رواية اربعيني في احضان مراهقة الفصل الثالث 3 بقلم رحاب القاضي
_الفصل الثالث
ـــــــــــــــــــــــــــــــــــــــــــــــــــــــــــــــــــ
أقصى درجاتِ الظلمِ أن يُهدرَ أمانُكَ باسمِ الحُب، وأن تُساقَ إلى قَدرِكَ غصباً ومكروهاً.
نيجار بدموع
لا يا امام والله هصوت وافضحك
امام وهو يفتح ازر قميصه
مهما عملتي ما حدش هيقدر يقرب من الشقه دي عشااان تخصني باللي فيها
هبطت دموعها وقالت
ما تعملش فيا كده، يا ماماااااا...
_لم يجيبها بل خلع قميصه واقترب منها بكل عنف وقوه، حاولت ابعاده بكل قوتها، وعندما يأست قالت من وسط بكاءها..
نيجار
ما تكررش اللي حصل في امك فيا يا امام..
_توقف عن ما كان يريد ان يفعله ولكن ازداد غضبه اصعااف، فلن تكتفي بجرحه بكلامها القاسي، بل ايضاً قامت بفتح ابواب وجع ماضيه لتجعله ينهار امامها، وامتلئت عينااه بالدموع، وابتعد عنها سريعا والتقط قميصه من علي الارض وارتداااه سريعا،فحين نهضت هي سرعا واحتضنت نفسها وجسدها ينتفض بقوه وهي تنظر له بخووف، وقال بدون ان ينظر لها...
امام
انا اسف..
_ولم ينطق بأي كلمه اخري، بل تركها وغادر المنزل بأكلمه وهي نظرت لاثره بدموع وتذكرت ما كان يريد ان يفعله وانهارت في بكاء مرير، وفي ذلك الوقت كان يقوود امام سيارته بقوه وكل ما يدور بعقله ما حدث لامه في طفولته، ودموعه متحجره بعينااه تأبي النزول وتوقف امام مقابر عائلتهم وهبط من السياره وذهب سريعا الي قبر والدته وجلس علي الأرض وهو يستند بظهره علي قبرها ودموعه هبطت بلا توقف وهو ينظر امامه بشرووود وقال بحزن..
امام
قالت انها بتكرهني، انتي عارفه اني عمري ما هأذيها انا كنت بخوفها مني بس عشاان تبطل توجعني بكلامها، بس هي دي الحقيقه هي ما بتحبنيش، دي كمان بتكرهني وبتتمنالي الموت يا ماما...
_ووضع وجهه بين يديه وبدأ يبكي مثل طفل صغير تائهاً، لا يعلم اين توجد راحته وامانه، ونظر لقبر والدته وابتسم وسط دموعه وقال..
امام
تعرفي اني طول حياتي دي ما حدش قالي انه بيحبني غيرك، وانا هجيلك هجيبلك حقك واجيلك، الحيااه دي بتبقي للنااس اللي ليها نااس تعيشلها وتحبها، امام بقي مالوش غيرك يا ست الكل..
ـــــــــــــــــ #بقلم_الكاتبه_رحاب_القاضي ــــــــــــــــــ
_وفي منزل عائلة البحيري قال اسلام لوالدته وشقيقه كل ما حدث بينه هو ولينا وتابع حديثه قائلا بهدوء..
اسلام
طبعا شااديه ما ينفعش تعرف حاجه عن الموضوع ده، مش شاديه بس، ما ينفعش اي حد يعرف حاجه..
ادهم
تمام ما حدش هيعرف بس انت ناوي تعمل ايه، هتكمل مع البنت دي..
اسلام
لا طبعا دي فضيحه بالنسبالي، يووم ما افكر اتجوز علي مراتي اتجوز بنت صغيره زي دي، هو بس يظهر ابوها وهطلقها..
ونظر لوالدته بقلق وقال
سااكته ليه يا ماما؟
وفاء
لو اتكلمت كلامي مش هيعجبك، اصل انت مش لسه نوغه عشان ترووح تغلط مع واحده لو كنت خلفت في اول جوازك كنت جيبت قدها..
اسلام
هو انا عمري غلطت زي كده ولا غير كده، انا طول عمري في حالي وما حدش قاادر يمسك عليا نص غلطه، بس المره دي فلتت مني..
