رواية بعد ان فات الاوان الفصل السادس 6 بقلم جمانه السعيدي
ياسين....بقيت اباوع على جدي
لان كال امه وابو ميتين صح هم ماموجودين بحياتي
بس ماحبيت نبدي العلاقه ويا اهل رحمه بجذبه
ابو رحمه....والنعم منكم ومن اصلكم
جدي....اي شي تطلبينه احنا حاضرين
ابو رحمه...ما تقصرون انشاء الله
بس محتاجين وقت نفكر ونرجعلكم الجواب
جدي.. اخذو راحتكم
طلعنا من بيت ابو رحمه
ماحبيت احجي ويا جدي بهذا الموضوع
بس مارضيت علي
بعد اسبوع اتصل ابو رحمه بلغنا بلموافقه
اخذنا مشيه ورحنا عليهم وكلشي مشى حسب الاتفاق
كنت احس نفسي سعيد
وكلبي يكلي هذا الاختيار الصح
بدينا نجهز للعرس
رحمه....نزوج بيتنا الجديد
ياسين...ليش مو ابيتي اني عندي بيت بناء حديث
قريب على بيت جدي
اني مااكدر ابتعد عنهم تعرفين كبار ومحتاجين رعايه
رحمه...ماكو مشكله بلنسبه اليه ماكو فرق
اهم شي ابوي يكون وياي
ياسين....انتي وابوج على راسي
رحمه....سالم راسك
بدينا نأثث بلبيت ونجهز الشغلات الناقصه
سنة ٢٥ بشهر الثاني تحديد اني اشتريت عماره قديمه
كلش قديمه بس موقعها حلو
يصير نبني علي شي استثماري
وواكو كاع بصفها معروضه للبيعه اشتريتها
قررت اهد العماره وهاي الكاع وابني عليهم محلات استثماريه او ابني عمارتين
الموقع عجبني حيل
العماره كلش قديمه ساكن بيها خمس عوائل
هاي العوائل حالتهم الماديه حيل تعبانه
لان العماره قديمه إيجارها قليل باقين كاعدين بيها
دزيت المساعد ينطيهم خبر بعد مناخذ اجار من بداية الشهر الجاي ولازم ينتقلون من هاي العماره لان راح نهدها
بعدها بكم يوم عزمت رحمه نتغده برا
الساعه ١٢ الضهر وصلت رحمه للمكتب ااشرتلها
ااكعدي لان عندي مكالمه مهمه
جان اسمع صوت وحده تصيح وتهوس برا
ووين مديركم
اي الشبعان مايدري بلجوعان ناس كاعدين
كافين خيرنا شرنا
منو دزه علينا يعني خلصت الاماكن ماكو غير هاي العماره يريد يشتريها
مافكر بينا وين نروح
رحمه.. هاي شكوووو
ياسين....دقيقه ابقى هنا واني راح اشوف شكووو
طلعت برا لكيت وحدا
ضعيفه شحالها شكله مبهذل
مبين عليها الفقر والعوز
تحجي وتعيط بصوت عالي
بقيت صافن عليها الصوت مو غريب عليه
حتى الشكل هذا اني شايفه بس ناسي وين شايفه
احساسي يكول اعرفها
بس مجاي اذكر وين شايفها
ياسين.. اتفضلي اني بخدمتج
....يااا خدمه الله يخليك اني ماعندي ادفع إيجار غالي
وانت تريد اطلعني من الشقه الي كاعده بيها
ووين الكه سكن هيج رخيص
اي الشبعان مايعرف الجوعان شلون عايش
ااكيد تريد تبني برج مدري عماره ايجوز ناطحت سحاب
شمدريني حايرين بفلوسكم
ووين تخلوهن جمانه السعيدي
ياسين.. تحجي واني عقلي يكول اعرفها
بس مجاي اذكر منو او وين شايفها
ياسين....تفضلي خاله جيبولها مي تشرب
جيبو كرسي تكعد علي
تدللين خاله اني اخذلج بيتي واخليج فوك راسي
....تسلم بس اني اريد مكان اسكن بس رخيص مااكدر ادفع إيجار غالي
ياسين... صار خاله انتي ام منو بلا زحمه
