رواية ندبات الملا بابل الفصل السابع 7 بقلم زينب جعفر

صلوا على محمد وال محمد

"قراءة ممتعه"

⊱━━━━⊰✾⊱━━━━⊰

اشواق:: بيبي أجيتج تحميني .. موتعوفيني !

دارت وجها مني ولاباوعتلي بنضره بقيت اباوعلها بخذلان مامصدكه هيج هين يعوفوني ويزوجوني

لزمني ساحبني..

ميسر:: عمي امشينه ارجعج

دفعت ايده مني صايره كبال بيبيتي اباوعلها

عذيه:: خلدان كلها تروح

خلدان:: جدي تعالي احاجيج

اشواق:: ليش ماتباوعين العيوني؟

عطت مدمره نفسيتي..

:: جاوبيني.. ليش اختاريتوني انا

كالت بدون ماتباوعلي..

عذيه:: مو احسن تبقين وكلها تكرهج بوكاحتج

اشواق:: بوكاحتي؟؟ ليش الساني التشوفونه ومدافعاتي وانهياري الشنو موعلمودكم.. كووولي !

نزعت شالي ملخه شعري حيل كدامها اشوفها

اشواق:: باوعي شعريي كصيته كله المن موعلمودكم تكليلي ماتعرفين لاا انتوا الماتدرون من صباحيات طلعت بس حتى اشتغل واجيب فلوس الأمي توكلنه

باوعت الشعري نازله دموعها

عذيه:: حفيدتي

اشواق:: شسوه بيه ابنج ليش كلكم تشوفوني وكحه والسان واني كل يوم متخربطه حتى جسمي يرجف وعلي الكرار جسمي يرجف علمودكم

لزمني جدي يهدي بيه وكمت لازمتها من حنجها غاصبتها تخلي عينها بعيني مديت ايدي شاكه ملابسي

خلدان:: اشواق

اشواق:: لا انا اريدكم تباوعون الأثار البجسمي من ابويه لو من ضرب سوزان باوعيلي بيبي اعضامي طالعه من جوع

خلت ايدها على حلكها تنوح بلبجي وعمي اتقرب يسد بشكه ملابسي

اشواق:: باوعتي الوكحه شبيهاا باوعتي، بس شنو مجازاتي؟

جراني عمي وجدي صفن باوعتله مبتسمه أشرله يشوف اتنهد لازم راسه

اشواق:: مجازاتي اتزوج ليش فيحاء فقيره بس اشواق السانها طويل ومحد يحبها وزررگه مو

هزيت راسي بأسف وبقيت اردد بهمس ..

اشواق:: "أنتوا ودنيا لچمتوني"

"هنيال اليعيش لروحه ولايحسب حسابكم"

"خوش مجازاة جازيتوني حسبتكم ولف وغريبه تحسبوني؟ "

شهكت ضامه وجها بين ايديها وتأشر الجدي اروح عفتهم طالعه وگلبي ميت صار امشي ومادري شنو طريقي وشنو القدر ضاملي

نزلت دچه وعمي أشرلي على سيارته رحت فاتحه الباب ردت اصعد وسمعت ضحكات الجاهل باوعت ولكيت ابو شايله ويركض بي يلعبه

نزلت دمعتي جمر حار بگلبي أحس

اشواق:: ليش مو أني؟

ميسر:: يلا بعد عمج يلا

دنكت صاعده وعيني على الأب وابنه هوه حاجاه

:: علمودك كلت الأبو محل يفتح هسه موتعيدها بويه

جاوبه طفل ياكل من بسكت وحلقوم

:: انا جعت بابا حبيبي

:: لااا اموته الجوع هذا هوه شوكت ماتريد عسى ما بنصاص الفجر اخذك

خليت ايديه على أذني مامكلمه كلامهم سويه اريد انفجر متخبله بقيت مثل اون مغمضه عيوني اهدي بروحي

ميسر:: عمي صبري نفسج هوه زواج صدكي انا هم أعياد تزوجتها لاادري بيه ولاتدري بيه المره هم بلبدايه مامتعود وشوي شوي حبيتها

ماجاوبته دايخه تچيت راسي على الكشن مامتوازنه انفاسي

ميسر:: علمودج.. وأبوج مانكدر ندخل بي هوه يريد تدرين اجانه وسواله مشكله شكبرها يحذرنه ماندخل بيج حتى هددنه يسجنه كلنا عود خاطفيكم بربج هذا كلام

اشواق:: عمي

ميسر:: موطبعي اسمع بس كاعد بوكتها واتصل على امي هوه يريد يسجن بنته فيحاء اذا ماقبلتوا عود اختج ضاربه مرة خال امج مادري شنو

بهتت ملامحي درت كل جسمي مصدومه

ميسر:: ابوج حيوان ونذل عمج ظهير مالاكيتي يرجف رجف عليكم ويريد يعانده بكوه شربناه حبوبه وقبل شوي يلا نام

اشواق:: ابوي هوه الكايل الأمي يسجن اختي !

ميسر:: اي لعد شعبالج وأمج خو ما الها السان هل مره استغفرالله تورطت بـ أخويه النگس بي شنسوي بعد

راح حيلي اخذ نفس گوه ماتوقعت حقارته توصل يذب بناته بلسجون هوه هذا الأب؟..

ميسر:: عمي وامج موبيدها مال موضوع انت لو فيحاء ابوج هوه راد يزوجج الج حتى يخلص ماشاءالله عليج تجاوبين ودافعين

اشواق:: عمو سووله شي حبابين راح يموتنه

ميسر:: شبيدنه يابنتي شبيدنه .. كليلي قابله هسه؟

سكتت واكع راسي على جام متبرده أطرافي ونار الجواي تاكلني اكل..

اشواق:: عمو كول الأبنك حباب

ميسر:: شنو؟

اشواق:: عشير اخويه وينه ليش مايجينه معقوله كل هل مده ماسأل وعباله احنه بلبيت

صفن شوي وهز راسه مكمل سياقه..

ميسر:: صار عمي صار

صار أذان الفجر وصلنه نزلت ردت ادخل وصاحني نازل

ميسر:: خلي ادخل وياج لا أحد كاعد وعباله شردتي

ماجاوبته داخله ماهامني ما احس بقى شي يسوونه حتى يدمروني اكثر من هيج دخل وراي جان البيت هدوء وأضلم وصلنه يم گن بزازين ولعبت روحه كاش

ميسر:: خرب روحهم چايفه على هل ريحه

فتحت باب المطل على الهول لكيتهم نايمين

اشواق:: عوذه عبالك جنانوه ونايمين على بطونهم... انداريت العمي.. عمو روح هذا هوه شكرا

ابتسم إلي اتفاجأت منه سحبني شابگني الصدره ويمسح على ظهري

ميسر:: ادري بيج قويه موكتلج خياله

رفعت راسي اباوعله متجمعه دموعي لزم خدي

ميسر:: اشواق ربج يسهلها وتجيج سعادتج اذا موهسه باجر وذا موباجر شهر او سنه او يمكن حتى سعادتج موبدنيا تصير بالأخره اصبري الحكم ربج

اشواق:: حيلي انهد والله

ميسر:: ماراح نعوفج نسأل عليج دائما ونجيج

ماجاوبته طيف ابتسامه صار على شفايفي بكلامه عافني مودعني وراح وصل يم الباب وكلتله..

اشواق:: عمو ميسر

باوعلي سكتت شويه وهز راسه منتضرني اكول..

