رواية مهرة الاسد الفصل الرابع 4 بقلم اميرة خالد
اهلا بكم في مدونة مكتبة حواء نقرأ لكم ونكتب من اجلكم
الفصل الرابع
وبعد وقت وصلت مهره القاهره وكان قبل اذان الفجر بحاجات بسيطه وخلصت الاجراءات وخرجت ولقت عربيات وخدت عربيه وقالت له اطلع على فندق الرد السواق حاضر يا فندم وراحت الفندق وحجزت جناح وطلعت ودت للراجل بيبس ودخلت رمت نفسها على السرير وهي بتفكر ايه اللي بيحصل وعينيها راحت في النوم اما البيت الحاج عمار صحيت زينب وهي مبسوطه قوي وبتقول له عمار ليلى رجعت يا عمار صحي عمار وهو مخدود بيقول لها في ايه يا زينب ردت عليه ليلى رجعت وهتيجي النهارده لينا حزن عمار وقال لها خلاص يا زينب تعالي بس تنامي قالت له انام ايه انا هقوم عشان اعمل لها الاكل اللي هي بتحبه وفجاه الفجر اذن قالت له كويس ان الفجر اقوم اصلي واحضر لها الفطير والحاجه اللي هي بتحبها الزعل لعمار عليها مش عارف يعمل ايه ودخلت زينب اتوضيت وهي فرحانه وقعدت تصلي وعمار قام اتوضا وراح الجامع هو ومحمود ويحيى ومجدي وصلي ورجعوا كلم يحيى هي امي بتعمل ايه في المطبخ رد عمار بتعمل اكل عشان خاطر الغاليه استغرب يحيى وقال له يعني ايه قال لي انا لقيتها بتصحيني من النوم وبتقول لي الغاليه راجعه وانا هقوم اعمل لها الاكل اللي هي عايزاه يحيى زعل على امه وراح لها المطبخ وقال لها ايه يا حاجه ردت زينب وهي مبسوطه الغاليه راجعه يا يحيى وانا متاكده من ده رد يحيى حاضر ياما المهم ما تزعليش واعملي اللي انتي عايزاه هو انت شايفني اتجننت يا يحيى وعيطت ويحيى اخذها في حضنه اقول لها ابدا يا امي ربنا يخليكي لينا انا خايف عليك بس زينب والله انا متاكده ان الغاليه رجعت اسمع بس انت كلامي قال لها حاضر يا امي شوفي انتي عايزه ايه وانا انزل اجيبه لك كمان ردت زينب شكرا يا ولدي مش عايزه حاجه خرج يحيى وبص لابوه وقال له ربنا يستر وامي ما تتعبش تاني رد عمار سيبها على ربنا وان شاء الله خير يلا كل واحد يشوف وراه ايه رد محمود خلي بالك منها يابا قال له طيب يا ابني وطلعوا الرجاله شوقهم وهم محتارين في كلام زينب ومش مصدقين اللي بيحصل وعمار فضل يبص على زينب وهو بيقول يا ريت كلامك يبقى صح يا زينب والغاليه ترجع انا اكتر واحد هبقى مبسوط في الدنيا ودخل الاوضه وقعد يقرا في القران شويه وبعد وقت والساعه بقت 7:00 قامت الحريم هجهزوا العيال عشان نروح المدرسه ونزلوا واستغربوا ان زينب خلصت الاكل وحطت الفطار وهي مبسوطه وبتقول لهم يلا تعالوا افطروا عشان ورانا شغل كتير النهارده وفي شقه اسد قام دخل استحمى وخرج لبس هدومه ورش برفانه
اهلا بكم في مدونة مكتبة حواء نقرأ لكم ونكتب من اجلكم
وهو نازل قابل ابوه وعمه واولاد عمه واخوه وقال لهم ايه ده النشاط ده كله ضحك وقالوا له يلا يا اخويا ونزلوا لقوا زينب قاعده وبتقول لهم اتاخرتوا ده كله ليه انا حاطه الفطار من بدري حتى علقت لكم على القهوه والشاي اتكلم اسد في اي حاجه قالت له ما فيش انا جايه على بالي اعمل كل حاجه انا عايزاها النهارده طبعا يحيى ومحمود ومجدي فهمي وسكته وقعدوا يفطروا وبعد ما خلصوا فطار والرجاله هتمشي اتكلمت زينب تعالوا النهارده بدري عشان تلحقوا تقعدوا معانا اسد استغرب هو والشباب واتكلم عمار حاضر يا حاجه هيجوا بدري زي ما انتي عايزه خرجوا الشباب واتكلم اسد هو في ايه ست مالها رد يحيى ما فيهاش حاجه هي بس النهارده مبسوطه شويه رد اسد وهو مستغرب ماشي ونروح بقى للفندق وصحيت مهره وطلبت الروم سيرفس وقالت لهم محتاجه قهوه ارد عليها حاضر يا انسه وقامت دخلت خدت شاور وخرجت ولبست وعملت شعرها ديل الحصان وجابه الصندوق وحطيته قصادها والباب خبط