رواية خيط وابرة الفصل السابع 7 بقلم شمس العراقية
رواية "خيط وأبرة"
بقلم الكاتبه شمس العراقية
الحلقه السابعه
29
نور ...
ـ نور صباح ياسين! طالبة خامس أعدادي أدبي ،أستحقاقي جان المفروض علمي بس أني هملت دراستي ونزل مستواي والسبب أني أعرفه وأمي دوم تعيريني وتكولي محد هجم حياتج غير نافع! وأني اشوف محد نور حياتي غير نافع هو الشيء الوحيد حلو بحياتي وأحبه وأعشقه حد الجنون بكل حالاته وتصرفاته الما يحبونها .
أحب شخصيته ، الكايرزما ، الأعصاب ، المزاج المتقلب والكلمه وحده ، طوله الحلو عضلاته نظرات عيونه الحاده ، لهجته المغرمه بيها ، ذوقه النادر والمميز أختفاءه المخيف ، شكله بملابس الدوام ويكفيني أني أحبه ولو أموت ما أصير لغيره ! هو حبيب طفولتي وحبيبي وفارس أحلامي .
10
باوعت على ساعتي باقي دقايق ويرن الجرس ونطلع للبيت ورن الجرس وطلعت أني وصديقاتي وأمشي أباوع منو منهم جاي وصديقتي مريم كالت
مريم ـ باعي زين لو هذا مو نافع ما أنتبهتي
نور ـ باوعت السياره بيضه عاليه أذن هذا غافر لان نافع سيارته سوده ، يا راح عن بالي نافع اليوم بالدوام . وتذكرت موبايلي نسيته يم المديره رجعت مستعجله اخذته وطلعت لان اذا نافع يرجع ياخذني ابقي موبايلي عنده
بس اذا غافر ابقي يم المديره لان أساساً ما يقبل أشيل موبايل وبس يحجي شوي متشدد عكس نافع لين وياي وما يرفضلي طلب بس هم بعض الامور يعصب عليه بس ميخالف .
8
من طلعت من الباب شفت سيارته صعدت هلاو
غافر ـ وعليكم السلام .
نور ـ شلونك
ـ زين وأنتِ ، ليش رجعتي للمدرسه مو طلعتي ويه صديقاتج؟
ـ ها نسيت موبايلي يم المديره رجعت أخذه
ـ والموبايل مو منعته وگلت ما تأخذينه وياج للمدرسه وحاجيت خالتي شو ما مهتمه
ـ هم رجعنا لسالفة الموبايل عفيه غافر ترى والله ما عندي بي شيء غير أخذ كم صوره بي .
2
ـ الصور بعد المدرسه محد يمنعج بس مو أثناء الدوام وبعدين ليش من نافع يوصلج تبقين موبايلج يمه ليكون موافق تشيلين الموبايل وياج؟
2
ـ ها لا ، وهسه تضل تحاسب لو نمشي ترة بس أحنه واكفين وأني ميته جوع .
ـ سالفة الموبايل اليوم أنهيها
ـ غافر لاتسويها قصه ومشكله ، ترى ما يحتاج تعصب
4
ـ لا يحتاج وبعدين هذا حجابج شيسموا لو موديل جديد
باوعتي على نفسج من طلعتي من البيت ، أظن أهلج دازينج تدرسين مو تستعرضيين بنفسج .
4
ـ ردت أنزل قفل الباب وضليت ساكته بس حيل أنزعجت منه أعرفه من خوفه وحرصه يحجي بس زودها هواي وراد حجه وأنفجر وبعد ما يسكت لان طول هالفتره هو ساكت ومتوقعه منه ينفجر بإي لحظه .
ـ تقربت ولف الشال على رأسي وخله ظفيرتي جوه صدريتي وغمض عيونه وتأفف ، ما منعته لان هالحركه دوم يسويها ويحجبني ، وشغل وطلعنا .
7
ـ أخذلي لفه لان أمي من طلعت كالت تطبخ باميا وأني ما أحبها .
ـ أخذج بيتنا طابخين دولمه تحبينها
ـ لا مشتهيه لفه ولبن حامض .
ـ يله أخذج مطعم نتغدى وأوصلج البيت بس خل أبلغ خالتي سميعه .
ـ أتصل عليها وبلغها وما مانعت طبعاً أبن أختها بس لو نافع جان گلبت الدنيا على رأسه ورأسي ولا مره وافقت اطلع وياه حده يوصلني بس ، وإذا اطلع وياه بالتختل عبالك حراميه وأهلي ما يقبلون عليه هم أمي وهم أمي رغم أبن خالي ابن اخوها مشعان وابن أخته لعمتي حربيه بس بسبب المشاكل البينهم وبين خوالي ...
2
"هذا الشيء مسببلي حرب نفسيه وخايفه من القادم وأني روحي ونفسي الأتنفسه نافع ومستعده أدخل حرب علمود لا أخسره وأخسر حبي اله ..."
2
وصلنا مطعم نزلت مزعوجه وهو طلب اليه أكل وكلشي من أحسنه ويباوعلي مالي نفس أباوعله ، أحبه كأخ بس اكره تصرفاته وتحكمه الزايد بيه حريص عليه ميخالف بس موهيج ! .
3
غافر ـ بعدج زعلانه مني .
نور ـ ما جاوبته
ـ أرضيج أرضيج ، يله عيني وصل الأكل ، وأني ازعلي مني ميخالف بس النعمه ما ينزعل عليها .
2
ـ قدملي وفتح البطل وأبتسم اخذته وأبتسمتله ما أكدر اضل زعلانه منه أحب حنيته بس يخربها مرات .
وصلتني رساله فتحتها وأبتسمت وأني اقراها
نافع ـ نورايتي حبيبي مشتاقلج حــيل
3
نور ـ وأني بعد مشتاقتلك ، تغديت لو بعدك
ـ لا بعدني أنتظرج تتغدين ، دزيلي شنو غداج لو تغديتي ونسيتي نافع الكاعد يفكر بيج شنو تترسين كرشج .
3
ـ لا جاي أتغدى لحظه اصورلك
ـ باع الخيانه باع ، من أنعل أهلج على هالنفس الدنيه ما صبرتي وشبسرعه وصلتي البيت غيرتي ملابسج لو كالعاده بملابس المدرسه وتأكلين .
1
ـ لحظه شبيك مستعجل .
ـ مشتاقلج ومشتاق لكلشي يخصج دزيلي اشوف وجهرتج هم دزيها .
2
ـ أخذت صور للأكل وغافر صافن عليه باوعتله شبيك
ـ الاكل برد
ـ لحظه بس اصور
ـ جيبي أني اصورلج وأنتِ أكلي
ـ لا أني أصور
ـ براحتج عيني
ـ تمام ، دزيتله نافع راح أخلي غافر يصورني لا أدز شيء
ـ ماشي وحسابج بعدين من ترجعين
ـ اوك ، انطيته موبايل ويصور بيه
ـ يله أكلي وعوفي الموبايل .
ـ بلشت أكل وهو أيد على حنجه يباوعلي نظراته مليانه حنيه أبتسملته وأنت ما تأكل .
1
ـ أكلي أنتِ أني شبعت .
