رواية صغار العم الفصل الثالث 3 بقلم مسرة اسامة
روايــة #صغار_العم
الــحَــلْــقــة الــثــآلــثــةٌ 🌸
احمد شد الكلب : خايفة منه يا هناء ؟ تي مايدير شي ... و يبوس فيه من وجهه
هناء تقززت : يععع 😖
يوسف شبح لِـ لبستها : ماشية لصاحباتك
هناء : ايه و عطلت راهم يراجو
يوسف : امالا اجري
هناء طالعة لسيارتها : سلام
يوسف سكت يقول ف عقله ( مكياج و لبس مليح على خاطر صاحباتها ؟؟ ) ؛ خلاها طلعت و لحقها
____________
سنابل تتكلم ف التليفون : خلاص امالا نبعتلك التسجيل و كسدي عليه
أبرار : و كان قدر يوصل فيا كيف ندير بعدين ؟
سنابل : تي كلميه بالشفرة متع 207 وين يندري عليك و هي مش بإسمك
أبرار : به شن بنقوله بالزبط
سنابل : سمعيه التسجيل ماتبعتيهولاش ، افتحي المايك و خليه يسمع و خوفيه بإنك بتقولي لمرته لو مادفعش الفلوس
أبرار ضحكت : كيف بيدفع يا غَبو
سنابل : غَبو ف عينك 😒 يدفعهم بالرصيد ياماما يشري كروت و يبعتهملك و انتي النص و حني النص
أبرار : و بعدين نبيعوهم 🌚
سنابل : يا سلام عليك هاك بديتي تشغلي ف مخك
أبرار : باهي مليح رزقة جت لعندنا
خشت سلسبيل على سنابل : ها شن صار ؟؟
سنابل شبحتلها و هي تتكلم ف التليفون : ماشي أبرار هي سلامات
أبرار : باي
سلسبيل : ها شن قالت
سنابل تبعت ف التسجيل لأبرار : قالت باهي و تو تكلمه غدوا
سلسبيل : يس يس 👍
سنابل : ياريتني طلعت مع هناء كساد
خشت عليهم نجاة : شن اديري انتي وياها هني 😠
سلسبيل : شي نهدرزو
نجاة : و الحوش كأنه مضموم مافيشي شي !!
سنابل سكرت تليفونها و شبحتلها : خيره شن فيه ؟
نجاة فنصت فيهم و جت خدت منهم التليفونات : هادو معاش تحلمو بيهم لين نشوف الحوش كيف مانبي
سنابل تكنطت : علاش الجو اهوا توا
نجاة و هي طالعة من الدار : انى طالعة توا ؛ نروح نلقى الحوش يضوي ضوي
سنابل : واااااااك شن هَـ المرا هادي 😤
سلسبيل قلبت وجهها : تكنطي الزفت مش عارفة امتى بتبطل هالحركات
نجاة من برا الدار : نسمع فيك يا بهيمة انتي وياها و حتى النت بندسه الله ماكم رايينه لين اتضمو الحوش
_________________________
هناء تسوق ؛ فتحت تليفونها و اتصلت بإسراء ..
إسراء ردت : الو
هناء : اهلا شن الجو
اسراء : تمام ؛ شكلك طلعتي
هناء : ايه ، انتي وين
اسراء : اعطيني خمسة دقايق و نوصل للمكان
هناء : معناها نوصلو مع بعضنا
اسراء : هونا أريج وصلت
هناء : به حلو
اسراء : هي باي
هناء : سلام ... و سكرت الخط
( يوسف يمشي وراها من بعيد و هي ماتندريش )
____________________________
نجاة تلبس ف وشاحها ع مراية المدخل : انى ساعة و نجي
سنابل : وين ماشية ؟
نجاة : معاش تسأليني وين ماشية و بري جيبيلي شنطتي من الدار
سنابل قلبت وجهها و مشت
1
خشت للدار و فتحت شنطة امها ؛ خدت منها خمسة و رفعتهالها
نجاة خدتها منها : ماسة الشنطة ؟
سنابل : لقيتها مفتوحة سكرتها
نجاة تكشخ : مازال تمسيها نهارك احرف فاهمة ؟؟؟
سنابل : و كان سكرتها عادي
نجاة : عادي عينك ؛ حتى تلقيها والعة فيها النار ماتقربيهاش
سنابل : باهي 😒
طلعت نجاة من الحوش و سكرت الباب
...
سنابل خشت للمطبخ : نبي رصيد فلست
سلسبيل تلمع ف دولايب المطبخ : الأفريقي رقمه مسكر امبكري كان هذا درنا حل حتى من تليفون اميمة
سنابل : خنبت خمسة جني من ماما نبي نبعت حد يشريلي
سلسبيل : و بأما تليفون ان شاء الله بتتكلمي
سنابل : غر نضمن الرصيد و بعدين ساهل
سلسبيل : شوفي اصيل بالك قاعد
سنابل : لالا باش يبعتلي جني و ياخد الباقي
سلسبيل ضحكت : حقير و يديرها ؛ امالا شوفي احمد ممكن يلعب ف الجنان
سنابل فتحت الروشن و بدت تصيح : احمددددد ؟؟ .... أأحمددددد 😮 !!
سمعها خوها اصيل من الشارع خش للجنان يجري
سنابل تصيح : أحممدددد
أصيل قام راسه للروشن : سكري فمك و خشي
سنابل شبحتله : وين أحمد ؟
أصيل يعيط : خشي الداخل خير مانركبلك
سنابل تصيح و تتحرك بيدها : خيرك ؟؟؟
أصيل بأعلى صوته : و قاعدة واقفة يا حيوانة ؟؟
سنابل فنصت فيه : احترم نفسك 😠
أصيل تعفلق ؛ نحّا سبيدروه و حذفه عليها فوق : خشي يا امسخه شهدرتي علينا الجيران
سنابل سكرت المرش ؛ السبيدرو جي عليه و طاح
أصيل خداه و لبسه
سنابل فتحت الروشن تاني و تصيح : والله الا لما نوريك عليها الحركة اهيا
اصيل شبحلها : حي على امها اهيااا قاعدة تلاطي !!! .. و ركبلها يجري 🏃
سنابل خشت و سكرت الروشن
سلسبيل : خيره ؟
سنابل : مداير روحه راجل
و مشت تسكر ف باب الحوش بالقفل
أصيل بيفتح الباب لقاه مسكر : افتحي الباب يا قرده خير مانكسره
سنابل تكلم فيه من ورا الباب : مانيش فاتحاته 😛
أصيل يضرب ف الباب تيروات و متعفلق : والله الا ما نربيكم يا كلاااب
سنابل تستفز فيه : هاهاهاها برا يا متع أية و متع عبييييررر و متع فددوااااا 💃
أصيل انصدم : افتحي يا ****
سنابل : ههههههههههه ؛ تبي نزيدك ؟؟
أصيل يضرب ف الباب بكل جهده : افتحي الباب يا حلوفة !!!
