رواية في عشقها هلاكي الفصل الخامس عشر 15 بقلم زهرة الربيع

مختار قال بسرعه..اشش بخربيتك ما روحي بلغي عني احسن..مش على اساس هتسمعيني ومش عارف ايه..انا اللي غلطان اللي بتكلم مع عيال

روعه اتنهدت وقالت...طيب...خلاص خلاص كمل

مختار قال بغيظ..... مش قايل حاجه يلا اتخمدي

روعه قالت بسرعه...لا لا ارجوك كمل خلاص انا اسفه مش هنطق تاني والله

مختار اخد نفس طويل وقال...انا عارف..عارف ان كل اللي حكيته مش مبرر ..عارف اني غلطت بس وقتها اخترت اهلي على اي حد تاني وقولت فتره قصيره واعدل وضعي وهسيب الشغل معاه...بس كنت غلطان الطريق دي وحل واللي يمشي فيها عمره ما يرجع ورجليه نضيفه...بدأت شغل معاه زي عادتي وعرفت منه ان ابويا كان شغال معاه زمان قبل ما يتوب عليه ربنا ... كنت بلاقي له ناس مش عارف يلاقيهم وكنت بقول اني مش بعمل غلط كبير...لحد ما في مره لاقيت له واحد كان واخد منه فلوس ومكانش عارف يلاقيه ..يومها قتله قدامي ....عمري ما هنسى نظرة الراجل ده ليا

روعه اتنهدت بحزن ومختار كمل بوجع وقال ...وزي ما يكون قلبي اللي مات وقتها مبقتش تفرق معايا وبقى كل شئ غلط سهل وهين ...مرت الايام ولقيتلنا شقه على قد فلوسنا..و حمزه كمان رفض المنحه اللي جاتله و كان بيشتغل في عيادات الدكاتره بس اللي بنحصله مكانش يعمل حاجه في مصاريفنا وعلاج امي وديون ابويا وفي عز ما كانت بتضيق معانا جاني عزيز تاني وطلب مني....طلب شغل جديد

روعه كانت بتسمعه باهتمام وقالت ...طلب ايه ؟

مختار اتوتر وقال..احم...بنت

روعه لطمت وقالت بصوت عالي تاني... يامصبتي اشتغلت قرني كمان ده انت زباله قوي ايه ده

بقلم_زهرة_الربيع

مختار اتغاظ جدا وحدفها بمخده وقال .. انا زباله فعلا علشان بتكلم مع واحده زيك...اخرسي وافهمي..مش اللي بالك فيه ..دي بنت قتلت ابنه وخلعت وكان عايز يلاقيها باي تمن

روعه قالت باستغراب....وبعدين

مختار اتنهد بحزن وقال ... ولا قبلين كان جاهز يدفع اي مبلغ علشان يرد دم ابنه ووقتها كنا غرقانين وكانت فرصتي الوحيده فاخدت منه ٥٠ مليون جنيه علشان اجبله البنت دي

روعه اتسعت عيونها بذهول وقالت..ايه...كام

مختار اتنهد وقال ....زي ما سمعتي واتفقنا على قدهم بعد ما الاقي البنت ...خدت الفلوس وسديت بعض الديون وفكيت حجز الفيلا والشركه ...ودفعت لماما مصاريف المستشفى ...وسفرت حمزه وادتله الفلوس اللي تكفيه وحليت كل مشاكلنا بس فضلت مشكله واحده.. اني مقدرتش الاقي البنت ...دورت في كل حته فص ملح وداب كانت اول حد يتعبني كده الظاهر ان وراها ناس تقال خبوها كويس

روعه قالت باهتمام...يا خبر طب وعملت ايه

مختار اتنهد وهو بيبصلها بحسره وقال ...معملتش ملحقتش اعمل كنت بدور بدون اهتمام في الاول على اساس هلاقيها ....بس معرفتش اوصل لاي حاجه عنها وكانها مكانتش موجوده اصلا ...وبعد ست شهور من المماطله جاني وقالي انه هيضاعف المبلغ اللي هاخده بعد ما القيها بس اخلصه ...والا...

