رواية ظلم ابي الفصل السابع 7 بقلم جمانة السعيدي
ساره...تقدمت امشي واني خايفه
دخلت للغرفه
رفعت راسي مره جبيره وسمينه كلش سمينه تارسه الجربايه ام النفرين ترس ايجوز وزنها ١٥٠ كيلو او اكثر
سمره عيونها زغار خشمها جبير
لابسه دسداشه نيلي بيها نقطه ابيض
ولا بسه فوطه على راسها بيضه شعرها طالع من كدام ابيض
ساره....مساء الخير شلونج حجيه
بلبدايه ماردت عليه بقت تباوع عليه من فوك ليجوه
الحجيه...هله اسمج ساره
ساره...سلمان جان كاعد بصفها على الجربايه
كاعد على طرف الجربايه لان هيه ماخذه المكان كله
سلمان...اي اسمها ساره تعالي ادخلي ليش واكفه بلباب
ساره...تقدمت ااكو كرسي بلغرفه كدام ميز المرايه
اجيت اكعد علي
الحجيه...قبل لا تكعدين ولا تحجين اي كلمه
هذا الزواج مجرد حبر على ورق اني وسلمان عشرة عمر
مزوجين واحنا اطفال يعني سلمان ما محتاج زوجه
اني ويا ااكثر من زوج وزجه
بس شسوي للنصيب ماصار عدنا جهال
انتي هنا مجرد خدامه
يعني مراح يصير بينج وبين سلمان اي شي
انتي جايه حتى تخدمني وبس
ساره....حسيته جاي تشوفني حدودي بهذا البيت
يعني انتي هذا حدج لا تجاوزين علي
.الحجيه.....اني قبلج جبت خدامه وثنيين بس طلعن مو محترمات
واني كلشي ولا امانه اتخبل من الانسان الي يخون الثقه
ساره...هذا الكلام تحديدا تقصد بي لا تقربين على سلمان
وتخونيين الثقه
الحجيه.....احنا سمعنا عنج بت حلال وإنشاء الله تطلعين بت حلال
انتي وسلمان مراح تلتقون ابد ولا تحجين ويااا
كل كلامج وياي اني
فهمتي لو يحتاج لشرح ااكثر
هاي الحجيه شبيها عجوز وما تتحرك وهو شايب وبعدها تغار علي صدك لو كالو الضره مره لو جانت جره
الحجيه...عرفتي حدودج بهذا البيت
ساره...اي عرفت عندي سؤال
راح يكون عندي مكان خاص بيه
لو اكعد وياج بغرفتج
الحجيه...لا ااكيد راح تكون عندج غرفه
هاي الغرفه انام بيها اني وسلمان
جمانه السعيدي
انتي شغلج من الصبح يبدي وياي من يطلع سلمان من البيت
عليج البيت تنظيف وطبخ هاي اذا طلع طبخج طبب
بلنسبه اليه
يوميه اريد اسبح وابدل وملابسي تنغسل وتساعدني اروح للصحيات
ساره...تمام محتاجه شي مني هسه
الحجيه....لا اليوم اجت بت اختي نظفت البيت وغسلتلي
على باجر انشاء الله
شما تكونين مطيعه وياي راح ارضيج
ووأكد عليج للمره الثانيه انتي هنا مجرد خدامه
ممنوع تقربين على سلمان لو تحجين ويااا
ساره...تمام ووين غرفتي
سلمان...اني هسه اشوفج غرفتج
الحجيه...لا لا تروح وياها ابقى هنا اريد احجي وياك
الغرفه الي بصف الدرج غرفتج
ساره...بس اريد ملابسي بقن بلسياره اريد ابدل
سلمان...اني اروح اجيبهن
الحجيه...اكعدي هنا كبالي منا لمن يرجع سلمان
ساره...اجيت اطكه ضحكه معقوله تغار علي الهلدرجه
ليش عافته يزوج اذا تحبه هيج
ساره...كعدت على الكرسي احجي بكلبي
ياربي انتي وينج وين الغيره اذا اتكلبين من مكانج تحتاجين شفل
حتى يكلبج
شلون متحملها سلمان وصابر عليها
