رواية كف الطاغية الفصل الثامن 8 بقلم سارة الحسن
ايد شايل بيها كلبي
وايد شايل بيها جنطة
الدنيا سنطة
وداعت اللّٰه يا شوارع
رايح وما اظن راجع
ماشي انا لاخر محطة
الدنيا سنطة
128
..
2
- وكعت بين نارين
بقيت واكفة بمكاني أصرخ متخبلة واني
اشوف أخويـة زيـدان مجتف على الكرسي
والسچين نابتة بذراعة! تيشيرتة الأبيض ملطخ
بدمة! لزمت الحايط حيلي انهد
واصرخ بعلوا صوتي عليه خايفة خايفة اروحلة!
اريد ارجع اركض لأهلي اريدهم يجووون
راح اموت من الخوف
وما حسيت إلا ورجلية تركضلة حضنت راسة ارفعة
گوة فاتـح عيونة روحة داتنسلب متعذب ومعذب
روحــي الشاغت من الرعب العايشتة
راويــة: زيــدان زيــداان خويةةةة فدووووة اروحلك حاچينيييي زيـــدااااان
199
- صرخت اسمة متگطع گلبي ومشلول حالي، روحـــي راحت من الخوف سحبت الوصلة الشادين بيها حلگة وحضنت راسة حيل أرجف، درت وجهي على الباب أصرخ واضرب رجلي بالگاع بشوغة
راويـة: شبــــل الحگة رااااااح يمـــووووووت
49
- لمحتة إجة يركض من البيت ووراه أبوية وعمي هزبر، رجعت اباوع لـ زيدان لازمة راسة بين أدية انفض بي وابچي انهااااريت عقل مابقى براسي، من وصلنّا شبل سحبني من أيدي شمرني وراه بقوة ردت اوكع لو ما ألـزم بواحد من البراميل، باوع بوجهة و نزل عينة يباوع لأيدة نفس السچينة "ام الياي" الليّ لگيناها بباب الاستقبال نابتة بذراع زيـدان وبيها ورقة متلطخة بدم أخوية! سحب الورقة جعصها ويريد يضمها بجيبة وكعت منه ما منتبهلها واندار بسرعة يفتح بالحبل عنه متخبل عليه حتى شفايفة يبست من الخوف يحير وين يصد وجهة للحبل لو للوجه
شبل: تحمـــل خووووية تحمــل مااا يصيرلك شي ماااا يصير
- رفع راسة على الباب ويَّ ما فات أبوية وصوت امي وعمتي دلال خبصن الدنيا يدكن ويلطمن بدون لا يفتهمن شكو؟ صاح بيهم يرعد من العصبية
شبـل: لحــــد يفوووووت طلعــــهن طلعــــهن
26
- أبوية فات وعمي هزبر رجع ساحب الباب وراه ما مخلي نسوانة وامي يفوتن! ركض أبوية على زيـدان يلزم براسة يرفعة ينفض بي يريدة يحاچي وزيـدان داتنسلب روحة مرة يفتح عيونة مرة يغمضهن لحد ما فتح الحبل ووكعت بين ادين أبوية، گمز شبل من مكانة ماد ايدة بساع مخليها بخاصرة زيـدان ورفعة ناحــرة وحدة، جرة عليه موكفة على حيلة وسحب أيدة الما متصاوبة حطها على رگبتة لازمة بكل قوتة وبقت ايد شبل الثانية لازم بي زيـدان من خاصرتة حتى يسيطر عليه وما يوكع، مشاه وياه وأبوية لون وجهة صار اصفر من الخوف اندار يريد يلزمة من الجهة الثانية ما گدر خاف يأذي وهو متصاوب!
55
- حاضنة أدية على گلبي كل ذرة بجسمي ترجف خوف ورهبة ورعب، أخـذوه وطلعوا يتراكضون بي بس شافتة أمي صارت تصرخ وتلطم صوت لطمها على صدرها يضرب بالراس! درت عيني على برهان الليّ محد ألتفتلة! على كعدتة مجتف على الكرسي وراسة واكع لگدام مغمي عليه !
248
- بقيت واكفة بمكاني أبچي مادري شسوي من صدمتي على زيـدان احس كل اطرافي انشلت وعقلي تجمد مدا اكدر افكر بشي، كلها ثواني وحتى بعدني صافنة على حالـة فزيت من أنسحبت من ايدي بقوة انعتيت عت حسيت أيدي انخلعت من جتفي وانشمرت برا المخزن .. درت عيني على الليّ عتني هالعتة صارت بعين شبل اليطافر منها الغضب، لزمني من ذراعــي مشاني وياه يسحل بيه سحل من شافني گوة أمشي متخردلة ، من صرنّا گدام بيتنّا وكفني يحچي بحذر لا لا مو حذر دا يهددني
شبل: شفتي غير زيـدان؟
- شهگت أبچي وصوتي گوة يطلع أيدي تأشر ناحية المخزن
راويـة: برهاان برهان مو بوعية
86
- عصر ذراعي الأيسر بين جف أيدة الجبير عطت متوجعة وميلت كل جسمي على اليسرى وهو صاح بيه
شبل: شفتي غيـــر زيــدااااان؟؟؟
- هزيت راسي وصحت مرعوبة
راويـة: لا لاااا لاااا ماشفت غيررررة
92
- دفعني يهز براسة بوعيد وطلع يركض وراهــم بس مخلي زيـدان بالسيارة وراجعلي، أبوية راح وياه وعمي بقى يمنّا واكف بالحــوش مادري على منو يخابــر يصيح ومحترگ دمة وطلع على الحماية الموكفهم بالباب طلع ضيم گلبة بيهن .
30
- أمي سوتها فاتحة من خوفها على زيـدان گطعت روحـها دك ولطم وعياط ، كعدت يمها ألزم بأيدها وحضنتها حيل أهدي بيها وحالي أَمَر من حالها
راويـة: كافــي يمة حبيبتي لاا يصيرلج شي كافي فدوة أروحلج
23
- من جهة بالــي يم زيـدان ومن جهة يم برهان خاف يصير بي شي ومحد بحالــة شنو ذنبة! سحبت روحــي من يمهن كلهن كاعدات يبچن وطبيت للغرفة شلت تلفوني وأدية تتراجف أريـد أخابـر حَمـد بلگت يحن گلبة عليه ماريدة يموت يمنّا، أتصلت عليه ومن أول دكة فتح خـط أسمعة يتحرك مثل الجان متمدد وكعد على حيلة يحاچيني بهدوء ومستغرب بنفس الوكت لان الفجرية
أبـو بكرة: راويـة؟ شبيج خوية صايــر شي؟
- حطيت أيدي على حلگي أضم شهگاتي ما گدرت، كعدت على طرف جربايتي أبچي حيــل منهارة
راويـة: زيـدان زيـدان تصاوب وأخذوه للمستشفى وهذااا هـذ.. هـذاا صاحبك بقى بالمخزن فاقد الوعـي محد باوع لحالة
80
- انخمش گلبي ويَّ صوت البكرة من رجعها لمكانها صوتها ضرب براسي مبين جان بأيدة سلاحة، مِن الخبصة والهوسة الصارت بأذني عرفتة فـز فزة خوف وسد الخط بوجهــي بدون لا يحچي حَرف، لطمت على رجلي روحي لايبة شلون لو ما أجة حَمـد؟؟
60
- فتحت شالي محترة راااح اموت حتى الهوى شَح، هفيت بطرفة وگمت على حيلي رجعت لفيتة ومشيت بساع للمطبخ اريد أطلع بس عمي هزبر بالحوش يفتر ووياه حمايتة واكفين وهوستهم واصلة لسابع جار، رفعت ايدي الترجف مخلية أصابعي بين شفافي الرجفتها اقوى أكز بسنوني على طرف أظافري حيل شسوي ياربي شسوي هسه!! رجعت أركــض طلعت من باب المنور الخلفية مجان اكو أحــد يم المخزن ولا واحـد من الحماية ما يريدون أحـد يعرف ببرهان عدهم .. فتحت باب المخزن وطبيت عيوني تتفحصة كلشي مابي لا مطعون لا مضروب ومبين أكثر ضربة بـس دم نازل من زاوية حلگة ويابس! اتقرب خطوة وارجع خطوتين منهارة وارجف بألف يا علــي يلا وصلتة، وگفت گدامة مديت أيــدي وندهتة من جتفة بحذر
راويـة: برهــ.. برهــاان أكعــد عفيةةة
77
- غصيت بحچايتي مختنگة مادري شسويلة ويكعد، درت عيوني بالمكان أدور مي ماكو، قنعت روحــي أتخربط من الجوع لأن ما يرضى ياكل يمنّا وانداريت اريد ارجع للبيت اجيبلة مي ارشة بلكت يكعد بــس وكفت من صارت عيني على الورقـة، بقيت واكفة يمها وهيَّ يم رجلية خايفة أشيلها كلها دم بس فضولي جان قوي أريــد أعرف شدايصير! دنگت مترددة لزمتها بطرف أصابيعي ورفعتها أفتح بيها وگلبي يدك بقوة جنت متأكدة راح اقرأ بيها تهديد يشيب هدب العين بـــس أنصدمت فارغــة! مامكتوب بيها ولا حرف!
107
- بلعت ريگي وشمرتها من أيدي بساع، عفتها وطلعت اركض للبيت رجعت من نفس الدرب فتت من يمهن هنّه يدكن ويلطمن بالصالة محد بحال يسأل على احد غير زيــدان، طلعت مي من الثلاجة أريد أرجـع لبرهان ووكع من أيدي جفلانة على عيطة تقوى وبينات! ماضل بيه حيل حتى للنفس من الهبطة، ركضت للصالة وجحظت عيوني بخوف من شفت أمي واكعة بين أديهن منتهية .