ادهم
خلاص يا ماما ما اهو اتجوزها ولم الليله..
وفاء
يعني البنت دي بنت وليد الجندي؟
ادهم
ايوه
وفاء
وفين وليد؟
ادهم
ما اعرفش بيقولو كان مساافر وفجأه اختفي واتقطعت كل الاخبار عنه، بس انا بفكر ارووح لابن عمه يمكن يكون عارف هو فين.
ادهم
ابن عنه اللي هو فاروق الجندي بتاع المافيا؟!
رمقه اسلام بحده ووفاء قالت بقلق
نعمم مافيا ايه؟
اسلام
ابنك بيهزر سيبك منه المهم شاديه ما تعرفش حاجه..
وفاء
بص كده كده شاديه مش هتعرف حاجه، بس المهم تخلف وتبقي اب...
اسلام
ازاي يعني، قصدك ايه؟
وفاء
كمل مع البنت دي يمكن يبقي الفرج علي ايديها وتحققلك حلمك وحلمي انا كمان وتبقي اب..
اسلام بضيق
ده لو العيب من شاديه، لكن المشكله عندي انا
وفاء بسخريه
وهي لو المشكله منك انت كانت بت رد السجون كملت معاك..
اسلام
ماما تقريبا معاها حق..
اسلام
لا مش معاها حق، شااديه انتو شايفينها وحشه بس هي بتحبني واتحملت عشااني كتير، وابوها رد السجون ده هو اللي سااعدني ابقي من اشهر المحاميين في البلد..
وفاء
والله لو فضلت تقول من هنا لبكره انا متاكده انك سليم وما فيش فيك ولا مشكله، وبعدين كمل مع لينا وزي ما بيقولو المايه تكدب الغطااس
ادهم
يا ماما يكمل معاها ازاي دي اصغر منه باكتر من عشرين سنه..
اسلام
هي دي المشكله يعني فرق السن اللي بيني وبينها، يا جمااعه انا بحب مراتي ومش عايز غيرها في حياتي..
لكمته وفاء في زراعه بقوه وقالت
اومال اتنيلت ليه وخونتها مدام بتحبها اووي كده.
اسلام
يوووه بقول غلطه، ماما متخلنيش اندم اني جيت وقولتلكم كل حاجه..
اقتربت منه وفاء وقالت
طيب خليك متجوزها سنه والبت تفضل عندي هنا، ولو ما خلتفتش منها طلقها..
اسلام بهدوء
جوازي من لينا مجرد كلام علي ورق، وبالكتير شهر كمان ابوها ما ظهرش هطلقها واديها قرشين وخلصنا..
ادهم
ما هي ممكن تفضحك او موضوع جوازك منها يتكشف قدااام شاديه.
اسلام
مجرد ما هطلقها هقول لشااديه علي كل حاجه..
وفااء
طيب وابوها لما يعرف ان صااحبه اتجوز بنته في غياابه هيعمل فيك ايه؟
اسلام
وليد مش صااحبي احنا كنا زمايل عادي، وطول عمري انا وهو مش بنطيق بعض وبعدين الغلط اصلا عند بنته اللي راحت مكان مشبووه،ده هو يحمد ربنا اني اتجوزتها وسترت عليها..
وقفت وفااء وقالت بضيق
انت حر ما انتاااش عيل صغير عشااان اقولك فين الصح من الغلط يا اسلام بيه..
_وتركتهم وذهبت لغرفتها، واقترب منه ادهم وجلس بجواره وقال بصوت منخفض..
ادهم
في حاجه كده كنت جاي اقولك عليها ومش عايز ماما تعرفها..
اسلام
حاجة ايه دي؟
ادهم
مراد زفت اخووك
اسلام بقلق
عمل ايه تاني؟!
ادهم
قايل عنك كلام زي الزفت في البرناامج بتاعه، كان واخدك محتوي..
صُدم اسلام وقال
نعممم؟!
هو ما كفهوش انه موقعني مع نااس تقيله في البلد عشاان بدافع عنه لما بيخبط في حد فيهم، كمان بيهاجمني انا؟
ادهم
هو انت دافعت عن عزت السيوفي في قضيه من قضاياه..
اسلام
ايوه قضية اتلفقت ليه وخرجته منها
ادهم بضيق
اسلام انت عارف ان الرااجل ده شمال، وانت ضيعت حق ناس كتير بريئه لما خرجته من قضيه راااح ضحيتها اكتر من 100 شااب..
