رواية توبة الفصل الثالث 3 بقلم الكاتبة اميرة خالد

وفي يوم جديد صحي التوبه من النوم وبصت في الساعه لقيتها الساعه 8:00 دخلت الحمام وخرجت لقيت شوقيه صاحيه وقالت لها صباح الخير يا خالتي ردت عليها يسعد صباحك يا حبيبتي قالت لها هطلع يا خالتي اجيب هدومنا وهنزل اجيب الفطار ردت عليها ماشي يا حبيبتي

وطلعت توبه الاوضه فوق السطح جابت هدوم على الخروج هدوم تمارا ولبست العبايه السوداء ونزلت حطت حاجتها عند شوقيه ورده شوقيه خدي معاكي البطاقه عشان تجيبي لنا عيش صابح من الفرنه وطعميه سخنه وفول وبيض وبسطرمه عشان خاطر تمارا ردت عليها توبه ليه ده كله انا كنت هجيب طعميه وجرجير وبس



ردت شوقيه وهي بتطلع الفلوس من صدرها خذي يا بنت هاتي لنا كل اللي انا قلت لك عليه وما تنسيش تجيبي لي حلاوه ردد توبه لا يا خالتي كفايه عليك مصاريفك رديت عليها مصاريف ايه يا بنت الفلوس قد كده بس عايزه اللي يصرفها وانا حيلتي يمين عشان يصرف اسمعي الكلام يا توبه ما توجعيش قلبي ردت عليها حاضر يا خالتي واخذت منها الفلوس ونزلت

اما البيت ايوب كانت نفيسه مع الحريم بيحضروا الفطار اما في شقه ايوب صحي من النوم وخرج من الاوضه بص على رباب ما لقيهاش دخل الحمام واخذ دش وخرج طلع هدومه ولقى الهدوم مش مكويه اتضايق لبس الترنج واخد مفاتيحه وموبايله

ونزل شقه امه ودخل على اوضته فتح الدولاب وطلع طقم منهم ولبسه وكان مكوي وقال ماشي يا رباب لما وريتك حتى المكواه بتاعه الهدوم مش كوياها وحياه امك لوريكي



وفي المطبخ اتكلمت نفيسه ها يا رباب ايوب اول مره يتاخر كده انتي ما صحتوش ولا ايه ردت عليها ايوب ما كانش بايت في الشقه ردت عليها ازاي يا بنتي ده طلع بالليل على شقته ردت رباب انا صحيت من النوم وبصيت جنبي لقيت مكانه زي ما هو ما حدش نام فيه

ردت نفيسه بنت يا شروق اتصلي لي باخوك دلوقتي ردت شروق حاضر ياما واتصلت على ايوب ورد عليها وقال لها ايه يا شروق بتتصلي ليه وانا معاكي في نفس البيت ردت شروق ازاي يعني ودخل المطبخ قال لها يعني انا اهو بتتصلي ليه كلمتني نفيسه انت كنت فين يا ايوب ما بيتش في الشقه ولا ايه

رد عليها لا كنت بايت في الشقه ليه بتقولي كده قالت لي اصل مراتك بتقول ان انت ما كنتش موجود و بص الرباب وقال لها الهانم ما جاش في بالها تدور عليا في الشقه فنزلت على طول بس انا كنت نايم في اوضه الاطفال ردت نفيسه طب يا ابني المهم اني اطمنت عليك بس انت لابس الهدوم من هنا ليه

قال لها بعدين ياما نبقى نتكلم وقال لي رباب تعالي ورايا قالت له حاضر ودخل الاوضه بتاعته وماسك شعرها وقال لها بقى يا مره يا بنت الكلب هدومي مش مكويه انا هوريك النهارده هطلع الاقي الشقه نظيفه بتبرق والملايات متغيره والهدوم مكويه فاهمه ولا لا ردت عليه بخوف حاضر وزقها وخرج ورباب قالت ربنا ياخذك

