رواية لك يا ذا الجمال اليوسفي الفصل الرابع 4 بقلم فاطمة العبادي

- جميعُهم يشهدون لي

هويتي ، تاريخ ميلادي

وعلاماتي المميزة

" بأنّني أحبّك "

انكتمت انفاسي لحضات رهبة وحزن ، انعصر كلبي وتكسرت الغصة بلعومي طاحت دموعي لطمت ع صدري وصرخت ... يممممممة درررررررة صخام الصخم وجهيييي

كلشي صاار بلحضات خالي رجفت اعضا ونار انفاسة وصلتني كنبص كبال الكونية البيضة ، طلعو الجيران ع صوتي وخالي مد ايدة ع كونية يريد يفتحهة يرجف ، طاح ع ركبة وتهسترت ضل يحاول يفتحهة بأي شكل وبسرعة

بس انفتحت طاح راس منها احمر دم وتدهرب بالكاع صرررخت .... يييييمممممةةةة ودرت وجهي

خالو غمض عينة بكسرة وطاح ليورة

... يا جماعة هذا مو راس ادمي فرقد شغل لايت نقالك خنشوفة ..

حر ... فتح عيونة وباوع بأتجاها الراس الضوة خافت فجر ومن صدمتنة ما ميزنة شنو هوا الهذا السبب شغل لايت وحطة ع راس طلع راس چلب

خالي حر غص بدمعتة وضرب ع راسة ... فقدوني اعصااابي واخر ذرة عقل باقية بررراااسي هسة من اجررررم هممم يلومونننني هممم ينحسب علية ذنب ومن اوكف كبال رب العباد ينشدني لييششش سويت هيج ..

فرقد ابن جيرانة كض الكونية من حدر وفرغهة طاحت جثة جلب وفلين تارسينهة ، ماعدهم كلب يكتلون الجلب علمود بس يخوفونة وذابحينة ذبح مثل الخروف

مشيت للبيت برجلين ترجف، وانفاسي تتزاحم وصارت سريعة، فتت وكعدت يم الباب كل خلية بية ترتج امي ايدهة ع خدهة وتباوع صوبي

... ردت اموت من شفت راس الجلب طاح عبالي راس اختج كل حيل ما ضل عندي لليل ما اوصل انه

رهف ... حسبي الله ونعم الوكيل بكل عدوًا جبار ماعندة بكلبة رحمة، يذبح جلب علمود يخوفنة وباجر يذبح درة ..

وعد هزت راسهة بأسى والدموع تهل ... تزيدين ناري لو تطفينهة انتي ، هسة بحجايتج رشيتي علي نفط وعود شخاط وشبيتيني ..

رهف ... شريجة الكلب والروح راحت، اختي الضحكت وياي وبجت وياي سهرت وتعاركت وياي ررراحت ما اظن ترجع حسبي الله بس ما اكول غيرهة ، ربي تكسر ايد كل واحد يحاول يمدهة عليهة وتحرك كلب كل واحد حرك كلوبنة ..

عسا نار كلبج ييمة تنصب بكلوبهم هذول الذكور ..

وعد ... الله يساعد كلبي بس شيب

رهف ... هوا بس كلبج شيب يمة وكلوبنة غدت فحم مجمررر ..

وعد ... خالج ما طب ليش

رفعت اكتافي بعدم مبالاة ... مادري بي

كمت مديت راسي ما شفتة والعالم واكفين يسولفون بالموضوع ويتحسبون ع خاطفهة ، جريت نفس ورجعت فتتت قابضة ايدي بقوة واكتافي ترتفع وتنزل بسبب انفاسي العالية ..

لزمت امي اكومهة ما تقبل تكوم وبس حاطة ايدهة ع خدهة ودموعهة تهل ع الخدود ... يمة لخاطري فوتي جوة لا تخافين ما يسوولهة شي والبحث عنها مستمر ..

... اذا هتكو حرمة جسدهة ودنسو برائتهة وطهارتهة انه شحجي وشگول تخيلي هاي شكككبرررهااااا ع امج يا رهف ..

نزلت دمعة من مقلتي ، اخذت نفس عميق ارتفع صدري ونخفض أثره وكعدت يمهة خليت راسي ع چتفهة وابجي بنحيب ..