اسلام بجمود
بقولك ايه يا ادهم انت يا حبيبي بقيت ظاابط شرطه بفلوسي انا لما كنت بصرف عليك، والبيه اخوك اللي عامل فيها مناضل سوري كان بيمدلي ايده ويااخد المصرووف مني..
ادهم
عشاان ماما كانت مخليااك انت مااسك مصرووف البيت عشاان انت الكبير..
نهض اسلام وقال بحده
لا وانت واخوك مقدرين اووي اني الكبير، انت ولا واحد فيكم بيحترمني وخصوصا الكلب اخوك، بس انا هعرف اربيه كويس نااقص كمان يجيب سيرتي ويقطع فيا الفاشل...
ادهم بقلق
طيب بالله عليك وطي صووتك، امك تعباانه لوحدها ومش نااقصه وانت عارف هي قلبها واجعها ازاي علي مراد من لما ساب البيت وبقي عايش لوحده..
اسلام
يعيش لوحده ولا يغور في داهيه انا مش طايقه الواد ده، ولا طايقك انت كمان غور نام..
ادهم بخبث
انت هتنام جوه؟
اسلام
ايوه في اوضتي!..
ادهم
ليه... مش كنت ناوي تطلقها؟!
اسلام بحده
وانت مالك رووح يا ادهم انت كمان انا متعصب لوحدي..
_وتركه اسلام ودلف داخل غرفته، وكانت لينا غارقه في النوم ، رمقها بهدووء وذهب للمرحاض وابدل ملابسه لاخري مريحه وذهب وجلس علي الاريكه امامها، واشعل سجارته وهو ممسك بهاتفه وقاام بفتح البرنامج الخااص شقيقه وهو يتاابع ما يقوله عنه من انتقدات وكلام سئ، واغلق الهاتف وقد زادت عصبيته اضعااف وتحدث لاحد عبر الهاتف وقال..
اسلام
ايوه يا صلاح، فااضي؟!..
صلاح
افضالك مخصوص يا اسلام بيه، خير ان شاء الله؟
اسلام
القنااه بتاعت مراد اخويا علي اليوتيوب عايزها تختفي من الوجود هي واي حسااب ليه علي السوشيال ميديا، واللي عايزه هتاخده..
صلاح
تمام يا باشا، بس القناه دي كبيره وعليها اكتر من 3 مليون متاابع...
اسلام بحده
لو مش هتقدر قول وانا هتصرف..
صلاح
لا لا انا هقدر، بس الحساب هيبقي غالي حبتين..
اسلام
اللي عايزه هتاخده، بس استني شويه يعني مش دلوقتي حاول توقع ريتش القناه الاول وبعدين احذفها
صلاح
اااه عشاان الموضوع يباان طبيعي، تمام اعتبره حصل يا باشا وعلي تواصل...
_واغلق معه اسلام المكالمه، ونظر لـ لينا بهدوووء وهو غير قاادر علي ابعاااد عيناااه عنها، وفي ذلك الوقت تذكر ما حدث بمااضيه قبل 20 عام عندما تخرج من الجامعه وكان يقف وسط اصدقائه بحفلة التخرج، ووهو ممسك بكاميرا صغيره واقترب من اسيا تلك الفتاه الفاتنه والجميله، التي كان يعلم الجميع بأنه يعشقها من نظرااته لها، ووقف بجوارها وقال بهدوء..
اسلام
لو ما عندكيش مشكله ممكن نتصور مع بعض..
نظرت له اسيا بعدم فهم وهو قال سريعا
قصدي يعني للذكري يا اسيا، لو مش حاابه خلاص..
اسيا ابتسمت وقالت
لا عادي بس صورني لوحدي الاول وبعدين نتصور مع بعض يا اسلام،هو انا اطول اتصور مع الاول علي الدفعه..
ابتسم اسلام وقال بحمااس
بس كده من عينيا..
_وابتعد عنها قليلاً وجذب ورده صغيره من باقة احد اصدقائهم واقترب منها ووضعها لها بين خصلاتها وخلف اذنها وقال بهدوء..
