رواية نبض المراد الفصل السابع 7 بقلم لينة

فرحة (٧)

*مرت الايام و تحسن حال آسر و نزل للعمل مجددا و تحدث مُعتصم مع مهاب بخصوص نور و اخبره ان يبلغ اخته و زوجها و ايضا نور و يعلمه برأيهم فإذا وافقو يذهب ليتقدم بشكل رسمي*

في قصر مهاب الالفي

*الجميع يتناول الطعام *

مهاب: مُعتصم جالي انهاردة و طلب ايد نور
نبض: و حضرتك قولتله اية
مهاب : قولتله انا عن نفسي موافق هو بصراحة شخص يتمناه اي حد لبنته بس لازم اقول لناهد و محمد و طبعا ف الاخر القرار لنور
نبض: اكيد طبعا و عشان كدة انا هروحلها انهاردة عشان اكلم معاها
مهاب: يكون كويس بردو

******************************

*بعد الانتهاء من الطعام صعدت نبض لغرفتها و بدلت ثيابها و نزلت للاسفل وجدتهم يجلسون يشربون الشاي*
نبض: انا نازلة عايزين حاجة
همس: لا يا حبيبتي تسلمي
مهاب: متتأخريش يا نبض
نبض(بمرح): حاضر قبل ١٢ هكون هنا ان شاء الله
مراد(بغضب): نعم ١٢ هو انتي متعودة ترجعي الوقت دا ؟
مهاب: لا طبعا نبض بتهزر يا مراد

*غضب مراد لانه تسرع و قال هذا الكلام فنهض ذاهبا لغرفته و ذهبت ايضا نبض و ركبت سيارتها و ذهبت لتحضر ماسة اولا ثم الي منزل نور .*
*بعد وقت ليس بكثير صفت سيارتها امام منزل نور و ترجلت منها هي و ماسة و دخلوا و فتحت لهم الخادمة و من ثم صعدوا لغرفة نور مباشرة فهي كانت ف انتظارهم ، رحبت بهم نور بشدة فهم اعز اصدقائها*
نبض: بصي بقا يا ستي اكيد مامتك قالتلك علي موضوع العريس صح
نور(بضيق): ايوا
نبض: و مالك قرفانة كدة لية هو انتي عرفتي هو مين
نور: لاء معرفتش
نبض(بدهشة): ازاي طنط ناهد مقلتلكيش
نور: كانت هتقولي بس انا مسمعتهاش مش عايزة اعرف
نبض: تؤتؤ دا ده بالذات لازم تعرفيه
نور : اشمعنه يعني
نبض: عشان مُعجب
نور: مُعجب ازاي يعني
نبض: يعني لم شافك اُعجب بيكي و مكنش يعرف انتي بتدرسي اية او شخصيتك اية و لم سألني و انا قولتله عنك لقيته اُعجب بيكي زيادة و شكله كدة وقع ف الحُب
نور: انتي بتكلمي جد هو مُعجب بيا انا لشخصي
ماسة: لا معجب بيا انا ، ما البت بتقولك اهي اُعجب بيكي
نور: معلش اصلي مندهشة بس ، طب هو مين دا
نبض: تؤتؤ مش هقولك مش انتي مش عايزة تعرفي
نور: لا دلوقتي عايزة اعرف قوليلي بقا
نبض: اممممم طب و حلاوة ممس
نور: هجبلك اللي انتي عيزاه بس قولي
نبض: اذا كان كدة ماشي ، العريس هو مُعتصم
نور(بصدمة): مُعتصم ابن عمك ؟
نبض: ايوا هو
نور: مش معقول
نبض: مش معقول لية
نور: هقولك بس متنفعليش
نبض(بشك): منفعلش !!؟ لية عملتي اية من ورايا انطقي
نور: لسة مقولتش و بتعملي كدة اومال لم اقول
نبض: اخلصي قولي
نور: طب اهدي طب ماسة امسكيها
ماسة: لا يعم لتعضني و انا جسمي حساس
نور: اه يا نادلة
نبض: اخلصي قولي و مش هعملك حاجة
نور(بارتباك): اصل بصراحة و احنا صغيرين انا كنت معجبة بمُعتصم اووووي و لحد ما كبرت يعني و كان نفسي يتقدملي
نبض: بقا كل دا و متقوليش
نور: ما بصراحة اتكسفت
نبض: اتكسفتي اية م البت هي بقالها كزا سنة عمالة تحب ف اخويا قدامي و عادي
ماسة: قصدك اية ها؟
نبض: قصدي انك بجحة عادي
ماسة(بقمص): بقا كدة طيب يا ستي شكرا كفاية
نبض: اتقمصي بقا قموصااااااا تراترااا
ماسة: هقوملك و الله
نبض: تقومي لمين با بت انتي ناسية انا مين و لا اية
ماسة: لا مش ناسية
نور: خلاص بقا كفاية خناق
نبض: ماشي ، المهم دلوقتي يعني انتي خلاص كدة موافقة
نور(بخجل): يعني
نبض: لا متقلبيش طمطماية متحسسنيش اننا مش بنات اظبطي كدة ، مفيش حاجة اسمها يعني يا اه يا لاء
نور(بغضب): اه ينبض ارتحتي كدة
نبض(ببرود): اها بعدين ما كان من الاول لازم يعني السهوكة
نور: قومي ابت امشي من هنا
نبض: بتطرديني بقا دي اخرتها ، طيب انا هقول لمعتصم انك رفضتي
نور: لالا خلاص معلش متزعليش
نبض: شوف شوف جابت ورا ازاي البت ، عموما انا هقول لبابا اني اتكلمت معاكي و اقنعتك و انتي وافقتي و هخليه يحدد معاد مع انكل محمد عشان يجي يتقدم اشطا؟
نور(بفرحة): اشطا
نبض: عقبالك يا اخرة صبري
ماسة: يختي اخوكي يحس بس و ينطق و انا جاهزة اتجوز انشالله بكرة
نبض: شوف البت واقعة ازاي يا بت اتقلي شوية
ماسة: يختي لم اتقل هاخد اية
نبض: هتاخدي حاجة نضيفة ، عارفة انا جتلي فكرة اعرف اذا كان بيحبك و لا لاء
ماسة: اية هي
نبض: هقولك

