رواية بنت الراقصة وكبير البلد الفصل الثاني 2 بقلم هويدا زغلول

عشق

انتي مش غلطانة يا أمه الغلط على اللي وعد وكسر وعده واللي حب يخبي بنته علشان خايف على اسمه بين الناس

الأم

حتى لو ظلمنا يا بنتي متفتحيش على نفسك باب حرب مع الناس دي انتي ما تعرفيش ريان لما يغضب بيعمل ايه وانا مش عندي استعداد اخسرك

عشق

وأنا كمان ما بقيتش بخاف من حد اللي عاش العمر كله مكسور ما عادش يخاف من الكسر

وكفاية اللي انتي شفتيه لحد كده انا هقوم أعمل أي حاجة ناكلها عشان تاخدي العلاج

وبتروح عشق قايمة والام بتبص عليها بحزن وقالت

الام

حقك عليا يا بتي انا السبب في كل ده يا ريت ما خليت اللي اسمه يس يقرب مني ما كانش حصل اللي حصل ولا اتبهدلتي معايا بالشكل ده

وبتبدأ الام تفتكر اللي حصل لما كانت على المسرح وترقص ويس واقف يتفرج عليها وكان مبسوط

واول ما بتخلص بتلاقي يس واقف مستنيها

اللي اول ما بتشوفه بتقول

#فلاش باك

فاطمه

بسم الله الرحمن الرحيم هما بيطلعوا منين دول

انت مين يا جدع انت واللي موقفك كده

يس

اهدي بس مالك داخلة على الحامي اكده ليه ده انا حتى جيت اقول لك ان رقصك ضرب في نافوخي بجد اول مرة اشوف واحدة حلوة زيك كده

فاطمه بصتله بقرف وقالت

فاطمه

وانت فاكر بالكلمتين دول هتخليني أطير من الفرحة ولا ايه خلص اللي عندك وسيب طريقي انا مش فضيالك

يس

لا والله ما قصدي غير الخير اسمي يس وعلي فكرة انا مش جاي اتسلى ولا حد صغير انا من كبار البلد يعني انا قد الكلمة اللي بقولها زين

فاطمه

كبير البلد ولا صغيرها ده ما يخصنيش آني بشتغل وآكل من تعبي ومش مستنية حد يصرف عليا ومش عاوزة مشاكل

يس

وده اللي عجبني فيكي جمالك ليه هيبة ولسانك ما بيخافش من حد

فاطمه

اسمع يا عنيا آني راقصة وبعرف زين إن ناس كتير بتتفرج علينا علشان التسلية لكن أول ما الليلة تخلص كل واحد يرجع لحياته فالكلام بتاعك ده ملوش عازة

يس

وأني مش كيف الناس دي انا جد وجد الجد كمان بس وافقي عليا وشوفي الهنا اللي هتعيشي فيه بعد اكده

فاطمه

الكلام ده قولته كام مرة لغيري بجا علشان كده واقف وتتكلم معايا بثقة اكده

يس

ولا مرة والله أول مرة قلبي يدق بالطريقة دي انا مش فاهم انتي عملتي فيا ايه لخبطتي حالي بالشكل ده

فاطمه ابتسمت غصب عنها وبعدين خبت ابتسامتها بسرعة وقالت

فاطمه

بلاش كلام حلو لأن الكلام الحلو آخرته وجع وانا واحدة على قد حالي وعاوزة اكسبها بالحلال مش عاوزة مشاكل

يس

طب اديني فرصة أثبتلك إن كلامي صدق وهتشوفي بنفسك

فاطمه

لو فعلا الكلام اللي انت بتقوله ده صحيح يبقى تمام اثبت كلامك ده وشوف الوقت المناسب واكتب عليا

وساعتها اتأكد ان انت بتقولش اي كلام وخلاص

يس

مأذون ايه لا طبعا انا متجوز ومش عاوز مشاكل

واول ما فاطمه بتسمع ده بتتعصب وقالت بحدة

فاطمه

يبقى خد بعضك وامشي من هنا بدل ما اسيح نفوخك هو انت مفكر ان السهلة لا يا حبيبي انا لحمي مر ومعملش الا الحلال ولو عاوز الحرام الف واحدة هتلاقيها بعيد عني

يس

اهدي بس واسمعيني للآخر انا مش معترض ان انا اتجوزك كل الحكاية اني بقول نكتب ما بيننا ورقتين عرفي وده برضه جواز

