رواية نبض المراد الفصل الرابع 4 بقلم لينة
مازال الحب موجودا
(٤)
*في الغرفة تجلس نبض بجانب آسر ممسكة بيده و تتساقط الدموع على وجنتيها بلا توقف و امها تجلس قبالتها و تمسك بالمصحف تقرأ منه و تميم نائم على الاريئة يضع رأسه علي فخذ ابيه *
نبض(ببكاء): آسر فوق بقا يا آسر قوم عشان تنكش فيا و تضربني و تجبلي بعدها شوكولاته و اتخانق معاك عشان جبتلي النوع المبحبوش قوم بقاا يلا
*احست بيده تمسك بيدها فسعدت نبض بذلك *
نبض(بسعادة): آسر ابتدا يفوق اهو
آسر(بمرح): بقا عايزاني افوق عشان اجبلك شوكولاته مادية حقيرة طب قولي عشان تطمني عليا دا انا حتي واخد الطلقة بدالك
*بمجرد ان سمعت نبض حديثه القت نفسها علية سريعا تضمه بسعادة و تبكي من الفرح *
آسر: يبنتي براحة لسة خارج من العمليات
نبض: كدة تقلقني عليك كدة يا آسر اهون عليك لية تعمل فيا كدة كنت سبتها تيجي فيا انا و انت لاء
آسر(بحنان): مقدرش يا نبض كنت ساعتها هموت اني مأنقذتكيش
نبض: و انا يعني اللي كنت عايشة و انت في العمليات انا كنت بموت كل ثانية يا آسر اوعي تعمل كدة تاني
مهاب : خلاص بقا نبض ابعدي عنه دا لسة تعبان
*ابتعدت نبض عنه و ساعدته ليجلس و اقتربت منه همس و ملست علي شعره و قبلته من رأسه و ايضا اقترب منه مهاب*
مهاب: حمدلله علي سلامتك يا بطل
آسر: الله يسلمك يا بابا
همس(ببكاء) : كدة يا حبيبي تعمل في ماما كدة دا انا كنت هموت من الخوف عليك
آسر: بعد الشر عليكي يا حبيبتي ، بس قومي من جمبي بسرعة لجوزك يلبسني تُهمة تحرش و انا مش ناقص اديكي شيفاني متشلفط ازاي
مهاب(بابتسامة): لا سماح انهاردة عشان بس حالتك لكن بعد كدة تنسي انك تقرب منها
آسر: اللهي تنستر
دخل مراد و هو يحمل اكياس بها طعام و عصائر و عندما رأي ان آسر قد فاق القي بالاشياء سريعا و ذهب اليه
مراد(بلهفة): آسر حمدلله على سلامتك
آسر: الله يسلمك يا مراد
مراد: حاسس باية؟ في حاجة بتوجعك ؟
آسر: الجرح شادد عليا جامد
مراد: انتو مندتوش الدكتور ؟
مهاب: لاء اتلهينا ف آسر و نسينا
مراد : طب انا هروح اناديه بسرعة
*ذهب مراد لينادي الطبيب ثم عاد بعض عدة دقائق و معه الطبيب و فحص الطبيب آسر *
الطبيب: الحمدلله حالتك استقرت و بقيت كويس
آسر: يعني اقدر اخرج يا دكتور
الدكتور: لاء طبعا مش بالسرعة دي علي الاقل المفروض تفضل هنا يومين نطمن علي الجرح
آسر : مينفعش اروح و هعمل كل اللي تقول عليه عشان انا مبحبش قعدة المستشفيات دي
الدكتور(بحزم): قولت لاء هتفضل هنا لمدة ٤٨ ساعة عشان نطمن و بعدين ممكن تروح ، عن اذنكو
نبض: آسر اسمع الكلام الدكتور عايز مصلحتك
آسر : ايوا يا نبض بس انتي عارفة انا مبحبش قعدة المستشفيات دي
نبض: معلش يا آسر هم يومين ، " ثم نظرت لوالدها و والدتها " بابا خد ماما و تميم و روحوا ارتاحوا انتو منمتوش من امبارح و انا هبات مع آسر
همس: لاء انا مش هسيب ابني لوحده
نبض: ماما لوسمحتي عشان متتعبيش روحي و الصبح ان شاء الله ابقي تعالي و كمان عشان تعمليله اكل كويس بدل اكل المستشفى دا
مهاب: نبض بتكلم صح يا همس يلا نروح و الصبح نبقى نجيله
همس(باستسلام): ماشي خلي بالك منه يا نبض
نبض: اكيد يا ماما مش محتاجة توصية
*ذهب مهاب باتجاه الاريكة التي ينام عليها تميم و همّ بحمله و لكن استيقظ تميم اثر حركة والده له *
تميم(بصوت نائم): بابا آسر صحي
مهاب : اه يا حبيبي
*هب تميم سريعا و بحث ف المكان حتي وجد آسر يجلس علي الفراش فذهب له مسرعا و القي بنفسه علية فتألم آسر *
آسر(بتألم): يبني براحة يبني مش انت و اختك
تميم: انا اسف بس انا كنت خايف عليك
آسر(بحنان و هو يربت علي ظهره): متخفش يا حبيبي انا بقيت كويس اهو بعدين انت عارف اخوك اسد
تميم(وهو يبتعد عنه): ايوا طبعا
مهاب: يلا يا تميم عشان نمشي
تميم : و هنسيب آسر لوحده
مهاب: لاء نبض هتفضل معاه و احنا هنجيله الصبح
تميم : ماشي
* سلم الجميع علي آسر و نبض و خرجوا من الغرفة الي خارج المشفي و ركبوا السيارة *
مراد: انا هوصلكوا و اخد هدوم لنبض و اجيب اكل و ارجع تاني مش هينفع اسيبهم لوحدهم انا مرضتش اقول كدة فوق عشان ست هانم متتخانقش
مهاب: صح كويس انك عملت كدة ، انا كنت عايزة اقولك بردو خليك معاهم بس قولت بلاش احنا في المستشفى مش ناقصين فضايح
*وصلوا البيت و صعد مراد لغرفته و اخذ حماما ثم خرج و جد همس جهزت له الثياب لنبض و الطعام اخذه منها و اتجه للمشفى ثانيا *
******************************
في المشفى
*بعدما ذهب الجميع جاءت الممرضة و اعطت آسر الدواء *
الممرضة: المحلول دا هيخلص كمان ساعتين كدة لم يخلص ناديني عشان اجي اشيله
نبض: حاضر ، هو في دكتور هيجي يشوف آسر تاني ؟ اصل انا بصراحة عايزة امدد شوية بس خايفة لدكتور يدخل
الممرضة : لاء مفيش دكتور هيدخل تاني دلوقتي تقدري تمددي براحتك و كمان ممكن تقفلي الباب من جوا بالترباس
نبض: تمام شكرا ليكي
الممرضة: العفو علي اية
خرجت الممرضة و نظرت نبض للساعة و جدتها السابعة مساءا فشهقت نبض
نبض: ايدا الساعة سابعة
آسر : اه فيها اية
نبض : مصلتش العصر و لا المغرب انا منتبهش للساعة خالص
آسر: طب تعالي اعدليني عشان اريح شوية و انتي روحي صلي ، شكل الادوية دي فيها مخضر عشان اول ما الممرضة ادتهالي و انا جسمي همد