**********************************

*عادت نبض للبيت و اخبرت والدها بموافقة نور و اخبرها انه غدا سيخبر مُعتصم ثم ذهبت الي غرفتها لتنام *

*في اليوم التالي ، بمكتب مُعتصم تدق نبض الباب و تدلف *
نبض: ايدك ع الحلاوة بقا يا باشا
مُعتصم: وافقت؟
نبض: اها
مُعتصم: احلفي
نبض: و الله يا ابني و سيادة اللوا شوية و هيكلمك عشان يحدد معاك معاد تروح تتقدم
مُعتصم(بفرحة): انا مش مصدق
نبض: لا يا خويا صدق ، المهم عايزة الحلاوة بتاعتي
مُعتصم : من عنيا هو انا عندي كام نبض بليل هجيلكوا و اجبلك كل البتحبيه
نبض: ايوا كدة ، يلا هسيبك انا بقا و ابقي قولي بابا قالك اية
مُعتصم: تمام ماشي
*انهت نبض عملها و غادرت ذاهبة للبيت ، بعد قليل دلفت القصر و ذهبت المطبخ لتري والدتها*
نبض: سلام عليكم ازيك يا حجة
همس: و عليكم السلام يا لمضة ، حجة ف عينك مهاب لو سمعك هيعلقك
نبض: تؤتؤ هوبا حبيبي ميقدرش يعملي حاجة
همس: و الله واثقة اووي انتي
نبص: اها طبعا
*ثم سمعت صوت ضحكة انوثة عالية *
نبض: اية دا مين عندنا
همس: دي مايا
نبض: نعم!! مايا و بتعمل اية هنا ست زفت
همس: مش مراد رجع طبيعي تنطلنا كل شوية
نبض: و هي بتضحك مع مين ؟
همس: مع مراد
نبض: نعم

هو جه امتي اصلا
همس: قبلك بحبة كدا
نبض: طب انا رايحلهم
* ذهبت نبض الي حيث يجلس مراد و مايا *
نبض: السلام عليكم ، اية دا مايا مقولتيش انك جاية يعني
مايا: و انا لم اجي بيت عمي لازم اخد الاذن
نبض: لا مش قصدي بس الادب بيقول قبل ما نروح لحد نبلغه يمكن مش فاضين مش موجدين وراهم حاجة مش عايزين يقابلو حد
مايا(بغضب): يعني انتي قصدك انكوا مش عايزين تقابلوني و انا قليلة الادب
نبض: تؤتؤ انا مقولتش كدة انتي بتفهمي الكلام علي مزاجك بقا
مايا(بسهوكة): عجبك يا مراد اللي هي بتقوله قدامك دا
مراد: مش شايف انها قالت حاجة غلط
مايا: يعني اية يعني انا قليلة الادب و انتو مش عايزين تشوفوني
مراد(بضيق): لا انا و لا نبض قولنا كدة هي بتقول ان من الادب ان تقولي للناس اللي ريحالهم انك هتروحلهم عشان يعملوا حسابهم بس مش اكتر و مش معني انك مقولتيش انك قليلة الادب انتي مأخدتيش بالك بس
نبض: عن اذنكوا

