رواية ترويض ولد العشماوي الفصل الخامس 5 والاخير بقلم مصطفي جابر
سراج حبيبي كويس انك جيت شوف ملك بتطردني من أوضتنا وبتقولي كلام وحش أوي وأنا والبيبي محتاجينلك وكمان لبسالك القميص اللي بتحبه يقلبي
سراج زقها عنه بقرف : أوضتنا؟ أنتي شكلك نسيتي نفسك يا هايدي الأوضة دي متحرمه عليكي والسرير ده متنامش عليه غير الست اللي واقفة دي اما انتي اطلعي برا بالمنظر المقرف اللي انتي لبساه ده وملمحش طيفك في الدور ده كله فاهمة ولا لسه غبية
هايدي بصدمة : سراج أنت بتطردني عشانها ؟أنا حامل في ابنك
سراج فتح الباب ومسكها من دراعها وخرجها برا: الولد في بطنك ملوش علاقة بقلة أدبك انزلي تحت في أوضتك ولو رجلك خطت هنا تاني هبعت أجيب المأذون يطلقك غوري
سراج رزع الباب في وشها ولف لملك اللي كانت واقفة بتحاول تخبي ضحكتها ورا كف إيدها سراج بص لها بحنان وقرب منها وهو بيبتسم
سراج: حقك عليا يا ست البنات والله الدار بقت عاملة زي السيرك بسببها بس متقلقيش السرير ده مغسول بماء الورد عشانك أنتي وبس
ملك بضحك : والله يا سراج شكلها كان يقطع القلب وأنت بتطردها بالمنظر ده بس عارف المرة الجاية لو ملقتكش عملت كدة هرميك أنت وهي من الشباك
سراج بضحك: ترمي سراج ده أنتي بقيتي مهرة الصعيد بجد تعالي بقى ارتاحي ده أنتي يومك كان طويل جوي
نزلت هايدي جِري ل نوجة
هايدي بزعيق وغل: شوفتي ابنك يا نوجة هانم طردني من الأوضة كأني كلبة جربانة سحبني من إيدي ورزع الباب في وشي عشان خاطر ست الحسن بتاعته بقى أنا هايدي يتعمل فيا كدة
نوجة بغيظ : اهدي يا مقصوفة الرقبة فضحتينا في الدار سراج عقله اتلحس بالبت دي مكنتش أعرف إنها واعرة كدة وهتلفه في صباعها من أول ليلة ابن قلبي مبيسمعليش كلمة بسببها
هايدي بشر : بقولك إيه إحنا هنقضيها يا مري و يا ويلي اسمعي يا حماتي لو سراج مرجعش ليا النهاردة قبل بكرة وطلق البت دي أنا هطلع لشاكر بيه وأقوله الحقيقة كلها هقوله إنك أنتي اللي بعتيلي البندر وأنت اللي خططتي لفيلم الحمل ده وأنتي اللي دفعتي للدكتورة عشان تقول الخبر ده قدامهم
نوجة بشهقة ورعب: يا مري أنتي اتجننتي يا بت عاوزة تخربي بيتي وتخلي شاكر يخلص عليا إحنا مش اتفقنا إن ده سر بيني وبينك عشان نرجعك والبت دي تغور
هايدي بمكر: اتفقنا لما كان سراج بيحبني مش وهو عمال يسبل للي ريحتها بصل دي ... أنا مش هقعد هنا خدامة والسر ده لو طلع أنتي اللي هتتحرقي قبلي فكري في حل يخلصنا من ملك دي نهائي
نوجة بغل وتفكير: ما أنتي عارفة إني محتاجاكي عشان سراج يفضل تحت طوعنا والفلوس اللي بتصرفيها في البندر دي ليكي نصيب فيها بس البت دي سد منيع سراج حاططها في نينه والعمل إيه
هايدي بخبث : نلبسها مصيبة مصيبة في شرفها نطلع عليها إنها ماشية مع واحد و سراج صعيدي والشك عنده بيموت ولو شك في شعرة من شرفها هيدبحها ويرميها للكلاب وكدة الساحة تفضى لي ولبنك
نوجة بتوتر : يا لهوي يا هايدي شرف إيه ده شاكر يقتلنا كلنا لو شم خبر وملك بت عمهم يعني الفضيحة هتطولنا كلنا ده لعب بالنار يا بت
هايدي بإصرار : النار دي هي اللي هتدفينا في الآخر يا نوجة أنتي خايفة ليه إحنا هنرتب كل حاجة بالملي وسراج مبيشوفش قدامه لما يغير فكري في ابنك والبت دي ولا عاوزة البت دي تورث كل حاجة وتطردك أنتي في الآخر
