رواية نوائب شام الفصل السابع عشر 17 بقلم الكاتبة ايلول
لما تلويني الدنيا أريدچ
لو بيدي أرد وكتچ و أعيدچ
أنمدتلي غير چفوف هوايَ
بَس عيبهن ما بيهن إيدچ !
""""""""""""""""""""""
174
شــام :: رجعت ليورا ارجف وسطل الماي بأيدي اباوع للنار صعدت على الكهرباء ورويده تخبلت ملخت روحها بس تريد المفاتيح من ايد افاطم لطمت على وجهه تصيح
76
- شنو فرقج عنها شنووو؟ نفسها تصيرين نفسها اخوواني ما الهم ذنب منسه وحسن اطفااال جيبي المفتاح جيبي افاااطم اصحي
82
بجت أفاطم شمرت المفاتيح وكعدت بالگاع على اركبها تصرخ وتبجي ورويده تركض شالت المفاتيح تريد تفتح الباب والنار گابة
احتركن اديها وتجبر نفسها تتحمل الوجع دفعت الباب حيل وطلعت النار بوجهنا صرخت رويــده وهي ترجع ليورا مغمضة وتصرخ بكل صوتها
30
- عيوووني عيوني
423
اركض وراها بس اريد الزمها وسجود شمرت الجهال بالصالة يكحون ويبجون وركضت ببطانية تطفي بالباب هي وزهراء لزمت رويــده بس اريد اشوف عيونها وهي تصرخ وتصيح
39
- هجــام لا ينزل هجــام .
68
- رويــده
47
شــام :: شهكت والتفتت على صوته ورويده كتمت صرخاتها ووكفت ترجف ماتگدر تفتح عيونها حواجبها ورموشها محتركات ووجهه احمررر
319
دار عينه للباب سجود تلهث هستوها مطفيه النار والدخان گاب وزهراء تغلط وتسب والجهال وافاطم يبجون عفت رويــده وركضتله رأسًا ابتعد عاكد حاجبه ويحجي بوجع
25
- رويــده
15
ورويده رافعه أيديها وتمشي تريد توصل اله ماتكدر تفتح عيونها خطوة مشه وصيح بوجع رجليه مايكدر يحركهن عيونه صارن دم طاح بالگاع أيده على أركبه ورويده تصيح
47
- ما بيه شي والله مابيه شي
10
- تعالي تعالي نار تعالي
105
سحبتها من أيدها كعدت يمه حضنته تبجي وهو يشمها بشوغة روحه رايحة ركضت سجود للمطبخ طلعت وبأيدها سجينة تركض على أفاطم تخبلت لزمتها وهي تدفعني وتصيح على أفاطم
90
- اذبحج واشرب من دمج مجرررمه مسودنه تردين تحركينه
- بس كااافي سجود سدي حلكج
12
التفتت عليها سجود تريد تغلط ومن لمحت هجــام سكتت مخنزره وجهه متروس صخام كعدت يم جهالها تسكت بيهم وهجام متخبل على رويــده فتحت عيونها حمر دم ووجهه من لاحته النار صار مطكع گالها
133
-كومي روحي للمستشفى
2
- مابيه شي هسه اخلي عصارة انتَ بس اصعد الغرفتك تگدر ؟
9
هز راسه لا
-رجلي
77
-شــام تساعدك
35
رفع راسه باوعلي مسحت دموعي واجيت يمه رويــده عيونها يدمعن كوه فاتحتهن دنكت اساعده مصدومة هاي أكثر من مره انتيهه فجأة عبالك ينشل مايكدر يتحرك خله أيده على كتفي ورويده لازمته من ايده الثانية بالكوه يحرك رجله يسحل بيها سحل صعدته الدرج واتلفت ليورا على رويــده الكعدت كدام أفاطم حاضنتها ولمحت عمو حسين دخل زادت دكات گـــلبي بخوف
63
تمدد هجــام بفراشة مغمض عيونه بقوة مديت ايدي امسح على حواجبة همس
2
- غطيني شومه
297
سحبت الغطاء عليه
1
- اجيبلك علاجك ؟
3
هز راسه لا
- شوفي رويــده روحـــي يمها احتركت
16
- مابيها شي لا تخاف بس لهيب النار ما احتركت
92
خله أيده على اذنه ويضغط راسه على المخده قوي خليت ايدي فوك ايده خايفة
5
- روحـــي شــام روحـــي
43
كمت بسرعة وهو كام على حيله اباوع الايده رجفت تنشمر بطريقة غريبة صيح بوجع ضرب الحايط واني ارجع خطوة خطوة ليورا خايفه اجه بسرعة طلعني من الغرفة وقفلها اسمع بس صياحة وكلبي رايح
197
صعدت رويــده تركض وجهه عليه عصارة وعيونها كوه فاتحتهن بجيت رأسًا واني اكلها
7
- والله ما سألت ولا حجيت شي !