*صعدت نبض لغرفتها و بدلت ثيابها و ارتدت عباءة منزلية تشبه الفستان و لونه بنفسجي و به دوائر بالون الاوف وايت ضيق عند الخصر قليلا و ينزل باتساع و ارتدت حجاب بنفس لون الدوائر ، و نزلت للاسفل لتساعد والدتها بتحضير المائدة و وجدت ان آسر و والدها و تميم قد جاءوا .*
*اجتمع الجميع حول المائدة يجلس مهاب علي رأس المائده و علي يمينه همس و آسر و نبض و علي يساره مراد و مايا و تميم يجلس في المنتصف بينهم فنبض من اخبرته ان يجلس هنا حتي لا يجلس مراد بجانب تلك الحمقاء . *

آسر(بهمس): هو اية اللي جاب دي هنا
نبض(بنفس الهمس): ماما بتقول جت عشان سي مراد
آسر: اااااه هي لسة بردو مش هتبطل عادة التلزيق اللي عندها دي
نبض: هي عادتها و لا هتشتريها يعني ، بس إن ما قطعتلكش رجلها من هنا ما بقاش انا نبض
آسر: اشطاااا و انا معاكي
نبض: اشطاااا ، دي هتشوف ايام اسود من قرن الخروب

*بعد الانتهاء من الطعام و كالعادة ساعدت نبض امها و ايضا آسر و قامت نبض بصنع الشاي و اخذته لهم و بعد قليل سمعوا صوت الجرس فنهضت نبض لتفتح ظنا منها انه مُعتصم *
حازم: مساء الخير مش معقول نبض بنفسها بتفتحلي
نبض(بغضب): باشمهندس حازم اظن قولتلك قبل كدة اسمي الرائد نبض
حازم(بضيق) : بس انا مبحبش التقيد دا بعدين ما اشمعنه جاسر و مُعتصم بيقولولك نبض عادي
نبض: جاسر و مُعتصم دول اخواتي و متربين مع بعض زائد اننا بنشتغل مع بعض و انا مقدرش اتعامل معاك زي ما بتعامل معاهم
حازم: لية افرق اية عنهم
نبض: تفرق كتير يا باشمهندس و لوسمحت كفاية كدة و اصلا وقفتنا كدة غلط اتفضل ادخل
* و تركته و ذهبت حيث يجلس الجميع *
مهاب: مين يا نبض
نبض: دا الباشمهندس حازم
* عندما سمع مراد اسمه اشتعل غضبا فهو يعرف انه مُعجب بنبض منذ زمن و يتضح هذا في نظراته و طريقته معها و ما يريحه هو ان نبض توقفه عند حده دائما ، قطع تفكيره دلوف حازم للغرفة
حازم: شايف يا عمي نبض بتقولي يا بشمهندس اقولها انا حازم بس تقولي لاء لازم نحافظ ع الالقاب محسساني اني عندي يجي ٤٠ سنة
مهاب: معلش يا حازم هي نبض كدة مش بتتعود علي الناس بسهولة
حازم: ماشي يا عمي عشان خاطرك انت بس ، ازيكم جميعا
همس: كويسين

* سمعوا صوت الجرس ثانيةً فنهضت نبض مسرعة لتفتح و هي تقول* : دا بقا اكيد مُعتصم
*و بالفعل عندما فتحت و جدته مُعتصم فدلف و مد يده لها يعطيها باقة ورد لونه بنفسجي ف اخذتها منه بفرحة و اشتمت رائحتها و نظرت بدالخلها و جدت العديد من الشوكولاه ففرحت كثيرا و احتضنت الباقة و ظلت تقفز و تصرخ*