1
ـ كملت أكل وطلعنا للبيت وبالسياره راسلني
ـ خلي يوديج بيت جدي ياسين مشتاقلج أرد أشوفج وعمتي اذا اجي عليكم تسويلي سالفه مالي خلگ أتعارك وياها
2
ـ وأذا ما قبل لان هو بكلشي يبلغ أمي حتى سالفة موبايل معارض عليه
2
ـ خما حجيتي وغثيتي أموتج نور
ـ لا شبيك
ـ عبالي ديري بالج تقللين من أحترامه هو حريص ويخاف عليج ، يله روحي كدامي
ـ أذا هاي عالعصر اروح احسن وأنت تتأخر
ـ مهم تجيين وأشوفج ، لا روحي بيتكم هسه نامي وارتاحي العصر روحي ورى العشه اجي اشوفج لما يخلص دوامي .
ـ شوكت يرجع دوامك صباحي
ـ هو هيج دوامي يا حبيبي ، غافر صباحي أني مسائي .
ـ ليش اليوم عكس
ـ تغير مناوبتنا لان صاحبنا مريض .
ـ يله راح نوصل ، عفت الموبايل وباوعتله غافر زعلان مني .
ـ لا عيني بس علمود الموبايل ولمصلحتج حجيت
ـ أعرف بيك تريد مصلحتي والله وأني ما مسويه شيء والموبايل بس ماخذته لضروره ومرات ناخذ صور قابل ما تعرفني
ـ يله ما صار شيء أنسي حجيت ، باجر عندج امتحان لا
ـ أي عندي عربي
ـ دزيلي علمود أسهلج واكولج المهمات
ـ تمام ، باي وسلملي على خاله
ـ يوصل .
ـ نزلت ولكيتت ماما تخابر وعصبيه قطعت الأتصال شكو ماما شبيج .
ـ جديتج وعماتج أكو غيرهن نوب عليه بنات قلق والله ما الفي بنيه عندي وجديتج مو عدها بيت يطارد بي الخيال ما تخليهن يمها ، شكو تجيبهن يمي .
ـ ليش وأمهن وينها
ـ مريضه يوميه لاويه ظهرها وتتنعوص على أبوج تعال وتعال وأبوج حاير بيها وأنتِ من بعدج بيت اهلج عندج ربو شگو كتلتي نفسج على الزواج ومتزوج ، كطعيه تكطعج أنتِ وبناتج والله بس يجييهن ابوج من الباب اطفهن وأنعل والديهن ما ضل عليه بس بنات قلق!
10
ـ لاتحركيين بإعصابج هسه يجي بابا وتفاهموا وياه وميثم وينه تغديتوا .
ـ أي تغدينا ، دزت عليه جديتج الله يكطع عمرها
غيري ملابسج وذبيهن بالغساله وتعاي اغسلي هالمواعين ما بيه اهلج ما خلوا عليه حيل
2
ـ تمام ماما ، كملتهن وتمددت راسلته ما موجود وللعصر ماما ما لكيتها يمكن يم خاله وكفت عالسريع ظفرت شعري وخليت حمره ورديه خفيفه وكحلت ورشيت عطر ولبست ولكيته مراسلني
نافع ـ وينج حبيبي
نور ـ راح اطلع من بيتنا حبيبي وطلعت بس ميثم يقرأ عبرته وصاح وراي .
ميثم ـ وين
نور ـ بيت جدي ياسين
ـ وشعندج رايحه
ـ شنو شعندي غير بيت جدي شبيك ميثم عفته وحسيته ما راضي هم كبر فدوه لعمره بس ابقى اني اكبر من عنده بـ ثمانيه سنوات .
3
وصلت وشفت بيبي وعماتي كاعدات وتهلي وترحب بيه وركضت حضنتها شاقيتلج بيبي
مهديه ـ يمه هلا يمه ، هلا بنويره فدوه لهل الطول الحلو يمه فدوه لوجهج ، وأني هم شتاگتيلج يبيبي
سحاب جيبي الها ماي فح صدرها من طريق
سحاب ـ تدلل نوره شلونج يعين عمتج .
نور ـ بخير زينه كلش وكعدت يمها وكل شوي تبوس بيه بيبي وعماتي وحتى عمامي وجدي كلهم يحبوني بس ما يحبون أمي واني بعد أحبهم ومالي دخل بالمشاكل البينهم وبين أمي حتى ما أتدخل .
4
مهديه ـ اليوم تبقين يمي وعشاج يمنا .
نور ـ أي بيبي أبقى وكمت ويه عماتي وسويت وياهن العشه وعيني عالساعه ورن موبايلي طلعت برى جاوبته بصوت ناصي هلا حبيبي .
نافع ـ تعالي ورى البيت ما أريد ادخل هسه وجديتي تجلب بيه وتكعدني يمها وبعد ما تخليني أكوم لان تخاف مني .
5
نور ـ ههه تمام هسه أجي
ـ لاتتأخرين أنتظرج .
ـ تمام وطلعت عطر ورشيت باوعت ماكو احد وعماتي بالمطبخ فتحت الباب الخارجي وطلعت توني أريد أمشي وحضني وردت اعيط خله أيده على شفايفي .
3
نافع ـ اني نافع نافع
ـ مـا عبالي أنت ، گبل حضنته وبادلني الحضن بحنيه نفس كل مره ومسح على شعري وشم ظفيرتي حيل
5
ـ اجيتي هيج لو لبستي شالج
ـ نسيت البسه طلعت مستعجله خفت توصل قبلي
ـ مره الثانيه ما تنسين لاتخليني ازعل منج ، ظفيرتج تجيب التايه ، وهاي ممتلكاتي ما أحب أحد يشوفها غيري .
5
ـ تمام دنگت خجلانه منه ومن القرب البينا وأنفاسه قريبه مني كلش ، تقرب أكثر وحجه بصوت ناصي
ـ مشتاقلج نورايتي .
1
ـ وجه بوجهي وخشمه طخ بخشمي وعيونه عليه صافت بيه ويحفظ كل تفاصيلي مثلما أني احفظ ملامحه الحلوة ، مسح على خدودي وباسهن بعمق من الخدين وضربني بخشمي وصفنت بعيونه وحضنته من خده وصفنت بعيونه ، شگد تحبني
5
ـ حبج ماله حدج أبداً ماله حد ، نابع ومتجذر بروحي وأبد لاتسألين عن حبج لان ما تحصلين جواب بس أحبج وخلاص وحيل احبج لو اكو كلمه ثانيه جان شرحتلج عن حبي الج .
3
ـ وأني بعد
ـ بعد شنو
ـ أحبك هواي كلش هواي
ـ من اروحلج فدوه أنتِ وحبج
ـ تقرب شهك أنفاسي ومسح على شفايفي ولأول مره يتجرئ بالعاده بس من خدي يبوسني ، واستمر والوقت يمشي لكيته يبوسني من رقبتي وأني مستسلمه اله ما منعته لان أحبه ما يهمني كلشي بس هو ووجوده وحبنا ...