لطفك يا رب العباد لطفك يا عزيز يا كريم اللهم بحق لا اله الا الله ردلنة درة ترة كلوبنة تعبت ..

تذكرت انه اعرف حرز قول "لا اله الا الله" الف مرة

الفائدة منا النجاة المصايب والبلايا وتسهل بفك أسر المسجون او المحبوس او المقيد ..

رهف ... يمة صدك انه اعرف هذا الحرز حبوبة انتي هم سوي وياي بنية يفك أسر درة فدوة اروحلج ..

بوعتلي بتمعن وكالت ... ما اكول لا ما ابدي الله يخلص درة من ايديهم وترجع سالمة هسة بهاي اللحضة ... كليلي شني الحرز؟ شلون اسوي

رهف ... سهلة باعي تكولين "لا اله الا الله" الف مرة

وقبل لا تقرين انوي لفك سجن او اسر او رجوع درة

اختي

وعد ... كومي جيبي سبح وقبل لا تجيبينهن باوعي من الباب شوفي خالج وين شو اختفة

كمت ركض فتحت الباب ما شفت ولا بشر حتى الجيران راجعين والكونية و الجلب المذبوح بالكاع والدم تارس المكان ، واعتقد الشرطة شوية ويطلعون لأن بس خالو يوصل خبر لصيوان راح يجيب الشرطة ويجي ..

رجعت جبت سبح وكعدنة نسوي الحرز ..سائلين الباري يفرج عن درة ..

..................................

مخلي ايد فوك ايد ومكتفهن ع صدري ، مرتجي ع كشن وعيوني تترقب باب بيتهم ..

ورثت الجگارة وخلصت ذبيتهة و ورثت الثاني

تعودت اچوي ناري بنار ، اخذت نفس عميق من الجكارة وتوغل الدخان الرياتي ذبيتة ويا فتحة عيوني شفت فرهود جاي البيتهم ومتلثم ، يمشي من بعيد ويتلفت والدنيا صبح ماكو ولا بشر مسيطر الأخ ..

شخطت السيارة ومشيت سريع بأتجاهة شافني وفزع وركض بس انه بسيارة وسبقتة عرضتلة بالسيارة ونزلت بسرعة ركضت ورا وكضيتة ، لويت ايدة ومطلتة بالكاع وفركت وجهة بالرصيف علمود ما يصيح ، طكيتة بالسلاح ع راسة مثل ما طك رهف الكو** وحطيتة بصندوك السيارة ..

وصعدت شغلت السيارة ومشيت .. ماخذ احتياطاتي من كل جهة، ملطخ الرقم بطين ولاف وجهي بلفاف

هسة اشوف شتسوي يا فرهود الأصنگ من فرهدو عمرك ان شاءالله ابن العاهرة ..

خابرت صيوان ابن اخوي ما جاوب رجعت خابرت مرتين يلة جاوب صوتة خافت وكلة نوم

... ك*** مو اخابر عليك ما ترد

... هسة نمت عمي غير جنت كاعد وعيني ما تاخذهة نوم من ورة سالفة درة شبيك انتة

... ولك فرهود بصندوك سيارتي شوفلي مكان ماكدر اخذة لوحدة من بيوتنة خاف تطلع الشرطة وتفتش

... بيتي اخذة البيتي وانه طالعلك احتركت صفحتك عمي الك*** شلون خطفتة ولك انته سبع سبععع

... اكل تبن واطلع يله راح اخذة البيتك

... مقفول تانيني يمة وانه طالع

... ولك هسة طلعت انه سالفتي مطولة انتة افتح البيت وتانيني بي خاف ابطي خوش

... دير بالك لا تكضك سيطرة

... لا تخاف

سديتة وطبكت السيارة نزلت غسلت الرقم وطلعت خذيتة البيت صيوان لكيتة متانيني بالباب فتح الباب ودخلت السيارة نزلناه جنة سكران يون

طببنا للصالة كلهة سراميك وانصاف بلوك صيوان جاي يبني وبيتة ما كامل، ربطنة فرهود بالشباچ هلكني الخايس رفستة برجلة ، وطلعت جكارة ورثتهة وانه الهث ..

صيوان ... شلون صدت الدعلج

حر ... الدعلج يم الأبهر فارة ..

