رواية ظلم ابي الفصل التاسع 9 بقلم جمانة السعيدي
ساره....بعد خمس ايام بلظبط من عرسي تتصل ابوي
على سلمان يطلب اجي للبيت لان البيت وصخ
وملابس ابوي كلهن وصخات وصار يومين ياكل طماطه تكلا
لو بيض سلك
يريدني اطبخله
من رجع سامان الضهر
دخل سلم عليه
ساره...هله الله يساعدك
سلمان....شطابخه جوعان
ساره...تبسي وتمن والحجيه تريد تكة دجاج
سلمان.. .قبل لا أنسى ابوج يكول الببت وصخ كلش
وماعندي شي البسه وكتلني الجوع
ساره...ضجت والضحكه راحت من وجهي
سلمان....شو ضجتي
ساره.. هم ابوي بعده وراي
سلمان. .هذا اتفاق قبل الزواج
الحجيه...هااا حجي اجيت ليش تسولف عليها تعال هنا
سلمان...اجيت
دخل للغرفه سلم على الحجيه
الحجيه...شكاعد تحجي وياها
سلمان...ابوها اتصل يريدها تروح البيته تنظفه وتغسل ملابسه
الحجيه...بسم الله ماصار اربع ايام مدري خمسه
من اجت بيتنا
سلمان.. هذا اتفاق قبل العرس
من اطلع العصر اخذها بيت اهلها
الحجيه...اروح وياكم
سلمان...ووين ترحين ويانا لو تردين تعطليني
اخذج وارجعج
الحجيه...بس توصلها بيت اهلها
سلمان...اي عندي شغل انزلها بلباب واطلع للشغل
ساره...بقيت طول الوقت ضايجه اني إلى متى ابقى مسؤله عن ابوي مايزوج ليش مصمم يحملني مسؤليته
تعاي نظفي وطبخي
شيريد مني مصمم ابقى خدامه بيته طول عمري
حتى من زوجني هم اتفق ويا سلمان ااكون خدامه
ليش يرخصني ليش يلغي وجودي
ليش يربد يدمرني اني شسويتله
جمانه السعيدي
تغدينا بقيت انظف بلمطبخ بس كلش ضايجه
سلمان والحجيه تغدو ودخلو نامو بغرفتهم
دخلت سبحت وبدلت وتعطرت ماكدرت انام هلكد ما ضايجه
كعد سلمان اجا دك باب الغرفه عليه
سلمان...ساره جهزي نفسج اخذج الاهلج
كمت بدلت ملابسي ولبست عبايه وطلعت
لكيته منتظرني
صعدت بلسباره شغل وطلع
اول شي سكوت لا اني احجي ولا هو
ساره...اني مااريد اروح بيت اهلي
خفف سرعة السباره
سلمان...شنو
ساره...اني ااني ( ااشر على صدري ) مااريد اروح بيت اهلي
سلمان...ليش
ساره...هيج يعجبني مااريد اروح وخلص
سلمان...بس هذا اتفاق بينا شرط من شروط الزواج
ساره...اتفاق بينك وبينه
اني جنت حاضره وافقت على هذا الشرط
المفروض تسئلوني قبل هذا الاتفاق
سلمان....بس اني ماجنت اعرف انتي رافضه هذا كان شرط ابوج للزواج
ساره....احنا مزوجين
سكت شويه وبعدين كال
سلمان....شنو قصدج
ساره...انت كلت شرط زواجنا اروح بيت اهلي
انظف واطبخ انت برائيك احنا مزوجين
سلمان....بلعقد مزوجين
ساره...والحقيقه
سلمان....ووين تردين توصلين
ساره...برائيك اني مااستحق ااكون زوجتك
سلمان....ليش انتي الف واحد يتمناج واني الي الشرف
ااكون زوجج
ساره....ليش زواجنا على الورق
سلمان....ابوج يعرف اني ليش طلبت ايدج
ساره...انت مزوج ابوي لو مزوجني
سلمان.....سكت
ساره.... مادام هذا الزواج ما تم اذن انت ما ملزم تنفذ شروط هذا الزواج
سلمان...شلون يعني ما فهمت
ساره.. شرط الزواج اني اروح اخدم بيت ابوي