سنابل : بااااي ... و مشت لدارها
أصيل يسب : تو نوري ****** ياكلبة غر نروح بس
( و نزل )
1
__________________________
خشت هناء للكافي لقت صاحبتها أريج مقعمزة
أريج ضحكت و وقفت تسلم عليها : اهلااا 😍
_______
يوسف درس سيارته ورا سيارة هناء و قعد يراجي
_______
هناء : شن الجو و شن مدايرة ؟
أريج : الحمد لله ؛ حال الكساد زي ماتعرفي
خشت اسراء
هناء شافتها اشرتلها بيدها
جت اسراء تضحك : استاحشتكم ياكلباات
البنات ضحكو و ناضو يسلمو
____
بعد شوية ؛ نزل يوسف من سيارته و خش للكافي
لقي هناء تضحك بصوت عالي مع البنات ؛ انصدم من ضحكها و وقف ف مكانه
هناء تضحك : و وقتها شن درتي
اسراء : شديت ولدي و منعت ، توقعته يقولي عادي بري و شوفي صاحباتك
أريج تضحك : و كان يتصل بأمك يسأل عليها
اسراء : حطيت ولدي عندها و تفاهمت معاها على اساس انها مريضة و بنشوفها
هناء : عمايل حتى و انتي متزوجة ؟
اسراء : مافهمتش شن يبي ف وجهي اليوم ، قلت لازم نطلع و نتنفس
( يوسف قعمز ف الطاولة اللي ورا هناء )
أريج : نورس شورها مش جاية
اسراء : خطيبها الدراه عفس فيها
هناء : مش عارفة كيف ترضىٰ انه يحكم فيها و هي مازال مش مرته
أريج : لما اتطيحي ف واحد متعقد هكي يصيرلك و بالذات لو تحبيه
هناء : لالا ؛ من الاول نشرط و نفرض عليه شخصيتي
( و يوسف يسمع فيها 😂 )
أريج : به تو نشوفوك
اسراء : اني جعت ره
هناء : باهي انوضو نطلبو حاجة ؟
أريج : حني نسينا حتى الماكلة ف جرت نورس
اسراء : شن بناخدو ؟
أريج : مش عارفة
هناء سكتت
أريج شبحت لهناء : نوضي انتي و شكليلنا الطاولة
هناء : باهي نوضي معاي
أريج شبحت ليوسف و وشوشت هناء : في واحد امبكري وقف و قعد يشوفلك هلبا و توا قعمز وراك
هناء : يشوفلي اني ؟
أريج : ايه
اسراء تلفتت : وينه
أريج تلخبطت : ورقلك الزفت
اسراء ضحكت و شبحتلها : اما هو
هناء : شن لابس ؟ باش لما انوض نشوفه
أريج : سورية كحلة ؛ مقعمز ف الطاولة اللي وراك بالزبط
( يوسف ورقلهم يتكلمو عليه ناض )
أريج شافاته ناض : تلفتي بسرعة راهو طالع
هناء شبحتله و استغربت : يوسف !!
اسراء : تعرفيه ؟
هناء تشوفله و هو طالع : ولد عمي هذا
أريج : زعما لاحقك ولا صدفة ؟
هناء : مش عارفة ؛ انى قبل مانطلع كنت معاه ف الجنان ماقالش طالع
اسراء : معناها لاحقك و يشوف فيك وين ماشية
هناء سكتت
أريج وقفت : مرات صدفة ؛ هيا هنو نوضي معاي
_____
يوسف ركب سيارته و طلع : ظلمتها البنت ... لكن تو نوريها ع العار اللي مدايراته كان ماربيتهاش معادش نتسمىٰ
_________________________
سنابل ف الجنان مع احمد : هاك الخمسة هادي جيبلي بيها كرت ليبيانا
أحمد : نبي جني
سنابل : ماعنديش غيرها ، هيا بسرعة
أحمد : مادخلنيش فيك تبيني نمشي هاتي جني
سنابل تكنطت : ايييي عليناااا
و تلفتت لجدها : اجديده اعطينا جني
العارف شاد طوبو امية يبخبخ ف الجنان 💦 : ماعنديش
سنابل بصوت واطي : و انت امتى عندك !!
أحمد : خلاص مانيش ماشي
سنابل شبحتله : غر برا هيا
أحمد : بري ملحي
سنابل : مرات يفضل جني كان هذا خوده
أحمد : مش تبي كرت خمسة ؟ كيف مرات يفضل ؟
سنابل : قالو توا مدايرين تخفيض ع الكروت ولّو بأربعة جني
أحمد خدي منها الفلوس و مشي
سنابل تصيح : ليبيانا راك تنسىٰ
جتهم حلومة مطلعة الشاهي
سنابل خدت منها السفرة : امّيمه مطيبة كاكوية !!
حلومة : عارفاتك تحبيها
سنابل ضحكت : نموت فيها تسلم ايديك
حلومة قعمزت ف الطاولة : سلمك
سنابل قعمزت معاها : خيره الحوش كساد ؟ وين مشو
حلومة تصب ف الشاهي : سعاد مشت تشوف ف مرت خوها قالت طاحت و هي تغسل ف البساطات ؛ و ازهار مانزلتش
سنابل : و عصام ماجاش ؟
حلومة : ماريتاش من بعد الغدي لا هو لا عماد
سنابل تقول ف عقلها ( فكرتيني في عماد الله يفكرك ف الشهادة ، لازم انحّو منه تليفون مليح )
حلومة تلفتت للعارف : حاج ؟ تعالى اشرب شويهية
العارف : هاتوه هني
خدت سنابل الطاصة و رفعتهاله
حلومة تنفخ ف قشور الكاكوية : وتيتو قفطاينكم اوه ؟
سنابل جت قعمزت معاها : اني شريت لكن خواتي مازال ، ماما قالت غدوا بتطلعنا
حلومة : ترا جيبي كراسة و قلم باش تكتبيلي المعازيم
سنابل تاكل ف الككاوية : به
حلومة : كملي طاصتك و نوضي
سنابل : حقا بيجو عرب بنغازي ؟
حلومة : طبعا ، هادو حوش خالتكم
سنابل : من خالتنا ؟ و هي اختك
حلومة فنصت فيها : و خالة بوك ماهي خالتك
سنابل سكتت 😒
خش أحمد
سنابل شبحتله : حصلت ؟؟
أحمد جاها و حطلها الفلوس ع الطاولة : هاك
سنابل تشوف للرقاق : هادو شني
أحمد : مالقيتش كرت بأربعة جني قالي كلهم بخمسة ؛ خديت جني شريت بيه شكلاطة و رديتلك الباقي
سنابل عيطت : يا حيواااااااااان
العارف انخلع : سكري فمك يا فرخة
___________________________
8
عصام مع خطيبته مرام ف محل يختارو ف الستارات للحوش
مرام : لالا اللون هذا مش حلو
عصام : مش حاسة بإن هذا تاسع محل نخشوله و مايعجبك شي ؟
مرام ضحكت : وسع بالك معاي عصومي
عصام : كان طلعت اني و امال راهو شريت من اول يوم
مرام : ماك عارفني نحب نختار كل حاجة بروحي و نبيها تكون على ذوقي
عصام تأفف : هيا سقديني
مرام تكنطت : باهي هي طلعت
و طلعت من المحل
عصام طلع و لحقها : خيرك زعلتي ؟
مرام قالبة وجهها : نبي نروح
و ركبت لسيارتها
عصام ركب معاها : خيرنا عاد !