صيوان ... والله خوش شسويت شلون جبتة

كمبصت كبال فرهود ... نسيت احنة سوالفنة مطبوخة سوية، ولك الف مرة كتلك من تسوي مكسورة لا ترجع البيتك الصبح ! بس انتة مو ذيب انتة مطي مصفن وعقلة ما يستوعب ..

فرهود بأستهزاء ... بس انتة لاعبهة صح وغدرتني، ،، يالأسد!!

حجاها بأشمئزاز

كضيتة من فجة وقربت وجهي منة ... انه ما اغدر انتة متيه بيني وبينك ، طبع الغدر طبعك تدري بية انه كلة وجه بوجه درب الگفة ما اندلة ..

فرهود ... انتَ علمتني شلون اتسلل واغدر صديقي سويتهة بية مرة ورديتهة الك مرة ثانية ..

ضغطت ع فچة وطگيت راسي بالحايط حيل ... وللللللك مااا غدرتك كو*** ماااا غدرتتتتك وستررر خواتي مااا غدرتك ليش ***** ليششششششش

كضني صيوان من جتافي جرني ... عمي ررراسك راح يتفلش ليش اتطك راسك بالحااايط لللييييشششش

... احتررررك عمك الكو*** بنار ونفط ولك صيوان كلة انه چنت زغير وغلطت بس مااا غدرتة والكفل زينب ما غدرتة ...

فرهود ... صارن عليك هواي حر الدين .. صارن عليك هواي ... حجاها بوعيد

شبت النار بية وكمت ع حيلي ارفس ببطنة واصيح علي من نار كلبي والغصة حركت حنجرتي .... ولللللككككك افطسسسسك اذا ما تخااابر ربعكككككك يرجعون بت اختي والكفل زينب افطسسسسك ***** من ا**** ع راسك وراس الخلفك ال**** غدرتتتني الاااا اكسرررررك تحلم اردك الهم وعافيتك وياك اسلبهة منك اسلبهة ..

تعبت من رفسة وهوا مثل المطي ما يحس كضيتة من ركبتة ... شوووف والعباس ابو فاضل اذا جايسين شعرة من درة اخلي جهالك يتامى ، وبدون قصد

صيوان اذا هذا البغل مات انه متقصد بكتلتة؟

صيوان ... لا عمي نتشاقة ويا بس ما يتحمل شقة وفطست مالنة ذنب ..

حر ... اذا ما تتحمل شقانة فرهود هسة تخابر ربعك يردون بت اختي

صيوان ... عمي فتشة وطلع مبايلة غلقة لا يوصلون النه ع موقع

حر ... نسيت ولك نسيت راحت من بالي

فرهود ... لان جرايمك صارن بوكت مابي نقالات راحت من بالك هاي الشغلة ... حجة بأستهزاء

قبضت ايدي بكل قوتي ولكمتة ع وجهة

ولك ناري ما تطفة وما اظن تطفة اذا ما اكتلك بأيدي واتلذذ بشرب دمك ..

صيوان فتش جيوبة طلع المبايل من جيب بنطرونة الورة وشال البطارية منة طفة نهائيا التفتت علي وكلة

... جهازك نشغلة من يرجع عقلك براسك وتقرر تخابر ربعك يردون بتنة وبذاك الوكت نرجعك الاهلك بس تعذرنة دمنة خفيف نريد نكركرك كبل ما نرجعك ..

كمل جملتة وطكة كلة .. خلا العصافير تفتر فوك راس فرهود الأصنگ وراد يفقد وعية الا شوية

صيوان ... سحبني عمي حر من فرهود وكال ... دوووخر خليني اقضي بي التوبة

وكض فرهود يكتل بي شبعة دفر وبوكسيات ، وكل شوية يركع ايدة بالحايط وفرهود رافض يعترف ويكول مكان درة لو يخابر واحد من جماعتة ويأمرهم يرجع درة ..

اخير شي ضل يصيح من ايدة، يمكن انكسرت وكال برجيف ... ببيتي القديم ويمهة مؤمل ابني روحو طلعوهة ولا تأذون مؤمل بصلاة محمد عليكم

عمي حر صارن عيونة بهامتة وضل يدفر بغضب عارم تخبل، فرد مرة فقد اخر ذرة بعقلة راد يموتة اريد اكضة يدفر ما ينكض هاج علينة عبالك ثور أسترالي ويصيح ... ولككككك ك*** تخللللي مررراهق يم بنيييية ابن الخاااااايس ابن القندرة من انعل والديك لا والدة ولاديك ولك صيوان خابر ع شرطة ماعندك رقم واحد منهم انطيهم العنوان وخلي نروووح ..

