رواية عودة عاشق الفصل التاسع عشر 19 بقلم منة الله الجزار
اهلا بكم في مدونة مكتبة حواء نقرأ لكم ونكتب من اجلكم
ـــــ
في الصبح
مراد كان فايق وواقف في البلكونة وبيشرب قهوة بس دماغه مشغولة باللي عرفه امبارح.
بشرود.. لازم أعرف مكانك فين يا خوي؟
جات بنوتة باين عليها أصغر منه بيجي 6 سنين حطت إيدها على كتفه اتخض.
البنت رجعت لورا بخضة.. في إيه؟
مراد بصلها.. بغضب.. خضتيني الناس بتقول السلام عليكم أو تحمحم أما إنتي بتدخلي كديه على طول خضتيني.
البنت بحب.. سلامتك من الخضة يا سي مراد.
مراد بضيق ونفخ.. عاوزة إيه؟
البنت.. بابتسامة.. جبت ليك وأكل خابرة زين إنك بتحب الفطير المشلتت جبته ليك وجبت عسل وجبنة قديمة كيف ما بتحب.
مراد غمض عينه بضيق.. بقولك إيه الحركات دي مش هتنفع معايا زين روحي العبيها على حد تاني لأن قلبي مع واحدة تانية ومش هيشوف غيرها فاهمني زين.
مراد كان بيتكلم وبيشاور على قلبه وبعد ما خلص كلامه سابها ومشى.
البنت بصت عليه بغضب.. قلبك ليا يا ود عمي ومش هسيبه للبت المايصة دي حتى لو كان التمن قلبك.
فضلت تبص على أثره.
ـــــ
مراد طلع فوق وبقى ينفخ بضيق.
كان معدي على أوضة أمه دخل يشوفها عاملة إيه؟
دخل واتصدم.
عند هند
دخلت أوضة جليلة ولقتها نايمة بصلتها بشر وغضب.. طبعاً نايمة ولا همك حاجة ما المحروس بتاعك رجع بس أني مش هخليكي تفرحي يا جليلة وهندمك إنتي وولدك لازم تموتي يا جليلة لازم.
ومسكت المخدة من جانبها وبصلتها بخبث وضحكت شر.. مع السلامة يا ضرتي ولدك محتاجك هناك.
وقربت تحطها على نفسها بس مرة واحدة الباب اتفتح ودخل مراد.
مراد بصدمة.. إنتي بتعملي إيه؟
هند برعب رمت المخدة من إيديها في الأرض وبقى جسمها كله بيترعش وفي سرها.. إنت بتطلعلي منين كيف العفاريت.
هند بتوتر ورعب.. بس بسم الله الرحمن الرحيم خضتني يا ولدي.
مراد قرب منها بشر.. سألتك سؤال ودي مش إجابته بتعملي إيه في أوضة أمي وكنتي ماسكة المخدة ليه؟
هند برعب.. أصل أصل يا ولدي كنت آه كنت عاوزاها تصحى عشان تاكل وتاخد علاجها دايماً ظالمني يا ولدي.
واتصنعت الزعل.
مراد برفع حاجب.. مرات أبوي الجو اللي عملتيه ده ما كلش معايا بربع جنيه أني خابرك زين يا مرات أبوي يمكن أني أكتر واحد خابرك هنا في البيت ده إنتي كيف الحية والحية عمرها ما كانت بتحب الخير لحد.
راح قعد على كرسي وحط رجل على رجل واتكلم بغرور.. خابرك زين قوي وخابر كنتي بتعملي إيه من شوية.
هند كأن في جردل مية ساقعة اترمى عليها وبدأ جسمها يترعش..
مراد بابتسامة سخرية.. مفكرني معرفش إيه اللي بيحصل في البيت هنا وعاوز أقولك حاجة طول وأني مسافر كنت خابر زين اللي بيحصل هنا والأدوية الغلط اللي كانت أمي بتاخدها برضو عشان ما تقومش وتفضل عيانة وإنتي تفضلي ست البيت ده بس خلاص كل ده راح وأني محدش هيخلصك من تحت إيدي وما تفكريش مجرد تفكير إن أبوكي هيحميكي بعد ما يعرف مين حرق محصول القطن وهو أصلاً ما اتحرقش ومتخزن في مخازن تحبي يا مرات أبوي أقولك فين مكان المخازن دي؟
هند نزلت على رجل مراد تبوس فيها.. برعب.. أحب على رجلك ما تقولش لأبوك حاجة أبوك مش بعيدة يطلقني أني مليش حد.
مراد بعدها عنه بجمود.. ابعدي عني يا مرات أبوي إنتي اللي بدأتي ولعبتي بالنار ومعرفتيش مين اللي إنتي واقعة معاه حسابك قرب وأول ما أبوي يقوم بالسلامة أول واحد هيطردك من البيت لا من البلد كلها هو أبوي وأني هشرف على خروجك من البلد بخروج ما نعملش قبله ولا بعده.
