رواية حب الفيروز الفصل الخامس 5 بقلم اسماء محمد
اهلا بكم في مدونة مكتبة حواء نقرأ لكم ونكتب من اجلكم
رواية: حب الفيروز
بقلم: أسماء محمد
الفصل الخامس
_________________♡
في أحد الطرق المؤدية لأحد السجون - سيارة ترحيلات:
معاذ بتوتر: هنعمل إيه؟ كل واحد خد 25 سنة... احنا ضعنا خلاص.
مازن بيحاول يتماسك: أكيد هنلاقي حل، مش هتخلص على كده.
جابر بابتسامة باردة : هي فعلاً مش هتخلص على كده...
انتهى من جملته وبدأ إطلاق النار، ثم فتح باب السيارة.
جابر ببرود قاتل: دلوقتي بس نقدر نقرأ الفاتحة على روح ولاد العمري...
---
في سكن البنات:
جميلة بقلق وهي بتبص لفيروز: مالك يا فيروز؟ شكلك مش مظبوطة.
حبيبة باهتمام: حصل حاجة ولا إيه؟
فيروز بتنهيدة مكسورة: أنا... أنا قررت أسيب الشغل.
جميلة وحبيبة معاً بصدمة: إيــــه؟! ده ليه بقى؟
فيروز بتتهرب بعينيها: حاسة إني...
حبيبة بفضول: هااا حاسة بإيه؟
فيروز بوجع وهي بتعترف لنفسها قبلهم: إني بدأت أحب مراد.
جميلة بفرحة: بجد؟! أنا قولت أكيد انتوا لبعض.
حبيبة بمكر: قولتي امتى دي؟
جميلة بغيظ: مالكيش دعوة، قولت وخلاص.
فيروز بتقاطعهم بحسم: هششش... أنا هسيب الشغل عشان مش عايزة أتعلق بحاجة مش بتاعتي. بحاجة هي فوق وأنا تحت.
جميلة بحنية: فيروز متفكريش كده.
فيروز بمرارة: هي مش هتيجي غير كده يا جوجو.
حبيبة بتحاول تواسيها: طب ما يمكن هو كمان حبك؟
فيروز بقهر: مكنتش لقيت البت السلعوة دي بتتفق معاه على معاد الخطوبة!
جميلة باستسلام: خلاص يا فوز، اعملي اللي يريحك طالما هو مش باين منه حاجة من ناحيتك.
حبيبة بتأيدها: صح، اعملي اللي يريحك.
فيروز بامتنان: ماشي يا حبايبي.
جميلة بتردد: في موضوع كده حصل وعايزة رأيكم.
فيروز باهتمام: إيه هو؟ احكي.
حكت لهم جميلة ما حدث بينها وبين عز.
حبيبة بتشجيع: دي فرصة حلوة ليكي ومش متعبة كمان.
فيروز بموافقة: وأنا كمان شايفة كده.
جميلة بارتياح: بجد ريحتوني. خلاص أنا هنزل الشغل ده.
ثم أمسكت هاتفها وأرسلت رسالة لعز بأنها تقبل بالعمل.
وذهبت كل منهن للنوم.
---
في فيلا العمري
عز بابتسامة: مساء الخير يا أمي.
سيدة بحنان: مساء النور يا حبيبي.
عز بقلق: طمنيني، عاملة إيه النهاردة؟
سيدة برضا: كويسة في نعمة، الحمد لله.
عز بحب وقبل رأسها: الحمد لله يا رب دايماً يا ست الكل.
مراد وهو داخل: مساء الخير جميعاً.
عز وسيدة معاً: مساء النور.
سيدة باستغراب: اتأخرت ليه؟
مراد بلامبالاة: كنت مع مايا.
سيدة بضيق واضح: اممم.
مراد بابتسامة مستفزة: برضو متضايقة منها؟
سيدة بصراحة: معرفش، أول مرة أشوف بنت ومستلطفهاش. مع إن كان نفسي أخلف بنات، بس بعد ما شفتها جالي كرشة نفس من البنات كلهم.
عز بضحك: يعني إيه كرشة؟
سيدة بغيظ: يعني سدت نفسي بس بطريقة تانية.
مراد بثقة: بكرة تحبيها يا أمي.
سيدة بيأس: آه، إن شاء الله... يحلها ربنا.
مراد بهدوء: برضو ماشي، هطلع أغير.
عز وهو بيقوم: وأنا كمان.
سيدة بأمر حنون: طيب هستناكم نتعشى سوا قبل ما نام.