اني بس مش عاوز ليا مشاكل ولا وجع قلب

فاطمه بتبص ليه بتسكت شوية وبعدها قالت

فاطمه

سيبني افكر وأحط الموضوع ده في دماغي وبعد كده هشوف اعمل ايه

وبتروح سايباه وبتمشي وبيعدي فترة وطول الفترة دي ويس مبيسبهاش خالص وفي مرة بتشوفه فاطمه قاعد مستنيها وساعتها قالت بضيق

فاطمه

هو في ايه اللي بيحصل بالظبط هو مبقاش الا انا قدامك عاوز مني ايه يا يس

يس بيقرب منها بحب وقال

يس

انتي عارفة زين انا عاوز ايه معقول يا فاطمه لسه كل ده بتفكري اني خلاص استويت ومبقيتش قادر استحمل وافقي عليا واوعدك الدنيا تتظبط واللي انتي عاوزاه هو اللي هيحصل

فاطمه

تمام يا يس وانا موافقة بس خليك فاكر كلامك زين يا يس واعرف كويس ان انت اللي فضلت تجري ورايا علشان اوافق عليك

وبعدها بيروحوا لمحامي وبيكتب ورقتين وبتعدي الايام وفاطمه بتسيب الشغل ويس متكفل بيها لحد ما في مرة بيجي يس البيت وبيقول

يس

في ايه يا فاطمه مالك اول مرة تكلميني وعاوزاني اجي بسرعة ايه اللي حصل انتي كويسة اوعي تكوني تعبانة لو تعبانة اكلم الحكيم يجي يكشف عليكي انا ملاحظ بقالي فترة انك مش قادرة

فاطمه بفرحة

ما انا قلقت على نفسي ورحت كشفت والدكتور طمني وقال ان انا حامل هتبقى اب يا يس

واول ما يس بيسمع كده بيصدم وبيروح مقرب منها وبيمسكها من دراعها جامد وبيقول

يس

الكلام اللي انتي بتقوليه ده وانتي مفكرة ان انا عبيط عشان اصدق اللي انتي بتقوليه ده مين ابو اللي في بطنك ده

واول ما فاطمه بتسمع كده بتتصدم وبتقول

فاطمه

انت شكلك اتجننت او حصل في مخك حاجة انت ما تعرفش مين فاطمه ان ما فيش حد يقرب منها ابدا وانت ابو اللي في بطني ولو مفكر ان انت بتقول كده علشان تخلع مني تبقى عبيط انا لحمي مر وانت عارف كده كويس

يس

الكلام ده تقوليه لو انا بخلف انا رحت لاكتر من دكتور واكدوا ليا ان انا مبخلفش

فاطمه

يبقى كلهم بيكدبوا عليك شوف بقا مين اللي هيستفاد ويعمل اكده علشان انا متأكدة ان الحمل ده منك انت ولو مش مصدق روح اكشف وهمه هيقولوا انك مفيش فيك عيب

واول ما يس بيسمع كده بيتصدم وبيروح سايبها وبيمشي وهو بيكلم نفسه وبيقول

يس

يعني ايه معقول اني مخدوع طول الفترة دي ونحمدة هيا اللي عاملة كل ده والعيب منها هيا مش مني

وبعدها بيروح لدكتور وبيكشف وساعتها بيعرف ان سليم مفهوش حاجة

واول ما بيعرف كده بيروح على السرايا ووشه مش مبشر بالخير واول ما بتشوفه نحمدة قالت بقلق

نحمده

مالك يا يس راجع عامل اكده ليه اول مرة اشوفك بالحالة دي

يس بيقرب منها وبيمسكها من شعرها وقال

يس

بقا انتي يا واطية يا زبالة طول الفترة دي وانتي بتخدعيني وقال عاملة فيا جميلة انك عايشة معايا وانا مبخلفش وان العيب مني واتاري العيب منك انتي

وانا كنت زي العبيط ماشي وراكي

نحمده بتوتر

وسع يدك يا يس انت اتجننت ولا ايه كلام ايه اللي بتقوله هو انت مكشفتش الدكاترة همه اللي قالوا اكده

يس

اكيد كنتي متفقة معاهم علشان تكسريني انا خلاص عرفت ان انا سليم ومفيش فيا حاجة

نحمده

ايوه انا اللي عملت اكده ما انا مكنتش هستنى ان الاقيك داخل عليا متجوز كنت عاوزني اعمل ايه يعني

