رواية اللؤلؤ والاخرس الفصل العاشر 10 بقلم اميرة خالد

اهلا بكم في مدونة مكتبة حواء نقرأ لكم ونكتب من اجلكم

الفصل 10

وفي شقه صابرين دخلت تجري نغم وتقول الحقي يا ماما سيف وحازم جايبين الست اللي بابا اتجوزها ومعايا بنتها

اتعصبت صابرين وقالت متاكده يا نغم

قالت لها ايوه يا ماما ودخلوا شقه جدو تحت

وخرجت ايناس على صوتهم العالي وقالت لهم في ايه

ردت نغم بسخريه الحق يا هانم جوزك راح يجيب الست اللي خطفت بابا مننا

ردت ايناس انتي بتقولي ايه انا مش فاهمه حاجه

قالت نغم مش فاهمه حاجه طب انزلي عند شقه جدو وانتي هتعرفي كل حاجه
وخرجت ايناس من الشقه وراها صابرين ونغم

اما في المستشفى دخل توفيق وقال الدكتور رافض خروجك من المستشفى يا يسري

رد عثمان خلاص يا ابني خليك لغايه ما نطمن عليك

رد يسري بعصبيه اسمع كلام يا توفيق وقول له انه هيخرج على مسؤوليته الشخصيه وهو دكتور وعارف كل حاجه لازم اروح البيت قبل ما بسمه تعمل في نفسها حاجه

رد توفيق حاضر ولسه هيخرج دخل الدكتور

وقال ايه استاذ يسري ما ينفعش خروجك من المستشفى دلوقتي

رد يسري بس يا دكتور انا هخرج على مسؤوليتي الشخصيه وكمان انا دكتور وهعرف اخلي بالي من نفسي كويس

رد الدكتور بس كده غلط عليك

رد يسري ما تخافش يا دكتور

قال له خلاص المهم ان انت هتمضي الاقرار بس العلاج تاخده في ميعاده

رد يسري تمام يا دكتور روح معايا توفيق وخلص كل حاجه

قال له حاضر وخرج الدكتور مع توفيق

وقال عثمان يا ابني كنت خليتك شويه

رد يسري افهمني يا بابا بسمه عندها انهيار عصبي يعني ممكن تاذي الطفل

و نفسها بسهوله ولازم اكون جنبها وكمان لؤلؤه مش هتعرف تعمل ده كله لوحدها

رد عثمان طيب يا ابني

وفي شقه عثمان كانت لؤلؤه قاعده وقاعد جنبها برق اللي مش فاهم حاجه ولاقوا الباب بيتفتح بسرعه

ودخلت ايناس واتصدمت لما شافت لؤلؤه وقالت يبقى كلام نغم صح

وقال حازم تعالي يا حبيبتي اتعرفي على اختك وقامت لؤلؤه

وقالت ايناس بدموع يعني انت يا حازم اللي رحت جبتها زي ما نغم قالت

رد حازم مالك يا ايناس زعلانه ليه

ردت عليه بوجع مش عايزني ازعل من الناس اللي خدت ابويا طول سنين حياتي اللي كان بيجي لنا كل سنتين مره وهو عايش حياته معاهم هناك

رد هاشم ملهوش لزوم الكلام ده يا ايناس ولؤلؤه ملهاش دعوه بالكلام ده

ضحكه ايناس وقالت له وكمان عرفت اسمها ناقص تقول ان هي اختك

رد هاشم طب ما هي فعلا اختنا

ردت صابرين بقوه لا مش اختك دي بنت الست اللي خطفت ابوك مننا

ولؤلؤه دموعها على خدها وابراهيم وشافها مش عارف يعمل ايه

وخرجت شاديه وقالت بقول لك ايه يا صابرين لمي نفسك وما لكيش دعوه بالبنت

ردت عليها طبعا ما انتي هتدافعي لاخوك وهتبقي المحاميه بتاعتهم يا شاديه

ردت عليها مش انا اللي هبقى المحاميه يا اختي ابويا اللي قال لي لو صابرين ما لمتش لسانها هي عارفه انا هعمل ايه سكته صابرين