اشواق:: اعتذرلي من أعياد

ميسر:: ها؟

اشواق:: صح ضجت على امي بس موزودتها انا من ضربتها مهما جان هيه اكبر مني

فرح بكلامي يأشر بيده

ميسر:: عمي عادي فدوه الج

اشواق:: هههههه لاشلون رجليها خطيه

ميسر:: زينه صارت هيه السانها شوي طويل جانت رايدتها

ضحكت وسمعت صوت شخير خال امي زاد خفت هوه أشرلي يروح وانا لوحت بيدي بباي ودخلت على كيفي داخله الغرفتنه لكيت تلفون ارضي على جهه محطوط وامي ماكو بفراشها

رفعت عيني بسرعه منهبط گلبي ولكيتها نايمه بفراشي منطيتني ظهرها ابتسمت جايه يمها باوعتلها شوي وتنهدت بقهر

انداريت انام بفراشها وكالت هيه مغمضه..

منوه:: همزين أجيتي حبيبه گلبي

اشواق:: تدرين بيه طالعه

منوه:: حسيت عليج

اشواق:: اول مره ماتخافين عليه

فتحت عيونها تباوعلي

منوه:: من موضوعج الصبح دريت ماينخاف عليج

بقى كلامها بالي يتردد مامجاوبه كامت مخليه ايدها على چتفي

منوه:: امج ضعيفه.. لاتصيرين مثلي ابد

اشواق:: أنتِ موضعيفه.. انتِ حنينه

بجت شابگتني..

منوه:: شكد ماريد ابين قهري كدامكم بس مادا اكدر

اشواق:: القوه مو بس واحد يدافع الروحه

صفنت بعيوني مامفتهمه كلامي

اشواق:: مرات اليصبرون ويتحملون الأذى علمود أحبابه همه اقوى

منوه:: اخخ يابنتي حظجن صار انا امجن

اشواق:: بلعكس دائما اكول انا محظوظه لأن عندي هيج ام حنينه حتى اليكرهونج معترفين اخلاقچ ححلوه

لزمت ايديها بايستهن

اشواق:: نامي بفراشي لأن ادري بيكم راح تشتاقولي

منوه:: من هسه متلوع گلبي عليج

اتصنعت ضحكتي ودموعي ينزلن لاأرادي

اشواق:: يااا احسن ههههه مدوختكم اني على أقلها تفتكون مني شويه

منوه:: شمعتي نامي بحضني اليوم

اشواق:: صرت شمعه

منوه:: شمعه حياتي ... وادري كلش زين راح تصيرين شمعه الياخذج هم

مارديت اتمددت وهيه نومتني بحضنها تغنيلي بصوتها الناعم والهادء وانا اتلمس بكصيبتها

منوه:: لا لاله يبني لا لاله..

وعين الحظ لوليدك مالت وصالت..

نام يـُمّه نام، طير الحمام نام، وأنت بعدك سهران

بقت ترددها لحد ماغفيت رغم قهري وحزني من أبويه بس بحضن امي نسيت كلشي نايمه براحه وبـ أيديه باقيه كصايبها "

كعدت صبح على رفسات فتحت عيني متمغطه بنعاس

فيحاء:: ولج كووومي شوفي شدزولج

جريت البطانيه على وجهي

اشواق:: عوفيني انام

فيحاء:: اشواق والله الفضول كتلني دكومي

انطيتها ظهري مكمله نومي ودفرتني كمت خازرتها وشعري على وجهي

اشواق:: شبيييج

وخرت شعري كايله بتوسل..

فيحاء:: اريد اشوفهن حبابه

اشواق:: شنوهنه دا تكولين

أشرتلي لكيت علاكتين كبار متيبات كلش زين رفعت حاجبي مامفتهمه

اشواق:: شنو هاي؟

فيحاء:: غراض وملابس

اشواق:: المن عود؟

فيحاء:: كومي هسه غسلي وتعاي نطلعهن حبابه

دفعت بطانيه مني كايمه رحت غسلت سوزان كامت تصيح لأن تأخرت بنومتي

سوزان:: ماتكولين شنو اشتغل بوحدي ادبسز... يااا باع شلون تحتقرني الحيوانه

كامت وراي دخلت للغرفه بدون ما احجي وياها ساده الباب لكيت فيحاء مگابله علاليك تنتضرني فرحانه

فيحاء:: راح اشوف العلاكه هاي

وخرت تيب منها بكوه ساحبه وطلع فستان نمري ومخصر بي فتحه من جوه على شكل اكس..

فيحاء:: الله حلو

اشواق:: منو جابهن عمي؟

فيحاء:: لاابوج جابهن صبح يكول من العريس

رخت ملامحي متقززه هيه خلته عليه تگدره دفعت ايدها

اشواق:: موحلو شهل ذوق الحمدلله وشكر

فيحاء:: يا ليش يموت

اشواق:: هاي مال مناسبات عاديه مو مال اعراس دباعي قماش قديم

صفنت على فستان رافعه اچتافها

فيحاء:: شبي.. يلا فوك ماجابولنه

اشواق:: شنو فوك ماجابولنه غصبا عليهم تره نوب مانين علينه منيه

سحبت فستان مشوفتهه شك البي

فيحاء:: ياا مشكوك.. يلا خاف انشك بلغلط مومشكله امي تعدله

گلبت الفستان تگلب وطلع اكو شگين ثاني بي

شمرته متعصبه

اشواق:: صدك جذب حتى هاي مامدبرينها باعي حظي المصخم

فيحاء:: خلي نشوف باقيات

شمرته رحت للمرايه امشط شعري وهيه طلع بلملابس

فيحاء:: هذا حلو زين

باوعت ولكيته دشداشه لون كركمي وقصيره

اشواق:: هذا ياا عباله اني قصيره ياا جايب ملابس اخته صغيره

فيحاء:: هههههههههه لاولج غير مرته اكيد تلبسيله هيج

اشواق:: نعم؟

فيحاء:: اي لعد شنو شعبالج تلبسيله ملابس الولد ذني

اشواق:: اموت روحي ولا البس هيج ايع استغفرالله

فيحاء:: عليمن غير مرته موحرام

اشواق:: مادري لعبان نفس لاتتوقعين بيوم البس الأحد هيج

فيحاء:: هوه بس رجلج راح تلبسين كدامه

اشواق:: شوفي الملابس وحدج وگلبيهن زين خاف هم مشكوكات حتى ماما تخيطهن لانتفشل نوب

بقت تضحك عفتها خاطفه نضره ثانيه للدشداشه وطلعت

اشواق:: نوب كركمي ياهوه يلبس هل لون زواع

طلعت بطرمه كاعده على جهه امي حست عليه واجتني تنشف بـ أيدها بملابسها

منوه:: ام شامه شو مطنكره علينه

اشواق:: امي شفتي ملابس جايبهن الي كلهن قصار

منوه:: غير رجلج عمري

اشواق:: صرتي نفس فيحاء ماما ماحب هل سوالف اني جايب لون كركمي يلعب الروح يعني شكد ماجنت مقتنعه بهل زواج من شفتها لعبت روحي بزايد نوب انا موبيضه حتى يلوگلي اي لون وكراعيني ماطلعهن الأحد

