رواية بحر عينيها الفصل السابع 7 بقلم اية محمد
اليكم الفصل 7
بداية جديدة وعهد جديد ان روحي لك وانت لي
سوف اذهب قليلا وساعود.
***********
في الصباح نجد جميع العائلة حول منضدة الطعام ويترأس هذه المنضدة نبيل علي يمينه شهاب وبجانبه تمارا وخالد وتجلس علي اليسار فوزية وبجانبها نهلة
نبيل يتحدث الي شهاب: شهاب هو صفقة العدوي اي أخبارها
شهاب: متقلقش يا بابا كل حاجة تمام وكمان تمارا معايا في الصفقة دي
نبيل: ربنا يديمكم لبعض ويسعدكم ايوا كدة هما دول احفاد المندوري
خالد: يابابا نفسي تعتبرني من العيلة الكريمة دي
نبيل: اسكت وكل علشان تشوف درسك
خالد: شوفتي يا تمارتي اللي بيعملوا فيا
تمارا: ما دي العادة يا خالودي كل كل
فوزية تلوك الطعام وتتحدث: وهي تمارا تنزل ليه الشركة يا نبيل مش وراها جامعة
شهاب ارد التكلم ولكن والده اوقفوا: علشان دي شكرتها يا فوزية ليه متنزلش وبعدين بتدرب علشان
هتمسك فرع اسكندرية
فوزية: فرع اسكندرية مش لمة تخلص تعلمها الاول
تمارا بثقة: بصي يا عمتو تقدري تنورينا في اي وقت في الشركة وتسالي علي اسم تمارا قاسم المندوري وعن تعاملاتي مع اي عميل للشركة ولو لقيتي حاجة غير الانضباط والفهم في الشغل دة يبقي تاخدي فرع اسكندرية لنهلة
نبيل: انتِ بتقولي اي يا تمارا
تمارا: انا بقول كدة وبجازف بشركة بابا ونصيبه لاني وثقة يا بابا مش لاني عارفة اني هخصرها
نهلة تتكلم ورفعت احدى حاحبِها: طب دة كدة كويس اوووووي يبقي انتي اللي قولتي يا تمارا
شهاب بغضب: هو حضرتك يا عمتي جاية عندنا علشان تطمني علينا وتعقدي معانا كام يوم ولا علشان تاخدي شركات وتمشي
فوزية: ومين قالك اني همشي انا جاية هنا علشان اشوف حقي اللي اتاخد زمان ولا اي يا نبيل
نبيل بغضب: انتِ اكيد اتجننتي يا فوزية انت ِ لسة زي ما انتِ الغيرة والاننية فيكِ انا قلت انگ اتغيرتي بس ازاي اللي فيه عادة ممبتغيرش انا قايم وسايبلك الدنيا كلها
شهاب: يلا يا تمارا
تمارا نظرت الي نهلة كأنها تقول انتِ لستِ كذلك بماذا قلبي متعلق بك هكذا من انتِ يجب علي كرهك ولكن يوجد بداخلي عكس ذلك
شهاب: يلا يا بنتي
تمارا: حاضر يلا
خالد: خدوني معاكم في السكة اللهي تنستروا
تمارا: انت يبني مش هتكبر ابدا
خالد: عيب عليكِ يا تمارتي كدة
شهاب: تمارتك طب امشي من قدامي
خالد: اه ياني ياما دايما محدش عملي اي احترام في البت دة
ذهب شهاب ومعه تمارا وخالد
وظلت فوزية ونهلة
فوزية: هتعملي اي دلوقتي بقي
نهلة: هلعب معاهم بكرت الغيرة وهي بقي تستحمل الصدمة
فوزية: ايوا هي دي بنتي
نهلة: ماما هو ليه كل ما ابص لعين تمارا احس باحساس غريب كدة معرفهوش ومش عارفة احددوا
فوزية بتوتر: اااصل انتوا بس علشان زي الاخوات يا حببتي مش عيلة واحدة
نهلة: ماما انا بحسك متناقضة ديما ليه
فوزية: سيبك بس دلوقتي قوليلي هتعملي اي
نهلة: هكسب تمارا لصفي وهكسب شهاب كمان وبعديها هيحصل اكبر صدمة لتمارا ولو هي جدعة
**********( عقلها يستحملها)*******
فوزية : طيب انا هقوم اطلع اوضتي شوية
نهلة: ماشي وانا هشوف هقعد في الُجنينة اللي برا دي شوية
فوزية: ماشي
*****
رامي: انت فين يا شهاب
شهاب: يبني انا قولتلك امبارح قبل ما انام اني عاوزك بس مش في البيت