60
عبرتني دكت على الباب بأيدها المحتركة
3
- هجــام حبيبي
8
ضرب الباب يصيح
- انزلوا انزلوا
36
- ليش هيج ليش مابيه شي اني لا تخاف
12
- احتركتي
52
بجت رويــده محتارة. اباوع خياله يم الباب صار حجه بهدوء
1
- رويــده
12
- يا روح رويــده ونظر عينها يا كل دنيتها
144
- خليني اطردهم
136
- مو هسه بس خلي ترجعلك صحتك كامله ومحد يگدر يتهمك بالجنون نطردهم
32
- جاي تتأذن انا ادري
36
- لا لا محد يگدر يأذيني يخافون من عندك
4
- مو احتركتي
2
- لا والله شوف أفاطم خطيه بعدها مصدومة بوفاة رسول وهيه حركت غرفة سجود واني فتحت الباب وصارت النار بوجهي والله العظيم محد حاركني أفتح الباب شوفني كلشي مابيه
12
- روحـــي رويــده روحـــي
56
- زين اروح بس فدوه لا تأذي نفسك من ينجرح جسمك گـــلبي الينوجع
46
التفتت رويــده تباوعلي وهو ساكت وكفت ترجف مدت أيدها تستند عليَ وبجت بخنك اخذتها للمخزن كعدت وتبجي
2
- فدوه لا تبجين مو زين على عيــونج
13
- عساهن بالعمى تعبـــت تعبـــت ولاول مره استسلم وأتمنى الموت شنو ذنبي اركض ورا ايتام حتى احميهم هو انا يتيمه واريد احد يحميني
466
رجفت شفتي اباوعلها بقهر وهي مفرفحة تحجي بحركة
4
- ماكدرت احمي أفاطم ملخها ابوي ولج يخنگها اسحل بيه منها يگلي انا اريد اموتها شلون تحرك جهالي جا احنا مو بنااااتك مو من لحمك ودمك ليش هيج شنو ذنبنا ابتلينا بأبو گلبه اقسى من الحجر
118
- وينها هسه أفاطم
- بالغرفة كتلها اقفلي الباب هسه اجيج
5
- ما ادري شلون اخفف عنج
6
حجيتها وبجيت سحبتني الصدرها مختنكة ثنينا نبجي
5
- الله موجود الله موجود اله بيها حكمه والا شنو الغايه من وجود كل شخص يتيم برگبتي يعرف قدرة صبري وتحملي عزلهم من الدنيا كلها وجابهم الي
213
- لان رب العالمين يعرف شكد قوية وتگدرين تحمينا
25
- شي واحد أتمناه ترجع الهجام صحته اااخ يا شــام ااخ لو يرجع مثل ما جان اشتاقيت والله اشتاقيت اتدلل عليه اشتاقيت اطلب وهو ينفذ اشتاقيت يحميني مو انا الاحميه اشتاقيت لسوالفة وضحكتة يرجع تعبان من شغلة يسبح وينزل يمنا يضحك ويشاقي ما يفوت يوم اذا ما اجه الغرفتنه وضحكنه ، اشتاقيت اصيحله هجــام ويگول يا كل هله مثل ما جان يجاوبني اني اشتاقيت حتى للمرض لان هو الجان يسهر الليل على راسي ما يخلي امي تدير بالها علي يگلها انا أبقى وانتِ روحـــي نامي والله اصير زينه وما اكوم من الفراش لان احب اهتمامه وهو ما تغمض عينه وتغفى للصبح
381
- رويــده شنو الغيره ليش هيج صار
7
- حظه اعوج دوم مشلوع گلبه السبب الرئيسي سجود
55
- خايفة أسأل
4
- مو كلشي اكدر اجاوبه
4
- زين سؤال واحد هجــام داخل سجن لو مصحه ؟
14
- ثنينهم
105
بلعت ريك كعدت على حيلي ارجف وهي تجاوب بتردد وحيرة
1
- كم سنة
1
- سجن ثلاثة ومصحه سنه وبعدين اشهر
219
- اخر سؤال اخر شي ما راح اسأل بعد ، هجام ليش تقبلني ؟
كلتوا مستحيل يقبل احد يعيش وياه بالطابق الثاني حتى انتن اخواته مو يمه ليش وافق على وجودي ، اكو شي غريب من هجــام تجاهي اني حبيته بجنون بس هو حبه الي غريب ، ما اريد اسأل منو ملاك ووينها لان نفس كل مره تصير مصيبة من اجيب اسمها بسالفة بس جاوبيني على هالسؤال شفت صور الطفلة عيونها نفس لون عيوني
هجــام يتذكرها بيه ما يحبني ؟؟ صح مو ؟
102
غمضت عيونها بحسرة رفعت أيدها الخدي
- هجــام يحبج بدون سبب والله ، اول مره يگول احب اول مره يگول على بنيه اعشگها لا تحكمين على هجــام بسبب مرضة وحالته اني اريده يصير زين ويكعد ويسولفلج كلشي عاشه ما اريد احجيلج انا وتظلمينه مثل ما كل هالكون ظلمة وحتى احنا اقرب شي اله .
82
- يعني أبقى على عمى عيوني لشوكت ؟ جاي احس بغرابة وياه اكو غلط بالموضوع ما ادري احس بينا شي أكبر احسه شايفني شخص ثاني رويــده
39
- لا ماشايفج شخص ثاني بطلي هالتفكير ، شــام هجــام يعرفج من زمان
1.8K
فتحت عيوني على وسعهن بصدمة وهي ارتبكت رأسًا كالت
- كلتي اخر سؤال
50
- منين يعرفني يعني ؟
4
- وانتِ طفلة اجيتوا يمنا
302
- ويعني قصدج يحبني من هذاك الوكت ؟
8
- لا لا نهائيًا فهمتيني غلط ، أصلًا ناسيج بس انتِ تكولين شلون تقبلني ذكرته بيج لهذا السبب قبل تبقين بالطابق الثاني هيج قصدي .