5
ـ شلون أمنع نفسي منج شلون بس تخلصين أمتحانات أتقدملج ما بيها مجال ما أصبر بعد اريدج يمي
1
ـ لا حباب بس اكمل السادس وأتخرج مو هيج اتفقنا
ـ يا أتفاق نور أني صارلي عمر أنتظرج يوم يوم تكبرين اقيس طولج بالملم علمود توصلين لعمر قابل لزواج
وتكولين اصبر ، بس اروح القريه احاجي حبوبه
2
ـ وأذا رفضوا الا أكمل دراسه
ـ تكملين يمي هاي أذا خليتج تدرسين
1
ـ وشسوي بالدارسه يكفي أنت موجود ما اريد من الدنيا بس حبك
5
ـ هيج تحبيني نور
ـ وأكثر أنت روح... قبل لا اكمل قاطعني وباسني ومر الوقت وفزينا وأنرعبنا إثنينا على صوت!
لينا ـ نـــور! شتسسسوين .
5
نور ـ أبتعدت ونافع أبتعد يفرك بوجهه متوتر ويعدل بقميصه واني موقفي خايس ما عرفت شحجي وهي تباوعلنا بنظرات استحقار وتريد نافع يباوعلها وجان يندار عليها وحاجاها بعصبيه
3
نافع ـ وأنتِ شجابج لهنا
3
لينا ـ اجيت أشوف الفيلم الجاي تسوي بنتك خالك وعمتك يالناقص غيره وشرف
13
نافع ـ لينا سكتتتتي لا أموتج
3
نور ـ راد يضربها ومنعته نافع عوفها لاتسويلنا مشكله وننفضح ، الله يخليك أهدا وروح منا قبل لا أحد يجي
5
لينا ـ لا خلي يضربني اذا هو رجال خل يضربني اذا ما فضحته وخليتك علج اني مو بنت قلق
3
نافع ـ لينا أمشي منا لا أجنزج ومحمد
2
لينا ـ هاي عود أنتِ الواعي والاكبر منها خوش مختلي بيها ورى البيت ، هيج تسوي بعرضك وشرفك وبالامانه الامنتك بيها عمتك ، طاح حظ الوكت الخله امثالك يصيرون زلم وينحسبون عالزلم ولك عرضك شرفك هاي شلون أنطاك گلبك:
لو شفتها فطيره ومراهقه كلت اضحك عليها .
12
نور ـ دفعتني وركضت ونافع يفرك بوجهه شسوينا راح ننفضح خرب شون سالفه وكعت على رأسي سوده بوجهي راح أموت .
1
نافع ـ روحي وراها لحكيها وخلي تصم حلكها لا اقضي عليها ومحمد أموتها ، گلشي ولا تأذيج اني ما خايف من أحد بس من الله وهسه اطلع أحجي كلشي واحبج وأريدج بس اذا طلعت هسه وحجيت الوصها بكراع جلب واخذج وياي للقريه بدون لا بدله ولا زفه وتكب المشاكل بين أهلج وأهلي ودهر كامل ما تفك طلابيهم .
6
ـ تمام تمام لينا عليه بس أنت لا عليك بيها عوفها هاي لسانها فضاحه ، يله اروح اني مشيت ومنعني وحضني نافع مو وكته ، راح تنلاص عليه عوفني
ـ اريد أطمنج لا أكثر ما أريد تخافين من أحد ماطول أنب عايش اني أمانج، وحبج ومستحيل أتخلى عنج وعن حبج لومو مشاكل بين اهلنا اخذج أخذج وأنتِ أليه ما تصيرين لغيري لو أعرف رگبتي تطير .
2
ـ اسم الله عليك حبيبي ، لازم اروح عفته وركضت ورى لينا وشافتني بيبي مهديه ضلت تباوعلي بنظرات شك خفت لتكون حاجيتلها معقوله تسويها
مهديه ـ شدورين مضيعتلج ضايعه
نور ـ ها لا ادور على لينا شفتيها .
مهديه ـ راحت ورى ابوج تريد تضل يمكم بس أمج الله يسلمها ما تقبل تبقيهن يمها وهنا امهن مريضه نايمه بالمستشفى
نور ـ تمام ركضت وراها خفت تحجي لبابا وصلت شفتها واكفه يم الباب وتباوع لشارع ، لينا
لينا ـ خير ، ها شبعتي بوس ومحاضن ورى البيت!
4
نور ـ نصي صوتج وأمشي نحجي حبابه الله عليج لاتصيرين حقيره وأني اختج معقوله ترديني أتاذى
1
ـ بشنو نحجي ليش الوضع السخيف الشفته ينحجي بي بعد وأمشي روحي كولي لـ الخاتل ورى البيت خل يطلع منا لا اطلعه بفضيحه والله وجان على عمره استحى النكس .
9
ـ كافي عاد ما أسمحلج تتجاوزين عليه ، جريتها من أيدها أمشي نحجي
ـ ما أحجي ويه امثالج الحجي ويه أبويه وأمج خل تجي وتشوف بنتها شمبدعه هي وأبن أخوها الشريف
شلون ترخصين روحج ولح الوضع الشفتج بي كرهتج وكرهت نفسي وكل الزلم .
2
ـ غضب الله على يومج نصي صوتج فدواتج أمشي وطلع نافع باوعلها وباوع الباب وتقرب عليها وهي أبتعدت لان شكله يخوف نافع عوفها اني أتفاهم وياها
عوفها لاتتدخل أني أختها واحاجيها ما أهتملي وكف يحاجيها .
نافع ـ شوفي ولج كلمة زايده ناقصه على نور كبل أحفرلج گبر واطمج بي ، ما عندي شيء أخسره بس نور وأذا خسرتها بسببج أهل أهل أهلج أصمطهم واكطعج وصل واذب لحمج لجلاب السود ، اثرمج ثرم ديري بالج تتندكين بيه وبحبي لنور ، خليج بعيده يحلوه لا اشوهلج معالم وجهج .
16
نور ـ يحجي بعصبيه وشاد أعصابه وملامحه نكلبت من نافع لشخص شرير! هذا الجانب ما شايفته بنافع!
لينا ـ والله اليحب صدك ما يسوي سوايتك لان محسوبه عليك عرضك وشرفك هاي والشافته عيني محد يقبله على نفسه علمود أقبله على أختي الجبيره وأضل ساكته وأنت تضحك عليها .
7
نافع ـ منو يضحك عليها بابا طلعي خشمج مني ومنها وما دخلج والله تتأذين ،أطيح حظ حظج لينا لاتخلين رأسج برأسي .
5
ـ والله يا أبن عمتي ما أخلي رأسي براسك لان ما يشرفني واحد مثلك ناقص غيره على عرضه وشرفه
وأذا أنت تقبلها على وحده من أخواتك بنفس الموقف الشفتكم بي أني اقبلها وابلع لساني وموس وأسگت
9
نور ـ راد يضربها ومنعته صرت بصدره ، لينا الله يخليج ستري عليه
3
لينا ـ اطيح حظه اليفضحج اني كلامي مو وياج كلامي ويه هذا المسوي روحه شريف ، بس اكولها الك بلكي تحس على روحك شجاي تسسوي بأختي الفطيره تقبل أختك صفا أبن عمي قادر يلعب عليها ورى البيت تقبلها على نفسك تقبلها .
