رواية صراع قاصر الفصل السابع 7 بقلم نوسه حمد

كتبت ليهو الرساله وبقيت ابكي لمن حسيت انو خلاص طاشه شبكه وبقيت مافاهمه شي وصدا صوتي سامعاهو بعيد فجاه سمعت الباب بضرب فتحتو لقيتو ولد وبت سلم علي قال لي انا كريم صاحب علي اخوك قلت ليهو علي منو وكريم منو انتو شكلكم نصابين ومسكت الولد من قميصو وبقيت اكورك حرامي حرامي في ثانيه لميت فيني الناس وبقيت اقول ليهم انا عايزه امي ديل دايرين يخطفوني وكريم صاحب علي بقا مخلوع واقول لي الناس دقيقه افهمكم وانا اقول ليهم تفهمن شنو انت حرامي والبت المعاك دي بت شوارع وانتو جايين تخطفوني وبقيت جايطه وجايطه وقلبي وقف عديل لمن حسيت اغمي علي وما وعيت الا بي راجل كبير قدر ابوي بقرا لي ف قران قلت ليهم انا وين ومحمد وين ولقيت ولد وبت غريبين وشايفه جيرانا كلهم قاعدين عرفت الحاله جاتني بديت استحضر انو محمد وريتو الحقيقه وفات ودا صاحب اخوي لبست طرحتي وسلمت عليهم هم مخلوعين شديد لمن خايفين مني في واحده من جيرانا ف العمر قدري قلت ليها فشنو قالت لي انتي اتغيرتي وبقيتي مافاهمه شي وبقت

تحكي لي انا خجلت وراسي ما رفعتو من الارض والدنيا حسيتا لافه بي ديل الماشه اقعد عندهم بعد الحاصل دا اقعد عندهم كيف الجيران اعتزرو من الضيوف وفاتو وبقينا برانا قالو لي جاهزه عشان نمش قلت ليهم اي وطلعت معاهم بس بطني طمت شديد الحاله دي م سترتني معاهم وهم طول السكه م فتحو خشمهم معاي وصلنا بيتهم لقيت اهل كريم كلهم قاعدين شكلهم منتظرني رحبو بي واكرموني واختو ضيفتني معاها في غرفتها وشكلهم غنيانين شديد العز ظاهر فيهم واليوم مرا من غير ما اعرف شي عن محمد والشي المحيرني محمد فات وين وخلاني براي كيف للدرجه دي انا رخيصه دموعي عشره عشره وقلبي مقبوض اخت كريم اسمها كيان بت كده ايه من الجمال والرقي بتدرس طب لمن شافتني ابكي قالت لي نوسه ربنا اخفف عليك انا م عارفه اقول شنو بس الحاجه البتجيك دي غريبه يعني ما مرض انا متاكده قعدت احكي ليها متين جاتني والحاصل كلو قالت لي كيف انتي تتزوجي وانتي قاصر انت بريئه شديد ومافاهمه للحياه حاجه اهلك م خافو فيك الله وكيف يطلعوك من المدرسه قعدت ابرر ليها ودا م تبرير دي الحقيقه قلت ليها ابوي تعب معاي بس الحاجه البلوم فيها ابوي انو زوجني لمحمد وما كلمو بالحقيقه وبقيت احكي ليها بمحمد كيف احترمني وانو الحاله دي قلت شديد بس محمد ح يسافر وطلب مني اقعد مع اهلو وانا بالوضع دا كيف اقعد مع اهلو قالت لي اهلو شنو انتي بالوضع دا اساسا حرااااااام تتزوجي وهسي كان ربنا قسم ليك وحملتي وجاتك حالتك دي احتمال تعملي مصيبه في الطفل الما عندو ذنب دا قلت ليها كيان انا نفسي اكون حامل انا حاسه لو ولدتا ح ابقا كويسه شديد قالت لي نوسه صعب انك تلدي قولي ان شاءالله م اكون حامل قلت ليها طيب انا ابقا كويسه كيف انا تعبت دايره اتعلم وبقيت ابكي قالت لي نوسه كل شي وليهو حل انا ح اساعدك كتير المهم الحاله دي لمن تجيك ابلعي منوم رغم انو خطر لو كترتي منو بس صدقيني حالتك الشفتها بيك ديك ماينفع غير انك تنومي قلت ليها انا انوم لمتين يا كيان يعني انا ح اكون نايمه عمري كلو مع احترامي الشديد ليك بس انا لازم اتتعالج قالت لي لقيتي علاج لحالتك قلت ليها لا والله وما خليت دكتور قالت لي طيب افضل شي حلي دا قلت ليها دا ح اعتبرو حل مؤقت اول م امشي منكم حا اسافر اتعالج بره قالت لي احسن شي والله