159
- اني ما اتذكر اي شي
1
- طبعًا طفلة يمكن عمرج أربعة او ثلاثة
20
- يعني قبل لا ابوية يموت ؟
547
- تعالي ننزل يم أفاطم
101
وكفت واني وكفت وياها مسحت دموعي ونزلت لكينا زوجة عمو حيدر كاعده وسجود تشكيلها وتحجي على افاطم وبس نزلنا أشرت على رويــده وهي تگلها
9
- محد مخبلهن علينا غير هاي الچلبة
124
وزوجة عمو حيدر باوعت بقرف وهي تگول
- ومجتبى مچلب يريدها لو تبقى اخر وحده بالكون ما اخذها اله
133
رويــده :: شدعوه عاد لكيتيني كاتله روحـــي عليه
61
- صاح بيدج هسه هوه
74
- هههه اكصه واشمرها للچلب ايد اليصح بيها واحد مثل مجتبى
114
- خاب ترحين فدوه لطوله ولج انتِ بحلاته بشهامتة مو اكوم افرك حلگج
344
- واضح من كد الشهامة گالي اوكفلج انا ابن عمج ما ساومني حتى يساعدني كلش واضح
85
شــام :: مصدومة برويده وهي ابد ما سكتت ترد عليهن فرفحتهن
دكينا الباب على أفاطم فتحته ودخلنا يمها رجعت تمددت ساكتة وجهه مورم من الضرب ورويده اطراف اصابعها محتركة ورموشها وحواجبها ووجهه بدت تبين اثار الحرك بيه
115
بقينا شوية سوا ونسحبت صعدت فوك فتت للمخزن وفتحت الباب اباوع لباب غرفتة واگول النفسي طردج لا ترجعين لا ترحين فتحت كتبي اريد ارجع ادرس ما بقى شي وأوصل اصعب شي مر عليَ من احتار بمسئلة وماعندي طريقة لحلها
136
حاولت وحاولت سديت الكتاب وكمت ما جاي اكدر بجيت مختنگة ليش هيج ماخذ كل تفكيري ليش ماكدر أصير مثل رويــده وما ارجعله كل شوية ، وارجع اقنع بنفسي هجــام يختلف هجــام مريض ومو بأيده
86
لكيت رجلي ياخذني اله بخطوات متردده وخايفة يطلع بعده قافل الباب بهدوء حركت المقبض مغمضة عيني مرتبكة نفتح دفعته على كيف بلعت ريك بخوف رويــده ترتب وهو يكسر الغرفة المفروض تنشال وتنذب بالزبالة متكسرة كلها افترن عيوني يدورن عليه
139
لمحته بصف الچرباية من جهة الشباك نايم على ظهرة بالگاع بس لو افهم ليش يعوف الچرباية وينام على الگاع وبدون تشيرت وبعز البرد
432
سديت الباب وراي وفتتت كعدت على اركبي گدامة باوعت الايده المادها متروسة جروح انا جرح ايدي بدأ يطيب وهو جرحه يلتهب
باوعت للوشوم التارسة زنده ورجعت اباوع لوجهه غاط بالنوم ما حاس عليَ
60
مديت أيدي على الجرباية جريت الغطاء غطيته وتقربت اغطي رجليه ابتسمت اباوع لبياضهن ونظافتهن غطيته وتمددت بصفة بس اباوعلة شنو الوصلك الهالحال شنو الصار وياك شوكت تحجيلي .
461
رفعت راسي من الگاع واني متمدده تقربت بهدوء خليت راسي على أيده رأسًا فز باوعلي عاكد حاجبه ردت إبتعد لف أيده وهو يسأل
291
-شــام ؟ بيج شي ؟
68
هزيت راسي لا نگلب صار مقابيلي ومد ايده على الغطاء غطاني وياه يباوع لوجهي
17
- كومي نامي على الچرباية ظهرج يوجعج من الگاع
41
- وانتَ ظهرك ما يوجعك ؟
65
رفع ايده على خدي غمضت گـــلبي يدك حيل شكد دافية
37
- انا متعود
17
- اني هم متعوده انام بالگاع
16
- بس مو بدون فراش ، صعدي نامي على الچرباية ترتاحين
33
عيونه تتنقل بين ملامحي وايده تتحسس بشرتي بهدوء ودفوا غمضت سحبني اكثر اله الحد ما وصلت الصدرة حضني حيل واني ايدي مخليتهن بحضني غطاني عدل
300
- شومه
96
- هممم
24
- بارده عليج .
