رواية الذكريات الفصل الخامس 5 بقلم نروين عبدالمنصف
الذكريات
الحلقة الخامسة
كريم:انا بحبك
ندى:انا لازم امشي
كريم:هو انا قولت حاجة غلط
ندى:لا بس انا لازم امشي وبليل هكلمك سلام وقامت ندى مشيت
كريم بغموض:سلام
روحت ندى البيت ومش مصدقة أن كريم بيحبها أو بعمنى اصح مش مصدقة أن في حد بيحبها كانت مبسوطة جدا ونسيت الكلام اللي بيتقال على كريم بعتت رسالة لكريم وقالتله وانا كمان بحبك
وصلت الرسالة عند كريم واول ما شافها ابتسم بانتصار
معتصم:اية سبب الابتسامة دي (معتصم يبقى صاحب كريم)
كريم:بتحبني
معتصم كشر:قصدك مين... اوعى تكون ندى
كريم:أيوة هي
معتصم:وانا اللي كنت فاكرها محترمة
كريم:يا عم مفيش بنات محترمة كلهم زي بعض
معتصم:ناوي على اية
كريم بشر:على كل خير
ملك مشيت بتتكلم بعصبية وبصوت عالي وهي مش مصدقة ازاي سالي بالبجاحة دي سرقت مني خطيبي وجاية تتكلم بكل برود
_: على فكره العصبية وحشة علشانك
ملك بصدمة:انت
سيف:اه انا
ملك:اية اللي جابك ورايا
سيف ببرود:مزاجي
ملك:يووووو انا ماشية
وفعلا مشيت سالي وكان في حد ماشي وراها متابعها لحد ما وصلت البيت وابتسم ومشي
بليل عند ملك مامتها دخلت
أميرة:موكا حبيبتي في عريس متقدملك
ملك:ماما انا لسة خارجة من علاقة فاشلة ومش مستعدة ادخل في علاقة تانية
أميرة:يا بنتي الحياة مش هتقف على حد وعلشان تنسي اسر لازم تجربي علاقة جديدة ويا عالم ممكن العريس اللي جاي يبقى خير وهو يكون نصيبك
ملك:يا ماما مش عايزة أو على الأقل دلوقتي لا
أميرة:طب على الأقل قبلي الشاب
ملك:لا يا ماما
أميرة اتعصبت:بقولك اية انا حددت معاد مع الواد هتقابلي يعني هتقابلي
ملك:يووو حاضر يا ماما
اميرة:أيوة كدا شاطرة وسابت ملك وخرجت
عند ريناد روحت وكالعادة خناق بين باباها ومامتها
ريناد: السلام عليكم
ممدوح:وعليكم السلام
امينة:تعالي يا ريناد
ريناد:نعم يا ماما
امينة:أنتِ كبرتي يا ريناد وعاقلة وفاهمة انا استحملت ابوكي كتير علشانكم بس خلاص مبقتش استحمل ابوكي بقا حاجة خنقة
ممدوح:انا اللي خنقة دا أنتِ اللي نكدية
امينة: ابوكي يا بنتي راجل خاين وانا مستحملش اقعد مع راجل خاين زي ابوكي
ممدوح:لا دا أنتِ اتجننتي رسمي
ريناد بهدوء:برحتكم عايزين تتطلقوا انتوا احرار
معنديش مانع
أمينة بفرحة:اهو كدا تمام طلقني بقا
ممدوح:طب والعيال انا بعد ما هطلقك هتجوز
أمينة:وانا كمان انا لسة صغيرة وحلوة فهتجوز العيال خلاص اسبوع عندي وأسبوع عندك
ممدوح:تمام أمنية ورقتك هتوصل لحد عندك
أمنية:ماشي بس بردو عايزة اسمعها منك
ممدوح:أنتِ طالق
أمينة: لولولولولي أخيرا
ريناد دخلت جوا واتصلت
ريناد:الو يا نور
نور:مال صوتك في حاجة حصلت
ريناد:بابا وماما أطلقوا
نور:اية لية كدا
ريناد:عادي يا نور المهم أنتِ كنتِ بتتصلي لية
نور:لا خلاص
ريناد:قولي في اية
نور:ادم اتصل وعازمني على الغداء فاتصلت بيكِ علشان اقولك تيجي معايا بس خلاص انا هكلمه واقوله خليها يوم تأني
