رواية شمس وقصتها امس الفصل الخامس 5 بقلم ياسمين علاء الدين
5=شمس_وقصتها_أمس
البارت_الخامس
ياسمين_علاء_الدين
وهناك وقفنا عند رياض انه رحب بفكرة حسن .. وكان سعيد انه هيقدر يكبر اسرته ويسعد اخوه من غير م يدخل امرأة البيت .. ومشى رياض من النادي وركب سيارته .. وهو سعيد انه لقى اخيراً حل لمشكلته ..
______________________________
ونروح لشمس .. رجعت بيتها ولما دخلت البيت حست انها مخنوقه لمجرد انها تذكرت زوجها .. تذكرته وهو مع الست الل كانت معاه .. وتذكرت ضربه واهانته لها .. وتذكرته وهو بيسغلها وبياخد فلوسها بالضرب والاهانه .. وقالت وهي بتتنهد .. ازاي هكمل مع الشخص ده ؟ ازاي هتحمل قذارته؟ وهي جالسه علي الكنبة في داخلة الشقة .. لقت الباب بيتفتح ودخل شاهين زوجها .. والمرة دي كان فايق مشربش شئ .. مهو خلص الفلوس .. وراجع عشان يسألها اذا معاها فلوس .. قالت له مش معايا انت اخدت اخر فلوس كانت معايا .. وهنا اتعصب وضربها .. وقال لها مهو انتي زي البومة .. اذا كنتي بتشتغلي احسن مكانوش طردوكي من الشغل .. كان بيهينها وبيسبها بأقذر الالفاظ .. وهي حطت ايدها علي ودنها ومغمضه عيونها وبتترعش من الخوف وألم الضرب .. وذل الإهانة .. ولما تعب من كتر ضربه فيها واجهدته الكلمات القذرة ال كان بيقولها .. اخد مفاتيحه وخرج وهبد الباب من كتر الغل والعصبيه لانه ملقاش فلوس .. وهي المسكينة فتحت عينها بعد ما خرج ونزلت ايدها من علي ودانها وتلفتت حواليها .. ولما تأكدت انه خرج .. اخذت نفسها وبكت بحرقة .. حتي نفسها كانت حبساه من كتر الخوف ..!
____________________________________
ونرجع لرياض وهو في القصر وقاعد بيشرب قهوته في التراس وعيونه علي الجنينه .. ولكنه سرحان في كلام حسن .. واتصل ب حسن وسأله .. كلمت البنت ..؟ قاله حسن انا في طريقي للديسكو هقابلها هناك .. متشغلش بالك اعتبر الموضوع خلصان .. هي بس هنتفق معاها علي المبلغ الل هتاخده .. مهو ال زي دي مش عايزين نطمعها فينا يا رياض رد رياض وقاله .. اديها ال هي عوزاه يا حسن .. ولكن مضيها اقرار اننا منشوفش وشها بعد ما تخلف .. قاله حسن اكيد هعمل كده .. وصل حسن للديسكو ولقى سوسن البنت الل هتعمل العملية .. وقعد معاها وطلب لها مشروبها .. وقال لها انا جايب لكي شغل .. قالت له مين؟ قال لها نتفق الأول .. قالت له اوك .. قال لها بعد الاتفاق هتمضي عقد مشروط .. انك مش هتتدخلي بحيات الشخص ده ولا يشوف وشك تاني بعد ما تسلميه الطفل .. قالت له موافقه ولكن مين الشخص ده ..؟قال لها ملكيش دخل هكون انا امامك .. هتخدي الفلوس مني انا .. وانا ال هستلم منك الطفل .. ابو الطفل مش هتشوفيه ولا يشوفك .. قالت له موافقه بس اخد مليون دولار .. قال لها اوك .. هنروح للدكتور بكرا الصبح ونشوف ايه اللي هيتم قالت له تمام .. واتصل حسن برياض بعد ما خرج من الديسكو .. وقاله بكرا الصبح هنروح المستشفي للدكتور مروان هو هيساعدنا .. قاله تمام يا حسن .. وطبعا رياض كان سعيد جدا .. دخل رياض من التراس .. وراح يشوف يوسف اخوه بيعمل ايه .. لقي يوسف في غرفته بيرسم .. قاله اخبارك ايه يا اخي ..؟