وقالت نغم بقول لك ايه يا عمتي ما لكيش دعوه بالموضوع ده

وقربت من اللؤلؤه وقالت لها انتي عارفه اني بكرهك كره العمى من ساعه ما عرفت ان ابويا كان بيبعد عننا عشان خاطر امك وانتي

وقالت لؤلؤه بصوت ضعيف بس انا ما كنتش اعرف بوجودكم

وقالت نغم انتي كذابه زي امك اللي خطفت ابويا ورفعت ايديها عشان تضربها بالقلم ولؤلؤه غمضت عينيها وابراهيم ماسك ايديها

وقالت نغم بعصبيه دي ما طلعتش امك بس اللي خطفت الرجاله وانتي كمان وابراهيم زق ايديها

وقال هاشم كفايه يا نغم وخدي امك واطلعي على فوق

ردت نغم مش طالعه وده بيت جدي وانا هقعد فيه ويانا يا انتم هنا في البيت ده

وايناس دموعها على خدها وقالت عمري ما هنسالك الموقف ده يا حازم وطلعت تجري على فوق وطلع وراها حازم

وهاشم قرب من لؤلؤه ومسك ايديها وقال لها اقعدي على الكرسي

قالت لي بصوت هادي انا اسفه والله ما اعرف ان وجودي هنا هيعمل المشاكل دي كلها صعبت عليه

وقال لا يا حبيبتي انتي مش سبب المشكله ولا حاجه ما تزعليش ايناس طيبه ونغم كمان

ردت عليه انت عارف اني مبسوطه جدا اني ليا اخوات وكنت بتمنى من ربنا دايما ان يبقى ليا اخ كبير ابتسم هاشم

وبرق يقرب من لؤلؤه وقال لها بالاشاره في ايه مسحت دموعها

وقالت له ما فيش حاجه يا حبيبي واستغربوا الكل

وقال هاشم هو ما بيتكلمش

ردت لؤلؤه ايوه ما بيتكلمش ولا بيسمع

وقال هاشم بالاشاره انا اخوك الكبير هاشم ابتسم برق

وراح برق عند ابراهيم وقال له بالاشاره انت بتعمل ايه هنا ابتسم ابراهيم

وقال له بالاشاره دول اهلي وانا ابقى ابن عمك وبرق حضني ابراهيم والكل مستغرب لان ببرق ما قربش من حد فيهم

وقالت شاديه هاشم هو ابراهيم يعرف الطفل ده منين

رد هاشم مش عارف واقرب من ابراهيم

وقال له بالاشاره هو انت تعرفهم من الاول

رد ابراهيم الاشاره لا ما اعرفش انهم ولاد عمي بس تعرفت عليهم لما كنت في الامارات في المول قولوا له اسعدتني لما المحفظه اتسرقت مني وانا عزمتهم على عصير وتعرفت على برق ولؤلؤه

وقال هاشم الاشاره طيب يا سيدي ما قلتليش قبل كده ليه

رد ابراهيم بالاشاره ما كنتش شايف ان الوقت مناسب ونغم كانت نظراتها كلها كره للؤلؤه

في المستشفى خرج يسري على الكرسي بعجل وراكب العربيه مع عثمان وتوفيق ورايحين على البيت

اما في شقه يسري ايناس كانت في اوضتها بتعيط

واقرب حازم وقال لها اهدي يا قلبي بتعيطي ليه

قالت له صعبا عليا نفسي انا عارفه ان هي ملهاش ذنب بس قلبي واجعني من بابا

رد حازم وهو بيرفع وشها ليه انا عارف يا حبيبتي بس عمو ليه عذر برده و لازم تتكلمي معاه وتفهمي ايه اللي حصل ما تتسرعيش وتعاملي لؤلؤه وحش لانها زيك بالظبط اتضحك عليها