وقامت فتحت وخدت من القهوه ورجعت تاني للصندوق وهي بتشرب القهوه طلعت المفتاح ولقت عباره عن صور لمامتها في وسط ناس غريبه هي اول مره تشوفها ولقت ورقه مكتوب فيها عنوان ولقيت الجوابات ودهب بتاع والدتها وورده حمراء ناشفه عدى عليها الزمن محطوطه في قلبي اجنده واخذت الورقه اللي فيها العنوان وبتفكر هتعمل ايه مش عارفه ولافت نظرها صوره لوالدتها وهي جنب واحد باين عليه الهبه وفي ظهر الصوره مكتوب عليها احلى يوم في حياتي يوم نتيجه الثانويه العامه وانا في حضن بابا فهمت ان ده جدها بس استغربت هي ليه ما تعرفش عن العيله دي حاجه طول السنين ديت وهي مش عارفه هتعمل ايه ومسكت الاجنده وفتحتها ولقيتها مذكرات والدتها بعد ما عاشت مع والدها ولقت جواب محطوط في وسط الاجنده مكتوب عليه الى مهره وفتحته( ايه يا مهره هو انت مستغربه اكيد مستغربه عشان الحاجات دي جات لك دلوقتي بس ما تستغربيش ان انا كنت متاكده ان محمد هيديهم لك في الوقت المناسب ايوه انا زعلانه ومتضايقه ان انا بعدت عنه وعنهم بس انا هعمل ايه قلبي مش بايديا هو ممكن يكون متضايق مني طب ممكن الفراق يحصل فيها جفا انا مش عارفه بس كل اللي متاكده منه انه عمره ما ينساني وهفضل الغاليه زي ما هو كان بيقول بصي يا مهره لو الزمن جه عليك اعرفي ان اكثر واحد هيقف معاكي هو ابويا فهماني يا مهره وما تخافيش هيعملك احسن معامله بس اوعي في يوم تجرح يوم او تزعليهم زي ما انا عملت طبعا انتي عايزه تعرفي ايه اللي حصل وخليهم يزعلوا مني او انا ما احكيش عنهم ابدا كل ده هتعرفيه في الوقت المناسب بس كل اللي انا متاكده منه ان انتي هتسمعي كلامي وهتروحي له صح يا مهره وتديهم الجواب اللي مكتوب عليه عمار فاهمه يا مهره ) ودواري جوه الصندوق ولقيت جواب مكتوب عليه عمار فعلا مهره مستغربه كل الكلام ده وعايزه تفهم فيه ايه وقررت ان هي تروح تروح لاهلي ووالدتها وتوصل الامانه
اما في بيت عمار دخلت زينب اوضه المقفوله وقعدت تنظفها وفتحت الشباك وفرشت ملايات جديده وهي مبسوطه وخرجت وكل ده تحت انظار الحريم وكمان ميرفت المتضايقه ومش فاهمه في ايه والحريم افتكروا ان هي بتنظف الاوضه زي كل مره ما بتعمل كده وردت زينب اعملوا اكل بط ومحشي وعايزه اعملي لي كسكسي رد الحريم حاضر يا مرات عمي ودخلوا اشتغلوا ومعاهم حريم عيالهم ومروه بتقول لهم هو في ايه ردد عائشه ما لكيش دعوه يا مروه واشتغلي وانتي ساكته وندهت الحاجه زينب على مي وفوزيه وميرفت وقالت لهم يلا عشان نمسح البيت والسلم ومسحه ونظفوا الدنيا والحاجه زينب شغلت القران الكريم وولعت البخور وهي مبسوطه وفرحانه وعدى الوقت وبقت الساعه 6:00 والرجاله جت من الشغل ودخل عمار الاوضه اغير هدومه ولقى زينب محضره له الجلابيه اللي كانت جايباها الغاليه هديه عيد ميلاده وبص لها وقال لها في ايه يا زينب لمصممه تفتحي الجرح القديم بصه لو زينب وقالت له عشان خاطري البسها يا عمار عمار انا متاكده ان الغاليه راجعه قال لها ماشي لبسها وهو خايف على زينب
اهلا بكم في مدونة مكتبة حواء نقرأ لكم ونكتب من اجلكم

وفي الفندق مهره قامت دخلت الحمام خدت شاور ولبست وعملت شعرها وحطت ميك اب بسيط واتصلت بالروم سيرفس وطلبت منهم عربيه توصلها المكان وقالوا لها العربيه ربع ساعه وتكون تحت امرك قالت لهم اوكي قامت حطت الجواب في الشنطه وبتفكر في المقابله وهتعمل ايه بس هي لازم تحقق امنيه والدتها باي طريقه وما فيش حاجه وقفت في طريقها في يوم وفاءت على رنه التليفون وكان الروم سيرفس وقالوا لها على عربيه جهزت ونزلت مهره وشافت العربيه والسواق فتح لها الباب وركبت وادات الورقه وقالت له انا عايزه اروح العنوان ده
