رواية احببت طريدتي ج2 ( ترويض الفهد ) الفصل الثالث 3 بقلم اسماء المصري

فرحه الحب عظيمه ، لكن المعاناة فظيعة ...

و الافضل للانسان ان لا يحب ابدا ...

~~~~~~~

فتح فارس عينه و هو مستلقى على فراشه ليجد طيفها امامه فعاد لاغلاقها فى استسلام حتى يستشعر لمساتها الرقيقه على صدره العارى و يشعر بسخونه شفاها على وجهه فقرر ان يتمتع بتلك اللحظات المسروقه لافتقاده الكبير لها ، فلا داعى لاستيقاظه و لا لرفضه البوح بما يثور بداخله من مشاعر فبالنهايه هو حلم شأنه شأن سابقيه .

بدأ فى تقبيلها قبلات عميقه و هو يتحسس جسدها و هى تبادله القبلات ثم رفع يده و خلل اصابعه فى شعرها الطويل ليتفاجئ به قصير جدا .

تخوف فارس من فتح عينه ليرى وجهها حتى لا يستيقظ من حلمه الجميل و لكن قبلتها بنكهه مختلفه عما عاهده منها ، ملمس بشرتها مختلف و شعرها كذلك ليجازف بفتح عينه فانتفض فزعا و قفز من على فراشه صارخا :

_ بيرى! انتى بتعملى ايه فى اوضه نومى ؟

1

اقتربت منه و استندت على صدره هامسه بهيام :

_ اهدى يا فارس .... انا بحبك اوى و انت عارف ده .

صاح بتوتر من لمساتها :

_ انتى اتجننتى يا بيرى ؟ خلاص عقلك ضرب ، انا مفرقش عن مازن فى حاجه انا و هو اخواتك ... اعقلى كده و بلاش جنان .

ردت بتبرم :

_ مكانش ده رايك و انا فى حضنك من شويه .

تعجب من جرأتها التى لم يعدها بها فصرخ بغضب :

_ انا كنت نايم و اللى انتى عملتيه ده اسمه قله ادب ، بس انا هعديه المره دى عشان مش عايز ازعلك منى ..... فوقى و اعرفى انا مين كويس ؟ انا اخوكى يا بيرى فاهمه ؟

ترجته بيرى ببكاء :

_ يا فارس بحبك حرام عليك .

اقشعر بدنه من لمستها فدفعها بعيدا عنه و صاح بحزم : مش عايز اسمع منك و لا كلمه لان الظاهر التساهل معاكى هيبوظك ، بس متخافيش ملحوقه و هربيكى من اول و جديد ، اتفضلى على اوضتك و الصبح تكونى لميتى حاجتك عشان تروحى فاهمه؟

جلس فارس فور خروجها يطرد تلك الافكار من راسه ليقول بغضب :

_ انا معنديش استعداد اكرر غلطه عاليا من تانى .

فلاش باك *******

منذ ثمان سنوات و بعد تخرج عاليا بدأت العمل بشركه فارس بجد و نشاط و فى احدى الايام ذهبت لمنزله فى المساء بعد مواعيد العمل الرسميه بحجه توقيع اوراق مهمه و لكنها كانت متفقه مع احدى العاهرات المترددات على منزل فارس بان تقوم بتخديره و ادخالها .

دخلت عاليا غرفه نوم فارس لتجده عارى تماما لا يستره سوى ملاءه صغيره فخلعت ثيابها هى الاخرى و استلقت بجانبه حتى الصباح .

استيقظ فارس من نومه ليجدها بين احضانه ففزع و صاح يسألها :

_ عاليا ! انتى بتعملى ايه هنا ؟

اجابت ببكاء مصطنع :

_ يعنى مش عارف يا فارس ؟ مش فاكر انت عملت ايه ؟

هدر بحده :

_ انتى هتستعبطى ؟ بقولك ايه اللى جابك هنا و دخلتى ازاى و امتى ؟

.

بكت و انتحبت موضحه :

_ جيت امضى منك اوراق لقيتك بتشدنى جامد لاوضه النوم ، و مقدرتش اقاومك .

صاح فارس بغضب و حده رهيبه :

_ نعم يا ختى ؟ ده انتى موتك هيكون على ايدى انهارده .

تصنعت البكاء و الضعف هاتفه :

_ يعنى انت تعمل عملتك و عايز تحاسبنى انى مقدرتش عليك و انت سكران بقوتك دى ؟

نظر لها بقسوه و سألها بمكر :