نوجة بشر: والله كلامك فيه سِمّ بس يبرد القلب ماشي يا هايدي هنرتب للمصيبة دي بس لو اتكشفنا أنا مش عارفاكي ولا شوفتك فاهمة
هايدي بابتسابمة خبث: فاهمة يا روح قلبي سيبيني أنا أرتب لـ العريس اللي هييجي يزور ملك في خيال سراج وخليكي أنتي عليكي سراج تقيدي ناره كل شوية بكلامك اللعبة بدأت
تاني يوم
سراج فتح عينه الصبح فضل ساند راسه على إيده وهو بيتأمل ملامحها اللي سحرته من أول ليلة
سراج بهمس وسرحان: يا مري على الجمال ده أنا كنت فين وعقلي كان فين معقول الغزال ده كله كان مستنيني في النجع وأنا عمال ألف ورا السراب
مد إيده يلمس وشها بحنية بس أول ما صوابعه لمست بشرتها اتنفض من مكانه بصدمة بشرتها كانت قايدة نار ووشها أحمر
سراج بخوف ولهفة: ملك ملك يا بت عمي قومي أنتي جسمك محروق يا خيتي أسيل
ملك بتعب: في إيه يا سراج مالي حاسة إن راسي تقيلة جوي ومش قادرة أفتح عيني
سراج قام جاب فوطة ومية ورفع راسها بلهفة: أنتي سخنة يا قلبي شكلك واخدة دور برد واعر ولا ده من زعل امبارح استني متمشيش أني هجبلك علاج دلوقتي وهبقى جنبك
سراج جاب الدوا ومسك الكوباية وبدأ يشربها بإيده وهو ساند ضهرها وملك كانت بتبص له بكسوف وذهول من الحنية اللي فجأة ظهرت في عيونه
ملك بكسوف: تسلم يدك تعبتك معايا يا ابن عمي أني هقوم دلوقتي أجهز الفطار وأشوف اللي ورايا ملوش لزوم القلق ده
سراج بحدة و بحب: تقومي فين والله ما أنتي مفارقة السرير ده اللحظة أني هنزل بنفسي المطبخ وأعملك لقمة ترم عضمك وأنتي تفضلي هنا مرتاحة فاهمة ولا لسه رأسك ناشفة
ملك ضحكت بتعب: أنت اللي هتعمل فطار يا سراج ده أنت متعرفش مكان المعالق فين في الدار خليك الخدامين هيعملوا
سراج بابتسامة حنونة: عشانك أنتي هتعلم كل حاجة خليكي مرتاحة يا نور عيني
نزل سراج المطبخ وبدأ يخبط في الحلل والأطباق نوجة كانت قاعدة بتشرب القهوة واتصدمت لما شافته لابس مريلة المطبخ وبيحضر أكل
نوجة باستغراب وتريقة: يا مري سراج واقف يطبخ ده النجع كله هيسمع بالخبر ده بتعمل إيه يا ولدي الفطار جاهز برا
سراج من غير ما يبص لها وبجمود: بعمل فطار لمراتي عشان تعبانة وسخنة ومحدش هيعمل أكلها غيري النهاردة
نوجة بقرف: سخنة يا عيني دي لحقت تتدلع وتتمسكن عشان تشغلك خدام عندها والله البت دي عارفة سكتك زين يا سراج بكرة تخليك تغسل المواعين كمان
سراج بحده : ملك مراتي وخدمتي ليها شرف ليا مش اهانه ياريت توفري كلامك ده وتدعي لها بالشفاء بدل ما أنتي قاعدة تلقحي بالكلام عشان اللي يمس ملك بكلمة كأنه مسني بالظبط حتى لو كانت أنتي
سراج سابها واقفة بتغلي من القهر وشال الصينية وطلع ملك وهو حاسس إن قلبه هو اللي واجعه عليها
سراج وهو طالع بالصينية لقى هايدي واقفة في الممر بتعدل شعرها
هايدي بدلع : سراج حبيبي بجد تعبت نفسك أوي مكنتش عارفة إنك لسه فاكر إني بحب الفطار في السرير ميرسي يا روحي
سراج ببرود : ميرسي على إيه أنتي فاكرة الأكل ده ليكي ده لمراتي عشان تعبانة أنتي الفكري معا نوجة تحت وسعي كدة من وشي بدل ما الصينية تقع على لبسك الغالي ده