اسلام
كده هيبقي شكلك احلي
_ضحكت هي بهدووء وهو في ذلك الوقت قاام بتصويرها، ولكن قبل ان يجعلها تري الصورة جااء وليد الجندي وامسك بيدها بقوه وقال..
وليد
انتي بتعملي ايه؟
اسيا بتوتر
في ايه يا وليد، اسلام كان بيصورني..
وليد
وانا مش قايلك ما تقفيش مع الواد ده تاني؟
اقترب منه اسلام وقال بحده
ما تحترم نفسك فيها ايه لما اصورها ونتصور مع بعض، احنا كلنا هنا زمايل مع بعض طول فترة دراستنا..
وليد بنبره غاضبه
انت مال اهلك انا بتكلم معاها هي..
اسلام بحده
ما تجيبش سيرة اهلي علي لساانك..
وليد بسخريه
وانت مين اهلك دول، المحامي الكحياان ابوك..
وقف ياسر بجانب اسلام وقال بنبره غاضبه
ما تحترم نفسك يا عم وليد وما تخليناااش احنا كمان نغلط..
وليد بتحدي
طلع نفسك من الموضوع ده ياسر، انا بتكلم علي المحامي الكحيان اللي بيشحت القضايا الخسراانه عشاان يصرف علي ولاده يا حراام..
اسيا بحزن
وليد ما يصحش اللي انت بتقوله ده..
اقترب منه اسلام وقال بغيظ
يبقي محامي كحياان احسن ما يبقي مجرم وزعيم مافيا يا ابن الجندي..
_ما ان انهي حديثه حتي لكمه وليد بقوه في وجهه وتحول الحفل لمعركه بين اسلام واصدقاءه ووليد واصدقاءه..
_عاد اسلام من ذكرياته وعينااه مازالت معلقه بـ لينا، ونهض سريعا وفتح دولابه واخرج صندوق صغيره وعاد وجلس علي الاريكه مجددا، وفتح ذلك الصندوق الملئ بالصور له مع عائلته واصدقاءه، وبدأ يبحث عن صورة حبهُ الاول، تلك الفتاه التي عشقها في شبابه ومراهقته وما ان وجدها حتي نهض ووقف بجوار لينا ونظر للصوره ولوجه لينا وكان الشبه بينهم كبير جدا الا باختلاف بسيط، فجلس بجوار لينا وتنهد بضيق وقال..
اسلام
ما ينفعش...
انتي بالذااات ما ينفعش تبقي بنت اسيا يا لينا!...
_وظل جالساً بجوارها وهو ينظر لها بحزن وكل ذكرياته تعود له لتذكره بماضيه وحبهُ الاول الذي كان من طرف واحد...
ـــــــــــــــــ #بقلم_الكاتبه_رحاب_القاضي ــــــــــــــــــ
_وباليوم التالي بمنزل فاروق الجندي، دلف فاروق خارج منزل وتفاجأ عندما وجد امام ينام علي المقعد بجوار المسبح الخاص بمنزلهم فاقترب منه وامسك بكوب الماء الذي كان علي الطاوله، وسكبه علي وجه امام الذي قاام مفزوع وقال بضيق..
امام
في ايه يا بابا..
جذبه فاروق من قميصه وقال بحده
انت ايه اللي هببته ده في بنت عمتك؟
امام نفض ايدي والده بقوه وقال
ما عملتش حاجه، ومليون مره اقولك ما تدخلش بيني وبين نيجار..
فاروق
يا امام انا ابوك مش واحد صااحبك عشان تتكلم معايا كده، وبعدين نيجار دي بنت اختي ومسؤليتي انا مش انت..
امام بضيق
وانا ما عملتلهاش حاجه..
فاروق بجديه
انا مش عايز اشووفك كده يا امام، انت ضهري وسندي، انا عايش بيك انت واخووك، ما تخليش نيجار ولا اي حد يوصلك للمنظر اللي انا شايفك بيه ده، عايز تتجوزها اتجوزها بمزاجها غصب عنها خليها تبقي مراتك وقدام عينك وقتها اللي تعملو فيها مش هلومك عليه..
امام بجمود
ما ينفعش اغصبها عليا، نيجار بالذاات ما ينفعش اتعامل معاها كده، عشان انا بحبها يا بابا..
_وترك والده وذهب دااخل المنزل، ونظر له فاروق بضيق وحزن وقال بخبث..