خرج قاعد مع الرجاله واتكلم عمار هتروح المصنع النهارده ولا هتقعد في الورشه قال له لا هخلص الحته اللي في ايديا الاول عشان تروحي المصنع وتعمل منها كذا حته عمار ماشي يا برنس اكيد هتبقى تحفه رد كمال طبعا يا ابني هو ايوب بيعمل اي حاجه وخلاص واتكلم شعبان انا هروح الورشه النهارده

رد ايوب ماشي يا خالي وبص لمصطفى وقال له كويس ان انت صحيت بدري عشان هتبقى معايا النهارده في الورشه برده رد مصطفى حاضر يا ايوب وقربت مكه منهم ويتكلم ايوب صباح الخير اول مره تصحي بدري ردت مكه اعمل ايه تمارا قالت لي تعالي معايا الحضانه وانا

قلت لها هصحى بدري وانزل اقعد مع خاله لغايه ما انتي تنزلي مع ابله توبه واروح معاكم رد ايوب طب انتي ما لبستيش ليه ولا سرحت شعرك قالت له ماما قالت هتخلص الفطار وهتسرح لي شعري وتلبسني على طول رد ايوب طب يا حبيبتي

واتكلمت نفيسه يلا يا رجاله عشان تفطروا وقعدوا يفطروا

اما عند توبه كانت واقفه في فرنه العيش واقرب شاب منها وقال لها هات اجيب لك انا العيش ردت عليه شكرا انا واقفه دوري وبعد وقت صغير خدت توبه العيش وراحت جابت الطعميه والحاجه من السوبر ماركت وروحت وطلعت شقه شوقيه وقفت عملت الفطار

واتكلمت والنبي يا خالتي صحي تمارا قالت لها حاضر وقالت قومي يا توته عشان تفطري وتوته نايمه مش عايزه تقوم وبعد وقت غلبت شوقيه خرجت توبه من المطبخ ما صحيتش برده يا خالتي ردت عليها انا غلبت معاها وهي مش عايزه تقوم

قالت لها طيب يا يا خالتي ويلا ناكل احنا والبيض بالبسطرمه وسيبيها نايمه قامت تمارا وقالت في بيض بالبسطرمه ثواني هغسل وشي واجي ضحكت شوقيه وهي بتقول يخرب بيت مطنك ده انا بقى لي ساعه عماله اصحيكي وانتي ما صحيتيش غير لما عرفتي ان في بيض بالبسطرمه

ضحكه توبه قالت لها دي بتاعه بطنها اسمعي مني انا بس يا خالتي رده شوقيه صح يا حبيبتي يلا اقعدي عشان تفطري واخرجت تماره وقعدت جنبهم وهي بتاكل وفرحانه وقالت اي حاجه ترم العضم احسن من الاكل بتاع الفول والطعميه رد التوبه طب ما في فول وطعميه يا اختي ما تاكليهم

رد التماره انا اجازه هاكل بيض بالبسطرمه بس ويا ريت تعملي لي سندوتشين حلاوه اخدهم معايا الحضانه ردت شوقيه من عيني الاثنين انا هعمل لك يا تماره سيبك من اختك ديت وكل اللي نفسك فيه كله قامت تماره بستها شوقيه من خدها قالت لها ربنا يخليك ليا يا شوشو وبعد وقت خلصوا الفطار

وقامت توبه غسلت الاطباق و وبدات تلبس هدومها وتعدل حجابها ولبست تماره وسرحت لها شعرها وعملت لها قطتين وحطت علاج شوقيه جنبها والميه





اما البيت ايوب كل الرجاله نزلت على الشغل وكيداهم قربت من بنتها وقالت لها في ايه يا بنت مالك خافت رباب تقول لها اللي حصل وقالت لها ما فيش ياما اصل ايوب بيقول لي جهزي نفسك النهارده عشان عايزك قالت لها طيب