منوه:: قبل لا أتزوج كلت مثلج

اشواق:: امي صدكي مالبسله هيج يحترم نفسه شهل نگاسه صدك جذب عابتله گبر

منوه:: اشواق

انتبهت الروحي سكتت لزمت حنجي مخليه وجهي كبال وجها مبتسمه

منوه:: صدكيني راح يطلع حباب وزين ويحبج أنتِ لأن كارهه هل زواج ما دا تتقبلين شي منه بس اشواق خلي يحبج

اشواق:: قصار اهون نصهن مفتوگات وبيهن شك امي

منوه:: اخيطهن يمكن ماعنده فلوس تدرين اوضاعنه هسه

اشواق:: وذا طلع مثل حنون؟

منوه:: ليش هل تفكير حبيبتي

اشواق:: والله لأن اني اتشائم وافكر بسلبيه وماريد الخير الروحي ابد مولأن ابوي هوه الجايب العريس ومن اولها مبين وانتوا بس تردون تقنعوني بي

امي ماجاوبتني زافره نفسها بحسره طلعت سوزان محدبه بيديها ملابس اتذكرت كلام عمي عن اختي

اشواق:: بس لا ان شاء لله يطلع زين

منوه:: والله تحيرين المايتحير

اشواق:: اهو امي

ضحكت جاره راسي بايسته دخلت جوه ومرةة الأيام وعمامي كل فتره يجونه وياهم جدي وبيبيتي وابوي ماجاب فاقد ولاسمعت عن عشير

بيوم اندك بابنه فتحت ولكيته عمي ميسر ورشيد

عدلت حجابي مبتسمه

اشواق:: السلام عليكم

ميسر:: ولج احنه النكول

عمي رشيد ضحك كارص خدي دخل بس ايده للطرمه مخلي علب وعلاليك

اشواق:: شنو ذني

رشيد:: غراض عرسج

ميسر:: شنو لكينه بلسوك جبناه الچ

اشواق:: ليش موبيبي اختارتلي؟

رشيد:: ماتكدر ليهسه تبجي عليج وبنات مايكدرن يطلعن صارت سريعه

ميسر:: بس شوفيهن حلوات هنه نصهن اختارهن أرقب

102

باوعت العمي بسرعه مادري ليش حسيت گلبي أنعصر وعمي لخ طلع من جيبه فلوس ماد ايده منطينياهن

رشيد:: هاج تحتاجينهن

اشواق:: اهواي هذا

رشيد:: فدوه الج... يلا في أمان الله

اشواق:: الله وياكم وشكرا اهواي ماتقصرون حتى من أرقب تشكرولي

رشيد:: واصل

اشواق:: عمو ميسر

طلع سويج من جيبه مندارلي

ميسر:: ها عمي

اشواق:: أرقب مادره بشي عن عشير اخويه

ميسر:: هوه مو وياه بس رايح علمودج سأل موجود بدوامه جم يوم وينزل

اشواق:: ماكدر يحاجي؟

ميسر:: لابويه بس صاحبه كال اسم الله راد يصيرلهم حادث وربج ستر

لطمت على صدري وعمي سحبني بطرمه همست بقهر..

اشواق:: صارله شي؟؟

ميسر:: ولج عمي شلون تلطمين بشارع

اشواق:: سوده بوجهي ياخويه

ميسر:: صرتي نفس منوه هههههه عمي مابي شي وربج مابي شي

اشواق:: عمو شمدريك ماشفته انتَ

ميسر:: غير بدوام لو صايرله حادث مايداوم

سكتت مجتمعه دموعي هوه طبطب على خدي

ميسر:: راح اكول الأرقب يسأل بين فتره وفتره بلكت يشوفه ويجيكم

اشواق:: الله يسمع منك

عافني وراحوا دخلت وسديت الباب

سوزان:: شنو ذني بلا جيبي

شلتهن داخله بيهن للغرفه بقت تخوزرني ودردم

منوه:: هاي منو جابهن

اشواق:: عمامي ميسر ورشيد

فيحاء راحت فرحانه تشوفهن انا رحت يم امي الوب اكلها لو لا انتبهتلي مأشره راسها

منوه:: شجاج بنتي

كلت ماكولها احسن مديت ايدي منطيتها الفلوس

منوه:: يااا شنوهاي شدعوه

اشواق:: عمي انطانياهن

منوه:: هذا هوه خليهن يمج

اشواق:: امي انتِ تحتاجيهن اكثر مني

منوه:: لاشلون غير راح تزوجين

بقيتهن بيدها كايمه الفيحاء نشوف ملابس سويه كلهن يخبلن وغاليات

فيحاء:: لوماخذه ارقب مو احسن

منوه:: فيحاء عيب

سكتنه امي طلعت واني زحفت اليمها مشاورتها

اشواق:: ارقب هوه المختارهن

فيحاء:: يااا

اشواق:: احسه يحبني

فيحاء:: إنا هم

اشواق:: يحبج؟

فيحاء:: دنجبي احسه يحبج الج اني شكو... دباوعي هاي الكلاده ماشاء الله تلمع لمع

بقينه نفلس بلغراض تفلس خلصن علاليك طلعت اخر قطعه جان مثل ثوب نوم طويل ومخصر اسود فحمي مرسوم علي بشكل عشوائي وصغار تفاحات حمر

فيحاء:: همزين رب العالمين عوضج بدال ذنيج راح اذب علاليك واجيج

هزيت راسي شمرت ثوب متنهده اجت عيني بلغلط على ظهر ثوب ملزوك عليه ورقه جريته طابگه حواجبي قاريه كلام مكتوب عليها

::-مبارك لوعه گلبي وشريانه "

141

دريت بي هوه سحبت الورقه بسرعه شاگتها خايفه لا أحد يشوفها ماحسيت على نفسي الأ بجيت..

اشواق:: شبيه انا شكو شجاني

مسحت دموعي متنهده كمت مكمله شغل البيت لحد ماصار الليل كاعده بغرفتي وامي نامت من وكت دخلت اختي مهروله

اشواق:: يمه اسم الله شبيج

فيحاء:: سويت شاميه كومي ناكل

اشواق:: وين لكيتي شاميه

فيحاء:: سوزان داحستها بلكارتون

اشواق:: هسه تصبح ترزلنه

فيحاء:: عادي اهم شي نسهر اليوم

اشواق:: نعسانه تعبت اليوم بشغل

فيحاء:: اخر ايام احنه سويه

أنمرد گلبي من حجايتها باوعتلها وهيه گالبه شفتها بزعل

اشواق:: لاتبجيني

فيحاء:: لايمعوده لاتفتحين حلكج علينه

ضحكت بين دموعي جريت ايدها ماخذين جرجف وطلعنه بطرمه فرشت جرجف على جهه وهيه جابت شاميه ومخدات كعدنه اخذت نفس قوي بارد

فيحاء:: ماتمطر

اشواق:: احب المطر بس اخاف من رعيد

فيحاء:: مايخوف بس صوت

اشواق:: شلون بس صوت تذكرين جيرنه شلون احترك حرك من رعيد اجته

فيحاء:: شعنده طالع بوكتها جانت صدك قويه

اشواق:: راح اتزوج.. لازم بس ماريد

فيحاء:: اخخ لو عشير اكبر

اشواق:: اي والله جان ماعتازينه الأحد

اكلنا من شاميه وانا احسب النجوم...