37
- وعليك هم
50
كعد على حيله شال الغطاء شمره على الجرباية كعدت اني هم اسحب بالدشداشه على رجلي باوعلهن مديت ايدي اضم الشك ملابس لان صايرات قديمات كلهن بيهن شك لو فتك باوع باستغراب غطيته بسرعة مانعته يشوف ورفعت عيوني اباوعله سكت عدل المخده واجه يمي سحبني من ايدي
888
- تعالي شــام
13
سحبني للجرباية تمددت وسحب الغطاء عليَ نمت على جهه اباوعله وهو كاعد بصف الچرباية. يباوع لوجهي
16
- نامي
22
- ما نعسانة
2
- جا ليش اجيتي هنا ؟
37
- ردت اشوفك
27
هز راسه موافق نباوع بوجهه بعض ساكتين تحسر ورجع سند ظهره على الحايط بصفي ويباوع گبل بقيت اباوعله ساكته دقايق بقى وبدون مقدمات تقدم وخر شعري من خدي وباسم خدي بحسرة اكثر من بوسة وكصتي وعيوني لزم وجهي بين ايديه
198
- تعبـــت وانا اجبر روحـــي على البعد
150
خليت ايدي فوك ايده صوتي رايح
- لا تبتعد
64
- لازم لازم
18
- احجيلي كلشي ونواجهه سوا
25
- لا تسألين
9
- تمام تمام ما اسأل ما اريد اعرف شي بس شي واحد راح اموت من التفكير بيه
53
حجيتها ونزلن دموعي مسحهن رأسًا بلعت ريك خايفة
- تحبني لان أذكرك بأحد ؟
150
هز راسه لا ويباوع لداخل عيوني غمضت عصر وجهي بين كفوف ايده
- لا تغمضين لا شــام تعذبيني
145
- ليش ليشش تحب بس عيوني مو ؟
86
فتحت ابجي هز راسه لا ودنك باس شفتي مابادلته ولا حسيت بشي باس خدي وباس عيوني بهدوء يهمس
1.1K
-اعشگنج كلج مو شكل اانا اعشگ روحج اسمج صوتج خوفج وامانج يمي
512
بجيت بصوت مچلبه بأيده وشفتي ترجف
- ما احس بيك ، حاستك شايفني مو شــام وحبيتني لسبب .
66
- شــام شنو التردينه ؟
57
- انتَ .
276
- الج .
1.3K
- مو الي انتَ ما تشاركني اي شي ابسط شي احاجيك عليه تگلي اطلعي برا تعبـــت
48
- انا اتعب ومخبل ومؤذي
49
- مو وياي مو وياي
2
- مو اذيتج !
6
- مره وما تنعاد .
17
- هههههه لا تراهنين على مجنــون
75
- بس لو تعوف هالكلمة بس لو تقتنع انتَ مو مجنــون واعقل من كل واحد بهالبيت
59
- ما تعرفين شي انتِ
21
- اذا تحجيلي راح اعرف
18
- مو هسه
14
- لشوكت والله تعبـــت
18
- ما اريد تعوفيني هسه اريد تبقين بأسمي الحد ما تعتمدين على نفسج وتصير شهادتج بأيدج حتى ما تحتاجيني
81
- وليش اعوفك كتلك معلي بالعشته قبلي ما اعوفك لأي سبب
42
- شــام انا قاتل
366
- اهوو رجع رجع منو خله هالفكرة براسك لا قاتل ولا شي
220
رجع ليورا سند ظهره على الحايط عصر رأسه قوي عبالك يتذكر شي عيونه غمضهن بقوة كعدت على حيلي متندمه لان حجيت وارجف كعدت كدامه
39
- هجــام هجــام
4
- مجرم انا مجرم
28
- اششش آسفه آسفه ما احجي شي بعد
53
ضرب أيده بالميز قوي فزيت رجعت ليورا باوعلي عيونه حمر يجر نفس بتعب وكفت على حيلي حفظته اطلع قبل ما يطردني درت وجهي طلعت من يمه ودموعي على خدي . التفتت للدرج صعدت رويــده وبأيدها صينية الاكل حاجتني عفتها ورحت للمخزن سديت الباب وتمددت ابجي عقلي تعب من التفكير قاتل منو وليش حالته هيج اجي يمه لو ابتعد يحميني لو يأذيني وين راح نوصل
285
بقيت بفراشي ميته قهر وابجي ساعة مرت ونفتح باب المخزن مدت راسها مبتسمه عيونها ورمن مسحت دموعي وكعدت دخلت كعدت يمي
5
رويــده :: ما قبل ياكل من وراج
107
- شمسويتله ؟
34
- ما ادري وتعارك وياي اني شعليه بله ؟
158
- رويــده تعبـــت عقلي راح يوكف شنو جاهل اني وهيج معيشيني بغموض والله تعبـــت
32
- شنو التردين تعرفينه
76
- منو ملاك ووينها وليش دخل سجن وليش دخل مصحة
32
- احجيليج بس اوعديني ما تفتحين الموضوع ويا هجــام يموت ترا رأسًا رجلي ينشلن
308
- ها وتحجيلي ليش فجأة رجلي تنشل
56
هزت راسها اي ورفعت ايدها تمسح دموعي تمددت على رجليها حاضنة روحـــي وهي تمسد على شعري ساكته
16
- رويــده احجي گـــلبي راح يوكف
38