مرام : خلاص هي برا لسيارتك و توكل
عصام : تعرفيني نكره امه الجو اهوا يا مرام
مرام سكتت
عصام : قصدي عرسنا وصل خلي جونا عسل
مرام عيونها دمعو : اني أعصابي تاعبة لان بنطلع من حوشنا و بنسيب اماليا راعيني شوية
عصام حط ايده على خدها : و مش فرحانة انك بتعيشي مع حبيبك طول عمرك ؟
مرام ضحكت : ياسر تو يشوفنا حد
عصام : عادي طز
مرام تشوف للناس : هيا انزل ركبتك معاي غلط
عصام ضحك : و لما ركبتيني و اني بنموت مش غلط اه ! و زيادة واحد ماتعرفيش ملته منين
مرام ضحكت : نصيبي فيك يا عمري
________
1
Flash back
قبل سنتين 🌹
11:30 ص
مرام تسوق ف سيارتها بروحها و تجري 🚙🔥
فجأة يطلع عصام من قهوته و يقص الطريق بدون ما يركز
مرام انصدمت بيه و شدت فرينو بالقوة : وووووه علياااااا 😱
عصام جاته الخبطة على رجليه و طاح
مرام قلبها يدق بسرعة و ترعش : لا يارب لا ان شاء الله ماماتششش 😰😰
عصام طايح و يتوجع
مرام نزلت تجري تشوف فيه : سامحني يا وخيي
عصام شبحلها و سكت
مرام طبست عليه تبكي و ترعش : بالله عليك ماتموتش مانبيش ننحبس ف اول عمري 😭
عصام يشوفلها و عيونه قلوب 😍
يقول ف عقله ( يا لهوي يمااااا 😍 )
مرام تشوف للناس ؛ مالقت حد
خشت لأول محل و نادت زوز ولاد : تعالولي بسرعة
ناضو الولاد معاها لقو عصام طايح
مرام : ركبوه ف سيارتي بسسرعة 😰
عصام قعمز و يتوجع ؛ يقول ف عقله ( والله ماني مفلتك من ايدي )
قاموه الولاد للسيارة : ان شاء الله بسيطة
عصام رجله مش قادر يحركها و يتألم
مرام راكبة تجري : يارب بسيطة يارب
عصام شاد رجله مش قادر يدوي
مرام طلعت تجري بالسيارة و ترعش : بالله عليك تحمل شوية و ماتموتش بالله عليك 😢
عصام مقعمز بحداها القدام و يتوجع : مش حانموت ركزي ف الطريق بس
مرام ترعش : تليفوني مش معاااي 😭😭 ووه عليا كيف بنديرررر
عصام داهش : و اني تليفوني خليته ف القهوة
مرام : شن هاليوم ياربي 😭 اماليا مسافرين و قاعدة مع حناي بروحي 😭😭
عصام ضحك
مرام شبحتله : انت تضحك ولا بتموت ؟
عصام : بنمووووت ههههه
مرام نقصت السرعة و شبحتله : تتسهوك ؟؟
عصام : تي اجري ، من الوجاع رجلي شكلها بيبتروها
مرام خافت و زادت ف السرعة 🔥 : لاااا 😰
عصام يضحك
___
بعد شوية وصلو للمستشفى و خش عصام دار كشف و صورة ، طلع عنده كسر و جبسوه
عصام طلع من الحجرة مجبس
مرام واقفة ف الممر : الحمد لله ع السلامة
عصام يمشي بالقيلات : الله يسلمك
مرام متحشمة : سامحني بالله عليك انت طلعت فجأة
عصام : مقدر و مكتوب ولا يهمك
مرام ابتسمت : هي خليني نوصلك
عصام : بارك الله فيك تو يجيني ولد خوي اتصلت بيه من الممرض توا
مرام : اها يعني نقدر نمشي و اني متطمنة توا ؟
عصام حك شعره و سكت
مرام : اكيد مش حاتشكي فيا وله ؟
عصام : نبي تعويض
مرام فنصت و سكتت
عصام ضحك : نبصر عليك
مرام ساكتة تقول ف عقلها ( جوه مليح حتى و هو مريض ! سعدوده والله )
عصام : وين سرحتي قتلك نبصر عليك
مرام ضحكت : كيف بنتطمن عليك
عصام : ساهلة ..
مشي للإستعلامات خدي منهم ورقة و بيرو و كتبلها رقمه
مرام تحشمت
عصام مدلها الورقة : باش تتطمني عليا 😉
مرام مترددة ؛ تبي تاخد الورقة و ماتبيش
عصام : ماتبيش يعني !
مرام خدتها منه : ان شاء الله معرفة خير ☺️
عصام ابتسم : ان شاء الله
(( ف الليل اتصلت بيه مرام و اتطمنت عليه و بعدها بدي عصام يهدرز عليها شوية شوية لين تعلقوا ببعض و هكي بدت قصتهم 💘❤️😍 ))
_______________________
نرجعوا للقصة توا 💖
08:00 م
يوسف واقف بروحه ف الجنان ؛ يراجي ف هناء تروح من الكافي و يدخن
بعد شوية خشت : السلام عليكم
يوسف قام حواجبه و نفخلها الدخان : و عليكم السلاااام
هناء استغربت تقول ف عقلها ( شن الحركات هادي )
يوسف : شن الجو ؟؟
هناء وقفت قدامه : تمام
يوسف : اه يعني مش مليح ؟
هناء : جوي حلو
يوسف سكت
هناء : امبكري ريتك
يوسف يدخن : حتى انى ريتك
هناء : خيرك ماقلتليش انك ماشي لنفس المكان
يوسف : ماكنتش عارف انك ماشية غادي
هناء : اه هدا علاش طلعت ؟ ماتبينيش نشوفها ؟
يوسف : من هي ؟
هناء : اللي مداير معاها موعد
يوسف : كنت بنتلاقى مع صاحبي لكن لما ريتك ماصارليش
هناء : و علاش ماصارلكش ؟؟
يوسف : لان مش مستعد نخلي صاحبي يسمع عارك و يضحك علينا
هناء عقدت حواجبها : عار شني و كيف يضحك علينا ؟
يوسف : على ضحكك اللي قالب المقهى
هناء سكتت
يوسف يتحرك بصبعه : من اليوم مكياجك بتمسحيه و لبسك هذا بتغيره
هناء : بالله عليك ؟
يوسف : ايه .. بالك بنخليك تطلعي بسروال مشحوط ؟
هناء : ياسر بلا جو
يوسف : و طلوعك و تنسريفك الزايد بتقصي امه
هناء تكنطت : انت مادخلكش فيا عندي بوي فوق راسي هو اللي يحكم مش انت
يوسف : عمي تو ندوي معاه و نقوله اللي ريته
هناء علت صوتها : شن هو اللي ريته ؟؟ ريتني مقعمزة مع شباب ولا طالعة بلا حجاب !!
يوسف فنص فيها : لأخر مرة صوتك يعلىٰ ؛ انتبهي لروحك ف الجديد راني مانرحمش
هناء تشوفله و دمها يغلي
يوسف : و وين التعطيل هذا كله ؟؟ ولا ناسية انها ليلة خميس و الوقت مايطمنش
هناء : خدتني الهدرزة مع البنات و اني حرة امتى مانروح نروح ؛ ان شاء الله حتى الفجر
يوسف عقد حواجبه : شن امالا مافيش من حاكم فيك ؟؟
هناء خشت و خلاته
يوسف لوح دخانه تحته ؛ عفس عليه و طلع
____
هناء راكبة لحوشهم اتمتم بروحها : شن هالبلي اللي كل ساعة بمزاج !! تي على من يكذب و يقول بيتلاقى مع صاحبه و هو الكافي مش متع شباب بكل !! ... هذا نتجنبه و معاش ندوي معاه خير مدايرلي روحه بيحكم ... الحق فيا اني اللي عاملته زي الناس امس
فتحت الحوش و خشت
_______________________
10:00 م
حلومة متكية ف دار المعيشة : حاج ؟
العارف كان يقرا ف قرآن ؛ سكره و شبحلها : نعم
حلومة : صار غدوا من وجبة الحوت ؟
العارف : ان شاء الله ، تو نقول لعماد يشريه الصبح
حلومة : اشريه انت قداش منهم الولاد سادهم مصاريف صغارهم
العارف : ماعنديش يا مراة منين بناخدهولكم و الفلوس حاصلين ف المصرف
حلومة قعمزت : و اللي مدكتكهم تحت البساط لشنو ؟؟ ولا مايهونش عليك قرشك الا على رويحتك ؟
العارف علّا صوته : هيا ريحيني منها السيرة هادي
حلومة تعفلقت : والله شي يحرق الدم لآمتى بتقعد مايهونش عليك ؟ مافيها شي لو ف مرة فرحت احفادك بحويجة منك
العارف تكنطا و ناض لداره
حلومة تشوفله و متعفلقة : شن هالطبع الاحرف
خش عصام : السلام عليكم
حلومة شبحتله : و عليكم السلام
عصام : خيرك والعة ؟
حلومة : من الفقري اللي عندي
عصام ضحك : ناقصاتك حاجة !