حكمنة ربطة هو جان مثل الجثة وبس يون من وجع ايدة، ويتصبب عرگ من كل صوب شفايفة ترتجف، وعيونة ثابتة بفراغ ..

طلعنة صار اتصال بيني وبين الضابط الي تبادل وياي الارقام امس، طلب مني العنوان انطيتهم العنوان وكال راح نطلع دورية ونجيكم ..

لكيناهم قبلنة بالفرع توجهنة للبيت، نزلو عسكرريين ثنين، اول شي صار واحد منهم دك الباب

طلعلنة مؤمل من شاف الدورية والضابط واحنة وجهة صار اصفر ويسد بزر بنطرونة ..

عمي حر شافة قبل لا الضابط يسألة او يأمر بتفتيش البيت دفعة وطب يركض للبيت ، عسكري كض مؤمل والباقيين چيتو ويانة ع بيت

اباوع اشوف عمي يلف بيهة شافني دخلت وضرررخ بيناااا حيللل لااااا تدخلوننننن لاااا تدخلووون

غضيت النظر وطلعت الضابط واكف يسمع ويهز براسة بأسى

... وينةةة عديم الغيررررة ...

باوعت للضابط رفع حواجبة ربت ع ظهري حتى يهدأ من روعي وكال

... تدري استاذ صيوان شكد نلزم قضايا اغتصاب ، واحرص على ان المجرم يوكع بأيدي انه مو غيري بس حتى اخذ حيف كل دمعة نزلهة من عين الضحية

صيوان ... صغيرنة راح يصير يمك ؟

هز راسة بوعيد ... اي اتطمن ..

صيوان ...شلون عرفت صاير اغتصاب

الضابط ... من سد دكمة بنطرونة وصياح عمك المنهار مايريدنة نشوف عرضة بهاي الحالة اليرثى لها ..

وطلعتك بعيونك الف كلمة ماكدر لسانك يحجيهة

......

درة ... مغمضة عيني بأسى، شفايفي ترجف، طابكة رجليني وحدة بالثانية بخوف ، كلبي يرتدم بجدار صدري بعنف حتى حسيتة راح يطلع من مكانة

كيان مهترء، اعجز عن البوح بأحساسي بهذه اللحضة

لكن اكدر اكول جسدي صار هسة مثل المساجد بلا مصلين .. خالية ، كئيبة، وحيدة، مهجورة ..

لا يتردد عليها المصلين أي نسمات الرحمة والهمسات الرحمانية،

مثلي لا يداعب جوفي همس رحماني، ولا تمر على گلبي نسمة هوى تنعشة، ولا قطرة ندى تروي ..

فات خالو حر لميت روحي بخجل، يلملم بملابسي ويحاول يستر جسمي، حسيت بأصابعة الي تجر صدريتي ترجف، وانفاسة مضطربة، جفونة متقرحة والدمعة واكفة بمدمعة ..قطرات عرك منتثرة ع رگبتة وجبينة

وشعرة نزل ع جبينة، زم شفايفة بغيض شاف صدريتي وقميصي ممزقات من جهة كتفي وصدري ما يسترن جسمي ، جر نفس بقلة حيلة ونزل تيشيرتة لبسنياه .. واني ارجف ..

وشاحة بنظري عنة، عيوني تجولت ع غرفة و ع تفاصيل خوفة بس بوجهة ما باوعت، شالني حطيت راسي برگبتة من الخجل ما اريد اشوف احد ، همس بصوت حنون ... انتِ درة صافية ونقية طاهرة ...

