رواية نسختي الاخري الفصل الخامس 5 بقلم حبيبة سامح
في حفله الترحيب 
كانت قاعه مزينه بزينه بيضاء جميله و يوجد بها مقاعد و طاولات عليها باقه ورد ورديه في زجاجه بها بعض الماء
والأرضية بيضاء تلمع من نظافتها
كان كل شخص مع نسخته هناك من يجلسون و يتحدثون و هناك من يتناولون الطعام الذي موجود في الحفله
نور بحرج : حسه شكلي أهبل
نظر سديم لها وهو يرتدي بدله بلون الابيض ليبتسم و يقول
سديم بابتسامه : الفستان لايق عليكي اوي مش هقول زي الاميرات عشان انتي اميره اصلا
نظرت نور له بشرود لتبتسم له
نور : شكرا دي شكلها جوازه روعه
ضحك سديم بشده عليها ليذهبوا للداخل
عند لينار
كانت لينار في الغرفه المخصصه للملابس كانت تنظر للفساتين لتجد
فستان ابيض طويل لامع و يوجد به ورده ذهبيه على جانبه
أخذته لينار لتقوم بارتدائه و ارتداء طرحتها التي كانت بلون الذهبي
لتخرج لينار للخارج لتجد ليثار يجلس في غرفه المعيشه وهو يرتدي ستره سوداء
لتغلق لينار باب الغرفه ثم ذهبت له لتقف أمامه بتوتر وهي تقوم بفرك يديها
رفع ليثار عينيه لينظر لها بانبهار ليحاول اخفاء انبهاره بها
لاحظت لينار نظراته لتحمر خجلا و تتوتر
ليثار ببرود : يلا
استقام ليثار ليذهب لخارج المنزل نظرت لينار له بحزن على معاملاته لتذهب خلفه
في قاعه الحفله
سديم : بتدوري على مين ؟
نور : أختي جت معايا هنا فا بدور عليها
سديم باستغراب : بجد ؟ مكنتش أعرف طيب أسمها ايه ؟
نور :لينار
سديم بصدمه : أسمها نار اعوذ بالله !!
نور بغيظ : لينار لينار في ل و ياء نسيتهم
سديم بفهم : تمام معلش أصلا أسمها غريب
نور بضحك : يعني أنت الي أسمك عادي بس بصراحه عجبني
سديم بغمزه : الاسم و لا صاحب الاسم
نظرت نور بعيدا وهي تحاول عدم الضحك
دخل ليثار الحفله لينظر الجميع له بتوتر و يبتعدون عنه
دخل ليثار بخطوات ثابته و عندما يقترب من شخص يبتعد عنه بخوف ليجلس على طاوله وهو ينظر للجميع ببرود
سديم : جهنم دخلت علينا
نور باستغراب : جهنم ؟
سديم : قصدي ليثار
كشرت نور ملامحها من اسمه
نور : مين ليثار ده ؟
سديم : الي لسه داخل ده أصل الكل بيخاف منه
نور باستغراب : ليه ؟
سديم : عشان عصبي جدا و في نفس الوقت قوي جدا
نور : ربنا يكون في عون نسخته
سديم : لا ما هو
كان سديم سوف يكمل حديثه لكنه توقف عندما لاحظ توقف حديث الناس و نظرهم موجه لجهه واحده
لينظر سديم و نور للمكان الذي ينظرون له
دخلت لينار بخجل و خطوات متوتره لتنظر للاسفل عندما وجدت الجميع يتحدث عنها و عن جمالها و هناك من يحسد نسختها
نظرت لينار في الإرجاء تبحث عن ليثار
نور بصوت عالي : اختيييييييي
لتجري نور بتجاه لينار لتقوم بعناقها بشوق لتبادلها لينار العناق
نور : وحشتيني وحشتيني اوي
ابتعدت نور عنها لتنظر لها لتجد الدموع في عينيها
نور بقلق : مالك يا لينار ؟ حد ضايقك ؟
لتقوم لينار بهز رأسها يمين و يسار لتقول
لينار بدموع : جوزي طلع وحش اوي
نور بقلق : ليه هو عملك حاجه ؟ أذاكي ؟
لينار ببكاء : لا بس زعقلي إمبارح جامد و بيعاملني ببرود
نور بعصبيه : فين جوزك ده عشان أطين عيشته
كان سديم يقف معهم و يسمع حديثهم بصمت
