رواية حرب الحب الفصل الثلاثون 30 بقلم سلسبيل كوبك
رواية حرب الحب للكاتبة سلسبيل كوبك الفصل الثلاثون
ان جنون و كنان كانوا بيتكلموا و تليفون جنون رن.
الخط اتفتح.
جنون: الو يا فارس.
فارس(بتوتر): جنون الحقيني.
جنون: في ايه؟
فارس: انا في المستشفي. مستشفي() مستنيكي. انا بخير بس تعالي.
جنون: فارس الو.
جنون: اوف دايما لازم يقلقني.
كنان: في حاجة انتي كويسة؟ فارس كويس؟
جنون: اه بس هروح مشوار صغنن كدة و اجي مش احنا كدة كدة هنروح ل ندي نزورها ساعة واحدة و راجعة.
كنان: بس.
جنون باست خد كنان و بصتله بلطف.
جنون: هي ساعة واحدة، باي.
جنون سابت كنان و خرجت و اتنهدت.
جنون وقفت الاسانسير و ركبته.
جنون: اهلا يا حازم ظابط مخابرات.
حازم: اهلا يا رعد بيه.
جنون: تمام. اخبارك؟
حازم: تمام ماشية الحمد لله.
جنون: تمام، بيقولوا انك كنت في مهمة لمدة تلت شهور.
حازم: ايوه و لسة راجع امبارح.
جنون: حمد لله بالسلامة، سعيدة بشوفتك.
حازم: انا اكتر. و ليا الشرف اني اشارك معاكي المهمة الجاية.
جنون(بابتسامة): من دواعي سروري، هحاول اتكلم مع سيادة اللواء.
حازم(بابتسامة): شكرا جدا ليكي.
جنون: عن اذنك.
جنون خرجت ركبت عربيتها و راحت علي المستشفي اللي فارس قالها عليها.
جنون طلعت تليفونها و اتصلت ب فارس.
الخط اتفتح.
جنون: انا في المستشفي اروح فين؟
فارس: جايلك.
و بعد فترة فارس جه ل جنون.
جنون: انت كويس؟
فارس: ايوه بس تعالي معاايا.
جنون: استغفر الله، انت عايز تتعبني يا ابني ما تنطق و تقول في ايه.
فارس: كنت سايق بعربيتي و خبطت حد بالموتسكل بتاعه.
جنون: طيب يا فارس ما انت تقدر تتصرف انت غبي ياض. هو انت ظابط مخابرات اي كلام و لا ايه؟
فارس: الغريب ان عقلي وقف و معرفتش اتصرف و كمان اللي انا خبطتها بنت و تليفونها كل شوية يرن لغاية ما زهقت و كسرته.
جنون(باستغراب): انا مستغرابك النهاردة يا فارس في ايه مالك كدة اظبط.
فارس: بقي اللي زاد و غطي ان البنت مش راحمة نفسها و قاعدة عمالة تشتم فيا و تصرخ علشان انا اللي خبطتها...
جنون دخلت الاوضة اللي فارس شاور عليها.
بنت(بصريخ): هاتولي الكلب اللي خبطني عايزة اقتله في ايدي.
بنت(بصريخ): جيت يا حيوان يا حقير يا زبالة.
جنون كانت بتحاول تكتم ضحكها علي منظر فارس...
جنون: خلاص لو سمحت سيبوها انا ههتم بيها. اخرج يا فارس.
بنت(بعصبية): انتي مين يا بت انتي؟
جنون: اهدي حضرتك انا هنا هساعدك و هعملك كل اللي عايزاه.
بنت: وعد؟!
جنون(بابتسامة): وعد بس انتي اهدي شوية. ممكن؟
بنت(بعصبية): الواد ده لية واقف ليه؟
جنون: فارس اطلع بره.
جنون: اسمك ايه؟
بنت: سندس.
جنون: اسمك جميل انا جنون، و هعملك كل اللي انتي عايزاه بس اهدي.
بنت(بدموع): المشكلة ان الموتسكل مش بتاعي ده بتاع الشغل و مدير الشغل ممكن يسجني و كمان البيتزا زمانها اتفعست انا بيتي اتخرب و انا مليش اهل و معنديش حد يساعدني و شغلي كان بيساعدني شوية اعيش و استحمل الدنيا دي.
