رواية فستان عذابي الفصل الرابع 4 بقلم مصطفي جابر

بعد شويه

بيدخل عصام بابتسامة وبيبوس ايد امه: امي ازيك يا حبيبتي وحشتيني اوي كل دي غيبه.

حميدة ببرود: بلا وحشتك بلا زفت عايزاك تدخل تطلقك وش البومه مرتك الجديده دي عشان هانتني.

عصام بغضب: مين قصدك زينب بس ياما انا لسه معرفش اللي في بطنها واد ولا بنت عشان اطلقها.

حميدة بغضب: اكيد بنت منتا خلفتك كلها بنات يلااا ادخل طلقها.

زينب خرجت و شايلة شنطتها: يلا طلقني يا حيلة امك دا يوم المني والله.

عصام بغيظ كان هيمد ايدع عليها امه وقفته: ابعد ايدك عنها دي ممكن تعملنا مصيبه طلقها وارميها برا يلا.

عصام بجمود: امرك ياما انتي طالق يا زينب يلا مشوفش وشك هنا تاني.

زينب زغرطت: يالف نهار ابيض يا ليلة بركة لولولوليييي اخيرا اتحررت من سجنك.

مشيت وهيا مبسوطه...

حميدة بذهول: البنت دي عقلها مفوت ياولدي سيبك منها تعالي في حضني يا ولدي.

عصام بابتسامة بيحضنها: ليكي وحشة ياما والله ملعون أبو اللي يزعلك البيت بيتك ومالي وحريمي تحت امرك يست الكل

صفا بتدخل بهدؤء: انا عاوزة اطلق انا كمان مش عاوزة اكمل معاك و لعلمك انا مش هخلف اصلا.

عصام بصدمه : لا طبعا الكل يمشي الا انتي يا صفا.

نعيمه باستغراب: ومالك اتخضيت اوي كدا وبعدين اي الكل يمشي وهي لا هو علي راسها باطحه يعني.

عصام بجمود: اخرسوا ومش عاوز اسمع نفس حد منكم يلا كلكم خشو علي جوا دلوقتي.

صفا دخلت اوضتها بغيظ...

بعد مرور تلات شهور في العيادة..

الدكتوره بابتسامة: الف الف مبروك يا زينب انتي حامل في ولدين تؤام .

زينب بفرحه: بجد يا دكتوره الحمدلله

الدكتوره بهدؤء: هكتب لك علاج تاخديه بانتظام و ياريت تبعدي عن الاجهاد و نفسيتك تكون مرتاحه.

زينب بابتسامة: حاضر شكرا يا دكتوره.

خرجت بابتسامة..

في بيت عصام..

صفا بهدؤء: انت لي مش راضي تطلقني انا تعبت وزهقت يا عصام سبوني في حالي ابعدوني عن شركم وطمعكم.

عصام بجمود: مزاج انا محبتش حد زيك و انتي الوحيدة اللي بحس معاها بالامان واني انسان مش حيوان.

صفا بزعيق: ومين قالك انك انسان اصلا اسمع يا عصام انت لو مطلقتنيش انا هخلعك في اقرب وقت.

حميدة بتفتح الباب وتدخل ببجاحة: ما تطلقها ياواد مستني اي من واحده مش عايزاك وعايزه تطلق؟

صفا بسخرية: يظهر ان امك كانت بتتصنت وبعد السن ده كله لحد دلوقتي متعرفش حاجه اسمها يعني اي خصوصية .

حميدة بغضب: خصوصية اي يأم خصوصيه ده بيت ابني واني اعمل اللي انا عايزاه صح ولا اي يا عصام.

عصام بهدؤء وهو بيبعد عن صفا: اكيد ياما..المهم انا هنزل الشغل واعمل شوية حاجات كده وجاي.

تليفونه رن..

عصام بلهفة: ها قولي عرفت هي حامل في اي.

صفا بسخرية: انت لسه بتراقبها حتي مش هاين عليك تسيبها في حالها.

عصام شاور ليها تسكت: الو اي انجز وليك الحلاوة انت هتنقطني بالكلام.... ايييي حامل في تؤام ولدين! يا صلاة النبي باركولي زينب حامل في ولدين.

حميدة جت بزغروطه: يا نهار ابيض الله اكبر ربنا عوض صبرك يا واد.

نعيمه من برا بصدمة: نهار اسود ومنيل حامل في تؤام كمان.

سهير بهمس: يا خرابيي بيتنا اتخرب خلاص سامعه فرحتهم دول هيخربوها علي راسنا يا نعيمه.

نعيمه بغل: يا بنت الكلب عملتها ازاي دي مقعدش معاه غير كام اسبوع اه يا ناري ولو عملنا ليها حاجه هيقتلونا.

