رواية ظلم ابي الفصل الثامن 8 بقلم جمانة السعيدي
ساره...طلع سلمان رجعت الغرفتي
تمددت افكر بيني وبين نفسي شلون متحملها
عصبيه ومتسلطه وغيوره وهو ماشاء الله صحه وعافيه
وشكله زين
شويه وسمعتها تصيح ساره ساره وينج
ساره.. خليت الحجاب على راسي ورحت عليها
بقت تباوع عليه لابسه ثوب ومكيجه
الحجيه. .ووين عمج
ساره...عمي ؟؟؟؟؟
الحجيه.. اي سلمان
ساره...طلع
الحجيه..وانتي جنتي كاعده شفتي من طلع حجيتي ويااا
ساره....لا ماشفته جنت بغرفتي بس سمعت الباب انطبك
( استغفر الله ربي هيه الي تخليني اجذب مااريد مشاكل )
الحجيه...يعني ماشافج
ساره ...لا ماشافني
الحجيه....جوعانه شوفي اكو كعك اريد كعك وجاي
ساره...اي اكو كعك
الحجيه...روحي خدري جاي بس اريده مخدر ومهيل كون يخبل
علما يخدر الجاي تعالي اريد اروح للصحياة
ساره...تمام
اخذتها للصحياة بس شنو كمت الهث نفسي انكطع حيل ثكيله ولله خايفه لايصير عندي انزلاق بسبب وزنها رجعتها خليت الجاي والكعك كدامها
تاكل وما تشبع
الحجيه...ماتاكلين
ساره...بعدني شبعانه من الغده
الحجيه...شراح تحضرين عشى
ساره....بكيفج
الحجيه...اريد.كباب عروك وبتيته عليها فلفل حار
وطماطه نخابر الحجي يجيب ويا صمون حار
ساره...كتلها حاضر سلمان كال اجيب عشى من برا
واني كتلها ماشفت سلمان من طلع
بس احجي تكول ليش تحجين ويااا سكتت
طلعت لحم وعجنت كباب وعفته على صفحه
اسمعها اتصلت على سلمان وكالتله جيب وياك صمون حار
سلمان...اني اجيب عشى
الحجيه...شنو تجيب عشى وساره شنو شغلها هيه
تحضر عشى
سلمان...اني مشتهي معلاك وكباب راح اجيب وياي
الحجيه...هااا معلاك اني هم اريد معلاك
سلمان....من ارجع اجيب وياي
جمانه السعيدي
ساره.......قبل لا يوصل اني رحت طوخت الحمره وسبحت بلعطر ونزعت الحجاب وبقيت انتظره
هو هم زوجي مو بس زوجها
من دخل وشافني سلم عليه وابتسم
ساره. ...هلو جيب العلاليك خاف ثكيلات عليك
سلمان...لامو ثكيلات
صاحت الحجيه هااا حجي اجيت
سلمان... اي توني وصلت
الحجيه. تعالي ساره طلعيني
طبعا هيه تريد تطلع برا حتى تمنع اي كلام بينا
سلمان...اني اروح اطلعها
دخل عليها هااا شلونج اليوم
الحجيه. الحمد لله شحجيت وياها
سلمان...كلشي ماحجيت سلمت عليها ونزلت العلاليك
الحجيه. وليش اتسلم عليها
سلمان...شنو القصه السلام لله شلون واحد يدخل للبيت مايسلم
الحجيه.. اي لا تسلم عليها خليها تولي
ساره.. اني سمعت كل كلامهم
طلعو برا هيه شافتني بدون حجاب ومحمره وهيه نزلت عليه غضب
الحجيه. .... ما تستحين المن محمره وشني هذا الثوب الضيك انت شتردين بلضبط
عود شوفني ضعيفه وانتي جنج مطي محمر
سلمان...كافي حجيه البنيه ماسويت شي
الحجيه.. شوفها تريد تغريك مايباوع عليج لو تموتين