واتكلمت رباب بعد اذنك ياما انا هطلع الشقه عندي عشان ايوب في حاجات عايزني اعملها ردت نفيسه طب روقي الشقه واطلعي اعملي اللي انت عايزاه رده رباب حاضر ياما وبدات يشتغلوا وشروق وندى دخلوا يعملوا الاكل وورده قعدت تساعد نفيسه في تنظيف الخضار وكيداهم كانت بتنشر الغسيل

ونزلت تمارا وتوبه الشارع واتكلمت تمارا استني هعدي على الورشه عشان اخذ مكه معايا الحضانه قالت لها طيب وراحت تمارا على الورشه وندهت على مكه واتكلم ايوب مش هتصبح عليا يا تمارا ردت عليه صباح الخير قال لها صباح النور يا حبيبتي وحط ايده في جيبه وطلع فلوس واداها لمكه

وقال لها ابقي جيبي حاجه حلوه انتي وتمارا ماشي يا حبيبتي ردت مكه حاضر يا خالو مشيت مكه وتمارا مع توبه وبعد وقت صغير وصلتهم الحضانه وبعد كده طلعت على الجامعه بتاعتها عشان تجيب المحاضرات المتاخره عليها عشان هي دخلاها انتساب

وفي مكان اول مره نروحوا فيلا يبان عليها الرقي بتاعه ابراهيم العمراني رجل اعمال خال توبه الخدم كانوا بيحضروا السفره للفطار ونزلت نبيله اتكلمت خلصت كل حاجه ردت الخادمه باحترام ايوه يا هانم كل حاجه جهزت ردت نبيله طيب

وراحت ناحيه المكتب وسمعت زعيق ابراهيم في التليفون وفتحت الباب ودخلت وهي سامعه كلام ابراهيم وقفل التليفون واتكلمت نبيله مالك يا ابراهيم في ايه رد عليها ما فيش الصفقه الاخيره اللي انا دخلتها خسرت فيها كل حاجه وانا مش عارف احل المشكله بتاعتي ازاي والبنك مش راضي يسيب لي وقت عشان احل المشكله ديت

ردت نبيله لما تشوف حد يخش معك شريك في الشركه او حد يمولك بالفلوس رد ابراهيم ما فيش حد قصادي غير واحد بس وده سكته كلها عوج ردت نبيله ازاي يعني قال لها بعدين هشوف كم واحد من اللي كنت بساعدهم هيقدر يساعدوني ولا لا ولو ما فيش هروح للشخص ده وامري لله

ردت نبيله طب يا حبيبي يلا تعالى نفطر رد ابراهيم رودينا فين ردت نبيله نايمه قال هي مش وراها جامعه النهارده ردت عليه لا يا حبيبي اصل راجعه متاخره امبارح قال لها طيب وخرجوا وقعدوا على السفره وبداوا يفطروا

اما في ورشه ايوب كان بيخلص القطعه الفنيه اللي بيشتغل فيها واقرب منه صبي وقال له الله ينور عليك يا اسطى ضحك ايوب وقال له انت ايه اللي جابك مش انا قلت لك خليك في البيت وانا هبعت لك مصاريف المدرسه رد عليه ما ينفعش يا اسطى لازم اجيب فلوسي من عرق جبيني وما حدش يصرف عليا ولا على امي

رد ايوب جدع ياض بس لازم يكون معاك شهاده عشان تبقى راسك مرفوع جنب الصنعه رد عليه ما انا هذاكر وهروح على الامتحانات بس طول السنه هشتغل رد ايوب روح يا رائد ذاكر ويوم اجازتك ابقى تعالى الشغل فاهم ولا لا رد رائد حاضر يا اسطى ومشي

ونده ايوب على مصطفى وقال له خلصت الدولاب اللي كان في ايديك رد مصطفى ايوه وفضلوا يتكلموا في الشغل

اما في شقه ايوب كانت رباب بتكوي الهدوم وهي بتدعي على ايوب وبعد وقت خلصت المكواه غسلت الهدوم الوسخه ونشرتها وغيرت الملايات وروقت الشقه