شهگت بحزن، طلعني واسمعة يحجي وياهم

ويتناقش وياهم وهوا يمشي حتى يرجعني للبيت

وكفة صوت غريب من كال ... لازم تاخذهة للمستشفى وينطوهة مانع حمل

ولازم يسوولهة فحص وتقرير لا تعاند اخ حر المصلحتكم احجي هية مثل بنيتي وخوفي عليهة من خوفي ع بناتي حتى لو كانت غريبة

عرفتة هذا الضابط من گلة سيدي .. دخلني بالسيارة حطيت ايديني ع وجهي وتمددت ع كشن ، ما اريد احد يشوفني ولا اشوف احد

خالو حر لازمني ويمسد على رأسي كل شوية يزفر نفس بقهر

وصلنة للمستشفى نزلوني شيل ، جنت منهارة

مجلبة بخالي حر ما اريدة ينزلني وابجي بحرگة كلب حجيت بصوت خافت متوسل ... لا تعوفني خالي بداعة كل عزيز ع كلبك اخاف لا تعوفني يم احد

حر ... ما اعوفچ خالي بس اهدئي شوية من غديتلج فدوة لا تمردين أفادي

دكتورة منين اخذهة اريد غرفة خاصة بسرعة

الدكتورة ... اصبر شوية اخي

ضل شايلني و واكف صيوان يحجي يمة وهوا ما يسمعة وبس يهدأني ويهمسلي ... غدى الشر بنيتي ، لا تبجين يَ أفادي والكفل زينب اطشرهم الج واخلي دموعج تنزل فرح من تشوفين طشارهم ..

مشة بية مادري الوين حطني ع سرير وراد يكوم ضليت مجلبة بركبتة بكل قوتي اخاف يعوفني ، لزم وحدة من ايديني وباسهة حطهة ع فخذهة ثواني وحسيت انغرزت ابرة بأيدي قبل لا انترهة طلعتهة الدكتورة ..

رفعت ايدي بقوتي رجعت حوطت ركبة خالي حر دقايق وسلهمت بعدهة سكنت روحي ...

رهف ... وصل النة خبر ان درة صارت ويا خالي وماخذينهة للمستشفى لان مضروبة ومتأذية

فرحنة وبنفس الوكت خفنة خاف مأذينهة بالضرب

امي حطت عبايتهة ع راسهة وكالت ... رهف خابريلي خالج حر شوفي بيا مستشفى خليني اروح الهم اشوف درة

خابرت خالي جاوبني كتلة خالو وين بيا مستشفى انتم امي تريد تجي

حر ... شنووو يكطع ما اسمع الووو ساعة ونرجع ونحجي ما جاي اسمعج ..

سد الخط باوعتلي امي وكالت وينهم

... ما سمعني يگطع بس كال ساعة ونجي

... وانة اضل ساعة انتظر

... شبيدي عليج يمة انتظري

...يلا انتظر رجعتهم الحمدلله والشكر ماقصر رب العالمين و لكاها حر

اكلج يمة هسة رايحة اصلي ركعتين شكر

...انه هم والله لو اصلي الف ركعة شوية الحمدلله مليون مرة

طلعت كاتي لابسة جبة سودة ومخلية الشال ع راسهة بأهمال خيوط الذهب نازلة ع وجهة ولابسة شحاطة ام الصبع ومصبغة وردي .. قوست شفايفي ورفعتلهة حواجبي بمعنى "وييين"

كاتي ... انا يروه "يروح" يسأل درة وين

رهف ... مو كنالج بالمستشفى يا كاتي

كاتي ... انا يدري مستشفى اروه يسأل عن درة مضروب مسكين ، اااه يجيبلي ككو هوا ..

رهف ... هاا هاا طلعت مصالح وطمع مو حبًا بدرة

هية فهمتني غلط وكالت

... اي والله مصاله "مصالح" يهبها "يحبها* انا ، وهسة اهب سبورة نگذة "نقذة" ..

تلفض العين مثل الهمزة "ء" ، بأصعب اوقاتي تضحكاني

كتلهة بمكر ... كاتي انتي قبل كم يوم تلفضين الحاء هسة صرتي تكولين اهبها واهبة شنو فلمچ

كاتي ... سعب سعب يتعب انا بالهجي "بالحجي" ، الله اكبر ئلى راسي تزوجت عراقية اتورط انا بيها هجيهة سعب ..

وعد ... والله حجيجن يبط الكلب اطب ادعي الله يردلي درة سالمة ومابيهة شي

ياربي اذا صار شي ع بنية شكول العمامهة يبووي تصخم وجهج يوعد ... تمشي وتحجي بينهة وبين نفسهة بصوت ناصي ..