روعه نزلت من فوق الدولاب وقربت منه بقلق وقالت ...والا ايه

مختار اتنهد وقال ......والا رقبتي بدال رقبتها

روعه شهقت وحطت ايدها على بقها وقالت بخوف ....ولاقيتها صح...اكيد لاقيتها

مختار ابتسم على برائتها وهز راسه بالرفض وقال ...ابدا ملقتهاش...وملحقتش اصلا ...بعد يومين اتفاجانا بالبوليس على بابنا قال انه جاله بلاغ اني مخبي ممنوعات عندي ...كلنا اتفاجانا وانا ضحكت وقولتله بثقه يقدر يفتش... ما انا اصلا عمري ما اشتغلت في الحاجات دي ولا حتى كنت بتعاطى...دورو في كل حته ملقوش حاجه بس اخر حاجه شافو عربيتي واتصدمنا كلنا لما لقو بتاع كيلو جواها

روعه اتسعت عيونها بصدمه وقالت...بتوعك

مختار قال بحزن شديد .....مش بتوعي ... والله العظيم ما بتوعي....ويومها كانت نهايتي مع عيلتي اللي عملت كل ده علشانهم

ونزلت دمعه مقدرش يمنعها رغم محاولته وقال وصوته بيرتعش..امي...امي طبت من طولها وجاتها ازمة القلب تاني ...بس....بس اتوفت فيها مقدرناش نلحقها عمري ما هنسى نظرة الخذلان والصدمه في عيونها

ومسك ايدين روعه وقال بدموع ورجاء..اقسم بالله ما بتوعي يا روعه ...انتي مصدقاني صح.... انا ..انا عملت غلط كتير بس...بس الحاجات دي مكانتش بتاعتي مستحيل..مستحيل اصلا حتى لو بتوعي اجبهم البيت واعرض اهلي للموقف ده مستحيل اقتل امي كده زي ما حمزه بيقول..هيه ماتت بسببي بس..بس غصب عني والله ..والله ما بتوعي انتي اكيد...اكيد مصدقاني

هزت راسها بالموافقه بسرعه وهيه بتقول..مصدقاك والله العظيم مصدقاك.. ارجوك اهدى ...ده قضاء وقدر وعمرها انتهى يا مختار

مختار ما صدق انها قالتله كده كان بيتمنى حد واحد يقوله انه ملوش ذنب ويشيل حمل الندم من على قلبه حضنها من وسطها زي طفل بيحاول يلاقي سكن وبقى يبكي لاول مره

روعه اتفاجات والموقف كان غريب عليها كانت عايزه تطبطب عليه بس بتتراجع قالت بتوتر...تمام..تمام اهدى ...وحد الله امال

وبعدت اديه عن وسطها براحه وهيه بتقول بارتباك... احم عن اذنك بس شويه كده علشان عندي البروستاتا بتلتهب وجنابي بتوجعني

مختار بصلها بصدمه وقال...البروستاتا

روعه ودت عنيها يمين وشمال ومختار قال بغيظ ...لا الف سلامه فيه حاجه تانيه عندك غير البروستاتا..اعرف دكتور مسالك شاطر

روعه ضحكت بحرج وقالت ....لا هيه بس

مختار ضحك بخفه وهز راسه بيأس منها ومسح دموعه وقال ...عموما اسف لو ضايقتك... معرفش ليه عملت كده

روعه قالت بارتباك .....عادي يا عم احنا اخوات

مختار رفع حاجبه وقال...اخوات.....ممكن متتكلميش ...البق ده كل ما بينطق بيعلي ضغطي.... اش اسكتي خالص مفهوم

روعه عملت حركه بايدها على شفايفها كانها قفلت بقها بسوسته ومختار اتنهد وكمل كلامه وقال ...المهم حمزه كان بيسافر المانيا بيدرس وقتها.... بس لسوء حظي كان اجازه يوم ما اتقبض عليا وشاف اللي حصل...حلفتله كتير ان الحاجه مش بتاعتي مصدقنيش ...جالي مره واحده السجن قالي امك ماتت بسببك وخليك فاكر مش هنسهالك عمري كله...كان تعبان جدا وفي حالة اكتئاب ميتوصفش ..امه كانت كل حاجه ليه..كان بيحبها جدا ومتعلق بيها جامد.... عذرته جدا لاني عارف تعلقه بيها بس كنت فاكر انه هيهدى وهينسى بس محصلش ...خسرته...خسرته من يومها ..تلت سنين مجاش يزورني ولا مره..ولما خرجت لاقيته زي ما انتي شايفه كده كرهني اضعاف..ده كل اللي حصل

روعه قالت بحزن..طب والبنت

مختار ارتبك وبلع ريقه حاول يبان طبيعي وقال...لا ما انا ..احم...ما انا حلتها وقولت لعزيز اني هقسط فلوسه لاني مش لاقيها

روعه سقفت باديها بحماس وفرحه شديده وقالت...ووافق يعني هيسيبك في حالك

مختار ابتسم على طيبتها وقال ...انتي فرحانه علشاني

روعه قالت بسعاده..طبعا مبسوطه جدا ..ومتقلقش انت ولا خسرت اخوك ولا حاجه بكره يهدى ويعرف انه ملوش غيرك....انت بس لو تتكلم معاه بطريقه حلوه ...وكمان واضح انه متعلق بجوز امك فممكن يساعدك.....هو صحيح في الكوكتيل ده والدتك اتجوزته امتى