حلومة : ماناقصني شي الا يتلحلح و ينحي اليبس اللي عنده بس
عصام : هذا طبعه من يومه تبيه توا يتغير ؟
حلومة سكتت
عصام : سمعت بالعيلة بيتغدو لوطه غدوا
حلومة : ان شاء الله ، اني هذا علاش تكيتها معاه ، نبيه هو يشري الحويتات
عصام : مدايرين حوت ؟
حلومة : انت مزرد مع صحابك وله
عصام : ايه ان شاء الله
حلومة : كان ماتبيش تمشي نديرو حاجة تانية على خاطرك
عصام : لالا علاش نحرم فيكم ، اصلاً شوية و طالع بنبات برا
حلومة : باهي مربوحة
عصام يبوس ف ايديها : تبي حاجة يام ؟
حلومة : نبي سلامتك بس
عصام : تصبحي على خير
______________________
يوسف مقعمز مع صاحبه أشرف ف السيارة
أشرف : تبي الحق ؛ البنية خشت خاطري من لما ريتها معاك ف المطار و مدامها بنت عمك قلت ندوي معاك انت قبل
يوسف ساكت
أشرف : شن رايك ؟
يوسف : مش عارف
أشرف : كيف مش عارف
يوسف شبحله : البنت ماتبيش تتزوج
أشرف : من قالك !
يوسف : ديما يجوها خطاب و ترفض ؛ شكلها تراجي ف حد
أشرف : انت ماخاسر شي ، افتح معاها الموضوع و شوفها شن تقول
يوسف سكت
أشرف : تمام ؟؟
يوسف : ان شاء الله خير
أشرف : ان شاء الله
يوسف فتح باب السيارة : تصبح على خير
أشرف : و انت بخير
نزل يوسف من السيارة و خش للحوش
لقي عصام ف الجنان كيف بيطلع : اه عصوم !
عصام بحواجبه : شن الأمور
يوسف : ماشية ، شنو طالع ؟
عصام : ساهر مع الشباب
يوسف : باهي مليح
عصام : هي برا معاي
يوسف : لالا منور
عصام : جوهم مليح يعجبوك
يوسف ضحك : مرة تانية ان شاء الله اليوم مش ف بالي الطلوع
عصام : اوكى بجوك
يوسف : تصبح على خير
عصام و هو طالع : و انت بخير
خش اسماعيل : السلام عليكم
_______________
أصيل شاد المغرف : افتحي الباب يا حيوانة
سنابل ف الدار : والله مافاتحاته لو كان تجنح
نجاة تكشخ : ياسرو بلا عار تو تسمعكم سعاد تتشمت فيا تقول نجاة ماتعرفش تربي
أصيل : امالا ربي الكلبات اللي عندك
نجاة فنصت فيه : تحشم هادو خواتك
هناء : فكونا من الدوشة ليل
أصيل : ماك ماسمعتيهاش كيف تنهق زي الحمارة من الروشن و سمعت الشارع بتنهيقها
نجاة : علاش عيطت ؟؟
أصيل : وين نندري على امها
نجاة ضرباته على كتفه : امها ؟؟؟
هناء تضحك
اصيل : اسف ... قالت كلام لازم تاكل عليه طريحة
سنابل من ورا الباب : على خاطر آية و عبير و فدوىٰ ؟؟
أصيل عطي الباب تيرو : افتحي الباااااب
سنابل تصيح : على من تكذب يا معفن و تقول لِـ نهى ان ماعندكش خوات و انك راس ولد اه ؟؟؟
نجاة شبحتله
هناء ضحكت بصوت عالي : ههههههههه نكرت خواتك ؟ عيب عليك
اصيل مصدوم : راني بنقتلهااااا
سنابل : شنو نكذب ؟؟
سلسبيل معاها ف الدار و توشوش فيها : قوليله على ابتهال اللي كاذب عليها انه كان عايش برا
سنابل تصيح : ولا ابتهال اللي كاذب عليها و معيشها الوهم انك كنت عايش ف أمريكا و واخد الجنسية يا كذاااااب يا وهمييييي
هناء : هههههههههههههه
اصيل دمه فار : افتحي الباااااب يا امسخة ، شن مسك ف ام التليفووون !!
سنابل : و مريم اللي مقايلها بتخطبها ؟؟
اصيل : و انتي منين تعرفيهم يا حلوفة
سنابل : نحب نبشرك ان مريم اني بشحمها و لحمها
اصيل سكت و جسمه صقع من الصدمة
نجاة وهناء : ههههههههههههههه
سنابل تغني : اخويا عاوز يتجوزني 💃
سلسبيل ترد عليها : اخوكي عاوز يتجوزكي !! 😂
سنابل : اه يا لهوي 😱.. ياا ياخرابي ياا يافضحتي يا يامصيبتي 😩
سلسبيل تصيح : يا لهويتييييي 😂
هناء تضحك بدموعها 😂😂😂
أصيل يخبط ع الباب بالمغرف : والله الا ما نقتلكم يا كلاب .. تجري بيا يا حلوفة انتي وياها ؟؟؟
نجاة تضحك و ادف فيه لداره : خش ارقد خلاص
اصيل يعافر فيها : حولي بنقتلهم
نجاة : خلاص اس بوك شوية و راكب تو يسمع عاركم
اصيل يخبط ع الباب 👋 و خواته يغنوله 💃
_____
6
اسماعيل فتح باب الحوش و خش هو و يوسف لقو أصيل يعيط انصدمو
نجاة شبحتلهم
اصيل يعيط : مانيش متحرك من هني لين يفتحو المسخات
يوسف : صلي ع النبي يا راجل
هناء سمعت صوته تلفتت
اسماعيل : هذا شنو ؟
اصيل شبحلهم
نجاة : لا شي يبصرو على بعضهم
اسماعيل : بصارة شني و هما قالبين العمارة بالعياط ؟
أصيل : شي شي .. لوح المغرف من ايده و فتح باب الحوش و نزل
سنابل سمعتهم : بابا جي
سلسبيل : امالا اطلعي بسرعة
سنابل فتحت الباب و طلعت : و اخيراً جيت
اسماعيل : خيركم ؟
سلسبيل : يعارك فينا على حاجات هو مدايرها ؛ بكل ولدك اهوا
هناء ضحكت
نجاة تضحك : و انتو مش مقصرين ماشاء الله
يوسف يشوفلهم و ساكت
اسماعيل : تحشمو فينا قدام الضيف ؛ عزمته يتعشىٰ معانا لقاكم تتناقرو
يوسف ضحك : تو اني براني يا عمي ؟
نجاة : راك بتتعود
يوسف : اهم شي ورا الساس متع داري يكون هدوء بس .. و شبح لهناء
هناء قعمزت عَ الكنبة و ماردتش عليه
اسماعيل : على الساس متعك دار هنيوه يعني مافيش دوشة
نجاة : تعالو معاي نوتو عشانا .. و خشت للمطبخ
هناء كيف بتنوض ..
سنابل : خليك وخيتي انتي رجلك تو حني نخشو معاها
هناء سكتت ؛ تلفتت للتلفزيون و قعدت تلعب بشعرها
خشو سلسبيل و سنابل مع أمهم للمطبخ و اسماعيل خش للحمام
يوسف شبح لهناء و قعمز معاها
هناء تتفرج و متوترة
يوسف بصوت واطي : خيرك ؟
هناء شبحتله : خيرني
يوسف : مش عارف زعلانة شكلك
هناء قامت حواجبها : والله
يوسف : ايه
هناء : كأنك ماقلت شي
يوسف : انى ماغلطتش فيك
هناء كيف بتتكلم ...
قاطعها يوسف : الكلام متع امبكري مانبيكش تنسيه ، حانقعد وراك وراك لين نمشيك على كيفي
هناء : و من تكون حضرتك ؟
يوسف سكت و سرح فيها
هناء سكتت و قامت حاجبها
يوسف تلخبط و كح : بعدين نكلمك عَ الفايبر و نقولك
هناء تلفتت للتلفزيون و شدت الريموت : مش حانفتح نت بعدين
يوسف كيف بيتكلم طلع اسماعيل من الحمام سكت
اسماعيل قعمز معاهم
خيوسف : عمي ! كيف الأمور ؟
اسماعيل : الحمد لله شن أمور الشغل ؟
يوسف ساوىٰ تقعميزته : اليوم اول يوم كان
اسماعيل : كيف لقيت الجو ؟ مشي معاك ؟
و قعدو يهدرزو ..