53
- عطت ميتة خوف وركضتلها جريتها من بين أديهن مخليتها بحضني اطبطب على وجهها والبنات صوتهن يجيب التايه، ارجوان ومودة يبچن بخوف ، انرگعت باب الهول وطب عمي هزبــر صاح بينّا عيونة بگصتة غادي نــار من العصبية يرعد رعيــدة
هزبـر: صـــــــــوووتجـــن
- كلنّا خنسنّا وبس صوت المشاهگ ينسمع
هزبـر: شصاااار شصاااار؟؟؟ انضرب سچينة وراحوا يخيطون أيدة ويرجعونة علييييمن هالدك واللطم؟ مـــــــاااات؟؟؟؟؟
128
- الحايط رد وأحْنـا ما ردينّا نخاف منه، باوع لـ دلال ونزل بيها دوسة ونص على گولة هيَّ الجبيرة بدل لا تهدي الوضع كاعدة تبچي ويانة .. رد باوع لامي وحچة ويَّ تقوى ينتر بيها
هزبـر: بدل اليبووو ييبوووو مالتج وصوتج يصووووي حطي مخدتين جوة رجليها وغسلي وجهها وهيَّ تصحى
147
- هزت راسها اي وكامت جابت كوشات القنفات حطتهن جوة رجليها هو عافنّا وطلع راگع الباب وراه حيل لدرجة حسيت الحايط انفطر من قوة الرگعة، بينات گامت جابت مي غسلنّا وجهها وبقينّا رجليها مرفوعة شويَّ وگامت تصحى .
9
- دنگت راسي مغمضة عيوني حيل واحس نار وأشتعلت بگلبي حَمـد لهسه ما أجة! ضاگ علــيَّ حتى النفس وروحي راحت من الحيرة الـ أني بيها شسوي هسه ياربي؟ منين ما اصد مصيبة عليمن التفت هسه؟ بچيت أحس الدايصير فوك طاقــتي اريد أندب حظي بس أستغفرت ربي من تذكرت هالآية: ﴿لَا يُكَلِّفُ اللَّهُ نَفْسًا إِلَّا وُسْعَهَا ۚ﴾ .
77
- نزلت راسي أمـي حضني وأشرت لـ تقوى تكعد يمها! هيَّ صحت بس بقت روحها مسلوبة مابيها حيل ترفع أيدة تون بسكتة من خوفها ولوعتها على زيـدان، عفتها ومشيت للمطبخ باوعت للهوسة الصايرة برة بعدنـي ما درت وجهــي واندفعت باب الحوش بقوة بحيث انرگعت بالحايط ورجعت بساع انضربت بالباب صوتها هز مسمعي، رجف گلبي بخــوف بــس من شفت حَمـد الفات أحس ردت روحـي، لزمة عمي من ذراعـة ما مخلي يكمل دربة لبرهان ما اريد شحچة وياه وحَمـد نفض أيدة بقوة دافع عمي عنه وكمل دربة يمشي بخطوات سريعة يريد يركض وصاح بي
أبـو بكرة: واحد المــاااات كلهااا تمــووووت ورااااه؟؟؟؟
165
- ذبيت نفس ولزمت بيدة الباب ساندة طولي اليرجف عليها، مديت أيدي للقفل قفلتها وكعدت وراها گلبي صابة خفقان ماضلي حيل من رعب هالليلة ، كلها دقيقتين وفزيت من وكف حَمـد بالباب يفتح بيها ويعت باليدة حيـل ما انفتحت بأيدة ضربها برجلة حيل راد يفلش جامها وصاح والغضب يطافر ويَّ كلماتة
أبـو بكرة: الهجم ليييييش مهجمووومة من هجم الهجمهااااااا
158
- طفرت واكفة على حيلي مخبوصة وبس فتحت القفل فتحها دافعها حيل وفات يركض للثلاجة اخذ منها مي وطلع يركض ردت اطلع وراه بـس خفت هم عمي واكف وهم خفت حيل خفت من سؤالة الما حسبتلة حساب انـي شوداني هناك وشلون عرفت بحالة زيدان وبرهان!
62
- رجعت كعدت يم أمي حاضنة أدية على صــدري وأنـود ورطت روحي بورطة أكبــر مني، فزيت رافعة راسي على صوت باب المطبخ من أنفتحت طب حَمد ووراه عمي يصيح عليه
هزبـر: أنتَ شلون تعوف وااااجبك وتجــي؟؟؟ ومن تصيرلك مشكلةةة تعااااال ياااا عمي هزبر حلهااااا
51
- وكف حَمـد مندار على عمي بحركة سريعة ينفث من الغضب
أبـو بكرة: شعندك ومااا تحل مصااايبنّا؟؟ حلها بدل لا تـــورط زيــدان وياك بمصااايب مااا إلهــااا حَـل
24
- رفع أيدة وضربة راشـدي من يمي راسي انفر! شهگت مخلية أيدي على حلگي وامي فزت وكفت على حيلها نست تعب گلبهاا وركضت وكفت گدام حَمـد تحلف بعمي يعرفة! الحايط رد وحَمـد ما رد بقى داير وجهة كاز على سنونة بقوة لدرجة كل عضلات فكّه تحددت!
هزبـر: جـر عدل أبو بكرة لا تتفرعن وتخليني أشيـل أيدي منك
76
- مشى عمي للأستقباال وحَمـد أنـدار على امي جر راسها باسة يحاچيها بصوت محتقن محترگ گلبة
أبـو بكرة: انـي برا كاعد اذا اعتازيتن شي صيحي علــيَّ
24
- ما خلاها تحچي ورجـع طلع، كعدت يم الباب لازمة راسها ومابينّا وحـدة حالها أحسن من حال الثانية.. كلنّا مفجوعين خايفين مرعوبين من حياة هادئة أقوى مشاكلنّا لسان شبل المتبري منه ويهوس عليه عمي وثانــي يوم نرجع طبيعي، هسه صرنّا نطلع من مصيبة نطب بمصيبة أكبــر .
52
- بقى حالنّا متبهذل وما هدالنّا بال إلا من وصلنّا خبر زيــدان زين، جابـوه الصبح مخيطين أيدة ومضمديها! يمشي دايــح وجهة معصور عصر من الوجـع، تراكضنّا عليه امي رفعت أيده تريد تشبگة ما رضى رفع ايده الصاحية خلاها ورة راسها سحبها باسها من گصتها ونزل ايدة يطبطب على جتفها بحنية
زيـدان: مابيه شي يمة لا تبچين
73
- لزم أيدة وكعد مغمض عيونة حيل مبين داتوجعة وشبل يفتر يمة يدردم
شبل: لا تسويها فد نوب هنّه گطابين ولك
- فتح عيونة يباوعلة صفح
زيـدان: تلاثة ليش تچذب
73
شبل: من حاس عليهن ليش سويت روحــك ميت لعد؟
21
- نتر بي زهگان
زيـدان: لا تضل تلغي وامشي جيبلي براسيتولاية راسي راح يطگ
59
- ركضت اني وصحت
راويـة: اني اجيبلة
- طبيت للمطبخ على علبة الأدوية ادور بيناتهن لگيت شريط اخذتة واخذت وياه گلاص مي ورجعتلة ركض، فتحتلة الحباية أنطيتهيا بأيدة حطها بحلگة واخذ گلاص المي مني يشرب وعيونة علــيَّ يباوعلي بنظراتة المخوفتنّا، ادري ادري شدا يفكر هسه دنگت بساع اسوي روحي ما منتبهة
61
- سحبت روحي من بيناتهم وجريت ويايَّ بينات طبيت للغرفة وهيَّ تباوعلي مستغربة
بينات: شبيج؟
راويـة: راح أنـام وابد ابد لا تكعديني واذا انجبرتي گليلهم ماتت
- عگدت حاجبها وسحبت ايدها مني
بينات: والنايم شلون مات؟
راويـة: چذبي اي شي گليلهم روحها تاهت بالحلم مداتعرف ترجع
116
- غمتني تضحك وطلعت، طفيت الأضوية كلها ولفيت راسي ونمت من الخوف خاف يصيحون علــيَّ يسألوني شطلعني بساع غفيت .. وكل مدري شكد احس على بينات تگعدني واغطي راسي وارجع أغفى لمــا صار الليل سحبت عني البطانية تدردم
بينات: شجاااج ولج راويـة شو أنتِ دعوة ولاگت منية
28
- رفعت أيدي مغطية عيوني من الضوة منزعجة
راويـة: مو گتلج گليلهم ميتة
بينات: گلتلهم وزيـدان گال أنبشيها من الگبر وجيبيها
123
- رجع گلبي يرعش ورة ضلوعي فاضحني والعباس هو الفاضحني حتى أديـة صارت ترجف، گمت بساع فتحت الكنتور طلعت ملابس وركضت للحمام وبينات تركــض ورايَّ ما انطيتها مجال طبيت وقفلت الباب سبحت وليفت ونگعت روحــي تنگع تاخ جلدي وما اريد أطلع، اندگت الباب حيل وبينات عاطت بيه
بينات: شبعت رزايــل من وراج أطلعي عــااااد
- سديت المي الطم على رجلي انصبغت حمرة من اللطم
راويـة: گليلهم زلگت بالصابونة ووكعت على راسها وماتت عفية
113
- فزيت وكفت على حيلي من سمعت صوت شبل صاح
شبل: بينات جيبيلي الصوندة خلّ أكعد الميت
99
- لبست على السريع وطلعت ما لگيتة بس بينات واكفة تضحك متشمتة بيه، غميتها محترگ گلبي ومشيت للغرفة اريد انشف شعري وهيَّ تمشي وراية
بينات: شو الميت عَـدل؟
راويـة: يُحْيِي الْعِظَامَ وَهِيَ رَمِيمٌ
45
- كعدت تباوعلي، سألتها شصار؟ تربعت تحچيلي
بينات: زيـدان يريد يلزم الدايسوي بينّا هالمصايب وطالع يفتر بسكتة بالحوش فَـ شنو گال سمعت حركة بالمخزن رحت داشوف شكو وأول ما فتت أنضربت على راسـي وبعـد ما حسيت على روحــي إلا ورة ويــــن كعدت دايـخ ووجع يسري بكل جسمي وشاف روحـة مجتف ومطعون بذراعة
49
- درت عليها عيوني تسأل هيَّ أفتهمتنـي وهمست
بينات: ما جــاب طاري ابن أسماعيــل وانــي هم ما حچيت حتى لا يگلولي شمدريج
7
- بلعت ريگي وفزيت علـى صيحة شبل دايصيحني، ضربت رجلي بالگاع ميتة من الخوف وطلعت عليهم امـي وعمتي دلال بالصالة يسألن شمسوي، أشرتلهن على وجهي ميتة قهر
