رواية شمس وقصتها امس الفصل السادس 6 بقلم ياسمين علاء الدين
6=شمس_وقصتها_أمس
البارت_السادس
ياسمين_علاء_الدين
وهناك وقفنا عند شمس لما نقلوها للمستشفى .. دخلت شمس المستشفي وطبعاً عارفين الروتين ..! الاطباء بيسعفوها ولكن ادارة المستشفي عاوزين بياناتها .. يعني بطاقتها الشخصية .. وهي مين؟ ومين معاها؟ ولكن للأسف مفيش حد عارف عنها شئ .. تدخلت الشرطة عشان يعرفوا السيارة تبع مين؟
______________________________
ونروح لرياض الل وصل المستشفى علشان ( العملية) وهو عند الدكتور .. الممرضه قالت لحسن ان البنت ( سوسن) مش موجودة ودوروا عليها ولكهنا مش موجودة في المستشفي .. حسن اتوتر جدا .. اتصل عليها .. قفله تليفونها .. ومبقاش عاوف يقول لرياض ايه .. هو والممرضات والدكتور مروان صديقه محتارين ومش لاقيين حل
______________________________
نرجع لشمس .. الشرطة بلغت اصحاب السيارة .. ووصلت رحاب هانم ووالدتها المستشفى .. ولما سألوهم علي بيانات شمس معرفوش يجاوبوهم .. وقالت والدت رحاب .. كل الل اعرفه عنها انها ملهاش حد .. ولا لها قرايب .. وكانت بتدور علي عمل تعيش منه .. وانها مش متعلمة عشان كده بتشتغل خادمه في المنازل
وان اسمها شمس .. طبعاً هي بتحكي .. وكان سامع الكلام الدكتور وحسن وهم واقفين مش عارفين يعملوا ايه؟ وقتها نظروا لبعض وحسن قال للدكتور معقول؟ هينفع؟
رد الدكتور مروان وقاله ينفع .. واهو دي ترضى بأي مبلغ .. ومش هتدفع لها بالدولار زي التانية .. واضح ان البنت دي غلبانه ومسكينه .. وممكن تشكركم بعدها .. لإنها متصدق تلاقي مبلغ تقدر تعمل منه مشروع وتعيش منه .. رد حسن وقاله اصلا احنا مفيش قدامنا غيرها .. يلا اعمل العملية بدون ما رياض يشعر بشئ .. ولما تخرج البنت من المستشفي انا هبقي اتفق معها ..
وبالفعل دخلوا العمليات وعملت شمس العملية الل هي متعرفش عنها شئ .. وبعد ساعات فاقت شمس من التخدير .. وكان جسمها فيه بعض الاصابات الل بتتألم منها .. ودخلت الممرضه قالت لها حمدا لله علي السلامة .. قالت لها شمس .. انا فين؟ وايه اللي حصل .. تذكرت شمس الحادث .. وقالت للمرضه .. رحاب هانم جت؟ قالت لها الممرضه ايوه جت وتركت لكي ظرف في الامانات .. قالت شمس .. ممكن تجيبيه اذا سمحتي؟ قالت لها حاضر .. خرجت جابت الظرف .. لقت رحاب كاتبه لها ملاحظه وتاركه 5000 جنيه .. وبتقول في الملاحظه .. انا تركت لكي مرتب شهر .. عشان تقدري تدفعي رسوم المستشفي .. ولكن بعتذر عن الشغل مضطره اشوف حد تاني .. بكت شمس من حزنها علي العمل الل مالحقتش تفرح به .. سألتها الممرضه بتبكي ليه؟ متبكيش .. وطبطبت عليها .. مسحت شمس دموعها .. وسألت الممرضه وقالت لها هي رسوم المستشفى كام؟ قالت لها رسوم المستشفي اندفعت .. استغربت شمس لأن رحاب كاتبه لشمس تركت لكي المبلغ عشان رسوم المستشفى .. وقالت للمرضه .. مين دفع حساب المستشفى؟ انا مليش حد .. مين دفع حساب المستشفى؟ ردت الممرضه وقالت معرفش .. كل الل اعرفه هو ان حسابك مدفوع
وحتى فيه في حسابك فلوس زيادة عشان نهتم ويكون اكلك من خارج المستشفى .. وكمان متوصي عليكي توصية جامدة .. استغربت شمس وقالت. . مين؟ !!
انا مقطوعة من شجرة ومليش حد .. مين ياترى الل اهتم بيا كده
ومستحيل يكون شاهين ..!!
____________________________________
ونروح لرياض .. وهو بيتكلم مع حسن وبيسأله عن العملية .. وهل تمت بنجاح؟ رد حسن وقاله كله تمام .. متشغلش بالك .. وان شاء الله بأقرب وقت هبشرك بنجاح العملية .. ابتسم رياض وقال تمام يا حسن .. كلمني لو فيه جديد .. رد حسن وقاله تمام يا رياض انا اساساً هعدي علي الشركة لمقابلة العملاء الل جاي من المانيا .. واحتمال اسافر معاهم عشان نلاقي حل لشركائنا الل في المانيا .. عشان ميفسخوش العقد معنا
قاله رياض .. اهتم بموضوع الطفل انت واترك لي موضوع شركائنا اللي في المانيا .. انا هروح بنفسي اخلص مشكلتهم .. وبالفعل نده رياض علي ريحان وقاله .. جهز شنطتي لحتي ارجع من الشركة عشان مسافر اتصل واحجزلي تذكرت اول طيارة لألمانيا الليلة
____________________________________
ونرجع لشمس الل بتشم في الورد الل دخل لها .. ومكتوب عليه حمدلله علي السلامة .. ورغم ابتسامتها من منظر ورائحة الذهور الا انها في حيرة ..!! ياترى مين ده؟ دي اول مرة في حياتي حد يهديني ذهور ويهتم بيا كده ..!! وباب غرفتها بيخبط ودخل حسن
قال لها حمدلله علي السلامة ي مدام شمس .. قالت له الله يسلمك
مين حضرتك؟ قال لها انا صاحب الكارت الل في ايدك .. قالت له تعرفني منين؟ انا اول مرة اشوف حضرتك ..! قال لها هجاوبك علي اسألتك بس بعد ما تخفي وتخرجي .. هتعرفي كل شئ انتي مستغربه منه .. المهم تهتمي بنفسك وبصحتك .. قالت له ارجوك جاوبني .. قال لها وهو خارج من الغرفه بعدين .. المهم خلي بالك من صحتك .. وخرج وتركها في حيرة من امرها ..!!