موحلوه وسمينه كلش وفوكها متحكمه
شويه ورجع سلمان كال خليت الجنطه باب غرفتج
الحجيه...تعال اكعد هنا روحي الغرفتج
ساره....تمام من رخصتكم
طلعت رحت الغرفتي شلت الجنطه ودخلت للغرفه
فتحت الباب وتفاجئت
غرفة نوم ام النفر واحد
جربايه ام النفر وكنتور ٣ باب وميز مرايه
بس الغرفه حلوه وبارده وريحتها طيبه
اجاني احساس بلراحه
رغم الحجي الي سمعته من الحجيه ولي يغث اكبر وحده كل شويه وكالت خدامه
اي راعي مشاعري شويه
بس احس كلبي مطمن البيت حلووو
بعض التغير بحياتي خل ابدل وباجر يصير خير
بدلت ملابسي لبست دشداشه وتمددت
الله حلو هذا المكان ووين جنت ووين صرت
الغرفه حلوه ومريحه
قبل غرفتي اذا يحترك الكلوب اسبوع اتوسل بابوي يله
يجيب وواحد جديد ابقى كاعده بلضلمه وهو الكلوب بالف دينار
وهاي الغرفه كلها اضويه
خل احسب كم كلوب واحد ثنيين اتلاثه اربعه خمسه سته
حيل ست كلوبات بغرفه وحده
ياعمي هذا دلال
جمانه السعيدي
بلكت من اشتغل هنا يكرموني يدللوني
احسن من ابوي اركض من الصبح لليل وحتى ثوب
مايقبل يشتريلي
ماكدرت انام المكان متغير الغرفه حلوه
مامصدكه صح اني جنت متخيله ليلة زواجي غير
اتوقعت سلمان ينام وياي بنفس الغرفه
ويبقى يسولف عليه حتى اطمن
او على الاقل احس اني مزوجه بس ماجنت اعرف
الحجيه تغار علي وحتى ما تخلي يقرب عليه
بس ميخالف حتلو انام وحدي هم راضيه
اعتبره سفره اغير بيها جوووو
بس كون الحجيه ما تضغط عليه بلشغل وتخليني اكره روحي
ثاني يوم كعدت الصبح اني متعوده ااكعد بلسته ونص
احضر الريوك وملابس ابوي للدوام
وابدي انظف وارتب و اطبخ
طلعت من الغرفه ماكو اي صوت نايمين
مااعرف احضر الريوك واكعدهم لو هما ما يكعدون من الصبح لو يتأخرون
بقيت افتر بلبيت كلشي مرتب وحلو
فتحت المجمده متروسه ااكل أشكال واللوان
احنا ابوي يجيب نص كيلو لحم ويكول قسمي اتلاثه
شني هذا الخير ياربي
صلوات على النبي اللهم زد وبارك
سمعت صوت وراي يكول صباح الخير
كمزت صحت يمه
سلمان....اسم الله شبيج
ساره...ماحسيت بوجودك (( حسيت نفسي محرجه
شراح يكول تفتش بلمجمده من الصبح جوعيه شبيها ))
ساره....اسفه اريد اطلع شي اطبخه للغده
سلمان...من هسه بعد وكت الحجيه ماتكعد هسه
تكعد بلتسعه
ساره.. اني متعوده ااكعد الصبح
سلمان....لا هنا ماكو كعده من الصبح يبدي اليوم من تكعد
الحجيه من النوم
ساره...اسفه بعدني ما متعوده على الوضع الجديد
ااحضرلك ريوك
سلمان...اني متعود اتريك بلسوك
ساره..وليش بلسوك اني احضرلك ريوك
على صوت كلامنا سمعت الحجيه الصوت
عاطت بصوت عالي سلمان
جمانه السعيدي
قبل لايرد عليه ويكول اريد ريوك لوما اريد عافني وراح الغرفتها
الحجيه...ويا منو تحجي
سلمان...وياا ساره ليش
الحجيه...اني مو كلت مالك كلام وياها
ساره. .كلت الله يستر هذا اول يوم
الحجيه. .ساره تعالي
ساره...رحت دخلت غرفتها صباح الخير حجيه
الحجيه....اني شكلت ليش تحجين وياااا