حميدة قربت منهم: وانتي فاكره انتي وهيا انا مش عارفه انتو بتتكلمو في اي وبتخططو لي اي؟قسما بالله لو حد فكر يقرب منها لخفيكم من علي وش الأرض مفهوووم؟

الاتنين خافوا.وسكتو .

عصام خرج: انا هروح اشوفها ياما وارجعلها.

سهير بغيظ: وانت فاكرك هي هتوافق انها ترجع لك دي مصدقت انك طلقتها اصلا.

حميدة بغيظ: اكيد هتوافق هي تحلم ب ابني حتي يلا يا واد شد حيلك بسرعه وروح

صفا بسخرية: اه هي متحلمش بيه لدرجة انها زغرطت اول ما طلقها هنشوف يا حماتي يلا يا عصام روح اجري شوف طليقتك.

عصام بغيظ: اسمعي يا بت انتي وهي زينب هتيجي معايا وهتشوفو ب نفسكم حبها ليا و ساعتها هتكونوا خدم ليها..

صفا ببرود: طب ورينا بسرعه يالله

بليل في بيت زينب..

اعتماد بحنان: مروان بن خالك بعت لك الحاجات دي وقالي متخليهاش تتحرك من ساعة ما جيتي وهو شاغل نفسه بيكي.

زينب بتوتر: بتلمحي ل اي يا ماما اظن الموضوع دا اتقفل من زمان بتفتحيه لي دلوقتي.

اعتماد بهدؤء: عشان هو بيحبك و انتي اكيد مش هتفضلي كدا العمر كله عيالك جايين في السكة وهو هيكون حنين عليهم وانتي عارفة مروان.

زينب بحزن: مروان يستاهل واحده احسن مني يا ماما ولو ليا خاطر عندك متفتحيش الموضوع دا معايا تاني.

الباب بيخبط..

راحت اعتماد تفتح: انت جاي هنا تهبب اي مش كنا ارتحنا منك ومن سحنتك دي.

عصام تجاهلها ودخل بلهفة: زينب يا حبيبتي عاملة اي انا جيت اخدك و نتجوز من تاني انتي وحشتيني اوي و عيالي وحشوني انا مش مصدق انه هخلف تؤام ولدين.

زينب بغضب: امشي يا حيوان انت اطلع برا و اي عشمك دا وتعالي نرجع شكل مخك ضارب ماما كلمي البوليس ياخد الزبالة دا عشان جاي يتهجم علينا.

عصام بغضب: زبالة مين انتي اتجننتي يا بت انتي هتيجي معايا يا روح امك ولا العلق وحشتك.

اعتماد بغضب: علق مين يا عديم الرجولة اتفو علي البطن اللي رمتك علينا واحد خسيس رخيص.

عصام ببرود: مش هرد عليكي يا حماتي عشان انتي ولية كبيره.

مسك دراع زينب: وانتي امشي معايا وانتي ساكته احسن ما اقطع خبرك.

بيشدها لاقي ايد قوية خدتها منه وخبها وراه: اي دا يا عمتي مش كنتي تقولي انه جاي لك صراصير كنت هجيب لك المبيد بتاع الحشرات.

عصام بغضب: انت مالك انت يا مروان بتدخل بين واحد ومراته ليي.

زينب بغضب: انا مش مراتك انت واحد مريض.

مروان بهدؤء: خلصت غور ولو رجلك جت هنا تاني هسجنك فاهم ولا افهمك بطريقتي.

عصام بخوف: انت هتستغل انك محامي و عاوز تقف قدامي لا دا انا انسفك ياض.

مروان ببرود: انا مش هستغل انا خلاص استغليت.

عصام مفهمش كلامه و فجاءة مروان نزل فوقه ضرب..

زينب بحقد: ادي له مترحموش يا مروان ربيه علي قد ما تقدر الحقير دا.

مروان ماسك عصام ونازل فوقه بكل قوته جره وراه و نزل بيه علي السلم ورماه في الشارع قدام الباب الناس اتخضت..

مروان بغضب: الوسخ دا عمل اللي مفيش راجل يعمله بيتجوز بنات الناس ومبيعرفهومش أنه متجوز ودلدول امه لو قالتله اتجوز بيتجوز.. طلق بيطلق وفوق كل ده الباشا بيهينهم ابشع الأهانات و جايب امه تسرق دهبهم و فلوسهم وزياده لجبروت البجح ده بيسكنهم كلهم في شقه واحدة مع بعض شوفتوا حقاره بالشكل ده

عصام بص له بصدمه وخوف:

يتبع.. التهارده هعوضكم ببارت الساعه 11 بدل امبارح.. بشرط البارت ده يجيب تفااعل... مستعدين؟

الخامس من هنا