻳﻦ ﺗﺒﻮﻥ ﺷﻲ ! ؟
ﻧﺪﻯ: ﺍﻧﺘﺒﻪ ﻋﻠﻰ ﻧﻔﺴﻚ ﺑﺲ
ﻃﻠﻊ ﺧﻠﻒ ﻟﻌﻘﺎﺏ ﺍﻟﻠﻲ ﻳﻨﺘﻈﺮ ﻭﻃﻠﻌﻮﺍ ﻣﺘﺠﻬﻴﻴﻴﻦ ﻟﻤﻜﺎﻧﻬﻢ ﺍﻟﻤﻌﺘﺎﺩ
._______________________
ﻓﻲ ﺑﻴﺖ ﺍﺑﻮ ﻧﺎﺩﺭ
ﺑﻌﺪ ﺍﻟﻌﺸﺎﺀ ﻛﺎﻧﻮﺍ ﺟﺎﻟﺴﻴﻦ ﺑﻬﺪﻭﺀ ﻓﻲ ﺣﻮﺷﻬﻢ
ﻭﻟﻔﺖ ﺍﻡ ﻧﺎﺩﺭ: ﻧﺎﺩﺭ ﺍﻣﻲ ﻭﺵ ﻗﻠﺖ ﻳﻤﻪ ﻓﻲ ﺑﻨﺖ ﺧﺎﻟﺘﻚ
ﺳﻜﺖ ﻧﺎﺩﺭ ﺑﺘﻔﻜﻴﺮ : ﻟﻠﻠﺤﻴﻦ ﻣﺎ ﻗﺮﺭﺕ ﻳﻤﻪ
ﺍﺑﻮ ﻧﺎﺩﺭ : ﻭﺵ ﺗﻨﺘﻈﺮ ﻭﺍﻧﺎ ﺍﺑﻮﻙ ! ؟
ﻧﺎﺩﺭ : ﺍﻧﺘﻈﺮ ﺍﻟﻮﻗﺖ ﺍﻟﻠﻲ ﺍﺳﺘﻌﺪ ﻓﻴﻪ ﻭﺗﺴﺘﻌﺪ ﻧﻔﺴﻲ
ﺍﺑﻮ ﻧﺎﺩﺭ : ﺗﺮﺍﻫﺎ ﻣﺎﻫﻲ ﻗﻀﻴﺔ ﻓﻠﺴﻄﻴﻦ ﺍﻟﻤﻮﺿﻮﻉ ﺯﻭﺍﺝ
ﺿﺤﻚ ﻧﺎﺩﺭ: ﺍﺩﺭﻱ ﻳﺒﻪ ﻟﻜﻦ ﺧﻠﻨﻲ ﺍﻓﻜﺮ ﺷﻮﻱ ، ﺍﻟﻤﻬﻢ ﺍﻧﺎ ﺑﻄﻠﻊ ﻟﺨﻠﻒ ﻭﻋﻘﺎﺏ ﺑﺮﺍ
ﺍﻡ ﻧﺎﺩﺭ : ﻻ ﺗﻄﻮﻝ ﻳﻤﻪ ﺍﺭﺟﻊ ﺑﺪﺭﻱ
ﻧﺎﺩﺭ: ﺍﺑﺸﺮ
ﺍﺑﻮ ﻧﺎﺩﺭ ﺑﺘﺮﺩﺩ : ﻣﺎﻟﻚ ﻧﻴﻪ ﺗﺘﺮﻙ ﻋﻘﺎﺏ ﻭﺧﻠﻒ ! ؟ ﻣﺎ ﻃﺎﺑﺖ ﻧﻔﺴﻚ ﻣﻦ ﻛﻼﻡ ﻧﺎﺻﺮ ! ؟
ﻭﻗﻒ ﻧﺎﺩﺭ ﺑﻬﺪﻭﺀ: ﺗﺪﺭﻱ ﺍﻥ ﻻ ﻋﻘﺎﺏ ﻭﻻ ﺧﻠﻒ ﻣﺜﻞ ﻧﺎﺻﺮ
ﺍﺑﻮ ﻧﺎﺩﺭ : ﻟﻮ ﻗﺎﻟﻬﻢ ﻧﺎﺻﺮ ﻳﺘﺮﻛﻮﻧﻚ ﺑﻴﺘﺮﻛﻮﻧﻚ