نبض(بفرحة): ايوااااا بقاااا يا صومااااا
* فخرج الجميع اثر صراخها *
آسر: في اية بتتنططي و فرحانة كدة لية ، عملتلها اية يا مُعتصم
مُعتصم: ابدا كنت واعدها اجبلها ورد و شوكولاتة و لم شافتهم اتجنت كدة ، انا مش فاهم ازاي ظابط في مركزك بتفرح زي العيال ب الورد و الشوكولاتة كدة دا تميم ميعملش اللي بتعمليكه دا
نبض: الشوكولاتة و الورد ميعرفوش لا مركز و لا سن و لا اي حاجة
مُعتصم: ما هو واضح فعلا
آسر : يلا يا جماعة ندخل جوه تاني بلا شغل جنان
* و دلوفوا جميعا للداخل ثانيةً ما عدا نبض التي خرجت للحديقة *
مُعتصم: اومال نبض راحت فين
مراد: مش انت جبتلها ورد
مُعتصم: اه
مراد: يبقي راحت تزرعه ف الجنينة جمب اخواتهم
مُعتصم : بجد علطول كدة
آسر: ايوا هي بتحب كدة

********************************

بالحديقة
*تجلس في الارض و تحفر حفرة صغيرة لتضع بها باقة الورد ، فجُرحت من شوك إحدا الورود و نزفت فتألمت نبض ثم وجدت من يمسك اصبعها و يمسح الدم فنظرت للشخص وجدته مراد فحاولت ان تفلت يدها منه و لكنه احكم قبضته علي يدها ف استسلمت له . *
*تنظر لهم من بعيد بكل غيظ و غل و حقد ترى كيف يُعقم جرها بحنان و تري نظرة الحب و الخوف بعينيه تجاهها فهو مازال يحبها فما فعلته بالماضي هي و اخاها لم يغير اي شئ سوي ابتعادهم عن بعض و لكنهم عادوا من جديد قريبين من بعض و بالتأكيد سيرجع الحب مرة اخرى ، قررت الذهاب لهم و قطعهم*

مايا: بتعملوا اية؟
* سحبت نبض يدها سريعا من يد مراد و ارتبكت *
مراد(بلامبلاة): نبض اتجرحت من الشوك ف كنت بعقملها الجرح
مايا (بغضب): بس نبض كبيرة يعني تعرف تعقمه لوحدها
مراد: ايديها مش نضيفة من الطينة و بعدين انتي مالك

* ثم تركها و دخل القصر ، فوقفت مايا تنظر لنبض بغضب و حقد و تركتها و ذهبت ، انهت نبض زراعة الورد و ذهبت لتغسل يدها ، ثم دخلت القصر وجدت ان مهاب اخذ مُعتصم و دخلوا المكتب فعرفت انهم سيحددون المعاد ليتقدم مُعتصم لنور فجلست تنتظر خروجه و حين رأتهم يخرجون ركضت لهم*

نبض: اية امتي ؟
مُعتصم(بفرحة): يوم الخميس
نبض(وهي تصقف بيدها بفرحة): ايواااا بقاااا
مُعتصم: يبنتي مش هتعقلي بقا
نبض: تؤتؤ مستحيل
مُعتصم: المهم انك هتبقي موجودة طبعا اليوم دا
نبض: اكيد يا ابني طبعا دا انا هبقى عندها من الصبح انت بتقول اية
مُعتصم: طيب كويس ، همشي انا بقي
نبض: ما تخليك اتعشي معانا
مُعتصم: ما انتي عارفة ماما مش بتاكل من غيري
نبض: اه طبعا انت هتقولي ابقي سلملي عليها
مُعتصم: حاضر يوصل يلا سلام
نبض: سلام

* و دخلت الصالون حيث الكل مجتمع *
آسر: اومال مُعتصم فين ؟
نبض: مشى
همس: مشي!؟ طب مقعدش يتعشى معانا لية
نبض: قولتله قالي عشان طنط هدي مش بتاكل منغيره ف اديته افراج عشانها

********************************

*مرت الايام حتي جاء يوم الخميس لم تذهب نبض الي عمل و ذهبت الي نور لتساعدها*
نور: نبض انا خايفة اوووي
نبض: لا بقولك اية اجمدي كدة بعدين يعني مُعتصم مش هياكلك
نور: طب بقولك اية لم يقولوا نسبهم مع بعض لوحدهم انتي متمشيش خليكي معايا
نبض: دا مُعتصم يحبسني فيها و الله
نور : يا نبض بجد خليكي معايا انا هتكسف اووي اقعد معاه لوحدنا
نبض: انا هقف علي الباب كدة من بعيد لكن مش هقعد معاكو لازم اسبلكوا مساحة عشان تعرفو تكلموا ، بعدين يلا اخلصي شوفي هتلبسي اية
نور : انا محتارة مش عارفة اختار انهي
نبض: وريني كدا