مرةة بساعه واحنه نسولف نتذكر ماضينه وحاضرنه وكله نكول لوهيج صار ماجان صرنه بهل حال

فيحاء:: اشواق احس شاميه بيها ريحه وصله

اشواق:: حسيت بس ماحجيت لان جوعانه

فيحاء:: بلكت رجلج يطلع زين حتى تخلصين ويجي دوري وراها ادري

اشواق:: وامي؟

فيحاء:: هم يجي دورها هههههههه

ضحكت غامتها

اشواق:: والله لوتسمعج غير تكتلن... سكتنه على صوت رعيد قوي صار هيه صفكت فرحانه

فيحاء:: الحمدلله الحمدلله

اشواق:: امشي ندخل جووه

فيحاء:: ياا دروحي مادخل

اشواق:: شو صايره السان شعجب

فيحاء:: مو راح ترحين تقمصت شخصيتج

اشواق:: يااا فيحاء انا السان

اخذت من شاميه داحسه بحلكي

فيحاء:: سمعي صوت المطر سمعي

اشواق:: بس عريد

فيحاء:: عريد ياهوه

اشواق:: اقصد رعيد

فيحاء:: هسه تمطر هسه هاي بدايات عمري

سكتت خايفه عيني على السماء هيه باوعتلي وكالت..

فيحاء:: ان شاء لله نفس زواجج

اشواق:: شنو يعني؟

فيحاء:: يعني بدايته رعيد ونهايته مطر

اشواق:: مافهمتج

صارت تمطر أشرتلها اسكت ومرر الوكت هيه تفتر بنص طرمه تضحك من كل گلبها وتصيحلي اجي وانا داحسه روحي بزاويه خايفه

فيحاء:: ولج تعااي

اشواق:: مارايده روحي

اجتني ذابه شالها وجرتني قوي عطت وهيه تضحك من كل گلبها ساحبه شالي انا هم

اشواق:: فيحاااء لاااااا

فيحاء:: ادعي دعوه بلمطر يكولون تستجاب

اشواق:: ولچ شدعي مطر قوي خلي ندخل

ردت اروح وجرتني اتنهدت باقيه مغمضه خايفه متمنيه امنيه بالي كايله بداخلي..

اشواق:: يامغير النار بردا وسلاما الأبراهيم غير حالي للأفضل بحق هذا الخير .

فتحت عيني وهيه رفعت حاجبها

فيحاء:: ها

اشواق:: اتمنيت بس صعبه ما اضن تتحقق

فيحاء:: انجبي لاتقنطين برحمه رب العالمين

اشواق:: موقنط بس خلصت مبين نهايه شنو

فيحاء:: شنو اتمنيتي مايصير زواجج؟

اشواق:: لاموهيج

فيحاء:: المهم امي ماتقبل تكولين هيج

سكتت هيه لزمت ايديه نفتر صحت عليها شويه وبديت اضحك متبلل شعري وكفنه گلبنه يدك سريع

اشواق:: ها ندخل؟

أشرتلي يلا دخلنه ماخذين غراضنه فتنه بسرعه واني رحت للحمام مبدله رجعت لكيتها مغيره ملابسها وتمشط شعرها ابتسمت لازمه شعرها

اشواق:: اخذتي جينات امي بشعر ها

فيحاء:: انتِ شعرج موجان اطول ماشاء الله كصيتي وثخين كلش

اتمددت مخليه ايديه على وجهي

فيحاء:: شوقه... صبيع

همهمت هيه اتمددت يمي متغطيه

فيحاء:: تتوقعين شنو اسمه رجلج

اشواق:: ثور

فيحاء:: عيب احترمي مو هناك تصيحين وتغلطين علي

اشواق:: هسه شكايله

فيحاء:: لاصدك مويفلت السانج تره يركعج

اشواق:'شحده اكسر راسه والزكه بـ اقرب حايط

فيحاء:: كلش شو شوفيني عضلاتج

اشواق::هههههههه لاصدك ماقبل اموته

فيحاء:: ولج زلمه هذا مونفس سوزان تنكتل بسرعه

اشواق:: اي مو سوزان خطيه هلكدودها غير من اضربها عقابب الروحي ايدي تورم شثگلها

فيحاء:: اي وهاي مره شنو بالج بزلمه شكبره بكد ثور

اشواق:: يمه بس لايطلع صدك ثور

فيحاء:: اشوااااق

اشواق:: شكو؟

باوعتلي بخوف كالت...

فيحاء:: هاي أشاره هوه يضرب !.. بهتت ملامحي وهيه طكتها بضحكه

اشواق:: گبر عابتلج

فيحاء:: ليش وجهج انصفر

اشواق:: طبعا ينصفر ناقصه انا مخابيل بعد

فيحاء:: هههههههههههه

اشواق:: والله بس يمد ايده اطرده بره البيت

فيحاء:: ولج لاتتحمسين

اشواق:: من صدك يجي يوم واسويها وهاا اها هاي بصمتي

لزكت اصبعي على كصتها هيه دمعت من ضحك دفر بيه

فيحاء:: والله احبج

اشواق:: انا هم خيه بس كسرتيني وداعتج

فيحاء:: نكمل سهرتنه

اشواق:: بعد شوي يأذن الفجر

فيحاء:: اي نبقى كاعدين لحد مايطلع نهار

فزينه اثنينه على صوتها

منوه:: ناااااااامن

سكتنه بسرعه مغطين حتى روسنه بلبطانيه نايمين..

رند:: فتحت بردات مكعده اختي غرام

:: بسبس كومي

غرام:: اموته كتل اليكعدني

وخرت منها بسرعه طالعه لكيت امي وابويه واخوي ظهير يتريكون وأرقب كاعد على جهه بيده سويج يفر بي على اصبعه وصافن