لتقوم لينار بالاشاره على ليثار
سديم بصدمه : يا نهار اسوح يا نهار اسوح ده يبقى نسختك يعني خلاص نسخته بقيت موجوده أخيرا
نظرت نور باستغراب لسديم
نور : مش المفروض على حسب فهمي للمدرسه دي أن النسخه الاصليه بتيجي على طول ؟
سديم بهمس : موضوع كده بلاش نتكلم عنه و ياريتك تتبري من صحبتك لحسن نتاكل كلنا
نظرت نور لسديم بعدم فهم
الحكيمه : أهلا وسهلا بيكم في حفله الترحيب بالطلاب الجداد بعد أذنكم كل نسخه تروح مع نسختها الاصليه و يكونوا مع بعض
نور : مش هسيب لينار
سديم : نور مش هينفع تعالي
ذهبت نور مع سديم وهي تنظر للينار بقلق لتتقدم لينار و تجلس بجانب ليثار على نفس الطاوله
الحكيمه : في حفله ترحيبنا أحنا مش بس بنرحب بيكم في مدرسه الانعكاس لا احنا كمان بنفهمكم كل حاجه خاصه بالمدرسه هنا
كانوا الجميع ينظرون للحكيمه وهم يستمعون لها بتركيز
ليتنهد ليثار بملل نظرت لينار له
لينظر ليثار لها لتخفض رأسها للاسفل
ليثبت ليثار عينيه عليها وهو يراقب توترها
الحكيمه : اولا ايه هي مدرسه الانعكاس ؟ دي مدرستنا هي مدرسه بتجمع بين أتنين سواء صحاب ؛ متجوزين أو أخوات المهم أن الاتنين دول الي هما النسخه الاصليه الي هي بتيجي لعندنا و النسخه الي هي في المدرسه أصلا بيكونوا عكس بعض تماما
نظرت نور لسديم باستغراب
نور : بس انا و انت شبه بعض
سديم بابتسامه : متهيقلك بس لو ركزتي في شويه تفاصيل هتعرفي أن أحنا مش شبه بعض
الحكيمه : و وظيفه المدرسه هنا أن هي تعمل توافق بين النسختين علشان يقدروا يعيشوا مع بعض و ده بيكون من خلال دروس الاتنين بياخدوها مع بعض
الحكيمه : و هنيجي للجزء المهم وهو قوانين المدرسه
ليلتفت الجميع لها باهتمام لتنظر لينار للحكيمه
الحكيمه : أول قانون في المدرسه هو ممنوع تخرج من المدرسه دي الا لو في رحلات ليها علاقه بالمدرسه أو سفريات يعني لو حاجه تبع المدرسه هتخرجوا منها عادي طالما تبع المدرسه
الحكيمه : تاني حاجه ممنوع تقتل نسختك ده لو كنت مجنون أصلا مش هتقدر لأن كل نسخه ليها قدره خارقه القدره دي بتكون خاصه عشان تحمي النسخه الاصليه
الحكيمه: وأنتوا عارفين طبعا النسخه الاصليه الي هي بتجيلنا من العالم التاني الي هو البشري
نظرت نور لسديم لتقول له بانبهار
نور بحماس : واو انت عندك قوه خارقه ؟
سديم بضحك : أيوه يا سكر عندي
نور بحماس : قول ايه هي ؟
سديم : هقولك بس بعد لما نخلص الحفله
نور بابتسامه : تمام
الحكيمه : تالت قانون انك مش هتقدر تحضر الدروس لو أنت متخانق مع نسختك و أنتوا عارفين طبعا الي مش بيحضر الدروس بيحصل فيه ايه ؟
نظرت لينار للحكيمه بتوتر و قلق
الحكيمه بجديه : الي بيرفض يحضر الدروس او مش بيحضرها سواء بعذر أو منغير بيحصله حاجتين يا بيتلعن أو بيموت
ليشهق الجميع بصدمه لتنظر لينار لليثار لتتحدث له و قد نسيت خوفها منه
لينار بخوف : بيموت و بيتلعن طيب ايه هي اللعنه دي ؟
نظر ليثار لها و قد لاحظ خوفها الشديد ليقول
ليثار ببرود : اللعنه أنه بيتربط في برج المدرسه لمده ١٠ سنين
لينار بصدمه : يلاهوي
لتبعد لينار عينيها عن ليثار لنظراته الثابته عليها