راويـة: شكلي شكل وحدة تسوي شي؟؟؟
38
- عفتهم ومشيت للأستقبال لزمت يدة الباب اريد افتحها وسمعت صوتهم بس شبل وزيـدان يحچون سوة وشبل يسألة
شبل: انـي شغلة ما افتهمتها ليش الورقة فارغة؟؟
- حسيت زيـدان صفنلها يلا جاوبة يگلة
زيـدان: مو فارغـة عليها دمـي وهــذا يعتبر تهديد بدون حچي
36
- ضحك شبل مستهزأ
شبل: وشنو عود مطبق علينّا الصمت العقابي؟
92
- سكت زيـدان واني تشاهدت على روحي وادعي بگلبي منك القوة ياربي وسامحني على الچذب الأبيض الراح اچذبة بس روحــي عزيزة، فتحت الباب وفتت اباوع بوجوهم اوزع أبتسامات
راويـة: شلونهم اخواني الحلوين؟ شلونك اخوية المحامي
- درت وجهي لشبل
راويـة: شلونك اخوية تاجر الحلوات
69
- باوعلي صفح ورفع الجگارة اخذ منها نفس، خزرتة عود خايفة على زيـدان
راويـة: لا تدخن يم زيـدان خاف جرحة يلتهب
33
شبل: اي مو مدخن نووي
73
- عفتة وكعدت يم زيـدان بستة من جتفة ولزمت ايدة اتلوگ
راويـة: شلونك حَبيبي؟ شلون صار جرحك خمو يوجعك؟ شو انطيني أبوسة حتى يطيب
86
- مديت روحي على ايدة المتصاوبة بستها على كيفي ورجعت وشبل طكها بضحكة من كل گلبة صار يگح ويگلي
شبل: براسيتول طلعت مو بوسة
52
- خزرتة اريدة يسكت وهو ميت ضحك مادري على شنو، حسيت أيد زيـدان لزمت جتفي يعصر بي بين أصابعة انخرطت روحي من الخوف وسأل بهدوء
زيـدان: راويـة شجابج للمخزن؟
- بلعت ريگي ودرت عيني اباوعلة
راويـة: رجلية والله
95
- ضحك رافع راسة لفوك ورجع يباوعلي
زيـدان: أدري رجليج بـس شنو الخلة رجليج تجيبج؟
راويـة: ألهام رباني والله
79
- ملت على الجهة اللازم بيها جتفي ويَّ ما عصرة بقوة بعده يحچي بهدوء
زيـدان: أنتِ لو داتختبرين صبري لو مشتهية واحد يچفص ببطنج
32
شبل: لا تصير عنيف زيودي هاي أخيتك
18
راويـة: صح والله اني اختك الوحيدة هم
15
زيـدان: يعني داتختبرين صبري
- هزيت راسي لا لا لا
زيـدان: صبري على گدي واذا خلص اگوم اچفص ببطنج
16
راويـة: زين أنتَ جبير بعد هوايَّ ما يخلص صَبرك
39
- باوع على شبل الميت ضحك
زيـدان: هاي مشربينها شي؟
18
شبل: حباية كريستال بفلس حرام
38
- ضيگ عيونة عليه
زيـدان: خبرة! ماخذلك حباية شنو؟
12
شبل: لا أستغفر الله اذا صرت أبو شمة بعد ما أشتم ريحة الجنة
162
- بقى زيـدان يباوعلة وهـذاك يضحك، زفر نفس واندار علــيَّ صاح بصوت جفلني
زيـدان: اي راوية نرجع لسالفتنّا
راويـة: ياهـيَّ؟
24
زيـدان: شجابج للمخزن؟
- وجهي تشنگ نسيت شلون أبتسم
راويـة: كعدت اصلي
زيـدان: اي
راويـة: وسمعت باب المطبخ أنفتح
زيـدان: اي
راويـة: توقعت واحد طلع وانتظرت يرجع ما رجـع وگلبي گال گومي راويـة خاف احد بي شي وگمت طلعت وبقيت ادور الطلع هنا وهنا ماشفت احد بـس شفت ضوة بالمخزن أحْنـا من شوكت نشغلة؟ ما نشغلة گلت خاف واحد راح هناك وتخربط ورحت وشفتك
57
- رفع حاجبة يسأل
زيـدان: من شنو يتخربط؟
راويـة: يعني هواااايَّ شغلات، يمكن فجأة داخ وتخربط او شسمة يعني يمكن من ريحة النفط
16
زيـدان: عوفي الدروب التعبانة للتعبانين واحچي الصدك يلا حبيبتي
17
- دمعن عيوني منين اجيب چذب بعد! وكفت على حيلي اشهگ مفرفحة واصيح مقهورة
راويـة: تطلعني چــذااابة؟؟ انــي چذااابة زيــدان؟؟؟ فوك ما تشكرني لو ما اني جان هسه أنتَ بس اليعلم بحالتك شنو كاعد تحقق ويايَّ عبالك وحدة مجرمة وتگلي چـذاااابة؟؟؟
103
زيـدان: أي چـذابة، لأن اني ماطلعت من باب المطبخ وضوة المخزن بحياتة ما طافـي ، شمعنى هالمـــرررررة جذبج؟؟؟
55
راويـة: اني گوة كاعدة فاتحة عين ومغمضة عين تريدني أميــز صوت ياااا باب هاي السمعتهاااا
20
- طفــر من مكانة متخبل وعصبي لزمني من أذني مردها مرد بين أصابيعة يعت بيه منا ومنا وصاح بوجهي
زيـدان: لاااا تچذبييييين راااويـةةة، ليييييش رحتيلةةةة هــااااا شسويييييين مولية لهذاااك العــار
83
- دنگت راسي خايفة منه ومن صياحة الطرش أذني، رفع راسي وهو يلوي أذنــي شهگت واكفة على اطراف أصابعي ولزمت أيدة بثنين أدية ، صارت عيني على شبل جعص گطف الجگارة بالنفاضة الگدامة وگام على حيلة لزم أيد زيـدان من معصمة ونفضها، وكف بيناتنا مخليني بظهرة
شبل: أنتَ أخوية الجبير وتدوس راسي بالنعال لو ما احترمتك بس من توصل لـ راويـة نتخارب
140
زيـدان: خرب ولك وخـــر من وجهيييي
- صاح بوجهة يسب ويغلط محترگ حرگ، مد أيدة يريد يسحبني من وراه ما خـلاه دفعة من صدرة حيل مرجعة لورة وزيـدان من حرگتة رجـع على شبل فر وجهة براشدي شلع خدة شلع!
52
- ما أهتز شبل وبقى يباوع لـ زيـدان فكّه يرجف من العصبية، ويَّ هالراشدي انفتحت الباب وطب حَمـد من برا يباوعلهم بصدمة واول حچاية نتر بـ زيـدان متخبل
أبـو بكرة: ليش تضربة؟؟؟
53
- دار وجهة زيـدان يستغفر وحَمـد تخبل صار يصيح عليه بخبال گوم الدنيا وكعدها وعلى صوتة إجت امي تركض وعمتي دلال والبنات، عاط بيهن طلعهن كلهن ورجـع لـ زيـدان اكل گلبة، كل هذا وانـي واكفة بظهر شبل لازمة بتيشيرتة وأبچــي روحــي مفرفحة .. زفر نفسة زيـدان باوع لـ شبل ورجع دنگ
زيـدان: أعذرنـي
53
- ما حجة وياه اندار مفلت ايدي من تيشيرتة طبطب عليها وعافنّا وطلع هاج من البيت كله ، رفع عينة علــيَّ زيـدان خازرني بساع نزلت عيوني ما اباوعلة .. نتر بي حَمـد
أبـو بكرة: شتريد منـهاااا؟؟؟
زيـدان: شعدها رايحة لـ برهان؟
أبـو بكرة: وهيج اليسأل؟ بالصياااح والضرب تخوفهاااا حتى تحجي؟؟؟
60
- كعد زيـدان لازم أيدة متوجع وسكت، صاح بي يريدة يحچي وهذاك تخبل رجع وكف على حيلة واحد يصيح بوجه الثاني
زيـدان: تدري بي هناااااك وحدة شعدهاااا رايحةةةة ولك شعدهااااا؟؟؟ شترييييد اكللها والله عااااشت ايدج راح اشد گروني واكعد لأن لو ماااا تروحيلةةة جاااان ما شفتيني ومتت ؟؟؟
100
- لزمة حَمـد من مقدمة ملابسة متخبل شلون يحچي هيج
أبو بكرة: ســد حلكك زيــدااااان ســـد حلكك وووولك لاااا تخليني أطلع بروحك
22
- دفعة عنه بقوة واثنينهم صاروااا نار واحد يريد ياكل الثاني، متمنية روحي ميتة ولااا شايفة أخوتي متذابحيييين هيج، صحت بيهم منهاارة
راويـة: رحت ااانطي مَييييي
89
- ألتفتوا علــيَّ أثنينهم، شهگت أبچي حاضنة أدية على گلبي بخوف عيوني تفتر بيناتهم
راويـة: سمعت عمي يگول لزيدان اگطع عنه الأكل والشرب ورحت انطي مي خفت والله خفت يموت وتبتلون انتو بي، محد راح يوصل عمي ودمكم انتو الراح ينهدر حگ دمة
23
- تقرب علــيَّ حَمـد عيونة تشع غضب
أبو بكرة: هاي اول مرة تسوينها؟؟
- هزيت راسي لا
راويـة: اخذتلة اكل قبلها بس ما رضى ياكل وحتى گال لاااا تجين بعد بس انـي خفت عليكم والله خفت، المن أصد وجهي لو صارلكم شي
39
أبـو بكرة: وأنتِ بكييييفج تتصرفين؟؟ چتاليييين الحسين أحْنـا وخايفة يموت يمنّا من الجوع والعطش؟
132
- نزلت عيوني بس صوت شهگاتي ينسمع حتى گلبي صار يوجعني وتشنگ من ورة هالموقف الحطيت روحــي بي .. دار وجهة يستغفر ومن حرگة گلبة رجـع يسب ببرهان، حالي حــال السعفة كل جسمي يرعش من شافني هيــج زفر نفس ومسح على راسي مدنگ مخلي وجهة گدام وجهـي يحچي مقهور
أبـو بكرة: خَيبتي عشمي بيج، هيَّ هاي ثقتج بأخوتج ولـج راويـة؟
102
- بقيت ساكتة ماعندي غيـر دموعي تشرح خوفي وحالتـي، ادري بروحــي غلطانة وشمرت روحــي بنـار ما تطفى وكله من خوفــي عليهم! عمي يسوي كلشي حتى يحصل الليّ يريدة ويسوي كلشي هم حتى يحمي سمعتة ومنصبة ومستعد يشمر مصايبة براسهم بدون لا يرفلة جفن والليّ ثبتلي هالشي يوم راد يزوج بينات غصبًا عليها بـــس علمود مصالحة !