*اعطتها نور ثلاث فساتين الاول لونه سماوي و به اشكال تشبه السحاب و كان ذو حمالات و معه بلورو ابيض ، الثاني لونه اسود رقيق و به فصوص من اللؤلؤ ذو اكمام طويلة يضيق عند الخصر و ينزل باتساع للاسفل ، و الثالث لونه كحلي و عليه حرمله من كتف واحد تعطيه مظهر جميل و ينزل باتساع للاسفل . *

نبض: امممممم بصي الاسود دا حلو اوووي و هيليق عليكي
نور: خلاص ماشي هلبسه
نبض: طب تمام كدة عايزة مني حاجة تاني
نور: لاء خلاص
نبض: طب هخلع انا بقي عشان استعد و ماسة زمانها جيالك
نور: ماشي متتأخريش ها
نبض: حاضر هاخد شاور و البس بسرعة و اجيلك

********************************

*عادت نبض للبيت و صعدت لغرفتها و دخلت المرحاض لتستحم و ارتدت فستان باللون الروز و به حزام عند الخصر ربطته نبض علي شكل فيونكة و ارتدت حجاب مشجر به ورود بلون الروز ، نزلت نبض للاسف و جدت اباها و آسر و مراد و تميم يرتدون ثابهم مستعدون للخروج .*
*عندما وقعت عينيه عليها سرح بجمالها ف هذا الفستان الرقيق اعطاها شكلا رائعة حاول ان يبعد نظره عنها و لكن لم يستطع و لعن قلبه الذي مازال مُتعلق بها .*

نبض: اية دا انتو راحين انتو كمان
مهاب: ايوا لان مُعتصم قال لو كل حاجة مشت تمام هيقرا الفاتحة انهاردة
نبض: اهااا مش عايز يضيع وقت يعني ، طب انتو واقفين كدة لية
آسر: مستنين امك ياختي
مهاب: ولد اتكلم عدل عن امك
آسر: الله انا قولت حاجة غلط ما هي امها فعلا ، مش هي امك يا بنتي و لا لقينك علي باب جامع زي
نبض(بضحك): لا لا امي
همس(وهي تهبط السلم): انا جهزت اهو يا ابو لسانين انت
آسر(وهو يقترب من همس و يدور خلفها): اش اش اية الحلاوة دي يا هموس هي نور العروسة و لا انتي

* ضربته همس بخفة علي كتفه *
همس: يا ولا لم نفسك ابوك واقف
آسر: هيعملي اية يعني
* وجد من يمسكه من تلابيب قميصة من الخلف*
مهاب: انا هوريك هعملك اية
* اقترب منه مراد سريعا *
مراد: بابا خلاص اهدي دا كان بيهزر بعدين يلا عشان هنتأخر
مهاب: ماشي حسابنا لم نرجع
آسر: يوه انا عملت اية يعني
همس:ششششش لحسن يجيلك تاني
آسر (وهو يضع يده علي فمه): خلاص اتكتمت اهو
*خرج الجميع من القصر و توجهوا للسيارات *
نبض: طب روحوا انتو بقا و انا هحصلكوا
مهاب: مش هتركبي معانا ؟
نبض: لاء هروح ب الكسندر عشان يشوف قمر
همس : بهدومك كدة
نبض: مالها هدومي
همس: يبنتي هدومك هتتبهدل و احنا رايحين قراية فاتحة
نبض(وهي تتحرك باتجاه الاسطبل): لالا متقلقيش مش هتبهدل يلا اشفكوا هناك
* و ذهبت نبض لاكسندر و وضعت علية السرج و خرجت به للخارج و صعدت علية و اتجهت لبيت نور الذي يمكن بالقرب من القصر ، في الطريق و هي تسير ب الكسندر و جدت سيارة تسير بجانبها و انخفض الزجاج الخاص بكرسي السائق و اطل منه حازم *