جنون: هشششش اهدي يا روحي، بصي مبدأيا كدة انسي كل حاجة اهم حاجة سلامتك انتي بس. ثانيا انا هساعدك و كمان اللي غلط هيتكفل بكل مصاريف علاجك و هيدفع تمن الموتسكل و هيعمل كل حاجة مكانك. بس بليز بلاش تعملي محضر هو غلطان و كمان هيعتذرلك.
سندس: كان اعتذر من بدري لكن لا ده حتى كسر موبايلي.
سندس: عااااااا.
جنون: و كمان هيجبلك موبايل احسن نوع هناديه يجي يعتذرلك.
جنون طلعت ل فارس.
جنون: هتدخل تعتذر.
فارس: ابدا انتي شوفتي شتمتني ازاي؟
جنون(رفعت كتفها): حقها انت خربت بيتها. و كمان هتدفع تمن الموتسكل و تمن مصاريفها و هتجبلها موبايل جديد.
فارس: ايه يا ماما ما تهدي شوية هي من بقية عائلتي.
جنون: انا وعدتها. و كمان يلا قدامي زي الشاطر خش اعتذر ليها يلا.
فارس(بغيظ): بس لو قلت ادبها لافرمها في ايدي.
فارس دخل هو و جنون و سندس بصتله بحدة.
فارس: شيلي يا اختي عيونك دي اصلي بخاف.
جنون(بحدة): فارس اعتذر و اخرج بره.
فارس: sorry.
سندس(بصوت عالي): نعم يا حبيبي ايه سوري دي يا روح اهلك انت، ايه هما اهلك معرفوش يربوك.
فارس(بعصبية): اتكلمي عن اهلي كويس احسن و ربي لامرمط بكرامتك الارض...
جنون: يا سندس.
سندس(بعصبية): نعم يا ننوس عين امك. غور ياض في ستين داهية تأخدك و ربنا لاعمل محضر.
فارس(بعصبية): هخاف منك يا اختي غوري يا رب كنتي موتي كنت ارتحت و الدنيا ارتاحت من قرفك، انتي اساسا باين اوي انك بنت شوارع.
سندس(بعصبية): عندك حق انا بنت شوارع و هوريك انا بنت الشوارع هتعمل ايه، يا ناقص يا حيوان يا زبالة.
جنون(بصوت عالي اوي): اسكتوا.
جنون(بعصبية): اسكت منك ليها احترموا وجودي هنا. انتي يا سندس غلطتي.
سندس(بعصبية): و.
جنون(بحدة): محدش يتكلم. و انت يا فارس غلطت اعتذروا لبعض يلا.
سندس و فارس: مستحيل.
جنون(بحدة): اومال؟
سندس: الدكتور قال الراحة و انا شايفة كلب بلدي ريحته معفنه زي شكله. خليه يطلع بره بيعصبني.
فارس: محسساني اني هموت و اقعد يعني ده انتي بالنسبة للستات اللي اعرفهم راجل يا شيخة بصي لنفسك في المراية.
سندس: شايفة يا استاذة جنون.
جنون: استغفر الله العظيم، يا رب.
جنون: دلوقتي اتفقنا فارس هيكون مسؤول عن علاجك و دفع الموتسكل و هيحل امر مدير الشغل. و حضرتك مطلوب منك متعمليش محضر و تتصافوا و الدنيا تخلص و تبقي زي الفل.
جنون: دلوقتي ورايا مشوار مهم هروحه، و انت يا فارس ادفع المصاريف و روح. و انتي يا سندس ارتاحي و متشغليش بالك باي حاجة.
جنون لبست شنطتها و سابتهم و مشيت.
فارس خرج دفع المصاريف و روح. سندس نامت...
عند كنان في المبني.
كنان: هي جنون لسة مرجعتش؟
شخص: لا يا بيه.
كنان: اوف يا جنون ردي مش طايق نفسي...
كنان راح علي مكتب جنون و قعد بعد فترة جنون دخلت و هي بتنهج.
جنون: اوف فارس ده. يلا نروح ل ندي...
كنان: لا يا جنون طلع ورايا شغل تاني مهم لازم اروحه.