_ يعنى انا نمت معاكى بالعافيه يا عاليا ؟

اجابت ببكاء مصطنع :

_ ايوه

ابتسم لها و هتف بدهاء :

_ ماشى يا حبيبتى ، يبقى لازم اصلح الغلط ده .

شعرت بالفرحه و هتفت متلهفه تسأله بفضول :

_ هتتجوزنى ؟

اومأ بابتسامه مؤكدا :

_ اكيد ... يلا قومى البسى هدومك خلينى الحق اشوف اللى ورايا .

خرجت عاليا من منزله و هى تشعر بالانتصار فخطتها قد نجحت اما عن فارس فقد جلس يعتصر راسه فهو يعلم تمام العلم انه ليس بسكير و لكن الامر لا يمنع من كأس او اثنين لزوم المرح و أن من معه كانت عاهره من عاهراته .

امسك هاتفه و اتصل برجاله متحدثا بصرامه :

_ البت اللى كانت معايا امبارح تكون عندى فى ظرف نص ساعه .

رد زين بطاعه :

_ اوامرك يا باشا .

سأله بتدقيق :

_ عاليا جت امبارح قبل البت دى ما تمشى و لا بعدها ؟

اجاب الطرف الاخر :

_ بعدها بدقايق يا باشا .

تحكم بانفاسه الغاضبه و هو يتمتم فى نفسه :

_ طبعا مش معقول تيجى و التانيه هنا و الا كنت هعرف !

انتظر لحظات حتى جاءت الفتاه و قام رجاله بتكبيلها و ضربها ضربا مبرحا حتى اعترفت بوضعها للمخدر فى مشروبه و اتاحه الفرصه لعاليا ان تدخل منزله .

جلس ليفكر كيف لها ان تدعى فقد عذريتها حتى تستدرجه لزواجها فانتابه الشك منها ليقرر الذهاب لمنزل عمته حتى يتقصى الامر .

جلس بهدوء ليجدها فى انتظاره على احر من الجمر و كانها تعلم فعلة ابنتها فهتف بحرج مصطنع :

_ عمتى انا مكسوف منك .

ابتسمت ماجده و سألته بحب :

_ ليه يا حبيبى ؟

فرد بخبث :

_ هى عاليا مقلتلكيش ؟

ادعت الحزن و اطرقت رأسها باسى مصطنع و هتفت :

_ قالت لى يا بنى ، و قالت لى انك ندمان و انك مكنتش فى وعيك و انك هتصلح غلطتك و تتجوزها .

فهم المخطط الذى يحاك عليه فقال بمكر و دهاء :

_ انا بس جايب معايا دكتوره تحت عشان تكشف عليها و اطمن انها كويسه احسن اكون اذتها و انا مش فى وعى خصوصا انها قالت لى انها كانت رافضه ! خايف اكون اتعافيت عليها .

ابتسمت ماجده بفرحه و هتفت بترحيب :

_ و ماله يا بنى ، طول عمرك راجل و ابن راجل .

دلفت الطبيبه للكشف لتخبر فارس :

_ مفيش اى آثار اعتداء .

سألها بحيره :

_ و يبان بعد ما عدى اربعه و عشرين ساعه ؟

اومأت معقبه

_ ايوه طبعا يبان ، على الاقل هيكون فى بواقى لل hymen ، لكن انا ملقتش اى حاجه .

علت ملامح الصدمه و جهه و سألها بدهشه :

_ يعنى هى مش Virgin ؟

اجابت الطبيبه بإيضاح :

_ لا

شعر بالغضب يكتسح كيانه من تلاعبها و تفريطها بنفسها و توعدها فى نفسه :

_ اه يا بنت الكلب ! بقا عايزه تلبسينى عامله غيرى و عمتى كمان مشتركه معاكى ؟ ماشى يا بنت حسن اما ربيتك من اول و جديد مبقاش انا فارس الفهد .

و اما عن عاليا و ماجده فكانتا فى قمه السعاده لنجاح مخططهما لتهتف الثانيه :

_ اهو كده خلصنا من المصيبه اللى انتى هببتيها و كمان هتتجوزى الراجل اللى طول عمرك بتحبيه و تحلمى بيه .

فسرت لها ابنتها بوقاحه :

_ المصيبه دى كانت و انا سكرانه يا مامى و حاجه من غير filling انما فارس ده العشق كله ، هو كان فاكرنى Virgin و بضحك عليه عشان اتجوزه و دلوقتى اكيد أتأكد انه هو المسؤل على اللى حصل .