نور بضيق : بص بيعامل أختي أزاي هروح أجيبه من شعره الابيض الطويل ده مش كفايه أختي اتجوزت عجوز
سديم بخوف : أسكتي يا نور لحسن نموت ليثار صعب بجد
نور بسخريه : ايه يا عم النسخه مش المفروض تكون بتحميني ولا ايه
سديم : أحميكي من كل حاجه بس ليثار ده الشيطان نفسه يخاف منه
نظرت نور بغيظ لليثار
الحكيمه بابتسامه : و كده نكون خلصنا النهارده طبعا اجازه للدفعه و بكره هنبتدي دروس فا النهارده اعملوا الي انتوا عايزينه
ليصفق الجميع للحكيمه لتشكرهم و تذهب خارج القاعه
نور : لينار
ألتفت لينار لتجد نور خلفها
نور : انا و سديم هنروح نجيب عصاير و حاجات و هنقعد في الجنينه نعمل بيكنيك تعالي معانا
نظرت لينار لليثار الذي ينظر لها
ليثار بهدوء : روحي معاهم لو عايزه
ابتسمت لينار له بهدوء
نور بغيظ : هي هتروح كده كده حته لو انت مش موافق يا عجوز
نظر سديم لها بصدمه
سديم : دي مش نسختي معرفهاش
نظرت نور له بدهشه
نور : نعم !!! ده انا الي المفروض أحميك مش أنت طب تصدق بقى أن انا و لينار الي هنعمل البيكنك مع بعض
لتمسك نور يد لينار و ذهبوا خارج القاعه
سديم بصدمه : هي طلعت عصبيه كده ليه ؟
خرجوا بالخارج لتنظر نور للينار وهي تكتف يديها
نور بحده : انتي بتاخدي أذنه عشان تروحي معانا ولا لا ؟
لينار : يا نور ده مهما كان يبقى جوزي ولازم أخذ أذنه في كل حاجه ده من حيث الدين أحنا المفروض نعمل كده و ده مش تحكم زي ما الستات فاكره لا ده حمايه لينا
نور : إزاي يعني ؟
لينار : الست طبيعي أضعف من الراجل و تخيلي لو هي راحت مكان حد خطفها أو أذاها أو تاهت هتعمل ايه لو جوزها مش عارف ؟ أما لو هو عارف هياخد باله أنها أتأخرت و هيدور عليها فا عشان كده المفروض الزوجه أو البنت تقول لباباها و جوزها هي رايحه و خارجه فين
نور بقتناع : تصدقي عندك حق وأصلا الواحد لو فكر فيها اوي هياخد باله أنه مش تحكم ده حمايه و حفاظ علينا
لينار بابتسامه : ربنا عز وجل أحكامه و أوامره و نواهيه ديما لحكمه و لمصلحتنا
نور : عندك حق و نعم بالله طيب مش يلا نعمل البيكنك بقى
لينار بضحك : يلا
ذهبت لينار و نور تحت شجره ليقوموا بوضع مفرش بلون الاحمر و الابيض على الزرع
لتضع نور بعض المخبوزات التي في أطباق على المفرش و أيضاً بعض الفواكه المتنوعه من الفراوله و التفاح و الموز و بعض المشروبات و الحلويات
لينار بدهشه : جبتي كل ده منين ؟
نور بابتسامه : سديم جوزي الحبيب جبلهم ليا
لينار بابتسامه : ربنا يحفظكم لبعض
نظرت نور لها لتشعر أنها حزينه لتجلس بجانبها على المفرش
نور : هو جوزك بيعاملك أزاي يا لينار ؟
لينار بدموع : وحش أوي لما زعقلي عيطت جامد وحسيت أن قلبي أتكسر أنا أول مره حد يزعقلي يا نور
لتقوم نور بعناق لينار محاوله للتخفيف عنها
نور : أهدي أنا هنا ولو العجوز ده ضايقك تاني تعالي قوليلي
ابتعدت لينار عنها قليلا لتقوم بهز رأسها
سديم : أتأخرت عليكم
نظرت نور له بهدوء
سديم : كنت بهزر يا نور انا مقدرش أعيش من غيرك أصلا
نور بابتسامه : تمام يا سديم القمور
سديم بضحك : حلو اللقب ده
كانت لينار تنظر لهم بسعاده على الأقل صديقتها سعيده
ليثار : هقعد معاكم