31
- طلع وعافنّا ضايج، زيـدان كعد مدنگ راسـة وأيدة لازمة ذراعـة معصور وجهة بوجع .. عفتة وطلعت للصالة كلهن واكفات ورة الباب وجوهن مشگوفة من الخوف، درت عيني على عمي هزبـر كاعد بالصالة مخلي رجــل على رجل يدخن جگارتة، أشرلي بأصابعة السبابة والوسط الليّ لازم بيهن الجگارة اروحلة، رجفن رجلية گوة شايلاتني وگوة وصلني يمة وگفت مدنگة وهو وكف على حيلة غمضت عيوني بخوف توقعت كلشي بس ما توقعت يرفع أيدة ويضربني راشدي بكل حيلة من قوتة وكعت بالگاع على الطبلة الجانبية وبحافتها انشگ فوك حاجبي، شهگت أبچي بخوف وزحفت لورة لازمة حاجبي شايغة روحي من الوجع ، كعد گدامي عيونة بركان غضب
هزبـر: ثبتي لعدونّا حليبج مو طاهـر من وكفتي وياه ضد أهلج ، حـرامات بيج التربية
157
- مد أيدة لزم حنچي بقوة حسيت أصابعة نبتت بلحمي، إجـة زيـدان يركض من ذيج الصالة وبدون تفاهم دفع عمي حيل وسحبني موكفني على حيلي ناسي حتى وجع أيدة وعمي تخبل يغلط ويسب بزيـدان شلون يمنعة منه، صار يتراجف من العصبية يفور يفور وماكو اليطفي .. رفـع ايدة زيـدان يأشرلة يسكت يحچي بصوت ناصي
زيـدان: عدها اليكسر راسها لا تعب أيدك أنتَ
71
- عاف عمي يشيل روحة ويرگعها بالگاع وسحبني وياه وصلني باب غرفتي فتحها ودفعني طببني وصاح على بينات گاللها
زيـدان: تعالـــي شوفي جرحها وضمدي
16
- إجت بينات تركض طبت وقفلت الباب وراها، سحبتني من أيدي كعدتني على الجرباية واني شاغت روحي وگطعت روحي بالبچي اني مدللة أبوية واخوتي هيج يصير بيه، بعدني الوب ميتة قهر وسمعت صوت أبوية طب من باب البيت يرعــد ويصيح وتمالخ هو وعمي صاروا دمايــة، ورجــع على زيـدان ما خلة عليه غلط على مسبة على أهاين طيح حظ حظة وهو ساكت ، أزيد بالبچي كل ما أسمع حچاية منه وختمها من صاح بيهم بصوت هز حتى حيطان البيت
صفوان: وحگ الماكـــــو أعلى منه اليمد ايدة على راويــــة لكسر أيدة واعلگهاااا برگبتة ولاااا يوكف بعيني أخ ولا أبن وأتبرى من الــــــدم اليربطني بيكم
226
- ولاهم ولــي خلاهم ما يعرفون شيحچون وفنة اليحچي بعــد، صار هدوء واني نسيت الوجع والخوف كله ومسحت بدموعي اضحك .. أندگت باب غرفتي وسمعت صوتة يحاچيني
صفوان: راويــة بوية
51
- وكفت على حيلي وبينات ركضت فتحت الباب إله بس فات تقدم علــيَّ بخطوات سريعة شمرت روحــي بحضنة معصور گلبي اريد أبچي بعد وما اريد أقهرة، وخرني يباوع لوجهي ورفع أيدة للجرح الفوك حاجبي مسح منه الدم بأيدة
صفوان: ألبسي خلّ أخــذج للمستشفى
- هزيت راسي لا مقوسة شفايفي الترجف مختنگة بعبرتي
راويـة: هسه بينات تضمدلي الجرح
9
- مسح على راسي بحنية
صفوان: لا تخافين انـي ضال هنا وفنه اليفك حلگة وياج بحچاية
53
- باوع لـ بينات يوصيها علــيَّ وطلع كعدت بمكاني وراحت بينات جابت تعقيم وگطن ولزگات جرح ، كعدت گدامي تمسح الدم وتعقم الجرح تباوعلي مقهورة وصدت نظراتها ما تباوع بعيوني وگـالت
بينات: أعتذرلكم بمكان أبوية، ضرب أبو بكرة الصبح وهسه أنتِ
48
راويـة: وزيـدان ضرب شبل ومدري ياهو دج زيـدان وكلنّا انعلسنّا اليوم
84
- بلعت ريگها وسكتت مقهورة بـس ما بأيدها شي، كملت ضماد جرحي ومددت بفراشي خدي مشتعل من الراشدي وأذني توجعني من كثر ما عتعتها زيــدان وراســي احسة يريد ينفجر من الوجـــع!
27
*
18
- زُبيــدة ..
الوجـــع الماينوصف وجع الگلب!
بغرفة جدتي رحيمة بين ذكرياتنّا سوة والذكريات البقتلي منها هو هذا الوجع الصدك، ردت أنام بيها بس يعرفوني راح أخلص ليلي بچي صــاح علــيَّ خالــي يگلي
حكمت: اليــوم تنامين على أيـــد خالــج
52
- ضحكت أهز راسي أي وخالتـي صفگت أيد بأيد متحسفة
جميلة: باعـوج أعزازج يا جميلة
33
حكمت: أعزازج وين تگدر على جرت النفس بلياج جميلة
60
جميلة: يــااا
- ضمت وجهها تضحك خجلانة وانـي صفگت اضحك بعلو صوتي
زُبيــدة: الله الله رجعنـّاااا لأيام حكمت وجميلة
49
- جنت أمـوت ضحك من يتغزل بيها لو يگللها حچاية حلــوة وهيَّ تخجل واگللها ليش تخجلين شو انـي ما أخجل لو خالي تغزل بيه، تگرصني من خدي وتهمس بيني وبيها
جميلة: يجيهن يوم هالخديدات يوردن من الخجل
143
- لزمت خدي ما تخيلة يصير وردي
زُبيــدة: شيوردة هالحنطاوي خالــة
68
- وكف ورايَّ مخلي أيدة على جتفي وعضني من خدي يضحك يگلي حكمت: هسه يورد
- نزلت روحــي مفلتة من جوة أيدة لازمة خدي
زُبيــدة: هيج تزورگ خالـــي
28
- ضل يضحك وراهــا سألنــي وين ننام؟ بدون تفكير جاوبتة
زُبيــدة: بــرا بروح جديتي
حكمت: البگ ياكلنّا
زُبيــدة: نحول المبردات علينّا
- أشر على عيونة بأصبعة السبابة
حكمت: من هالعين گبل اختها
44
- تمشى للحوش وصاح علـــى الولد
حكمت: صهيب صااافــي فروا المبردات على القريولات وافرشوهن يــلا بويــة
5
- أنخبصوا بذاك الليل يشيلون المبردات من شبابيك البيت فروهن موجهيهن على القريوات الليّ بالحديقة وفرشوهن وصهيب يمشي ويدردم يعرفها فكرتي
صهيب: الخايسة ما وراهـــااا غير السوالف الخااايسة گامت تدور حياة السلاطين
78
- فرشوهن تلاثة وحدة النّا اني وخالي وخالتي والثاني لصهيب ورضوان والثالثة لصافي وجلال .. كعدنّا عليهن ورة ما خلصوا فرشهن ورضوان يگمز من وحدة لوحدة، جريتة كعدتة يمي وباوعت للبقية
زُبيــدة: تلعبون محيبس؟
- رفع حاجبة صهيب مبتسم
صهيب: اليخسر يگوم يسويلنّا اكل متفقين؟
19
- هزيت راسي خوش، صرنّا اني وخالـي ورضوان فريق وهمه 3 بالمقابل فريق وخالتي تگللنا
جميلة: اني ادعيلكم
50
- ضحكت ونزلت من القريولة ركضت للبيت جبت محابس ورجعت كعدت على قريولتنّا وگلت لرضوان
زُبيــدة: غطينّا رضوان خلّ نحط خطة لعب
- سحب الجرجف الخفيف مغطينّا حتى خالي ويانه ميت ضحك فتحت ايدي اشوفهم بيها محابس أثنين وگتلهم
زُبيــدة: راح نلعب بمحبسين يعني اليضم المحبس يمة يضمة بجفين حتى اذا كالك طك اليمنى يطلع بيها واذا كالك طك اليسرى هم بيها وبكل الحالات ربحانين
65
- لزمني من اذني خالي من فوك الحجاب يحجي بصوت ناصي
حكمت: الغش حرام ولج زُبيــدة
زُبيــدة: على گد ما نخسرهم حتى يسولنّا اكل وورة ما ناكل نصارحهم حتى يبرونّا الذمة
35
- ضحك وتكشفنّا، خلينّا الجرجف على أدينّا حتى نضم المحبس وخليناهن اثنينهن بأيد خالـي، طلعنّا أدينّا فوك الجرجف وصهيب تربع واثق من روحة اليوم يسحلنّا، اخذله صفنة على ادينّا وگال
صهيب: رضوان طگهن وتوكل وليدي