مرت ايام و فارس يُحضر لزفاف صغير عباره عن عقد قران فقط فى حضور بعض افراد العائله و لكن عاليا اصرت على ارتداء فستان زفاف ابيض كبير و مطرز و على احدث صيحه .

مد فارس ساعده لها هاتفا :

_ هاتى بطاقتك عشان المأذون .

ناولته اياه فنظر لما ترتديه و قال بضيق :

_ كان كفايه فستان ضيق و بسيط ملوش لازمه الاڤوره دى .

ردت بمرح و هى تتعلق برقبته :

_ هو انا هتجوزك كل يوم ؟ ده اليوم اللى كنت بحلم بيه ، و بعدين احمد ربنا انى مصممتش اعمل فرح كبير .

ضحك فارس بسخريه و هتف :

_ ماشى يا ستى كتر خيرك .

بدأت مراسم عقد القران لتتفاجئ ماجده و عاليا بالصوره و الاسم الموضوع فى خانه الزوج ( زين بدر الصوفي) حارسه الخاص .

انتفضت عاليا من مكانها هاتفه ببكاء :

_ ايه يا فارس التهريج ده ؟

نظر لها بجمود و قسوه و هدر بحده :

_ بدارى فضيحه بنت عمتى و بجوزها راجل ظفر رجله برقبتها عشان يستر عليها .

لمعت عينها و شهقت ماجده باكيه و موبخه اياه :

_ انت تعمل عملتك و تلبسها للراجل بتاعك ؟

ضغط فارس على هاتفه فاخرج تسجيل صوتى لعاهرته و هى تعترف بالخطه الموضوعه من عاليا لتدافع عن نفسها ببرود :

_ ده مش اثبات ، انت اللى عملت كده و عايز تجوزنى الحارس بتاعك !

لم يتمالك نفسه امام اتهامها له بهذا الشكل فأمسكها من شعرها بعنف هادرا بها وسط توسلات دينا و ماجده لتركها و لكنه لم يهتم لاى منهما و صاح بفضب :

_ مين اللى عمل كده يا روح امك ؟ ده انا هفرمك انتى و هو و امك اللى مشتركه معاكى و معرفتش تربيكى .

ترجته دينا :

_ عشان خاطرى يا فارس سيبها هتموت فى ايدك .

رمقها بنظره حارقه و هتف :

_ يكون احسن على الاقل اغسل عارها اللى لبسته للعيله .

نظر لها بعد ان استطاعت الهروب من حصار يده و توارت خلف والدتها بخوف و قال بصياح :

_ اوعى تكونى فاكره عشان ما حطيتى مخدر انا هيخيل عليا الفيلم الهابط ده .... لانى و بكل بساطه يا بنت الحسب و النسب مشربتش غير كاس واحد عشان مليش فى الشرب و ده مكانش كفايه انه يخدرنى بالشكل ده .

نظر للمأذون بحده و هتف بصيغه آمره :

_ اكتب يا شيخ ، اكتب الكتاب خلينا نخلص من الليله النجسه دى .

تحدث المأذون بتخوف :

_ الشرع لازم موافقتها يا بيه ، انا مقدرش اخالف شرع ربنا .

هدر فارس بعصبيه :

_ و مين قالك انه هيلمسها ؟ زين انضف من انه يوسخ ايده بالنجاسه دى ، بس انا مضطر اعمل كده عشان دى لحمى .

اعترضت صارخه بالرفض فصاح مراد بغضب :

_ عدى ليلتك يا عاليا خلى اليوم يعدى من غير دم ، لانى مش شايف قدامى و مستعد ادبحك على عملتك دى .

و بالفعل تتزوج بزين يومين فقط و بعدها يطلقها و يقرر فارس بارسالها لامريكا للمكوث هناك و العمل باحد المكاتب الترويجيه لشركاته الموجوده بلوس انچلوس و من يومها و قد توقف تماما عن الخمر و المسكرات بكافه انواعها حتى التدخين بسبب ممارسته للرياضه فقليلا ما يُشعل سيجارا فاخرا على اوقات متباعده  .

عاد من شروده و ذكرياته محدثا نفسه بحيره :

_ اعمل ايه ؟ اقول لمازن ياخد باله منها ، و لا اتصرف انا بمعرفتى ؟

تتنهد بالم و اضاف :

_ انا فى ايه و لا فى ايه بس يا ربى مش كفايه عليا ياسمين و اللى هى فيه ؟ احسن حاجه اكلم الدكتوره دينا هى اكيد هتعرف تتصرف مع بنتها .