قاله انا تمام يا رياض .. شوف انا رسمت لك الصورة دي .. ايه رأيك فيها؟ رد عليه رياض وقاله حلوه كتيير يا اخي .. انت رائع .. ضحك يوسف وهو سعيد وقاله الفضل لك يا رياض .. انت ال بتحفذني وتقويني .. قاله رياض .. بتحب الاطفال يا اخي؟ رد يوسف وقال ايوه انا بحب الاطفال جداً .. قاله تكون سعيد لو بقي عندي طفل .. قاله يوسف ابنك يعني؟ قال رياض ايوه .. قاله يوسف انا سعيد جدا يا رياض .. امتي هييجي الطفل ده؟
ونروح لشمس وبتشرق الشمس لما فتحت عيونها .. وبصت للساعة اكتشفت انها هتتاخر .. وقامت بسرعة وغيرت ملابسها وخرجت .. اتصلت بالست اللي قابلتها من تليفون في الشارع مهي مش معاها موبايل .. والسيدة ردت عليها وعطتها العنوان الل هتروح عليه .. راحت للفيلا ولقت رحاب هانم بنت الست الكبيرة الل قابلت شمس .. رحاب دي محامية كبيرة وزوجها كمان محامي .. قابلت شمس وشرحت لها شغلها .. واتفقت معاها ان راتبها هيكون 5000 جنيه في الشهر .. طبعاً شمس مكنتش مصدقة نفسها من فرحتها .. مهو ده اكبر راتب هتاخدوا شمس في حياتها .. وكمان رحاب قالت لشمس هيكون لكي غرفه تقيمي فيها هنا طول ايام شغلك .. وهيكون لكي اجازة يومين كل شهر .. ووقت اجازة المربية هتكوني مسؤولة عن الاولاد .. طبعاً شمس وكأن حمل اتشال من علي قلبها .. كانت فرحانه انها هترتاح من شاهين وهتكون بعيده عنه .. ووافقت فوراً وبدون ما تسأل عن اي تفاصيل تانية .. وقالت شمس يا هانم انابستأذن حضرتك اروح لبيتي اجيب ملابسي .. قالت لها ممكن بكرا .. دالوقت هتروحي مع السواق تجيبي الولاد من المدرسة لان الباص تبع المدرسة عطلان ومش موجود النهاردة .. روحي معاه وكمان عشان تتعرفي علي الاولاد .. قالت شمس حاضر يا هانم .. وخرجت شمس في طريقها لمدرسة الاولاد مع سواق الهانم ..
____________________________________
ونروح لحسن وهو في المستشفى مع سوسن .. بيتفقوا مع الدكتور .. وخلاص الدكتور اتفق ان العملية خلال ساعة بالضبط .. اتصل حسن برياض وقاله لازم تكون موجود في المستشفي والدكتور هيقابلك وهيقولك تعمل ايه قبل العملية .. قال رياض اوك انا عشر دقائق واكون عندك .. وهنا سوسن بتتجهز عشان العملية .. وقالت لها الممرضه اتركي شنطتك وملابسك في الغرفه وغيري ملابسك .. قالت اوك ودخلت الغرفه عشان تغير .. وبتحط الموبايل في الشنطة .. ورن التليفون .. ردت لقته صديقها بيتصل بيها وبيقول لها انه لقى لها سفارية عمل بالخارج .. وطبعا هي سمعت الخبر وكانت بتتنطت من الفرحه وقالت له طبعا جايه .. واتسحبت براحه وخرجت من الباب الخلفي .. ووصل رياض المستشفي وقعد مع الدكتور وفهمه الدكتور هيعمل ايه ..
____________________________________
وهنا نرجع لشمس وهي في الطريق .. وبيعمل السواق حادث وبتتقلب العربية وللاسف السواق بيتوفا .. وشمس بيكون فيها جروح وفاقدة الوعي .. والاسعاف اخدتها علي المستشفى فورا