يس

امشي من وشي السعادي بدل والله ما تعرفي انا هعمل فيكي ايه

وبعدها نحمدة بتمشي بسرعة وهيا خايفة من يس بعد ما عرف سرها

وبتعدي فترة وطول الفترة دي ويس مبقاش يروح لفاطمه لحد لما الفلوس اللي معاها بتخلص وبتروح هناك

واول ما يس بيشوفها بيقول بحدة

يس

الله يخرب بيتك ايه اللي جايبك هنا هو انتي عاوزة تفضحيني ولا ايه امشي غوري من هنا بدل والله العظيم ما تعرفي انا هعمل فيكي ايه

فاطمه

ولا تقدر تعمل حاجة بقول لك ايه انا فضلت صابرة عليك ان انت تيجي وتطمن عليا وعلى اللي في بطني وانت ولا هنا خالص وانت مفكر ان دخول الحمام زي خروجه ولا ايه ولا انا هسكت على حقي انت لسه ما تعرفنيش كويس

يس

مش وقت الكلام اللي انتي بتقوليه ده امشي دلوقتي وبعد كده هاجي لك ويجيلنا نبقى لينا كلام تاني

فاطمه

بقول لك ايه يعني مش هروح اي مكان الا لما الكل يعرف ان اللي في بطني ده منك انت وتتعرف بيه

سمعت ومحدش ضربك على ايدك ان انت تتجوز من غازية زيي

وفي الوقت ده بيجي الاب وبيسمع كلامهم بيقول بحدة

الاب

ينهارك مش فايت ايه الكلام اللي انا سمعته ده يعني ايه متجوزها معقول على آخر الزمن كبير الهوارية متجوز غازية

يس

اهدي بس يا بوي انت فاهم الموضوع غلط انا مكتبتش عليها رسمي كل اللي فيها هما ورقتين عرفي وفي ثانية يتقطعوا انا مستحيل افضح العيلة

فاطمه

اه يا واطي يا زبالة كل ما الموضوع كده كنت هاين عليك تبوس يدي علشان ارضى ابص لك بقول لكم ايه هو انتم مفكرين اني انا هسكت انا حبلى والعيل اللي في بطني ده ابنكم ومحدش هيقدر يقول غير ده

يس بيقرب منها وبيمسكها من دراعها جامد وقال

يس

امشي غوري من اهنه وارمي بلاكي على حد غيري بعيد وشوفي مين اللي حبلك بعيد عني واعملي حسابك زين لو شوفتك متعرفيش اني هعمل فيكي ايه سمعتي

وبيروح واخدها وبيرميها بره السرايا

واول ما بيدخل الاب بيقول بحدة

الاب

كلام ايه اللي سمعته ده معقول الغازية دي حبلى منك طب ازاي

يس

اهدي بس يا بوي انت فاهم الموضوع غلط هيا بتعمل كده علشان تورطني مفيش الكلام ده

الاب

بقول لك ايه انا مش عاوز مشاكل حل مشكلتك معاها بدل والله هوريك الوش التاني سمعت

انت عارف مركزنا حساس في البلد كيف ومش عاوز حد يتحدث علينا نص كلمة

وبيروح سايبه وبيمشي ويس بيكلم نفسه

يس

هتصرف ازاي في المصيبة دي ازاي هيا كمان الله يخرب بيتك يا فاطمه كان لازم تحبلي كان كلها كام يوم وازهق منك وكنت هقطع الورقتين

انا لازم اشوف حل في المصيبة دي

وبعدها بيروح لفاطمه وبيكون معاه فلوس كتيرة وقال

يس

بقول لك ايه يا فاطمه انتي مش قدي ولا قد العيلة بتاعتي وانتي عارفة الكلام ده زين

يا ريت مش توريني وشك بعد اليوم علشان متندميش على اليوم اللي وافقتي تتجوزيني

فاطمه

حرام عليك يا يس ذنبي ايه اني وثقت فيك واللي في بطني ده اعمل فيه ايه

يس

دي حاجة ترجع لك مش ليا فيها ولو عرفت انك عملتي مشاكل ليا ولو حد عرف باللي كان بيننا قولي على نفسك وعلى اللي في بطنك يا رحمن يا رحيم