- فتحهن ضايج لان صدك فارغات أديه
31
صهيب: زُبيــدة أنتِ هم توكلي على على، بوية العزيز جيب المحبس من ايدك اليمنى
- حچاها بثقة ومد ايدة يريد المحبس، ضحك خالــي وفتح أيدة اليسرى بيها المحبس، جلال وصافـي صاحوا مقهورين اثنيهن
::- لاااااا تحچي صددددك
46
صهيب: اصبروا اصبروا هسه اجيبة لا تستعجلون على رزقكم
24
- ضمينّا ادينّا نضحك وخليت المحابس هم بأدين خالـي اثنينهن وطلعناهم گدامهم، صافي طفر من مكانة وكف يمنّا يگللهم
صافي: اني اني اجيبة الكم
- ضرب أدين خالي اثنينهن وگالة
صافي: ما يحطون بأيدك مرتين، ابوية حبيبي ارفع الزحمة
31
- فتح ايدة اليمنى بيها المحبس وضحكنّا بصوت عالــي عليهم، ضمينّا ادينّا وخليتهن بأيدي هالمرة وطلعناهن گاللهم جـلال
جلال: خلوها وراية هالمـرة، زُبيــدة صفگي وگومي سوي اكل
59
- فتحتلة وحدة من أدية وتمددت من الضحك وهمه تمالخوا بيناتهم واحد يحلف على الثاني ما يفتهم وصهيب يدردم عليهم متنرفز
صهيب: خرب روح اليلعب ويااااكم، شـووو اكعدوا وراية وتعلموا اللعب مني
45
- ضمينّا ادينّا للمرة الرابعة ورضوان فضحنّا يدفس بينّا يريد نحط المحبس بأيدة، أخـذن خالـي حطهن بكل أيد واحد حتى يسد حلگة وطلعنّا أدينّا صهيب يباوع لأدينّا مضيگ عيونة وگال لرضوان
صهيب: صفگ حَبيبي وروح نـــام
- الفطير فتح أديه اثنينهن يضحك فرحان المحابس بأيدة وفضحنّا
84
- تخبلوا ووصل صياحهم لسابع جار يصيحون علينّا الغشاشين وانـي جريت رضوان من تيشيرتة كومتة بحضني وعضيتة من زندة وهو يرفس ميت ضحك على روحــة، زعلوا الولد وحلفوا بعد ما يلعبون وانـي طردت رضوان وراهــم
زُبيــدة: أمشـي الفطييييير لسااانك أطول منك وكل خيــر مابيــك
24
رضوان: دروحــي شنو مابيه خير غير كل يوم امي تدزنـي للمحل
15
زُبيــدة: مكيييف؟؟ ولك البگدك راحوا للجيش
11
رضوان: وأنتِ البگدج شبعن مي ورد
35
زُبيــدة: امي ابو لسان غلاب النسوان
11
- وكف على قريولتة هو وصهيب ويأتأت يريد يردني ما يعرف شيگول سحبة صهيب يشاورة ورفع راسة علــيَّ يضحك ويهوس
رضوان: زُبيــدة الدبسة ياهو التلزمة تعلسة
91
- فـور دمي صهيب شلون يعلمة سوالف علــيَّ، تربعت اضحك حتى احرك گلبة
زُبيــدة: على الأقل أعلس مو انعلس وأشبع صوندات
37
- رافع راسة يباوع لخالي
صهيب: نيمها لا اكوم أحبسها يم البطات
7
حكمت: وشحدك ولك
19
- لفوا روسهم ونامــوا لان يكعدون من وكت مغلسين على الأكل، مددت بين خالـي وخالتي جميلة وسحبت شالي نزعتة من راسي ودحستة جوة المخدة الصبح من يكعدون الولد خالتـي تغطيني وتضمني منهم، درت عليها نحچي بهمس ونضحك سكتة وهيَّ تحچي وتحچي لحــد ما گالت
جميلة: ما سولفتلج على هاي جارتنّا أم مهدي الجانت تهــد علينّا وتعاركتي وياها
زُبيــدة: شبيها؟
جميلة: خطية مرت من يومين تگول شو هاي بنتكم الوكحة ماكو الها وحشة
50
- غصت بالضحك وهيَّ ضربتني على جتفي
جميلة: والله صدك جاية تدور عليج، گتلها رجعت يم أهلها گالت إذا رحتيلها صيحي علــيَّ اروح وياج أشوفها
16
زُبيــدة: خلت ضميري يرفس وحگ راس الحسين، باجــر إلا اروحلها اسلم عليها وابوس راسها واتعذر منها هم على عركاتي وياها
9
جميلة: حچي الليل يمحي النهار هسه الصبح من أذكرج تگولين غـديي وهيَّ هاي شنو واروحلها
25
- ضحكت خنگ وجسمي يهتز عبالك واحد حاطنـي هزاز، انگلب خالــي مخلي ايدة على جتفي يطبطبلي وگال
حكمت: هــا بوية ما نـام الليلة؟
53
- سحبت أيدة بستها وحضنتها مغمضة عيوني والضحكة تارسة وجهــي، الفرح غامـــر گلبي واحس بروحــي خفيفة بخفة الفراشة بيناتهم لا هَم ولا غَم، أكبــر همومي شلون اغث الولــد حتى أضحك عليهم .
24
- كعدتنـي خالتـي ويَّ ما طلعت الشمس تريدني أطب جوة اكمل نومتـي، بـس ما گدرت انام بعــد .. الولد كلهم كاعدين وجلال مشى وراية للبيت يگلي
جـلال: زُبيــدة ما تسويلنّا مخلمة وكثري بيها بصل
زُبيــدة: شوف الولد يريدون حتى أحسب حسابهم بـس كل واحــد يطلع ألف ماسوي ببلاش
25
- رجع للولد يشوف منو يريد والليّ يريد لازم يدفع، رجعلي للمطبخ بأيدة الاف سحبهن واحد واحد حطهن على الكاونتر يمي وگال
جـلال: هاي خمسة أبـوية هم ويانة
43
- ضحكت وأخذتهن ضميتهن وسويتلهم المخلمة الليّ يحبونها "بصـل وفلفل دارة ، طماطة مكعبات ومــن تذوب احط فوگاها البيض" أخليها على نـار هادية لما تستوي وأطفيها وأخليها بالطاوة ما أفرغها يحبونها هيج، كملت وخالتـي إجت غسلت الجبنة الليّ مسويتها وهم گطعتها بماعون وچـاي وياهن، شلت الصينية وطلعت همه كاعدين بالحديقة جوة فَـي الشجرات، من شافنـي خالــي أشر لـ صافي خلاه يجيني ركض أخــذ الصينية مني
صافــي: هـلا بالمعدلة هــلاااا
54
- مشيت وياها للحديقة نزل الصينية وكعد وانـي كعدت يم خالــي، صهيب من شاف المخلمة ضحك
صهيب: اوف بوية وعلـي تستاهل الألف
3
- اكلت منها لگمتين وتذكرت خالتـي عـدها زيتون، اخذت لگمة مال درب ورجعت للمطبخ ادور على الزيتونات لما لگيتهن واخذت منهن بطاسة صغيرة ورجعت وكفت فوك روسهم صافنة الطاوة ملحوسة لحس!!
61
- باوعت بوجوهم واحـد واحد
زُبيــدة: ويــن راحت؟
صهيب: مو طيبة وشمرناها للدجاجات
27
زُبيــدة: تشمر بيض للدجاجة تخليها تاكل جهالها مطبوخين؟ شنو من گلب شايــل
49
- ضحك خالــي مأشرلي اكعد وانطانـي لفة مخلمة ضامها إلـيَّ
حكمت: من حلوگهم طلعتها وضميتها إلـج
63
زُبيــدة: والله بس أنتَ على راســـي
8
- بقيت النهار كله يمهم حتى أهلي نسيتهم، همه الصبح مشوا لشغلهم واني ورضوان صعدنّا على شجرة التُكي مالتهم معلگين فوك وناكل وواحد يرادد الثاني مو يضوجني بحچاية ألزمة من تيشيرتة أعتعت بي وهو يحضن غصن الشجرة خايف يوكع
زُبيــدة: تسكت لو اشمرك؟
رضوان: اسكت اسكت واسف والله بس عوفيني
78
- من يجي صهيب يتفرعن علــيَّ لأن يعلمة سوالف ويفزعلة ومن وحدنّا مثل الگملة يمي ..
5
- رجعوا الظهر تغدوا ورجعت عمتي جميلة كومتهم ينظفون الحوش واقفاص الدجاج والطيور ، وراهـا لزموا سرة على الحمام لما صار العصر يلا كعدوا خطية، واكفة ويَّ خالتي بالمطبخ داتسوي چاي وطب جـلال يركض گال
جلال: خَطاب إجة عليج
38
- راحت ضحكتي وهزيت راسي خوش، مشيت ساكتة لبست عبايتي وطلعت عليه هو واكف بالحوش ويَّ خالــي والولد، مـا أكدر اكول اريد ابقى بعد لان خالي راح يجبرهم يبقيني وهمه راح يضوجون ويتوبون مني وبعد محد يجيبني .