جنون: يعني مش زعلان مني لاني اتأخرت.
كنان: لا يا حبيبتي.
جنون دخلت المكتب و قفلت الباب و قعدت.
جنون: هتروح فين؟
كنان: يعني قضية كدة هخلصها بسرعة ان شاء الله، و اه يعني ممكن ابات بصي معرفش.
جنون: هتروح دلوقتي.
كنان: لا هقعد معاكي شوية.
كنان قام و قعد جمب جنون علي الكنبة و حط ايده علي كتفها و شدها ناحيته.
جنون(بضحكة بسيطة): ماشوفتش يوم زي اللي شوفته النهاردة، فارس و سندس كانوا مسخرة.
كنان: مين سندس؟ و ايه اللي حصل؟
جنون حكت اللي حصل ل كنان و كانت بتضحك و كنان كان مركز معاها.
جنون(بضحك): حقيقي كانت مسخرة...
جنون: بس تعرف.
كنان: ايه؟
جنون: ممكن يحبوا بعض. يعني انا و انت اتخانقنا الاول و بعديها يعني وصلنا للي احنا فيه دلوقتي انت بتحبني ممكن هما كمان ليه لا...
كنان: جنون مش ناوية تقوليها. عايز اسمعها منك هأخد طاقة. او ممكن فكرة احلي اسألك انتي بتحبيني؟
جنون: يا عم انت مش محتاج طاقة. طب تأكل قبل ما تروح مهمتك.
جنون كانت قامت و كانت لسة هتمشي كنان مسك ايديها و شدها ناحيته و قعدها علي رجله.
جنون(بتوتر): احم يعني ممكن.
جنون(بتوتر): ممكن حد يدخل فجأة.
جنون قامت و قعدت جمبه.
جنون: احم كدة احسن و افضل يعني. ربنا معاك ان شاء الله هترجع بالسلامة.
كنان: هو انتي ليه مش مسامحة ابوكي؟
جنون: ابويا مات يا كنان معنديش اب.
كنان: جنون خلينا واقعين. ايه السبب؟
جنون: كنان اعتقد قولت اسباب كتير تخليني اكرهه كنت موجود ساعتها و هي هي نفس الاسباب اللي مش مخلياني اسامحه.
جنون: حاولت بس مقدرتش. ممكن اسامحه علي اي حاجة الا انه خاين و خان ثقتي بيه و تخلي عني و كدب عليا، انا مش هسامحه ابدا في حياتي.
كنان: يعني.
جنون: مش انت لسة سألني اذا كنت بحبك و لا لا؟
جنون: ايوه انا بحبك يا كنان و كلمة بحبك كلمة قليلة بحبك اكتر من حاجات تانية كنت فاكراها رقم واحد في حياتي بس صدقني لو خنتي يوم و لا كسرت ثقتي بيك انسي انك حتى تكون في بالي تبقي انت اللي اخترت جهنم يا كنان بايدك.
كنان: طب مش عارف افرح و لا لا، يعني قولتي بحبك و بعدها ختمتي كلامك بحاجة تسد النفس.
جنون: هقولها للمرة الاولي و الاخيرة بحبك.
جنون: متتوقعش اني هقولها تاني بس كدة.
كنان: دي كفاية عندي اوي.
كنان: انا عايز اعتذر ليكي علي كل حاجة يا جنون عملتها.
جنون: لا عادي.
كنان: انا بقي بحبك لا بعشقك و هحاول علي قد ما اقدر اني مزعلكيش مني و اي حاجة ممكن اعملها هتكون علشان خاطرك سامحيني مقدما لو عملت اي خطأ غصب عني او من غير قصدي، انا كل اللي بتمناه في حياتي اننا نجتمع في بيت واحد و نكون اسرتنا و نكون مع بعض للابد...
كنان قام و باس رأس جنون.
كنان: همشي انا دلوقتي.
جنون: باي، ربنا معاك هحاول اتصل بيك.
كنان: بلاش لما اخلص هتصل انا بيكي.
جنون: طيب هستني تليفونك في اي وقت. ممكن ابات هنا.
كنان كان هيمشي بس رجع تاني و وقف قدام جنون.
كنان: ممكن اطلب طلب.