تاني يوم اتصلت علي امي قالت لي اها راجلك كيف غلبني ارد قلت ليها كويس يمه قالت لي الايام دي مهجججين نحنا قلت ليها ما شاء الله فشنو قالت لي عرس محمد وايلاف طبعا نزل علي خبرهم زي الصاقعه قلت ليها اتهنو قالت لي تطلع ف الجواز مسافره ليهو بعد مشت براها مع عمتك تطلعو في شندي بس عمرها صغير قالو الا اجي ابوها ابوها مشا وطلعوهو وعملو العقد ورسلو ليهو القسيمه عشان يجهز ليها انا بسمع فيها وقلبي مقطوع انا مابحب محمد وحمدتا الله اني م وقعت فيهو بس غاظتني حركت ايلاف رغم اني حكيت ليها انو عايزني قالت لي اها م بتجي للعرس قلت ليها لا م اظن بنزل عند ناس محمد ومحمد مسافر قالت لي زياره ما بتجونا قلت ليها ماف طريقه يمه اعفي لي وادعي لي قالت لي والله انا بدعي ليك في كل صلاه ربنا استرك مع راجلك دا قلت ليها امين يمه وقفلت الخط ودموعي نازله وبقيت مافيني حيل مرضتا عديل ومرت الايام والحاله قبل ماتجيني بقول لي كيان انا صدعتا معانا الحاله ح تجي قاعده تديني الحبه ببلعها بنوم فترات طويله شديد

يوم قلت لي كيان انا ماشه الشقه اشوف محمد جا قالت لي نوسه انتي م عندك كرامه زول فات خلاك انتي عروس وهدا تلفونك يوم واحد م اتصل عليك ولا عارف انتي مشيتي وين وخلال كلامك مع اهلك ماسال اهلك منك كيف تفتشي ليهو انتي خجلت شديد وسكتا قلت ليها ماعارفه بس م قادره انساهو وهو حلالي قالت لي حلالك مفترض يصبر ويستحمل قلت ليها لكن غشينا عليهو نحنا قالت لي والله انا زاتي ماعارفه ابوك دا اتصرف كده ليه مهما كان مفترض يخليك بس قلت ليها الحمد لله

يوم رسلت لي علي قلت ليهو علي اها فهمني الحا يحصل شنو هل انا ح اقعد مع الناس ديل مستحيل طبعا وريني البحصل عشان اسافر اجيك علي اتصل علي قال لي نوسه والله إنا الكفيل حقي خرج لي نهاي الخبر نزل علي زي الصاقعه دي مصيبه وحلت علي دماغنا اهلي يصرفو من وين قال لي نوسه امر المؤمن كلو خير انا نازل بعد بكره السودان بنزل اسوقك معاي ونمش الحله وانا البتفاهم مع ابوي ماعندك فيهو شغله قلت ليهو خير قفلت الخط وبقيت ابكي علي حظي اخوي دا من صغير ف السعوديه وقت داير اسوقني انا خرجو ليهو انا عارض بقيت ابكي وابكي لمن صدعتا وبقيت افتش لكيان م لقيتا وخلاص بقيت م قادره طلعت من الغرفه وانا طاشه شبكه انا وين ماعارفه لقيت لي مره كبيره تعمل ليها في قهوه ومعاها راجل قلت ليهم انتو منو وتعملو فشنو دا بيت دعاره صاح وبقيت اصرخ واكورك لميت فيهم الناس قلت ليهم انا وين المكان دا مشبوه ودوني اهلي والناس ديل خاطفني انا ماشه بيتنا طبعا المره والراجل ديل ام كريم وابوهو خشمهم مافتحو وانا شغاله ابكي واكورك وانبز فيهم نبز ما خليت نبزه ماقلتها ليهم لغايه ما جا ولدهم ولقاني اكورك قال لي كيان وين قلت ليهو كيان منو ياخاين وطاخ اديتو كف ……………..يتبع