رويــده :: تتذكرين من حجيتلج عن علاقة هجــام وامي شكد قوية وشكد يحبها بحيث قبل يخلي ابوي يعيش ببيته الخاطرها وهجام عاش بهذا الطابق بس حتى مايفارگ امي ، مايگدر بلياها ولا هي تگدر
86
ومن بدت تتمرض تخبل وهي من تشوفه خايف عليها تبقى تدلل عليه تحب هيج وبدت تلح عليه هجــام تزوج هجــام راح اموت واني ما شايفه جهالك اكلت گلبه وهو قافل الحد ما زعلت وبطلت لا تاخذ علاج لا تاكل جبرته وكالها سوي التردينه بس لا اوصل ولا اشوف البنيه
253
راحت امي وخطبت وعقدوا وهو ولا يباوع لوجهه البنيه ولا اله علاقه بيها بس اسمها ريم يعرفه وهاي هي لعقد المحكمة وتخبل من عرف بعمرها ١٦ انجن وتعارك ويا امي وامي ذبحته بالزعل بلعها وسكت وتزوج هجــام ريم صغيره وتغار من عندي ومن غــزل شلون يگول الغزل بابا تتخبل هو روحه من الدنيا غزل هو رباها تنام يمه من وهي طفلة بغرفتة يعشقها بجنون عبالك بنته مو اخته وهي اول ما بدت تنطق تگله ببه وتخبل عليها بس ريم تغار وتگله اني اخلف وجهالك گللهم بابا وهو ولا يهتم يتعارك وياها ينزل ينام يمنا اني وغزل بغرفتنا
412
وفاتت سنتين هم بدون جهال وامي رجعت تلح خلي ازوجك غيرها مايصيرون عدها جهال وهو قفل كالها صغيره ورطتيها وورطتيني ما اتزوج اذا الله راد يرزقنه واذا ما رادا هاي حكمته بعد بس طول هالفترة هم مشاكل هو يريد ترتيب ونظافة وهي تريد طلعه وونسه وضحك وسوالف ما توالموا وهو صابر وساكت لان يحس بتأنيب الضمير بزواجه منها
110
مشت الأيام بهالوكت هجــام عنده محلات مال كصاصبه ومحلات مأجرهن ابن خير واحنا مدللات والقرآن يا شــام جانت سجود تتحركن على لبسنا وامي اذا جابتلنا جابت الزهراء وياها وبيوم من الايام تخربطت ريم وعرفنا بيها حامل طار هجــام من الفرح وكلنا فرحنا بلكي تتعدل علاقته بريم وتبطل مشاكل بس نفس الحال أصلًا كام ما يصعد فوك كله يمنا بغرفتنا لو بغرفة امي لان تمرضت فد مره بعد
135
الحد ما ولدت ريم واجت " ملاك "
555
اسم على مسمى تخبل انجن بيها ما يخلي امها تدير بالها عليها كله هو ، غزل تغار منها وتبجي وهو يموت من القهر لان يحب غــزل ويحب بنته وما يعرف شلون مايخليها تغار منها وزوجتة تحرك بگلب غــزل تگلها صارت عنده بنيه بعد ما يگلج غزوله بابا ، وغزل تصعد الهجام تشكي وتكب بينهم
179
ها هنا البيت كله بأيدي امي مريضة مالها خلك وسجود بس تفك حلكها يگلهم طلعوا برا
وابوي شنو يگول هجــام يگله صار جان من يجي سجود تتلكاه بخوف وبأيدها كلاص ماي يعوف حذائة مال الشغل بالباب نطلع نلكاها غاسلتها وشارتها وها هجــام وكول شتريد شمشتهي على غدا وهو ما يحب هيج انسان يذل روحه اله ينقهر عليها ينطيها فلوس ويشتري ملابس الكرار
168
مشت الايام هو حاير بملاك مدللها حتى للشغل ياخذها وياه
هجــام يتعلق بشكل مو طبيعي يموووت عليها من تكله ببه تفرفح روحه
100
الحد ما توفت امي انتكست حالة هجــام هو من الإساس عنده صدمة من زمان وامي توفت زادت حالتة سوء وكوه كوه رجع طبيعي
78
نجمعن ريم وسجود ضدنا اني وغزل رأسًا حجيت الهجام تخبل طرد ريم وطرد سجود وابوي يتوسل بيها وهي تبجي وتتوسل وتحلف ما تعيدها شوفي شكد جان يخلينا نحكم كالهم اذا رويــده قبلت اقبل وقبلت ورجعوا ، وحتى ريم كم يوم ورجعها بالتواسيل علمود ملاك
77
كبرت ملاك ويوم عن يوم تحله وهو منتظر شوكت تصير بالمدرسة شوكت اسجلها بيوم اجت يمنا للغرفة اني وغزل ندرس وهي تفتر يمنا وتريد تشكك كتبنا اجه هجــام وراها تمدد ويباوعلنا الحد ما غفه غــزل نطت قلم الملاك وكالتلها روحـــي اكتبي على ظهر بابا
311
وملاك بس تضحك ما تفهم صغيرة الحد ما غــزل شخبطت على ظهر هجــام وملاك قلدتها وترست ظهر أبوها شخابيط
وهو فز وشافها لازمه قلم تخبل يبوس بيها ويصيح شخبطي شخبطي يابعد ابوج دخلت ريم كالتله شدعوه راح تجوم شخابيطها