جنون: لا كدة كتير علفكرة. اطلب يا عم.
كنان: ممكن حضن؟
جنون: من امتي الادب يا ابني؟ لا كدة هتعود.
جنون حضنت كنان جامد و هو حضنها و باس رأسها.
كنان: بحبك باي.
جنون: واثقة فيك يلا باي.
كنان: ادعيلي.
جنون: لا و غور يلا.
كنان مشي و جنون قاعدة خايفة نوعا ما.
-في مكان تاني...
في بيت جنون...
ادهم: جعاااااااااااااااااااااااااااااان...
داليا: اوف يا رب، حد يجوع الساعة 12 بليل.
ادهم: ايه ده هو في مواعيد للجوع و انا معرفش.
داليا: حد قالك اصحي متأخر؟
ادهم: اعمل ايه يعني كنت جاي من المطار تعبان قعدت اتكلمت مع جنون و بعدها نمت الله لسة صاحي.
داليا: ربنا يكون في عون مراتك.
ادهم: يا رب بقي لما اتجوز.
داليا: طب كلم جنون اسألها هي فين اتأخرت ليه؟
ادهم: جيبي الاكل بس و انا هكلمها و اعمل اللي انتي عاوزاه.
داليا: اوف يا الله، طيب.
داليا دخلت المطبخ و ادهم اتصل بجنون.
بعد فترة.
داليا: الاكل قدامك اهو، اتزفت اتصلت ب جنون.
ادهم: قالت هتبات وراها شغل كتير...
داليا: ربنا معاها يا رب و يحميها و يحفظها يا رب.
ادهم: امين، اقعدي بس احكيلك عملت ايه في امريكا.
ادهم: ده في هناك مزز يا امي اوووووه قشطة.
داليا: احترم نفسك. مفيش احسن من الستات المصرية.
ادهم: اه النكديين اللي بيكرهوا اي حاجة الراجل بيعملها.
داليا: مش كلهم علفكرة، و كمان هما مش نكديين.
ادهم: طبعا طبعا ما انتي مصرية.
داليا: ظريف.
ادهم: اعجبك علفكرة.
داليا: طيب.
ادهم: بس طيب كنان ده.
داليا: منعرفش معدنه يا ابني معاشرنهوش علشان نتأكد...
ادهم: لا لا انا راجل و افهم الرجالة اللي زيي هو اكيد مش كامل يعني بس شكله حلو وسيم و كيوت و بيحب جنون، ربنا يخليهم ل بعض.
ادهم: شجن عقبالها.
داليا: يا رب. بس شكل كدة اخو كنان بيحبها...
ادهم: اللهم صلي علي النبي حلو اوي.
داليا: عليه افضل الصلاة و السلام.
ادهم: تسلم ايدك القمر دي يا سكر يا حلويات انتي.
داليا: يا حبيبي، خش نام يلا.
ادهم: طيب يا روحي.
داليا: بس اقعد شوية متنامش علطول علشان صحتك.
ادهم: يا حاجة بتكلمي دكتور...
داليا: طيب يا دكتور خش نام.
ادهم: تصبحي علي خير يا حلويات.
-في مكان تاني...
في فيلا فريد.
فريد: خلاص يا جهاد ندي ان شاء الله هترجع. و كنان وراه شغل مش عند جنون اهو. جنون اسااسا في شغلها.
جهاد: طب ندي حبيبتي ليه تعمل كدة حرام؟
فريد: لما تستعيد نفسها هنسألها. ريحي نفسك.
جهاد: طيب يا حبيبي، مش هتطلع تنام؟
فريد: جاي وراكي.
جهاد: طيب.
جهاد طلعت علي اوضتها نامت...
فريد: مش مرتاحلك يا جهاد...
فريد: يا رب انت عالم بالنوايا.
فريد: ربنا معاكوا يا ولاد...
فريد طلع هو كمان اوضته ينام.
-كان الجو بعد الفجر و كانت الدنيا منورة شوية.
عند جنون.
جنون بتتمطع في الكرسي بتاعها...
جنون: اووووووووف يا الله. ايه الشغل ده؟
جنون مسكت تليفونها ملقتش رسايل من كنان و لا تليفونات و قلقت شوية...
جنون: ربنا معاه.
