رواية ظلم ابي الفصل السادس 6 بقلم جمانة السعيدي
ساره... بليل تمددت والأفكار هجمت عليه
ياترى قراري صح لو غلط
راح يتحسن وضعي لو راح يصير اسوء
مراح اعرف الصح من الغلط اذا مااجرب لازم اعيش
هاي التجربه حتى اعرف الصح من الغلط
يله هسه قابل العرسان لازمين سره
اصلا اني ايست اتوقعت محد راح يدك بابي
ثاني يوم كعدت الصبح تريكنا اني وابوي
ابوي طلع للدوام واني رتبت البيت ودخلت سبحت
لبست نفس الفستان والحجاب خليت مكياج خفيف
احس المكياج مايلوك عليه
مدري لان ما متعوده اني اصلا مااعرف اخلي مكياج
المهم رجع ابوي للبيت الساعه عشره
دخل للبيت وهو يحجي ويا سلمان بلتليفون
ابوي....اي وصلت للبيت منتظرك
التفت عليه ابوي
ابوي...ساره خدري جاي علما ابدل ملابسي
خليت القوري على النار شويه وسمعت الهورن دك بلباب
طلع ابوي
دخل وكاله تفضل نشرب جاي قبل لا نطلع
دخل للبيت نفس كشخته مال البارحه
والعطر ترس بيتنا
دخلو للاستقبال ثنيينهم
صبيت الجاي وأخذته دخلت عليهم
ساره..صباح الخير
سلمان...صباح الخير
خليت الجاي وطلعت احس عينه تمشي وياي
ووين مااروح البارحه ماشافني زين لان اول مره ماركز عليه
اليوم يباوع عليه
جمانه السعيدي
خليت الجاي وطلعت برا بقيت بلمطبخ
شويه وصاح ابوي وينج يله
لبست عباتي وطلعت من المطبخ صارت عيني بعينه
دنكت من شفته يباوع عليه
طلعو كدامي طبكت باب بيتنا
سياره حديثه لونها اسود بابنا
سياره حلوه عاليه كشخه اني مااعرف بلسيارات
بس انبهرت من شفتها كدامي
كعد ابوي بلصدر واني فتحت الباب الوره وكعدت
شغل السياره وطلع وصلنا للمحكمه
نزلو ثنيبنهم
ردت افتح الباب انزل دنك سلمان من الجامه
سلمان...ابقى هنا لمن انكمل الإجراءات وارجع عليج
طبكت باب السياره وبقيت كاعده
سلمان وابوي دخلو ثنيبنهم للمحكمه
تقريبا نص ساعه رجع عليه سلمان كال يله تعالي
نزلت قفل سيارته يمشي كدامي واني امشي ورا
دخلنا على القاضي
سئلني اخذتي مهرج كامل خمسه حاضر وعشره غايب
التفتت على ابوي اشرلي براسه ااي
رديت على القاضي ااي اخذته
عقدلنا القاضي وطلعنا
عقدنا وزواجنا جان سنة ٢٠١٨
رجعنا سلمان البيتنا قبل لا ننزل
سلمان.... من اجهزين نفسج ااجي اخذج شكد ما تستعجلين ااحسن
ابوي....انشاء الله يومين اتلاثه وتجهز
نزلنا دخلنا للبيت
ساره....منو يروح وياي اشتري ذهب وملابس
ابوي.. اني اروح وياج
ساره.. انت انت شمعرفك بشغلات النسوان اخذ الهام بت عمي وياي لان اني هم مااعرف
ابوي...قابل شيرادلها كتلج اني اخذج
باجر الصبح اخذج نشتري الاشياء الي تحتاجيها
ساره...سكتت الفلوس عنده مستحيل يقبل واحد يشتري غيره وماكو مجال للنقاش وياا
مادام كال اني بعد هاي هيه اله هو يروح وياي
ثاني يوم جمعه كعدنا الصبح اتريكنا الساعه تسعه
طلعنا للسوك لبست نفس الثوب والحجاب لبست عبايه وطلعت
اخذني اول شي الابو الذهب
دخلنا كاله نريد حلقه
كلما ينطينا حلقه ويسئل على سعرها غالي يرجعها
يمكن رجع عشر حلقات
لحد ماانطانا الصايغ حلقه خفيفه كلش
وسعرها قليل ١٢٥ الف
ابوي كاله اي هيه هاي
بعدين طلب تراجي
ابوي....اريد تراجي بس مو ثكيلات كون خفيفات
مانريد نكلف على العريس
انطانا الصايغ تراجي على شكل وركه زغار وخفيفات
سعرهن ١٢٥ الف
ساره...مااريد ذني التراجي اريد طوال
ابوي... لا ذني حلوات
طلع الفلوس وانطا للصايغ ومااشترالي اي شي بعد
اخذني اشتري ملابس
دشداشتين وثوب وملابس داخليه قطعه قطعه
وشحاطه وحجاب