رامي: يعني اولع فيك وفي دي صحبية بعد ما وصلت البيت عندك تقولي
شهاب:خليك جدع يا رامي وتعال بقي
رامي: طيب سلام
شهاب: سلام
رامي: يعني بعد ما وصلت البيت وخلت ووقف في الجنينة كمان ياخي كانت صحبية زي الفل يا اخي انت واختي وخطبتك يا شيخ
نهلة بضحك لا تستطيع التوقف: انت بتكلم نفسك ليه كدة
رامي نظر الي مصدر الصوت وجد فتاة جميلة الي الغاية شعرها القصير الاسود الذي يصل الي كتفيها وعن وجها الابيض الجميل وعن لون عينيها البني وهذه الضحكة التي اقسم انه لم يسمع مثلها
رامي: احم احم من حضرتك
نهلة: انا نهلة بنت عمة شهاب وتمارا وخالد
انا شوفتك امبارح في الخطوبه
رامي: اه فعلا كنت هنا امبارح
نهلة: طب مين انت بقي
رامي: انا الدكتور رامي سليمان اخو سهام صديقة تمارا وصديق شهاب كمان
نهلة: ااااي كل دة انا قولتلك انت مين مش تاريخك اي
رامي: انا بعتذر منك عن اذنك
نهلة: انا اسفة والله هو هزاري كدة
رامي: ولا يهمك انا همشي دلوقتي لان شهاب عاوزني
نهلة: ماشي سلام
رامي: سلام
********************
داخل مكتب شهاب
شهاب: نرمين انا عاوزك تجمعيلي كل الايملات الخاصة بشركة العدوي وتبعتيها ليا هنا
نرمين تقرب اليه: حاضر بس كان فيه ملفات محتاجة توقيع حضرتك عليها
شهاب: هتيها
نرمين اقتربت الي المكتب: اتفضل
شهاب: نرمين بلاش الحركات دي انا لولا ظروفك كنت طردك وبلاش تجربي غضبي احسن
تمارا: وتجرب غضبك ليه مش تجرب غضبي الاول
نرمين: ااااصل
تمارا: بصي يا نرمين بلاش شهاب وبلاش تجربي قسوتي عليكِ علشان اولاد المندوري لما بيغضبه مش هيكون فيكِ حتة ساليمة فاهمة
نرمين: حاضر
تمارا: شاطرة يا حلوة ودلوقتي تسبيني مع خطيبي بقي و تتفضلي تجيبي ليا انا وشهاب اتنين ليمون علشان انتِ حرقتي دمي
نرمين: خطيبك؟
تمارا: منا مش واجب عليا افسر كل حاجة يلا يا ماما اتفضلي
وخرجت نرمين
نهض وليد: انا نفسي افهم هي عملتلك اي
تمارا: شهاب متنرفزنيش انا لو حد قربلك واخدك مني انا ممكن اموت فيها شهاب انا مش حمل اي صدمة تانية ترجعني من الصفر علشان خطري
شهاب: ليه بتقولي كدة يا تمارا
تمارا: علشان انت حبي انا وملكي انا وحبيبي انا
شهاب: طب ينفع تتجوزيني انا دلوقتي
تمارا ضربته بخفة: بتتريق عليا يا شهاب تصدق اني غلطانه ليك انا هروح مكتبي بكل احترام ومليش دعوة بيك يلا سلام
شهاب: خدي هنا اعقدي رامي جي علشان نشوف موضوع سهام وسيف دة
تمارا: هو احنا ازاي هنتكلم مع رامي ولسة مقولناش حاجة لسيف و سهام
شهاب: انا هاخد راي رامي ليه دلوقتي يا ذكية علشان لما تيجى تكلمي سهام وانا اكلم سيف ونحاول نقربهم من بعض هو ميزعلش ودة تقدير ليه يا ذكية افندي
تمارا: فهمت
رامي: ينفع كدة
شهاب: انا اخدت قرار اني اشيل الباب خااالص ونخش ونطلع برحتنا بقي
رامي: مش اول مرة اتفضل بقي قول عاوز اي علشان انا عاوز امشي علشان المستشفي
شهاب: طيب اعقد كدة الاول بص يا رامي انت اخويا وصديق من اكتر من 15 سنة واكتر من ساعت ما سهام وتمارا اتعرفوا علي بعض وانا بعتبر سهام زي اختي
انت عارف سيف طبعا
رامي: سيف مين
تمارا: سيف اللي انت اتعرفت عليه امبارح في الخطوبة
رامي: اه دة شب زوق جداااا.