جنون خرجت من مكتبها و بدأت تتمشي.
جنون: اوووه حازم ايه اللي جابك من بدري كدة.
حازم: هو انا روحت اساسا.
جنون: ليه بس يا ابني؟ ده انت لسة جاي من مهمة و ملحقتش ترتاح...
حازم: اعمل ايه مبيقدروش يستغنوا عني.
جنون(بابتسامة): طبعا يا باشا و مين قدك.
حازم: انتي ايه اللي جابك؟
جنون: انا برضو كنت بايته هنا و مكملة.
حازم: انتي متعودين علي كدة بتعشقي الشغل. ده انتي مرة قعدتي هنا في المبني اسبوع كامل.
جنون(بضحكة بسيطة): ايوه عارفة، طبيعتي اعمل ايه.
حازم: لا انا حقيقي فخور بيكي.
جنون: طيب ربنا معاك، معلش عطلتك.
حازم: شرف ليا ان حضرتك توقفي معايا و تتكلمي.
جنون: طيب بص بعد ما تخلص مهمتك دي اعتقد انها بسيطة هتأخد راحة يومين تلاتة هكون خلصت مهمتي و هأخدك ان شاء الله مهمتي الجديدة.
حازم: تحت امرك Princess.
جنون: باي. هروح اغير هدومي.
جنون دخلت اوضة تبديل الملابس و بدأت تغير هدومها.
جنون لبست بنطلون جينز و قميص ابيض و فوقه جاكت جلد من غير اكمام بحمالة عريضة باللون الاسود و طويل شوية. و لبست صندل اسود بكعب. سيبت شعرها علي ضهرها و كتفها و حطت روچ احمر هادئ.
جنون مسكت تليفونها و قعدت علي الكرسي اللي في الاوضة و فتحته و بدأت تدور علي رقم جورچ لغاية ما لقته.
جنون: اوف انا نسياه خالص...
جنون: اسفة يا جورچ انشغلت بكذا حاجة، هطمن علي كنان لما يجي و هتصل بيك حاضر و هكلمك و هحاول اركز معاك شوية اسفة و الله.
جنون: يا رب سامحني.
جنون سمعت صوت تخبيط جامد علي باب اوضة التبديل خرجت ملقتش حد.
جنون طلعت للسطح كان في هواء جميل و بدأت تتمشي...
: في شخص غريب في المبني، في شخص غريب في المبني و ممكن يكون مسلح...
: في شخص غريب في المبني و ممكن يكون مسلح...
جنون اتأكدت ان مسدسها ورا ضهرها لاي لظرف.
: ياااااااه اخيرا لقيتك. وحشتيني من اخر مرة شوفتك فيها.
جنون لفت ضهرها لقت عادل واقف قدامها.
جنون: عادل!
عادل: ايه افتكرتي اني انسحبت كدة من حياتكوا بكل سهولة.
جنون طلعت مسدسها بسرعة و وجهته ناحية عادل.
جنون: بص يا عادل انا مش بكرهك و هقولك نصيحة. سلم نفسك يا عادل سلم نفسك و انا و الشباب هنساعدك و هنحاول نخفف العقاب.
عادل(بضحك): لا لا حقيقي ضحكتيني. و اقولك حاجة كمان انا خايف من المسدس.
عادل(بضحك): مش مصدقاني علشان بضحك صح.
عادل: لحظة لحظة.
عادل عمل نفسه خايف.
عادل: بليز متقتلنيش بليز متسلمنيش ليهم.
-عادل قعد يضحك كتير و جنون بتبصله بصمت و مراقبة تصرفاته و ايده علشان تتوقع حركاته و تفكيره.
جنون: عادل انت كنت شخص مننا مش عايزة اعجزك و انت واقف مكانك و تقول غدرت بيا انا عايزاك تيجي معايا بإرادتك...
عادل: علشان مش معايا سلاح.
عادل: اساسا انا جايلك انتي. جاي اقولك حاجة.
جنون: ايا كان اللي هتقوله يا عادل اسمع كلامي و سلم نفسك و انا و كنان و...
عادل: كنان فكرتيني بكنان.
عادل: مش عايزة تعرفي جايلك ليه؟ طب مش ناوية تنزلي مسدسك؟
عادل: طيب مش مهم.