فاروق
ولا تزعل نفسك يا امام، انا هخليها تتجوزك ورجلها فووق رقبتها كمان..
ـــــــــــــــــ #بقلم_الكاتبه_رحاب_القاضي ــــــــــــــــــ
_وبمنزل عائلة البحيري، استيقظ اسلام وكان نائماً علي الاريكه، ونظر للسرير ولكنه قام مفزوعاً عندما وجده فارغاً ولينا غير موجوده، ذهب سريعا للخارج، وتنهد بارتيااح عندما سمع صوت ضحكاتها هي ووالدته يأتي من المطبخ، وعاد لغرفته واخذ حمامه وارتدي ملابسه الرسميه مجدداً، وما ان ذهب للخارج وجد لينا تجلس مع والدته ويتناولون الافطار وهما يتحدثان سوياً ويضحكان بقوه، وما ان رأته وفااء حتي قالت بنبره سعيده..
وفاء
ايه يا اسلام حتت السكر دي، وقعت عليها فين بس؟...
جلس اسلام بجانب لينا وقال
النصيب يا ست الكل بس ايه الفطار الجاااامد ده..
وفااء
لينا حبيبتي جهزت معايا الفطار، ثانيه واحده هعملك قهوه وجايه يسريه اجازه بتجوز بنتها عقبال ولادكم..
_وذهبت وفاء للمطبخ، وضحكت لينا بهدوء وقالت بسخريه وهي تشير علي نفسها وعليه...
لينا
ولادنا... مامتك طموحه اووي، هي ما تعرفش انك لامؤخذه ما بتخلفش
تنهد بضيق وقال
لا تعرف بس مالكيش دعوه بيها وبكلامها، وبعدين حاجه غريبه ان ماما بتحبك بسرعه كده..
لينا
هو ايه اللي حصل امبارح انا مش فاكره حاجه وليه جيبتني هنا؟..
اسلام
كنتي عايزااااني اسيبك في الديسكو وانتي مش قادره تقفي علي رجليكي وامشي، ولا اوصلك عند جوز امك وامك وانتي كنتي مرعوبه منهم..
لينا
عادي هروووح فين بس ما انا كده كده مسيري ارجعلهم..
اسلام
لو عايزه تقعدي مع امي هنا ما فيش مشكله..
لينا غمزت له بطرف عينها وقالت
هو انت نااااوي تخلي جوازنا بجد ولا ايه يا متر؟
تنهد اسلام بنفاااذ صبر وقال
بس يا سكر عيب بنت في سنك تتكلم معايا كده، وعلي فكره مصاريف الجامعه بتاعتك هتدفع النهارده وامسكي الفيزا اهي حولتلك عليها فلووووس عشان مصاريفك وده الكارت بتاعي فيه رقمي وعنوان المكتب بتاعي وقت ما تحتاجي حاجه تعاليلي وما تطلبيش حاجه لا من امك ولا من جوزها لحد ما ابوكي يرجع
امسكت يده وقالت بعدم تصديق
انت بتتكلم بجد يعني انا هروووح الجامعه؟
اسلام
براحتك عايزه تروحي روحي مش عايزه انتي حره، وبعدين ليه جامعه خاصه وادفع اد كده مصاريف ما كنتي قدمتي ورقك في جامعه حكومي..
_لم تجيبه بل القت نفسها داخل احضاانه وهي تقربه منها بقوه وقالت بنبره سعيده وعيناها تملؤها الدموع..
لينا
بجد. ميرسي اوووي يا اسلام انت احلي راجل في الدنيا...
ابعدها اسلام عنه قليلاً وقال بتوتر
ااا اللي انتي عايزااه اهو عملتهولك لحد ما موضوعنا يخلص انا مش عايز اشووفك تاني..
لينا
مدام اديتني الفلوس اللي انا عايزاها يبقي اوعدك. مش هخليك تشووف وشي تاني لحد ما نتطلق..
واتت لتذهب ولكنها عادت ونظرت له بحزن وقالت
هو ما فيش اي اخبار عن بابي؟!
اسلام بضيق
لا للاسف لسه بس ان شاء الله هقدر اعرف هو فين.
لينا بحزن
ما تدورش عليه تاني هو لو كان عايزني كان جه واخدني معاه زي ما وعدني، بس واضح كده اني تقيله علي الكل وما حدش بيحب اني ابقي معاه..