11
نور ـ دفعني وتقرب ضربها گله على خشمها بكل قوته باوعتلها لازمت خشمها تبجي والدم يرش عليها خشمها ينزف ، نافع ليش هيج سويت منو گلك تضربها عصبت وضجت منه وصحت بي ورجعت عليها مقهوره وخشمها ينزف خرب نافع شسويت بيها .
15
لينا ـ نكس حقير تضربني لان الحجايه مستك مست عرضك لو عندك عرض وشرف ما تسوي سوايتك الناقصه ويه بنت خالك وعمتك مأمنين بيك ومدخلينك بيتهم ومأكليين سم وياك وأنت الناقص غيره تلعب على بنتهم ومستغلها استغلال علمود ترضي رغبتك الساقط النكس .
13
نافع ـ سگتييها لا أرجع اخلص عليها ومحمد اجنزها نور سكتييي أختج لا يصير ما يعجب الكل والله أسكطها
4
نور ـ لازمتهة واسكت بلحكها وهي تحجي عليه وصحت الله يخليك روح منا راح ننفضح هسه تطلع بيبي شيخلصني من اسئلتها لخاطري روح .
نافع ـ ادبسزز
4
لينا ـ ماكو ادبسزز غيرك يالشريف
9
نور ـ دفعته أمشي روح عاد وسحبتها لمغاسل وهو طلع ودفعتني وكفت تغسل وطلعت عمتي تباوع وتسأل وشافت لينا وكامت تحجي عليها!
نوريه ـ شعندج تفتليين بالشر ، تعاركتن مو شگو شبيجن وليش خشمج يطك دم منو ضربج
لينا ـ اني وياها تعاركنا شكو قابل أخوات ما نتعارك
نور ـ تحجي وحاطه ايدي على كلبي لاتحجي شيء لعمتي
نوريه ـ ما وراجن بس الطلايب وابوج وين راح وعافج يمنا ما جان تمشين وياه لو يخاف من سميعه جابج وذبج علينا أمشي لحكي وروحي وياه للبيت وغصباً عليها وعلى خشمها البيت بيت أبوج والله وكت سميعه صارت حال وأحوال وبيت وما تخليجن تلفن بيت ابوجن
لينا ـ لا خلف الله لا عليكم ولا على بيت أبوي وامي عايشه وبيتنا موجود الله لايعوزنا لأحد بس راح يجيب أمي ولبنى من المستشفى ويمر يأخذني .
2
نور ـ عمتي ما حاجتها دخلت تدردم وتحجي هي وبيبي ولينا لازمه خشمها وتحاول تكطع الدم واني ساكته اريد أحاجيها وأخاف منها تكب بيه ، لينا الله عليج أهدي وخل نحجي والله أنتِ فهمتي الموضوع غلط مو مثل ما شفتي اني وياه واحد يحب الثاني وهو واعدني بالزواج
ضحكت وجاوبتني .
لينا ـ هو المفروض أنتِ تنصيحنا لأن أنتِ أكبر من عدنا أختنا الجبيره يبعدي .
4
ـ لينا كافي تجاوزتي حدودج
ـ أتجاوز حدودي وياج لان لصالحج ولا أتجاوز حدود تربيتي وأنزل رأس أهلي وأخيب ظن أمي وأبويه بيه وتعبهم عليه بسوالف مكسره ورى البيت بحجه أحبج وتحبيني ماكو حب بهل الطريقه غلطانه ولا اكو حب ينتهي بزواج بهل السوالف التعبانه ، الترخص نفسها عمرها ما تغلى
جان مفروض تخلين اله حدود يحترمج ويحترم نفسه وما يتجاوزها بس شيشوف كدامه ما أنتِ منطيته الاشاره الخضره ، أنتِ مرخصه روحج وهو مرخصج أكثر
5
ـ ضربتها ولزمتها من شعرها رجعت ضربتني وخنتكني
1
ـ أيدج أكسرها اذا تمدينها عليه أني محد يضربني وروحي ضربي روحج وادبيها اني لو عندي صلافتج وسوالفج أروح احفر حفره وأطم روحي بس امثالج ما يخافن لان لو يخافن جان خافن على سمعة أهلهن يا ادبسزز وسوالفج أنتِ ونافع اني الج عليها .
3
نوريه ـ عوفيها جعل أيدج الكسر يمه لحكيلي راح تموتها يمه نور يمه بنيتي ، تنكسر أيدج بغل أنتِ .
3
نور ـ خلصتني عمتي منها وهي طلعت وگفت يم الباب تتنظر أبوي وبيبي وعمتي يحجن أني بالي يمها لاتحجي شيء عن الشافته ، رجعت لكيته كومه داز رسائل .
2
نافع ـ وينج ليكون لحد الان ملاحكتها وتتوسلين بيها لاتكبرين رأسها فد جلبه هي .
3
نور ـ خايفه منها
ـ ختولي أني أحاجيها عوفيها عليه
ـ ليش ضربتها خليت خشمها ينزف هاي حقده ما تنساها الك والله
2
ـ تستاهل هذا اليحشر خشمه بشيء ميخصه
تحضري اخذج عمتي خابرتني متخبله وكاعده شنو طالعه وما گايله الها
ـ اليوم كتلي عمل شعبي اي طلعت لان ما تقبل وهي جانت يم خاله ماكو بس ميثم .
ـ لا ما تكتلج أخذت منها الأمان كتلها ما اجيبها الج الا أمن عليها هددتها اخذج للقريه وسگتت .
ـ خرب تريد تجلطها
ـ ما اسمح أحد يأذيج لـو جانت أمج ، يله هسه راح أجي
وها اخذي شال من خالتي سحاب ولبسي
ـ رحت اخذت شال من عمتي ورحت المغاسل خليت حمره خفيفه عدلت شفايفي ورتبت شعري وطلعت يله بيبي أني اروح بيتنا
2
مهديه ـ وين بيبي ضلي عالعشه بعد وگت من هسه تمشين
ـ أمي خابرتني تأخرت عليها وهي لوحدها بس ميثم يمها
ـ لا والله أمج لو يوكع بإيدها تكطع رجلج من عدنا بس أنتِ حنينه مثل أبوج همزين ما طلعتي مثل أمج جان شوفتج صارت حلم علينا روحي بيبي والخميس تعالي اخذج السوك أسويلج كلاده ذهب .
ـ أن شاء الله بيبي تقربت بستها وحضتني وتبوس بيه
ـ فدوه لهل البوسه الطيبه ترد الروح نياله صاحب البخت التصيرين من نصيبه ، الله يسعدج ويهينج يبيبي .
ـ شگد احبج من تدعيلي ، بست ايديها وطلعت لكيته واكف وجگارته بإيده وكاعد الكصه ويباوع عالرايح والجاي وينافخ بالدخان يعارك بروحه ضليت اتأمل تفاصيله وحركاته ، رفع حاجبه وصفن عليه وأجه يتقدم بخطوات ثكيله .
1
ـ وين صافن الحلو
ـ نمشي
ـ جاوبي وبعدها نمشي ووجهج هذا لاتبسلينه بالمكلوبي .