هايدي بغِل : بقى كدة يا سراج بتطبخ للفلاحة وأنا حامل في ابنك ومش معبرني ماشي بكرة تندم
سراج سابها ودخل الأوضة ملك شافته وجت عينها على هايدي اللي واقفة برا بتموت من غيظها
ملك بدلع: تسلم يدك يا سيد الرجالة تعبت حالك عشاني وأني مأستاهلش كل ده كفاية عليا طلتك اللي ترد الروح
سراج قعد جنبها بحنان: تستاهلي دهب النجع كله يا ملك كلي يا بت عمي عشان تخفي وتقومي تنوري الدار من تاني
هايدي برطمت ومشيت
دقايق وتليفون ملك رن
ملك باستغراب وهي بتبص للشاشة: مين ده رقم غريب مش مسجل عندي
مدت يدها بالتليفون وادتهوله
سراج باستغراب: ليه يا ملك مديهولي ما تردي أنتي شوفي مين
ملك بطيبة : أني مبردش على أرقام غريبة واصل يا سراج وبعدين أنت جوزي وسيدي وحقك ترد وتعرف مين بيكلمني أني معنديش حاجة أخبيها وأهم حاجة عندي إنك تفضل واثق فيا
سراج بحنان وهو بيبص في عينها: يسلم أصلك يا بنت الأصول أني واثق فيكي أكتر من نفسي والكلمتين دول عندي بالدنيا كلها اني هرد لاجل اهزقه
ملك بابتسامة : اللي تشوفه صوح اعمله طول ما أنت جنبي أني مش خايفة من واصل
سراج فتح
الشاب: اي يا قمر فين الغيبة دي وحشتينا يا قطة مش ناوية تحني علينا ولا النسوانجي نساكي حبايبك القدام
سراج عروقه برزت وعينه احمرت بس قبض على التليفون بقوة ورد
سراج بغل: نعم يا روح أمك حبايب مين يا جربوع ياحقير أنت أني سراج العشماوي و اللي بتتكلم عليها دي بقت مراتي ولو ملمتش لسانك ده هقطعهولك وأرميه للكلاب
الشاب بخبث : سراج بيه نورت يا عريس بس بلاش تشد على أعصابك اسأل العروسة كانت بتكلم مين قبل الجواز ولا هي متمسكنة قدامك دي حكاياتها مالية البلد يا عريس
سراج بزعيق هز الحيطة: أخرس يا كداب يا واطي مرتي أشرف منك ومن عيلتك واللعبة الرخيصة دي متدخلش على سراج العشماوي الرقم ده هجيب صاحبه الليلة وهدفنه حي غور في داهية
رزع سراج التليفون وقفله خالص وبص لملك اللي كانت بتبص بهدوء ووشها باهت من التعب
سراج وهو بيمسح على راسها: متقلقيش يا حبيبتي ده واحد ملهوش قيمة وعاوز يوقع بيننا أني واثق فيكي أكتر من روحي وعارف إنك ست البنات
ملك بصت له بحزن ومرارة: ماشي يا سراج كويس إنك واثق فيا بس الحقيقة إني أني اللي مش واثقة فيك أوي
سراج اتصدم ورجع لورا: أيه بعد كل اللي عملته ليه يا ملك بتقولي كدة
ملك بدموع: عشان سراج اللي أعرفه كان بتاع نسوان وبتاع سهر ومبيفرقش بين الحلال والحرام في كلامه مع البنات إزاي عاوزني أصدق إنك بقيت الراجل اللي يصون داره في ليلة وضحاها
سراج بحزن : عندك حق الماضي بتاعي كان يسود الوش وأني مكنتش عارف مصلحتي فين بس والله يا ملك من يوم ما شوفتك وأني حاسس إني إنسان تاني مبعرفش إيه اللي جرى لي بس بقيت بشوف الدنيا بعينيكي أنتي
ملك : تعرف إني وافقت أتجوزك رغم كل فضايحك عشان كنت بحبك زمان من وإحنا عيال صغيرة وأني كنت برسم أحلامي معاك بس أنت كنت بتدوس عليها كل يوم بمغامرة جديدة
سراج بصدمة: كنتي بتحبيني طب ليه رفضتي أول ما جيت أخطبك وتهجمتي عليا
ملك بصوت مخنوق: رفضت عشان كنت ارتبط بي هايدي وقولت إني هشيلك من قلبي وانك بعتني بـ بندرية في اللحظة دي شيلتك من قلبي وحلفت مأكون ليك بس النصيب كان أقوى مني ومنك