هناء ناضت للمطبخ
سنابل توشوش ف سلسبيل : زعما شن كان يقوللها ؟ سمعته يوشوش
سلسبيل : تو تجي و نسألوها
هناء خشت : اني بنرقد تصبحو على خير
نجاة شبحتلها : بترقدي من توا ؟؟
هناء : ننعس هلبا
سلسبيل غمزتها : عيب مش وقته توا
هناء : كيف مش وقته ؟
سنابل توشوش : يوسف عندنا مايجيش تخشي ترقدي و تخليه
هناء مشت لدارها و ماردتش عليها
فتحت اللابتوب متعها على مسلسل أمريكي و اتكت تتفرج
______________________________
12:30 ص
يوسف متكي ف سريره ؛ فتح تليفونه و خش ع الفايبر بيكلم هناء لقاها مسكرة النت قال : بنبدو ف جو الجكترة !
و اتصل بيها ...
هناء متكية ف سريرها فاتحة اللابتوب تتفرج ؛ حست بتليفونها يشرين شافاته لقاته يوسف
مابتش ترد : زعما شن يبي فيا يتصل توا ؟
يوسف تكنطا ؛ خدي شيشة المية اللي بحداه و قام ايده يخبط بيها ع الساس
هناء استغربت : هذا شني !!
يوسف يخبط بالشيشة من جهة المغطة
هناء : والله مايديرها الا هو
يوسف عاود يتصل بيها تاني ...
هناء ردت : الو
يوسف : خيرك ماترديش !
هناء : راقدة
يوسف : و صوت الإستشوار قبل خمسة دقايق من اللي كانت فاتحاته ؟
هناء سكتت
يوسف : علاش مارديتيش ؟
هناء تكنطت : بتكمل تهزيبك فيا !!
يوسف : مانبيش نهزبك لكن انتي تجيبي فيه لروحك شكلك تعودتي
هناء عيونها دمعو : علاش تعامل فيا هكي ؟ شن مدايرتلك اني ؟
يوسف سكت
هناء تبكي : في عمري كله مفيش حد تجرأ و دوي معاي بنفس أسلوبك او حتى هزبني
يوسف : باهي علاش البكي توا و انتي على سبلة
هناء تمسح ف دموعها : من يوم روحت وانت تبكي فيا مش ملاحظ روحك ؟؟
يوسف سكت
هناء : تصبح على خير
يوسف : مسرع
هناء : تاعبة و نبي نرقد
يوسف : مش منك عاد من تنسرفيك
هناء : تشاو .. و سكرت الخط
يوسف تكنطا و لوح التليفون بحداه
هناء متكنطية : ماليشي خمسة ايام مروح بكاني بكي ليا شهور مابكيته
سكرت اللابتوب و مشت للمطبخ
_______________________________
تاني يوم
10:30 ص
نجاة لابسة بيجامة بالروب و متكية ع الكنبة ف وسط الحوش ، تاكل ف ياغورت و تتفرج ع التلفزيون
طلعت هناء من الحمام : ماما صباح الخير
نجاة : صباح النور
هناء : نحسابك نزلتي
نجاة وقفت : ايه بنبدل توا و بننزل
هناء : به و اني نجيب الكيكة و نجي
نجاة خشت لدارها و هناء خشت لأصيل تصيح : نوووووووض
اصيل انخلع و شبحلها : خيرك ؟!!
هناء : نوض تحرك ياسرك نوم
أصيل تلفت للجهة التانية : خلو الواحد يرتاح ف عطلته الزح
هناء فتحت عليه الروشن
اصيل جي الضي على عيونه : تي سكري النهار الاحرف
هناء : نوض وتي روحك باش تمشي لصلاة الجمعة ؛ و انت لا صلي لا عبادة
اصيل شبح لتليفونه : مازال الوقت
هناء طلعت من الدار
_______
بعد ساعة 🌹
طلعت هناء من حوشهم شادة كيكة ؛ لقت يوسف كيف نازل
هناء : صباح الخير
يوسف شبحلها : صباح الخير
هناء نازلة من الدروج ماتبيش تشوفله
يوسف شدها من ايدها : دقيقة
هناء قلبها دق و شبحتله : شنو
يوسف وقف و نحّا ايده : علاش سكرتي الخط امس ؟
هناء : لان كلامك يستفز فيا
يوسف : معاش تعاوديها ف الجديد راني مانحبهمش الحركات اهما
هناء بإستفزاز : حاضررر
يوسف سكت
هناء : شن كنت تبي فيا
يوسف حك شعره : نسيت ؛ اني قاعد مادويت شي انتي طول صديتيني
هناء سكتت
يوسف : شن شادة في ايدك
هناء : كيكة كريم كراميل
يوسف : اه غالية عليا
هناء : ماك ماتحبش تاكل حاجة اني مدايرتها ؟
يوسف : اني قلت غالية عليا ماقلتش ذوقيني
هناء تكنطت : صبح و ماخاطريش ف العراك
يوسف قام حاجبه : في شن خاطرك ؟
هناء فنصت فيه و نزلت
يوسف ضحك و نزل وراها : هذا غر تاعبة و بترقدي امس !! امالا امتى درتيها ؟؟
هناء ساكتة
يوسف : حاتتعبي هلبا هكي را
هناء خشت لحوش جدها و ماردتش عليه
طلع يوسف للشارع و ركب سيارته
هناء خشت للمطبخ : صباح الخير
ردو عليها : صباح النور
حلومة : صباح الخير نهارك مبروك
هناء ابتسمت : تبو ندير معاكم حاجة ؟
نجاة : كان اديري السلاطة المشوية
هناء : به .. فتحت الثلاجة حطت الكيكة و بدت اتطلع ف الخضرة
سعاد : وين خواتك
هناء : مازال عندهم فجر هدوكا تعرفوهم
نجاة : خليتهم بينوضو
هناء : انتي نزلتي و هما ولو على نومهم
ازهار : زي روان
خش العارف : صباح الخير
حلومة : صباح الخيرات
ردو عليه كناينه : صباح النور
حلومة : ماتقوليش وينك ياحاج من صبح ربي و انت مهناش ؟!!
العارف واقف ف العتبة : مشيت لسوق الجمعة على رجليا ؛ قلت خلي نتمشى و نغير جوي
هناء : كان تبي بعدين نطلعك عادي اجديده
العارف شبحلها : وين
هناء : نرفعك وين ماتبي مقهى مطعم منتزة اللي يعجبك
العارف ضحك : لالا مش شوري المكانات هادم
حلومة : شن شريت من السوق
العارف : ماشريت شي
حلومة ضربت ايديها فوق بعضهم : العفووو ؟!!! حتى تفيفيحة اميزة للصغار !!!
العارف : كنت بنجيبلكم دلاعة !! شي لله العجب
يوصف بيديه : هكي كبرها ؛ و حمراء حمراء ماشاء الله
حلومة بإستهزاء : لاش متعب روحك و جايبها ؟؟
الكناين يضحكو 😂
العارف : عادي خلي ياكلو صحتين ؛ هذا رزق جدهم كان ماياكلوشي هما من بياكله
حلومة دمها انحرق 😡
نجاة ضحكت : مازال على وقته الدلاع
هناء : جبتها ف خاطري يا اجديده
العارف شبحلها : والله كان تبي نمشي توا نجيبهالك ياهنيوه
هناء ضحكت : سلمك جياب
العارف : سلمك .. و طلع من المطبخ
حلومة متعفلقة : على اساس بيولي حق هاليابس هذا
هناء تضحك : سايريه و خلاص
العارف خش تاني : نقصو الضي .. طفي عليهم الضي و طلع
سعاد : خيره ظلم علينا !!!
حلومة : يوم تاني بتلقوني متبلغمة منه
______________________________
02:30 م
حلومة مقعمزة ف الدار : مازال انتي وياها ؟؟
جت ازهار شادة السفرة : هانا جايين
حلومة : ثلاثة كناين ببناويتهم و الغدي لتوا مش واتي ؟!!