فهمتي لو لا
ساره . حجيه ترا اني اسمي عروس من نفسي اخلي حمره
الحجيه ....من يطلع عمج عود اتحمري
مو مكابلته ومحمره
سلمان. ياطلابه الي ما تخلص نتعشى لو اروح انام
الحجيه...شنو تنام اني جوعانه هاي الحيوانه ماناويه
اجيبها البر
روحي خلي حجاب على شعرج وغيري ثوب هذا البسي ثوب عريض وتعالي صبي الاكل
ساره...رحت لبست حجاب اني ااكول بكلبي
اذا مااجلطج مااسمي ساره انتي شايفه نفسج
بلكوه تتنفسين وبعد تتامرين انتي الكاع ما حاملتج
كملنا ناكل و احنا ساكتين هيه وسلمان شغلو التلفزيون واني كملت تنظيف المطبخ
اشتغل وافكر
لا ابوي اجا سئل عني ولا اجا حتى باركلي
واختي الوحيده حتى مارفعت التليفون تباركلي
واخوي نساني حرامات شكد تعبت عليهم وشكد شفت ضيم بسببهم
اتاخرت بلزواج وتركت المدرسه وحتى اطفال مراح يصير عندي كله بسببهم
كلشي صعب مر عليه بسببهم
ولا واحد بيهم كلف نفسه يرفع التليفون يسئل عني
انت ابوي ليش هيج على الاقل اسئل عني
هسه سلمان شيكول عني
ابوها ماصدك يشمرها ويفتك منها
سمعت اسمي
سلمان.. ساره وينج
عفت شغلي ورحت
ساره. هااا محتاج شي
سلمان.. ما كملتي تعالي اكعدي ويانا
الحجيه.. شعدها كاعده ويانا اذا كملتي شغلج روحي بغرفتج
ساره.. اي كملت تحتاجين اخذج للصحياة
الحجيه...اي وعندي ملابس اغسليهن
ساره. تمام
اخذتها للصحياة بعدين شغلت الغساله
وبديت اكوي ملابس سلمان الي يطلع بيهن باجر
راحو ثنيبنهم الغرفة النوم واني بعدني افتر بلبيت وامسح وغسل ماجايني نوم
شويه وطلع سلمان
اجا قرب عليه
سلمان...بصوت ناصي لا اضوجين منها مكتئبه لان ما تطلع من البيت بسبب وزنها
ساره...لا مااضوج منها
سلمان. جبتلج تليفون لان ماشفت عندج تليفون
اذا تردين تتصلين على اهلج
وسجلت رقمي اول رقم
ساره....ابتسمت واخيرا لكيت انسان يطبطب على كلبي
ويهتم الزعلي
شكرا الله يحفظك اليه ممنونه منك
سلمان. من اخذج البيتكم نمر على السوك تشترين ملابس
لان ماشفت عندج ملابس هواي
ساره... كافيات عليه اني وين اروح
سلمان....لا مو كافيات تحتاجين ملابس
البسي وسوي اي شي يعجبج مكياج لبس حلو
لا تهتمين الكلام الحجيه
ساره....اهم شي انت تكون راضي عني
سلمان.. انتي بت حلال الله يرضا عنج
جمانه السعيدي
عافني وراح للغرفه بس دخل فزت الحجيه
الحجيه. ووين جنت
سلمان. رحت للصحياة
الحجيه. ساره نايمه لو كاعده
سلمان.. نايمه والضوه طافي
ساره...دخلت غرفتي وبقيت اكلب باتليفون
واشوف مقاطع مضحكه ماحسيت غير اذان الصبح اذن
طلعت اصلي شفت سلمان جاي يتوضا
ساره...صباح الخير
سلمان.. صباح الخيرات
صليت ورجعت الغرفتي
كعدت الصبح متاخره على صوت الحجيه تصيح باسمي
طفرت الساعه عشره اله ربع
كمزت حيل اني نايمه الهيج وكت