كعدنة انه وكاتي ع دجة وضلينة نسولف وننتظر رجعتهم

حتى نسيت اروح اصلي ..

درة ... ما اذكر شي جنت شبه مخدرة بس اسمع خالي حر يحاجي الدكتورة يكللهة ... دكتورة متأكدة ماكو داعي للتقرير اخاف عليهة خاف تحتاجة

الدكتورة ... لا لا ابدً، يمكن المغتصب فقط محاول وخايف ومبتعد، او صادفت جيتكم ويا محاولة اغتصابهة ويمكن مملحك يحاول يتقرب الهة

البنية سليمة كلشيييي ما بيهة ولا مبين اكو اثر شخص متقرب الهة

حر ... زين دكتورة رحمة الوالديك فهميني انه لكيتهة عريانة ، ومن حضرتج ردتي تفحصينهة ضلت تصرخ ومرعوبة انه برة وسمعت حسها يعني كلشي يكول هوا الخسيس معتدي عليهة ..

الدكتورة ... اي اي هية محاولة اعتداء الهذا السبب هية كلش مرعوبة والافضل تتعالج علاج نفسي بعد هاي الحادثة لان راح تصير عدهة رد فعل اذا تزوجت وحاول زوجهة يدخل عليهة ..

حر ... زين اخر شي دكتورة والضابط ويانة تعرفين صار تدخل من قبل الشرطة لان جانت مخطوفة

وهوا هسة برا الغرفة خاف ما يصير نتجاهل موضوع التقرير او بالاحرى ما نسوي

الدكتورة ... قصدك يفرضون عليك الا تسوي ، خوية شبيك ترجف كتلك البنية مابيهة شي اكول روح شوف ضغطك

وموضوع الضابط صاحبكم حاجي ويا لا تخاف سالفة اغتصابهة لا تنغلق بشكل نهائي ولا كان صاير شي

حر ... لا تكولين اغتصابهة رحمة الوالديج

... عمي هنيالهة ع هيج خال يرجف عليهة ، الله يستر ع بنية من رخصتك اخي

انفتح الباب ونغلق ، بعدهة انفتح ونغلق مرة ثانية واختفت الاصوات يمي وانفاس خالو حر اختفت

حاولت اتذكر شوكت رادت تفحصني وصرخت ، بس ما اكدر اذكر عبالك عقلي أنغسل، انمسحت هواي اشياء من دماغي اذكر اشياء بسيطة منهة كلام خالي والدكتورة اول ما اجينة

وبنية شكرة شربتني كلاص ماي .. بس هيج ..

شوية وطلعوني من المستشفى بعربانة للسيارة، وبعدهة للبيت نزلت امشي برجلين ترجف، طحت بحضن أمي الركضت علية اول ما شافتني ومتت من البجي

ثنيناتنة نبجي ونرجف، دخولني للبيت وامي استلمتهم تحقيق وخالي حر يجاوب

اخير شي كام واشر الصيوان، صهيب جان كاعد صفن عليهم

خالو كال

حر ... صعدنهة لغرفتهن ترتاح بيهة وابد لا تحجن وياها وتسالنهة اسأله ماصخة ترة البنية منهارة

اي شي يصير خابروني اجيكم طاير

ردن خوش ، عفنة البيت وطلعنة انه وصيوان رحنة لفرهود جنزناه تجنز، وراها شسوينة ورا أذان الظهر بشوية طلعنا وشمرنا بنص الشارع ورجعنة لبيوتنة

كسرت ايدة ورجلة، النذل لو اشرب من دمة كلبي ما يبرد

ضليت انتظر اخبار من محمود صاحبي، رغم مايدري انه خاطف فرهود بس اكيد راح يعرف من يلكونة ويجي يكلي صار هيج وهيج بأعتبار هم جيران ..

رجعت للبيت سبحت وطلعت اباوع ع باب غرفتهم جريت نفس وتقربت من الباب دكيتة ..

درة صحت تفضل .. وعدلت كعدتي

حر بضحكة ... شلونهة البطلة ؟

درة ... زينة الحمدلله ، كعد مقابيلي ومرر ايدة جوة شفتي قطبت حواجبي ونزلت عيوني ع ايدة بعدهة رفعت وجهي اشوف وجهة محتقن وزفر بغيض ... هم طگوچ لو يخوفوج ..