نبض: اكيد عشان متحسش بألم
* ساعدته نبض ان يتمدد و ذهبت للمرحاض لتتوضأ و وقفت تصلي و لكن لم تعرف كيف القبله فخرجت لتسأل احدا و وجدت ممرضة ف اوقفتها لتسألها*
نبض: لوسمحتي معلش
الممرضة: ايوا
نبض: هي القبلة ازاي
الممرضة(و هي تشرح لها ): اقفي ضهرك لباب الاوضة
نبض: تمام شكرا
الممرضة: العفو
* دخلت نبض الغرفة ثانيةً و بدأت تصلي صلت اولا السنة و ركعتان شكر لله علي سلامة آسر ثم صلت العصر و بعده المغرب و هي ملتهية في صلاتها وصل مراد و دق الباب برفق ثم دخل و جدها تقف تعطيه ظهرها و تصلي وضع ما بيده علي الاريكة و جلس ، انهت صلاتها ثم نظرت خلفها لترى من دخل الغرفة فدُهشت من عودته *
نبض: اية اللي رجعك
مراد: مينفعش اسيبكوا لوحدكوا
نبض: لا و الله !! ، لا شكرا ممكن تروح انا هعرف اهتم باخويا لوحدي
مراد: علفكرا دا اخويا انا كمان بعدين انا مبخدش رأيك
*زفرت نبض بغضب و فضلت الصمت فهي ليس لها اي طاقة للمشاجرة معه الان *
مراد(و هو يمسك احد الاكياس و يمدها لها): امسكي دي هدوم ماما بعتهالك و الكيسة التانية دي سندوتشات عشان تاكلي
*اخذت منه الكيس و جدت بدالخله بيجامة شتوية ثقيلة ف ابتمست فوالدتها ارسلت لها اثقل بيجامه لها حتي لا تبرد في الليل *
نبض: طب انت هتفضل قاعد هنا و لا اية اطلع برا عشان انا هغير هدومي و انام
مراد(ببرود ): عادي انا اية اليخليني اطلع برا انا جوزك
نبض(بغضب): اخرس متقولش كدة تاني انا اصلا ناسية حاجة زي دي و مش عايزة افتكرها و صدقني الحاجة الوحيدة ال مخلياني مش راضيه ارفع قضية عليك هو خوفي علي بابا و ماما غير كدة انا كنت وريتك
مراد: قصدك خايفة عليهم يجرالهم حاجة لم يعرفوا فضحتك صح
نبض: اخرس انا اشرف منك ميت مره
مراد(بسخرية): انت بالذات متجبيش سيرة الشرف
*و تركها و خرج و هي وقفت مكانها تنظر الي مكان فراغه و دموعها تنزل علي وجنتيها بغزارة ثم ذهبت للمرحاض سريعا و غسلت و جهها و غيرت ثيابها و ذهبت لتوصد الباب ثم توجهت للاريكة و تمددت عليها و اخذت هاتفها و ظبته لبعد ساعتين و بعد دقائق و جدت نفسها تغرق في نوم عميق من شدة تعبها *
بعد ساعتين رن المنبه و استيقظت نبض و قامت سريعا و ارتدت ازدالها الذي ارسلته امها ايضا و فتحت الباب و خرجت و جدت مراد يجلس بجانب الغرفة و انتبه لها حين خرجت فوقف و اقترب منها
مراد: خرجتي لية آسر كويس
نبض: ايوا كويس انا بس هنادي الممرضة عشان تشيل ال محلول
مراد: طب ادخلي انتي انا هناديها
*و ذهب مراد لينادي الممرضة و بعد دقائق و جدتها نبض تدلف الغرفة و تزيل الكالونة من يد آسر ثم خرجت ، اوصدت نبض الباب ثانيةً و خلعت ازدالها و تمددت علي الاريكة و كل فترة تستيقظ لتري آسر و تجده مازال نائما تارة تجلس جانبه تملس علي شعره و تاره تنظر من النافدة ضميرها يأنبها من أجل مراد و تريد ان تدخله و لكن كبريائها منعها .*
*وصل مهاب و همس بعد الظهيرة بقليل حاول مهاب فتح باب الغرفة و لكن لم يُفتح معه فدق الباب ف انتفضت نبض التي غفت لتوها علي الاريكة و قامت مسرعة *
نبض : مين ؟
مهاب: انا يا نبض افتحي
نبض: معاك حد
مهاب : همس بس
فتحت نبض لهم و هي تقف خلف الباب و بعدما دخلوا اغلقت الباب سريعا و اوصدته ايضا
همس: انتي قافلة الباب بالترباس لية " ثم نظرت لها و جدتها ببجامتها و شعرها الاسود الطويل حر "
و اردفت: بعدين انتي قاعدة كدة قدام مراد
نبض: اكيد لاء طبعا
همس: اومال هو فين
نبض: هو مش بره
همس: لاء ، بعدين هو فضل طول الوقت دا بره
نبض: اه
همس : و انتي ازاي تسبيه كدة في الجو دا ، دا ممكن يتعب
نبض(بلامبالاة): هو اللي طلع برة مليش دعوة
همس: ملكيش دعوة بردو
نبض: انا هروح البس عشان اروح و هجيلكوا بليل ، صح اومال فين تميم ؟
همس: راح المدرسة بالعافية لم قولتلو انك هتجبيه معاكي بليل
*هزت نبض رأسها لأمها بمعني " طيب" و ذهبت لتبدل ثيابها و حينها بدأ آسر ان يستيقظ *
آسر: ااااه
همس(وهي تقترب منه بقلق): حبيبي انت كويس
آسر: اه يا ماما بس حاسس بشوية دوخة
همس: ممكن من الدوا ال بتاخده بيدروخك
*اتصل مهاب بمراد ليعرف اين هو *
مراد: الو يا بابا
مهاب: اية يا مراد انت فين احنا جينا ملقنكش
مراد: ابدا روحت اصلي الضهر و بعدين روحت الكافتيريا اجيب قهوة
مهاب: طب تعالي عشان تاخد نبض تروحها ترتاح شوية و انت كمان ارتاح و ابقي تعالي بليل
مراد (بتعب): لاء انا مش عايز اروح خليها هي تروح لوحدها
مهاب(بغضب) : مراد متعاندش روح معاها عشان ترتاح و احنا هنفضل مع آسر
مراد(و هو يجز علي اسنانه): ماشي يا بابا
*اغلق مراد الخط و هو يزفر و بدأ بالسعال و العطس فهو اخذ دور برد لبقائه بالخارج طول الليل و اخذ القهوه و ذهب للغرفه و جاء ليفتح الباب وجده موصدا فطرق الباب ففتح له مهاب *
مراد: سلام عليكم
همس و مهاب: و عليكم السلام
همس: مراد انت أكلت ؟
مراد: لاء
همس: و ازاي بتشرب قهوة و انت مأكلتش كدة
مراد: عادي يعني يا ماما مش اول مرة
همس : مفيش حاجة اسمها عادي بعدين انت مالك شكلك تعبان
مراد (بارتباك): لا تعبان و لا حاجة ممكن ارهاق بس
همس: طب سيب القهوة دي و كُل سندوتش
مراد: مليش نف.......