جت روان : و ناضت عمتي أمال عاونتهم هي و بنتها اللي أربعة و عشرين ساعة شادة التليفون
ازهار فنصت فيها : تحشمي
أمال مقعمزة معاهم : لسانك يبي القص من منبته
روان : كلام الحق وجاع 😏
أروى تصور ف روحها ف سيلفيات : هاني نايضة غر اسكتي بس
_________
سعاد ف المطبخ : نادو حد من الولاد يرفع سفرتهم
سلسبيل : بالك ماروحوش من صلاة الجمعة
سعاد : سمعت حسهم ف الدار
نجاة : امالا برو نادو اصيل
سنابل : اهي هناء تو تنادي يوسف
هناء تحط ف السلايط : بري انتي ناديه
نجاة : برو نادو اي حد بلا تزعبين
سنابل قامت سفرة طواصي المشروب : انى بنرفع هادي
أروى خشت للمطبخ : تبو نعاونكم ف حاجة !
سلسبيل غمزت سنابل و شبحت لأروى : كان تمشي تنادي ....
قاطعتها هناء : تو انّاديه اني
و طلعت من المطبخ
سلسبيل و سنابل شبحو لبعض و زرتهم الضحكة
سعاد شبحت لأروى : امالا ارفعي المية و خلاص
___
هناء وقفت ف عتبة الدار اللي فيها الولاد ، لقت يوسف مقعمز مقابلها اشرتله بصبعها بمعنى تعالى
يوسف استغرب و جاها : شن تبي ؟
هناء تتكلم من راس خشمها : مانبي الا سلامتك ، ارفع سفرتكم بس
و عطاته بظهرها و مشت
يوسف ضحك و مشي للمطبخ
____
أحمد يبكي : مانحبااش مانحبااااش
أزهار : و من امتى ماتاكلش ف الحوت ؟
روان : تكلمت من الاول به علاش جو النكد اهوا ؟
أحمد : مانيش واكل هي ؛ بنقعد صايم
ازهار تكنطت : لازم ف كل غدي تنكد علينا ؟
نجاة : برا دير سندوتش و كوله
احمد : ديروهولي انتو
خشت هناء للدار : خيره يبكي المنكدي ؟
سنابل : قال ماناكلش ف الحوت
حلومة : طالع لعمه عصام
احمد : غر عصام مهناش كان هدا طيبتو حاجة تانية على خاطره
سعاد : مافيكم من لسان انت و اختك
روان ضحكت
هناء : تعالى نديرلك حاجة تاكلها
احمد : بري ديريها بروحك و جيبيهالي
ازهار : تحشم و ادوي مع بنت عمك بأدب
هناء : خليه براحته .. و طلعت من الدار
خشت للمطبخ لقت يوسف يضحك مع اروى
عقدت حواجبها : قاعد مارفعتش السفرة ؟؟؟
يوسف شبحلها : لهتني اروى بمواضيعها
هناء : مواضيع شني
أروى : كنت نحكيله على ....
قاطعها يوسف : مواضيع و خلاص
هناء تكنطت لكن ماتبيش توضح : اصلاً مواضيعكم ماتهمنيش 😊
يوسف يشوفلها و يقول ف عقله ( تعفلقتي من اروى !! باهي تو نعرف كيف نكشفك )
أروى قامت السفرة تبي تبين روحها فالحة : تو نرفعها اني
خداها منها يوسف : ارتاحي انتي رورو
أروى تحشمت : عادي مافيها شي
يوسف : بعدين يوجعك ظهرك
أروى ضحكت
هناء تشوفله و قايمة حواجبها
يوسف شبحلها و طلع
أروى تلفتت لهناء : كنت نحكيله عليك لما غرقتي ف البحر
هناء انصدمت : كذابة !!
اروى ضحكت : والله
هناء تعفلقت : علاش تحكيله على حاجة تخصني ؟
أروى : عادي شن فيها ؟
هناء : دايريني مضحكة و تنكتو بيا ؟؟
أروى انحرجت : لا مش هكي ؛ هو جابلي سيرة البحر قتله نحبه مشي سألني عليك
هناء : كيف سألك عليا
أروى : قالي هناء شن جوها مع البحر قتله تخاف منه و مرة غرقت طلعها محمود ولد خالي عماد
هناء عقدت حواجبها : شن اللي يضحك ف الموضوع ؟؟؟
خشت سلسبيل : تهدرزو ؟؟؟ تي هياا انتي وياها من بكري نراجو فيكم
أروى : هي اني جاية ... وطلعت من المطبخ
سلسبيل شبحت لهناء : خيرك متعفلقة ؟
هناء تلفتت و طلعت خبزة بتدير سندوتش لأحمد : مش متعفلقة
سلسبيل : باهي بجوك
___________________________
06:00 م
العيلة مقعمزين ع الطاولة اللي ف الجنان يشربو ف القهوة
يوسف مقعمز مقابل هناء ؛ يشوفلها و سارح فيها و اروى مقعمزة بحداه تهدرز عليه
هناء شادة تليفونها فاتحة الفيس و كاسرة وذنها معاهم ؛ مدايرة روحها مش لاهية بيهم
حلومة : ارفعو لجدكم قهوته
نجاة : خيره ماطلعش و قعمز معانا
حلومة : قعد هو و ولاده قال ماخاطراش ف تقعميزة الكرسي
سنابل وقفت : تو نوتيلهم سفرة و ندخلها
محمد وقف بحداها : تو ناخدها اني
سنابل وتت السفرة و مدتهاله
محمد وهو ياخد منها ف السفرة مس ايديها : تسلم الأيادي
سنابل تلخبطت و فكت ايدها بسرعة
محمد ضحك و خش للحوش
سلسبيل تاكل ف الكيكة : الله محلاها بنتها
يوسف شبحلها : من مدايرها ؟
سلسبيل : اشرتله بعيونها و حواجبها على هناء
أروى : ذوقو من متع الفراولة اني مدايرتها
يوسف : قصيلي منها طرف يا رورو
هناء شبحتله
اروى ناضت : حاضرين
سنابل : متع هناء احلى ره
اروى ضحكت : شكرًا ع التحطيم
يوسف : لالا ماخاطريش فيها ... و شبح لهناء
هناء ابتسمتله بمجاملة و شبحت للتليفون
تقول ف عقلها .. ( يعطيك سمسام يسمسمك ؛ ان شاء الله تمشيلك بطنك )
أروى مدتله الكيكة : تفضل
يوسف خداها منها : من ايد مانعدمها
اروى ضحكت : الله يسلمك
هناء تسمعلهم و تهز ف رجلها
يوسف حس بيها متوترة قاللها بصوت واطي : ارخي روحك 😉
هناء شبحتله ؛ هزت راسها بإستهزاء و شبحت للتليفون تاني
اروى تهدرز ليوسف : فهمتني كيف ؟ يعني كنت نبي نقرا هندسة زي محمد و اصيل لكن ماما أصرت عليا نقرا طب
يوسف يشوف لهناء ؛ هز راسه بمعنى ايه
أروى : معاي ؟؟
يوسف شبحلها : اها ؟
أروى : شن كنت نقول ؟
يوسف : مش عارف سرحت
أروى : يعني ندوي بروحي من بكري ؟؟؟
يوسف سكت
فجأة هناء شهقت : هييييييييييه 😲
العيلة انخلعو و شبحولها 😳😳
هناء تشوف للتليفون : ووه ماات وووووه خساااارته
أصيل شبحلها : مني ؟؟
حلومة رعشت : حي عليا من هو اللي مات
سعاد : صلي ع النبي مش وقت عزاوات
هناء عيونها ف التليفون
أروى : مني اللي مات !!!
نجاة ساكتة و مصدومة
هناء تشوف للتليفون : خسارته اصغيّررر
يوسف : تي من هو اللي مات ؟؟!!!
هناء شبحتله : ولد كان يقرا معاي من دفعتي
يوسف تكنطا : درتي نواح على خاطر واحد يقرا معاك !!!