ريناد:لا انا هاجي معاكي
نور:لا يا بنتي خلاص ناجلها يوم تأني
ريناد:لا انا كدا كدا عايزة اخرج
نور:خلاص على الساعة ستة ونص تكوني جاهزة
ريناد: ماشي
كريم اتصل بندى وطلب منها يتقابلوا وندى وفقت
كريم:انا فرحان اوووي انا احنا مع بعض
ندى:وانا كمان
كريم:احكيلي اية اللي مضايقكك
ندى:بص انا كان نفسي ادخل كلية طب بس للاسف دخلت تجارة وماما دايما تفضل تقارني ببنت خالتي علشان في طب وتفضل تحرجني قدام الناس انا بحب امل والله بس اللي ماما بتعمله دا هيخليني أكرهه امل دي اول حاجة الحاجة التانية صحابي انا دائما معاهم في أي مشكلة إنما لما ببقى مضايقة أو عندي مشاكل مش بلاقيهم ولو حكيت لحد فيهم بيصغر حجمها هي اه ممكن تكون بالنسبالهم صغيرة بس بالنسبالي انا كبيرة
كريم:متزعليش يا ندى انا هعوضك عنهم كلهم ابعدي عن أهلك وصحابك وانا هعوضك صدقيني
ندى:بجد يا كريم
كريم:بجد يا قلب كريم
عند ملك
أميرة:اطلعي العريس عايزك
ملك بضيق:طيب
طلعت ملك وهي باصة في الأرض
اميرة:هقوم اعمل القهوة بقا وقامت أميرة وفضلت ملك مع العريس
_: السجادة حلوة؟
ملك بتبص لصاحب الصوت وقالت بصدمة:انت
سيف غمزلها :اه انا اية رايك في المفاجأة دي
ملك:انت عرفت بيتي منين
سيف:فضلت ماشي وراكي
ملك:انت بقا العريس
سيف:انا احلى عريس صح
ملك: وانا مش موافقة
أميرة دخلت بالقهوة:القهوة يابني
ملك:ماما انا مش موافقة
أميرة:لية بس يا ملك سيف محترم وابن ناس ومهندس
ملك:دا مهندس
سيف:اه مهندس مش عاجبك
ملك اتجهلت سيف:مليش دعوة انا مش عايزاة
ملك وقفت وكانت دخلة اوضتها بس سيف وقفها
سيف:على فكرة أنا همشي دلوقتي بس هنتقابل تاني وهتحبيني وهنتجوز اوعدك انك هتتجوزيني
ملك رفعت راسها وبتحدي:هنشوف
سيف ابتسم ومشي
عند نور وريناد راحوا المطعم ومستنين ادم
نور:انا زهقت هو اتاخر لية
ريناد:اهو وصل...اتصدقي ادم بقا وسيم وقمر كدا
ادم:اسف على التاخير بس طريق زحمه
نور:كنت تنزل بدري والله
ريناد بسرعة:احنا اصلا لسة وصلين
ادم فضل يتكلم معاهم بس نور معظم الوقت مش مركزة معاهم
نور:احنا اتاخرنا لازم نمشي
ادم:تمام هوصلكم
نور:لا شكرا معانا عربية
ادم:ماشي
دفع الحساب ومشي ونور وريناد في العربية
ريناد:على فكرة ادم عسل جدا ودمه خفيف ويتحب
نور:خودي خلاص انا مش عايزاه
ريناد:انا موافقة
نور:ماشي حلال عليكي
نور وصلت ريناد البيت طلعت ريناد البيت موبايلها رن وكان ادم
ادم:انسة ريناد انا ادم اسف لو ازعجتك
ريناد:لا عادي
ادم:نور قالت حاجة عليا
ريناد:لا الصراحة
ادم بزعل:ماشي
ريناد:بص نور بقالها فترة زهقانة فاحنا بنفكر نعملها حفلة كدا صغيرة اية رايك تعملها انت
ادم:خلاص تمام
قفلت ريناد مع ادم وهي فرحانة أنها كلمت ادم
عند اسر وسالي
سالي:احنا لازم نسيب بعض
اسر:نعم دا لية
سالي:علشان ملك
اسر:انا بحبك يا سالي وانتي بتحبني انا وملك مفيش نصيب مع بعض وبكرا هنكلم ملك انا وانتي نقنعها
سالي بفرحة:ماشي