ـ تمام بس خل نمشي هسه امي صايره نار عليه
وصلني البيت ووين تروح
ـ على غافر ينتظرني نطلع لكوفي .
ـ تمام حبيبي .
ـ يله فوتي البيت
ـ قبل لا ادخل البيت اجه غافر بالسياره دك هورن وشافني وصفن عليه ونافع صعد واشرلي ادخل
أنتوا تتونسون وأني محبوسه بالبيت
نافع ـ والخيانه مالت الظهر عبالج ناسيها .
نور ـ ضحكت وضحكوا وياي ودخلت البيت ودعيت ربي ما أنحرم منهم عشت طفولتي وربيت وياهم غافر شايفته أخويه الجبير حتى نافع شايفه أخو لان غافر اكبر من نافع بسنتين ، بس نافع ما أكدر اشوفه غير حبيبي شگد امي تمعني منه وتحاول مستحيل اتخلى عنه وعن حبه .
سميعه ـ شبعتي تخامه ودياحه ، شعندج من بيت لبيت .
نور ـ شكو ماما وين رايحه قابل ترى جنت بيت جدي
رحت اشوف بيبي
ـ من لا الج البيبي ان شاءالله ، اضيعج الكاج يم مهديه ام السحوره ليل نهار فاكه أيديها وتدعي على أمج وأنت مكابلتها وكاعده .
ـ الله أكبر ترى رحت أشوفها وشعليه بمشاكلج أنتِ وياها أني مالي ذنب وبيبي تحبني وأحبها .
ـ حبتج حيه من بين عيونج على هالصلافه الشايلتها طالعه على عماتج صلفه وبعدين شمديج الها مو عفتج بالبيت شون تطلعين وما تكولين اليه لو إستجليتي علينا وطلعت عينج بدلال أبوج وخبلج وبكيفج على حل شعرج تطلعين وتطبين محد يكولج على عينج حاجب .
ـ يمه هسه شتردين مني
ـ ما تولين الها ورجلج اكسرها أذا وصلتي هذاك الصوب بيت جدج ياسين ولا بيت عمج محمود ولا بيت خالج مشعان .
"والله اكطم رجليج واكعدج حتى من الدراسه أبطلج اذا تضلين مسربه عليهم ، طلعتي روحي أمشي واوصي بيج من بعدج طفله وأنتِ ولا عبالك احجي تضربين حجايتي عرض الحايط وتمشين رأسج كوي ، عرمه مثل عماتج .
ـ وين أولي شو لا أخت عندي وياي بالبيت وميثم مكابل كتابه واصدقائه والله ما يصير حرام عليج ماما
ـ حرمتج لشتج ، شكوو موليه الهم من حنتهم ششفت منهم بس القهر العمر كظه وهما يطبلون وراي ويحجون عليه وتجين أنتِ ولا كأنما أني أمج گلبج ما يوجعج عليه واكو بيت خالتج ولي يمها
ـ يمه اليسمعج يكول بيت خالتي مليان شو هي بطرك غافر وبعدين شلون بيت خالتي تقبلين اروح وغافر زلمه وبيت خالي مشعان ما تقبلين!شهل التناقض العندج يا ماما .
ـ لان غافر مو مثل نافع
2
ـ وشبي نافع
ـ غافر يخاف عليج ، نافع مسربت ومراهق ما يخاف عليج ، تعلميني بي أبو الفواين والدرابين يا مكان اروحله يطلع من دروبه وماكو وحده ما مركصها على أصابعه مأخذ حيفه من الدنيا ابو المكسرات .
6
ـ وشمدريج بي شنو حاطه مراقب وراه وتعرفين كل سوالفه بس كولي لنفسج أنتِ تكرهينه وتريدين تكرهيني بي وتتبلين عليه بسوالف ماله صحه من الوجود
ـ أهاا طلعتيني أتبلى عليه ولج نويره
ـ اي تتبلين عليه ونافع حاله من حال غافر لاتسوين أبن اختج نبي وابن أخوج ساقط حرام عليج وخالي مشعان يحبج بس أنتِ متحبين أحد بس تحبين نفسج .
2
تقربت ضربتني كف وجرتني من ظفيرتي حيل وضربت راسي على الكاونتر وصاحت بيه بعصبيه
ـ ولج نويره اقضي على حياتج من يمت كبرتي وصار عندج للسان وتحاجيين أمج بهل الأسلوب والنبره لو هذا نافع يعلمج شلون تلاسنين وتحجين اي هو ليش اكو غيره اربع وعشرين ساعه مخليه عينج بهل المهجوم وهو تربيه عطايات شيطلع اكيد مسربت هي جديتج بس خراب بخراب حتى على خلفتي ما سلمت عليها منها..
تريد تكسر ظهري بيج بس اني كاعدتلها وهذا المهجوم أخذه واشوف شلون تحاجينه ، اذا ما كعدتلج گلب وربيتج من جديد اني مو سميعه بنت حبيب اصبريلي يا نور .
3
ـ وموبايلي شله دخل يا ماما ، الله يخليج لاتأخذينه والله ما احجي وياه بس عوفيلي موبايلي أراسل صديقاتي ، حبابه ماما أني اسفه وراسج ابوسه دفعتني واخذته
ـ أمشي من وجهي لا احطج واكتلج هسه افرغ قهر السنين كله بيج بس عطايات لا راحت لا اجت ما وراج بس الطلايب ، نوب عليه نافع اني سوالف مهديه وعماتج مكرعه رأسي ، اذا ما كطمت رجله من البيت واخلي شوفتج حصره عليه .
ـ توسلت بيها ما أقتنعت ودخلت غرفتي ضليت ابجي وسمعت صوت سياره يمكن اجو ، توني ردت اطلع ركضت قفلت الباب عليه ماما لاتقفلينه لاهيج تسوين ماما الله يخليج فتحيلي ماما ...
ما فتحته وسمعت صوته تعارك هو وياها
نافع ـ صدك جذب عمه على شنو ليش هو شگو
1
سميعه ـ أمشي اطلع من بيتي ما وراك بس الطلايب وضربت بنتي من وراك .
ـ ليش تضريينها ليش على شنو ضربتيها ووينها وينها نــــــــور وينج نــــــــور
ـ وخر منا أمشي أطلع من بيتي .
ـ من أنعل أبوج لابو بيتج وياج زين لا
14
ـ تربيه عطايات شتطلع .
ـ أستغفر الله وأتوب اليه ، عمه وخري من وجهي لا اسوي شيء ما يعجبج ولل يعجبني قسم بالله احرك البيت عليج اذا اسمعج ماده أيدج عليها لو مو أمها گلشي ولا نــــــــور ديري بالج عمه ديري بالج
ـ نافع تتجفى الشيطان وأمشي اطلع لا والله هسه اخابر خالك وأخلي هو يتصرف وياك ، امشي دام السالفة بس عندي اذا وصلت خالك تصير موزينه الوصها عليك بكراع جلب ينافع
ـ سهله عمه سهله أمشي بس أرجعلج بعدين .