ماجده....كول ماجده اني اسمي ماجده
ياسين.. هيه كالت ماجده واني عبالك وواحد كفخني على راسي اي هيه امي واني اكول وين شايفها
شكد متغير شكلها
كعدت على الكرسي وطلعت جكاره ادخن
اباوع عليها عبالك الساني انبلع
معقوله بعد كل هذا العمر اللقاء بينا يكون هيج
شوف الزمن شلون لعب لعبته لعبت محترف
امي بدون سكن والي بيده السكن وجاي تتوسل بي ابنها
اذكرت شلون جانت اتصيح عليه وتضربني من جنت زغير
وشلون انهزمت وعافنني
وما سئلت عني
ماجده....فدوه العينك انت مبين ابن خير
عوف العماره وروح اشتري بمكان ثاني
ياسين...انتي ويامن عايشه
ماجده...ووحدي لا اشوفني هيج اني بت خير
ونعمه بس الضروف لعبت بيه
جانت عندي شقه بمكان راقي زوجي انطانياها هديه زواجنا
بس القسمه الغبره خلته طلكني
كلت بمكان مااعيش وحدي والناس تطمع بيه
رجعت ازوجت وواحد حشاك نصاب
ضحك عليه كال نبيع الشقه ونشتري بيت
صدكته بعت الشقه ونطيته فلوسها
من يومها بعد ما شفته ابد مو كتلك نصاب
ياسين....وووين اهلج
ماجده...اهلي متبرين مني مايردوني
ياسين...ليش
ماجده....هيج بدون سبب
ياسين...عندج اولاد
ماجده...لا ماعندي اولاد ربك حتى من الاولاد حارمني
ياسين....روحي اني بعد مراح اهد العماره الخاطرج
ماجده...الله يحفظك ويطول عمرك
الف رحمه على والديك
راحت تمشي وهيه اطفي جكاره وتشعل جكاره
واني عيني وراها
صحيح المثل يكول كل قوي للزمان يلين
ووين جانت شايله الدنيا فوك راسها
بس بيبي كالت حجايه ماجده مراح تتوفق بحياتها
مادام امها وابوها ماراضين عنها
جمانه السعيدي
رجعت للمكتب
رحمه...هاي شبيها ليش تعيط هيج
ياسين....ممكن ناجل الطلعه البااجر مراح اكدر اطلع هسه
رحمه...شبيك حبيبي هاي المره ضوجتك
ياسين...فوك ما تتخيلين
رحمه...لا اضوج حبيبي تروحلك فدوه
ياسين...يله اوصلج البيتكم واني ارجع البيتنا
اخذت رحمه وصلتها الاهلها ورجعت للبيت
دخلت للبيت
بيبي...شو رجعت مو كلت اتغده برا اني ورحمه
رحت كعدت يم جدي
جدي...شبيك ضايج
ياسين....اليوم شفت امي
جدي....امك وين شفتها
بيبي....حجيت وياها
ياسين...ماعرفتني
بيبي...حجيت وياها
ياسين...اي بس ماعرفتني
جدي...ووين شفتها وشلون
ياسين.....اجت تتوسل اعوفها بشقتها لان ماعدها مكان تروح تسكن بي
بيبي...عدها شقه باسمها
ياسين...مزوجه واحد وضاحك عليها بايعتها وماخذ فلوسها
جدي...هم رجعت عليه ماجده لا هله
ياسين...جدي لو شايفها شلون متغيره حتى ادخن
جدي....ممنوع يحن كلبك عليها فهمت لو لا
ومن باجر اروح اني وياك اسجل كل الأملاك باسمك
ماجده كلشي ما تحصل مني
بقيت طول النهار تعبان وافكر بيها
شكد غبيه عافت هذا الخير كله ونهزمت
وتالي كلشي ما حصلت ساكنه بشقه قديمه وداكها الفكر
ياترى هذا جزاء عملها
لو فعلا لان جدي وبيبي ماراضين عنها
ماتوفقت بحياتها
اتصلت عليه رحمه
رحمه.. شلون صرت
ياسين....الحمد لله
رحمه...ليش هيج ضجت اليوم