هناء : وجعني رايح زي الغزال شوفوه ( توري فيهم ف صورته )
يوسف دمه انحرق
أزهار : مسكين الله يرحمه
اصيل : اه هذا ؟ ريته امس منزلينه ف الفيس
نجاة : يارووووحي ربي يصبر اميمته
حلومة : والله قلبي حسيته قريب وقف نحسابه حد من العيلة
سلسبيل و سنابل مركزات مع يوسف
هناء : شاب ف عمر الورد وجعني
حلومة : الله يرحمه مسيكين
اروى : الله يرحمه و يغفرله
يوسف متعفلق ؛ خبط ايده ع الطاولة و قال : حالة والله
سعاد شبحتله : خيرك ؟
يوسف علّا صوته : نواح على ناس مانعرفوهمش
هناء شبحتله : اني نعرفه
يوسف فنص فيها
هناء شبحت التليفون : الله يرحمه
أصيل : توقعت حد من العيلة الزفت خلعتيني
هناء سكتت
روان جت : اسمعووو راهو بعد العرس بنديرو مشية مليحة للبحر ايواه
أصيل : كان هناء قالت باهي
هناء شبحتله و ماعلقتش
يوسف : باش المرة هادي تروحو بيها ايد و رجل
اصيل و اروى ضحكو
هناء فنصت ف اروى
أروى كحت و وقفت : انى تليفوني صوته يشرين الداخل
أصيل : مكبر وذانك
أمال شبحتلها : جيبيلي معاك مروحتي و انتي جاية
أروى و هي ماشية : حاضر
نجاة : وينه النو ؟ الجو قنين
أمال : مش عارفة حاسة روحي سخونة
يوسف يشوف لهناء و هناء عاقدة حواجبها لانها تكنطت منه
أحمد ينادي من باب الشارع : أصييييل ؟
أصيل شبحله : ايوه
احمد : جارنا عثمان قالك حول السيارة
اصيل تكنطا و وقف : يشوف وجهي يتفكر طلوعه الزفت .. و طلع للشارع
ناض يوسف من كرسيه دار دورة ع الطاولة بطريقة غير مباشرة و جي قعمز جنب هناء
هناء قلبها دق
يوسف شاد قهوته يشرب فيها و كاسر عيونه عليها
هناء تشوف للتليفون و مركزة معاه
يوسف بصوت واطي : مش وقته اللي ف ايدك
هناء عيونها ف التليفون : علاش مش وقته
يوسف جبده منها و سكره : عيب تشدي تليفونك ف مجمع
هناء شبحتله : مفيش حد لاهي بيا
يوسف : افتحي موضوع نهدرزو فيه
هناء خدت منه تليفونها : عندك رورو ساداتك
يوسف زراته الضحكة
هناء : كول الكيكة متع رورو خيرك سيبتها
يوسف جبدها قدامه و شدها ياكل فيها : يسلمو ايديها هالرورو هادي
هناء سكتت
يوسف : كولي منها فيها بنة مش عادية
هناء عيونها ف التليفون : مانبيش
يوسف ضحك : خيرك متعفلقة
هناء : علاش بنتعفلق
يوسف سكت و شبح قدامه
هناء سخنت و تلفتت ع الجنب تمروح بيدها
يوسف شبحلها : شن فيه
هناء شبحتله و تلخبطت : اها ؟
يوسف بصوت واطي : تعفلقتي من اروى شكلك 😉
هناء ضحكت بإستهزاء : أروى !!! من شني ولا على شني
يوسف يشوف لعيونها : مش عارف
هناء سكتت
أصيل خش و قعمز ف مكانه
نجاة تلفتت لهناء : هنيوه امتى المقابلة متعك غدوا ؟
يوسف شبحلها : مقابلة شني ؟
نجاة : مقابلة شغل
هناء : ساعة أربعة ، علاش ؟
نجاة : كلمتني هديكا المرا اللي خطباتك ف المزين تبي تجي
هناء ضحكت : اها قوليلها تجي مع الستة
يوسف تكنطا : تخطب ف المزين ؟؟
هناء : ايه
يوسف : مصح وجهها
هناء شبحتله : علاش شن فيها
يوسف : مش عارف كيف فيه ناس يخطبو من المزينات و الشوارع و الأماكن العامة هكي عادي
هناء : وين الغلط ف الموضوع ؟
يوسف : اني مش مقتنع و خلاص
هناء : اما انت غريب
يوسف : شن هي الخدمة اللي عندك فيها مقابلة
هناء : قناة ف الراديو
يوسف ضحك : مانتسهوكش
هناء : حتى انى
يوسف : قصدك بتخدمي مذيعة ؟
هناء : كان سخر ربي
يوسف سكت
هناء : خيرك سكتت ؟ بالك مش عاجبك و تبيني نستأذن منك سيد يوسف !
يوسف شبحلها : و اني قلت حاجة ؟؟
هناء : بالك خاطرك تعلق
يوسف : من بيرفعك ؟
هناء : بسيارتي
يوسف سكت يقول ف عقله ( والله ماك خادمتيها ولو على جثتي ؛ هذا ما ناقص غير تسمعي صوتك و ضحكك للناس ! )
هناء : ان شاء الله يقبلوني ؛ خاطري فيها الخدمة
يوسف ساكت
هناء : باش نحليلكم يومكم بصوتي الرقيق و الحنيّن 😉
يوسف شبحلها و هي ضحكت
فجأة يجيها أحمد و يحطلها الكلب ف حجرها : هاك صاحبك
هناء انخلعت و وقفت تعيط : لاااااااااا ( و حذفت الكلب تحتها )
العيلة انخلعو و شبحولها
يوسف تعفلق و كشخ على احمد : ارفعه لبراكته يا حيواان
احمد هرب بعيد و هو يضحك : يانااااري 😂
هناء تبكي : علاش هكي ؟؟
نجاة تكشخ : ماتبي الا طريحة بكاشيك اللوح
ازهار متحشمة و تنادي على ولدها : محمد ؟؟ محممممد ؟؟
احمد يضحك 😂
ازهار : تو يجي يركبك و تاكل طريحة باهية يا معفن
هناء تبكي و تنفض ف حوايجها : خزي عليك رعشتني
أحمد متشمت : تكبري و تنسي 😛
يوسف وقف و حذف عليه شيشة المية : كان نجي نربيك يا كلب
أحمد حسها : أي
يوسف : تعالى ارفعه
أصيل شبح لأحمد : غر ماعنديش ليك خلوق كان هذا الا ما نكسرك
يوسف يعيط : تعالى ارفعه قتلك
احمد : باهي
على خشة محمود
أزهار وقفت : شدهولي يا محمود
محمود شاف لأحمد : خيره شن دار ؟؟
أحمد خاف 😰 : شي شي
سلسبيل : حط الكلب ف حجر هناء
محمود شبح لهناء لقاها تبكي
شد أحمد من حوايجه يضرب فيه تيروات و يدخل فيه للحوش : مازال ماتبيش تبطل الحركات اهيا يا امسخ ؟؟
احمد يبكي : اااي 😭
محمود يضرب فيه : تو نوري ***** الليلة الا ما نبيعه و تنحيه من راسك
احمد يبكي : لا بالله عليك لا
محمود يكركر فيه : خش يا امسخ خش .. الجنان اسبوع ماك طالعله
نجاة : ايه اعطيه ايه حسسله
حلومة : بالشوية عليه يا محمود مش كويس الضرب هكي
سعاد : خلي يضربه شوفي كيف رعش البنت
حلومة : قاعد صغير مهما كان
ازهار مدت لهناء امية : هاك اشربي
هناء خدتها منها تشرب و ترعش
أزهار : ديما محشمني امسحيها ف وجهي يا هنيوه
هناء داهشة : معليشي مرت عمي ماتدوريش
يوسف وقف بحداها : دارلك نشاط
هناء شبحتله و زادت تعفلقت : انت اليوم مدايرني مضحكة !!