ساره...بس ذني اريد بعد
ابوي...شسوين بلملابس كل يوم داخل موديل جديد
ساره...غير عروس
جمانه السعيدي
ابوي...انتي صدكتي نفسج ااي عروس سلمان يريدج تخدمين زوجته لان ماتكدر تتحرك
لا تتخيلين عروس وتلبسين وطلعين
ساره.. اريد مكياج
ابوي شسوين بالمكياج ووين ترحين وتخلين مكياج
ساره. اني عاجبني اخلي مكياج
ابوي...ولله تلعبين
ساره.. اذا ما تشتريلي مكياج ابطل
ابوي...شنو لعبه وتبطلين صرتي باسمه رسمي هسه من حقه يجي ياخذج
ساره....قابل كل يوم ازوج اريد مكياج
ابوي.. امشي اشتري مكياج اامري الله
ساره...دخلنا محل مكياج المشكله اني مااعرف هلكد بلمكياج
بس كلت الابو محل مكياج عروس
جاب مكياج كله ماركه وأنواع أشكال اصلا مااعرف شلون استخدمهن
كوم المكياج أشكال انواع كدامي
ابوي....لا عمي رجع هذا المكياج مبين غالي
انطيها على كد ٢٥ الف
الولد....شنو ٢٥ حجي شبيهن ال٢٥
ابوي... ما تخلي يبعد عمك هاي تلعب تريد تاخذه وضمه
اطيها ب ٢٥ الف
طلع الولد مكياج عادي
٢ حمره ٣الاف ومسكاره ٣ الاف وكحله الفين
وباودر بثمانيه معطر جسم ٣ الاف حمرة خد ٣
معطر جسم ٣
راد يطلع بعد شغلات عروس ملمع جسم
بودرة جسم
ابوي كاله كافي ذني كافي
الولد... بعد بودرة جسم للعروس
ابوي...ماادفع غير ٢٥ الف تريد تنطيها منك بكيفك
ساره.....غير فلوسي عندك ليش مااشتري
ابوي....كافي فلوسج اريد اضمهن اللج مو تشترين بيهن احمر واخضر
اصلا انتي ما تعرفين تخلين مكياج
ابوي...يله امشي كدامي كافي تعبت
طلعنا من المحل رجعنا للبيت شكد ضجت فلوسي وما يقبل اشتري بيهن قابل ماخذه منك
شنو اضمهن اني عاتبه عليك اضمهن هذا عرسي واريد اشتري قابل كل يوم معرسه
ماصرف عليه من الخمس ملايين غير ٤٠٠ الف
وصلنا للبيت
ابوي...... حضري نفسج باجر علمود عكبه العرس
ساره...اريد ٢٥٠ الف اروح للصالون
ابوي...شسوين بلصالون مكياج عندج دزي على الهام
تجي هنا تمكيجج اصلا ماكو عرس
يجي ياخذج بلسياره البيتكم
ساره...ولو اذا مااروح للصالون مراح اطلع من هذا البيت
شعري ابيض من الشيب
اريد اصبغ واحف واعدل شكلي
ابوي.. شدعوه ٢٥٠ الف
اني اروح وياج الام الصالون واحجي وياها تسويلي تخفيضات
ساره...فلوسي عندك انت دافع شي من جيبك
اني ردت بعد ذهب الذهب ضمان وفلوسي عندك
ليش مااشتريتلي
ابوي....ضميت فلوسج احسن ما اطشريهن
ساره...الذهب ضمان وهم اريد اكشخ
ابوي....يومين ويكلج جيبي الذهب عاد فلوس
مضمونات عندي
ساره.. استغفر الله واتوب اليه الاخر لحظه مصمم
يطلعني بدون كلشي حتى مهري اخذه
بلكوه انطاني ١٥٠ رحت للصالون
ميشت شعري وصبغته حفيت وجهي
سويت تقشير البشترتي لان مزنجره من كد الاهمال
من شفت نفسي بلمرايه ماصدكت ولله اني حلوه
بس الاهمال مخرب شكلي
من رجعت للبيت خليت دهن الاديه ورجليه ولبست جواريب
اربع ايام معتنيه بنفسي صرت ووحده ثانيه
طلع شكلي
اليوم الخامس ابوي اتواصل ويا سلمان
ابوي... تكدر تجي بليل تاخذ عروستك
سلمان...ممنون منك انشاء الله
جمانه السعيدي
ساره...بيومها دخلت للحمام بقيت ساعتين اجلف بنفسي
من طلعت مشطت شعري ولفيته خليته معطر
عطرت جسمي
اجت الهام مكيجتني لبست الثوب الي اشتريته بلمهر
سمائي وبي شغل ليلو كلش حلو
لبست الحجاب
طلعت حلوه بقيت اباوع على نفسي بلمرايه واضحك
ااكول بكلبي حتلو طلع هذا العرس مقلب وماارتاحيت
على الاقل اشتريت ملابس جدد وذهب ورحت للصالون
عشت يومين من عمري
والباقي على رب العالمين