همس: مفيش حاجة مليش نفس اقعد و كُل مش هتمشي قبل ما تاكل
*انصاع لها مراد رغما عنه ، و خرجت نبض من المرحاض فنظرت لها همس *
همس(بغضب): و انتي كمان طبعا مأكلتيش حاجة
نبض: مليش نفس
همس: هو اية ال مليش نفس اللي بتقولوها دي ، اتفضلي روحي كُلي انتي كمان عشان انا عرفاكي هتروحي تنامي و مش هتاكلي حاجة
*انصاعت نبض ايضا لها فهي تعرف والدتها لن تتركها حتي تأكل و بعد ان انتهوا من الاكل قامت نبض *
نبض: يلا انا ماشية
مهاب: استني مراد هو كمان مروح هيوصلك
نبض(بعند): لاء انا هركب تاكسي شكرا
مهاب (بغضب): نبض مش وقت عِند اسمعي الكلام من سُكات
*زفرت نبض بضيق و خرجت من الغرفة بغضب و ذهب خلفها مراد و جدها تنظره امام سيارته ففتح السيارة لها بالمفتاح و ركبت نبض بالخلف و ركب مراد في كرسي القيادة و تحرك بالسيارة متجه للبيت و بمجرد ان وصل البيت و اوقف السيارة ترجلت منها نبض سريعا و ذهبت لغرفتها و دخلت المرحاض و اخذت حماما ثم ذهبت للفراش و بمجرد ان تمددت علية ذهبت في نوم عميق ، وفعل مثلها مراد . *
********************************
*بعد عدة ساعات وجد نبض من يهزها برفق لتستقيظ ففتحت عينها ببطئ و جدت تميم يقف بجانبها فانتفضت نبض*
نبض: تميم احية انا ازاي نسيتك انت جيت امتي و مين فتحلك
تميم: اهدي اهدي ماما كانت عارفة انك هتروحي تنامي مش هتحسي بحاجة ف كلمت دادة ام على عشان تيجي تعمل الاكل و تاخد بالها مني لم اجي
نبض(براحة): ااه الحمدلله ماما عمرها ما يفوتها حاجة ابدا
تميم: يلا بقا عشان نروح لآسر انا اكلت كل اكلي و خلصت ال homework
نبض(و هي تلعب باصابع يدها في شعرها و تتثائب): طب هي الساعة كام دلوقت
تميم: الساعة تمانية
نبض: بتهزر " وقامت تقفز سريعا للمرحاض للتوضأ و تصلي فروضها فهي لم تؤخر فرض في حياتها فكيف يحدث هذا في يومان "
تميم(وهو يخرج من الغرفة): هروح اقول لدادة تجهز الاكل و بعدين اصحي مراد
نبض ( من المرحاض): ماشي
*توضأت نبض سريعا ثم لبست ازدالها و بدأت في صلاتها*
**********************
" و يا ليت المشاعر تُرى ليعرف كل ذي حق حقه "
" نزار قباني"
* بعد قليل دخل تميم عليها مندفع و علي وجهه علامات القلق و الخوف و لكن وجد نبض مازالت تصلي فجلس ينتظرها حتي انتهت و رأته نبض و هو يجلس و علامات القلق و الخوف علية*
نبض(بقلق): تميم فية اية مالك
تميم: مراد مراد
نبض: ماله مراد زعقلك ؟
تميم: لاء انا دخلت اصحيه مردش عليا قربت منه لقيته عرقان خالص وبيقول كلام مش فاهمه حطيت ايدي عليه لقيته سخن خالص
نبض(بفزع): اية ؟ تعالى نشوفه بسرعة
*ركضت سريعا لغرفة مراد و جدته نائم يتصبب عرقا و يخرف ببعض الكلمات أثر الحرارة فزعت عند رؤيتها له هكذا و شعرت بتأنيب الضمير لانها السبب بما حدث له فركضت للاسفل باتجاه المطبخ *
نبض: دادة الحقيني
ام على(بخضة): اية يبنتي خير
نبض: مراد سخن خالص و تعبان و مش عارفة اعمله اية
ام على: اعمليله كمادات ماية ساقعة بسرعة و انا هكلم الدكتور يجي
نبض: حاضر
*اخذت نبض الماء البارد و صعدت ثانيةً لغرفة مراد و جلست بجانبه و بدأت تضع الفوطة علي جبينه و هو مازال يُخترف ببعض الكلمات التي لا تفهمها و لكنها شهقت عندما وجدته ينطق اسمها بكل وضوح وجدت عيناها تزرف الدموع بكثرة لا تعرف لِما ؟ ألأنها سبب الحالة التي هو عليها ؟ أم لأنها اشتاقت لسماع اسمها بصوته ؟ نفضت الافكار من ذهنها و عادت لِما تفعله و بعد قليل حضر الطبيب و فحص مراد *
الطبيب : شكله اتعرض لهوا جامد امبارح او نام منغير غطا عشان كدة جاله برد شديد و سخونيه
*شعرت نبض بالذنب عندما قال الطبيب هذا *
الطبيب: عموما انا اديته حقنه تنزل الحرارة بس بردو استمري على الكمادات و هكتبله علي مضاد حيوي ياخده كل ١٢ ساعة و يريت تدهوله بعد ساعتين من دلوقتي
نبض: حاضر يا دكتور
الطبيب: و انا هعدي علية بكرة اطمن علية
نبض: تمام ، اتفضل يا دكتور اوصلك
*ذهب الطبيب و صعدت نبض لغرفتها لتحدث الصيدلية ليرسلوا الدواء و بعد ان انتهت وجدت والدتها تتصل بها فردت عليها *
همس(باندفاع): نبض مراد ماله تميم كلمني و قالي انه تعبان اية اللي حصل
نبض: من شوية تميم راح يصحيه لقاه سخن جامد
همس: طب عملت اية
نبض: عملتله كمادات و دادة ام علي كلمت الدكتور و جه اداله حقنه و كتبله علي علاج و مشي
همس: اكيد بسببك لم بات امبارح برة في الطرقة
نبض( و هي مش مستحملة كفاية تأنيب ضميرها): ماما انا مليش دعوة هو ال طلع برة لوحده
همس: طيب ابقي طمنيني علية
نبض: ماما انا هلبس دلوقتي و هاجي ابات مع آسر و انتي تعالي باتي مع مراد
همس: و اية لازمة الشحططة و انا اجي و انتي تروحي ما كل واحدة تفضل مكانها و كدة كدة آسر هيخرج الصبح
نبض: يا ماما
همس: مفيش يا ماما خليكي عندك و خلاص و خلي بالك من مراد و تميم لحد الصبح
نبض(بضيق): حاضر يا ماما ، آسر صاحي اكلمه ؟
همس: لاء نايم الادوية ال بياخدها بتخليه مدروخ و ينام