~~~~~~~~~~~~~~~~~~~~~

استيقظ صباحا و قد وجدها غادرت فتنفس الصعداء و لكن ليس قبل ان حبس انفاسه قليلا و استجمع شجاعته و قام باخبار زوجة عمه عما دار لتشعر الاخرى بالخزى و تقرر منعها من الخروج نهائيا حتى تبت فى امرها .

اما هو فقد ارتدى ملابسه و توجه للمشفى للاطمئنان عليها قبيل توجهه للشركه فتفاجئ بوجود كل من زوجة عمها هدى و عمتها برفقتها .

دلف ببسمه هادئه ملقيا :

السلام عليكم يا جماعه .

رحبت به هدى بحفاوه :

_ يا اهلا يا اهلا يا فارس باشا ، اتفضل .

حاولت الاعتدال بجسدها و تغطيه قدمها المجبره حتى بدايه فخذها فكان جزءا من جسدها ظاهرا فابتسم و اقترب منها هاتفا بنبره مثيره :

_ عامله ايه انهارده ؟

ادارت وجهها عنه و لكنها اعادت وجهها عندما سمعته يتحدث بجرأه مع عمتها و زوجة عمها :

_ معلش يا جماعه ممكن تسيبونا لوحدنا شويه ؟

لم تمانع هدى على الاطلاق بالرغم من رفض ياسمين و لكنها سحبت عمتها و خرجت تجلس بالاستراحه فاغلق وراءهما الباب و قال بمزاح :

_ ده الدكتور مراد عاملك استثناء جامد اوى لانه مش بيسمح بمرافق .

رمقته بنظره مغلوله و ظلت صامته فسحب مقعدا و اقترب منها و جلس امامها و قال بضيق :

_ هتفضلى ساكته ؟

ردت عليه بوجوم :

_ مش ناوى تسيبنى فى حالى مش كده ؟

مسح وجهه و لحيته و تنفس بهدوء هاتفا بصوت مختنق :

_ بحبك و عايزك .

رفضت اعترافه هاتفه :

_ انت مبتحبش الا نفسك ، و غرورك هو اللى بيحركك و مش عايز تسيبنى عشان متخيل انك تقدر تملك كل حاجه ... بس لحد عندى و ده بعدك .

اشتاط غيظا منها و هدر بغضب :

_ ليه كل ما احاول ابقا هادى بتعصبينى ؟ فى واحده عاقله ترد على واحد بيقول لها بحبك بالكلام ده ؟

اومأت متسائله

_ مش دى الحقيقه ؟

اجابها بغصه مؤلمه :

_ دى الحقيقه اللى انتى عايزه تشوفيها ، انا عمرى ما قلت بحبك لاى واحده فى حياتى قبل كده ... بس انتى عقلك مش مريحك .

ردت عليه بضعف راجيه :

_ لو بتحبنى زى ما بتقول .... سيبنى فى حالى و ابعد عنى .

قوس فمه و تمتم بداخله معترضا :

_ مش قادر ابعد ... مش قادر .