رند:: صباح الخير

جاوبوني كلهم.. صباح النور

رند:: شلونك ارقب

ارقب:: هلا بيج عمه

عذيه:: خلدان جيبها

خلدان:: دنجبي يلا

عذيه:: شو السانك زفر صاير شبيك خايب

خلدان:: ميانه

عذيه:: لاتاخذ جيب هاي

ظهير:: شنو هوه شكو

عذيه:: گمع صمونتي اخذه

ظهير:: لمونه ابويه

خلدان:: انجبي اني عجبتني

ارقب:: عمه تعاي اتريكي

رند:: لاصديقتي تريد تجيني انتضرها

عذيه:: اكول شعندج مصبحه

خلدان:: غير تكليلنه

رند:: نفسها بويه قابل عندي غيرها

عذيه:: خلدان ياهيه؟

خلدان:: جيبي گمع ثاني واكلج

عذيه:: هذا ابوج مستهتر فد نوب

خلدان:: شكتلج ابوسج؟

سكتنه كلنا هوه ياكل انتبهلنه رافع عينه

خلدان:: اكلكم مثلا... لاتباوعولي هيج طايحين الحظ

عذيه:: شسمها

خلدان:: شسمها؟

عذيه:: موعليك على رند صديقتج

رند:: غنى

عذيه:: هيه صدك غنيه

رند:: ههههه لاخطيه حالتهم موهلكد

اندك الباب ارقب صحت

رند:: ارررقب

عذيه:: ثول

خلدان:: شهل صوت خره

رند:: صديقتي انا افتحلها الباب

ارقب:: وذا طلع موهيه؟

رند:: منو يجينه هسه احنه متواعدين تجي هسه

صباح:: صباح الخير

ظهير:: صباح النور خويه بطريقج كعدي عادل ياخذ سمر

صباح:: اي صار

رحت اركض مخليه شال عليه وفتحت الباب

رند:: غنااااويتي... رخت ملامحي صافنه عليهم

فوزيه:: شلونج رندهه

رند:: هاي انتوا

فوزيه:: شنو ولج منتضره احد؟

رند:: لا

ظهير:: خويه ياهوه بلباب

جاوبته وعيني على جهال السته واكفين منتضرين يهجمون على البيت

رند:: خاله فوزيه... خالة أعياد

فوزيه:: راح تبقينه بلباب ولج شنو

فهيت بوجه جهالها عاطوا كلهم يردون يدخلون صحت ساده الباب بوجهم

رند:: اعوذ بالله من شيطان الرجيم

ارقب:: شكو؟

رند:: انتَ افتح الباب

دخلت جوه بسرعه الغرفتي قافله الباب اتصلت على صديقتي من تلفون ارضي كتلها لاتجي

غنى:: ليش

رند:: يمعووده المطايه ماشايفتهم شلون يزاكطون

غنى:: جهال فوزيه موو

رند:: اكو جهال مضوجينه غيرهم

ضحكت حيل

غنى:: هذا هوه گلبي غير يوم ان شاء لله

رند:: اعذريني

غنى:: لابلعكس احسن ماحب الهوسه انا راح ابقى اسوي اعمال

رند:: هسه؟

غنى:: اي صلاه الفجر صليتها وبقيت سهرانه ماجايني نوم كلت اخلصها عباده احسن

اندك باب غرفتي صحت... منو

:: احنننه

غطيت روحي بلبطانيه مسويه نفسي نايمه وللعصر يلا طلعت من غرفتي اسمع هوستهم گالبين البيت گلاب ومحسن ساعه يلعب وياهم وساعه ينخلس يبجي

لكيت امي شاده راسها بشيله تون وابوي يركض وراهم بحزامه

خلدان:: انعل والديكم ادبسزززيه

فوزيه:: ولكم اكعدواا اهوو اني المن جبتكم

عذيه:: ادري جهال لو شنو متكليلي

فوزيه:: حقج والله وين ثامر خلي ياخذهم للبستان

خلدان:: الاا البستااان

فوزيه:: شجاك عمي لمونه

طلعت بطرمه ولكيت واحد منهم يجرجر بشجره

رند:: حيدررر ليش هيج

حيدر:: وأنتِ شعليج؟

رند:: ابن الكلب غير شجرتنه

جريت الرارانج منه دافعته خزرني وراح

رند:: شلون رعانه عزه.... غرااام وينج غرام

طلعت صابغه شعرها احمر رفعت حاجبي

غرام:: حلو؟

رند:: شنو عود نفس نسرين اكيد هيه سوتلج

نسرين:: اي انا سويتلها

كلت بشقه..

رند:: مايلوگلج

نسرين:: اي صح عليه احلى مو

رند:: اي غرام شعرج قبل احلى

غرام:: لا انا بيضه حلو عليه

نسرين:: واحنه زرگ

غرام:: لا بس لايگلي احس

ماجاوبناها باوعتلنه تريد تبجي ضحكنه

رند:: اشاقه والله

حيدر:: موو غرام ناررر نارر

غرام:: غير طفل هذا شو مارتاحله

حيدر:: ابوسج

غرام:: ايع دولي امداك وامده أعياد وياك

نسرين:: عيب لاتسمعج

عافتنه رادت تدخل وطلع ابويه شافها بيده حزامه وانتبه

خلدان:: هاي شمسويه بنفسج ههههههه

غرام:: بابا كسرت مشاعري

خلدان:: شعرج حلو المن صبغتي

غرام:: والله حلو لايگلي

رند:: لأن هيه بيضه

غرام:: انجبي رند

خلدان:: ثامر وعبد المطلب وحميد خليهم ياخذون جهال للبستان وعينهم عليهم والله العظيم لو صار شي للبستان ازرع بأذاناتهم خوش هيج كليلهم

غرام:: صار

خلدان:: هيثم وين؟

نسرين:: نايم

خلدان:: نسرين روحوا وياهم وكعدي هيثم كليله يرشرش طرمه وبره هم عيب بابنه كله وصخ شيكولون جيران

هزت راسها هوه راح اني دخلت جوه للمطبخ اشتغل ويه حوريه ونبأ

رند:: أعياد شعجب ماكعدت موخالتها هنا

نبأ:: مادري صايره تنام للظهاري

رند:: اكعدها؟

نبأ:: لا لاتسويلج مشكله يمعوده هسه اخوج يجي يكعدها ويرزلها هم

سويت تمن وزلاطه ونبأ تگلي بسمج حوريه تسوي لبن وتنضف خضره اجت صباح مخلصه تكنيس

صباح:: انكسر ظهري من وراهم ترا موصغيره انا ام الثلاث جهال ولاتعبت بحياتي بكد ماتعبت اليوم من ذول

حوريه:: وكحين همه

نبأ:: ثمره شكد ماصيح عليها بس من يجون ذول اكول ضلمتها

رند:: هههههههه

حوريه:: نسرين وين

رند:: راحت وياهم للبستان

صباح:: راح يخبلونها... اهوو حوريه ابنج كتلو

حوريه:: شبي محسن

اجانه لازم راسه مفرفح

حوريه:: شكو يمه شبيك

رند:: موراحوا ياهوه ضربنه

محسن:: مساعه كتلوني

نبأ:: ههههههه فدوه الحلكك

صباح:: ولك هسه تذكرت تتبجبج

حوريه شالته تغسل بوجه وهوه شابگها مبرطم

محسن:: ارقب ماقبل ياخذني وياه

حوريه:: كول سالفتي ارقب بس ماكلت

محسن:: اريد اروح وياه

صباح:: شوف الحظ ارقب ماخذك فرفحت علينه وذوليج شبعوك ضرب تضحكلهم

عفتهم طالعه بطرمه ولكيت غرام لابسه عبايتها وترشرش بلباب اجيت يمه غامزه هيه استغربت

غرام:: شنو شبيها عينج

رند:: لادا اغمزلج

غرام:: عليمن تتغمزين متكليلي

رند:: ابوي موكال الهيثم يرشرش؟

غرام:: مايكعد لزك بفراشه

بقيت خاتله وره الباب احاجيها وهيه ترشرش شويه وصارت طكه باب باوعت وبقت صافنه

رند:: شكو ليش صفنتي

غرام:: اششش

رند:: ذبيت حجابي ماكدر امد راسي كولي شكو شفتي ولج

غرام:: ابو عيون سمائيه

رند:: اخخخخخ

غرام:: انجبي لج شنوهاي

رند:: هسه هوه موجود؟؟؟

غرام:: هوه راد يروح بس من شافني شو كعد بابهم

رند:: بس لاحباج

غرام:: ايع اسم الله فال الله ولافالج

رند:: خلي اشوفه

غرام:: عيب دا يباوع هسه شيكول ههسه خلصت راح ادخل جوه

رند:: حلو ابو عيون سمائيه

غرام:: منيله دباعيله ماشاءالله ضخم

رند:: انتِ كلتي ماشاءالله

غرام:: اي من الحسد بس موحلو واسمه عبد العزيز

رند:: شدلعينه عزوز

غرام:: شدلعه ولج راح اكتلج عيب عيب صرتي نفس نسرين

رند:: لا اشاقه وياج خيولي مبين نسونجي من عيونه

غرام:: اي لو تشوفين هسه مگابلني حاط ايده على خده وايده ثانيه يورث جكاره وصافن المستهتر