بليل اجا سلمان طبك السياره ونزل دك الباب
فتحله ابوي رحب بي دخله للبيت
اجاني كال يله زوجج ينتظرج
اسمعي صيري حبابه ومطيعه واي شي يكول علي كولي حاضر شما تسمعين كلامه
راح يدللج ويدير باله عليج
ساره.. هزيت راسي لبست عباتي وطلعت
لكيته كاعد بلاستقبال
لابس دشداشه رصاصي فاتح وعبايه صيفيه سوده
وعكال وجفيه ابيض لابس ساعه فضي
مرتب شكله يم الحلاق والعطر تارس المكان
ساره.. مساء الخير
سلمان.. مساء الخير يله نروح
ساره...يله
سلمان...وين جنطة ملابسج
ساره...هاي
باوع عليها جنطه زغيره والجنطه قديمه حيل
وجيبها مشكوك
سلمان...بس هاي
ساره. كلت بكلبي قابل شخلي بيها هنا دشاديش ثنيين
وحجاب والمكياج
حتى ملابس نوم مااشترين استحيت من ابوي
واكفلي وكفه
دنك سلمان شال الجنطه وطلع كدامي
فتح باب السياره الخلفي خله الجنطه وفتحلي الباب الامامي صعدت
جمانه السعيدي
شغل السياره وطلع
سلمان...اعذريني ما سويتلج عرس
ساره...ميخالف
سلمان....انشاء الله اعوضج
ساره.. انشاء الله
سلمان.. منو راح وياج اشتريتي الجهاز
ساره.. ابوي
سلمان...ابوج ليش مو اختج
ساره....ما فارغه
سلمان....وووين باقي جهازج
ساره...ماكو جهاز بس ذني
سلمان...ليش اشتريتي ذهب بفلوس المهر كلهن
ساره...لا مااشتريت اي شي حتى الذهب بس حلقه وتراجي خفاف
سلمان...ليش مااشتريتي وين خليتي فلوس المهر
ساره.. اخذهن ابوي ومقبل اشتري بيهن
سلمان...ليش اخذهن
ساره....يكول اضمهن اللج
سلمان....ليش يضمهن هو هذا وكتهن العروس اذا ماشترت ملابس وذهب بلعرس يمتى تشتري
ساره..مااكدر اناقشه بكيفه
سلمان...ميخالف انشاء الله مراح انقص عليج شي
اني راح اعوضج ومراح تحتاجين اي احد
ساره.. انشاء الله
سلمان...بس عندي طلب وحيد
ساره. اي كول
سلمان....اريدج تنتبهين للحجيه هيه صح شويه عصبيه
بس اتحملي هيه كلبها طيب
اني راح اساعدج مراح اعوفج وحدج
شتكول كولي حاضر منا لمن تتعلم عليج
اكيد بلبدايه راح تكون عصبيه باعتبار انتي اخذتي زوجها منها ترا المره شما تكبر ما تقبل اي احد. يشاركها
بزوجها
اني جبت قبلج ثنيين يخدمنها بس حشاج طلعن
مو ادميات حتى أخذن شغلات من بيتنا
فلوس وذهب
واني الصراحه مااريد ادخل بلحرام اذا اني موجود اتقيد
بوجودهن بلبيت
مالكيت حل غير ازوج ووحده بت حلال تساعدني
أدير بالي على الحجيه
اني سئلت عنج وعرفت انتي بت حلال واصيله
شلتي اخوانج وهما زغار وربيتيهم
وضحيتي بحياتج علمودهم
واتمنى ضني يكون بمحله يمكن تحتاجين وقت تتعودين عليها
جمانه السعيدي
بس تعدي اول فتره راح تتعود عليج
ساره....اشوف انشاء الله اكدر
سلمان...اني كلبي ارتاح لمن شفتج مبينه بت حلال
ساره...شكرا
وكف السياره كبال بيتهم نزل وفتحلي الباب نزلت
بيت جبير وبنائه حلو
فتح الباب بالمفتاح ودخل التفت عليه وكال تفضلي
دخلت للبيت الحديقه اجنن كلها ورد والطرمه نظيفه
يمشي كدامي واني امشي ورا جنطة ملابس بقت بلسياره
دخلت للبيت من باب المطبخ
المطبخ يلمع كاونتر بيجي يخبل وثلاجه من هاي اربع
بيبان ومجمده وميز طعام حتى سبلت اكو بلمطبخ
امشي وعيوني تفتر
شنو هذا الجمال والترتيب هذا مو بيت هذا تحفه
فتح باب الغرفه وكال ها حجيتي شلونج
ساره...حسيت كلمة حجيتي كلها محنه طالعه من حلكه حلوه ودافيه
قبل لا واصل باب الغرفه واشوفها سمعتها تكووول
هااا جبتها وياك
سلمان...اي جبتها ساره وينج تعالي
هاي حجيتي الي حجيتلج عنها
تعاي اعرفج عليها