وقام وسابها... هند كانت واقعة في الأرض ومرعوبة منه وفي سرها.. كيف خابر كل ده؟
مراد بجمود.. بلاويكي كلها عندي يا مرات أبوي وكمان.. نزل لمستواها.. واتكلم بفحيح الأفاعي.. حكاية الساعي كمان خابرها.
هند فتحت عيونها بصدمة وبصلته برعب شديد وكانت بتعيط..
مراد.. أيامك في البلد دي بقت معدودة يا مرات أبوي.
وراح صحى جليلة.. قومي يا ما ننزل نفطر مع بعض تحت.
جليلة.. سندت عليه وأخدها ونزل وهو بيبص على هند بشر.
هند.. برعب قعدت تلطم على وشها وجسمها.. يا لهوي يا لهوي ده عارف السر القديم ده لو جاسر عرف بيه مش بعيدة إنه يطخني قدام البلد كلها إزاي حية زي مراد عرف بالسر ده يا لهوي.. لازم أخلص من مراد بأي طريقة.. زي ما خلصت من كايا قبل كديه.
كانت بتتكلم بشر ورعب من إن مراد ممكن يكشفها من غير ما يرف ليه جفن.. ده قتل اللي قربوا على أبوه أني اللي غلطت لما دخلت وكر الأفاعي ده وفكرت نفسي كيفهم وهقدر عليهم بس طلع مراد غير الكل ده أنجس واحد فيهم كنت مفكراه غلبان بس طلعت أني اللي غلبانة مراد لازم أخلص من مراد.
وصلتها رسالة من رقم مجهول...
"أنا عارف إنك بتكرهي عيلة العزايزي وعارف إنك داخلة عشان تنتقمي منهم على اللي عملوه فيكي زمان وأنا كمان بكرههم وعدو العدو صديق لو عاوزة تخلصي منهم وأولهم مراد حطي إيدك في إيدي"
هند بصدمة.. ده طلع في حد بيكرههم كمان وبعدين ابتسمت بشر وبعتت..
"وأني إيه ضامن لي إنك مش تبع مراد"
دقيقة ورسالة وصلت ليها...
"لو تبع مراد هقولك حطي إيدك في إيدي نخلص منه إنتي بجد طيبة وخلاص قدام مش مصدقاني خليكي وخلي مراد يفضحك في البلد وغير كدا أنا معايا أدلة ضدك لو وصلت لمراد وقتها هيعرف السر ورا موت أخوه وأكيد إنتي عارفة كويس إنه لو عرف كدا هيخليكي تتمني الموت ولا تطوليه فكري كويس"
هند برعب.. "خلاص موافقة بس أهم حاجة نخلص من مراد قريب"
رد عليها.. بشر.. "هنخلص منه قريب ما تخافيش وأنا هدمره بس أهم حاجة ما تخليش مراد يرجع القاهرة الفترة دي"
هند برعب.. "إنت عاوز إنه يفضل هنا يرعب فيا"
رد بسخرية.. "مراد ما بيخوفش لدرجة دي؟"
هند برعب... "متأكد ده أني بقيت بحلم بيه وحاسة إنه كابوس على قلبي"
رد بجدية.. المهم زي ما قولتلك مراد ما يرجعش القاهرة الفترة دي لحد ما أقولك شغلي دماغك وخليه موجود.
هند.. طيب.
عنده هناك.
قفل الفون وابتسم بشر.
ـــــ
بعد أسبوع
عند مايا...
مراد بعت ليها البنت الصغيرة تقعد معاها كانت بتروح تزور مامتها كل يوم وطبعاً كان معاها حسناء ومازن اللي ما سابوهاش لوحدها دقيقة كانت جميلة لسه في الغيبوبة وكمال كان بيعمل إنه البطل المغوار اللي مش بيسيب مايا لوحدها وكل يوم كان بيتحج بالشغل عشان يتكلم معاها ويعرف منها آخر أخبار مراد، أما عند مراد
كانت شربات بنت عمه بتحاول تتقرب منه كتير بس هو كان بيصدها وهند اتعدلت معاهم بس عشان تأمن شر مراد ومراد كان بيروح لجاسر المستشفى يطمن عليه.
مر أسبوع عادي من غير أي أحداث جديدة لحد ما في يوم الكل صحي على خبر إن مراد مات.... ويتبع.
عاوزة رأيكم في البارت ويا ترى مراد ولا كمال اللي كان بيكلم هند ولا حد تاني مثلاً زي كايا.
تفاعل يا جدعان.
عشان الدنيا هتولع نااار.
رأيكم نكمل جزء تاني ولا إيه؟
العشرين من هنا