دخلت الممرضه سألتها شمس .. مين الشخص اللي خرج ده ؟ قالت لها ده حسن بيه بيشتغل في مجموعة شركات ( R A )ومدير اعمال رياض العدلي صاحب اكبر مجموعة شركات قالت لها شمس للأسف معرفهوش .. ردت الممرضه وقالت معقولة متعرفيش حسن ده كمان الصديق المقرب لرياض بيه .. ردت شمس وقالت معرفهوش ولا اعرف رياض بيه ده .. استغربت الممرضه وقالت عموما سواء تعرفيه او متعرفيهوش .. واضح ان طاقة القدر اتفتحت لكي .. يابختك بس ربنا يديني نص حظك ده .. وخرجت الممرضه .. وشمس مش فاهمه حاجه وجواها خوف من المجهول واحساس بالوحدة يموت .. وقالت لنفسها اكيد شاهين مش متذكر غيابي اصلاً .. كنت علي امل اني لقيت شغل وهبعد عن المعاناه الل انا فيها في حياتي مع شاهين .. ولكن للاسف مفيش نصيب .. وتتنهد تنهيدة طويلة وتقول حظي وعرفاه ..
____________________________________
هنا رياض في المانيا .. وبيكلمه حسن ويسأله عمل ايه مع شركائهم وبيقوله رياض كله تمام وافقوا ومضينا العقود ..
وقال لحسن خد بالك من يوسف .. انا ان شاء الله هرجع مصر بعد يومين او ثلاث ايام بالكتير ..
____________________________________
ونرجع لشمس وهي بتقول للدكتور انا هخرج امتى؟ عاوزة ارجع بيتي .. طبعاً شمس عاوزة ترجع عشان تدور علي شغل تاني .. واهو تصرف من المبلغ الل معها لحتي تلاقي شغل
والدكتور بيجاوبها .. مينفعش تخرجي دالوقت .. حضرتك لسه تحت الملاحظه وكمان انتي متوصي عليكي من رياض بيه شخصياً
ياترى ايه علاقتك بيه؟ يعني واضح انك انسانة بسيطه .. ايه معرفتك برجل اعمال زي رياض العدلي .. وخصوصاً انه معروف بإنه عدو للمرأة .. قالت شمس انا معرفهوش ولا عمري شوفته .. وانا فين والناس دي فين ..!! بيهتموا بيا ليه معرفش؟ !!
وهم لسه بيحكوا لقت واحدة ست بتخبط وبتسأل دي غرفة شمس
قالت لها الممرضه ايوه .. خرج الدكتور وهو بيقول الف سلامة
ودخلت الست وقالت لشمس انا ريهام سكرتيرة حسن بيه .. وجيت اطمئن عليكي .. قالت لها وهي مندفعه ومتعصبه .. مين حسن بيه؟ ومين انتي؟ وعاوزين مني ايه؟ قالت لها ريهام اهدي انا اسفه ولكن انا معنديش اي اوامر اتكلم معاكي في اي شئ غير اني فقط اهتم بيكي .. وانفذ طلباتك .. استغربت شمس اكتر واتوترت .. وقالت لها ارجوكي فهميني انتوا مين؟ وعاوزين مني ايه؟وجت الممرضه بسرعة لما سمعت صوت شمس عالي .. وعطتها مهدأ .. وخرجت ريهام واتصلت بحسن .. وقالت له مستر حسن اللي اسمها شمس سألتني كتير انتوا عاوزين مني ايه .. ومعرفتش اجاوبها .. وعطوها مهدأ لانها كانت متعصبه جدا .. قال لها حسن تمام متديهاش اي اجابة دالوقت وخليكي موجودة لتهتمي بأمورها ولكن من بعيد .. عشان غلط عليها التوتر في الفترة دي .. وبعد ساعات فاقت شمس
وفتحت عيونها .. وبصت جمبها ملقتش حد في الغرفه .. وقامت وهي بتتألم من جرح بقدمها .. وفتحت باب الغرفه وبصة يمين وشمال .. ولقت ريهام بتتكلم في التليفون ..ولكن ظهرها لشمس وخرجت شمس بسرعة ونزلت السلم .. وريهام مشفتهاش
وخرجت شمس من المستشفي .. ووقفت تاكسي عشان تروح لبيتها
____________________________________
وهنا رياض بيتصل بـ حسن وبيسأله .. كله تمام؟ رد عليه حسن وقاله كله تمام .. انت هتيجي امتي؟ قاله رياض هوصل بكرا الصبح
اخبار البنت ايه؟ قاله حسن البنت في المستشفي وريهام جمبها .. قاله مستشفي ليه؟ هي مش المفروض انها هتخرج في نفس يوم العملية؟ وكمان تاخد فلوسها بعد العملية .. ولكن مسحبتش مليون دولار لحد دالوقت .. هو فيه ايه يا حسن؟