وهذا الزواج ما.تم يعني انت مو ملزم تنفذ هذا للشرط
سلمان.. بس اني انطيت كلنه
ساره... كلمه مشروطه بتنفيذ الزواج
سلمان.. مااكدر ارجع بكلمتي
اوصلج بيت اهلج وابقى انتظرج روحي الابوج كولي اني
مااريد اجي بيتك
وسلمان ماله شغل بهذا القرار
وتعالي ارجعج للبيت
بس لا اطلعيني مو كد كلمتي عيب الرجال يرجع بكلامه
ساره. اذا جبرتني انفذ هذا الشرط اروح احرك بيت ابوي واجي كافي كل واحد يتحكم بيه شويه
اني بشر مو لعبه
سلمان...سوي الشي الي يعجبج بس اني مارجع بكلمه انطيتها
ساره.. عندي سؤال راح يموتني
سلمان.. سلامتج انتي اليوم ليش هلكد عصبيه
ساره...انت ليش هيج مستسلم للحجيه
اني اشوفك قوي وشخصيه وهيه لاحول ولا قوه
كلشي ماتكدر تسوي محبوسه داخل جسمها الضخم
والأمراض الي محاصرتها
سلمان....اني راح احجيلج قصتي وانتي قدري وضعي
واتاكدي قبل لا احجي كلشي
اني اتمنى هذا الزواج يكمل ويكون حقيقي
بس اكو التزامات تمنعني ااكمل هذا الزواج
اني ازوجت الحجيه بعمر عشرين سنه
وهيه بوقتها كان عمرها ١٨
زواج اقارب اني ماانكر اني احبها
لان هيه الها وكفات مشرفه وياي ومااكدر انساها
وكفتلي وساندتني ااكثر من اخواني وأهلي
الحجيه اهلها حيل شبعانيين وخيرهم ماله عدد
واني من ازوجتها كنت على كد حالي
وافقت عليه رغم هيه تعرف اني مااكدر اعيشها عيشت اهلها ازوجنا كنت بوقتها اشتغل عامل
بمكتب مخضر انزل صناديق مخضر
انزل حموله واصعد حموله
من شافتني ارجع تعبان ومهدود حيلي ماقبلت
اعيش هيج عيشه
باعت الذهب الي جايبته من بيت اهلها على ذهب العرس
كالت افتح مكتب خاص بيك
لا تشتغل جو ايد هذا وذاك
اخذتهن وشتغلت الحمد لله رب العالمين رزقني خير
بعد سنتين بدينا نراجع اني وياها على اطفال
بس ماصارت القسمه
بذاك الوكت ماكان الطب هيج مطور
كعدنا وسكتنا اني وياها
لا حجت ولا فتحت حلكها رضت بلامر الواقع وسكتت
اتكول مااكدر اعوفك علمود الأطفال
الأطفال رزق رب العالمين هو بكيفه يرزقنا او يمنع عنا
جمانه السعيدي
من بعد عشر سنوات زواج اتوفا ابوها الله يرحمه
وطلعت حصتها من الورث جبيره
لان هيه ماعدها بس اخ واحد واخت
ماعزت عليه لا فلوس ولا املاك
شالت حصتها وانطتنياها بدون ما تطلب اي مقابل
ولا شرطت عليه اي شرط
اني ماكدر اكل حقها
سجلت كلشي أملكه باسمها لان هيه تستاهل
وكفت وياي وساعدتني هوواي
رب العالمين يكول هل جزاء الإحسان إلا الاحسان
اني مااكدر اجازيها على هاي التضحيه والتعب بلنكران
من بعدها اني انشغلت بلشغل واخذتني الدنيا عنها
ولان هيه كاعده كل الوقت وحدها
كامت تاكل هلكد ما مكتئبه اطلع ضوجتها بلاكل
بدت تسمن شويه شويه
من بعدها بدت تطلع عدها امراض المفاصل
والضغط والتهاب الاوتار
انشغالي عنها ما يخليني اكدر اعتني بيها
جبتلها وحده تخدمها
البنيه زينه بس هيه شردتها هلكد ما تغار عليه
جبت وحده ثانيه جبيره تخدمها