نور ـ أختفى صوته وشوي وسمعت صوت غافر وأمي تغيرت ١٨٠ درجه ليش يا أمي شنو ذنبه شمسويلج نافع
2
سميعه ـ هلا يمه غافر
غافر ـ خاله شگو صوتكم واصل للباب طبگت السياره وهو نزل گالي يجيبلها عشه لان اخذنالها عشه ويانا وصوتكم واصل لعندي خير شصاير ونافع شبي طلع مزعوج .
سميعه ـ ماكو شيء يمه أني وياه هو خبل طباكات ما تعرفه قابل ، باجر الصبح يجي ونتراضى فوت يمه أصبلك عشه
غافر ـ لا خاله تعشيت اني ونافع وهذا عشه نور بس وينها شو ماكو .
سميعه ـ نامت
ـ نوم العوافي وتعشت
ـ اي تعشت
نور ـ اكلت سم يا عشه غير لو تدري بسوالف أمي يا غافر حتى أنت ما ترضى على تصرفاتها صح ما عندك علم بعلاقتنا بس لو صار عندك علم ما ترضى بعمل أمي ما يرضي لا الله ولا عباده .
6
فتحت عليه الباب وباوعتلي صديت وجهي عنها مقهوره منها حيل ، گلبي يوجعني على نافع لان دومها قاسيه وياه وما تحترمه مثل غافر وشالعه گلبه كلما تشوفه تغثه وتسمعه حجي ما يوم اجه وشافني اذا ما سممته بكلامها وتطلع عليه سوالف على كولة بيبي ما ينلبس عليها ثوب وهو والله ماله ذنب ويحبني وأني أموت عليه مو بس احبه
1
سميعه ـ مقهوره على سليمه
نور ـ ليش سليمه شمسويلج لو بس لان جديته عطايات .
ـ لا مو هيج وكلشي اسوي لصالحج يلثوله علمودج ما أريدج تتعلقين بي ولا أريدج تختلطين بهذاك الصوب لا بيت خالج ولا خوالج لا من بعيد ولا من قريب اني شفت منهم الضيم أنتِ ششتشوفين ولا ترفعين ركبتج تنكسر لو تلوحين السما البالج ما يصيير .
ـ عافتني نوب شبعت قهر كلامها سهم بنص گلبي حاولت وياها عالموبايل قافله ميفيد وياها وبابا مختفي من المحل كبل بيته الثاني وأمي مستغله غيابه وبس ادقق وراي من هو موجود ما تكدر تحاجيني وينك بابا
__________________
لبنى ـ لبنى قلق مو لبنى صباح ، صباح جان بس بالجنسيه وجوده وعدم وجوده واحد! ، من وعيت لدنيا هو زوج وأب تمثال وصوره كدام المجتمع لا أكثر يجي علينا اسقاط فرض ولا يوم شفت منه حنيه تجاه أمي بكلمه حب أو ذكرها بشيء ، دومه عايش حياته يم زوجته الأولى وهي الرقم الأول وأمي مالها وجود ..
5
عاشت عمرها بس علمود تسعدنا بس من تقاعدت تعبت صحتها بالنازل وأني كلشي ولا أمي نفسي الاتنفسه هي أمي تحبنا بالتساوي وما مقصره ويانا بشيء ويكفيني من الدنيا وجودها وين ما اروح بنات الست قلق أدب وأخلاق ، ياربي سيرتها شكد طيبه أمي مسالمه وفقيره حيل نمله ما تأذي ...
2
بالمستشفى ولازمه إيديها واباوعلها وأدعي ربي يحفظها النا كلما تتخربط أموت الف موته ، كلشي ولا أمي هي مريضة ربو وصار سنه هواي تختنك ما خليت ما وديتها اني وياها ، بابا يجي يلكانا رايحين وراجعين حتى سؤاله عنها بارد مو بأهتمام بس أمي من النوع ما تسأله ولا تعاتبه لان دومها تكول اني ظلمت نفسي بنفسي هو ماله دخل هو ضحية أهله وجديتي مهديه .
1
قلق ـ أختج وين ليش موياج
لبنى ـ راحت ويه بابا على بيت جدي گال يبقيها يمها
ـ جان بقيتها يمج أختج للسان ما تتعاشر لا نوب تسويلنا مشاكل ، خابري على أبوج خل يجيبها وياه .
1
ـ ودخل علينا سلم هلا بابا لينا وين ضلت بيت جدي
صباح ـ اي عفتها يمهم وأنتِ اذا تعبتي ادز على عمج يجي يأخذج وأني أبقى يم أمج .
ـ لا بابا ما يحتاج أريد أبقى يمها ما أعوفها لازمت أيدها وبستها أضل يمج ، مسحت على رأسي وضليت لليل طلعونه الحمدلله أستقرت حالتها وصلنا البيت وراح
ـ أبوج راح
ـ أي ماما
ـ يجوز راح يجيب أختج لان أني كتله جيبها
ـ أي ماما أرتاحي لما أكوم اسوي عشه
ـ أكو مسواك واليوم ما تسوكت الجن
ـ هل الموجود واذا ماكو اروح الاسواق لاتشيلين هم
ـ أكو وصفه مال علاج من يجي ابوج خل هو يجيبها نسيت اكوله
ـ تمام ماما ، رحت المطبخ ودخلت لينا مزعوجه شبيج ومنو جابج وخشمج شبي .
لينا ـ ماكو شيء أمي شلونها شلون صارت
لبنى ـ لا الحمدلله زينه ما گلتي منو جابج .
ـ بابا هسه يجي جاي يخابر .
ـ شمرت جنطتها شيليها اضل أرتب وراج ورحي ابقي يم أمي وجيبلي وصفة العلاج انطيها لبابا يجيبها
جابتها ودخل علينا بابا الوصفه مال العلاج .
ـ شلون صارت أمج
ـ الحمدلله زينه هسه اجيبلك الوصفه جبتها وأخذها وراح حتى ما دخل سلم على أمي ، رجعت اسوي العشه وأجتي لينا فتحت الثلاجه
ـ أكولج جوعانه شطابخه عشه
ـ ليش ما تغشيتي بيت جدي
ـ لا أكلهم مو طيب مثل نفسهن ، مخلصين مسواك
ـ ندبر حالنا اليوم وباجر نتسوك
ـ ليش مـا وصيتي بابا شنو شغله
ـ ليش هو ما يجيب الا أحنه نوصي ما يحتاج .
ـ هم صدك أروح يمها تضوج وأنت جيبي العشه وتعالي .
ـ تمام بس تعالي أحجيلي ويامن متعاركه
ـ محد
ـ لا بيج شيء مو خاليه!
ـ لا شگو قابل بيا حال أعارك كافي عليه قهر أمي وسوالف سميعه الحقيره سمعتي أخر الأخبار
ـ لا أخبار شنو ، مـا سمعت شيء الحمدلله والشكر فاصله الفيشه من هذاك الصوب مالي دخل بأهل أبوي لا من بعيد ولا من قريب الله يبعدنا احسن شيء .
ـ لا ولج عامله العمايل بصوتها العالي لان بابا كايل الها أبقي يمج لبنى ولينا ويودي أمي لكركوك على دكتور ذاكرينه اله تعالي سمعي وشوفي شمسويه ، شگد حقيره عبالك صباح طابو مسجل بإسمها واحنه بنات البطه السوده .
