رواية ظلم ابي الفصل الخامس 5 بقلم جمانة السعيدي
ساره.....انت تحجي وياي
ابوي...اي انتي متقدملج وواحد ووضعه المادي كلش زين
واني وافقت علي الصراحه هو صار فتره يلح عليه بهذا الموضوع
بس اني جنت رافض بعدين توصلنا اني ويا الاتفاق
تجين يومين بلاسبوع تنظفين بيتنا وتطبخين وترجعين
ترحين البيته
ساره....حسيت نفسي فرحانه معقوله ااكو واحد يريد يزوجني واني بهذا العمر
اني راح ازوج خلاص
يمكن جاي احلم ابوي بنفسه يكول اني موافق
شلون موافق معقوله الكلام الي جاي اسمعه صحيح
ساره..... عريس يزوجني اني منو العريس شكد عمره
ابوي....شنو عمره شنو هاي الخربطة انتي بهذا حالج ووضعج وعمرج الي قرب على الاربعين
هم ادورين عمر وشكل
ساره....شلون ازوج واني مغمضه
لازم اعرف منو وشكد عمره عمره نفس عمري
لو ااكبر مني ازغرمني شكد عمره
ابوي....العريس صديقي سلمان عمره ٦٢ سنه
مزوج وماعنده اطفال زوجته ماتكدر تتحرك
مريضه ومحتاج وحده تخدمهم ثنبيهم بلبيت
ساره...تحجي صدك لو تتشاقى
ابوي...شنو اتشقى لايكون مفكره وانتي بهذا العمر يتقدملج شاب بلعشرين
اصلا زين ااكو واحد يريد يتزوجج
ساره....انت شنو تغشم نفسك تسوي نفسك برئي
مالك علاقه بهذا الموضوع
منو الي رفض ازوج اول عمري واي واحد يتقدملي
يطرده
ابوي...انتي شنو جاي تحاسبيني
بعدين الي يسمعج يكووول الخطابه جانو لازمين سره عليج هو واحد
بنجرجي الضيم حاله كاتله الوصخ والفكر
بعدين شلون تفكرين بلزواج بذاك الوكت
اخوانج جانو زغار منو يدير باله عليهم
المفروض انتي ترفضين اي واحد يتقدملج حتى تربين اخوانج وديرين بالج عليهم
ساره...اني ما مسؤله عن اخواني انت ابوهم انت مسؤل عنهم حملتني المسؤليه واني طفله وحرمتني من كلشي
ليش خليتي اعوف المدرسه
ليش خليتني اشيل حمل مااكدر علي
ضيعت حياتي وهسه جاي تنطيني خدامه
الرجال عمره ٦٢ سنه
انت ما تخاف من رب العالمين
جمانه السعيدي
ابوي...انتي السانج صاير طويل وتردين الكلمه بعشره
مو بكيفج اني انطبت كلمه للرجال
تزوجي وغصبا ماعليج
لو ترديني ااخر عمري اطلع مو كد كلمتي
افهمي هو هذا قسمتج ونصيبج انت ما مكتوبلج تزوحبن وانتي زغيره
ولا مكتوب تاخذين واحد شاب
هاي قسمتج ارضي بيها
ارضي بكيفج لا اخلي ياخذج غصبا ماعليج
اني انطيته كلمه وبعد ماارجع بكلامي ابد
ساره...ولله ضحكتني وكفت بقسمتي كل هذا العمر
وهسه جاي تكول هاي قسمتج
اي قسمه تريد تشمرني بلنار
تعاي اخدمي رجال حبير هو وزجته وكولي هاي قسمتي
وارضي
طبعا مااقبل ماازوج على الاقل هنا اخدمك بس انت
اذا ازوجت اخدم ثنيبن
الله اعلم شنو حياتهم وشلون عايشين
ابوي...رجال بعده بصحته ولا ولد ولا تلد وخير من الله
عنده فلوس واملاك
ساره...شسوي بلفلوس عمري خلص شسوي بيهن
تكول عقيم يعني حتى طفل مراح احصل منه
خدامه وعدها فلوس راح تبقى خدامه
ابوي...مو بكيفج راح تقبلين وانتي الممنونه
عفته ورحت بغرفتي
من كال راح تزوجين كلت ايجوز انتبه النفسه
حس بغلطه
كال اني كبرت وهاي المسكينه منو الها من بعدي
اثاري يريد يطلعني من نار ويشمرني بنار ااكبر منها
الله لا يسامحك لا دنيا ولا اخره
الاخر لحظه مصمم تحطم حياتي
عبالي يريد يكفر عن غلطه
جمانه السعيدي
لليل دخل ابوي غرفتي جايب تليفونه
ابوي...هاج نور تريد تحجي وياج
انطاني التليفون وطلع
استغربت نور من يوم ازوجت لليوم ما تحجي وياي
ولا تسئل عني
حتى بيتنا بطلت ادخله
شعجب متصله تريد تحجي وياي
ساره...الووو