رند:: خزري

غرام:: خزرته... ياا ياا

سدت الباب بسرعه اني ركضت بعيد خايفه

رند:: شكو شكو

غرام:: ضحك وكام جايي علينه

رند:: عزه عزه حنمووووت بس لايدك الباب

سدت الحنفيه شامره صونده ودخلنه جوه قافلين الباب

عذيه:: ناقصه سوادين اني شبيجنن جنجن جنانوه

رند:: ماما شلونج

عذيه:: شلوني... دا افكر ب اشواق

غرام:: امي نسرين كالتلي شي بس مادري صدك او لا

عدلت كعدتها ذابه شيله من راسها

عذيه:: شنو

غرام:: تكول أرقب يحب اشواق

رند:: ياااا ولج لاتسمع فوزيه

غرام:: صعدت الأعياد وين يسمعون

رند:: امي ماتقصد تجذبب كلشي مابينهم والله

جريتها من ايدها وهيه اندارت وياي نشرد

عذيه:: تعالن تعالن

جاوبنه اثنينه بتوتر... ها

أشرتلنه يمها نكعد اجيناها وكالت..

عذيه:: احجن صدك يحبها؟

رند:: جذابه ماما اصلا اشواق تكرهه قبل ماتذكرين شكد يتعاركون

عذيه:: غرام

غرام:: على كلام نسرين اي يحبها وميت بيها

شهكت اهمس وعيني على درج اخاف لاتجي أعياد تسمع..

رند:: لاتضلمين الولد مايحبهاا لو يحبها مايشتريلها ملابس العرسها

عذيه:: ونسرين شمدريها؟

غرام:: شايفته يكتب بورقه مبارك لوعه گلبي مادري شلون

عذيه:: متأكده من هل حجي؟

غرام:: نسرين كالت

رند:: هيه نسرين لأن دائما ويه أعياد صارت تفكر هيج

سكتت امي أشرت النه نروح باوعنه بطرمه محد دك الباب اتنفسنه براحه ودخلنه للعصر وكالت امي اصيح ارقب اجاها وحاجته على صفحه لحگتهم الغرفته والباب مردود سمعت

عذيه:: ها احجيلي بيبي لاتستحي

ارقب:: بشنو؟

عذيه:: صدك ميت عليها

سكت اهواي يلا اتحمحم وكال

ارقب:: ياهيه؟

عذيه:: بنت منوه

ماجاوبها صارت تلح عليه

ارقب:: شنو الفايده هسه؟

عذيه:: حفيدي اني دا يموت گلبي عليها ماشفتها من اجتني هيج تعاين الي واحس جمر بعيونها وكسرتها اخ من ابني شكول علي ضلمهم

اجتني غرام تخوزرني لان اتسنط اشرتلها تسكت وهيه اجت رادت تسحبني وارقب كال بنص كلام بيبيتي

ارقب:: اي احبها ... وعاشگها الأم شامه .

117

غرام تصنمت واني بقيت مصدومه ماجنت متوقعه منه همه مويكرهون بعض

عذيه:: وهيه؟

ارقب:: تكره تباوعلي اصلاً

عذيه:: اشواق هيج تتصرف بس صدك بلمواقف تلكاها اكثر وحده متأثره وتضحي بالايام عاديه ماتبين حبها موطبعها

ارقب:: مادري بس بعد راحت

عذيه:: لا أبني اكو وقت بعد

ارقب:: ها؟

غرام:: امج دا تسوي

رند:: اندري اسكتي بلا نسمع

بقت امي تحاجي هوه ساكت بنهايه كالتله

عذيه:: راح يقبل بيك صدكني انت ابن عمها

ارقب:: وامي تقبل؟

عذيه:: امك بلبدايه ماتقبل بس بعدين اكيد تتقبل

كام واحنه شردنه شويه وسمعت صيح أعياد

أعياد:: شتكووول بس لاسحرررتك منوه

ارقب:: يمه احبها

ميسر:: تكدر الزواج

اعياد:: يكدر مايكدر والعباس ماياخذها لاتخلوني ادعي والله

عذيه:: اذا زلمه قابل هذا هوه

اعياد:: شيفتهم هوه ذني ادري بيهن بنات منوه ضحكن علي امهات سحوره اني الهن ولك ارقب تريد تزوج الكسرت امك ولك هيج تسوي بيه

خلدان:: شكو شكو؟؟

اعياد:: ابني شفيه يريد ياخذ بنت منوه النگسه

خلدان:: منوه تسواج وتسوه راسج ياكلبه يابت الكلب

فوزيه:: شبيكم

خلدان:: اسكتوا كافي

جروهم مدخلينهم للغرفه وقافلين الباب بس نسمه صياح اعياد وتحلف ماياخذها وتهدد وتسب وتغلط وبيبيتي تصيح دافع المنوه

فوزيه:: شبيهم ليش مايتعاركون كدامنه عود؟

عفتها كاعده على جهه لازمه راسي وعياطهم زاد وزاد اخر شي ارقب صاح قوي

ارقب:: يمه احبهاا !

اعياد:: حبتهن عگربه وكرصت روسهم حتى من راحن ماخلص ولك ارقب ذني ساحراتك افتهمني ابني يضحكن عليك علمود فلوسك بنات الفگر

عذيه:: انا كتله ياخذهاا

اعياد:: ياهوه يدزج يعني؟

ميسر:: اعياد كافي لاتخليني اطلكج هسه

فوزيه:: يااا ياا تسميعهم؟

طلعت اعياد ملخه روحها وشاكه من دشداشتها

ارقب:: كااافي

اعياد:: منوه ماتاخذ منها ولاننطيها ولك اكرهه المنوه اكرهه كره العمى انغث مسويه نفسها فقيره وكل مصايب منها ولك عمك طردهم من سوالفهم المكسوره ربك ماتشوف شلون يعاقبهم عيشهم بلفگوره حتى سوزان ماخلصت منهم وضربوها عساهم بلموت ان شاء لله

امي بسبحه ضربتها قوي ترجف وابوي لزمها

عذيه:: والله كلمه لخ على منوه وبناتها اكسرلج راسج ****

اعياد:: خو انتِ عامياتج بسحوره حتى اشواق موتكلج جنتي تكرهينه كليلي ليش هسه تحبيهم وميته على تراب يمشون عليهم

عذيه:: منو كال اكرهم احبهم انا بس ماجنت مقدرتهم كل مره اكول ابني صح ابني وابني بس من وصلت بي يطردهم بره لاوالله اتبرى من حنون اليوم الدين الخاطر عيون منوه "

ميسر::راح اضربج وحق الله لبسي شالج ادبسز

ركضت يم بنات باب مطبخ خايفين منهم ومن صياحهم الرعد بيت رعد

اعياد::ربي كون اشوف منوه وبناتها يتغلغلن ويحترك دمهم ب ابنهم ويجيبونه شهيد

ميسر ضربها راشدي فر وجها فر من قوه ضربه وكعت بلكاع منهاره كامت تملخ بروحها وتصيح منوه ساحرتكم

ارقب:: المره اريدها

اعياد:: والله ماعتبرك ابني يا ارقب اذا تفكر تاخذهاا للزرگه شفت منهاا تلعب النفس

خلدان:: كاااافي اسكتي ميسرر كافي

ميسر:: ابوي عوووفني اضربها

ارقب باوعلي أشرتله يطلع هوه راح للطرمه وطلعت وراه احاجي هوه يرجف من عصبيه

رند:: هدي نفسك

ارقب:: ماتباوعيلهاا حتى خرمشتني

اعياد:: ارررقب

اندار ولگاها طبگ حواجبه

ارقب:: امي !