نبض: طب هو عامل اية بقي احسن ؟
همس: اه الحمدلله ، بقولك مهاب هيجيك دلوقتي ياخد شوية حاجات و هدوم ليا و ليه و يطمن علي مراد
نبض: ماشي تمام
*ذهبت نبض لام على لتخبرها بان والدها قادم ليأخد بعض الاشياء و طلبت منها ان تجهز له بعض الطعام و صعدت لغرفه والديها و جهزت بعض الثياب لهم ثم توجهت لمراد لتقوم بالكمادات له و جدت تميم يجلس بجانبه يبكي و يضع هو الكمادات له ف اقتربت منه نبض سريعا *
نبض: حبيبي بتعيط لية
تميم(ببكاء): عشان مراد تعبان و مش بيصحى
نبض(و هي تحتضنه): يا حبيبي متقلقش مش الدكتور قال انه لم ياخد الدوا هيبقي كويس
تميم: اه
نبض: طيب خلاص بطل عياط بقى و روح اغسل و شك و انزل تحت شوف بتاع الصيدلية جاب الدوا و لا لاء ، و اه بابا جي دلوقتي عشان ياخد حاجات
تميم: حاضر
* ذهب تميم ليفعل ما قالته له و ظلت نبض مع مراد بمفردها تضع له الكمادات و تقرأ بعض ايات الله و الادعية و بعد قليل و جدت ابيها يدخل الغرفة و معه تميم و اقترب من الفراش و وضع يده علي جبين مراد*
مهاب: عامل اية دلوقتي
نبض: الحمدلله الحرارة بدأت تنزل شوية
تميم: الدوا اهو وصل
نبض: طيب حطه علي الكومود هنا ، بابا انا جهزتلكوا هدوم في اوضة حضرتك و قولت لام علي تجهزلكوا أكل روح خودلك شور بسرعة و كُلك حاجة و ارجع لماما تاني عشان متسبهاش لوحدها
مهاب: ماشي " و قبل ان يغادر" نبض خلي بالك منه يا نبض
نبض(بابتسامة): متقلقش مش محتاجة توصيه
*ذهب مهاب لغرفته *
نبض: تميم حبيبي يلا روح نام عشان المدرسة بكرة
تميم: لاء مش جايلي نوم خليني معاكي شوية
نبض: لاء يا حبيبي يلا روح نام عشان تصحى الصبح فايق و متغلبنيش
تميم(باستسلام): حاضر
نبض: حبيبي الشاطر ال بيسمع كلامي دا " و قبلته من وجنتيه و خرج تميم ذاهبا لغرفته " و بعد قليل دخلت ام علي عليها
ام على: نبض يا بنتي انا خلصت حضرت الاكل لمدام همس و سيادة اللوا و عملت شوربة خضار لمراد و سبتها علي البوتجاز لم يفوق ابقي اكليهاله
نبض: حاضر يا دادة ربنا ما يحرمنا منك
ام علي: و لا يحرمني منكوا يارب
*دخل ايضا مهاب عليهم*
مهاب : انا خلصت يا نبض و هروح المستشفى مش هوصيكي بقا
نبض: متقلقش يا بابا ، بس معلش توصل دادة ام علي معاك في طريقك عشان الوقت اتأخر
ام علي: ملوش لزوم يا بنتي انا هركب اي حاجة و اروح
مهاب: لا طبعا يا ام علي انا هوصلك كفاية انك لم همس كلمتك متأخرتيش و جيتي علطول
ام علي: طبعا يا بيه انا مقدرش اتأخر علي ست همس
مهاب : ربنا يبارلك يا ام علي ، يلا ننزل
ام علي: حاضر يا بيه
*ذهب مهاب و ام علي و بقت نبض مع مراد مازالت تضع الكمادات علي جبينه و بعد فترة انتبهت انها مازالت بالاسدال فقامت و خلعته و ظلت ببجامتها البيتيه و شعرها المنسدل علي ظهرها ثم نظرت للساعة وجدت انه مازال ساعة علي معاد الدوا لمراد فجلست تقوم بالكمادات لفترة ثم نزلت و حضرت شربة الخضار و صعدت ثانيا و حاولت ان تعدله ليجلس و تفوقه قليلا ليأكل فبدأ بالفعل مراد ان يصحو قليلا *
مراد(بتعب): اااااه اية الحصل
نبض: سخنت جامد بليل و اتصلنا بالدكتور و جه ادالك حقنه و كتبلك دوا و لازم تاكل عشان تاخده
*نظر مراد لها وجدها تجلس امامه بدون حجابها و ببجامتها فشرد بملامحها الطفولية و لكن ابعد نظره سريعا عنها حتي لا تنتبه له *
" و بدأت نبض تطعمه و لكن اوقفها مراد قائلا : مش عايز منك حاجة سبيني و اطلعي برة
نبض: مراد مش وقت عناد خالص و كُل عشان تاخد الدوا
مراد: دا علي اساس انك بتعملي كدة عشان خايفة عليا مثلا
نبض : مش بالظبط بس تقدر تقول حاسة بالذنب من ال حصلك و كمان ماما و بابا موصيني عليك مينفعش اخذلهم ف اتفضل كُل و اسمع الكلام لحد ما ماما تيجي الصبح
*لم يرد عليها فبدأت باطعامه مجددا و هو لم يمنعها و بعد ان انتهي اعطته دوائه ثم ساعدته لينام ثانيا و ظلت هي بجاوره و بعد فترة وجدته يعرق ثانيةً
فوضعت يدها علي جبينه وجدت حرارته بدأت ترتفع ثانيةً فوضعت الكمادات علية سريعا و سمعته ينطق اسمها مرة اخري و ظل يكررها *
مراد: نبض ..... نبض ..... نبض لية عملتي كدة فيا
*صُدمت نبض مما قاله و بكت بحرقه عليه فهو مجروح جُرح كبير و هي ايضا لا تقل عنه و فجأة شهقت عندما وجدته يضمها له و يدفن وجه بها كأنه لا يريدها ان تهرب حاولت الفكاك منه و لكن هو كان يشدد من قبضته عليها فاستسلمت لحضنه فهي اشتاقت له و بعد ثواني غاصت معه في نوم عميق *
(٤)*في الغرفة تجلس نبض بجانب آسر ممسكة بيده و تتساقط الدموع على وجنتيها بلا توقف و امها تجلس قبالتها و تمسك بالمصحف تقرأ منه و تميم نائم على الاريئة يضع رأسه علي فخذ ابيه *
نبض(ببكاء): آسر فوق بقا يا آسر قوم عشان تنكش فيا و تضربني و تجبلي بعدها شوكولاته و اتخانق معاك عشان جبتلي النوع المبحبوش قوم بقاا يلا
*احست بيده تمسك بيدها فسعدت نبض بذلك *
نبض(بسعادة): آسر ابتدا يفوق اهو