اسلام
انا مش قصدي اني مش حابب وجودك بس ما ينفعش تبقي قريبه مني،انا ليا حياتي مع مراتي وبحبها جدا ومش عايزها تزعل مني فاهمه؟..
ـ قبل ان تجيبه دلفت والدته خارج المطبخ وما ان رأت لينا تهم بالذهاب، قالت لها بحزن..
وفاء
لينا رايحه فين انتي مش قولتي هتقضي اليوم معايا؟
لينا
فاضل اياام والدراااسه هتبدأ وانا لازم بقي اجهز واخيرا هبقي طالبه جامعيه، بس هبقي اجيلك يا فوفا وهاخدك اخرجك ونتفسح سوا..
احتضنتها وفااء وقالت
انا هستنااااكي يا قلب فوفا..
_وتركتهم لينا وذهبت للخارج، وجليت وفااء بجوار اسلام وهي ترمقه بنظرات غاضبه، فقال اسلام بهدووء..
اسلام
في ايه يا امي بتبصيلي كده ليه؟
وفاء
بقي دي يا ابن الهبله تسيبها وماسك في العقربه ام اربعه واربعين اللي اسمها شاديه، اللي هي واخواتها بيستغلوك ومطلعين عينك...
اسلام
من ساعتين تلاته عرفت تاكل بعقلك حلاوه البنت دي..
وفاء
لا هي بالعكس اتعاملت معايا بطبيعتها، تعرف وانا بتكلم معاها لقيتها عيونها اتملت دموع وقالتلي ياريتك تبقي ماما يا فوفا، وبتقولي يا فوفا مش يا طنط بنت اموره كده ولذيذه، واخدت بالك من هدومها دي هدومي القديمه لما كنت في سنها شووفت لايقين عليها ازاي
اسلام
والمطلووب مني ايه بقي؟
وفاء
تكمل معاها وتخليها تعيش معايا هنا انت وهي وانا حاسه ان الخير هيبقي علي ايديها وتبقي اب يا حبيبي..
نهض اسلام وقال
انا مش هكمل مع البنت الطايشه دي يا امي، انا رايح الشغل بتاعي ولما افضي هبقي اجيلك يا حبيبتي..
وفاء بحزن
قدامك شهر واكتر عشان تيجي عندي ما هي الهانم مراتك بتزعل لما بتيجي عند امك....
اسلام
لا طبعا كل الحكايه اني ببقي مشغول، بس هحاول اجيلك قريب ، المهم يا امي في حااجه كده عايز اسالك عليها قبل ما امشي..
وفاء
حاجة ايه دي؟
اسلام
فااكره اسيا يا امي؟
وفاء
اسيا...
قصدك البنت اللي كنت بتحبها في الجامعه وو...
نظرت له وفاء بصدمه وقالت
ما تقولش لينا بنت اسيا؟!
اسلام
لا لينا بنت داليا الامير، كانت معانا داليا برضو في الجامعه وكانت تقرب لوليد الجندي..
وفاء
بس دي شبه اسيا، حتي عيونها زرقا زيها..
اسلام
في حاجه غلط في الموضوع..
وفاء
هي اسيا فين مش كنت قولتلي انها هتتجوز وليد؟
اسلام
ما اعرفش هي فين، بس هحاول اوصلها يمكن تكون عارفه فين وليد ويجي ياااخد بنته ويريحني من همها..
وفاء
اسلام..
اسلام
نعم يا امي؟
وفاء
انت قربت من البنت دي عشاان فكرتك بأسيا؟..
اسلام بجديه
لا طبعا انا مستحيل افكر كده، لينا حاجه تانيه ممكن تكون شبه اسيا بس هي مختلفه..
وتذكر لينا واقترابها منه وتصرفاتها الجرئيه وقال
لينا مختلفه عن اي حد شووفته في حياتي، بنت مجنونه وطاايشه وحلوه وذكيه وفيها كل حاجه..
ابتسمت وفاااء وقالت
وايه كمان؟
اسلام
ولو كانت بنتي كنت هخليها برنسيسه، ما كنتش اسيببها وامشي زي ما ابوها عمل، همشي انا بقي عشاان عندي محكمه ولازم ارووح المكتب الاول..