مختار قال بضيق ...في الاول كانوا ساكنين عندنا في الجنينه هو وبنته لانه البواب بتاعنا ...وبعد ما ابويا مات والديون حاوطتنا اختفى ...واول ما سمع ان حالتنا ارتاحت وفكيت دين الفيلا والشركه رجع تاني ولاف عليها وقتها كانت خارجه من حالة اكتئاب موت بابا وافلاسنا ومخدتش في ايده غلوه واتجوزو.....حمزه من زمان بيحبه وكان ينزل يقعد معاه في الجنينه ويحكي معاه بالساعات...بس انا عارف اهدافه وعمري ما طقته

روعه قالت بسرعه ..ليه بس الراجل باين عليه طيب...ولو عاملته كويس ده هيقربك من حمزه

مختار اتنهد بحسره وقال....دلوقت بقيت محتاج وسيط بيني وبين حمزه ...ده احنا كنا روح واحد

روعه ابتسمت وقالت ....مهو كل ما تذيد الغلاوه بيكبر الوجع ...صدقني هو مش بيكرهك ابدا هو بس عتبان عليك لانه فاهم غلط فاهم انك شغال في شغل وسخ وحرام وفوق كل ده جبته البيت وعرضتهم للخطر من غير ما تهتم وموت والدتك اثبتله ده ...لو اتأكد انه غلطان وان الحاجه دي مش بتاعتك هيندم على كل حرف قالهولك

مختار ابتسم وقال ...انا مبسوط انك مصدقاني ...شكرا بجد

روعه اتنهدت وقالت بابتسامه ...انا اكيد مصدقاك...بس انا هقولك حاجه يا مختار...انت مش وحش...جواك حاجه نضيفه اتغلفت بكل الظروف دي..بس ده مش مبرر لاي غلط...الانسان بيمر بظروف قاسيه علشان ربنا يختبره ويشوفه هيسلك اي طريق ...الطريق السهل اللي اخره غضب ربنا ...ولا الطريق الصعب اللي اخره رضاه ونعيمه ...النعيم والراحه مش هنا ...دول فوق عند ه ومش بيحصل عليها اي حد لا فيه شرط واحد...الا من اتى الله بقلب سليم....صدق الله العظيم...حاول تروح لربنا بقلب سليم والفلوس والرفاهيه وكل السعاده هتلاقيها عنده متوسخش قلبك وتخسر رضا ربك اللي هيمتعك للابد علشان حاجات هتتمتع بيها كام سنه

مختار لمعت عيونه بالدموع من كلامها وحس بنار في قلبه وقرب منها بهدوء وباسها من جبينها وقال بوجع...حقك عليا....انا....انا اسف

روعه قالت باستغراب...على ايه بس...لو قصدك العمليه انا موافقه بارادتي عليها .....المهم انت تبقى كويس

هنا نزلت دموعه وقال بحزم .....وانا هعمل كل اللي اقدر عليه...علشان متعمليش العمليه ..انا مش هسيبك

روعه مفهمتش قصده وقالت...مش فاهمه

ابتسم بمرح مصتنع وقال...ولا عمرك هتفهمي هو انتي عندك دماغ تفهمي بيه .....يلا اطلعي فوق الدولاب زي انثى العنكبوت هو ده اللي بتفهمي فيه

روعه قالت بضحك...... عارفه اني مجنناك بالحركه دي بس لو مت مش هنام غير هناك.... ده انت كنت بتموت من شويه وفي عز احزانك وبوست وحضنت... امال لو فايق ورايق هتعمل ايه

مختار قرب منها قوي وحط ايده على وسطها و داس على شفته وقال بوقاحه ...الاحسن متشوفنيش وانا رايق ..اخاف على الحلو يضايق

روعه ابتسمت بكسوف و زقت ايده وقالت...لم روحك بدل ما اضايقك انا ها

وسابته وطلعت على الدولاب وهو كان بيبص عليها بابتسامه وقلبه بيدق بقوه

اتنهد وراح مدد على سريره ولسه هينام افتكر حاجه وبص لروعه وقال...بت يا روعه مقولتليش صحيح..انتي شديتي بنطلون منى ليه...ايه شغل التحر..ش العلني ده

روعه ضحكت وقالت...بت صفرا كده دايما مستقصداني ...خبطت فيها من غير قصد تليفونها المصدي وقع ...قال ايه تقولي وطي عند رجلي هاتيه وده اخرك ومش عارف ايه وطيت عند رجلها بنطلونها مسك في ايدي زعلت ليه بقى