آسر(بمرح): بقا عايزاني افوق عشان اجبلك شوكولاته مادية حقيرة طب قولي عشان تطمني عليا دا انا حتي واخد الطلقة بدالك
*بمجرد ان سمعت نبض حديثه القت نفسها علية سريعا تضمه بسعادة و تبكي من الفرح *
آسر: يبنتي براحة لسة خارج من العمليات
نبض: كدة تقلقني عليك كدة يا آسر اهون عليك لية تعمل فيا كدة كنت سبتها تيجي فيا انا و انت لاء
آسر(بحنان): مقدرش يا نبض كنت ساعتها هموت اني مأنقذتكيش
نبض: و انا يعني اللي كنت عايشة و انت في العمليات انا كنت بموت كل ثانية يا آسر اوعي تعمل كدة تاني
مهاب : خلاص بقا نبض ابعدي عنه دا لسة تعبان
*ابتعدت نبض عنه و ساعدته ليجلس و اقتربت منه همس و ملست علي شعره و قبلته من رأسه و ايضا اقترب منه مهاب*
مهاب: حمدلله علي سلامتك يا بطل
آسر: الله يسلمك يا بابا
همس(ببكاء) : كدة يا حبيبي تعمل في ماما كدة دا انا كنت هموت من الخوف عليك
آسر: بعد الشر عليكي يا حبيبتي ، بس قومي من جمبي بسرعة لجوزك يلبسني تُهمة تحرش و انا مش ناقص اديكي شيفاني متشلفط ازاي
مهاب(بابتسامة): لا سماح انهاردة عشان بس حالتك لكن بعد كدة تنسي انك تقرب منها
آسر: اللهي تنستر
دخل مراد و هو يحمل اكياس بها طعام و عصائر و عندما رأي ان آسر قد فاق القي بالاشياء سريعا و ذهب اليه
مراد(بلهفة): آسر حمدلله على سلامتك
آسر: الله يسلمك يا مراد
مراد: حاسس باية؟ في حاجة بتوجعك ؟
آسر: الجرح شادد عليا جامد
مراد: انتو مندتوش الدكتور ؟
مهاب: لاء اتلهينا ف آسر و نسينا
مراد : طب انا هروح اناديه بسرعة
*ذهب مراد لينادي الطبيب ثم عاد بعض عدة دقائق و معه الطبيب و فحص الطبيب آسر *
الطبيب: الحمدلله حالتك استقرت و بقيت كويس
آسر: يعني اقدر اخرج يا دكتور
الدكتور: لاء طبعا مش بالسرعة دي علي الاقل المفروض تفضل هنا يومين نطمن علي الجرح
آسر : مينفعش اروح و هعمل كل اللي تقول عليه عشان انا مبحبش قعدة المستشفيات دي
الدكتور(بحزم): قولت لاء هتفضل هنا لمدة ٤٨ ساعة عشان نطمن و بعدين ممكن تروح ، عن اذنكو
نبض: آسر اسمع الكلام الدكتور عايز مصلحتك
آسر : ايوا يا نبض بس انتي عارفة انا مبحبش قعدة المستشفيات دي
نبض: معلش يا آسر هم يومين ، " ثم نظرت لوالدها و والدتها " بابا خد ماما و تميم و روحوا ارتاحوا انتو منمتوش من امبارح و انا هبات مع آسر
همس: لاء انا مش هسيب ابني لوحده
نبض: ماما لوسمحتي عشان متتعبيش روحي و الصبح ان شاء الله ابقي تعالي و كمان عشان تعمليله اكل كويس بدل اكل المستشفى دا
مهاب: نبض بتكلم صح يا همس يلا نروح و الصبح نبقى نجيله
همس(باستسلام): ماشي خلي بالك منه يا نبض
نبض: اكيد يا ماما مش محتاجة توصية
*ذهب مهاب باتجاه الاريكة التي ينام عليها تميم و همّ بحمله و لكن استيقظ تميم اثر حركة والده له *
تميم(بصوت نائم): بابا آسر صحي
مهاب : اه يا حبيبي
*هب تميم سريعا و بحث ف المكان حتي وجد آسر يجلس علي الفراش فذهب له مسرعا و القي بنفسه علية فتألم آسر *
آسر(بتألم): يبني براحة يبني مش انت و اختك
تميم: انا اسف بس انا كنت خايف عليك
آسر(بحنان و هو يربت علي ظهره): متخفش يا حبيبي انا بقيت كويس اهو بعدين انت عارف اخوك اسد
تميم(وهو يبتعد عنه): ايوا طبعا
مهاب: يلا يا تميم عشان نمشي
تميم : و هنسيب آسر لوحده
مهاب: لاء نبض هتفضل معاه و احنا هنجيله الصبح
تميم : ماشي
* سلم الجميع علي آسر و نبض و خرجوا من الغرفة الي خارج المشفي و ركبوا السيارة *
مراد: انا هوصلكوا و اخد هدوم لنبض و اجيب اكل و ارجع تاني مش هينفع اسيبهم لوحدهم انا مرضتش اقول كدة فوق عشان ست هانم متتخانقش
مهاب: صح كويس انك عملت كدة ، انا كنت عايزة اقولك بردو خليك معاهم بس قولت بلاش احنا في المستشفى مش ناقصين فضايح
*وصلوا البيت و صعد مراد لغرفته و اخذ حماما ثم خرج و جد همس جهزت له الثياب لنبض و الطعام اخذه منها و اتجه للمشفى ثانيا *
******************************
في المشفى
*بعدما ذهب الجميع جاءت الممرضة و اعطت آسر الدواء *
الممرضة: المحلول دا هيخلص كمان ساعتين كدة لم يخلص ناديني عشان اجي اشيله
نبض: حاضر ، هو في دكتور هيجي يشوف آسر تاني ؟ اصل انا بصراحة عايزة امدد شوية بس خايفة لدكتور يدخل
الممرضة : لاء مفيش دكتور هيدخل تاني دلوقتي تقدري تمددي براحتك و كمان ممكن تقفلي الباب من جوا بالترباس
نبض: تمام شكرا ليكي
الممرضة: العفو علي اية
خرجت الممرضة و نظرت نبض للساعة و جدتها السابعة مساءا فشهقت نبض
نبض: ايدا الساعة سابعة
آسر : اه فيها اية
نبض : مصلتش العصر و لا المغرب انا منتبهش للساعة خالص
آسر: طب تعالي اعدليني عشان اريح شوية و انتي روحي صلي ، شكل الادوية دي فيها مخضر عشان اول ما الممرضة ادتهالي و انا جسمي همد
نبض: اكيد عشان متحسش بألم
* ساعدته نبض ان يتمدد و ذهبت للمرحاض لتتوضأ و وقفت تصلي و لكن لم تعرف كيف القبله فخرجت لتسأل احدا و وجدت ممرضة ف اوقفتها لتسألها*
نبض: لوسمحتي معلش