ياسين....كسرت خاطري هلي المره
رحمه...فعلا راح تعوف العماره علمودها
ياسين...احاول الكيلها يكن مناسب وبعدين اخد العماره
رحمه....لازم كل العوائل مو بس هيه
ياسين...مااعرف بعدني عقلي مشوش
ثاني يوم اني وجدي رحنا للتسجيل العقاري وجدي نقل كل املاكه باسمي
امي من رجعت للعمارة سولفت كلشي صار وياها
كالت هذا المهندس طلع محترم
وكال راح تبقين بلعمارة لمن ادبرلج سكن
اني احسن منكم رحت حجيت ويااا
مو مثلكم جبناء على الاقل راح اضمن اكو سكن اذا العماره تفلشت
ااكو رجال جبير يعرف ياسين ويعرف جده
جان واكف وسمع كلام ماجده
ابو حازم.... ياسين خوش ولد هذا تربية جده طاهر حمد
القاضي المعروف هو الي ربا وتعب علي
ماجده....شنو شكلت منو هذا المهندس عيد الكلام كلته
ابو حازم....ياسين حفيد القاضي طاهر حمد معروف الناس كلها تعرفه رجال محترم
ياسين....يومين واني ماطلعت صورة امي من دماغي
متفاجئ من هاي الصدفه العجيبه الي جمعتنا ثنيينه
بعد عشرين سنه
اليوم الثالث تفاجئت امي دخلت عليه للمكتب
تباوع عليه ومبتسمه
عرفت من نظراتها اليه عرفت الحقيقه
ماجده...ابني حبيبي
ياسين....العفو يمكن انتي غلطانه
ماجده...لا مو غلطانه انت ابني ياسين اعرفك زين
ياسين....تفضلي شلون اكدر اخدمج
ماجده...هاي شبيك تعال احظنك مشتاقتلك
ياسين....هاي السوالف عبريها على غيري
كولي شتردين بلضبط
ماجده...بعد كل هذا العمر هيج تقابلني
ياسين.. اني مااعرفج اصلا حتى اقابلك غير مقابله
ماجده...ليش هيج حاقد عليه
ياسين....كتلج اني ماعرفج حتى احقد عليج
ماجده....ااكيد هذا جدك هو الي سود صورتي بعقلك
ترا اني امك وابقى امك
خل اشرحلك ضروفي اسمع مني موبس منهم
ياسين...مايحتاج اسمع من احد
اني جنت شاهد على كلشي
ماجده.....هاي شبيك ليش تحجي وياي هيج
ياسين.. اني عفت العماره مراح اهدها بعد شتردين مني
ماجده...سمعت عندك شقق وبيوت
اريد بين حلو وكون مااثث اثاث راقي
اسكن بي واريد راتب اعيش منه
ياسين.. ههه ضحكتيني
ماجده....اذا ما تنطيني بيت حلو وتمشيلي راتب
اطلع افضحك كدام الموضفين
لا مو بس هيج
اي مكان يكون الك شغل بي ااي مكان
اروح وااكول اني امه وشامرني ومايسئل عني
ياسين...اي شي يعجبج سوي اني امي ميته
ماجده...الك يومين اذا ماشفتلي بيت وسجلته باسمي
وتنطيني راتب محترم
راح تدخل وياي بحرب انت الخسران بيها
فكر زين قبل لا ترد عليه
ياسين....انتي شنو مذكره عندج ولد
وين جنتي كل هاي السنيين وانتي تركضين ورا ملذاتج
ليش عفتني عمري خمس سنوات رحتي ما سئلتي عني
ووين جنتي من تمرضت من رحت اول يوم للمدرسه
وانتي ماتدرين بيه
ووين جنتي من طلعت من الاوائل
انتي مو امي اني ماعندي ام فهمتي لو لا
روحي شنو بخاطرج سوي
انتي ما تهدديني
حتى من عرفتي اني ابنج جايه تستغليني
عبالي تعتذرين عن البعد والقسوه
جاي تهدديني بعد عشرين سنه
روحي مااريد اشوف وجهج مره ثانيه
السابع من هنا