عادل: انا جايلك علشان اكشفلك حقيقة اللي بيخدعوكي.
جنون: عادل احنا كنا صحاب و كلنا مع بعض و قعدنا علي سفرة واحدة يا عادل.
جنون: استسلم يا عادل.
عادل: اسمعي كلامي انا بقي.
عادل حط ايده ورا ضهره و جنون كانت هتضغط علي الزيناد...
عادل: قولتلك مش معايا سلاح.
عادل: بس تعرفي عيونك لسة زي ما هما حلوين. ممكن تضحكي اشوف غمازاتك.
جنون(بحدة): عادل اسمع كلامي يا عادل الدنيا مقلوبة عليك تحت.
عادل مد ايده ل جنون بجهاز الكتروني.
جنون: ايه ده؟
عادل: حقيقة اللي حواليكي.
جنون منزلتش مسدسها و مدت ايديها مسكت التاب من عادل و بدأت تشوف اللي موجود فيه.
عادل: اتصدمتي صح؟
عادل: احيانا بتكون الحقيقة قاسية اوي.
عادل: و مش هتقدري تنكري ان ده فيديو متركب. انتي اكيد بتفهمي في الكلام ده كويس.
عادل: و كمان شهد لسة ظاهرة من قريب في حياتكوا.
جنون: و المفروض اصدقك، ممكن شهد تكون عارفة كنان من زمان و كانوا علي علاقة و الفيديو قديم.
عادل: هو كنان قالك رايح فين امبارح؟ اه صح قالك رايح مهمة شكل شهد كانت المهمة.
عادل: مش مصدقة لسة. طيب اسم الفندق()...
عادل: متأكد انك هتروحي و تتأكدي.
عادل: يا خسارة كنتي بتحبيه بس هو محبكيش.
عادل: صعبتي عليا يا جنون...
عادل: هتقولي كنان بيحبني. لو كان بيحبك مكنش عمل علاقة مع بنت تانية غيرك لا و كمان انتوا متجوزين.
عادل: انا متفق مع شهد ايوه بس علشان اثبتلك حاجة واحدة انه زي ما خانك مع شهد هيقدر يخونك مع غيرها. و شهد قدرت تخدعه غيرها هيقدر يعمل كدة، كنان متغيريش.
عادل: لو حافظ علي ثقتك مكنش هيقبل بالوضع ده ابدا. ده حتى لو بيحبك مفيش اي حاجة علي الكون تقدر تخلي شخص يخون واحدة بيحبها الا لو كان مش بيحبها اصلا و بيكدب عليها.
عادل: واجبي كصديق اني اكشفلك حقيقة كل اللي حواليكي، اشوفك بعدين يا جنون...
عادل: اه.
جنون مشالتش عينيها من علي الفيديو و الصور و بعدها بصت ل عادل.
عادل: بعتذر علي اللي عملته معاكي في المهمة كنت مضايق.
عادل: سامحيني.
جنون بصت في الارض و جاية ترفع رأسها ملقتش عادل...
جنون فضلت رافعة ايديها بالمسدس و ماسكة التاب في ايديها.
كنان: انا بقي بحبك لا بعشقك و هحاول علي قد ما اقدر اني مزعلكيش مني و اي حاجة ممكن اعملها هتكون علشان خاطرك سامحيني مقدما لو عملت اي خطأ غصب عني او من غير قصدي، انا كل اللي بتمناه في حياتي اننا نجتمع في بيت واحد و نكون اسرتنا و نكون مع بعض للابد...
كنان: تتجوزيني؟
كنان: بحبك.
كنان: و الله العظيم بحبك و اتغيرت و مش هرجع تاني.
كنان: حتى لو قدامي ملكة جمال العالم هختارك انتي.
جنون: مش انت لسة سألني اذا كنت بحبك و لا لا؟ ايوه انا بحبك يا كنان و كلمة بحبك كلمة قليلة بحبك اكتر من حاجات تانية كنت فاكراها رقم واحد في حياتي بس صدقني لو خنتي يوم و لا كسرت ثقتي بيك انسي انك حتى تكون في بالي تبقي انت اللي اخترت جهنم يا كنان بايدك.