ردت عليه اتضحك عليها ازاي وهي طول عمرها في حضن ابوها وامها غيري اللي ما كنتش بشوف ابويا غير كل سنتين مره

رد حازم بس يا حبيبتي انتي في وسط اهلك اما هي كانت وحيده في الغربه اه معاها ابوها وامها بس في الاخر ما لهاش اخوات زيك

ردت ايناس بدموع ومين قال لك اني ما كنتش وحيده انا لولا انت في حياتي كان زمان حصل لي حاجه وانت عارف ان امي مهتميه بس بنغم اما انا ما ليش لازمه

رد حازم وهو بيبوس دماغها ما تقوليش كده يا حبيبتي انتي احسن واحده في الدنيا كلها وبقول لك ايه ما تجيبي بوسه مشبك في اللحظات الرومانسيه اللي زي ديت ابتسمت ايناس

وقالت له بكسوف هو ده وقته

قال لها ما انتي يعني انا مش عارف اتلم عليك من ساعه ما كتب كتابنا يعني انتي مراتي يا بت هاتي بوسه بقى

بعدت ايناس وقالت له لم نفسك يا حازم بدل ما اقول لبابا

رد عليها طب ايه رايك بقى انك مش هتخرجي من الاوضه دي غير لما تديني بوسه وانكسفت خالص وخدودها احمرت

وضحك حازم وقال اموت انا في حبيبي الصغنن

اما تحت وصل توفيق بالعربيه وخرج عثمان ودخل البيت

وقال روح يا هاشم ساعد ابوك بره خرج هاشم ولقى عمه توفيق منزل الكرسي بعجل واقرب من ابوه واقعدوا عليه

وقال يسري وهو ماسك ايديه اوعى تزعل مني يا هاشم بكره لما تحب هتفهم انا عملت ايه ابتسم هاشم وزق الكرسي لجوه

واول ما دخل يسري وشافته لؤلؤه جريت عليه واترمت في حضنه وهي بتعيط

وقالت له بدموع امبارح كانت اسوء يوم في حياتي يا بابا مسح على شعرها

وقال لها اهدي يا حبيبتي كل حاجه هتتحل

قالت له انا خايفه قوي اني ابعد عنك رفع وشها واقول لها مستحيل يا حبيبتي تبعدي عني واهدي بس عشان نعرف نتكلم مع ماما ونصالحها

ردت لؤلؤه وهي بتمسح دموعها زي الطفله البريئه حاضر يا بابا وبرق قرب من يسري وحضنه

وصابرين كانت بتطلع نار من اللي بيحصل وقامت نغم بعصبيه

وقالت طبعا ما انتي مش شايف غيرها

وقال يسري ما تقوليش كده يا نغم انتي بنتي ولؤلؤه اختك

ردت نغم بعصبيه ما تقولش اختي انا ما ليش اخوات غير هاشم وايناس

رد يسري طب اهدي ونبقى نتكلم

قالت له طبعا انت جايبها هنا عشان تقهر امي بيها

رد يسري ابدا هي بس تخف وانا كمان وهاخذها وتسافر

رد عثمان ما فيش سفر وهي هتقعد هنا زيها زيكم بالظبط وحفيدتي وحفيدي مش هيتربوا بعيد عني فاهمين ولا لا

قالت صابرين انت بتقول ايه يا عمي بدل ما تتخانق معاه وتخليه يطلقها خطفت الرجاله ديت