درة ... تؤؤؤؤ

شال ايدة بقهر وكام طلع، التفتتلي رهف وهمست

... حقاااا والنبي وانه شفت شفتج زركة عبالي طاكينج اذا ما طاكينج يعني هذا النثية مبوس بيج

حطيت ايديني ع أذاني ما اريد اسمع ودرت وجهي عنهاا ... رررهف لا تحجين كدامي لا تذكريني ، اذا تذكريني معناها تذبيني للنار بأيدج ..

رهف ... اسفة اسفة ما اقصد اضوجج بس محترك دمي عليج

تقربت منة حضنتني وبجت ... ولج كلبي جان مشتعل نار وشبعت بجي عليج وحتى البارحة ما نمت ونوب هذا ال*** طكني ع راسي بالمسدس وطلعتلي عنجورة ولونهة ازرك بعد

تحجي وتراوينياها ضحكت شوية وسكتت ..

محد طلب مني اسولف شي ابد ، ومن بعد هذا اليوم صارت حياتي عبارة عن نوم ، واحلام واصوات تطرق اذني غريبة

بلحضات احس نفسي عايشة بعالم ثاني بعيد عن هذا العالم، ضحكة شماتة اسمعها بس ما اعرف مصدرها

وكل يوم افز الكة الشباك مفتوح واسدة وارجع انام

ورا خمس ايام بعد ما تقريبا المشاكل شبه خفت وصارت شغلة محاكم رغم همة رادوهة عشاير بس خالي رفض لان عشيرتي راح تتدخل وتصير مصايب همزين مايدرون شي همة ...

شصار بهاي الخمس ايام فرهود قدم بلاغ ع خالي هوا الثاني واجوي الشرطة كلبچو ايدين خالي واخذو، الظاهر فرهود عندة ظهر قوي

صرنة نلطم ونبجي وورة ساعة اجو خوالي عدي وقصي و اولادهم كلهم كعدو بالدوانية وكالو

رحنة فرهود وابنة بالسجن هسة هذا مؤمل من راشديين معترف ع ابو

وحر ما يرضا يعترف والحلو صيوان ويا بس ماذكر صيوان فرهود مبين ناويهة ع اخونة حر

بس لا تخافون لا اكو شهود ولا دليل منا لباجر انطلع حر ، خالي قصي يحجي بثقة لان هوا شوية اله مكانتة المحترمة بالدولة، لأن هوا لواء بس جان بدوامة وعندة شغل مهم الهذا السبب وصة صيوان اي شي يصير ضدنة يخابرلة ..حتى هوا يخابر جماعتة بالبصرة ونطلع منها مثل الشعرة من العجين

والنوب الحلو بالموضوع مو للصبح لا ورة ساعتين طلع كلشي مابي يضحك

صيوان طبك رجل ع رجل وكال .. اجة الثور الاسترالي لو تشوووفونة شلون كض فرهود خلا يتفل دم وضروس

وكسر ايدة ورجلة وانه اجر بي كتلة عمي خف علينة ! راح تموتة يكلي الله عليك بس اكسر صبعة لان رفعة بوجهي

بالكوة طلعتة

قصي ... يستاهل وأساسً هوا عداوتة ويا حر شلون يخطف درة ابن الجلبة هذا مال تكضة وتشكة هوا والخلفة، بس انه اوصي ربعي هنا بالبصرة يهتمون بي ويدارونة هوا وهذا ابنة اذا ما خليتة بليلة عرسة يبجي

حر ... قصي منا البنات ..

قصي ... هسة هنة البنات ما يفتهمن! احسن مني ومنك

حر ... ولكم هذا اخوي صاير عار طركاعة لفتني مستخف صاير

قصي ... اكل تبن لا اترس حلگك تبن ..

صيوان ... بالحالتين بحلكة تبن شبيك ويا التبن انته وبعدين اليحجي الصدك ما تردونة انتم هههههههه

كاتي ... ابو سادق انتي ما تهجين السدك امس تهجين ع هر

اشر ع روحة متفاجئ وكال ااانه

هزت راسهة وكالت ... اي انتي كالت ع هر ****

احمر وجه خالي اسامة وصيوان وخوالي الباقين انفجرو ضحك ع كاتي لان صيوان مفشر وهية ما تدري فشرة عبالهة غلطة عادية ..