داليا: ايه اللي يضمنلك انه مش هيكون زي امه.
داليا: معندكيش رد صح...
داليا: هيخونك يا جنون.
داليا: ايه اللي يضمنلك انه هيفضل وفي ليكي و مخلص.
جنون: كنان بيحبني يا امي و مستحيل يعمل حاجة تزعلني.
داليا: كداب يا جنون كداب.
كنان: انا بحبك يا جنون...
عادل: لو حافظ علي ثقتك مكنش هيقبل بالوضع ده ابدا. ده حتى لو بيحبك مفيش اي حاجة علي الكون تقدر تخلي شخص يخون واحدة بيحبها الا لو كان مش بيحبها اصلا و بيكدب عليها.
-في المبني من تحت.
حسام: الغريب راح ناحية السطح.
كنان: في ايه الدنيا مقلوبة ليه؟
حسام: شخص غريب و احتمال يكون مسلح و خطر.
جنون: هستناك. ممكن ابات هنا ورايا شغل.
كنان(بقلق): جنون...
كنان جري علي اوضة مكتب جنون فتحها ملقهاش.
كنان(بقلق): مشوفتش جنون؟
شخص: لا.
كنان طلع تليفونه و اتصل كتير ب جنون.
حازم: مالك في ايه؟
كنان: جنون مش لاقيها.
حازم: اخر مرة شوفتها كانت طالعة سطح المبني هي دايما بتحب تطلع فوق.
كنان: طيب.
كنان افتكر لما حسام قال الغريب راح ناحية السطح.
كنان(بقلق و خوف): جنون...
-كنان طلع جري و حازم استغربه و طلع وراه. كنان طلع كل السلالم كانت سلالم كتيرة و حازم واره بينهج.
كنان(بقلق): جنون!
كنان مشي و لقي جنون واقفة وشها خالي من التعبيرات ماسكة في ايديها مسدسها.
كنان جري عليها بقلق و وقف جمبها.
كنان: جنون انتي كويسة؟!
حازم: كويسة يا بنتي؟
جنون رفعت رأسها بصت ل كنان.
جنون: عايزاك توعدني و تكون قد وعدك.
كنان: طيب.
جنون: كلام رجالة مفهوش رجعة.
كنان: حاضر.
جنون: توعدني انك مش هتخوني و لا هتسبني و تمشي في نص الطريق و لا هتكدب عليا و لا هتخدعني.
كنان: وعد.
جنون: كلام رجالة؟!
كنان: كلام رجالة.
كنان: بحبك.
جنون فاقت من شرودها علي ماسكة كنان ليها. كنان هز كتف جنون بحدة خفيفة.
كنان: جنون سمعاني انتي معايا؟
جنون بصت ل مكان ايده علي كتفها و بصتله و هي ساكتة.
حازم: يا بنتي حصل ايه؟ كويسة؟
حازم: متقلقناش عليكي.
-كنان كان بيقرب وشه من وشه جنون بس جنون رجعت لورا و شالت ايده و رجعت شعرها لورا بايديها.
كنان: مالك يا بنتي؟ متخضنيش عليكي...
جنون: مسكتوا الشخص الغريب ده يا حازم؟
حازم: لا.
جنون: كان هنا بس ملحقتش امسكه.
حازم: طب كان شكله عامل ازاي؟ تعرفيه؟
جنون: لا كان مغطي وشه، قدر يخدعنا بس ميعرفش انه هيجي في يوم و هيتكشف و ساعتها هيندم.
جنون بصت ل كنان و هي بتتكلم و لاحظت ردة فعله المتوترة اللي حاول يخبيها...
جنون: في النهاية مفيش حاجة بتفضل علي حالها.
جنون: حمد لله بالسلامة يا كنان اتمني تكون نفذت مهمتك علي اكمل وجه.
جنون: يلا نشوف شغلنا.
جنون حطت مسدسها ورا ضهرها و مسكت التاب في ايديها و مشيت قدامها...
كنان: هو حصل ايه؟ ليكون عملها حاجة؟
حازم: شايف انها ممكن تكون علشان يعني معرفتش تمسكه.
كنان: ممكن. يلا بينا.
كنان و حازم نزلوا ورا جنون و المبني اتقلب.