كالها اجومهن ليش لا لبس وطلع راح الصاحبه دك شخابيطها وشم على ظهره
1.2K
وملاك تحب تلزم قلم وتشخبط ومره امها ضربتها لان شخبطت على حايط غرفتهم وهجام تخبل شلون تضربينها ، شسوا صبغ غرفة من الغرف ابيض هاي الهسه هو كاعد بيها ويكعد هو وملاك يشخبطون على الحايط ، بس لان تحب تشخبط خصصلها غرفة وانتِ تخيلي اليا درجة يحب بنته
642
وبيوم من الأيام بالشتاء ابوي وعائلتة راحوا للزيارة وريم هستوها جايه من اهلها جانت زعلانة ورجعت من وحدها ، وهجام ما يخلي بخاطرها رأسًا يقبل الخاطر بنته ، بدلنا اني وغزل نريد نروح للمدرسة طلعنا وهجام بالباب يصلح بسيارتة
58
احنا رحنا للمدرسة وشوية من بدت الشمس تطلع ريم وملاك طلعن يم هجــام على الشمس هو يصلح بالسيارة وهن كاعدات گدامه مستندات على الحايط اشتغلت السيارة وملاك تصفك ، الابوها عافها مشتغلة وراح للبيت يجيب اغراض الها وطلع يركض على صوت بجي ملاك لكه السيارة سارحه عليهن ولاطشتهن بالحايط
1.3K
رأسًا انشل ماكدر يتحرك وهن يصرخن ويباوع للسيارة گبت ماكدر يمشي خطوة طاح ويباوع للدم ملاك بحضن امها وثنينهن يبجن
مات بمكانة يزحف ومايلحك كب البنيد واحتركن گدام عينه يسمع صريخهن ومايگدر ينقذهن
1.5K
شــام :: صرخت ايدي على حلكي كعدت على حيلي ودموعي مغطية وجهي ورويده تبجي وتحجي بغصة
57
- الحد ما اجو بيت عمو حيدر لكوا هجــام مغمي عليه وهن محتركات اخذوا للمستشفى ودخل غيبوبة شهرين هو بالسرير اااخ شكد شفنه ذل بهالوكت شكد نضربنا شكد حاولوا يموتون هجــام رغم هو غيبوبة وما ميت وهم يگلون للدكاتره تبرعوا بأعضائه بس حيــادر ويسر وكفوله وأصدقاء هجــام هم حتى المستشفى غيروه
126
الحد ما صحى بس مو نفسه هجــام الليل كله يصيح وما يريد آحد
وسجود الحقيرة تلومه واهل ريم يلومونه ويتهمونه وهو محبوس بغرفتة بشخابيط ملاك على الحايط اني الوحيده اخذله اكل وعلاج وغشتني سجود بدلت علاجة بدون ما احس خبلت أخوي بأيدي نجن فعليًا
150
نزل مره سمعها تغلط عليَ وعلى امي رأسًا جر السجينة وخلاها ببطنها شالوها للمستشفى واخذوه هجــام للسجن للمره الثانية
280
ومن السجن حولوه مصحه لان ثبتوا عليه مخبل وسجود شالوا المرارة لان تلفت ، شحجيلج والله ما ينحجي العشناه بأيد سجود اكل اكل منعتنا منه اخذت اختي وشردت الخالتي وسجود وين ما تروح تكلهم مخبل بحيث بالقرآن اكو ناس حاقدة عليه تروحله للمصحه تتشمت بيه
157
والف سالفة وسالفة صارت وحيادر تبهذل احتاج احد يشهد الصالح هجــام من العايشين وياه ماياخذون بكلامي وكلام غــزل جان مجتبى عنده واسطة ويگدر يساعدنا عقد عليَ وطلعوا هجــام
86
وهاي حياته وهذا العاشه مرات يفقد وما يحس على نفسة يضرب يغلط يسب ينزل لازم سجينه وبالعلاجات شوية شوية تحسن رجع يطلع بالليل للمحلات ويوم عن يوم يتحسن اكثر بس اذا احد ذكره بملاك يرجع لنقطة الصفر وهذا الما اريده ، بس ترجع صحته وهالموضوع ما يبقى يأثر بيه محد راح يگدر يثبت عليه مجنــون
106
شــام :: لميت رجلي الصدري ابجي ما مستوعبة سحبتي الصدرها وهي تبجي
- شــام العذاب العشته محد عايشة تبهذلت صغيرة واحاول انقذ اخوي تدرين طلع من المصحه يكرهني لان عرف جنت انطيه علاج غلط حسباله متقصدة نجبرت اشرح الاخوي انُ انا ما بايعته
73
شــام ننضرب اني وغزل ما نصيح خاف ينزل ويكتل احد لان يفقد البيت حاركة سجود كاتلها ابوي كاتلة كرار شفتي بعينج شسوا بيه
23
- ليش ليش ما حجيتي
- اخااااف شــام اخاف تفتحين الموضوع وياه
6
كعدت على حيلي مسحت دموعي اباوع لوجهه
- اكو شبهه بيني وبين ملاك ؟
60
- صدفة لون عيونكم يتشابهه
161
- لا لا باوعي حتى عيونها كبار مثلي احس اكو شي ضامته عليَ؟
340
- لا وروح امي حجيتلج موضوع ملاك مثل ما اعرفة .