حازم: اول مرة اشوف فرسة راكبة فرس
* انتبهت نبض له و نظرت تجاهه و عقدت حاجبيها و لم ترد علية بل امسكت باللجام و اسرعت من سرعة الكسندر ف غضب حازم من تجاهلها له و زاد من سرعة سيارته . *
*وصلت نبض و نزلت من فوق الكسندر و ذهبت باتجاه الاسطبل و ادخلت الكسندر الي قمر فهي فرسة نور و الكسندر يحبها و قمر ايضا تحبه و يدل هذا من صوت صهيلهم المرتفع عندما يلتقون فتركته قائلة : اديني جبتك عند حبيبتك اهو هسيبك شوية لحد ما نمشي
* فصهلل الكسندر دليل علي اعتراضه*
نبض: الله اومال اعملك اية يعني مش هخليك تبات هنا اكيد ، يلا اقعد معاها حبة
* و تركته و خرجت من الاسطبل و جدت حازم يقف امامها فنظرت له بغضب و ضيق و حاولت تجاهله و ان تغادر و لكنه منعها و وقف امامها *

نبض(بغضب): باشمهندس لوسمحت خليني اعدي
حازم: انا عايز افهم انتي بتعامليني كدة لية
نبض

: بعاملك كدة الهو ازاي
حازم: حاطة حدود ما بينا و علطول مصدرالي الوش الخشب
نبض: معلش اصلي ظابط شرطة ف متعودة علي المعاملة الناشفة مع الناس
حازم: بس انتي مش بتعاملي جاسر و مُعتصم كدة
نبض: و الله انا حُرة اعامل اي حد بأي طريقة و عديني بقا عشان وقفتنا كدة مش كويسة
* و تركته و ذهبت و هي غاضبه منه و دخلت للداخل و جدت الجميع مجتمع و لكن مُعتصم و والدته لم يأتوا بعد فصعدت لنور لتجلس معها لحين ان يأتي مُعتصم *
ماسة: بسم الله الرحمن الرحيم مالك يا بنتي العفاريت بتتنطط قدامك كدة لية
نبض(بغضب): الزفت ال اسمه حازم دا كل شوية الاقيه ف وشي في الرايحة و الجاية و يقف يتكلم معايا
ماسة: طب ما توقفيه عند حده
نبض: ما انا اكيد بعمل كدة بس البعيد مبيفهمش
نور: طب مقولتيش لخالو لية ؟
نبض: مش عايزة يحصل مشاكل بسببي و انكل مصطفى و طنط صفاء مش بيطقوني اصلا ف مهيصدقوا
ماسة: عندك حق
نور: انتي جبتي الكسندر لقمر
نبض: ايوا
ماسة: و جيتي بيه بهدومك دي
نبض: هو في اية يا جماعة مالها هدومي دي مش فاهمة
ماسة: يبنتي هتتبدهل و انتي جاية مناسبة يعني
نبض: و اهي متبهدلتش اهي و زي الفل
* دخلت عليهم ناهد لتخبرهم بقدوم مُعتصم و ان عليهم النزول *
نور(بتوتر): هو انا لازم انزل يعني
نبض(بسخرية): لا مش لازم انتي حيالله العروسة يعني مش هيلاحظوا غيابك
نور: انتي بتتريقي عليا
نبض: ما انتي اللي بتستهبلي ، وحدي الله كدا و يلا بينا ننزل
* نزلت نور و معها ماسة و نبض و اعطتها ناهد صينية بها المشروبات و لكن رفضت ان تأخذها بحجة انها متوترة و لم تستطيع حمل الصينية فحملتها نبض و دخلت بها *
هدى( عندما رأت نور): بسم الله ماشاء الله عروستنا زي القمر تعالي يا حبيبتي اقعدي جمبي * جلست نور بجانبها و هي في قمة خجلها *
آسر(بمرح): هو مش المفروض العروسة اللي تدخل بالصينية انتو غيرتوها و خلتوها صاحبة العروسة و لا اية
نبض: اهو عشان خفة دمك دي مفيش عصير
آسر: و يهون عليكي آسورة حبيبك ميشربش عصير
نبض: لا مقدرش الصراحة
آسر: اها طبعا انا لا اقاوم
ماسة: بس يختي انتي و هو مُحن شوية
نبض: شوف متغاظة ازاي
ماسة: هتغاظ من اية ان شاء الله
نبض: تلاقي جاسر مش بيدلع عليكي كدا
ماسة: عشان جاسر ملوش ف المُحن دا
آسر: دا مش مُحن دا حب بين الاخوات
مهاب: خلاص بقا بطلوا مناقرة ف بعض ، بعدين ماسة عندها حق
ماسة(بفرحة): يحيا العدل ايوا كدة
نبض: بقا كدة يا حج بتفرح الاعداء فينا
مُعتصم: باااااس اية يا جماعة هنقلبها خناقة و لا اية ، انتي يا نبض ناوية تخربيها انا عارفك
نبض(بيراءة): انا بردو دا انا بريئة