مع الأسف بعد اول اسبوع باكت محبس ذهب وكلاده ونهزمت
شكد دورت عليها ماكو
عبالك فص ملح وذاب
اني اعرف ابوج من زمان بس ماجنت اعرف عنده بنيه
جبيره كاعده بلبيت تخدمه وتخدم اخوانها
الحد مافديوم سئلته منو يخدمك
لو انت نخدم نفسك
جمانه السعيدي
كال لاعندي بنيه جبيره خادمتني وخادمه خوانها
شايله البيت شيل
سئلت عنج هواي اغلب الناس كالو احنا ماشايفينها
من بعدها طلبت ايدج من ابوج
بعد مااتفقنا اني والحجيه هذا الزواج يكون بلاسم
وبس حتى نظمن ما اضوجين بعد فتره وتعوفينا
ااني بعد مااكدر اامن على بيتي وياا اي وحده
الناس صارت تخوف
ساره.....انت مقتنع بهذا الزواج
سلمان...اي مقتنع وواثق منج ومن اخلاقج
وكفت السياره باب بيتا
ساره...ليش وكفت
سلمان...بيت اهلج
ساره.. اني كتلك مااريد اروح بيت اهلي
سلمان...اني راح انتظرج برأس الشارع انزلي كولي الابوج
اني مااريد اجي اخدمك
وتعالي ارجعج للبيت
ساره...ماانزل يعني ماانزل كافي كل واحد يتحكم بيه شويه اني منا وهيج اسوي الشي الي يعجبني وبس
اني مو زغيره
ضاع عمري اني انفذ أوامر هذا وذاك
بقه يباوع عليه متفاجئ من كلامي
شغل السياره وطلع
بقينا ثنيينا ساكتين
اخذني للسوك وكف السياره وكال انزلي
ساره...ووين اروح
سلمان...اشتري الملابس الي تعجبج اي شي يعجبج اشتري
نزلت دخلنا للسوك هو يمشي كدامي واني امشي ورا
شفت محل بي شلحات وملابس قصيره وشغلات حلوه
دخلت
سلمان كعد على الكرسي وكال اشتري اي شي يعجبج
اشتريت شلحات ثنيين وثياب قصيره وشغلات تول
اي شي يعجبني اخذه
طلعنا رحنا محل ملابس ثاني اشتريت تراكات ثنبين
وأربع دشاديش ونفانيف ثنيين
ومكياج وعطور مابقى شي بنفسي
سلمان...تردين بعد شي لو كافي
ساره...كافي بعد مااريد شي شكرا نفسيتي اتحسنت
يله نرجع للبيت
سلمان...اي بيت منهن
ساره...بيتنا بيتنا اني وياك
ابتسم وكال يله شال العلاليك ومشا كدامي
رجعنا البيتنا بس فتحنا الباب الحجيه صاحت
منو سلمان
سلمان...اي اني اجيت
رن تليفون سلمان
اااشرلي ابوج
سلمان.. هلو ابو مصطفى شلونك
ابوي... الحمد لله ووين ساره ما جبتها
سلمان. هاك ساره تحجي وياك
ساره.... اسمع زين اني مو خدامه تبيع بيه وتشتري بكيفك
اني بيتك بعد مااوصله ولا ادخله
وسلمان ماله علاقه بهذا لقرار
هذا قرراي لو تذبحني بعد ماادخل بيتك ولا اخدمك
ابوي.. انجبي حيوانه اجي اكسر راسج اذا ما تجين خلال ربع ساعه شوفي شراح اسوي بيج
اجي اموتج تموت
شوطلع السانج لا تكونين مفكره زوجتي سلمان ويكدر يحميج مني ترا انتي كلج كلج خدامه
ساره...لو تموتني مراح ادخل بيتك انسى عندك بنيه اسمها ساره انت بعتني وقبضت الثمن
خلاص طلع خدامه تخدمك بفلوس مهري الي اخذتهن مني
قفلت التليفون واني احس براحه موطبيعيه
فرغت كل الاشياء الي موضوجتني
بعد مااخاف من ااكبر واحد
الرب واحد والعمر احد مراح يصير شي ااكثر من الي قاسمه رب العالمين اليه
انتظرونا..
العاشر من هنا