بعدين ليش ماكو حجاب على شعرج هاا بدينا بلخيانه
ساره...اني كعدت اريد اشتغل وما توقعته يكعد هيج وكت
اسفه هسه اروح البس حجابي
الحجيه...روحي بغرفتج من يطلع يله اطلعين وممنوع تنزلين الحجاب من راسج اذا كان موجود أو غير موجود بلبيت
وهاي سوالف التنعوص واسويلك ريوك عوفيها لا اسود عيشتج وارجعج منيين مااجيتي
هاي اول يوم وغدرتي بيه
ساره...ماغدرت بيج ولله اريد احضر الاكل
وهو حجا وياي
الحجيه...روحي بغرفتج بسرعه ولا اطلعين اله يطلع من البيت
عفتهم ورجعت الغرفتي ياستار هاي شبيها
سلمان....ليش تحجين هيج وياها ترا ما سوت شي غلط
الحجيه...هااا بدينا جنك حنيت الها
احنا متفقين هذا الزواج مو حقيقي هيه هنا خدامه وبس
سلمان....اني راح اطلع الف مره كتلج غيري اسلوبج هذا
ماصار شي حتى تعيطين من الصبح
كل الناس شارده من عدنا بسبب اسلوبج هذا
محد يقبل يخدمج تاليتها تبقين وحدج بلبيت
بدل سلمان وطلع من البيت سمعت الباب انطبكت حيل
مبين منزعج من الصبح
راسا سمعتها تعيط بصوت عالي
الحجيه...ساره ساره وينج
خليت الحجاب على راسي وطلعت اركض
ساره...هااا حجيه خير
الحجيه.. اي خير منيين يجي الخير وانتي اول يوم بهذا البيت سويتي مشكله بينا
ساره....اسفه ولله مو قصدي اني متعوده اكعد بيتنا من الصبح احضر الريوك الابوي واحضر ملابسه
ومن يطلع ابدي اشتغل
توقعت النظام هنا هيج اسفه ولله موقصدي
الحجيه.. انتي بمرحلة اختبار اذا صارت مشكله ثانيه بسببج
تطلكين وكبل البيت اهلج
ساره...حاضر
الحجيه...يله تعالي اريد اغسل فورتي دمي من الصبح الله يفور دمج حيوانه لا فهم ولا علم
ساره...ضجت ليش تغلط عليه قربت اريد احركها
ما تتحرك هاي شلون مصيبه
اخاف على ضهري شلون احرك هيج وزن
الحجيه...جيبي الكرسي المتحرك قربي عليه
قربت الكرسي وكوه كدرت احركها وهيه هم تساعدني
بس وزنها ما يسمح
بلكوه صارت على الكرسي
الحجيه .. وثول شبيج
ساره....حجيه ثكيله
الحجيه...شنو ثكيله شقصدج ترا ما ماكله بيت ابوج الفكر بعدين هذا السمن من العلاجات الي جاي اخذها
جمانه السعيدي
ساره...سكتت لان كلشي احجي ما يعجبها
دفعتها ودخلتها للصحياة
ردت اطلع كالت لا تعاي ساعيني ااكعد على المقعد الغربي
كوه حركتها وحولتها على المقعد وطلعت
شويه كملت وكالت تعالي طلعيني
دفعتها طلعتها
ساره....اخذج للمطبخ نتريك لو اطلعين بلحديقه تغيرين جو شويه تتركين بلحديقه
الحجيه....اي صار هواي ما طالعه بلحديقه اخذيني للحديقه
ساره...دفعتها للحديقه ورحت حضرت الريوك وجبته
اتريكنا وكملنا اني وياها
تاكل هوواي تاكل وتكول مااكل سمينه من العلاج
الحجيه...روحي جيبي علاجاتي تلكيهن بحافظ
بلثلاجه
ساره.. صار
دخلت جبت العلاج والمي
ساره...تحبين تبقين هنا لو ارجعج الغرفتج
الحجيه. لا ابقى هنا
ساره...شنو اطبخ للغده
الحجيه....اطبخي باميه وتمن ابيض وطلعي سمجه
خليها بلفرن
ساره....صار تدللين
طبعا بيتهم نظيف ومامحتاج تنظيف بلشت بلمطبخ