ﻧﺎﺩﺭ: ﻳﺒﻪ ﺗﻜﻔﻰ ﺳﻜﺮ ﺍﻟﺴﻴﺮﻩ
ﺍﺧﺬ ﺍﻏﺮﺍﺿﻪ ﻭﻃﻠﻊ ﻭﻫﻮ ﻣﺎﻳﺪﺭﻱ ﻭﺵ ﻫﺎﻟﺬﻧﺐ ﺍﻟﻠﻲ ﻣﺴﻮﻳﻨﻪ ﻋﺸﺎﻥ ﻛﻞٍ ﻳﻮﻗﻒ ﺿﺪ
ﺻﺪﺍﻗﺘﻬﻢ
._______________________
ﻭﻓﻲ ﺑﻴﺖ ﺍﺑﻮ ﻧﻬﻴﺎﻥ
ﺑﻌﺪ ﺍﻟﻌﺸﺎﺀ ﻛﻞ ﻭﺍﺣﺪ ﺍﺧﺬ ﻃﺮﻳﻘﻪ ﻟﻐﺮﻓﺘﻪ ﺍﻻ ﻟﻴﻠﻰ ﺍﻟﻠﻲ ﻛﺎﻧﺖ ﻣﺠﻬﺰﻩ ﺟﻠﺴﺘﻬﺎ ﺑﺎﻟﺤﻮﺵ
ﻭﺟﺎﻟﺴﻪ ﻭﻫﻲ ﻣﻌﺎﻫﺎ ﺍﻟﺮﺍﺩﻳﻮ ﻭﻣﻌﻬﺎ ﻛﺘﺎﺏ ﺍﻟﺮﻭﺍﻳﻪ ﺍﻟﻠﻲ ﺗﻘﺮﺍﻩ ﻭﻫﻴﻴﻲ ﺗﺤﻠﻠﻠﻢ ﺑﻤﻮﺍﺻﻔﺎﺕ
ﻫﺎﻟﺒﻄﻞ ﺍﻟﻠﻲ ﻓﻲ ﺍﻟﺮﻭﺍﻳﻪ
ﻭﻓﻲ ﻋﺰ ﺍﻧﺪﻣﺎﺟﻬﺎ ﺳﻤﻌﺖ ﺻﻮﺕ ﺗﺮﺣﻴﺐ ﻓﺎﻟﺠﻬﻪ ﺍﻟﺨﻠﻔﻴﻪ ﻣﻦ ﺑﻴﺘﻬﻢ ﻭﻃﻠﺖ ﻭﻫﻲ ﺗﺸﻮﻑ
ﻣﺠﻤﻮﻋﺔ ﺷﺒﺎﺏ ﻳﺴﻠﻤﻮﻥ ﻋﻠﻰ ﺑﻌﺾ
ﻭﺍﺣﺪ ﺗﻌﺮﻓﻪ ﺩﺍﻳﻢ ﺗﺸﻮﻓﻪ ﺑﺎﻟﺤﺎﺭﻩ ﻭﺍﺛﻨﻴﻦ ﻏﺮﻳﺒﻴﻦ ﻛﺎﻥ ﻣﻨﻬﻢ ﻭﺍﺣﺪ ﻳﻜﺢ ﺑﺸﻜﻞ ﻣﺴﺘﻤﺮ
ﻭﻭﺍﺣﺪ ﻛﺎﻥ ﺑﻴﺪﻩ ﺑﻜﺖ ﺩﺧﺎﻥ ﻟﻜﻦ ﺩﺧﻠﻪ ﺍﻭﻝ ﺑﺪﺍ ﺍﻟﻠﻲ ﻣﻌﺎﻩ ﻳﻜﺢ ﺍﺳﺘﻐﺮﺑﺖ ﻭﺟﻮﺩﻫﻢ ﺫﺍ
ﺍﻟﻮﻗﺖ ﻓﻲ ﺍﻟﺤﺎﺭﻩ
ﺑﺲ ﻃﻠﻌﻮﺍ ﻣﺘﺠﻬﻴﻴﻦ ﻟﻤﻜﺎﻥ ﺑﻌﻴﻴﻴﺪ ﻭﺟﻠﺴﻮﺍ ﻫﻨﺎﻙ ﻭﻣﺎﻋﺎﺩ ﺗﺸﻮﻓﻬﻢ