و خشت تبكي
يوسف استغرب : خيرها هادي ؟
نجاة : خيرك على بنتي يا يوسف ؟
يوسف شبحلها : بنتك حساسة هلبا ديريلها حل
طلعت اروى : خيركم تصيحو ؟
يوسف خدي مفتاحه و دخانه و طلع
ازهار : نصيحو على فرخي اللي ديما محشمني
سنابل : هيا ماما مش بتطلعينا ؟
نجاة شبحتلها : اركبو وتو روحكم
روان فرحت : حتى اني بنمشي
سلسبيل وقفت : هيا امالا
( و ركبو يلبسو )
أروى : بنقعد بروحي أني ؟
امال : هيا بنروحو حني
حلومة : العفو ؟؟ كنتو مقعمزين و مابيكمش !! خطرلكم تنوضو توا ؟
ازهار : نكد عليهم احمد
سعاد شبحت لنجاة : وقت طلوع اليوم ؟؟ طالعة ببناويتك ف هالجمعة ؟
نجاة : الحافظ ربي انتي غر ماتنُقيش بس
____________________________
عماد مقعمز مع بوه و خوته ؛ جاته مكالمة من رقم غريب ماباش يرد ؛ بعد شوية وصله مسج و فتحه ( لو ماتبيش مرتك تعرف بزواجك عليها رد )
عماد انصدم و ناض طلع برا بيتكلم
لف ورا الحوش و اتصل ...
أبرار صاحبة سنابل و سلسبيل ردت : الو
عماد : من معاي ؟
أبرار : مبروك مقدما يا عريس
عماد مصدوم : انتي مني ؟؟
أبرار : فاعلة خير لمرتك
عماد : شنو ؟ شن تقولي
أبرار : لحظة بس خليك معاي (( و فتحت التسجيل ))
عماد يسمع ف صوته و مصدوم
أبرار سكرت التسجيل : شن رايك في هدية عرسك
عماد تعصب : انتي مني يا فرخة الحرام ؟؟ و لشن تبي توصلي و منين جايبة التسجيل
أبرار بإستفزاز : لو تبي عرسك يمشي على خير و ع الساكت ؛ أبعت بقيمة 400 جني رصيد
عماد انصدم : شن هو !!!!!
أبرار : عندك ساعة ف ايدك ... و سكرت عليه
عماد تعفلق هلبا و خبط ايده ع الحيط : يلعن ***** هادي منين طلعتلي توا !!!
(( و مشي قعمز ف سيارته يخمم ))
__________________
10:00 م
خشت نجاة للحوش هي و بناتها شادين شكاير
لقو اسماعيل مقعمز و متعفلق
نجاة : السلام عليكم
اسماعيل وقف يكشخ : وين اتدورو لتوا ؟؟؟
البنات ساكتات
نجاة : كنت ناخدلهم ف حاجات العرس
اسماعيل : و تروحي بيهم توا ف عقابات الليل ؟! مش خايفة انتي ؟؟
نجاة : والله مافي حاجة الطريق مونسة
اسماعيل : انتي ماتشعفيش لين يطبو منك وحدة !!
نجاة : انت معاش تفاول بس
هناء خدت حاجاتها و خشت لدارها
اسماعيل : ف الجديد يأذن المغرب تكونو ف الحوش فاهمين !!
نجاة تشوفله و ساكتة
اسماعيل خاش للحمام : طولكم و طول عصاتكم !! ماعندكمش من حاكم فيكم !! ... و قربع الباب
نجاة بصوت واطي : شورك وليت واعر و حني مانندروش !
سلسبيل و سنابل ضحكو
_________________________
ازهار ف المطبخ تغسل ف اماعين العشي
3
خش محمد : وين روان ماتجيش تغسلهم عليك
ازهار : كيف روحت كانت مهناش مع بنات عمك
محمد : حولي تو نديرهم اني
ازهار ضحكت : لالا قعمز انت باش نحطلك عشاك
محمد : تعشيت مع الشباب
ازهار : خوك وين
محمد : خليته مع عصام لوطه .. و شرين تليفونه لقاها سنابل
استغرب و رد : الو
سنابل : اهلا شن الجو
محمد : تمام شن جوك انتي
سنابل : مليح
محمد سكت
سنابل : فاضي غدوا مع الظهرية ؟
محمد : مش عارف ؛ علاش
سنابل : نبيك تقريني ف الرياضيات
محمد ضحك : تو نشوف روحي و نرد عليك
سنابل : به ، هي باي
محمد : تشاو
ازهار : من اللي كانت تكلم فيك
محمد : سنابل تبيني نقريها غدوا
__________
سلسبيل : شن قالك
سنابل : قالي نشوف روحي و نرد عليك
سلسبيل : تو يقريك مستحيل يفوتك
سنابل : نبي نقوله على بوه
سلسبيل علت صوتها : لاااااا ردي بالك
سنابل : علاش
سلسبيل : حرام عليك تكرهيه في بوه
سنابل : لازم نديرو حل و مانخلوشي يتزوج والله حرام حاتتفركس العيلة
سلسبيل : خلي نخوفوه بالك مايصيرلاش
سنابل : كيف به
سلسبيل : نشوفو أبرار شن صار معاها و بعدين ساهل
سنابل ضحكت : به
سلسبيل : توا خلينا ف موضوع هناء
سنابل : خيرها
سلسبيل : غدوا عندها المقابلة لازم يوسف هو اللي يرفعها
سنابل : مش حاتخليه يرفعها
سلسبيل : تنزلي معاي نفشولها العجلة ؟؟
سنابل ضحكت بصوت عالي : عادي ايه
سلسبيل : هيا بسرعة
( خدو تل و نزلو من غير ماحد يحس بيهم )
___
1
بعد نص ساعة ركبو
سلسبيل فتحت تليفونها تتصل بيوسف ...
يوسف رد : الو
سلسبيل : شج
يوسف : مليح شن جوك انتي
سلسبيل : تمام ؛ انت ف الحوش ؟
يوسف : لا برا ؛ علاش ؟
سلسبيل : باهي لما تروح طق ع الباب نبيك
يوسف : فيه حاجة ؟؟
سلسبيل : مافيه شي غر لما تجي اعطيني علم
يوسف : تمام به
( و سكر الخط )
سنابل : شن بتقوليله ؟
سلسبيل : بنقوله يرفعها هو و ان مايخليهاش بروحها مانندروش ع القناة شن شكلها
سنابل ضحكت : ان شاء الله تشد معاه و يوصلها
سلسبيل : مافيش غيره اصلاً ، بابا بيكون مهناش و ماما مش حاتطلع على خاطر الخطابة اللي جايين و اني اصلا بنحكيله ان فشينا العجلة
___________________________
تاني يوم
03:30 م
طلعت هناء من الحوش لقت يوسف حاط السبسي ف فمه و يلمع ف مرش السيارة ؛ مابتش تكلمه
كيف بتركب لسيارتها شافت العجلة مفشوشة : اووف
يوسف سمعها تلفت
هناء تدوي بروحها : واك مش وقتك
يوسف : خيرك
هناء تشوف للعجلة : العجلة نازلة
يوسف ضحك 😬
هناء شبحتله : عندي شكورطه عادي تبدلهالي !
يوسف : مانبيش نوسخ حوايجي توا
هناء تكنطت : نطلب و نندم
و مشت تفتح ف الكوفينو بتطلعها
يوسف جاها و سكره عليها : تي شن اديري
هناء : تو نديرها بروحي شكرًا
يوسف : اركبي تو نوصلك
هناء : لالا ماتتجملش عليا
يوسف و هو راكب لسيارته : هيا اركبي خير ماتضيع عليك المقابلة
هناء سكتت
يوسف فتح المرش : بتركبي ولا لا ؟؟
هناء ركبت و يوسف ضحك
هناء : احيانا الظروف تحكم
يوسف : عادي ماتدوري شي ... و طلع بالسيارة
هناء فتحت مراية الشمسية تشوف ف مكياجها
يوسف شبحلها ....