ودعناهم وطلعنّا بقيت دايرة وجهي على الجامة ساكتة لما گال
خَطاب: رحنّا بزفة ورجعنّا بجنـازة
58
- انداريت عليه اضحك واهز راسي لا
زُبيــدة: لا لا ما ضايجة، اصلًا اشتاقيتلكم هوايَّ
28
- سكت يدري بيه چذابة وما خطروا على بالــي، افترت عيوني بالسيارة مادري مالتمن ما شايفتها قبل مرات يأجرها ومرات ياخذ سيارات جماعتة، ما سألتة عليها بس سألتة على أهلي شلونهن گال
خَطاب: من الشغل واجيتج بعدني مـا رحتلهم
13
- سكتنّا لمـا وصلنّا البيت اول ما عيني لمحت عدنان واكف يم باب بيتنّا لازمة بأيد وماد راسة لجوة مبين دا يحچي ويَّ احد، درت عيني بساع على خَطاب عاگد حاجبة شخط السيارة ووكف يم الباب عدنان فـز وطلع ساد بابنّا وراه حيـل، بقى يباوع لـ خَطاب ساكت وهو نزل من السيارة سلم عليه وسألة
خَطاب: خير عدنان محتــاج شي؟
- أرتبك وهز راسة لا
عدنان: ماكـو شي شفت أبوك يمنّا سألتة عليك گال بالبيت مريت أشوفك عندي حچاية وياك
35
- هز راسة وگالة أنتظرنــي، فتحت باب بيتنّا وفتنّا انــي وياه مستغربين ماكو أحــد بالبيت! صـاح على أمــي ماردت ماكو غيــر جيـداء طلعت من باب المطبخ وجهها أصفر وخايفة گوة تطلع منها الحچاية
جيـداء: ماكو أحـد
خَطاب: وينهم؟
- دنگت تفرك بأديها الترجف
جيـداء: كلهم راحـوا لبيت عمي كامـل يشوفون جديتي بدرية
75
- مادري شلون خَطاب لهسه يحاول يبقى عادئ، هز راسة مجاريها بالحچي وسألها
خَطاب: وعدنـان شيريد؟
جيـداء: هـا؟
- رفع حاجبة بغضب وعاد عليها السؤال، تدير بوجهها لكل جهة إلا وجه خَطاب من الخوف ما گدرت تحط عينها بعينة وهمست
جيـداء: جديتي دازة علــيَّ تريدني اروحلها
56
- فتح عينة على وسعها وركـض لشباج المطبخ سحب التوثية منه وطلع يركض على عدنان، شهگت بخوف وركضت وراه اليوم ما يخلي عظم صاحــي بي .. فتح الباب وطلعلة بعــده هـذاك واكف عبالة چذبتة عبرت على خَطاب ما لحگ يحچي وخَطاب ضربة بتوثية شگفها بأيدة وصار يصيح بخبال من وجعهااا، أباوع لخطاب عقل ماا ضاال براسة فاقد شمرها من أيدة ولزمة دك بوكسات وين اليوجع
خَطاب: لك عـــاااار على الزلـــم أنتَ يااا عــاااار، خلصت غيرتك؟؟ شديتهن ولزززززمت البوب بالختلااااات
158
- ركضت اجرجر بي واعيط راح يموت عدنان جوة أيدة وبس صوت صريخي وصياح خَطاب گوم الدنيا وكعدها اريد احچي من الخوف الكلمات ما عاد تطلع ويايَّ ، على اصواتنّا طلعوا أهلي يتراكضون من بيت عمي وركضوا الولد گوة رفعوا خَطاب من فوك عدنان وهذا متخبل نااار وشبت بگلبة
خَطاب: خرب ولكم عوفونييييييي اموووووت هالعاااار،
- يعت بروحة من بين اديهم يريد يرجعلة يموتة ويصيح
خَطاب: اگطعهاااا واشمر لحمهاااا للچلااااب وما انطيگياهااااا خليهاااا ترجية بأذنك حتى حلم تحلم تصيرلك بعد كـ***
103
- عايـد گوم عدنان من الگاع وعمي كامل عبالك مزنة ووكعت روسنّا تخبل غلط على فشار على مسبة ما خلة حجاية بگلبة ما حچاها على خَطاب
كامـل: لو لعدناااان لو للگبر اختك لغير هالمكاااانين ماااااتروح دام خشمي يشم الهوى يااا خَطاااب
98
خَطاب: ادفنهااا جوة التراب ولا اشمرهاااا بناااركم
9
- تقرب عمي بكل صلافة يريد يضرب خَطاب وهو دفعة من صدرة لو عبالك سَب العنب الأسود كام يشيل روحة ويرگعها بالگاع كل العالم التمت علينّا تتفرج وهمه خزونّا تخزي بنص الشارع، امي تدگ وتلطم راح تصير مصايب ورة هالعركة وابوية يصيح على خَطاب يريد يسكت والولد تلاثتهم يلا لازمينة، سحلو سحل طببوه للبيت نفض روحة منهم وركض على جيـداء لزمها من شعرها يجرجر بيها طببها للغرفة وقفل الباب وغـازي يركع بي يريدة يفتحة
غـازي: عـوووف جيـداااااء ولك خَطاااااب
97
- اسمعها تبچي وتشهگ بخوف وهو يصيح ويركع ببوب الكنتور شايط
خَطاب: ولــــج سبع زلم مااااااوكفنّا بعينج؟؟؟ اليشووووفج واكفة وياااه بالباب شيحجي عليناااا وعليج هــااا؟؟؟ تنقهرن من ينجاب طاري عمتجن لعــــد ليييييش تريدن تعييييدن غلطهاااااا؟؟؟
121
- عاطت جيـداء بخوف ويَّ ما ركع باب الكنتور وماندري الرگعة بأيدة لو براسها! غازي شاغت روحة كسر الباب بس يريدة يفتحة وهذاك متخبل جوة عليها
خَطاب: ولج صرت مگرن واجيتج سألتج خوية أنتِ رايدة؟ ماريد أشيل خطيتج اني بس اريد اخليلج حگ واضمن تعيشين مرتاحة ويم اهلة ما ترتاحين اريدلج بيت وحدج حتى من يصير شي لااا تگوليييين والله اهلي شالوني ونطوني ما فكروا بيه، ليش هيج خوية هـااا؟
99
- هدأ خَطاب يحچي مقهور منها وامي وابوية والولد كسروا الباب بس يريدونة يفتحها، رجعوا لـورة من طگ القفل وطلع وجهة مجبد من القهر عافنّا وهج من البيت كله .. ركضنا اني و أُميمة وامـي على جيـداء مگرفصة يم الكنتور حاضنة روحـها وتبچي بشوغة گطعت نفسها! باوعت لباب الكنتور البصفها من الضرب البي مكسور وواكع على جهة .
12
- كعدت گدامها امي تزلغ بخدودها سكتة من قهرها
حَفصة: گتلج لااا تحچين ويـــاااه ولــج جيــداااء ماااا توبيييين مااا توبيييين، لو مكسر راسج بدل هالبااااب انـي شسويلةةةة ولج شسويلةةة
37
- ساكتة بس تبچي وامي كعدت ساندة ظهرها على الحايط تنود وتبچي ميتة قهر ماتدري شتسوي يومية تنصحها ومايفيد، عدنان كل ما يلگالة فرصة يجيها يحاچيها .. الولد بالهول يحچون على عدنان محترگة گلوبهم ويتهددون يكسرون راسة لو شافوا، نتر بيهم أبوية بعصبية
أسماعيل: أريـــد من الله أسمع واحـــد محااااجي
معـن: على عرضة ماعندة غيرة شتريد نسويلة نبوس راسة؟
42
- غلط عليهم ورزلهم سكتهم مايريد المشاكل تكبر اكثر خصوصًا بعد ما خَطاب ورم عدنان وخلة دمة بطولة، لليل وأحْنـا على هذا الحـال الجو متوتر وجيـداء ما نشفت دمعتها، أبوية يطب ويطلع ويخابر ومخبوص تالـي كعد على عتبة الباب مهدود حيلة، كعدت يمة أمي تسأل شصاير؟ گاللها
أسماعيل: هذا ابنج كاسر أيد عدنان وخشمة فوگاها، يريدنّا نتكاتل اني واخوية ومااا يعرف شلووون
38
حَفصة: أنتَ وكامل شعليكم همه الولد بيناتهم من صغرهم هيج واحد يطلع دم الثاني ويرجعون يتصالحون لا تنقهر
5
أسماعيل: ماااا انقهر شلوووون ما انقهر، اني حاايـــر شلون أخلصهم من مصايب بيت شبلي يرجعون يسولي مصايب ويَّ ولد عمهم؟؟
20
- گام طب لغرفتة ورگع الباب وراه موجرة نار بگلبة يحير ليا مصيبة يصد وجهة .. بهذاك اليـوم ما رجع خَطاب الا الفجر من الكل نايم حسيت عليه طب لغرفة جدتي طلع الصندوگ الخشب مالتة فتحة مادري شحط بـي ورجع قفلة مرجعة لمكانة .
105
- رجـع للهول تمدد مخلي أيـدة على عيونة رجعت غمضت عيوني وغفيت كعدت الصبح ما لگيتة طالع لشغلة .. وهيــج خلصها يطلع من الصبح ويرجع بالليل يسبح وينام لا يحچي ويانه ولا ياكــل يمنّا لحـد يوم الجمعة ماعندة شغل، بقى نايم للضحى يلا كعد طب للمطبخ سوالة ريوگ تريك ومشى يريد يطلع للبستان ركضت وراه
زُبيــدة: خَطاب خلّ أروح ويــاك
- التفت علــيَّ ساكت
زُبيــدة: انـي فقيرة والله مالي بالمشاكل وهم أحبك حاچيني عليك الله
65
- دار وجهة وگـال
خَطاب: ألبسي وتعالـي
9
- ركضت للبيت لبست عبايتي ومشيت بساع وربيـع ركض ورايَّ
ربيع: وين تروحيــن؟ اني هم اروح وياااج
زُبيــدة: رايحة للگبور تجي؟
ربيـع: اي اجي
82
- أخذتة ويايَّ ومشينّا للباب الصغيرة لگينّا خَطاب واكف ينتظرنّا، طلعنّا عليه وهو رد الباب وراه ومشينّا بالبستان بي شكد فواگه بس گلبي ما يرف إلا على التُكي، وكفت يم الشجرة متذكرة الطاسة الليّ على الحايط ردت عيني اباوع بعدها بمكانها! گتلهم راح ارجع أجيبها حتى نجمع بيها عفتهم يم التُكية وركضت انـي وعبايتي للحايط رفعت أيدي وسحبتها لگيت بيها تُكي مبين مالت الصبح بس ذبـلان من الحـر، أبتسمت وحطيت منهن بحلگي والباقيات شمرتهن جوة الحايط .
49
- أتلفتت منا ومنا وعلى بستان بيت شبلي ماكو احـد فارغ، رجعت يم خَطاب وربيـع مارضى اصعد وصعد هو ترس الطاسة ونزل بقينّا نفتر وراه وناكـل وهو ساكت، ما طولنّا ورجعنّا للبيت صارت حارة ماتنجرع .