ـ شلنا دخل وأمي أذا يوديها نروح وياها بالنسبه اليه ما اروح يم أحد ورجلي على رجلها ولا هي تگدر تفاركنا وأنتِ مو مال نبقيج تتعاركين وياهن خلينا بعيدين ولا نتقرب ونختلط بيهم .
ـ والله من أقارب أهل بابا طلعي منهم بس بنات عمتي حربيه زينب وصفا وزهور يعني نص ونص مره حقيره مره حبابه .
ـ شلنا بيهم ، روحي يم أمي ، رجعت أكمل العشه وأندك الباب خير منو جايينا بهل الليل معقوله واحد من عمامي منين نزلت المحنه ، لبست شالي فتحت الباب وباوعلي
نافع ـ خالي صباح موجود
ـ لا والله طلع يجيب علاج لأمي منو أنتَ؟
ـ نافع ، وشوكت يجي
ـ ما أعرف بس العفو من يجي شگوله نافع ابن منو؟
ـ أبن عمتج حربيه يالثوله شنو ما شايفتني .
2
ـ حجه ومشه وكف يم سيارته يشرب جكاره وينفض دخان مزعوج ويرجع يباوع على رأس الفرع شكله يضل ينتظر أبويه
هو أنتوا شايفينا علمود احنه نشوفكم ونعرفكم عمتي حربيه بس بالمناسبات نشوفها منشوف خلفتها ولينا صادقت صفا اخته بالجديد بس أني الاعرفه عمتي عدها نافع بس ما مركزه على شكله ما عبالي عدها هيج ولد غثه
5
رجعت ولينا صارت بوجهي
لينا ـ منو دك الباب
لبنى ـ نافع ابن عمتي حربيه
ـ شجابه هذا الساقط منو دله طريق بيتنا
1
ـ شمدريني أني هم تفأجئت بي
ـ أي وشگلتي اله ما عرفتي منه شيريد جاي علينا
ـ لا بس يسأل على أبويه ، عافتني ومشت للباب لينا عيب وين موليه هسه شيگول علينا
ما سمعتني ولحكتها شفتها وكفت تحجي وياه وهو يباوعلها بتركيز ضوء الباب صاير على عيونه ويهز يرأسه مستمع وتفل بعصبيه وذب جكارته وجفص عليها قوي وطلع الثانيه ويدخن سريع .
"لاحظت على ملابسه لابس زي لونه كحلي ما اعرف زي مال شنو أعتقد حكومي بس يا وزارة! .
17
رجعت على صوت أمي
قلق ـ لبنى لينا وينجن ماما .
لبنى ـ أجييت ماما ، رجعتلها لكيتها كاعده انطيتها البخاخ سألتني على لينا ما كتلها نافع اجه لان السالفة مو خاليه گلبي لعب من جيته مو بالعاده يجيينا ...
ودخلت لينا سحبتها وطلعتها شحجيتوا وشيريد جاي
1
لينا ـ هيج يسأل على أبويه وكعد يسألني على أمي
لبنى ـ ها بس هيج
ـ أي بس هيج
ـ متأكده
ـ لبنى مو بالعاده هلكد تلحين شبيج لو نعجبتي بي تردين تعرفين عنه
ـ لا كبر يا أعجاب بس اسأل
ـ عبالي وديري بالج تنعجبين بي لان هذا مو من مستواج واحد مسقط وزايعته الكاع ، انطيج السيره الذاتيه مالته سرسري ويموت عالنسوان حتى العجايز ملاحكهن .
8
ـ صدك تحجين
ـ اي والله شبيج ، يله وين صار عشاج عوفيلي هالاسئله هاي أنفتكتي عليه وأنت السكوتيه شجاج صرتي فضوليه .
ـ رجعت صبيت العشه وتعشينا وأبويه جاب العلاج وشاف أمي كفالة وجه ودك موبايله وطلع بالحوش يخابر
صباح ـ أيدج أذا ما كسرتها على سوايتج هاي شلون تضربينها ، أجي أجي ويصير خير
لبنى ـ وراح وعافنا بس لاحظت عليه مزعوج حيــل ولينا تضحك
ـ كبت العيطه بيت بنت عطايات اللهم لا شماته .
ـ يا عيطه بس لا سويتي مشاكل بينهم اني شحجيت ونبهت مو گتلج ما عليج بيها شعلينا بالمره هي بيتها وأحنه بيتنا ، لو ما تعرفين تكعدين الا عركه ، أخ منج لينا يعني أحنه كاطعيين رجلنا منهم من ورى مشاكلهم ومتجفين الشر تجين أنتِ تدخلينا يمشاكلهم كوه والله جية نافع عرفتها مو خاليه أمشي أحجيلي شمسويه من مصيبه .
ـ ما مسويه شيء والله ، بس سميعه متعاركه هي بنتها هاي كل السالفه
ـ وعلى شنو متعاركه
ـ شمدريني أم وبنتها شلنا دخل .
ـ كومي غسلي المواعين ورجلج أكسرها أذا وصلتي لهناك لا صفا ولا غير صفا ، أمي مريضه مالها خلك لمشاكل خلي الله ساتر علينا .
گامت وما لحيت عليها بعد هي ما تضم عليه لو صاير شيء جان حجتلي ومرت ايام وأبويه ما أجه علينا وأمي الحمدلله أستقر وضعها بس لازم تروح الكركوك وعدها يوديها بس شو ما بين وخالتي وجديتي يمنا احنه نروح المدرسه ما نكدر نبقيها لوحدها عاد بيت خوالي قريبين علينا خالاتي بجن مرات وجديتي هم .
رجعنا من المدرسه وتغدينا وجديتي نايمه كعدت يمها ماما خابري خل يجي يوديج لكركوك
قلق ـ لا ما يحتاج وأني زينه هو هم عنده عائله خوما يضل بس مكابلنا تصيرله مشاكل، جهزي نفسج العصر نروح السوك اخذلجن نواقصجن ومسواك للبيت .
لبنى ـ ليش ما خالتي تروح ويانا وأنتِ كعدي أرتاحي لو شفتي نفسج زينه الا تگومين والله أخاف عليج عوفي السوك هسه ماما .
قلق ـ خالج ما يقبل وأني زينه أروح وياجن لايضل بالجن عليه زينه الحمدلله .
لبنى ـ ما أدري ليش گلبي قبضني لليل كعدنا ناكل ونسولف وهي صافنه علينا واجه أبويه كعد شوي ويانا وراحوا الغرفه مدري شنو حجوا وگبت العيطه بينهم وطلع عصبي وحجت وراه .
قلق ـ صباح لاتمشي والله حاجيتك علمود البنات هم من حقهن يشوفن أبوهن ليش حارمهن منك طول وقتك بهذاك البيت .
1
صباح ـ شتردين أكعد وأكابلج وبعدين عندي شغل محل يريد مني أكابله مالي خلكج كلما اجي تنگيين على رأسي تعال وتعال شصير أني متكوليلي ، مو گتلج أمشي وياي للبيت أنتِ ما مشيتي عناد ورأسج يابس .