اما في الكليه كانت توبه قاعده مع سهى وبيتكلموا في الدراسه وقالت لها سهى دي يا ستي كل المحاضرات اللي فاتتك ولو احتجتي حاجه ابقي كلميني رد التوبه شكرا يا سهى انا مش عارفه من غيرك كنت هعمل ايه ردت عليها هتعملي ايه يعني كنت هتلاقي صاحبه ثانيه هتقف جنبك بس اكيد مش زيي

ضحكه توبه وقالت لها انت احسن اخت في الدنيا كلها ردت سهى بمناسبه الكلمتين الحلوين دولت انا عازماكي على كنز عايزه بقى فيروز ايه خوخ ولا اناناس ردت عليها بعد ما بصت في الساعه وقالت لها مش هينفع خالص انا تاخرت على الشغل ولازم امشي دلوقتي ردت عليها طيب انا هروح اركب معاك المترو ونشرب في الطريق ردت توبه ماشي يبقى اناناس وفضلوا ماشيين يتكلموا

اما في شركه ابراهيم اتصل على كذا شخص عشان يساعده في محنه اللي هو فيها والكل اتهرب منه وقال ما قدامنيش غير شوقي الغول وماسك التليفون واتصل عليه ورد عليه مين معايا رد عليه انا ابراهيم العمري رد شوقي نعم في حاجه رد ابراهيم انا كنت عايزك في موضوع مهم قال له تمام تعالى لي المكتب كمان ساعه نتكلم في اللي انت عايزه رد ابراهيم تمام ساعه واكون عندك واقفل معاه وقال ربنا يستر

وتوبه وصلت الشغل واستلمت اما عندي تماره خرجت من الحضانه هي ومكه وروحوا البيت وجريت مكه على ايوب وهي بتحضنه وقالت له على فكره يا خالو تماره ما رضيتش تاخذ مني الفلوس وقالت لي انا معايا رد ايوب ليه كده يا تماره مش انا مدياك وانتم الاتنين تجيبوا حاجه حلوه

ردت تمارا وهي بتغمز له اصله ما ينفعش طول ما فيش حاجه تربطنا في بعض ضحك ايوب وقال لها طب يا ستي ايه رايك نقرا فتحتنا ردت تمارا طب لما تيجي توبه ابقى قول لها وطلعت تجري وهي مكسوفه

وضحك ايوب من قلبه وتكلم مصطفى ايه يا عم وشك يعني يفك دلوقتي رد ايوب بصراحه كده كل ما اشوف تمارا قلبي يضحك لوحده رد مصطفى تمارا مين

رد ايوب ملكش دعوه يلا يا مكه ادخلي البيت قالت له حاضر يا خالو وبص ايوب لمصطفى وقال له خلصت كل حاجه رد مصطفى ايوه يا عم انت عمال تهد في حيلي ليه ضحك ايوب وقال له عشان ما يبقاش لك حيل النسوان ويلا تعالى وريني شغلك واضحك مصطفى ودخل وراه

اما في شركه شوقي الغول اتكلم ابراهيم وقال له انا محتاج فلوس رد شوقي محتاج كام قال له 80 مليون جنيه رد شوقي ماشي جاهزين رد ابراهيم طب محتاج ضمانات ايه رد شوقي مش محتاج حاجه رد ابراهيم ازاي يعني بسهوله كده مش عايز اي ضمانات

رد شوقي انا اعرف اجيب الفلوس بطريقتي حتى لو انت في بطن الحوت رد ابراهيم طيب هاخد الفلوس ازاي رد شوقي هبعتهم لك بالليل على الفيلا بتاعتك بس انت هتديهم لي على مره واحده ولا مرتين

رد ابراهيم هتفرق في ايه رد شوقي طبعا هتفرق عشان اشوف الفايده هيبقوا كام رد ابراهيم ان شاء الله على مره واحده رد شوقي تمام هاخذ منك 90 مليون جنيه اتصدم ابراهيم

الرابع من هنا