270
رويــده :: مديت أيدي امسح دموعها خايفة تفتح الموضوع يم هجــام كوه قنعتها نزلنا يم أفاطم وجهي يحركني متحمله وساكته وافاطم وجهه مورم وبس تبجي عيونها ورمن كد ما بجت كعدت أوكلها واباوع الشام تصفن وتتحسر بقهر ايدها على خدها
31
- شــام تاخذين عشا الهجام ؟ حتى ياخذ علاجه
3
شــام :: هزيت راسي موافقة حمت الآكل واخذته الباب مقفول دكيته صيح
12
- انزززلي
41
- هاي اني شــام
18
- روحـــي شــام
9
- بس جبتلك اكل
1
- ما اريد
3
سكتت محتارة شوية ورجعت دكيت الباب فتحه وودار وجهه بدون ما يحاجيني دخلت والصينية بأيدي خليتها گدامة اباوعله وكلبي يدك بقوة من اتخيل شلون عاش هالموقف باوع لعيوني باستغراب مسحتهن رأسًا
51
- منو وياج شــام ؟
34
امسح دموعي ويرجعن ينزلن همست وصوتي رايح
- ميخالف تحضني ؟
1K
وكف بسرعة سحبني الحضنه جالبت بركبته حاضنته ابجي روحـــي مفرفحة وهو يبوس براسي ويهمس
161
- منو وياج شــام بس احجي منو بچاچ
119
وخرني من حضنه يباوع لوجهي ويمسح بدموعي
- احجي منو وياج انطقي أسمه
39
- هجــام
208
حجيتها ورفعت عيوني اباوعله عكد حاجبة
- شمسوي صخمان اطيح حظة
1.8K
ابتسمت امسح بدموعي
- فجأة يگلب ويتغير عليَ
69
- اذا تكثريله هيج احضان يستعدل
1.7K
- ميخالف
138
ضحك بصوت عالي واني الضحكة شاكة حلكي واباوع للباب لازمه دشداشتي بأيدي خجلانة كعدت يمه اكلنا سوا وكل شوي اصفن بوجهه وعيوني تدمع ويسأل باستغراب شبيج كمت اريد انزل الصينية گال
78
- ارجعي يمي
180
نزلتها غسلت المواعين وصعدت للمخزن خفت اروح يمه خايفة ما أسيطر على لساني واحجي شي زايد لو اجفص هي تجي وحدها الحجاية
189
تمددت بفراشي هستوني غفيت وفزيت على بوسة بشفتي رجعت راسي ليورا فازه منعني خله ايده ورا راسي ورجع يبوسني ذابت روحـــي بأيده الحد ما نفسي نگطع ابتعد وسحبني على صدرة حاضني واني مغمضة عيني وفاصلة حرك ايده على أيدي
1K
- شومه
54
- هممم
20
- ليش هيج ضعيفة
409
سكتت مختله راسي برگبته ومغمضة احس روحـــي بغير عالم
91
- شــام مو احاجيج
25
- ها
3
- ما تخافين تنامين بحضني
44
- لا
1
- خايف يجي يوم ويتحول هالامان البعيونج خوف
92
تقربت الرگبته اكثر خشمي طخ بيها تنهد بحسرة عبرت ايدي احضن خصرة وهمست
227
- أبقى طول عمــري مأمنه وثاقة بيك
45
- ما تبقين
55
رفعت وجهي اباوع لملامحه التنشاف بالكوه بسته بشفته ابتعدت اهمس
- حتى لو اعرف كلشي ما اعوفك وأبقى ثاقة بيك معلي بالعشته قبلي مو ذنبك
1K
وخرني يباوع لوجهي مد ايده تحسس بشرتي ورجعني يبوسني إبتعد يسأل
- تعرفين ؟
292
سكتت خانسة
- شــام تعرفين ؟
103
حضنته حيل خايفة والوم بنفسي لان حجيت وحسسته اني اعرف عصر خصري قوي
100
- اي لو لا ؟
116
سكتت رخت ايدي منه نگلب صار مقابيلي مد ايده لزم فكي ويحرك ابهامه على شفتي يحجي بهدوء
8
- تعرفين ؟
14
- اخاف احجي ؟
83
- شــام شــام لا تكولين أخاف
7
- ما اخاف
17
- تعرفين مو ؟
5
- امم رويــده حجتلي سد الموضوع يله ما اريد احجي بيه وتضوج .
984
- شنو حجت؟
7
- عفيه هجــام .
4
قرب وجهه باسني ورجع أبتعد مسح شفايفي
- احجي شــام
633
بقيت مغمضة عبالك عرف شنو نقطة ضعفي رجع تقرب باسني وطول ابتعد يسأل
- شنو حجتلج رويــده ؟
461
- حجت ليش تحب عيوني ويشبهن عيون منو
106
- بس ؟
21
- اممم
تقرب باس خدودي عيوني ورجع الشفتي ويحجي بهدوء
151
- يعني عرفتي كلشي ؟
59
- اممم
5
- ضجتي من عندي ؟
123
- لا .
11
حضني حيل يبوس بشعري غمضت عيني ايدي على شفايفي وراسي على صدرة يلعب بشعري واني اغفي
144
- هجــام
8
- يمج
24
- احبك
504
حضني حيل وباس شعري بحسرة
- اعشگج
550
- لا تعوفني
6
- ارجعيلي اذا اعوفج
65
- ما ارجع والله إبتعد
39
سكت متحسر ابتسمت همست
1
- طلعت تعرفني من واني طفلة .
986
رخت أيده الحاضني بيها وخرني من صدرة وطلع من يمي رجع الغرفتة كعدت على حيلي اباوع وراه باستغراب هزيت ايدي گـــلبي تگطع سديت باب المخزن وجريت فراشي ورا الباب ولا اخليك تجي يمي بعد ولا اروحلك .