الممرضة: ايوا
نبض: هي القبلة ازاي
الممرضة(و هي تشرح لها ): اقفي ضهرك لباب الاوضة
نبض: تمام شكرا
الممرضة: العفو
* دخلت نبض الغرفة ثانيةً و بدأت تصلي صلت اولا السنة و ركعتان شكر لله علي سلامة آسر ثم صلت العصر و بعده المغرب و هي ملتهية في صلاتها وصل مراد و دق الباب برفق ثم دخل و جدها تقف تعطيه ظهرها و تصلي وضع ما بيده علي الاريكة و جلس ، انهت صلاتها ثم نظرت خلفها لترى من دخل الغرفة فدُهشت من عودته *
نبض: اية اللي رجعك
مراد: مينفعش اسيبكوا لوحدكوا
نبض: لا و الله !! ، لا شكرا ممكن تروح انا هعرف اهتم باخويا لوحدي
مراد: علفكرا دا اخويا انا كمان بعدين انا مبخدش رأيك
*زفرت نبض بغضب و فضلت الصمت فهي ليس لها اي طاقة للمشاجرة معه الان *
مراد(و هو يمسك احد الاكياس و يمدها لها): امسكي دي هدوم ماما بعتهالك و الكيسة التانية دي سندوتشات عشان تاكلي
*اخذت منه الكيس و جدت بدالخله بيجامة شتوية ثقيلة ف ابتمست فوالدتها ارسلت لها اثقل بيجامه لها حتي لا تبرد في الليل *
نبض: طب انت هتفضل قاعد هنا و لا اية اطلع برا عشان انا هغير هدومي و انام
مراد(ببرود ): عادي انا اية اليخليني اطلع برا انا جوزك
نبض(بغضب): اخرس متقولش كدة تاني انا اصلا ناسية حاجة زي دي و مش عايزة افتكرها و صدقني الحاجة الوحيدة ال مخلياني مش راضيه ارفع قضية عليك هو خوفي علي بابا و ماما غير كدة انا كنت وريتك
مراد: قصدك خايفة عليهم يجرالهم حاجة لم يعرفوا فضحتك صح
نبض: اخرس انا اشرف منك ميت مره
مراد(بسخرية): انت بالذات متجبيش سيرة الشرف
*و تركها و خرج و هي وقفت مكانها تنظر الي مكان فراغه و دموعها تنزل علي وجنتيها بغزارة ثم ذهبت للمرحاض سريعا و غسلت و جهها و غيرت ثيابها و ذهبت لتوصد الباب ثم توجهت للاريكة و تمددت عليها و اخذت هاتفها و ظبته لبعد ساعتين و بعد دقائق و جدت نفسها تغرق في نوم عميق من شدة تعبها *
بعد ساعتين رن المنبه و استيقظت نبض و قامت سريعا و ارتدت ازدالها الذي ارسلته امها ايضا و فتحت الباب و خرجت و جدت مراد يجلس بجانب الغرفة و انتبه لها حين خرجت فوقف و اقترب منها
مراد: خرجتي لية آسر كويس
نبض: ايوا كويس انا بس هنادي الممرضة عشان تشيل ال محلول
مراد: طب ادخلي انتي انا هناديها
*و ذهب مراد لينادي الممرضة و بعد دقائق و جدتها نبض تدلف الغرفة و تزيل الكالونة من يد آسر ثم خرجت ، اوصدت نبض الباب ثانيةً و خلعت ازدالها و تمددت علي الاريكة و كل فترة تستيقظ لتري آسر و تجده مازال نائما تارة تجلس جانبه تملس علي شعره و تاره تنظر من النافدة ضميرها يأنبها من أجل مراد و تريد ان تدخله و لكن كبريائها منعها .*
*وصل مهاب و همس بعد الظهيرة بقليل حاول مهاب فتح باب الغرفة و لكن لم يُفتح معه فدق الباب ف انتفضت نبض التي غفت لتوها علي الاريكة و قامت مسرعة *
نبض : مين ؟
مهاب: انا يا نبض افتحي
نبض: معاك حد
مهاب : همس بس
فتحت نبض لهم و هي تقف خلف الباب و بعدما دخلوا اغلقت الباب سريعا و اوصدته ايضا
همس: انتي قافلة الباب بالترباس لية " ثم نظرت لها و جدتها ببجامتها و شعرها الاسود الطويل حر "
و اردفت: بعدين انتي قاعدة كدة قدام مراد
نبض: اكيد لاء طبعا
همس: اومال هو فين
نبض: هو مش بره
همس: لاء ، بعدين هو فضل طول الوقت دا بره
نبض: اه
همس : و انتي ازاي تسبيه كدة في الجو دا ، دا ممكن يتعب
نبض(بلامبالاة): هو اللي طلع برة مليش دعوة
همس: ملكيش دعوة بردو
نبض: انا هروح البس عشان اروح و هجيلكوا بليل ، صح اومال فين تميم ؟
همس: راح المدرسة بالعافية لم قولتلو انك هتجبيه معاكي بليل
*هزت نبض رأسها لأمها بمعني " طيب" و ذهبت لتبدل ثيابها و حينها بدأ آسر ان يستيقظ *
آسر: ااااه
همس(وهي تقترب منه بقلق): حبيبي انت كويس
آسر: اه يا ماما بس حاسس بشوية دوخة
همس: ممكن من الدوا ال بتاخده بيدروخك
*اتصل مهاب بمراد ليعرف اين هو *
مراد: الو يا بابا
مهاب: اية يا مراد انت فين احنا جينا ملقنكش
مراد: ابدا روحت اصلي الضهر و بعدين روحت الكافتيريا اجيب قهوة
مهاب: طب تعالي عشان تاخد نبض تروحها ترتاح شوية و انت كمان ارتاح و ابقي تعالي بليل
مراد (بتعب): لاء انا مش عايز اروح خليها هي تروح لوحدها
مهاب(بغضب) : مراد متعاندش روح معاها عشان ترتاح و احنا هنفضل مع آسر
مراد(و هو يجز علي اسنانه): ماشي يا بابا
*اغلق مراد الخط و هو يزفر و بدأ بالسعال و العطس فهو اخذ دور برد لبقائه بالخارج طول الليل و اخذ القهوه و ذهب للغرفه و جاء ليفتح الباب وجده موصدا فطرق الباب ففتح له مهاب *
مراد: سلام عليكم
همس و مهاب: و عليكم السلام
همس: مراد انت أكلت ؟
مراد: لاء
همس: و ازاي بتشرب قهوة و انت مأكلتش كدة
مراد: عادي يعني يا ماما مش اول مرة
همس : مفيش حاجة اسمها عادي بعدين انت مالك شكلك تعبان
مراد (بارتباك): لا تعبان و لا حاجة ممكن ارهاق بس
همس: طب سيب القهوة دي و كُل سندوتش
مراد: مليش نف.......