3
- مسـح شحاطتة لونها جوزي غامق خلاها تلمع وحطها بالباب، طلع دشداشة سودة كواهـا وعلگها بظهر الباب كل جمعة العصرية يكشخ هيج كشخة حلوة ويطلع .
- نـام الظهرية بدون لا يتغدة ويانه وكعد العصر سوا چـاي شربلة أستكان وبدل لبس دشداشتة ووكف على المرايا يمشط شعره كمل ونزل المشط من أيدة وطلع واحــد من عطورة رش منه على رگبتة وعلى صدر الدشداشة عطرة ترس البيت هلگد ما طيب ، شال سبحة جوزية لفها على أيـدة وطلع .
138
- مشيت وراه اضم بضحكتي
زُبيــدة: طالــع تتصيد؟
- لبس شحاطتة وأندار علــيَّ يسأل مستغرب
خَطاب: شَتصيد؟
زُبيــدة: حلوات
75
- خزرنـي واني ضحكت اول مرة ما خاف من خزرتة
زُبيــدة: شبيك والله طالع حلو ياهيَّ التشوفك راح تحبك
21
- لزمني من اذنـي يعتعت بيه واني أضحك
خَطاب: ولج زُبيــدة لسانج طولااان
23
- لزمت أيدة بثنين أدية خانسة
زُبيــدة: گول بسم الله الرحمن الرحيم واقرأ سورة الشمس تخفف من عصبيتك
11
- عاف أذني مبتسم يفر بأيدة، مشى يريد يطلع وصل باب الحوش وصاح وراه أبوية ضايج
أسماعيل: وين تريد؟
خَطاب: عندي شغل
أسماعيل: روح لبيت كامل سلم على عدنان وأعتذر منه
47
- فتح الباب يهز براسة خوش وگالة
خَطاب: الله كريم
18
- طلع وعافة ادري بي مايروح بس حتى ما يگول لأبوية لا يگله الله كريم وهاهيَّ، غـازي هم كشخ يريد يطلع لابس دشداشة بيضة ضَحك ووكفت اباوعلة
زُبيــدة: شعندك مجفن ماتلبس مثل مالت خَطاب
غـازي: وشعندي مصخم
91
- گرص خشمي حيل وجرني جر شوغ روحـي خلانـي أرفــس من القهر يلا عافنـي وطلع، معن وعـادل يضحكون متشمتين بيه نوبة معن يگول لعادل
معن: ليش معلگ صورة اختك برا ما تستحي
- أشرلة يم الگلوب الليّ فوك باب الهول من برا جان اكو ابو بريص وماتو من الضحك
41
- باوعتلهم اريد اغثهم بحجاية شفتهم لابسين تراكات صيفية متشابهة وهمه وجوهم هم متشابهة بس أحْنـا اهلهم نفرق بيناتهم، جتفت ادية على صدري ارفع بحواجبي واضحك
زُبيــدة: شكد قياسكم؟ احسكم 45
100
- ركضوا ورايَّ اثنينهم واني حطيت عشرة ويَّ رجلية طبيت للحمام وقفلت الباب وهمه يتهددون علــيَّ يريدون يطيحون حظي بقيت خانسة بالحمام وعادل يحاچيني يكلي
عادل: تطلعين لو لا؟
زُبيــدة: اريد اسبح امشوا مناااا يا ما تستحووون
28
- اشوف رجلية من جوة الباب واكفلي، ماكو دقيقتين واجة يمة معـن كعد مد ايدة من جوة الباب وحَل علــيَّ أبو بريص، صعدت على التختة وصرت اصرخ متخبلة وهذا من الخوف من عياطي صار يلبط جواية يروح ويجي يحير وين يصد وجهة والحمام كله طولة شبر، وهذولاك يرگعون بالباب من برا يريدونـي اسكت ، من شفتة فات جوة التختة ركضت على الباب فتحتها وطلعت اركض .
67
- البنات وامي وابوية كلهم اجوا يتراكضون على صوتي يسألوني شكو وصرت ما عرف شحچي اشهگ بلاية دموع ورجعتلي التأتاة
زُبيــدة: أ أ أبـ أبو بريص شمرولياه من جوة الباب
38
- همه من شافوني هيج هبطت ورجعت التأتأة وجوهم صارت صفر ويحلفون دايشاقون ويايَّ وابوية ما قصر وياهم غسلهم غسل بالرزايل بقوا ساكتين وراهـا طلعوا
19
- ابوية هم طلع راح لبيت عمي كامـل مادري ليش هيج يتخبل ولا يزعل منه، بقينّا بس اني وامي والبنات بالبيت وربيع طلع يلعب يم البستان .. كعدت يم أُميمة وجيـداء بالحوش وگامت أُميمة تعدل شالها على راسها من اندگت الباب فتحتة واسمع صوت مرية تحاچيها، رجعت لورة وأشرتلها تفوت من صدمتي بيها وكفت على حيلي! أبتسمت بوجوهنّا تسلم علينّا
عهود: شلونجن يَبنيات
62
- بلعت ريگي نسيت شلون ارد وجيـداء وكفت مرتبكة من جيتها وهزت راسها
جيـداء: هـلا خالـة، تفضلي فوتـي
عهود: لا لا اريد أروح بس صيحلي أمجن
8
- فاتت أُميمة تصيحلها طلعت امي تلبس بشالها مصدومة بجيتها! لو قبـل ما تنصدم لأن جانت تخيطلهن وتدور رضاتهن حتى تكف المشاكل ويرجع برهان بدون مصايب بس بعد هالمصايب الصارت بقينّا كلنّا مصدومين بجيتها، وكفت يمها مسلمة عليها وهيَّ أشرتلها بعيونها علينّا! ألتفتت امي علينّا وگالت
حَفصة: فوتن جوة يمة
6
- طبينّا كلنا للبيت وكفنّا ورة الشباج نباوعلهن يحچن بصوت ناصــي ما افتهمنّا شتريد، اباوع لوجه امي أنطعن وتحچي بعصبية مفرفحة لمـا فتحتلها الباب طاردتها ونترت بيها بصوت عالــي
حَفصة: التردينة ماااايصيــر أم زيـــداااان
88
- مشت عهود تريد تطلع ومدت ايدة على جتف امي گالتلها
عهود: فكري حَفصة، اگدر اروح ادك الف باب غيركم وما أسمع إلا كلمة تدللين وما على عينج حاجب بـس اني اجيتج أنتِ بالذات لمصلحتج
182
- عافتها وطلعت ، رگعت الباب وراهــا حيــل وطبت امي تفرگ بأديها احسها ضايعة وحچايات ام زيـدان وياها وگعتها بـ حيرة كلش جبيرة! طلعنّا عليها نسأل نريد نعرف شتريد؟ رفعت أصبعها بوجوهنّا تحذرنّا
حَفصة: ما تريد شي وديرن بالجن تسولفن لأحد على جيتها خـــوش؟؟
22
- سكتنّا وهيَّ فاتت للبيت، للمغرب صاحت علــيَّ عمتي أم غايب من ورة الحايط بدون ما اسألها شتريد انطيت خبر للبنات وعبرت عليها، مشيت وياها للبيت لازمة بأيدها وهيَّ تسألني ليش گاطعة بيها
زُبيــدة: والله حقج بس هذولة أهلي ساطريني من المشاكل
12
- ضحكت وطبينّا للهول راحت ضحكتي من شفت زبيـر گاعد، درت وجهي اريد ارجع وگلت لعمتي
زُبيــدة: اجيج بغير وكت عمة
43
- صاح علــيَّ بهدوء من انداريت عليه اني أخزر بي وهو يأشرلي اكعد وگال
زبيـر: سؤال وجواب وروحي الله ومحمد وعلي وياج
22
وكفت بالباب لامة ادية لصدري
زُبيــدة: تفضل اسمعك
زبيـر: شيردون منج بيت شبلي؟ ليش أخت حَمد أجتج وقبل شوية أمها يمكم؟
زُبيــدة: وأنتَ شعليك باليجينّا؟ عرفة ولفة أحْنـا وياك مو ما تحاچي أهلي
زبيـر: بس احاچيج
زُبيــدة: الما يحاچي أهلي انـي هم مالي حچي وياه
82
- فزيت راجعة لورة وأنضرب ظهري بالباب من طفر من مكانة يصيح
زبيـر: خـرب ولـــــج لسااااانج غضب
- بلعت ريگي وصحت بي
زُبيــدة: لااا تحاچيني وتجفى شر لساانـــي
14
- راد يجيني ركضت عمتي وكفت بيناتنّا وهو شايط يحچي كـاز على سنونة
زبيـر: لا تحاچيني هيج انـــي زبيـــر ولــج زُبيــدة
40
زُبيــدة: أي تشرفت بمعرفتك
99
- حچيتها بهدوء لو تخبل دفعتة عمتي من صدرة تحچي عليه تريدة يسكت وتحلف لو ما سكت بعد ما تطببة هالبيت، سكت يفرك بوجهة مرد ملامحة ورجع يباوعلي
زبيـر: ما احاچي أبوج بـس ماعندي شي ويَّ اخوتج ووياجن، ووكت الفزعة تلگنـي محزم حزام إلها
23
زُبيــدة: شفت فزعتك
- حچيتها بأستهزاء وفريت ايدي، رفع حاجبة بصدمة
زبيـر: هــااا؟
زُبيــدة: كلها صياح وعياط وأذبـح وصلخ واموت وادفن
24
أم غايب: گولي يا الله يايمة
زبيـر: شفتي عمة شفتي اليسوي زين شلون يتجازى
21
- فتحت الباب اريد اطلع عاط بيه جمد الدم بعروگي، درت وجهي عليه انگلّب حالـة على غفلة تخبل ، وكفت بظهر عمتي وهو عيونة تشع غضب يريد يعرف ليش راويـة إجت علينّا
زُبيــدة: وأنتِ شمدريك علينّا؟؟؟ يمكن على عمتي أم غايب لو بيت عمي كامل
زبيـر: لاااااا عليكم
زُبيــدة: نگول علينااا يمكن على امي لو جيـداء وأُميمة ليش إلاااا علــيَّ يعنييييي؟؟
زبيـر: ماكو أم مصايب غيرج