مُعتصم: ايوا اه بريئة اوووي ، المهم يا عمي انا جي انهاردة عشان اطلب ايد الانسة نور
محمد : و الله يبني انت شاب كويس و اي اب يتمناه زوج لبنته
مُعتصم: طب حيث كدة بقا نقرا الفاتحة و يوم الخميس الجي يبقي شكبة و تكت كتاك * بصوت اللمبي*
* فضحك الجميع علي مرحه *
نبض: و اتريقت عليا لم قولتلك تدخل الباب من بيته طلعت مش جيباه من برة دي وراثة في العيلة
محمد : شبكة و كتب كتاب علطول كدة طب نعمل خطوبة الاول
مُعتصم: لاء في الخطوبة هيكون في حدود كتير ما بينا و مش هنكون علي راحتنا و لا هنعرف نخرج و لا نكلم ف كتب الكتاب افضل
محمد: انا عن نفسي موافق ، بس لازم ناخد رأي العروسة
رأيك اية يانور
* كانت نور في فرط خجلها لا تعرف ماذا تفعل ف اقتربت منها نبض و وقفت امهامها تحجب عنها رؤية الجميع لها *
نبض(بهمس): اييية ؟
نور: موافقة طبعا
نبض: اللهم صلي ع النبي ، بتقولك اللي تشوفه يا حج
مراد: بقا نور الهادية هتقول اللي تشوفه يا حج
نبض: اهي عندك اسألها ، يلا يا جماعة نقرا الفاتحة بلاش تضيع وقت
* ورفع الجميع يده و بدأوا بقراءة الفاتحة و عندما انتهوا نظر مُعتصم لنبض و غمز لها ففهمت مقصده*
نبض: احم احم عمو ممكن نسيبهم مع بعض حبة
محمد : اه طبعا
* و خرج الجميع من الغرفة و بقا نبض و نور و مُعتصم فنظر مُعتصم لنبض*
مُعتصم: اية ؟
نبض(باستعباط): اية
مُعتصم: لاء مش وقت استعباط خالص يلا ورينا جمال خطوتك
نبض: بتطردني و انا اللي مظبطالك القاعدة
مُعتصم : اه ورينا عرض كتافك بقا
نبض: ماشي يعم هخلع اهو
* نظرت لها نور ب الا تذهب و لكن نبض نظرت لها نظرة طمأنتها و خرجت من الغرفة ذاهبة للاسطبل لتري الكسندر و قمر ، دخلت عليهم وجدت قمر نائمة علي الارض و الكسندر بجانبها و يبدو انها مريضة فزعت نبض لاجلها و لم تعرف ماذا تفعل فخرجت مسرعة للخارج لتنادي احد يساعدها و جدت مراد امامها *
نبض(بخوف و قلق): مراد
مراد: نبض في اية مالك خايفة كدة لية
نبض: قمر قمر نايمة ع الارض مش بتتحرك و شكلها تعبان اوووي
مراد: طب اهدي انتي تعرفي دكتور يقدر يجي
نبض: ايوا دكتور الكسندر و قمر
مراد: طيب كلميه و قوليلو يجي بسرعة
نبض: حاضر ربنا يستر
* بعد قليل جاء الطبيب و وجد نبض تنتظره امام الباب ف اخذته و دخلت به للاسطبل و بدأ بالكشف علي قمر و جاءت اليهم مايا *
مايا: مراد في اية ؟
مراد: قمر تعبانة و نبض كلمت الدكتور عشان يكشف عليها
* انهي الطبيب فحصه لقمر*
نبض(بلهفة): خير يا دكتور
الطبيب: خير يا حضرة الظابط ، دي اعراض عادية لم تكون الفرس حامل
نبض(بفرحة): حامل ؟ قمر حامل بجد
الطبيب: ايوا بجد و لازم الفترة دي تهتموا بيها جداا و انا هكتبلها علي ادوية عشان الالام اللي بتجيلها
نبض: تمام يا دكتور متقلقش قمر في عنينا
الطبيب : استأذن انا
مراد : اتفضل يا دكتور اوصلك
* ركضت نبض مسرعة لالكسندر و احتضنته *
نبض: سمعت هتبقى اب يا الكسندر هتبقى اب انا فرحانة اوووي
* صهلل الكسندر دليل علي فرحته هو الاخر و ابتعد عن نبض و اقترب من قمر و انخفض لمستواها كأنه يفرح معها بهذا الخبر عاد مراد ثانيةً و رأي نبض تقف و هي تنظر لهم بفرحة فوجد نفسه يبتسم *
مايا(بغيظ): انتي فرحانة كل الفرحة دي عشان قمر حامل دا لو اختك مش هتعملي كدة
نبض(ببرود): قمر بالنسبالي اكتر من اختي
مايا(بسخرية): دا انت عقلك طق ع الاخر
نبض: ما اللي معندوش احساس و لا قلب يعرف يحب مستحيل يحس باحساسي
مايا(بغضب): انتي قصدك اية
نبض: مقصدش انا هدخل عشان اقول لنور
* و تركتها و دخلت للداخل و ذهب خلفها مراد *
مايا(بغل): رايح وراها في كل حتة و علي اساس بيكرهوا بعض اومال لو لسة بيحبوا بعض كان عمل اية ، نفسي اعرف فيها اية زيادة عني عشان يحبها كدة و بعد كل اللي حصل بردو لسة بيحبها