نور...شلونج ساره
ساره...الحمد لله
نور...ليش عيني رافضه العريس خاف عبالج بعدج زغيره
ترا الي مثلج زوجن ولدهن
انتي منو بحالج لا جمال ولا مال ولا شهاده
منو بعد يباوع بوجهج
ساره....انتي عرفتي العريس شكد عمره عمره ٦٢ سنه
ابوج يريدني خدامه الصاحبه
اخدمه هو وزوجته
نور...وين المشكله انتي هنا خدامه وهناك خدامه
شنو الي راح يتغير عليج
ايجوز زوجج احسن يصرف عليج يطلعج
تطلبين اي شي يجيبلج
بمكان ماكاعده هنا مكابله الحياطين وحسره عليج الثوب
انتي مو تردين عرس
هذا العرس اقبلي واخلصي
ساره....لا مااقبل بواحد شايب ويريدني خدامه بيته
نور...لا اضلين تحجين معلك عمرج بلاربعين
شتردين شاب عشريني
خاف مفكره تزوجين وتخلفين
البنات الشابه جاي تزوج وما تحبل
اله انتي ارضي وعيشي حياتج
اطلعي من هذا البيت بلكت الله يفتحها بوجهج
شمنتظره مثلا ترجعين شابه
تحصلين شهاده تتعرفين على واحد وتعيشين وياا
قصة حب
هذا الي عندي اخذته على حب سنتين
وهسه كل يوم خايني ويا وحده شكل
صابره ومتحمله لان مااريد ارجع بيت اهلي
واضيع بيتي وابهذل جهالي
علي الاقل الي راح تاخذي ضامنه لا يحب غيرج ولا يخونج
عنده فلوس صيري شاطره واطلبي ادللي علي
وافقي نصيحه مني وافقي ازوجي واطلعب من هذا البيت
بس يصير قدر على ابوي لا سامح الله
البيت ينباع ويتوزع حصص كلمن ياخذ حصته
وانتي حصتج كلشي ما تحصلين بيها
ووين تكعدين ووين ترحين
على الاقل اذا مات زوجج حصتج من الورث
على حصتج من بيت ابوي تشترين بيت وتكعدين
الحياة صارت مصالح كلمن يفكر بمصلحته
اني ااول وحده اطالب بحصتي من بيت ابوي
ومراح اعوفج كاعده بي
كلمن يفكر بنفسه حتى مصطفى لا راح يستقبلج بيته
ولا راح يعوفج بيت ابوي
اصلا زوجته مبهذله احواله يشتغل ليل نهار
وما مكفي طلباتها
يرجع بليل للبيت ينام ساعتين ويرجع يطلع للشغل مره ثانيه
طلباتها كله من الغالي والعالي والماركه
وابد مجاي تحس بي وتخلي يرتاح شويه
كفيلج الله يبجي بجي من العيشه والايجار
وبس يحجي وياها كلمه راحت جابت اهلها وهدو علي
كلمه مايكدر يحجي وياها
تتوقعين يقبل تعيشين وياا لو يصرف عليج
اصلا زوجته مراح تخليج تعتبين باب بيتها
جمانه السعيدي
واني عايشه عيشه سوده فلس مايصرف عليه
كلشي يحصله يصرفه على صاحباته
حتى راتبي لا حكني علي عشيتي سوده وياا الله كفيلج
عاد هذا الرجال الي راح تاخذي جبير
اضمنيين لا يخونج ولا يلعب عليج
اخذي منه فلوس واصرفي وعوضي كلشي راح منج
ابمكان ما باقيه عايشه نهار كله مقابله الحيطان
جربي انتي ماخسرانه شي
اذا تكولين خدامه انتي هنا هم خدامه
غيري مكانج وشوفي الوضع الجديد اذا ما عجبج
ارجعي بيت ابوي
اصلا ابوي اذا اطلكتي ورجعتي علي يكيف ترجعين خدامه وكلشي ما خسران عليج
دخل ابوي للغرفه
ابوي. هااا كملتي انطيني التليفون
ساره...انطيته التليفون حسيت كلام نور مقنع
مادام اني عايشه دور الخدامه هنا وهناك اجرب واشوف ايجوز يطلع حنيين عليه
ايجوز يصرف عليه ويدللني
ااكيد اخر النهار يجي ينام يمي على الاقل ااكو نفس وياي بلغرفه
اني هنا بهذا البيت مالي مستقبل
خاف صدك ابوي يموت ويشمروني بلشارع
اخواني ماكو بكلبهم ذرة محنه عليه
اقبل واجرب حضي وواشوف
على الاقل اغير مكاني وحياتي واشوف وضعي الجديد شنو
بس خاف اتندم
خاف مااكدر اتحمل
يومين واني ساكته ماحجيت ويا ابوي اي كلام
بليل اجاني ابوي الغرفتي باجر يجي الرجال يريد يعقد
واني انطيته كلمة اخيره موافق