بلحظه سكون وكعت هيه على كباتها نازله دموعها تناشغ كايله بصياح وحرگه..

أعياد:: والله العظيم اذا مارجعت القرارك من الجلبه هاي احرگ روحي وكدام عينك وعساها بموت اهلها وكدام عينها !

ارقب:: استغفرالله منووو كال ينطونيهاا المره راح تزوج بعد

عاطت حيل

اعياد:: شيل الفكره من راسك شيلهااااااا

هوه ماجاوبها مستغفر هيه اخذت بطل بانزين قليل تريد تحرك روحها وميسر طلع ساحب البطل منها كاتلها قوي ارقب يريد يوخره وميسر عبالك اتخبل عليها ضربها الدرجه ورمها

وفوزيه تصيح من بعيد وتلطم على اعياد..

ظهير:: شنو هاي شبيكم؟

عذيه:: ظهير تعال اريد احاجيك

ظهير:: ميسرر وخرر شكتلك ان...

قبل لايكمل كلامه امي سحبت اخويه ظهير ودخلوا جوه رحت وراهم وغرام جرتني

غرام:: وكت تسنطط

رند:: اريد اسمع

غرام:: اكعدي

رحت اسمع وكالتله

عذيه:: بس دليني وانا اروح

ظهير:: امي صدك جذب شجاج

غرام سحبتني تخوزر ضربتها وابوي يصيح يريد يوخر ميسر من اعياد ماكو ملخها تملخ ارقب سحب ابو قوي عاط وضرب شباكنه من كزاز

اتكسر كله واكع بلكاع ابوي بقى مصدوم وصاح

خلدان:: طايحين الحظظ !

نسرين:: غربت دنيا واني مگابله هذول الولد كعدوا على جهه يسولفون

صفنت شويه ورفعت راسي مالكيتهم بس اختهم صغيره تشلع بزرع ركضت شايلتها

نسرين:: لاا لا عمري ليش هيج

رحت للولد شامرتها عليهم

ثامر:: نرجع؟

نسرين:: اي تعبت حتى عبايتي طينت من وراهم

ثامر:: جيبيهم

خزرته هوه ضحك رحت ادور عليهم انا وعادل ولكيت حيدر لازم ماسحه ويضرب بشجره مطيح برتقال بلكاع

ركضت وراه جاره منه ماسحه واخو ثاني صاعد على شجره ياكل شالهم عادل من ملابسهم ماخذهم

حيدر:: نزلني كلب

عادل:: خرب ابوك على هل تربيه حمار

علي:: لك لاتحجي على اخويه

يحجون وهوه رافعهم ويرافسون بلهوى

نسرين:: ذول ثلاثه بعد ثلاثه

افتريت بلبستان واشوف ميثاء اختهم لازمه مثل عربانه بيها صايره تكصكص حشيش وهيه لازمتها وتركض كاصه الحشيش على شكل دويره

نسرين:: ولج ادبسززز

باوعتلي وصاحت هيه تركض

ميثاء:: ماتطفى خاله ماتطفى

جريتها منها مطفيتها ضربتها على راسها باوعتلي تريد تبجي

نسرين:: طيرتي الحشيش كله رووحي للولد يلا... حميييد

اجاني واخذها شايلها على ظهره وهيه مطنكره مخليه ايدها على خدها بقيت ادور على الاثنين باقيين فجأة وطلعلولي يركضون

نسرين:: شكووو شكووو

سيماء: جلببب جلببب

باوعت منتبه ولكيت جلب يركض وسيماء تركض وتشمر حصو علي عطت راكضه وياهم

نسرين:: ثامررررررر ألحك النه يمعوود !!

مرةة نص ساعه يلا لزمناهم كلهم ورجعنه للبيت

علي:: اريد اشتري

ثامر:: اكلخره وامشي انعل ابوكم لابو جابكم علينه

ميثاء:: نسرررين

نسرين:: ماتت نسرين

ميثاء:: كولي السيماء تنطيني من رمان

نسرين:: عزا العزاجن ولجن يارمااان

باوعتلهن وهيه تأشرلي بيد اختها ماخذه رمانات خضر

حميد:: بويه اخذهن من صفحه المحظوره ابو بشير حتى على جدي راح يتفل ويطردهه

حيدر:: محظوره شنو

نسرين:: ذني دا ينزرعن جديد شوداجن موحاطين سياج دباعي رمان اخضر

سيماء:: معليه مالاتي

ميثاء:: لچ جيبيهن ترا اشك الكره الأرضيه

سحبتهن اثنينهن خالص صبري وياهن راجعين للبيت فتحت الباب واشوف بطرمه دمايه وأعياد متمدده شهكت

نسرين:: هاااي شنووو !

ميثاء:: عاصرين رمان .

اشواق:: مرةة الأيام واجه اليوم الأسود بي زواجي

كعدت بغرفتي ابجي منهاره شكد ماريد اضحيلهم بس مادا اتقبل هل فكره

فيحاء:: يلا نبدلج

اشواق:: ماريد اعوفكم

فيحاء:: بابا يكول قريب...

قاطعتها اشهك قوي اضرب على وجهي

اشواق:: لاتكولين ابونه لاتكوووولين مايتسمى ابد هذااا كلمه اب كلمه عضيمه مو ياهوه الچان

فيحاء:: شبيدنه ماتكليلي

شبگتها متنفسه گوه وهيه تهدي بيه بكوه جرتني للحمام سبحت وكل شوي اضرب بروحي كارهه حياتي

اندك الباب وفتحته لكيتها امي طلعتلها بس عيوني ماده ايدي بدون ماكول كلمه

منوه:: عروستنه الحلوه هاج

رغم اهوى كلام امي بس بذاك اليوم تقززت ساحبه ملابسي بنتر وطابگه الباب حيل لبستهن جان فستان طويل وردي فاتح وعلي تول ابيض لبست

طلعت داخله ساكته وجهي نصه مخرمشته اني باوعت النفسي بلمرايه متنهده اخذت مشط وماكدرت من كثر رجفه جسمي وكع مني

فيحاء:: امشطلج اني

اشواق:: بس سرحي هوه هلكدوته

هزت راسها مشطته الي ليوره جرت كذلتي كاصه منها على كصتي صارت اخذت من حمره لون وردي مخليتلي الشفايفي وخدودي وكحل ابيض بطرف عيوني

اشواق:: كافي هيج... انطيني ربطه البسها

منوه:: لاعمري بدون ربطه

اشواق:: ها؟

منوه:: هسه مايشوفج بس نعقد وتصيرين حلاله يلا يشوفج وعادي بدون حجاب

اشواق:: ماريد

فيحاء:: بس شنو رأيج هيج اسويلج

سحبت من كذلتي وره شعري مخليتها وحاطه طباگه على شكل فلونكه

فيحاء::تمووتين هيج ولج

وخرت طباگه كمت ماخذ ربطه خليتها على راسي شادتها من كدام فيحاء سحبتها شوي اليوره مطلعه بس كذلتي

