رواية حبي سبب لدماري الفصل الثاني 2 بقلم هنا حسين
حبي سبب لدماري part 2
في المساء راحت سمر لمروه
وكذبت علي اهلها وقالت انها هتذاكر معاها
مروه: اتأخرتي ياختي
سمر بزهق: لما الست الوالده خلتني غسلت المواعين لولا نزلت
مروه: طب يلا اجهزي
لبسوا فساتين سهره فاضحه وذهبوا الي نايتي كلاب
مروه من بعيد وائل ازيك وراحت نحيته وسلمت عليه
وائل: اي الوجه الجديد ده
مروه: دي تبقي سمر صاحبتي
وائل: اهلاً انا وائل وده نادر يبقي ابن وزير
التمعت عيون سمر بالطمع
مدت ايدها وسلمت ونادر سلم عليها بخبث
سمر: تشرفت
نادر: الشرف ليا
وكملوا السهرة بين الرقص والشرب
اذكروا الله
عادل: هتسهر ازاي لا طبعاً
ارسلان: ياعم محتاج فلوس زياده
عادل: طب بلاش النهاردة امي عزماك علي العشا
ارسلان: معلش اعزرني يوم تاني
عادل: لا مستحيل دي قالتلي لو ماجتش معايا مش هتاكلني يرضيك اموت من الجوع
ارسلان: ههه لا مايرضنيش
ام عادل: يا بنتي بلاش تعلقي نفسك بحبال دايبه
رفيف: ماخلاص بقا يا روحيه الراجل جاي يتعشي
روحيه: مش انت اللي اصريتي عليا اني اخلي عادل يعزمه يبقا في حاجه
رفيف بدموع: ايوه يا ماما في حاجه الحاجه دي اني لسه بحبه وبخاف عليه وصعبان عليا ومن ساعه ماعرفت انه بيحب اللي اسمها سمر وانا بدعيله بالسعادة
روحيه: يابنتي كل حاجه نصيب
رفيف بتنهيده: فعلاً يا ماما
اذكروا الله
دق درس الباب راحت رفيف تفتح لقيت
ارسلان قدمها حاولت تخبي نظرت الحب اللي ظاهره في عيونها ليه
دخل عادل وقال بصوت عالي
عادل: جهزتي الاكل يا ام عادل
رفيف: اتفضل يا ارسلان
ارسلان: ازيك يا رفيف
رفيف: الحمدلله انت عامل اي
ارسلان: تمام
دخل ارسلان
وقعدوا علي السفره وعادل وروحيه ورفيف
روحيه: اي اخبارك يا ارسلان وشغلك كويس
ارسلان: اه تمام الحمدلله
رفيف بحب: ربنا معاك
ارسلان كان فاهم نظرت رفيف بس ماحبش يديها امل وغير الموضوع
ارسلان: والله يا خالتي بشتغل ورديه بالليل عشان خاطر سمر
روحيه بصت علي رفيف بمعني اقتلي اي امل جواكي بقلم هنا حسين
روحيه: ربنا يسعدك يابني
عادل: احنا هنفضل نتكلم عن الشغل
رفيف: انا هقوم واعملكم الشاي
اذكروا الله
خلصت العزومه وارسلان روح بيتهم
هو فعلاً ارسلان وجعني بس انا عذراه
اللي بيحب حد بيكون معمي تمنيت انه يحبني نص حبه لسمر وانا هكون راضيه بس هعمل اي
هعمل بنظرت امي واقتل اي امل جوايا
بس مستحيل ابطل احبه مهما يحصل
ارسلان هو لي الانسان بيفوق متأخر معقول الحب بيعمي بالطريقه دي بيوجه الأنسان للهلاك
في الصباح راح ارسلان على الشغل
عادل: ياعم خلص سيب التليفون من ايدك
ارسلان: اهي ردت ايوه يا سمر مش بتردي عليا ليه وكمان مشغوله مع مين كله ده
سمر: فياي يا ارسلان هو تحقيق علي الصبح
ارسلان: مش قصدي يا حبيبتي والله بس قلقان عليكي اوي طمنيني عنك
سمر: كنت بكلم ماما اصلي نسيت اغسل المواعين وفتحتلي مرشح عشان سبتهم ارتحت كده
ارسلان: معلش يا حبيبتي اصل متعودتش القيكي مشغوله الوقت ده كله
سمر بضيق: طب انا هقفل ورايا محاضره
ارسلان: ماشي يا قلبي ربنا معاكي
عادل: ارتحت واطمنت على حبيبه القلب
ارسلان: تعرف ايه اللي يشفع لك عندي هي خالتي روحيه غير كده لا انا اصلا مش عارف ليه واخد موقف من سمر
عادل: انا ولا واخذ موقف ولا بتاع كل الحكايه اني شايفك مدلوق على الاخر وانك بتحبها اكثر ما بتحبك
ارسلان: انت شايف كده بس هي بتحبني
عادل: اللي انت شايفه يا صاحبي
انا وقتها اتضايقت وحسيت للحظه ان لو كلام عادل صح ايه ممكن يحصل لي انا ممكن اموت لو سمر ما بتحبنيش
اذكروا الله
مروه: انا اعرف ايه اللزقه ده
سمر: اوف مش عارفه كويس انه بيصدقني الا مين كان يصدق اني بكلم امي الوقت ده كله
مروه في ضحك: ههه فعلا غبي اوي طب كان عاوز ايه نادر
سمر: عازمني على الغداء
مروه: ايوه يا بختك
سمر: يا اختي خلي حكايه تكمل
مروه: وانت عاوزه ايه
سمر: ابن الوزير طبعاً
مروه: ما بتضيعيش وقت خالص
سمر: هههه خالص
وائل: ايه يا عم مهتم اوي باللي اسمها سمر
نادر: عجبني نوعها اوي اصلها عامله فيها
المحترمه
وائل: ما انا بقول ده مش ذوقك
نادر: عيب عليك مش هنزل المستوى ده بعدين هي عاوزه فلوسي وانا عاوز جس*مها واول ما اخذ اللي انا عاوزه مش هتطول حاجه خالص لا انا ولا فلوسي
وائل: جامد انت يا صاحبي بس عرفت ازاي انها عاوزه فلوسك
نادر: من صاحبتها تصدق انها بتقول عليها انها كلبه فلوس وضحكه على واحد عشان كده
وائل: دي مش سهله
نادر: ولا انا كمان ساهل
(روايه اوخده الفكرة بتاعتها من الواقع
لم يكن الخيال مره بلا الواقع امر عندما ياتي من خيال مرير#هنا)
يتبع________________للحكايه بقيه
ماتنسوش تصلوا علي النبي