ساره.. هزيت راسي موافقه
موافقه بس ما مقتنعه
ابوي.. حضري نفسج يريد يعقد عقد شيخ
ساره...اريد فلوس اشتري ثوب البسه ماعندي شي بي خير
واريد اصبغ شعري متروس شيب
ابوي...ميخالف
ثاني يوم ابوي انطاني ٢٥ الف اشتري ثوب وأصبغ شعري
رحت للسوك اني وبت عمي خطيه طبعا مزوجه عافت بيتها وجهالها واجت وياي للسوك اشتريت ثوب ١٢ الف ثوب عادي بسيط
واشتريت صبغ شعر ٥ الالف
واشتريت معطر ٣ وقلم كحله وقلم حمره وباودر
بخمسه من العاديات كلش
بت عمي اشترتلي حجاب نفس لون الفستان
وملابس داخليه جديده
جمانه السعيدي
رجعت للبيت بت عمي رجعت البيتها لان عايفه جهالها وحدهم
كالت اجي العصر احف وجهج وارتب شكلج
صبغت شعري شلون مجان
عبالك اخلي حنه نص انصبغ ونص لا اهم شي غطيت الشيب بشعري من كدام
جمانه السعيدي
دزيت على بت عمي تحفلي وجهي
البنيه ماكلت اجت حفت وجهي واديه
وخلتلي مكياج على عرفتها لبست الثوب صح هو بسيط بس طلع عليه حلو
خليت معطر ولميت شعري ولبست حجاب
اباوع على شكلي زين شكلي طلع مقبول
يمكن لو فستان احلى شويه ورايحه للصالون
جان طلعت وحده ثانيه
اتصل ابوي على نور تحضر المهر كالت مااكدر اجي ابني مصخن
اتصل على مصطفى
كال عندي شغل وما يقبلون ينطوني اجازه
لان الصبح دوام والعصر يشتغل توصيل طلبات بمطعم يبقى يشتغل الاذان الصبح
محد حضر مهري اني وابوي بس
بعد العشى بشويه
اندكت الباب طلع ابوي يفتحها
اني واكفه ورا بردة المطبخ اباوع اريد اشوف العريس
دخل للبيت
رجال جبير طويل جسمه لا ضعيف ولا سمين ووسط
لابس دشداشه بيضه وعبايه صيفيه صفره
وعكال وجفيه
لحيته وشواربه بيض
شكله مقبول نوعا ما
سلم على ابوي بحراره دخل ودخلو و ياا زلم ثنيين
والشيخ الثالث
اجا ابوي كال جيبي جاي
انطيته الجاي اخذه وراح قدمه الهم
شويه رجع عليه كال اوكفي ورا باب المطبخ الشيخ راح يعقدلج
سديت الباب ووكفت ورا
اجا الشيخ وكف بلطرمه مقابل باب المطبخ حجا كلمات العقد واني كلت نعم وانت وكيلي
بعدين راح يعقد للعريس
بهاي اللحظه بلذات كنت حزينه ااكثر ما فرحانه
حزينه وخايفه من الجاي
اعرف نفسي مو محضوضه اخاف الجاي يكون اتعس من الي راح
شلون قبلت ادخل نفسي بهيج تجربه
رجال جبير ومرته مريضه اي حسنات ماكو بهذا الزواج
يمكن راح اتندم
مااعرف اني كلشي مااعرف
غير ابوي جاي يدفعني ازوج واعيش تجربه جديده
مبينه تجربه صعبه
مااكو اي شي يكول عنها تجربه ناجحه
بس ماعندي خيارات هواي
مثل الغركان ومجلب بكشايه
هو يشوف هاي الكشايه اامل بس هيه مو امل
ولا خلاص المثل حالته
كاعد احجي ويا نفسي وصوت ابوي وهو يكول ساره
وينج
كمت فتحت باب المطبخ
كال تعالي سلمي على زوجج
عدلت حجابي ومشيت ورا ابوي
دخل واني دخلت ورا
ساره.... مساء الخير
جان كاعد ووكف السبحه بايده
سلمان.....مساء الخير
كعد ابوي كباله واني كعدت بصف ابوي
سلمان...شلونج
ساره...الحمد لله
سلمان....اني انطيت مهرج الابوج يمتى ما تكملين
جهازج نزوج
اني مراح اسوي عرس بعد عمري مو مال عرس
وإنشاء الله مراح اقصر وياج
ساره.. انشاء الله خير
ابوي...بس على اتفاقنا تجي يومين بلاسبوع تنظف البيت وتطبخ وتغسل ملابسي وترجع
سلمان...متفقين ماكو مشكله
شوفي شكد وقت يكفيج اجهزين نفسج
ابوي....اول شي عقد المحكمه قبل الزواج
سلمان....اي ماكو مانع من باجر نعقد اذا تحب
ابوي...اي تمام باجر اطلب اجازه واجي وياكم للعقد
سلمان...تمام الساعه عشره أأمر عليكم
انتظرونا ...
السادس من هنا
