رواية بعد ان فات الاوان الفصل التاسع 9 والاخير بقلم جمانه السعيدي
ياسين.... حجزنا بلقاعه وكانت حفلة عرسنا حفله مميزه
كل تفاصيل العرس حلوه
اول شهر عمي ابو رحمه بقا بيت اخته
ماقبل يجي ويانا لان عرسان
اما اني كل يوم اروح اطمن على بيبي وجدي اربع إلى خمس مرات بليوم الواحد
اني اصلا مااكدر استغني عنهم
بعد شهر رحت جبت ابو رحمه للبيت
طبعا هو رفض كال اني ابقى يم اختي وانتم اخذو راحتكم
بس اني ماقبلت
هذا الاتفاق من البدايه ورحمه قبلت بهذا الزواج
بعد ما وافقت اني على شرطها
بعد عرسي بشهر تقريبا
عدنا مشروع بناء وحده سكنيه على حدود بغداد
هاي الوحده ااكو عليها
حراس ثنيين يحرسون الموقع ٢٤ ساعه
اجاني خبر واحد من الحراس وواكع بالموقع ومكسور رجله رجال تقريبا بلخمسين عمره
ونقالينه للمستشفى
قررت اروح اطمن علي واشوف اذا محتاج شي
رحنا اني وياي ولد مهندس يشتغل بالمشروع
رحنا للمستشفى نطمن علي
وصلنا رجال شكله كلش تعبان شكله ينطي اكثر من خمسين سنه
مبين علي التعب والعوز كلش
المهندس صديقي.....شلونك ابو عمار هذا المهندس ياسين
مدير المشروع اجا يطمن عليك
ياسين ...شلونك حجي سلامتك الف سلامه
ابو عمار.. الله يسلمك الحمد لله اجت بسيطه
همزين مامتت
ياسين.. عمرك طويل سهله انشاء الله
ابو عمار....الف رحمه على والديك بس اريد اطلب منك طلب
ياسين... اطلب ودلل
ابو عمار.... الله يخليك لا اطلعني من الشغل وتخلي واحد بمكاني
لان اني ماصدكت لكيت مكان اشتغل بي وبي سكن
ياسين....لا شلون اطلعك من الشغل
مكانك محفوظ ليش انت وين اهلك
ابو عمار...ميلي اهل اخذو كلشي وطردوني
ياسين...عندك اولاد
ابو عمار... اي عندي اولا ثنيين بس امهم ما تنحمل
حرضتهم عليه وطردوني من البيت
بقيت شكد انام بلشارع محد يريدني الحد ما واحد خير
اتوسطلي واجيت اشتغل يمكم
صح الموقع بعيد وبعد ماكو اي خدمات هناك
بس اني اهم شي عندي السكن
الله يخليك استاذنا ماريد تخلي اي واحد بمكاني
ياسين....ماكو احد ياخذ مكانك اطمن
جمانه السعيدي
دخل الممرض حتى ينطي العلاج
وكاله انشاء الله باجر تطلع بس ذني الإبر ضروري
اجيبهن حتى لايصير عندك التهاب
ياسين...طلع الممرض واني اجيت اشوف الطبله
حتى اخذ الورقه المكتوب عليها اسم الابر
لزمت الورقه اول شي صار كدامي اسمه مكتوب على طبلة المستشفى
الاسم الثلاثي قريته عشر مرات واني ما مصدك
اسمه مطابق الاسمي الثلاثي
ياسين عماد رياض عليوي
اسم المريض عماد رياض عليوي
بقيت واكف بمكاني عبالك اتبسمرت
المهندس....ااكو شي استاذ ياسين
ياسين...لا ماكو شي
ياسين.....ممكن اسئلك سوال عموووو
ابو عمار...اي اسئل
ياسين... انت هم سبق الك ازوجت قبل قبل زوجتك هاي
لو هو هذا زواجك الاول
ابو عمار.. ليش تسئل هيج سؤال
ياسين....لا بس حسيتك تشبه وواحد اعرفه
اذا ماتريد اجاوب براحتك
أبوعمار...اي قبل ازوجت اول ما تخرجت ازوجت بس ماطول زواجنا غير ست اشهر ونفصلنا
ياسين...تمام سؤال ثاني من صارت مشكله بينك وبين أولادك وزوجتك ليش مارجعت ببت اهلك اكيد عدكم بيت
ابو عمار.... البيت انباع بس ماتت امي الله يرحمها وكل واحد اخذ حصته
اني حصتي ازوجت بيها
وتالي خوش قسمه انطردت بلشارع الي مخلف ولد ثنيين كل واحد شطوله
هاي تاليته خليني ساكت احسن
راح اموت من القهر
ياسين...كلت بكلبي لا هاي حوبتي وحوبت ماجده
الي اخذت ذهبها وشمرتها وحتى ماسئلت على ابنك
ياسين...اني راح ادزلك العلاج وادز سياره ترجعك للموقع