وفاء
مااشي يا حبيبي وربنا معاك، وابقي كلم مراد يا اسلام انت الكبير يا حبيبي وانت اللي بتحمي اخواتك وبتلمهم حواليك..
اسلام
حاااضر يا امي ما تشغليش بالك، انا عمري ما هتخلي عن اخواتي ولا ابعدهم عني..
وفاء
ربنا يخليك لينا يا حبيبي..
ـــــــــــــــــ #بقلم_الكاتبه_رحاب_القاضي ــــــــــــــــــ
_وبعد ايااام في منزل عزت السيوفي، كان سُهيل واقفاً وسط الحرااس الخاصيين بحماية المنزل، واقترب من صديقه وقال له بضيق..
سهيل
هو انا امتي هيبقي مسموح ليا ادخل جوه البيت؟
علي
مش بالسهوله دي، عزت بيه ما بيخليش حد يدخل بيته غير الناااس اللي بيبقي واثق فيها اووي..
سهيل
اممم بسيطه ان ما خليته هو بنفسه اللي يدخلني بيته ويقعدني فيه كمان ما ابقاش انا..
ـ ونظر سهيل للاعلي بطرف عينه، ووجد تلك الفتااه كعادتها جالسه امام الناافذه وعيناها لا تفارقه اطلاقاً، فتنهد بضيق وقال..
سهيل
هي ما بتزهقش
علي
هي مين؟
سهيل
بنت عزت..
علي
سهيل انا ما بهزرش، الرااجل ده عنده بنته خط احمر ما تبصلهااش تاني احسنلك..
سهيل وضع نضارته الشمسيه علي عينيه وقال
اهو كده لو بصيتلها ما حدش هيشوفني..
علي بغيظ
براحتك انت اصلا جااي تسرق الراااجل ولا جاي تبصبص لبنته
سهيل
بنته حلوه ومختلفه....
علي
ايوه روبازل شبه البت دي
سهيل
شبه مين؟!
علي
ربازل!
سهيل
ايوه مين ده بقي؟
علي
يا ابني انت مش متابع ولا ايه، اقصد الاميره اللي شعرها طويل..
سهيل
روبانزل..
علي
لا سمها ربازل..
سهيل
بس يااا بس اسكت..
_ونظر سهيل للاعلي ممجدا وهذه المره ابتسم لها بهدوء، فابتسمت هي سريعاً ودلفت للداخل واغلقت الناافذه، فضحك هو بسخريه وقال..
سهيل
ايه العبيطه دي كمان..
علي
انت ناوي علي ايه؟
سهيل
ما تجرب تخاصمني يا علي..
علي
ليه؟
سهيل
اسكت يا علي خلي اليومين دول يعدو علي خير، مش عايز امشي من هنا وانا عندي المراره..
علي
هو انت فااكر نفسك هتمشي من هنا علي رجليك..
سهيل بغيظ
ما قولت اسكت يا علي بدل ما اروح اسلم نفسي واسلمك معايا، وخليك واقف هرووح الحمام وجااي..
علي
ليه؟
سهيل
في ايه يا علي رايح الحمام هكون رايح ليه اتشمس مثلا..
_وتركه سهيل وذهب للمرحااض وتأكد من عدم وجود احد، وامسك هاتفه وتحدث لامام شقيقه وقال له..
سهيل
امام معايا..
امام
معاك اهو... ارغي
سهيل
بص انا عايزك في حاجه مهمه، انت ورمزي..
امام
رمزي جنبي اهو عايز ايه؟
سهيل
حلو اديني رمزي واركن انت دلوقتي..
_اخذ رمزي ذلك الشاب صاحب ال25 عام الهاتف من امام وقال بحماس..
رمزي
ايوه يا سوو معاك
سهيل
عايزززك تظبط هجوم محترم كده علي عزت السيوفي..
رمزي
نعمم انت اتجننت يا سهيل ده يصفينا كلنا ده
سهيل
ما لهاش حل غير كده يا رمزي، وانا هقولك ترووح لمين يعمل كده من غير ما حد يعرف يمسكه..
رمزي
افهم بس انت هتستفاد ايه؟
سهيل
هقولك تعمل ايه بس ركز معايا وما تخليش امام يتدخل خالص..
رمزي
امام مش فاضي بيرتب لعمليه جديده مع ابووك..
سهيل
كويس اسمع بقي..