**********************************

في الداخل في الغرفة التي بها مُعتصم و نور
*اقترب مُعتصم و جلس علي الكرسي الذي بجانب نور و هي مازالت تنظر للارض ظل ينظر لها و لكن هي لم ترفع بصرها*

مُعتصم : طب و الله انا احلي منها
*رفعت نور بصرها له *: اية دي
مُعتصم : السجادة اللي من ساعة ما دخلتي الاوضة و انتي بصالها
*خفضت نور بصرها ثانيةً *
مُعتصم: يابنتي بصيلي بقا عايز اتكلم معاكي كلمتين قبل ما نبض تطب علينا
نور: اتفضل قول انا سمعاك
مُعتصم(بنفاذ صبر): اظن انك عارفة اني ابن عم نبض و بشتغل ظابط معاها
نور: ايوا
مُعتصم: اللي متعرفهو بقا اني مليش اخوات و ابويا اتوفى و انا في الجامعة و متبقليش غير امي و نبض ال بعتبرها اختي ، ف لم نتجوز مش هينفع اسيب امي لوحدها
*قاطعته نور* : منغير ما تكمل انا موافقة انها تعيش معانا
مُعتصم(بفرحة): يعني مش هتضايقي
نور: لا طبعا هي هتكون زي والدتي
مُعتصم: انا متأكد ان انا فعلا اخترت صح و مش هندم ابدا علي اختياري ليكي و يريت انتي كمان ميجيش اليوم اللي تندمي فيه
نور: ان شاء الله مش هيجي
مُعتصم: طب مش عايزة تسأليني في حاجة تاني
نور: لاء مش عايزة
*دخلت عليهم نبض مندفعة *
مُعتصم(بنافذ صبر): يا بنتي انتي حد مسلطك عليا
نبض(متجاهلة اياه): نورر مش هتصدقي اللي حصل
نور: اية ؟
نبض: قمر حامل
نور(بفرحة): بتهزري
نبض: و الله
نور: و عرفتي ازاي
نبض: لم خرجت من عندكوا روحت الاستطبل و لقيت قمر في الارض و تعبانة ف كلمت الدكتور بتاعها و جه و قالي انها حامل
نور : انا لازم اروح اطمن عليها ، انا ازاي ملحظتش عليها حاجة الفترة ال فاتت
نبض: ممكن افتكرتي انها نايمة عادي او دا وجع جلها من اي حاجة
نور : ممكن تعالي نشوفها يلا
مُعتصم: تشوفي اية انتي ناسية ان قراية فتحتك انهاردة
نور: مش خلاص قريناها يبقي خلاص، يلا يا نبض

*و ذهبوا الاثنين ليروا قمر و عرف الجميع بالخبر و فرحوا ايضا ف اليوم كانت الفرحة اثنتين*

الثامن من هنا

مدونة مكتبة حـــواء

رواية نبض المراد الفصل السابع 7 بقلم لينة