ﺭﺟﻌﺖ ﺗﻜﻤﻞ ﻛﺘﺎﺑﻬﺎ ﻭﻫﻲ ﺗﻐﻨﻲ ﻣﻊ ﺍﻟﺮﺍﺩﻳﻮ ﻭﻣﺎ ﺍﻫﺘﻤﺖ ﻛﺜﻴﻴﺮ
._______________________
ﻭﻓﻲ ﺍﺳﻔﻞ ﺍﻟﺤﺎﺭﻩ
ﻛﺎﻥ ﻧﺎﺩﺭ ﻳﻜﺎﻓﺢ ﻧﻔﺴﻪ ﻋﺸﺎﻥ ﻣﺎﻳﻄﻠﻊ ﺯﻗﺎﺭﺗﻪ ﻭﻳﺪﺧﻦ ﻋﻨﺪ ﺧﻠﻒ ﺍﻟﻠﻲ ﻳﺘﻌﺒﻪ ﺍﻟﺪﺧﺎﻥ ﻭﻫﻮ
ﺍﺻﻼ ﻣﻦ ﺳﺎﻋﻪ ﻳﻜﺢ
ﻋﻘﺎﺏ ﺗﻘﺪﻡ ﻭﻫﻮ ﻳﻌﻄﻴﻪ ﻣﻮﻳﻪ ﻭﺍﺧﺬﻫﺎ ﺧﻠﻒ ﻣﺒﺘﺴﻢ
ﻋﻘﺎﺏ : ﺍﻳﻴﻪ ﻳﺎ ﻧﺎﺩﺭ ! ؟ ﻭﺵ ﺳﺎﻟﻔﺔ ﻫﺎﻟﺰﻭﺍﺝ ﺍﻟﻠﻲ ﺗﻘﻮﻟﻪ
ﻧﺎﺩﺭ ﺍﻋﺘﺪﻝ ﻭﻫﻮ ﻳﺠﻬﺰ ﺍﻟﻘﻬﻮﻩ : ﺍﺑﺪ ﺍﻣﻲ ﻭﺩﻫﺎ ﺍﺗﺰﻭﺝ ﻭﻋﺎﺩ ﺑﻴﻨﻲ ﻭﺑﻴﻨﻜﻢ ﺍﻧﺎ ﺑﻌﺪ ﺧﺎﻃﺮﻱ
ﺍﺗﺰﻭﺝ
ﺧﻠﻒ ﺑﺼﻮﺕ ﻣﺘﻘﻄﻊ ﻣﻦ ﺍﻟﻜﺤﻪ: ﻃﻴﺐ ﻭﺵ ﻳﻤﻨﻌﻚ ! ؟ ﻧﺎﺩﺭ: ﺍﻟﻘﺼﻪ ﺍﻥ ﺍﻣﻲ ﺟﺎﺯﺕ ﻟﻬﺎ
ﺑﻨﺖ ﺧﺎﻟﺘﻲ ﺍﻟﻠﻲ ﺳﺎﻛﻨﻴﻦ ﻓﻲ ﺣﻔﺮ ﺍﻟﺒﺎﻃﻦ
ﻋﻘﺎﺏ : ﻃﻴﺐ ! ؟؟
ﻧﺎﺩﺭ: ﻭﺍﻧﺎ ﻣﺎ ﺍﻋﺮﻑ ﺧﺎﻟﺘﻲ ﺍﻻ ﺑﺎﻻﺳﻢ ﻣﺎ ﺍﻋﺮﻑ ﺑﻨﺘﻬﺎ ﻭﻻ ﺍﻋﺮﻑ ﻭﺵ ﻭﺿﻌﻬﻢ ﻋﺸﺎﻥ ﻛﺬﺍ
ﻣﺘﺮﺩﺩ
ﺧﻠﻒ : ﺍﺻﺒﺮ ﻭﺻﻞّ ﺍﺳﺘﺨﺎﺭﻩ ﻭﺷﻒ ﻭﺵ ﻳﺼﻴﺮ
ﻋﻘﺎﺏ : ﻣﺜﻞ ﻣﺎ ﻗﺎﻝ ﺧﻠﻒ ﻭﺍﻧﺎ ﺍﻗﻮﻝ ﺍﻋﻘﻠﻬﺎ ﻭﺗﻮﻛﻞ
ﻧﺎﺩﺭ : ﺧﻠﻮﻧﻲ ﺍﻧﺎ ﺍﻧﺘﻢ ﻭﺵ ﻭﺿﻌﻜﻢ ! ؟؟ﻣﺎﻟﻜﻢ ﻧﻴﻪ