رحت الغرفتها قبل لا اكول صباح الخير
هجمت عليه نايمه الهسه الدنيا ضهر
بعدني لا مغسله ولا متريكه وما ماخذه علاجي
اني جبتج هنا تنامين انتي شنو ما تفتهمين
هذا الوضع ما يعجبني اذا استمريتي هيج من باجر ارجعج بيت ابوج
ساره. حجيه على كيفج بعد ما تتكرر انت كولي بيش الساعه ترديني اكعد واكعد
الحجيه. يله تعالي اريد اروح للصحياة
ساره... حجيه تر انتي ثكيله وضهري يوجعني من احركج
الحجيه.. انجبي شنو ثكيله هو اني شويه اسمن منج
ساره.. حجيه اني وزني ٧٠
وانتي ااكثر من ١٥٠ كيلو ايجوز ١٧٠
الحجيه انتي شو طالع السانج شنو ماكله بيت ابوج
ساره.. يله ساعديني مااكدر احركج
الحجيه...اذا ماا اطيح حضج بت الكلب
ساره.. ليش تغلطين موجاي احاول اساعدج
الحجيه. غصبا ماعليج انتي خدامه عندي
ساره...عفتها ووكفت وتخصرت
واذا عفتج هسه شلون راح تقضين حاجتج
اعوفج واروح
شالت ايدها وضربتني على بطني حيل
الحجيه.. بكيفج غير انعل والديج انتي جايه هنا خدامه
فهمتي لو لا
ساره...اي اساعدج بس الزمي السانج عني
ترا انتي محتاجه اربعه يله يحركونج من مكانج
الحجيه. انجبي وشوفي شغلج
ساره.. دنكت عليها وهيه هم ساعدتني شويه وحاولتها على الكرسي
اخذتها للصحياة بعدين سبحتها وغيرت ملابسها
وحضرت الها ريوك
ريوكها اربع بيضات بلدهن وجبن وقشطه تاكل اربع صمونات من الصبح
اني من شفتها هيج تاكل عفت الاكل وكمت
جمانه السعيدي
دزيت رساله السلمان
ساره.. صباح الخير ليش طلعت بدون ريوك جان دكيت الباب حتى اكعد
سلمان. صباح الخيرات والمسرات مااريد اتعبج
ساره.. وين التعب تعال شوف الهجمه من الصبح
سلمان.. خير ليش
ساره.. لان اتاخرت بلنوم هجمت عليه حتى اهلي نزلتهم وواحد وواحد
وضربتني ضربه على بطني
سلمان....ولله مااعرف شلون اعتذر منج
ساره.. ليش تعتذر وانت شنو دخلك
سلمان. لان اعرف طبعها محد يتحملها وجبتج تعيشين وياها
ساره...اتحمل وأمري لله شتريد اطبخلك ااكل على الغده
سلمان...اي شي من ايدج طيب
راسا سمعت صوت الحجيه
وويامن تحجين
ساره...يمه كمزتيني وويا اختي
الحجيه...شعدها اختج من الصبح
ساره. ماعدها شي بس حبيت اطمن على ابنها مريض
الحجيه.. عوفي التليفون وكملي شغلج
اول ابدي بغرفتي
غيري الجرجف والبرده وعطريها وافتحي الشباك
وبعدين تعالي حضري الغده ساره.. حاضر بس اخلي الحم على النار لو اسوي دجاج شوي
الحجيه. اي اشوي دجاج واخلي ويا بتيته وبذنحان وطماطه
ساره.. حاضر تدللين
بلشت اشتغل وهيا ماعده على التلفزيون
من كملت غرفتها راحت للغرفه واني كملت تنظيف البيت
التنظيف والطبخ بجفه وتحريك الحجيه من مكانها
شي ثاني تعب
افكر اكللها قللي ااكل خاف تتعارك وياي
خاف يوصل وزنها ٢٠٠ شلون بيه