سراج بندم ودموع في عينه: يا وجع قلبي ده أنا كنت أعمى يا ملك ضيعت سنين من عمري في تراب والماس كان تحت إيدي حقك على راسي وأني والله لهعوضك عن كل دمعة وكل وجع
قرب منها ومسك إيدها بحنان وبص في عينيها برجاء
سراج: خلينا نفتح صفحة جديدة يا ملك صفحة مفيهاش سراج بتاع زمان ولا فيها شك ولا ماضي صفحة مفهاش غيري وغيرك وأوعدك إني هبني ليكي قصر من الثقة هتقبلي تبدأي معايا من الأول
ملك بابتسامة : موافقة يا سراج بس الطريق طويل وعاوزاك تثبت لي إنك تستاهل الصفحة دي فعلاً
فجأة قطع كلامهم صوت زلزلة جاية من تحت وصوت شاكر وهو بيزعق بطريقة خلت سراج وملك يتنفضوا من مكانهم نزلوا جري لقوا شاكر واقف في نص المندرة وماسك نوجة من دراعها
شاكر بزعيق: بقى أنتي يا نوجة تعملي اللعبة دي ؟بتتفقي مع واحدة رخيصة عشان تكسري ولدك ومرته
سراج بذهول: في إيه يا بوي إيه اللي حصل؟
شاكر رمى ورقة وكام صورة على الأرض بقرف: الحقيقة بانت يا ولدي هايدي طلعت كدابة والدكتورة اعترفت بكل حاجة بعد ما أمك هددتها ...أمك هي اللي خططت وهي اللي دفعت وهي اللي خلت الواد يتصل يرمي بلاوي على ملك عشان يوقعوا بينكم
سراج اتصدم وبص لأمه بوجع: أنتي يا أما تعمل فيا كدة تبيعي ابنك وتدوسي على عرضي عشان خاطر الفلوس
نوجة بتمثيل ودموع: والله يا ولدي كنت عاوزة مصلحتك خفت البت دي تاخدك مني
شاكر قاطعها بصوت هز البيت: مصلحته بالكدب والفجور أنتي متبقيش على ذمتي لحظة واحدة يا نوجة أنتي طالق وتاخدي هدومك وتطلعي برا الدار دي حالاً ملكيش مكان وسط الأشراف وبت الكلب اللي هربت دي هوريها
نوجة انهارت ووقعت على الأرض: لا يا شاكر هونت عليك تطلقني بعد السنين دي كلها عشان غلطة أنا ماليش مكان غير الدار دي
ملك بعطف : لا يا عمي أبوس يدك بلاش الطلاق الست نوجة غلطت صوح بس هي أم ولدك وست دارك والضفر مبيطلعش من اللحم عشاني يا عمي بلاش تخلي الفضيحة تلبسنا كلنا وتكسر خاطر سراج في أمه
سراج بزعيق لملك: بتدافعي عنها يا ملك بعد ما كانت عاوزة تشوه شرفك أنتي إيه يا شيخة دي متستاهلش منك نظرة
شاكر بجمود: اطلعي برا يا نوجة
نوجة قامت بكسرة ودموعها نازلة وجات تمشي بخطوات تقيلة بس ملك وقفت قدامها ومنعتها وبصت لعمها ولجوزها
ملك بحزن : يا سراج يا عمي لو ليا خاطر عندكم بلاش الرمية دي الدار من غيرها هتبقى ناقصة والمسامح كريم ردها يا عمي وأني مسامحاها في حقي والله العظيم مسامحاها
شاكر بهدوء: عشان خاطر الملاك اللي واقفة دي يا نوجة أني هردك بس قسماً بالله لو شوفت منك خيال غدر تاني ليكون موتك على يدي رديها يا سراج لأوضتها
نوجة بصت لملك بذهول: أنتي يا ملك أنتي اللي بتعملي كدة بعد ما ضربتك وذليتك أني مش مصدقة إن فيه حد بقلبك ده
ملك بحنان: إحنا أهل يا خالة نوجة والشر مبيجيبش غير شر حمد الله على رجوعك لدارك
سراج قرب من ملك ورفع راسها لفوق والدموع في عينيه وبص لأمه ولأبوه بفخر ملوش حدود
سراج: شوفتوا شوفتوا الجوهرة اللي كنت برفضها والله العظيم يا ملك أنتي اللي علمتيني يعني إيه أصل وصعيد بجد أني بفتخر بيكي قدام الدنيا كلها
بصت له بحب
تمت...