ﻋﻘﺎﺏ: ﺍﻧﺎ ﻣﻌﺮﻭﻑ ﻭﺿﻌﻲ ﻣﺎﻧﻲ ﻣﺘﺰﻭﺝ ﻟﻴﻦ ﺍﺯﻭﺝ ﺧﻮﺍﺗﻲ
ﺧﻠﻒ : ﺍﻋﻘﻞ ﻳﺎ ﻋﻘﺎﺏ ﺍﺧﻮﺍﺗﻚ ﺑﻴﺠﻴﻬﻢ ﻧﺼﻴﺒﻬﻢ ﻛﻦ ﻓﻲ ﻧﻔﺴﻚ
ﺿﺤﻚ ﻧﺎﺩﺭ : ﺍﻛﺒﺮ ﺧﻮﺍﺗﻚ ﻭﺟﺎﻫﺎ ﻧﺼﻴﺒﻬﺎ ﻋﻨﺪ ﻫﺎﻟﻤﺰﻳﻮﻥ ﺍﻟﻠﻲ ﺟﻨﺒﻚ
ﺍﺑﺘﺴﻢ ﺧﻠﻒ ﻭﻟﻒ ﻋﻘﺎﺏ ﻳﻨﺎﻇﺮﻩ : ﺍﻱ ﻭﺍﻟﻠﻪ ﻫﺎﺫﻱ ﺍﻛﺒﺮ ﻧﻌﻤﻪ
ﻧﺎﺩﺭ: ﻭﺍﻟﺒﺎﻗﻴﻦ ﻣﺜﻞ ﻣﺎﻗﺎﻝ ﺧﻠﻒ ﻧﺼﻴﺒﻬﻢ ﺑﻴﺠﻲ
ﻋﻘﺎﺏ : ﻣﻮﺿﻮﻉ ﻏﻴﺮ ﻗﺎﺑﻞ ﻟﻨﻘﺎﺵ
ﺧﻠﻒ : ﻣﺎﻋﻠﻴﻨﺎ ﻏﻴﺮﻭﺍ ﺍﻟﺴﺎﻟﻔﻪ ﺩﻭﺭﻭﺍ ﺷﻲ ﻳﻮﺳﻊ ﺍﻟﺼﺪﺭ
ﻋﻘﺎﺏ : ﻟﺤﻈﻪ ﻳﺎﻫﻮﻩ ﺷﻔﺘﻮﺍ ﻟﻠﻠﻲ ﻧﺎﺯﻝ ﻓﺎﻟﺤﺎﺭﻩ ﺟﺪﻳﺪ ! ؟ ﻳﻘﻮﻟﻮﻥ ﻛﻮﻳﺘﻲ ! ؟
ﻧﺎﺩﺭ: ﺍﻳﻴﻴﻪ ﻧﻮﺧﺬﻩ ﻛﻮﻳﺘﻲ ﻟﻪ ﻓﺘﺮﻩ ﻧﺎﺯﻝ ﻭﺑﺪﺍ ﺷﻐﻠﻪ ﻓﺎﻟﺴﻮﻕ
ﻋﻘﺎﺏ : ﻣﺎﺷﺎﺀ ﺍﻟﻠﻪ ﺑﺄﻫﻠﻪ !
ﻧﺎﺩﺭ: ﺍﻳﻴﻴﻴﻪ
ﺧﻠﻒ : ﺷﻔﺖ ﻭﻟﺪﻩ ﺑﺎﻟﺴﻮﻕ ﻭﺍﺿﺢ ﻃﻴﺒﻴﻦ
ﻋﻘﺎﺏ : ﺑﻜﺮﻩ ﻣﺎﻋﻨﺪﻱ ﺩﻭﺍﻡ ﺍﻧﺰﻝ ﺍﻥ ﺷﺎﺀ ﺍﻟﻠﻪ ﻟﺴﻮﻕ ﻭﻧﺸﻮﻑ ﺟﻴﺮﺍﻧﺎ ﺍﻟﺠﺪﻳﺪﻳﻦ
ﻛﻤﻠﻮﺍ ﺳﻮﺍﻟﻒ ﻭﺳﻂ ﺻﻮﺕ ﺧﻠﻒ ﺍﻟﻤﻜﺘﻮﻡ ﺍﻟﻠﻲ ﺗﻘﻄﻌﻪ ﻛﺤﻪ....