مراد وعز معاً: حاضر يا أمي.
مراد لعز وهو طالع على السلم بهمس: عجبك اللي أمي بتقوله؟
عز بضحك مكتوم: يعني هو انت هتتجوزها بجد؟
مراد بذكاء وغمزة: لا، بس بحاول أتقمص الدور كده وكده عشان البت تصدق.
عز بإعجاب: مش سهل انت برضو.
مراد بغرور: اتعلم من أخوك الكبير.
عز بضحكة: علم ويُنفذ يا فندم، هتعلم.
انتهى اليوم وذهب كل منهم للنوم.
في صباح يوم جديد، تحديداً في مطعم العمري:
حبيبة باحترام لمراد: صباح الخير يا فندم.
مراد ببرود وهو بيدور بعينه: صباح النور. فين فيروز؟
حبيبة بتوتر: أصل... هي مش هتيجي تاني.
مراد بحدة: نعم؟! مش هتيجي ليه بقى؟ هو أنا سمحتلها؟
حبيبة بخوف: معرفش، هي عايزة كده.
مراد بوعيد: تمام كده... أنا هتصرف.
---
بعد وقت قصير، في سكن البنات:
فيروز بنعاس وهي بترد على حبيبة في التليفون: لسه صاحية يا حبيبة؟ في إيه؟
حبيبة بصريخ مكتوم: قومي بسرعة، مستر مراد طلع من هنا مولع!
فيروز بفزع: بجد؟! عمل إيه؟ احكيلي...
*قاطعها خبط عنيف على الباب. فتحت.*
مراد ببرود جليدي: اجهزي، ويلا قدامي.
فيروز بصدمة: نعم؟! انت دخلت هنا إزاي أصلاً؟
مراد بأمر: ادخلي البسي ويلا على شغلك.
فيروز بعند: بس أنا مش هشتغل معاك.
مراد بابتسامة شيطان: يبقى تدفعي الـ60 ألف حق البدلة.
فيروز بضعف: مش معايا أدفعلك.
مراد بحسم: يبقى تشتغلي من غير ولا كلمة. وعشان عملتك دي، الشهر بقى شهرين، وكل غلطة عليها شهر مش يوم.
فيروز بغيظ: ااااع منك لله! هلبس ونازلة.
مراد وهو ماشي: مستنيكي.
*فيروز قفلت الباب في وشه بقوة.*
حبيبة في التليفون: الو الو يا بنتي ردي.
فيروز بانفعال: مراد عندي في السكن وعايزني أرجع الشغل وإلا أدفع!
حبيبة بضحكة مكتومة: ههههه كنت حاسة إنه هيجي. بس ده دخل إزاي عندك أصلاً؟ من ماما أماني؟
فيروز باستغراب: معرفش، غريبة دي.
مراد من الخارج بصوت عالي: اخلصي!
فيروز بصريخ: حااااضر! سلام انتي دلوقتي بدل ما يدخل ياكلني.
حبيبة بضحك: سلام يا اختي.
---
في سيارة مراد:
فيروز بعند: قولتلك مش عايزة أركب معاك، كنت هركب تاكسي.
مراد بسخرية: معاكي حقه؟
فيروز بتوتر: م..
مراد ببرود: مش معاكي يبقي اسكتي.
فيروز بتهكم: مالكش دعوه.
ثم رن هاتف مراد.
مراد بيرد: إيه يا عز؟... إيه؟ بتقول إيه؟ إزاي ده حصل؟
ما أكمل جملته حتى حاوطت سيارات مسلحة سيارته.
فيروز بخوف وهي بتتشبث في الكرسي: مراااد في إيه؟ مين دول؟!
مراد بأمر وهو بيخرج سلاحه: انزلي لتحت، ومتبصيش لفوق.
بدأ يطلق النار عليهم، ولكن الكثرة تغلب الشجاعة. في لحظة، الدنيا اتقلبت. صاج بيصرخ، إزاز بيتكسر، ريحة البنزين ملت المكان، وآخر حاجة سمعتها فيروز صوت مراد بيصرخ باسمها قبل ما الضلمة تبلعها... وانقلبت سيارة مراد.
عز في الهاتف بصرخة شقت قلبه: مراااااااد!!!
عز للحظة تسارعت نبضات قلبه وانقطعت أنفاسه من الخوف. محسيش بنفسه وهو بيجري زي المجنون عشان يلحق أخوه.
فيروز وهي مصابة في ذراعها ورأسها بتنزف، بصوت واهن: م... مراد... مراد فوق يا مرا...