نظفت وبقيت احضر بلغده
ضايجه على سلمان طلع زعلان من البيت
الله يساعده هاي سعلوه مو و مره
رحت رتبت غرفتها لكيت محبس ذهب جبير على الميز
نظفت وعفته بمكانه
ايجوز هيه عايفته تريد تختبرني
الحمد لله اني ماعندي هيج سوالف ابد مااطمع بشي مو اليه
تقريبا ساعه ورجعتها الغرفتها ماكو بس دخلت للغرفه
سمعت صوت الشخير تشخر بصوت عالي
كله هذا من السمن الشحم نايم على كلبها
ما يخليها تتنفس
الساعه وحده الضهر اجا سلمان
من دخل وشافني بلمطبخ رفع ايده سلام بدون صوت
يخاف تهجم علي السعلوه
هزيت راسي وابتسمت
من شافني ابتسمت هو هم ابتسم شكد حلوه ضحكته
اول مره اشوفه يضحك
اااشرلي وينها
(( الضاهر راح نحجي بلغة الاشاره بهذا البيت ))
اشرتله نايمه
اجا قرب على الطباخ يشوف شطابخه
فتح الجدر شم الريحه ااشرلي 
فتحت الفرن وشوفته السمجه
ااشرلي براسه تمام
عافني ودخل للغرفه
سلمان....هااا حجيتي نايمه
الحجيه...هااا اجيت ماحسيت بيك هذا العلاج
يخليني انام وماادري بنفسي
سلمان... اغيره اللج
الحجيه...اي اريد ارجع للدكتور بلجمعه شنو كل الوقت نايمه
سلمان...شلونها ساره وياج
الحجيه.. بسم الله الرحمن الرحيم اول يوم بعدني مافهمت منها شي
سلمان...خير انشاء الله نتغده
الحجيه...شفت ساره من دخلت
سلمان....اي واكفه بلمطبخ تحضر الغده
الحجيه.. حجيت وياها
سلمان....شحجيت هو اني توني دخلت بسم لله
الحجيه... اي لا تحجي وياها ساره حضري الغده حتى نتغده
ساره.. اي صار حجيه
جابها سلمان يدفع بيها على الكرسي المتحرك
جمانه السعيدي
ساره..حضرت الاكل وصبيت كعدنا ناكل واحنا ساكتين
من كلمنا
سلمان..عاشت ايدج طبخج طيب
الحجيه...ابد مو طيب طبخها ووين اكو مركة باميه هيج تلعب النفس
سلمان....طيبه كلش طيبه المركه
الحجيه...انت وين تعرف بلطبخ مو طيبه
سلمان...اني داخل انام ساعه حتى ارجع اطلع
ساره...دخل سلمان للغرفه وهيه كالت تعاي ادفعيني
رجعيني للغرفه
دفعتها رجعتا للغرفه وصعدتها على الجربايه
طبعا هيه تكدر تمشي بس شنو تمشي على كيف ولازم تستند على شي وكل خطوه وصاحت ااخ ااخ
صعدتها على الحربايه ورجعت نظفت المطبخ ورجعت كلشي المكانه
دخلت سبحت مشطت شعري لبست الثوب الي لبسته بلمهر
خليت معطر وشويه حمره وكحله
سمعت صوت بلمطبخ توقعت نسيت باب المطبخ مفتوح
والبزونه دخلت
طلعت لكيت سلمان فاتح الثلاجه يشرب ماي
ااشرتله اخدرلك جاي
سلمان.... حجا بصوت ناصي لا روحي ارتاحي هناك اشرب بلشغل
ساره....لا اني اسويلك بسرعه علما تسبح
ااشرلي براسه اااي
خليت القوري على النار خدر الجاي طفيته
طلع من الحمام بدل واجا للمطبخ
ساره...وين ملابسك اغسلهن احجي بصوت ناصي
خاف السعلوه تسمعنا وتكعد
سلمان....بلحمام خليتهن
ساره...تمام
سلمان....لا تعبين نفسج اجيب عشى من برا توج سبحتي
تصير بيج ريحة طبخ
ساره....شكرا وياها ابتسامه
ابتسم ورفع ايده سلم عليه وطلع
انتظرونا .
الثامن من هنا