ردت لؤلؤه لو سمحتي ما تقوليش على ماما كده

وقالت صابرين لا هقول واللي عندك تعمليه

وقال يسري بعصبيه لم نفسك يا صابرين وما لكيش دعوه ببنتي فاهمه ولا لا

وماسك ايد لؤلؤه وقال لها تعالي وديني على اوضه ماما

قالت له حاضر وزقت الكرسي ناحيه الاوضه اللي فيها بسمه ودخلوا جوه وقفلوا الباب

وصابرين اتعصبت وطلعت على شقتها ومعاها نغم

وقال عثمان يلا يا شاديه انتي وكوثر خشي اعمله الغداء

ردت شاديه من غير ما تقول يا بابا انا بعمل الاكل انا وكوثر

قال لها طيب يا بنتي وقرب ابراهيم من هاشم

وقال له بالاشاره تعالى نشرب قهوه رد هاشم بالاشاره حاضر

واقرب سيف من ريم وقال لها انا محتاجه اتكلم معاكي شويه

ردت ريم مش هينفع يا سيف انا هروح اساعد ماما وعمته في الاكل

رد سيف تمام يا ريم

وفي الاوضه يسري قرب من سرير بسمه اللي اتصدم من ملامحها اللي اتغيرت في يوم وليله وقرب منها وطبع بوسه على جبينها ومسك ايديها

وقال انا اسف يا حبيبتي اني عملت كده

وقالت لؤلؤه ليه يا بابا كذبت على ماما

رد يسري يا بنت الموضوع طويل بس انا هحكيه لك

وقال لها وانا في الجامعه ابويا حكم عليا اني اتجوز بنت عمي يا اما مش هكمل تعليمي وانا وافقت واتجوزت صابرين

وقعدت ثلاث سنين متجوزين على الورق ما فيش اي كلام بينا وكل واحد بينام في اوضه

لغايه في يوم ما قربت منها وانا مش عارف ازاي وبعديها بعدت تاني عنها وكنت بقعد في سكن الجامعه

لغايه في يوم لما ابويا اتصل بيا وقال لي ان صابرين حامل ورجعت وانا مصدوم وبعد تسع شهور ربنا رزقني بهاشم

وكان احساس جميل ان اكون اب وعهدت نفسي اني اعملها لما يرضي الله وبعد كده اتخرجت واشتغلت في الجامعه معيد وحضرت الدكتوراه

وجاءت لي بعثه الامارات اشتغل هناك وهناك اتعرفت على امك وكانت طالبه عندي

وقلبي اول ما شافها حسيت رجعت مراهق من اول وجديد في الاول اتعملت معاها كدكتور وطالبه

لغايه في يوم ما قلبي ما استحملش ابقى شايفها وهي بعيده عني ورحت اتقدمت لها

وهي وافقت وخفت اقول لها على جوازي من بنت عمي وبعديها امك كان عندها مشاكل في الخلفه

واضطريت انزل مصر زياره وفي الوقت ده برده قربت من صابرين وبعد شهر عرفت انها حامل وكنت مسافر

وجابت نغم وبعد سنتين امك كانت في الشغل معايا في المستشفى واغمن عليها

ولما كشفنا عليها عرفت انها حامل وكانت فرحتي اكني اب لاول مره واول ما شلتك كنت مبسوط انك هتكملي فرحتنا انا وبسمه

وكل ما احاول اتكلم مع مامتك الاقي لساني ما بينطقهاش ولا بيقول على اللي حصل زمان صدقيني يا لؤلؤه انا تعبان جدا

واكتر منكم كمان انا عارف انك كذبت عليكم بس والله ده خوفا عليكم انتم كل دنيتي لؤلؤه بتعيط والدموع على خدها

وحضنت يسري وهي بتقول انا اسفه يا بابا وحقك عليا في اي حاجه حصلت في حياتك

ابتسم يسري وقال لها ما تعتذريش يا حبيبتي انا اللي اسف

وبسمه كانت سامعه كل كلمه ودموعها على خدتها مش عارفه تعمل ايه هل تقسى على قلبها

وتبعد عن يسري ولا تسامحه عشان خاطر لؤلؤه وبرق والطفل اللي جاي للدنيا وفضلت مغمضه عينيها وهي بتفكر