586
نزلت الصبح بعدني على الدرج والمح رويــده مفرفحة تتعارك ويا سجود وكرار وهم يضحكون بشماتة التفتت علي وراحت الغرفتها ترجف دخلت وراها لكيتها تتصل احاجيها وهي ملتهيه بالتليفون
6
- الو يسر ، محتاجتك
85
شــام :: تلفتت بالغرفة أدور على أفاطم ماكو
5
رويــده. :: احسبني بنيه غريبة ونختك
8
- جايج رويــده
36
-بس أسمعني بالاول
- احجي كطعتي گـــلبي شبيج هجــام بيه شي ؟
5
- لا لااا اختي الصغيرة أفاطم ، ابويه اخذها ما ادري وين راح يوديها اخاف يعيشونها نفس حال هجــام
139
شــام :: تبجي رويــده وتسولفله واني گـــلبي . ممرود بس فاتحة عيني سدت المكالمة من يُســر وكعدت تبجي كعدت كدامها متخبلة گالت
4
- غافلوني واخذوها ابوي الحقير الله يحرك گلبه وين راح يوديها
41
حضنتها ابجي ونفتح باب الغرفة سجود تضحك كالتلها
1
- عليمن تبجين ارجعها الج نفس هجــام
190
وكفت رويــده بعصبية
- والله ما اخليج تعيدين السويتيه بهجام لو على كص رگبتي
31
- ههههها نشوف
91
طلعت وسدت الباب وراها باوعتلي رويــده تمسح بدموعها
1
- شــام تنطين من اسوارات امج ؟
72
فتحت عيني مصدومة
- لا اسوارات امي ليش ؟
11
- تخابرين ابوي تگليله رجع افاطم وانطيك اسوار من اسوارات امي
66
- هو وين راح يوديها
1
- ما ااادري ما ادري
4
سكتت محتارة وكلبي يدك حيل بجت هي مغطية وجهه بأيدها وتحجي
- اذا اكول الهجام اريد افلوس ما ينطيني الا يعرف السبب
10
- خابري ابوج .
28
فتحت عيونها مختنگة وتشهك مسحت دموعي إتصلت على ابوها يرفضها فرفحت تبجي روحها رايحه رجعت اتصلت لحت حيل يله جاوبها يصيح
- شتردين بنت النعال
147
- عمو اني اني شــام
4
- شتردين هم انتِ بت النعال
2.1K
- وين افاطم ؟
- شعليج
12
- عمو رجعها وانطيك اسوار من اسوارات امي وما اكول الهجام ياخذه منك
5
فشر عليَ يسب ويغلط وشنو تحاجيني هيج واشايفتني ابيع بنتي باسوار هيج هيج من اهلج وهيج هيج من امج واني ورويده بس نبجي شوية وگال
45
- اسوارين تطيني؟
2K
رفعت عيني اباوع لرويده عضت اصابعها بقهر بجيت مختنگه اغراض امي عزيزات عليَ
26
- ميخالف بس رجع أفاطم
9
سد التليفون بوجهنا ورويده فرفحت فرفحت من القهر روحها راحت مسحت دموعها من دك تليفونها
رويــده :: اني الاعرف شلون اخلص أفاطم جاوبت يُســر كال
19
- جاي انا رويــده
4
- لا تجي وحدك
1
- شنو ؟
- يُســر تساعدني ؟
- بس اشري .
79
- تنقذ يتيمه كل الدنيا ضدها تعبـــت وما جاي اگدر احميها
126
- هو انا جاي بس افهم وين وداها
- لا راح يرجعها للبيت بس
- شنو رويــده احجي
- تعال اخطبها
1.1K
سكت واني گـــلبي متگطع شوية وسمعت ضحكته
4
- شبيج رويــده اكلج اريد اخطبج تگليلي تعال اخطب اختي صاحيه انتِ ؟
80
- تنقذها
3
- عجيب تفكيرج ، ديربالج تعيدين هالسالفة
43
- يُســر عفيه
25
سد التليفون بوجهي مسحت دموعي محتارة الا اموت ابوي يله ارتاح واحمي أفاطم ماعندي غير هالحل صعدت شــام نزلت اسوارين من اسوارات امها تباوعلهن بحسرة واني روحـــي متگطعه
39
رجع أبوي وافاطم وياه عبالك جثة لازمها من زندها وين ما يعتها تروح شافتها سجود وتخبلت شنو مرجعها وهو يگلها بنتي غصبًا عليج تبقى يمي همست شــام
117
شــام :: سوده عليَ شگد حنين
591
راحت رويــده اخذت افاطم من ايد ابوها تحضن وتبوس بيها وهو يباوعلي بحقد دخلناها للغرفة نسأل وين اخذج وهي ساكته بس مخليه راسها على كتف رويــده وساكته شوية ودخل عمو حسين ماد ايده
8
- وين الذهب ؟
76
وكفت رويــده طلعتهن واني گـــلبي فرفح مدتهن اله وگالت
1
- اخليهن على گبرك
108
ضربها بظهر ايده طكت شفتها دم تفل علينا اخذهن وراح وافاطم تضحك
38
- اشتريتني باسوارات ؟
149
- لا تحجين هيج افاطم
4
كعدت رويده يمها حاضنتها واني كوه لازمه دموعي عفتهن وصعدت فوك بجيت الحد ما تعبـــت مسحت دموعي وكمت اريد انزل لمحت باب غرفة هجــام مفتوح دخلت اباوعله نايم بنفس المكان تقربت يمه ايده بيهم حبر اسود التفتت على الحايط شخابيط وبالنهاية كتابة واضح جديدة كاتب
89
" يظنون انهم عرفوا الحقيقة بينما هي غطاء لجريمة "
6K
يتبع 🦋