شهاب: طب كويس جدا بص بقي سيف دة يعتبر صديق ليا من الطفولة وكان مسافر خارج مصر واتجوز هناك وحصلت مشاكل بنهم وهي طلبت الطلاق.
رامي: وانا مالي بكل دة
تمارا: بصراحة كدة احنا عاوزين سهام لسيف وانت عارف انا بحب سهام قد اي وعمري ما هتمني ليها الأذى
شهاب: انت بس ادينا فرصة نقرب بنهم ونشوف لو متوفقوش يبقي خلاص وانا اضمن ليك سيف وانت قولت بنفسك انه زوق جدا والله كل حاجة كويسة
رامي: انا واثق فيك يا شهاب ومش عاوز اندم اني وفقت
شهاب : متقلقش انت هتشوف بنفسك بس اهم حاجة مش عاوزين نعرفهم ان احنا بنقرب بنهم احنا مثلا نحاول نخرج ونعزمهم معانا تيجوا عندنا كدا يعني
رامي: تمام موافق ، احم بقولك اي يا شهاب انهاردة وانا في البيت عندنا قبلت بنت هناك شبه تمارا جدا دي مين
تمارا: دي نهلة بنت عمتي
رامي: اه وهي مكنتش بتبان ليه
شهاب: علشان هي كانت عايشة في امركيا
رامي: طيب يا شهاب انا وفقت علي طلبكم وهروح دلوقتي للمستشفي ونبقي نتكلم تاني
شهاب: ماشي يا رامي سلام
رامي: سلام
شهاب: تفتكري رامي وقع
تمارا: شكل كدة وقع اصل نهلة عسل بصراحة
شهاب : عمر ما كان الحب بالشكل يا تمارا لان الوقت بيعدي والشكل بيتغير و والجمال بيروح بس جمال الروح عمره ما بيروح والحب مش بيتغير
تمارا: وانا بحبك ومش عاوزة غير كدة
شهاب: بقولك اي روحي مكتبك احسن بالله عليكِ
تمارا : تصدق انا غلطانه
شهاب : اه غلطانه امشي بقي.
تمارا: ماشي يا شهاب سلام
"*****************
داخل قصر المندوري
نبيل: تعالي يا نهلة وقفة قدام الباب كدة ليه دة المكتب ينور يا حببتي
نهلة: حاضر يا خالو
نبيل: تعالي يا حببتي عاوزة اي
نهلة: خالو هو انا لو طلبت طلب وهو في مقدرتك هتوفق
نبيل: اكيد طبعا
نهلة: طب بعد اذن حضرتك انا عاوزة انزل الشركة مع تمارا انا كمان بدرس هندسة لان ماما اصرت عليا ادرسها وانا عاوزة ادرب علشان لما اشتغل محدش يقول انتِ متنفعيش يرضيك يا خالو
نبيل: طب دة كويس جداااا
نهلة: يعني حضرتك موافق
نبيل: طبعا يا حببتي وانا هرفض ليا. يلا اجهزي علشان تنزلي اصبح الشركة
نهلة: حبيبي يا خالو ربنا يخليك لينا.
خرجت نهلة من مكتب نبيل المندوري وهي تقول بداخلها
مكنتش اعرف انك غلبان اوووي كدة يا خالو بس يلا مش مشكلة وكدة اول سلمة ليا يارب تستحملوا اللي هيحصل فيكم""