وامي لبستني جفوف تول ابيض وسوار ومحبس ناعمات لون فضي رشولي من العطر

باوعت الروحي طالعه حلوه من صدك وعيوني تلمع من دموع همست بغصه

اشواق:: بيبي راح تجي

منوه:: اي لعد شلون

بقيت كاعده وطلعوا بره يحضرون العرسي وسوزان تفتر حايره بروحها اكثر مني شافتني وطكت بعلجها جايه يمي

سوزان: خلي حمره سحررريه

وخرت وجهي ضايجه

اشواق:: عوفيني

سوزان:: امداج موصوجج صوجي اني اخليلج فوك ماتحمديني عرسج صار بيتي

اشواق:: والله انگس شي صارلي هذا

سوزان:: ان شاء لله يشوفج نجوم ظهرر يا ام شامه

عافتني وراحت هزيت ايدي

اشواق:: والله ماستغرب من حظي

كعدت بزاويه مقدمه رجليه ناحيه صدري وشابگه نفسي اسمع هوستهم بره ونسوان يجن ضحكت بـ استهزاء

اشواق:: نوب يعزمون

حسيت اختنكت لزمت ناحيه گلبي بكوه متنفسه اعضعض بشفايفي مارايده هل زواج

اشواق:: يارب رحمتك وصبرك

اجت عيني على كعب مالتي هم ابيض انتبهت كلشي لابسته بي بياض

اشواق:: البس ابيض وگلبي منمرد بسواد ظروف"

ماتحملت نازله دموعي بهدوء باقيه وضعيه كعدتي وغفيت بلحلم يتردد كلام بيبيتي

_الورد خير لو شر"

فزيت گلبي يدك سريع

فيحاء:: اسم الله عليج

نزلت عيني بيدها ورد كمت صايره كبالها هامسه

اشواق:: الورد خير لو شر؟

فيحاء:: صدك عود نايمه بيوم عقد قرأنج

اشواق:: حبابه جاوبيني

فيحاء:: طبعا الورد خير هاج ورد جابته الج بيبي

شمرته خايفه استغربت من تصرفي

فيحاء:: شجاج اشواق

اشواق:: عوفوني وحدي حبابين عوفوني

فيحاء:: كالولي اصيحج

اشواق:: مماريد بطلت ماتزوج

شهكت كلامي واني كعدت مخليه ايديه على وجهي ابجي نازله دموعي على چفوفي متبلله راحت فيحاء شوي واجتني هيه وامي وبيبيتي

منوه:: يمه شجاج لاتسويلنه مشكله

عذيه:: خايبه تعاي شبطلتي

اشواق:: انتوا تردون تخلصون مني موو ماحبكم بعد انا

منوه:: حبيبه گلبي اشواق

باوعتلها بنص دموعي ستوها رادت تكمل كلامها ركضت شابگتها قوي منهاره

اشواق:: امي ماريد اريدكم انتوا بقوني يمكم والله بعد ماتوكح وعسى ماسوزان واعياد يموتني كتل يكسرني اقبل بس لاتعوفوني

عذيه:: خايبه لاتبجيني عليج كافي اشواق

فيحاء:: اني شفته

منوه:: ياهوه

فيحاء:: رجل اشواق

اشواق: ماتزوج انا

منوه:: فيحاء بعد لاطلعين

فيحاء:: من بعيد موحلو ماما يخوف جبير بلعمر وسنونه هيج طالعات مبين ضالم نفس ابوي

منوه:: فيحاااء كافي

اشواق:: امي ابوس ايدج لاتنطيني الهم

منوه:: اشواق هذا هوه شيخ ينتضرج بره

عطت متخبله

اشواق:: ماريييد ماريد

عذيه:: ولج اصغر منج واتزوجت روحي

اشواق:: ماما يخوف ماريد وحدي يمه

عذيه:: ولج تجذب عليج فيحاء

فيحاء:: ليش تشمروها مبين ماما

منوه:: فيحاااااء

وكعت الرجلين امي اتوسل بقهر..

اشواق:: الله يخليج ماريده حبابه والله اخاف

منوه:: كومي بنتي شسالفه الله يهديج

عذيه:: صوتجن اشواق اطلعي يلا

اشواق:: ابوس رجليكم لاتعوفوني

انفتح الباب علينه ودخل ابويه كمت بسرعه يباوعلي وفاتح عيونه بعصبيه قافل الباب

عذيه:: حنون لااا حنوووون

امي صارت كبالي خايفه دفعها ولزمني قوي ضاربني راشدي حسيت خدي خدر منهد حيلي بسرعه وكعت دنك عليه جارني من ملابسي

كال وهوه فاتح عينه عليه بكل حيلهن..

حنون:: موبكيفج ماتزوجييين فااهمه ولچ وربج ادفنج وانتِ عايشه !

بقيت اباوعله مانسى قساوه نضراته عافني وراح ادنيت النهايه غرفه ارجف حيل

منوه:: ييمه بنتي

راح شوي امي رادت تسد الباب علي وهوه دخل بيده سجين شهكت بيبيتي تصيح عليه توخره ودفعها موكعها وامي تتوسل بي يوخر مني

اجه عليه خانكني مخلي سجينه كبال عيوني كايل بنتر وعصبيه..

حنون:: كوولي اموتج هسه لو توليين بيت رجلج

همست بكسره وشفايفي يابسه

اشواق:: موتني .

ماجان متوقع ردي صفن وجر سجين على ركبتي طخت فتحت حلكي وامي عاطت

لزمت ركبتي صايرلي جرح

عذيه:: الله يلعنك حنوون

محد سمع صراخنه من صوت الاغاني نسوان بلهول وزلم بطرمه منتضريني ركضت امي عليه وبيبيتي يشوفني خايفات لگن بس جرح وطالع دم

حنون:: ماتموت بس والله اذا ماكامت هسه اذبحها

ضربتني امي على چتفي تبجي

منوه:: كوووومي كوومي

كمت بهدوء وامي عدلتلي ربطه وايديها يرعشن بيبيتي راحت روحها كاعده وفيحاء بس مصدومه وخايفه

دمي ينزل على فستان عرسي

هوه دفعني قوي ناحيه الباب

حنون:: يعقدون وعرسج بهل لحظه خاف ماتدرين

مارديت رحت للهول فاتحه الباب كلهم شهكوا من دم على فستاني ركضت بيبيتي مخليه شيلتها عليه ضامه حتى وجهي

عذيه:: تعورت وتأخرنه

كلهن صارن يحجن واسمعهن يشفقن عليه خطيه وماخطيه خلولي كرسي وره الباب مطل على طرمه

ابوي راح حجه ويه شيخ يبدي مخلين الباب مردود حتى اسمع وبده يحاجيني شيخ

انا منزله راسي وايديه يرعشن من ألم ركبتي شيخ عاد عليه زواج اكثر من مره واني ممجاوبه

كالت وحده من نسوان

:ههههههه كافي تثگلين عليهم وافقي

رفعت راسي شفت امي تباوعلي وايدها على حلكها تبجي بعدني ماحاجيه وانفتح الباب قوي صاير هدوء

نسوان صارن يحجن مامفتهمات صار مديت راسي من باب ولكيت زلمه واكف بنصهم منطيني ظهره لابس شماغ على ركبته

كال بصوت عالي مسمعهم كلهم

:: اني سجيل ابن ظهير الملا .. يابت عمي اني ناهي عليچ "

632

يتبع..

الثامن من هنا

مدونة مكتبة حـــواء

رواية ندبات الملا بابل الفصل السابع 7 بقلم زينب جعفر