و لكنه ارتدى قناع الصرامه الذى يجيده حتى لا يظهر امامها ضعيف الى هذا الحد فقال بقسوة

_ هسيبك لما اخد اللى انا عاوزه ... غير كده تضييع وقت و مجهود منك يا ياسمين .

2

وقف مهندما سترته و تحدث بهدوء عكس نيرانه المشتعله :

_ طبعا غيابك عن الشغل عطل حاجات كتير فانا مضطر اسافر اسبوع لچينيڤ عشان اجهز للمعرض و هطمن عليكى من مازن .

شعرت بالغيره تندلع بداخلها فور ذكره الامر لتسأله بتلقائيه :

_ هتاخد كارما معاك ؟

ابتسم لشعوره بغيرتها و رد محفزا :

_ احتمال ... مش عارف لسه .

ابتلعت لعابها و اطرقت رأسها فاقترب منها دون ان تدرك لتتفاجئ بقبله و قد طبعها اعلى رأسها قائلا بهمس :

_ لو اخدت كارما الشغل هيقف ، انا مسافر لوحدى يا سلطانه .

صمت عندما شعر بضربات قلبها و قد علت و قال و هو يستعد للمغادره :

_ اول ما ارجع هنكتب الكتاب و نعمل الفرح على طول .

غادر و تركها فى حيرتها من امره و تصرفاته المتناقضه و الغير مفهومه لتفسر الامر بانه يتصرف هكذا حتى يشتتها و يجعلها ترضى بذلك الاتفاق المهين الذى عرضه عليها .

~~~~~~~~~~~~~~~~~~~~~~

مر اسبوعين و خرجت ياسمين اخيرا من المشفى و ظلت بالمنزل وسط زيارات اهلها لها و بالاخص شادى الذى تكررت زياراته اكثر من مره .

جلس معها بالغرفه هاتفا بحزن :

_ انا سايبك مش راضى اتكلم معاكى فى حاجه عشان عارف انك تعبانه ، بس اظن من حقى اعرف ايه حكايه فارس ده ؟

لمعت عينها على الفور من مجرد سيرته فقد افتقدته كثيرا و لولا انه اخبرها بسفره لظنت انه قد تناسى امرها تماما .

هتفت بتردد :

_ مفيش حكايه و لا حاجه ، واحد اتقدم للجواز و انا رفضته زيه زى اى عريس يعنى .

لم يبتاع ردها فهتف بعدم تصديق :

_ و لما هى الحكايه كده ، ليه بيتكلم بالثقه دى و كانه متاكد انك هتوافقى و بحسه بيلمح ان فى حاجه بينكم .

صاحت ياسمين بحده :

_ كنت شوفتنى وافقت ؟ و هو لو فى....انا حرفضه ليه يعنى بذكائك ؟ و بعدين انت بتاخد كلام طنط هدى امر مسلم بيه و كأنك مش عارفها كويس ! كل الحكايه انه غروره صور له انه ميترفضش .

رد شادى بإستعطاف :

_ يعنى اطمن ؟

اجابت بجديه موضحه :

_ يا شادى خلينا صرحه مع بعض ، انا مش قادره اشوفك غير اخ و مع ذلك موافقه على الخطوبه بس بشرط .

3

ابتسم بفرحه و اكد :

_ شروطك اوامر .

هتفت مفسره :

_ الخطوبه هتبقى تجربه ، يعنى مش ارتباط حقيقى و التزام بينا و اذا مشاعرى اتغيرت ناحيتك و قدرت اشوفك فى صوره غير صوره الاخ دى يبقى هنكمل عادى ! مقدرتش يبقى كل واحد يروح لحاله من غير زعل و لا مشاكل فى العيله ، ها موافق ؟

قاده غروره انه يستطيع تغيير ما بداخلها فوافق بفرحه عامره :

_ موافق جدا طبعا و انا هعرف ازاى اخليكى تحبينى ؟

زفرت بفروغ صبر هاتفه :

_ خلاص يبقى اتفق مع عمامى ان الخطوبه اول ما افك الجبس .

~~~~~~~~~~~~~~~~~