شهاب: هو اللي حصل ده حقيقي؟
حازم: ايوه و جنون شافت الشخص ده.
شهاب: طب شكله كان عامل ازاي؟
جنون: كام مرة هقول اني مشوفتش وشه.
كنان: خلاص يا حبيبتي اهدي.
جنون: انا ورايا مشوار عن اذنكوا...
كنان: مشوار ايه اقعدي.
حازم: طيب نستأذن احنا.
حازم و شهاب خرجوا و كنان قرب علي جنون. جنون بعدت و راحت قعدت علي الكرسي بتاعها و حطت رجل علي رجل.
كنان: مشوار ايه اللي انتي رايحاه ده؟
جنون: مشوار شغل.
جنون: او بمعني اصح مهمة زي مهمتك بتاعت امبارح.
كنان(بحدة): نعم!
جنون: ايه هو مش انت كنت في شغل، يلا عن اذنك.
جنون قامت و كانت هتخرج من الباب بس كنان مسك ايديها قبل ما تفتح الباب و رفعها ل فوق.
جنون: بكل هدوء ابعد ايدك عني و سيبني اخرج و متنساش اننا في الشغل.
كنان قرب منها اكتر و باس رأسها. بس لقي جنون ضربته برأسها في وشه.
جنون: قولتلك احنا في شغل.
جنون سابت كنان و مشيت. كنان فضل واقف مصدوم مش مستوعب...
كنان: ده كله علشان معرفتيش تمسكي الشخص ده.
كنان: اوف رأسك تقيلة.
كنان خرج من مكتب جنون، و باقي الفرقة جت و بدأوا يشوفوا حل للي حصل.
-في مكان تاني...
في شقة اياد.
شذي(بنوم): اوف ايدك يا جنون.
اياد: يخرب بيتك يا شيخة.
شذي: ايه ده اياد؟!
اياد: لا جنون يا اختي، في ايه ركزي انسي البيت اللي هناك خلاص خلصت.
شذي: اسفة الله مش متعودة.
اياد: ربنا يشفي.
اياد: انا هقوم البس اروح الشغل زهقت من القعدة.
شذي: اه و انا.
اياد: نعم يا اختي؟! لا استني اسبوع كدة و ابقي انزلي لكن دلوقتي لا.
شذي: ليه؟
اياد: مش كفاية هستحمل الشغل.
شذي: ما احنا في نفس الفرقة يعني احمد ربك.
اياد قام دخل الحمام خد دوش و خرج لبس هدومه.
اياد: عايزة حاجة اجبهالك و انا جاي؟
شذي: هروح طيب ل طنط داليا.
اياد: طيب يا شذي. خلي بالك من نفسك.
شذي: محسسني اني مش ظابط مخابرات و اقدر احمي نفسي و احمي غيري.
اياد: معتقدش، يلا اشوفك بليل.
اياد باس شذي من خدها و نزل...
شذي: اوف ملل ملل.
شذي: افطر و انزل اقعد مع طنط.
-في مكان تاني...
عند جنون.
جنون كانت بتسوق بسرعة كبيرة و كل كلام عادل يتكرر في دماغها و كلام داليا و كلام كنان.
جنون(بصريخ): بس بقي بس بس بس.
جنون وقفت العربية بسرعة و نزلت منها و بدأت تأخد نفسها بصعوبة...
جنون سندت علي العربية و بدأت تفكر كتير، فتحت باب العربية و ركبتها و ساقت.
كنان: انا بحبك و هفضل معاكي مش هخونك مش هكدب عليكي بوعدك.
جنون: كداب كداب كل كلمة قولتها كانت كدب، شخص كداب و مهما قولت مش هصدقك نزلت من نظري اوي يا كنان و بوعدك النار اللي انا حاسة بيها دلوقتي اخليك تحس اضعافها و تندم علي اليوم اللي فكرت تلعب معايا فيه.
-جنون كملت سواقة و غمضت عينيها جامد و فتحتها و الرؤية مكنتش واضحة. جنون فتحت عينيها كتير و فتحتهم بس الرؤية انعدمت خالص جنون محستش بحاجة اخر حاجة سمعتها صوت العربية و هي بتتقلب..
الحادي والثلاثون من هنا