مختار ضحك من قلبه وقال ...طب خليكي بعيد منها اتجنبيها مش ناقصه مشاكل

روعه بصتله وقالت بضيق...هو كده كده فيه مشاكل الحلوه شكلها بترسم عليك وغيرانه لانها فاكره اني مراتك بجد...فطبيعي ان هيه الي مش هتتجنبني

مختار بصلها وابتسم ابتسامه جانبيه وقال..طب وانتي مضايقه منها ليه..علشان مش بتتجنبك ولا عشان بترسم عليا

روعه غمزت بعينها وقالت بشقاوه ....داخل على طمع انت الليله...نام سهرتني معاك

وبصت بعيد منه وهيه مبسوطه جدا وقلبها بيدق بعنف

مختار كمان اخد نفس عميق ومشى ايده على شعره بسعاده مش قادر يحدد سببها ولا قادر يصدق انه اتكلم معاها كل ده وكان مرتاح وهو بيرمي همومه قدامها عمره ما اتكلم كده مع حد ولا حتى قدام نفسه ... ومسك تليفونه وهو متاكد انه مش عايز يخسرها مهما كان وبعت رساله وكتب .......عزيز بيه ...انا عايز اقابلك بكره ضروري

مستناش كتير وجاتله رساله مكتوب فيها.....ابن الديب يشرفني في اي وقت

مختار اتنهد وهو باصص على روعه ونام وهو بيدعي من جواه يقدر ينقذها وينقذ نفسه

في صباح يوم جديد مختار فتح عيونه بتعب ونوم وشد الفوطه بتاعته من غير ما يلتفت حتى لروعه فتح باب الحمام علشان ياخد الشور بتاعه

بس اتفاجأ على صرخه شديده من روعه وهيه بتشد الفوطه بسرعه تداري نفسها بيها

اتسعت عيونه وهو بيبصلها باعجاب وصفر وقال بمغازله..حلاوته في العريان..... طلع جامد وانا مش دريان

بقلم...زهرة الربيع

وقبل ما يستوعب الموقف لقى كل علب الشامبو والصابون بتتحدف عليه بقوه وهيه بتصرخ وبتقول..... يا حيوان يا سافل يا واطي

بقى يحمي وشه وهو بيرجع لورا وقال بذهول... انا..انا مكنتش اعرف انك هنا والله ما كنت اعرف ..يا بت خلاص طب طب استني طيب هفهمك الله يحرقك

بس روعه مسمعتهوش واول ما طلع من الحمام قفلت الباب عليها

مختار لسه هيخبط سمع خبط جامد على الباب

راح فتح وكان حمزه وغانم ومنى

حمزه قال بسرعه وقلق بيداريه بغضبه..فيه ايه...... ايه صوت الصويت ده هتصحو الجيران

مختار اتوتر وقبل ما يرد كانت روعه لبست البيجامه وطلعت وهيه منفعله جدا من الموقف وبتبكي وبتقول بصراخ وزعيق ..انت اتجننت ها اتجننت خالص بتستهبل... ايه شغل الحيونات ده يا قذر

وبقت تضرب مختار في صدره وهيه في قمة الانفعال

حمزه كان بيبصلهم بدهشه ومختار حاول يهدي الوضع ويلفت انتباها لوجود حمزه وقال بتوتر.....طيب يا روحي اهدي انا اسف حقك عليا تمام انا هعمل اللي انتي عايزاه بس اهدي

روعه قالت بغضب وزعيق ...اللي عايزاه انك تطلع من الاوضه دي حالا ....حاااااالا انا مستحيل اقعد معاك في نفس المكان بعد كده سامع ...والله انط من الشباك واجبلك مصيبه

مختار لسه هيتكلم غانم قال بتوتر ..يا ولاد مش كده صلو على النبي هو عمل ايه يا بنتي لكل ده

روعه لسه هترد سبقها مختار وقال بغضب..ملكش دعوه انت..خليك في حالك

حمزه قال بغضب ...يخليه في حاله ازاي وانتو صحتونا وهتصحوا الجيران على صويتكم ومواضيعكم التافهه

روعه قالت بغضب وتهور..مواضيع تافهه البيه اخوك فتح عليا باب الحمام وانا بستحمى وانت تقولي مواضيع تافه دي مواضيع سافله وعدم ربايه

مختار حط ايده على دماغه وقال...يخربيت غباء امك

حمزه ضحك بخفه وهو بيبصلهم بدهشه وقرب منهم وقال ...نعم يا حيلتها

وبص لمختار وحط اديه في جيوبه وقال ...هو مش على الاساس دي مراتك يا باشا ولا ده توك شو

مختار مشى ايده على رقبته بتوتر وقال...احم..مراتي طبعا بس ...بس هيه بتحتاج اللي يفكرها قبل الفطار

روعه ردت بسرعه وقالت بغضب..كداب انا مش مراته بيضحك عليك ايه رايك بقى ووووو