المهم هذا اليوم الخامس، اليوم اداوم الوضع صار امان وحطولنة خط حتى يضمنون سلامتنة

واني ابدل سالتني رهف وهية تباوع ع روحهة بحيرة

... اكلج صهيب شبي يومية يجي يسأل عنج ؟ وعن احوالج

رديت بعدم اهتمام ... شمدريني خية انعم الله علي من يسأل عن احوالي انه بحاجة اهتمام هاي الفترة قبل لا تسودن والله ..

ما ردت ونزلت قبلي شوية ولحكتهة ع صوت هورن ابو الخط هرجنة هرج يابة طالعين طاااالللعين

صعدنة اوف مشتاقة للدوام، رهف حطت ايدهة ع خدهة وصفنت صفنة طويلة

وصلت للمدرسة البنات تحمدولي بالسلامة ومروة من بينهن

بنص الدوام همستلي مروة ... ابو الورق السود يمكن اذا يعرف الصار بيج يتخبل

رديت عليهة بنفس نبرة الهمس ... هوا اليوصل الكتابي اكيد توصلة اخباري

.... اي ولج يمكن اخو طالبة ويانة وهية التوصل الرسائل لكتبج

قوست شفايفي بحيرة وقاطعنة صوت الجرس ..

كمل دوامنة وطلعت اليوم من دون الايام عيوني صارت تراقب كل العالم من حولي ما جنت اباوع ع احد ابد هسة حسيت روحي مثل الطفلة الضايعة

وانه اشوف البنات يدخلن للمحلات واشوف ضحكاتهن

بعدهة التفتت ع اصحاب الخطوط يباوعون ع بنات ويتمضحكون

وهذا الي مربي ذيل شطولة ورة "يصير نهاية الشعر بالأسفل ينزل ع رقبة" وهذا الي حاط هتفون وواكف بدراجتة يباوع ع *** البنات اللابسات ضيق

اول مرة انتبه

ومن بين كل العالم لاحضت ثلاثة يباوعولي

ارتعد كلبي من كلشي صرت اخاف

حتى حسيت راح يخطفوني وركضت للخط ، ما ادري همة يباوعون للكل وباوعولي لأن بنية ومريت من گبالهم ، لو عدهم نية سيئة بأتجاهي

منو ابو الورق الأسود منهم! معقولة كاتب هاي الكلمات االراقية يكون واحد من هذول ؟

كاتب الكلمات حسيتة واحد يشبه كاظم الساهر او هيثم يوسف مو مراهق وجهة ما تذب علي التفلة

ومتروس حب شباب ومربيلي ذيل

خاب من جيرة هذول زلم ، فريت كف ايدي بأستهزاء زلم ضيجة خلگ ..

الكل صعد ورجعنة ابو الخط لبيوتنة ، صعدت بدلت و فتحت جنطتني مثل المجنونة ادور بلكي الگى ورقة وبيها كلمات تأسرني وتخليني ارتشف رحيق الحياة المزيف ! فـ اكتشف لاحقًا ما هو الا سمٍ يرتدي اجمل الحلي ...

طاحت من كتاب الانكليزي ورقة كبل حضنتهة ورفعتهة شميت عطرهة بعمق، بحيث توغل العطر لگلبي وانعشة ..

( انا عبد مطيع لا أذنب ، وحبكِ أمر رباني ...! وطقس مقدس ، فـ هل يجوز الكفر فيكِ؟ حقًا اجيبيني ........ لـ عطري )

ضحكت واعدت قرائتهة اكثر من مرة بعدهة ضميتهة بنص دفتر مذكراتي ، ونمت ارتاح فزيت ع صوت عياط جوة بالبيت نزلت اركض والم بشعري واتعثر بالهوى

صار وجهي بوجه ولد غريب صاح بغضب ... هية هااااي درة اختي ؟ هسة اخذهة ورجلها فوك راسها

وعد ... مو بكيفك ولك حيوااااان

... لا بكيفمن هديتهة الأبن عمي وقبلهااااا الرضيتن والمارضيتن ودور رهف جاي خل تتحضر ........يتبع