والباب خبط وكانت ايناس وقال يسري تعالي حبيبه بابا وجريت ايناس وحضنت يسري وهو بسها من دماغها

وقال لها كفايه دموع

قالت له انا اسفه يا بابا على اي كلمه قلتها

رد يسري عمري ما ازعل منك يا قلب بابا وبصي لؤلؤه ديت ايناس اختك الصغيره اطيب قلب تعرفيه في حياتك

ابتسمت لؤلؤه وقالت له طبعا يا بابا و ايناس اتكسفت

وقالت عمته بتقول لك تعالوا عشان تتغدوا

رد يسري طيب يا حبيبتي وخرجوا كلهم وبسمه فتحت عينيها وبتعيط وهي مش عارفه هتعمل ايه

وبره كان الاكل محطوط على السفره والكل موجود ما عدا نغم وصابرين وقال يسري هم فين

رد هاشم في الشقه فوق يا بابا سيبهم

قال يسري لا واطلعي يا ايناس اندهي النغم ومامتك

قالت له حاضر

وفي شقه صابرين بتقول اه يا ناري ردت نغم اهدي بس يا ماما وخلينا نفكر هنعمل معاهم ايه

ردت صابرين هنعمل ايه يا اختي ما خلاص قعدوا وثبته اقدامهم

قالت نغم اكيد في حاجه تخلينا نمشيهم من هنا واحنا مطمنين

ردت صابرين سيبيني افكر في الموضوع ده والباب خبط وفتحت نغم

وقالت ايناس ماما يا نغم يلا عشان بابا عايزكم تحت تتغدوا معانا

وقالت نغم لا مش نازلين روحي انتي وقولي له ان مش هننزل خالص

وقالت ايناس ما ينفعش يا نغم لازم تسمعي كلام بابا

قالت لها ما لكيش دعوه انتي وخرجت

وقالت صابرين استني يا ايناس احنا جايين معاكي

وقالت نغم اللي انتي بتقوليه ده يا ماما

قالت لها بعدين نبقى نتكلم يلا خلينا ننزل نتغدى معاهم وفعلا نزلوا

وشافه لؤلؤه قاعده جنب يسري ومعاها برق ونغم بصيت لها بكره وراحت قعدت في مكانها

وقال عثمان كويس انه كلكم قاعدين عشان تعرفوا ان يسري هيفضل في القاهره ومعاه مراته وبنته وابنه

وجات نغم تتكلم مسكت ايديها صابرين وغمزت لها

و قال يسري مش هينفع يا بابا شغل بسمه في الامارات وكمان حياه لؤلؤه هناك وبرق كمان

وقال عثمان هي كلمه وقلتها ويا ريت ما حدش يراجعني في الكلام ويلا عشان تتغدوا

وابراهيم عينه كانت على لؤلؤه اللي شاف السلسله في رقبتها وابتسم وفضلوا ياكلوا

وباب الاوضه بتاعه يسري اتفتح وخرجت بسمه وهي لابسه العبايه وراحت قعدت على الكرسي

والكل مستغرب ومسكت الطبق وغرفه الاكل وبدات تاكل ولؤلؤه

قالت لها انت كويسه يا ماما سكتت بسمه وكملت اكل

وقال يسري بسمه انتي سمعاني ما ردتش عليه

وقامت لؤلؤه وقربت من بسمه وبسمه رفعت وشها وابتسمت

وقالت انا كويسه يا حبيبتي يلا اقعدي تغدي وبعد كده هنتكلم الكل مصدوم من رد فعلها ومستغربين

وصابرين بص لها بحقد

وقال عثمان اقعدي يا بنتي اتغدي وقعدت لؤلؤه وهي عينيها على بسمه هي ويسري

الحادي عشر من هنا

مدونة مكتبة حـــواء

رواية اللؤلؤ والاخرس الفصل العاشر 10 بقلم اميرة خالد