همس: مفيش حاجة مليش نفس اقعد و كُل مش هتمشي قبل ما تاكل
*انصاع لها مراد رغما عنه ، و خرجت نبض من المرحاض فنظرت لها همس *
همس(بغضب): و انتي كمان طبعا مأكلتيش حاجة
نبض: مليش نفس
همس: هو اية ال مليش نفس اللي بتقولوها دي ، اتفضلي روحي كُلي انتي كمان عشان انا عرفاكي هتروحي تنامي و مش هتاكلي حاجة
*انصاعت نبض ايضا لها فهي تعرف والدتها لن تتركها حتي تأكل و بعد ان انتهوا من الاكل قامت نبض *
نبض: يلا انا ماشية
مهاب: استني مراد هو كمان مروح هيوصلك
نبض(بعند): لاء انا هركب تاكسي شكرا
مهاب (بغضب): نبض مش وقت عِند اسمعي الكلام من سُكات
*زفرت نبض بضيق و خرجت من الغرفة بغضب و ذهب خلفها مراد و جدها تنظره امام سيارته ففتح السيارة لها بالمفتاح و ركبت نبض بالخلف و ركب مراد في كرسي القيادة و تحرك بالسيارة متجه للبيت و بمجرد ان وصل البيت و اوقف السيارة ترجلت منها نبض سريعا و ذهبت لغرفتها و دخلت المرحاض و اخذت حماما ثم ذهبت للفراش و بمجرد ان تمددت علية ذهبت في نوم عميق ، وفعل مثلها مراد . *
********************************
*بعد عدة ساعات وجد نبض من يهزها برفق لتستقيظ ففتحت عينها ببطئ و جدت تميم يقف بجانبها فانتفضت نبض*
نبض: تميم احية انا ازاي نسيتك انت جيت امتي و مين فتحلك
تميم: اهدي اهدي ماما كانت عارفة انك هتروحي تنامي مش هتحسي بحاجة ف كلمت دادة ام على عشان تيجي تعمل الاكل و تاخد بالها مني لم اجي
نبض(براحة): ااه الحمدلله ماما عمرها ما يفوتها حاجة ابدا
تميم: يلا بقا عشان نروح لآسر انا اكلت كل اكلي و خلصت ال homework
نبض(و هي تلعب باصابع يدها في شعرها و تتثائب): طب هي الساعة كام دلوقت
تميم: الساعة تمانية
نبض: بتهزر " وقامت تقفز سريعا للمرحاض للتوضأ و تصلي فروضها فهي لم تؤخر فرض في حياتها فكيف يحدث هذا في يومان "
تميم(وهو يخرج من الغرفة): هروح اقول لدادة تجهز الاكل و بعدين اصحي مراد
نبض ( من المرحاض): ماشي
*توضأت نبض سريعا ثم لبست ازدالها و بدأت في صلاتها*
**********************
" و يا ليت المشاعر تُرى ليعرف كل ذي حق حقه "
" نزار قباني"
* بعد قليل دخل تميم عليها مندفع و علي وجهه علامات القلق و الخوف و لكن وجد نبض مازالت تصلي فجلس ينتظرها حتي انتهت و رأته نبض و هو يجلس و علامات القلق و الخوف علية*
نبض(بقلق): تميم فية اية مالك
تميم: مراد مراد
نبض: ماله مراد زعقلك ؟
تميم: لاء انا دخلت اصحيه مردش عليا قربت منه لقيته عرقان خالص وبيقول كلام مش فاهمه حطيت ايدي عليه لقيته سخن خالص
نبض(بفزع): اية ؟ تعالى نشوفه بسرعة
*ركضت سريعا لغرفة مراد و جدته نائم يتصبب عرقا و يخرف ببعض الكلمات أثر الحرارة فزعت عند رؤيتها له هكذا و شعرت بتأنيب الضمير لانها السبب بما حدث له فركضت للاسفل باتجاه المطبخ *
نبض: دادة الحقيني
ام على(بخضة): اية يبنتي خير
نبض: مراد سخن خالص و تعبان و مش عارفة اعمله اية
ام على: اعمليله كمادات ماية ساقعة بسرعة و انا هكلم الدكتور يجي
نبض: حاضر
*اخذت نبض الماء البارد و صعدت ثانيةً لغرفة مراد و جلست بجانبه و بدأت تضع الفوطة علي جبينه و هو مازال يُخترف ببعض الكلمات التي لا تفهمها و لكنها شهقت عندما وجدته ينطق اسمها بكل وضوح وجدت عيناها تزرف الدموع بكثرة لا تعرف لِما ؟ ألأنها سبب الحالة التي هو عليها ؟ أم لأنها اشتاقت لسماع اسمها بصوته ؟ نفضت الافكار من ذهنها و عادت لِما تفعله و بعد قليل حضر الطبيب و فحص مراد *
الطبيب : شكله اتعرض لهوا جامد امبارح او نام منغير غطا عشان كدة جاله برد شديد و سخونيه
*شعرت نبض بالذنب عندما قال الطبيب هذا *
الطبيب: عموما انا اديته حقنه تنزل الحرارة بس بردو استمري على الكمادات و هكتبله علي مضاد حيوي ياخده كل ١٢ ساعة و يريت تدهوله بعد ساعتين من دلوقتي
نبض: حاضر يا دكتور
الطبيب: و انا هعدي علية بكرة اطمن علية
نبض: تمام ، اتفضل يا دكتور اوصلك
*ذهب الطبيب و صعدت نبض لغرفتها لتحدث الصيدلية ليرسلوا الدواء و بعد ان انتهت وجدت والدتها تتصل بها فردت عليها *
همس(باندفاع): نبض مراد ماله تميم كلمني و قالي انه تعبان اية اللي حصل
نبض: من شوية تميم راح يصحيه لقاه سخن جامد
همس: طب عملت اية
نبض: عملتله كمادات و دادة ام علي كلمت الدكتور و جه اداله حقنه و كتبله علي علاج و مشي
همس: اكيد بسببك لم بات امبارح برة في الطرقة
نبض( و هي مش مستحملة كفاية تأنيب ضميرها): ماما انا مليش دعوة هو ال طلع برة لوحده
همس: طيب ابقي طمنيني علية
نبض: ماما انا هلبس دلوقتي و هاجي ابات مع آسر و انتي تعالي باتي مع مراد
همس: و اية لازمة الشحططة و انا اجي و انتي تروحي ما كل واحدة تفضل مكانها و كدة كدة آسر هيخرج الصبح