وبيروح ماشي ومن خوف فاطمه على نفسها وعلى اللي في بطنها بتروح واخدة الفلوس

وبتمشي بره البلد

وبتعدي الايام والسنين وبتخلف عشق اللي كبرت وبدأت تفهم الدنيا كويس وفي مرة كانت راجعة من بره وقالت

عشق

اني بقا مش هسكت ولازم اعرف مين ابوي مش هستحمل ان العيال بيعايروني ان مليش اب والمرة دي مش هسكت

فاطمه بتبص ليها بحزن وقالت

فاطمه

بالله عليكي يا بنتي قفلي على السيرة دي احنا مش ناقصين لما صدقت قفلتها احنا مش قد اهل ابوكي

عشق بعند

وانا حولت كلمتي ولو هما في الشلالات اني هروح ليهم مش معقول يكون ليا اهل واتعاير اكده وشكل اهلي عليهم القيمة

فاطمه

انا حذرتك وانتي حرة وبعدها فاطمه بتقول ليها كل حاجة

وساعتها عشق بتكرر تاخد امها وبتروح على هناك واول ما بتشوف يس دموعها بتنزل وقالت

عشق

معقول طول الفترة دي وقلبك مش وجعك عليا وعاوز تشوفني عملت لك ايه علشان تقسى عليا اكده

يس بحدة وهو بيبص لفاطمه وقال

يس

برضه عملتي اللي في دماغك وقولتي لها هو انا مش قولتلك مش عاوز اشوفك ولا اشوف بنتك جايين تهببوا ايه

عشق بحدة

هو انت مفكر اني هسكت وافضل طول عمري مجهولة الهوية وعايشة من غير اب بقول لك اهو لو معترفتش عليا بالذوق وكتبتني باسمك انا هطلع على القسم دلوقتي واقدم الورق العرفي واطلب منهم تحليل دي ان اي وساعتها شوف اهل البلد هيتكلموا عنك كيف

وبيحي ريان وبيقول بحدة

ريان

انتي مين يا بت انتي ومالك بتتحدثي مع عمي اكده ليه

عشق بتحدي

اسأل عمك هو هيقول لك وانت قدامك يومين معايا وشوف ناوي على ايه وابقى قولي

وبتروح واخدة الام وبتمشي وساعتها ريان بيقول

ريان

ايه الحكاية يا عمي انا مش فاهم اي حاجة

يس

انا في مصيبة وبالذات البنت دي فيها جرأة ومش ناوية على خير وبعدها بيقول ليه على كل حاجة

ريان

معقول الكلام اللي انت بتقوله ده هنتصرف ازاي دلوقتي

يس

مفيش الا حل اني اعترف بيها واكتبها باسمي بدل ما تفضحنا وساعتها مش هنقدر نمسك لسان البلد يا ريت ما عملت اللي عملته

وبعدها يس بيروح لعشق وبيثبتها باسمه ومن وقتها وعشق بتفضل في البلد وبتبدأ تعرف الناس انها بنت يس

#باك

وفي الوقت ده بتدخل عشق على فاطمه ومعاها الاكل وبتتصدم لما بتلاقيها ماسكة قلبها وكأنها مش قادرة تاخد نفسها

واول ما عشق بتلاقي كده بتروح مقربة منها بسرعة وبتقول بخوف

عشق

مالك يا اماي فيكي ايه اهدي وهنروح المستشفى نطمن عليكي

وبتروح واخداها وبتوصل وبعد شوية بيخرج الدكتور وعشق بتقرب منه وتقول

عشق

طمني على امي يا دكتور ايه اللي صابها

الدكتور

للأسف القلب فيه مشكلة ولازم تدخل العمليات عاوزة قلب مفتوح في أسرع وقت

واول ما عشق بتسمع كده بتتصدم

عشق

طب مستني ايه بالله عليك انقذها اني مليش حد في الدنيا غيرها

الدكتور

للأسف مقدرش اعمل حاجة الا لما تحطي مبلغ العملية في الحسابات وقتها هنبعت دكتور من مصر يجي يعملها وحاولي توفري الفلوس بسرعة علشان كل دقيقة بتعدي عليها خطر على حياتها

واول ما عشق بتسمع كده بتروح على الحسابات وبتتصدم وقتها بالمبلغ العملية

ولحد هنا تكون خلصت حلقتنا