رواية شمس وقصتها امس الفصل الرابع 4 بقلم ياسمين علاء الدين
4=شمس_وقصتها_أمس
البارت_الرابع
ياسمين_علاء_الدين
وقفنا عندما قال حسن لرياض .. عايز اطفال واسرة بدون زواج؟ فهمني ده هيحصل ازاي .. رد عليه رياض بتنهيدة ثم قال / مش عارف .. وفي لحظتها دخل ريحان وقال .. رياض بيه فريق العمل منتظرينك في الخارج
________________________
وهنا شمس صحت من نومها ونظرت للساعة .. وجدت انها نامت كتير .. قامت وهي مستعجله عشان اتأخرت علي انها تشوف شغل .. عشان تعرف تعيش وتكمل حياتها ..دخلت الحمام غسلت وشها وغيرت ملابسها وخرجت .. وراحت لاماكن كتير تسأل علي شغل .. ولكن للاسف مش لاقيه شغل راحت وجلست امام البحر تشتكي وجعها له ولكن بصمت تام جلست جانبها سيدة كبيرة بالعمر .. ونظرت لشمس وقالت لها سبحان الخالق العظيم .. ربنا يحفظك يابنتي .. قالت شمس للسيدة شكرا وابتسمت ابتسامه يائسه .. قالت لها السيدة مالك يابنتي؟ شكلك مهمومه وحزينه .. قالت لها شمس بتنهيده خفيفه الحمد لله علي كل حال .. الست قالت لها احكيلي يابنتي ايه سبب حزنك .. قالت لها شمس عايزة اشتغل بقالي يومين بدور علي شغل ومش لاقيا .. قالت لها السيدة انتي معاكي شهادة؟ ردت شمس / لا للاسف انا مش معايا الا اعدادية لاني مكملتش تعليمي .. قالت السيدة طيب كنتي بتشتغلي ايه ؟قالت شمس .. كنت بشتغل خادمة منزل
قالت لها السيدة .. انا عندي لكي شغل .. بنتي بتدور علي خادمة تخلي بلها من شغل البيت وبغياب بنتي في شغلها تخلي بالها من الاولاد .. قالت لها شمس انا مش عارفه اشكرك ازاي .. جميلك ده هيفضل علي راسي طول العمر .. قالت لها السيدة هكتبلك عنوان بنتي ورقم تليفونها .. وانا هكلمها عنك .. اسمك ايه ؟قالت لها اسمي شمس .. ردت السيدة وقالت طيب ياشمس تعالي بكرا علي العنوان ده وانا هكلم بنتي .. ولكن خلي بالك انا الل هضمنك لبنتي .. اتمني تشرفيني قدامها .. قالت لها شمس اكيد يافندم راح احاول اكون عند حسن ظن حضرتك ان شاء الله .. ومشت شمس وهي سعيدة وبتقول الحمد لله .. ولكن بوسط ابتسامتها وسعادتها تذكرت زوجها .. وفجأة اختفت الابتسامة وقالت يارب خلصني من الزواج ده .. انا بتمني يطلقني حتي لو هكون في الشارع انا راضيه .. لاني تحملت كتير وتعبت من افعال الرجل ده ..
وهنا نرجع لرياض .. خلص الاجتماع وجلس في مكتبه يشرب قهوته .. اتصل به حسن وقاله رياض انا في طريقي للنادي تعالي .. حاول تخرج من الروتين ده شويه .. قاله رياض لا ياحسن انت عارف اني مش بحب جو النوادي ده قاله حسن تعالي جرب مرة واحده واذا مليت تقدر تمشي .. تعالي نلعب ماتش اسكواج .. والح عليه حسن ووافق رياض وقاله اوك حسن .. عشر دقائق واكون عندك .. وبالفعل راح رياض النادي .. واول البنات ما شافوه .. اصبح كل بنت تعمل اي حركه او حيلة عشان تلفت انتباهه .. ضحك حسن وقاله يابختك ياعم .. انا مفيش بنت من دول بتعبرني .. وقتها رياض وهو باصص لحسن ومش بينظر لاي بنت قاله .. كلهن كاذبات .. وفجأة راحت بنت هي وصاحباتها علي التربيزة تبع رياض وحسن .. وسلموا علي حسن .. ولما قالوا اهلا مستر رياض .. رياض ما رد ولا علي واحده .. اما حسن كان مبسوط من كم البنات والدلع الل هيتدلعه علي وجود رياض .. ولكن حسن لما لقي رياض مضايق قال لهم يابنات هشوفكم في سهرة بالليل يلا .. ومشوا البنات وهم عيونهم علي رياض .. ورياض باصص للمجلة الل بيقرأها وما لفت نظره اي بنت .. وبعدين جه لحسن اتصال .. رد علي تليفونه لقى صديقة قديمة .. قالها اخبارك ايه؟ فينك يابنتي؟ مش بشوفك بقالي شهور .. قالت له البنت كنت في شغل .. قالها اوعي تكوني رجعتي لشغل الكباريه تاني .. وهو بيضحك بسخريه .. قالت له لا .. لقيت شغل اسهل وابسط من كده .. بأكل احسن أكل وبعيش في قصور .. وفوق ده بأقبض بالدولار .. قال لها حسن وهو مندهش .. دي ايه الشغلانه دي؟ اوعي يكون اللي في بالي .. قالت وهي بتضحك صحكه عاليا لا مش دي ياقليل الادب .. قال لها طيب ايه هو الشغل ده..!! قالت له ( تأجير الرحم ).. قال لها ايه ..!! يعني ايه تأجير رحم .. ؟ قالت له يعني الرجل الل مراته مش بتخلف وهو مش حابب يتجوز عليها .. انا بخلف الطفل بدالها .. بعملية بسيطة ( طفل الانابيب) قال لها وبعد ما تسلمي البضاعه .. وهو بيضحك بسخريه .. قالت له بقبض المبلغ المتفق عليه وبترك لهم ابنهم وارحل .. قال لها يخربيت عقلك .. وانتي دالوقتي ساكنه ولا فاضيه؟ 
.. قالت له لا ياخفيف فاضية .. لسه ملقتش زبون .. واهو بستجم شويه وبصرف وبعمل شوبنج .. قال لها طيب انا عاوز اشوفك .. قالتله هتلقيني بالليل في الديسكوا .. هستناك .. قال لها اوك
وبعدين بص لرياض .. لقاه مركز في الشغل علي الموبايل .. قاله رياض انا لقيت لك الحل .. قاله حل ايه؟قاله الاسرة والاطفال الل بدون زواج .. قاله رياض ازاي مش فاهم .. قاله حسن .. فيه بنت اعرفها بتشتغل بتأجير الرحم .. رياض قاله تأجير رحم؟ !! يعني ايه؟ قاله حسن يعني هتعمل عمليه تلقيح وتخلف لك طفلك بدون زواج ولا تلمسها .. قال له رياض وده ازاي؟ قاله حسن وافق انت بس وسيب الباقي عليا انا لقيت البنت الل هتخلف لك الطفل .. ونديها مبلغ وخلاص .. قاله رياض تمام انا موافق .. بس بشرط .. لا اشوفها ولا تدخل بحياتنا بعد ولادة الطفل .. تتفق معاها علي كده .. قاله حسن متشغلش بالك انا هتفق معاها بكل التفاصيل ..
رياض رغم انه شخص محترم وملتزم جدا .. الا انه كان سعيد بالفكرة لمجرد انه يقدر يكون اسرة ويسعد اخوه وكمان ميدخلش امرأة البيت .