لازم تاخذ علاجك حتى رجلك اطيب بسرعه
أبوعمار.. الف الف رحمه على والديك انت مبين طيب وابن اصل
ياسين...طلعت من المستشفى وعقلي يجيب ويودي
ليش الدنيا مصممه تخليني التقي باامي وابوي مره ثانيه
يعني اول مره اشوف ابوي اشوفه بعد عشرين سنه
وهو يتوسل بيه اعوفه يشتغل حارس حتى يلكه سكن
المفروض ما تاخذني الرحمه علي ولا على امي
بعد ماعافوني كل هاي السنيين
دزيت سياره رجعته للموقع وجبتله علاج كامل
ووصيت المهندس يتابع حالته الصحيه
انطيته اكراميه راتب زايد وبقيت اطمن علي من وكت للثاني مااريده يعرف حقيقيه اني ابنه
لان مايستاهل يعرف هيج معلومه
بكلبي ااكول يستاهل كلشي صار ويااا
الي يزرع يحصد قبل شمرني وما سئل عني واليوم ولده شمرو وماسئلو عنه
شكد عادل رب العالمين
جمانه السعيدي
كلشي تمام ولله الحمد رحمه حملت بعد ثالث شهر من زواجنا بس الشي الي تعبني
بيبي بدت تضهر عليها اعراض الزهايمر وجدي مايكدر يعتني بيها رجال جبير ااكثر وقته نايم بعد العمر خلص
رجال عمره ٩٠ سنه هاي مرحلة الشيخوخة
كمت اقفل الباب عليهم من اطلع اخاف بيبي تطلع
وتنسى عنوان البيت
مااتحمل بيبي تروح مني
رحت عرضت على امي تجي تعتني بيهم
يبقون اهلها وكبار محد راح يكدر يعتني بيهم مثلها
وافقت على طلبي بعد بس اقنع جدي
اجيت وعرضت الموضوع على جدي
بلبدايه رفض بعدين اني كدرت اقنعه
لان مااكدر اعوفهم وحدهم لازم يبقى وياهم احد بلبيت
رحمه عدها ابوها محتاج عنايه وهيه حامل
يعني ماتكدر عليهم كلهم
ست اشهر عشت معانى وحالتي النفسيه صارت
زفت الحد مااتصلت عليه امي الصبح الساعه تسعه كالت الحك ابوي ميت بفراشه
يابوي يايابه كتلت نفسي هذا مو بس جدي
هذا اهلي كلهم عشريتي عالمي شلون يموت ويعوفني
كلشي مر عليه كوم وموتت جدي كوم ثاني
انهاريت كرهت الناس والدنيا
بهذا عمري وبعدني معتمد علي اي خطوه مااخطي اذا مااسئله شكد يفتهم بعمره ما نصحني نصيحه وطلعت غلط
شكد يحبني ويدافع عني شلون يعوفني احس نفسي طفل زغير ومااعرف اتصرف
دخلت بحاله نفسيه فضيعه حزن حزن شلني
شهر واني كاعد بيت جدي
مااكدر اسوي اي شي احس نفسي فقدت مهارتي
بلعمل وكلشي ماافتهم بمجرد ما مات جدي
المشكله حالت بيبي تطورت اكثر رغم شكد عرضتها على دكاتره بس ماكو اي تحسن
وصلت مرحله حتى اني من ادخل عليهم تكول انت منو
شكد بجيت اول مره من كالت انت منو
دنكت بست ايدها كتلها اني وليدج ياسين
فدوه لا تنسيني انسي الناس كلها ولا تنسيني بيبي
حبيبتي فدوه العيونج الحلوات مو انتي وجدي ثنيينكم تعوفوني بيبي اني ياسين هااا اذكرتيني
ماردت عليه تباوع عليه بستغراب مابيدي شي
اريد اجبر خاطرها مثل ماجبرت خاطري سنيين
اريد اخليها بحضني مثل ما خلتني بحضنها وحمتني لمن كبرت شما احجي مراح اكدر اعبر عن الشي الي جاي احس بي
شلون اعز واحن انسانه ربتني وتعبت عليه ما تعرفني
شلون بيبي اتكول انت منو
مابيدي بس الدعاء مااكدر اوصف حالتي ابد
صار عندي ولد شكد تمنيت جدي يكون موجود حتى هو الي يسمي مثل ماسماني قبل
ابوي مازال موجود حارس بنفس المدينه السكنيه
زيدت راتبه انطي اكثر من باقي الحراس
واسئل عنه دائما بس هو لحد هاي اللحظه مايعرف اني ابنه اما امي كاعده بيت جدي تعتني بيبتي
احسها عقلت وكامت تحس بلمسؤليه ااكثر من قبل
خليها ترد ولو شي بسيط من تعب بيبي عليها
وهنا انتهت قصتي او يمكن بدت
شكرا للمتابعه الحلوه دمتم سالمين