قلق ـ وين أمشي وياك ومرتك ما تقبل بأذنك سمعت أتصالها كالت اذا تجين اذبحج أنتِ وبناتج مو كدامك صار الحجي ليش تحرف الحجايه .
مو الا تجمعنا بيت واحد تكدر تعدل بينا يومين هناك ويوم عاد بس يوم مو اليه بس لخاطر بناتك لاتحرم نفسك من بناتك مالهن ذنب بغلطة أرتكبتها بحق نفسي ساعه الوافقت على واحد متزوج ومحد دفع الثمن غير هالبنات بس خوالهن يردوهن .
ـ فضينا عاد بس تلطمين بوجه الله وليش محد يريدهن أهلي مو يجون يسألون عليج شيسويلج تردين الكل يعوف شغله وواجباته ويكابل قلق خانم ، كلما اجي بس تلطمين وتعتبين أهلك وأهلك ومرتك ومرتك تأكلين رأسي
3
ـ شوكت صباح شوكت عمري ما حجيت وگتلك بس أذا الحجايه تمسني أني وبناتي أحاجيك بيها لان أنت أبوهن .
ـ يابه دروحي
ـ كثر الله خيرك صباح ما قصرت وبعد لا تجي بيتي ما أريدك تدخله حتى لو سمعتني متت ووصيه أوصي بناتي جنازتي ما تحضرها .
2
ـ أنتِ ما عندج حجايه بس سالفة الموت واللطم مالتج محد مريض بس أنتِ وگتلج أصبري عليه خل أحك رأسي وأوديج لكركوك لو كله تردنه على مرامجن هم أنتِ هم ضرتج من غضب على يومجن مو نسوان بلايا .
لبنى ـ طلع وركع الباب وراه وأمي دخلت لغرفتها واحنه ساكتين وحده تباوع الثانيه ، هذا أبويه مرات يكون زين مرات يطلع زينه عداله مشاكل هو وأمي عمره ما كان عادل بالاخص من كبرنا صارت حجته المحل من تقاعد تشارك هو وصاحبه فتحوا محلات أنشائيه وصار يشتغل ويرجع گبل لهذاك البيت وعلى هالمنوال كل مره لما تعودنا على وجوده وعلى عدم وجوده واحد .
كملت شغلي ولينا كعدت تدرس واني مالي خلك أفتح كتاب رغم صف ثالث ويريد مني دراسه بس المشاكل ما تخلي واهس .
2
توضيت وصليت ولاحظت أمي ما طلعت من غرفتها رحت عليها لكيتها نايمه بستها ومسحت على شعرها الحلو وجمالها المميز أمي كلش حلوه صفنت عليها ورجعت بستها نوم العوافي ..
2
طلعت ضليت كاعده واكلب بكتابي تالي نمت وكعدت الصبح على لينا تكعد بيه عوفيني ما أروح روحي أنتِ
1
لينا ـ مو عندج أمتحان اليوم .
ـ اي بس ما قريت
ـ ليش يمعوده دراستج هاي أمي دوم توصيج بيها
يله أني اروح تأخرت .
ـ الله وياج راحت وكمت وراها لاحظت أمي ما كاعده! فتحت باب غرفتها على نومتها ما متحركه حتى علاجها ما مأخذته ، ماما أكعدي ماما ماما ، أهز بيها ما تكعد ماما أنطيني صوت ماما صرت أهز بيها قوي واصرخ ماما أكعدي ، أيديه يرجفون وابجي وأكعد بيها ماما الله يخليج أكعدي ، هسه اجيج
1
ركضت بيت خوالي شفت خالي خالوا أمي ما اعرف شبيها اجه وياي ، كل ظني أمي متخربطه بس ملامح خالي جانت تحجي غير شيء وأخذناها المستشفى .
كاعده وأنتظر أمي لما طلع الدكتور ويحجي ويه خالي
الدكتور ـ مع الاسف المريضه ميته من زمان .
3
لبنى ـ أصعب شيء عشته هو موتت أمي الدنيا أسودت بعيني وكرهتها هي وناسها حيل أنتقمت مني واخذت أمي .
"صرخت ملخت روحي وخالي لازمني واخذني للبيت ولكيت كل خالاتي موجودات وساعه وحده كل كرابينا اجو وين جاييين من جانت عايشه محد وصلها ليش من ماتت صارت عزيزه وكلها موجوده ليش .
حاضنه لينا ونتصارخ عليها وما متوقعه موتج يمه ، ما لحكت اشبع منج .
جابوا التابوت واريد اشوفها كلهن حضننها وخرن هاي أمي هاي أمي ، بستها وسحبوا التابوت من عدنا وادفع بيهن وأتوسل اريدهن يخلوني أشبع منها ما حسيت غير ابويه ضربني كف ودفعني عالنسوان
ضليت لازمه خدي ومصدومه ...
7
خلصت الفاتحه والبيت فرغ وخفت الرجل وجديتي تعبت اخذها خالي المستشفى ، ضلينا بس أني ولينا وعمتي حربيه يمنا .
حربيه ـ كومن لمن غراضجن وملابسجن تمشن ويانا
لينا ـ وين نمشي ما اعوف بيت أمي باقيين هنا
ـ وين تضلن البيت فرغ واذا على خوالجن ما ملزومين ييجن وهما الله يكون بعونهم وجديتج تعبانه وأمي ما بيها تضل هنا هم مريضه وأنتن بعيدات علينا مو قريبات الاحسن تجن ويانا .
صباح ـ يله بابا كومن لبنى كومي تجهزي أنتِ وأختج
لبنى ـ ما باوعتله گمت جهزت نفسي ولينا تحجي عليه
لينا ـ شنو نسيتي شسوا بإمي نسيتي كلام أبويه أخر مره وأمي ماتت من قهره بهذاك اليوم ماتت بساعتها
وأنتِ تحضرتي تردين تمشين ولا يضلون شكو علينا ندبر نفسسنا .
2
ـ مالي خلك أكعد أناقشج گومي لبسي نولي وياهم وين تردين نضل واحنه بنات لوحدنا منو يضل يمنا ما سمعتي عمتي شحجت محد ملزوم يضل عدنا والبنت تلحك أبوها غصباً عليه .
ـ غصباً عليه هذا الحجي روحي أحجي لسميعه صفا كالت متخبله وكاعده تريد من ابوج يبقينا يم أهله واهله جلاب السود ما تعيش عدهم بس دام هيج الا اروح واكابلها .
3
ـ سكتت وطلعنا وياهم وعيني على كل شبر بهل البيت عشت بي اجمل أيامي أمي وطلعت بطرك ذكريات منها وذهبها كل شغلاتها احتفظت بيهن
ولينا محتفظه بصورنا وكل ليل نكعد نباوع ونبجي عليها راحت الحنينه وضلينا من دار لدار وعلى ايد سميعه .
13
وصلنا ودخلنا المنطقه وگلبي قبضني من دخل الشارع وباوعت البيوت كلشي بيها يختلف عن منطقتنا لان حس أمي ما موجود بين هالناس ، صح جنت أجي بس بالمناسبات بس ما مخليه بالي تموت امي واجي اقيم لـلابد ومــا أدري شمنتظرني وشنو راح أعيش واشوف
11
يتبع ..
الثامن من هنا