وأغمي عليها.
الناس اتجمعت حوالين السيارة وحاولوا يخرجوهم، واتنقلوا للمستشفى.
---
في المستشفى:
عز بجنون وهو بيجري في الطرقة: أخوياااا فين؟ حصله إيه؟!
عمار وهو لسه واصل وبينهج: فين مراد؟ هو كويس صح؟
الدكتور بأسف وهو خارج من العمليات: حالته مش أحسن حاجة، بس هنحاول... متخافوش.
عز بغضب ماسك الدكتور من لياقته: مراد لو حصله حاجة انت حر!
الدكتور بخوف: حاضر... حاضر، وغادر للعمليات تاني.
عمار برعب: مراد هيبقى كويس يا عز، صح؟
عز بيحاول يتماسك وعينه حمرا: أكيد... مراد مش بسهل يموت كده. قسما بالله لأجيب حقه... من اللي عمل كده هيدفع التمن غالي.
عمار بحزم: أكيد... نطمن عليه الأول، وأوعدك هنجيب حقه وهو معانا.
سيدة وهي داخلة بتصرخ: ابني! ابني حبيبي حصله إيه يا عز؟ أخوك ماله؟
عز بقلق على والدته وهو بيحضنها: أمي اهدي، متخافيش هو كويس. حاجة بسيطة بس وهيخرج معانا.
سيدة بانهيار: انت بتضحك عليا يا عز؟ قولي أخوك ماله يا ابني، طمني.
عمار بيطبطب عليها: يا أمي هو كويس والله، هنكدب عليكي يعني؟
عز بيحاول يضحك وسط وجعه: حتى عمار الغبي بيطمنك، اطمني بقى.
---
جميلة وهي بتجري عليهم بعياط: فيروز... فيروز حصلها إيه؟ هي فين؟
عز باستغراب: فيروز؟ إيه اللي جابها هنا؟
جميلة بانهيار: كانت مع مستر مراد، وحد كلمنا من تليفونها لما اتصلت بيها وقال إن صاحبة الفون اتحولت للمستشفى هنا. هي فين؟
عز بيحاول يهديها: ممكن تهدي طيب؟ هي أكيد كويسة متخافيش.
حبيبة وهي بتعيط: جميلة أنا خايفة أوي... على فيروز.
عمار وهو بيبص لحبيبة بحزن: اهدوا، هي أكيد بخير.
ممرضة اتجهت ليهم:
الممرضة: مين فيكم تبع الحالة فيروز الشامي؟
حبيبة وجميلة معاً: أنا!
الممرضة: تمام، هي دلوقتي في العمليات. تقدروا تستنوها هنا.
سيدة بحنان أم: فين أهلها يا بنتي؟ محدش جاي يشوفها؟
جميلة بعياط أكتر: مالناش أهل... احنا اتربينا في ميتم وهي أمنا. أنا مش عايزة أخسرها يا رب، لا مش هقدر.
حبيبة وهي بتحضنها: إن شاء الله مش هنخسرها، لا... فيروز مش هتسيبني.
سيدة بحنية وهي بتضمهم ليها: يا حبايبي اهدوا، حقكم عليا من الدنيا دي كلها. وفضلت تهديهم.
عمار وهو بيبص لحبيبة وقلبه واجعه: ان شاءلله هتبقي بخير
حبيبة: ان شاءلله
بعد وقت، خرجت فيروز على الترولي:
حبيبة بلهفة: فيروز! الحمد لله إنك بخير.
جميلة للدكتور برجاء: طمني يا دكتور، هي كويسة صح؟
الدكتور: متخافوش، هي هتبقى كويسة. هي بس هتفضل تحت الملاحظة لمدة 24 ساعة.
جميلة بتفهم واطمئنان قليل: تمام يا دكتور، شكراً.
الدكتور: العفو، عن إذنكم.
سيدة براحة: الحمد لله على سلامتها، إن شاء الله تبقى بخير.
حبيبة وجميلة معاً: إن شاء الله.
ممرضة متجهة ليهم:
الممرضة: انتو أهل المريض اللي في غرفة العمليات 6؟
عز بالخبط وهو قلبه هيقف: عمار هو أنهي غرفة؟ أنا من التوتر نسيت!
عمار بتوتر: 6 تقريباً.. اهدى يا أمي.
الممرضة هزت راسها بأسف: البقاء لله...
عز الدنيا اسودت في وشه، سيدة صرخت صرخة شقت المستشفى، وجميلة حطت إيدها على بوقها.
يتبع...
السادس من هنا