نبض: يا ماما
همس: مفيش يا ماما خليكي عندك و خلاص و خلي بالك من مراد و تميم لحد الصبح
نبض(بضيق): حاضر يا ماما ، آسر صاحي اكلمه ؟
همس: لاء نايم الادوية ال بياخدها بتخليه مدروخ و ينام
نبض: طب هو عامل اية بقي احسن ؟
همس: اه الحمدلله ، بقولك مهاب هيجيك دلوقتي ياخد شوية حاجات و هدوم ليا و ليه و يطمن علي مراد
نبض: ماشي تمام
*ذهبت نبض لام على لتخبرها بان والدها قادم ليأخد بعض الاشياء و طلبت منها ان تجهز له بعض الطعام و صعدت لغرفه والديها و جهزت بعض الثياب لهم ثم توجهت لمراد لتقوم بالكمادات له و جدت تميم يجلس بجانبه يبكي و يضع هو الكمادات له ف اقتربت منه نبض سريعا *
نبض: حبيبي بتعيط لية
تميم(ببكاء): عشان مراد تعبان و مش بيصحى
نبض(و هي تحتضنه): يا حبيبي متقلقش مش الدكتور قال انه لم ياخد الدوا هيبقي كويس
تميم: اه
نبض: طيب خلاص بطل عياط بقى و روح اغسل و شك و انزل تحت شوف بتاع الصيدلية جاب الدوا و لا لاء ، و اه بابا جي دلوقتي عشان ياخد حاجات
تميم: حاضر
* ذهب تميم ليفعل ما قالته له و ظلت نبض مع مراد بمفردها تضع له الكمادات و تقرأ بعض ايات الله و الادعية و بعد قليل و جدت ابيها يدخل الغرفة و معه تميم و اقترب من الفراش و وضع يده علي جبين مراد*
مهاب: عامل اية دلوقتي
نبض: الحمدلله الحرارة بدأت تنزل شوية
تميم: الدوا اهو وصل
نبض: طيب حطه علي الكومود هنا ، بابا انا جهزتلكوا هدوم في اوضة حضرتك و قولت لام علي تجهزلكوا أكل روح خودلك شور بسرعة و كُلك حاجة و ارجع لماما تاني عشان متسبهاش لوحدها
مهاب: ماشي " و قبل ان يغادر" نبض خلي بالك منه يا نبض
نبض(بابتسامة): متقلقش مش محتاجة توصيه
*ذهب مهاب لغرفته *
نبض: تميم حبيبي يلا روح نام عشان المدرسة بكرة
تميم: لاء مش جايلي نوم خليني معاكي شوية
نبض: لاء يا حبيبي يلا روح نام عشان تصحى الصبح فايق و متغلبنيش
تميم(باستسلام): حاضر
نبض: حبيبي الشاطر ال بيسمع كلامي دا " و قبلته من وجنتيه و خرج تميم ذاهبا لغرفته " و بعد قليل دخلت ام علي عليها
ام على: نبض يا بنتي انا خلصت حضرت الاكل لمدام همس و سيادة اللوا و عملت شوربة خضار لمراد و سبتها علي البوتجاز لم يفوق ابقي اكليهاله
نبض: حاضر يا دادة ربنا ما يحرمنا منك
ام علي: و لا يحرمني منكوا يارب
*دخل ايضا مهاب عليهم*
مهاب : انا خلصت يا نبض و هروح المستشفى مش هوصيكي بقا
نبض: متقلقش يا بابا ، بس معلش توصل دادة ام علي معاك في طريقك عشان الوقت اتأخر
ام علي: ملوش لزوم يا بنتي انا هركب اي حاجة و اروح
مهاب: لا طبعا يا ام علي انا هوصلك كفاية انك لم همس كلمتك متأخرتيش و جيتي علطول
ام علي: طبعا يا بيه انا مقدرش اتأخر علي ست همس
مهاب : ربنا يبارلك يا ام علي ، يلا ننزل
ام علي: حاضر يا بيه
*ذهب مهاب و ام علي و بقت نبض مع مراد مازالت تضع الكمادات علي جبينه و بعد فترة انتبهت انها مازالت بالاسدال فقامت و خلعته و ظلت ببجامتها البيتيه و شعرها المنسدل علي ظهرها ثم نظرت للساعة وجدت انه مازال ساعة علي معاد الدوا لمراد فجلست تقوم بالكمادات لفترة ثم نزلت و حضرت شربة الخضار و صعدت ثانيا و حاولت ان تعدله ليجلس و تفوقه قليلا ليأكل فبدأ بالفعل مراد ان يصحو قليلا *
مراد(بتعب): اااااه اية الحصل
نبض: سخنت جامد بليل و اتصلنا بالدكتور و جه ادالك حقنه و كتبلك دوا و لازم تاكل عشان تاخده
*نظر مراد لها وجدها تجلس امامه بدون حجابها و ببجامتها فشرد بملامحها الطفولية و لكن ابعد نظره سريعا عنها حتي لا تنتبه له *
" و بدأت نبض تطعمه و لكن اوقفها مراد قائلا : مش عايز منك حاجة سبيني و اطلعي برة
نبض: مراد مش وقت عناد خالص و كُل عشان تاخد الدوا
مراد: دا علي اساس انك بتعملي كدة عشان خايفة عليا مثلا
نبض : مش بالظبط بس تقدر تقول حاسة بالذنب من ال حصلك و كمان ماما و بابا موصيني عليك مينفعش اخذلهم ف اتفضل كُل و اسمع الكلام لحد ما ماما تيجي الصبح
*لم يرد عليها فبدأت باطعامه مجددا و هو لم يمنعها و بعد ان انتهي اعطته دوائه ثم ساعدته لينام ثانيا و ظلت هي بجاوره و بعد فترة وجدته يعرق ثانيةً
فوضعت يدها علي جبينه وجدت حرارته بدأت ترتفع ثانيةً فوضعت الكمادات علية سريعا و سمعته ينطق اسمها مرة اخري و ظل يكررها *
مراد: نبض ..... نبض ..... نبض لية عملتي كدة فيا
*صُدمت نبض مما قاله و بكت بحرقه عليه فهو مجروح جُرح كبير و هي ايضا لا تقل عنه و فجأة شهقت عندما وجدته يضمها له و يدفن وجه بها كأنه لا يريدها ان تهرب حاولت الفكاك منه و لكن هو كان يشدد من قبضته عليها فاستسلمت لحضنه فهي اشتاقت له و بعد ثواني غاصت معه في نوم عميق *