40
- دمعن عيوني مقهورة منه
زُبيــدة: محد جاي علينّا خـوش؟ واذا عبالك هيج تخوفني بتهديداتك لو احچيلك كلشي لو تروح تگول لاخوتي على سوالفي المابيها كل غلط روح گللهم خلّ يذبحوني وخلّ يضل هَدر دمي ذنب برگبتك
11
- أتنهــد ذاب كل النفس البصدرة وگال بهدوء
زبيـر: ماريد أخوفج زُبيــدة، أريد افتهم شدايصير وياكم حتى اگدر اساعدكم
29
زُبيــدة: كلشي ما صاير ويانة واذا يهمك تعرف روح حاچي اهلي واعرف لا تحاچيني بعد ما يرضون أهلي
4
- رفع حاجبة يسأل بأستهزاء
زبيـر: اهلج
زُبيــدة: اي واظن سمعت عركة عدنان وخَطاب لو عرف يسوي بيك السواه بأبن عمك
- اشرلي بحواجبة لا بكل ثقة
زبيـر: أي لاا تخافيـن اني مو عدنان
زُبيــدة: أثنينكم محرمين علينّا ونص حسناتي هسه طارن من وراك شنو بعد مو عدنان لو أنتَ مبارك وماندري
49
- ما علق على كلامي انطاني ظهرك مطلع باكيت الجگاير من جيبة ماخذ منه جگارة وگال
زبيـر: تگدرين تروحيــن وگليلها لأختج اذا براسها عقل ما تاخذ أبن كامل
116
- ماصدكت گال روحي بدون لا ارد عليه فتحت الباب وركض للبيت حتى ما أنـداريت ورايَّ، ويَّ طفرتي من الحايط انفتحت باب الحوش مالتنّا وفات خَطاب شايــل بأيدة هوايَّ علاليگ مشيت ليمة متوترة هو ما حاچانـي
زُبيــدة: رايـح للسوگ؟
- هز راسة أي، مديت أيدي اريد اخذهن من أيدة اشوفهن ما رضى رجعهن لورة وگال
خَطاب: مابيهن شي الج
64
- عافني وفات للبيت ضمهن بغرفة جديتي بدرية، التموا على العشة الولد كلهم وأبوية وخَطاب هَم كعد ويانّا بـس جيـداء ما تكعد بالمكان اليكعد بي خَطاب خجلانة منه، بعدنّا ناكــل وگال أبوية
أسماعيل: الأثنين خطوبة جيـداء وعدنان
150
- خَطاب نزل اللفة الليّ بأيدة عيونة بگصتة بس ما حچة شي وأبوية كمل
أسماعيل: أبن عمها ورايدها بالحـلال ليش نوكف بطريقهم؟ راح يكعد يم عمتك أم غايب لما يلم أيدة ويبنيلة بيت ماعندك عـذر بعد
14
- رفع راسة يدور على جيـداء من ما شافها ويانة هز راسة وگام على حيلة وگالة بهدوء
خَطاب: اذا شايفة هيج يستاهل بالخيــر عليهم
39
- فات لغرفة جديتي وسد الباب وراه! كلنّا خايفين من هدوئة گاله غازي لأبوية
غـازي: من گال اذا رضى خَطاب أحْنـا راضين؟
- ضرب الصينية أبوية ميت قهر وصاح بي
أسماعيل: شتردوووون اسويلهم؟ اذبحهم؟؟؟ خلّ ياخذهاااا ليش من تنهب ويااااه تگولون والله صوجك ماااا أنطيتهااااا إلــه
42
- گام طلع مهوس ويحچي مفرفح، امي رزلتهم سكتتهم ما خلت واحد يفك حلگة وگالت نگصر الشر وننطيها احسن من ما يصير شي ما يرضينّا بعدين ، ناموا كلهم واني اتگلب بفراشي لما آذن الفجر گمت صليت وكعدت يم شباج غرفتنّا اباوع للحايط الليّ يم التنور ناوية ألگف الليّ دا يحط تُكي منو؟
14
- صارت بـ5:00 الفجر وسمعت صوت باب غرفة جديتي بدرية أنفتح ، البيت أظلم بس دا أميز خَطاب طلع منها! والليّ خلاني مصدومة شايــل جنطة بأيدة! طلع من باب المطبخ سكتة وانـي ركضت وراه من طلعت جان واصل باب الحوش ألتفت على صوتي ورجف گلبي من شفتة لابس بدلة جيش!
182
- ركضتلة وكفت اريد احچي اريد اسألة وين يريد ما عاد يطلع الحچي من الخوف، ابتسم ومسح على راسي يحچي بهدوء
خَطاب: طلع أسمي بالحشد ورايــح، ما ردت اودعكم لأن محد راح يرضى أروح
152
- نزلت دموعي وشهگت صوتي مخنوگ ما مصدكة ولا مستوعبة بس خايفة حيل خايفة من روحتة، ردت اخذ الجنطة من ايدة ضحك وبعدها عني واني اتوسل بي
زُبيــدة: لا تــروح عفية
17
- مد أيدة لجيبة طلع مفتاح صندوگة الخشب وگال
خَطاب: أأمنج على هالصندوك
- اخذتة من ايدة
زُبيــدة: وشبي؟
خَطاب: لا تفتحينة اذا رجعت اني اشوفج الليّ بي خوش؟
174
- هزيت راسي خوش وحضنتة حيــل، حضني بأيد وحدة باس راسي وأبتعد طالع من البيت ماخــذ روحي وياه، لزمت بالباب عيني وراه واسأل بروحي على هاي الأوضاع راح يرجـــع؟
117
*
7
- رُبـى ..
يوميـــن واني أنتظرة وما رجـــع،
تبهذل حالــي ومو رجيف احس گلبي ينعصر عصرات موت من القهر، دموعــي ما نشفت وما على لسانــي غير وين راح؟
كل يوم أروح لعمي نادر أبـو رزان حتى يخابر عمي محمد اول يوم يدك يدك ومحـد يجاوب وثاني يوم أنغلق تلفونة وماكو أي خبر عنه !
68
- شهگت أبچي ضايعة وعمتي مريم تمسح على جتفي بحنية
مريم: لا تبچين عمة قابــل وين يروح
رُبـى: ما يعوفني ويختفي هيج، خايفة صايرلة شي والله ماعندي غيره انــي
19
- بقيت كاعدة يمهم للغروب ورجعت لبيتنّا ما يرضى أبـات يمهم وولا مرة بحياتي مسويتها وبايتة بغير بيت اذا مو هو ويايَّ .. مالي خلگ أسوي أي شي، مَـر اليوم الثالث وهو ماكــو! صاحت علــيَّ رزان من ورة الحايط تسأل
رزان: مارجــع عمج؟
- هزيت راسي لا
رزان: زين ماعندكم گرايب منا منا عصري مخج خاف ناسية
11
رُبـى: وإذا عندي شراح يسون؟ هو عمي محمد ومختفي
رزان: خاف گالــج رايح لمكان ونسيتي
رُبـى: اكلج شايفتني جاهــل لا يهب ولا يدب؟
4
رزان: لا حشاج بس غير داساعدج شبيج اوووي
- رزلتني الخبلة ومشت لبيتهم، نزلت بقيت كاعدة بالحوش ايدي على خدي وصافنة على الباب صارت المغربية والدنيا غابت شمسها وكل اهلي هم غايب علــيَّ .
21
- بچيت محترگ گلبي ودعيت يارب بس ردة إليَّ بخير اني وين أروح لو ما رجعلي وين أنطي وجهي؟ طبيت جوة متمددة بفراشي وويَّ كل طكة افز مرة خايفة ومرة بأمل رجع عمـي لحد ما غفيت .. الليل هـدوء واني حلمانة عمي راجع متلگيتة اركض افتحلة الباب احضن بي وابوس بأيدة واحمد ربي وأشكرة لأن رجعلي! فزيت من نومتي رافعة راسي على صوت دكة باب الهول، گمت بساع من فراشي وركضت فتحتها الضحكة تارسة وجهي عمي رجــع! فزيت بخوف وردت اسد الباب حيــل من شفتهم أثنين ملثمين وعيونهم مو عيون عمي!
96
- ما خلوني واحد منهم مد رجلة ودفع الباب حيل ركضت للغرفة وعطت بيهم يطلعون صاح واحد بيه
::- لا تصرخين جايين من طرف عمج محمد
16
- سحبت شالي حطيتة على راسي ارجف من الخوف
رُبـى: وينه وينه عمي؟
::- دزنّا على ذهبات گال تلگوهن يم بنتي
61
- گلبي وكع ببطني من الرعب هزيت راسي لا، وهو طلع تلفونة من جيبة مادري عليمن أتصل وگالة أنطيني محمد، حچة وياه ومدلي تلفونة اخذتة من ايدة ايدي ترجف حطيتة على أذني وهمست
رُبـى: عمي محمد؟
محمد: رُبـى بنيتي لا تخافين ماكو شي، شعندج ذهبـات انطيهن الهم واني ساعة زمان يمج خـوش بنيتي؟
- دنگت راسي صوتي مخنوك
رُبـى: عمي والله خايفة
محمد: لا تخافين يَبعد عمج انطيهم اليردونة واني اشتريلج أغاتهن
58
- ما لحگت احچي وسحبوا التلفون من أيدي سدوه وگال
::- يــلا لا تأخرينّا
5
- مشيت للكنتور فتحتة وسحبت صندوگ ذهباتي، جان عندي زوجين تراجـي وگلاتين وبتوت أربعة .. شلتهن كلهن هنّه والصندوگ وأنطيتهن الهم ، بس الليّ لابستهن ما نزعتهن أخــذوهن ومشوا وصلوا باب الهــول الليّ أخذ الصندوگ مني انطاه لصاحبة وگالة
::- أخذهن وروح انــي الحكك
َ
- طلع صاحبة وانــي فتحت عيني على وسعها من طبك الباب وقفلها، رجفت كل ذرة بجسمي واحس راح اوكع من الخوف من أندار علــيَّ مبتسم بــحقارة ناوي على الشـر !!
- يتبــــع ..
التاسع من هنا