ـــــــــــــــــ #بقلم_الكاتبه_رحاب_القاضي ــــــــــــــــــ
_وفي منزل وفااء البحيري كانت جااسه هي ومراد اصغر ابناؤها صااحب ال30 عام، وقالت له بحزن..
وفاء
بس دي كل الحكايه واخوك دلوقتي طلعان عينه اكيد في الموضوع ده..
مراد
ابنك ده ما عندوش دم
وفاء
عيب ما تقولش علي اخوك كده..
مراد
انا برضو اللي عيب، ابنك عمل علاقه مع بنت في نص عمره، دمرلها حياتها وفي الاخر هو اللي زعلان
وفاء
يا ابني ما هو اتجوزها..
مراد
بعد ايه واتجوزها في السر كمان، هي مين البنت دي يا ماما؟
وفاء
ليه بتسأل عليها، وبعدين ما تخلنيش اندم اني فضفضت معاك بكلمتين يا مراد
مراد بخبث
يا ماما بالعكس ده انا هسااعد اخويا لو اقدر اسااعده، المهم البنت دي اسمها ايه؟
وفاء
اسمها لينا... لينا الجندي..
مراد
بتهزري من عيلة الجندي، العيله دي وحشه جدا اوحش عيله ممكن تسمعي عنها في حياتك
وفاء
بس البنت شكلها غلباانه، بريئه اوووي وحياتها كمان صعبه جدا..
مراد بجمود
خير يا ماما... خير ان شاء الله، هو ادهم فين؟
وفاء
في بيت خالك عند خطيبته..
مراد
طيب كويس هو هيتجوز امتي؟
وفاء
ما اعرفش بس تقريبا كده قداامه شهرين تلاته يكون شطب شقته، عقبالك كده يا حبيبي وعقبال ما اشوف ولاد اسلام ومش عايزه حاجه تانيه من الدنيا
مراد
اخوياا اااه من اخويا ده، ينصح بلد ويمثل دور الشرف ببراعه، وهو اكتر بني ادم فااسد..
ـــــــــــــــــ #بقلم_الكاتبه_رحاب_القاضي ــــــــــــــــــ
_في ذلك الوقت كانت جالسه لينا بغرفتها وفتحت الصفحه الرسميه لاسلام البحيري، وابتسمت بهدووء ما ان رأت صورته، واخذت تقلب في صوره وهي مبتسمه بهدووء، حتي دلفت عندها والدتها وقالت بهدوء..
داليا
بتعملي ايه يا لينا
اغلقت لينا هاتفها وقالت
مش بعمل حاجه معينه قااعده عادي..
داليا جلست امامها وقالت
لينا انتي الفلوس اللي معاكي دي جيباها منين، ودفعتي اشترااك النادي وكمان مصاريف الجامعه وكل شويه بتروحي تعملي شوبينج، ايه يا حبيبتي بتعملي ايه من ورايا..
لينا
انتو مش بتقولو انتي وجوزك يعني، ان مش معاكم فلوس ليا خلاص انا اتصرفت
داليا
بقولك ايه انا امك ومن حقي اعرف بتصرفي منين وجيبتي الفلوس دي منين؟
لينا ببرود
اممم من حد هبقي اقولك عليه بعدين.
داليا
لا انا عايزه اعرفه هو مين؟
لينا
مامي بلاش الجو ده، انتي مش خاايفه عليا انتي كل اللي يهمك دلوقتي اني ابقي تحت رحمتك انتي وجوزك ولو معايا فلوس اوزع عليكم منها مش كده، بس انسو انا لينا وليد الجندي يعني ما حدش في الدنيا دي يقدر يلوي دراعي..
داليا بغيظ
هستني منك ايه وانتي تربية ابوووكي..
_وتركتها داليا وذهبت للخارج، وعادت ليما وامسكت هاتفها وارسلت لاسلام رساله علي حساابه الخاص وقالت فيها..
لينا
"عايزه اشووفك يا جوزي ضروري"
_وفي ذلك الوقت كان اسلام جالساً بغرفته وبيده هاتفه واستمع لرسالتها وابتسم بهدوء ورد عليها قائلاً..
اسلام
"عايزه مني ايه مش قولتلك مش عايز اشووفك وشك تاني"..
ارسل لها تلك الرسابه ووضع الهاتف علي الطاوله واشعل سجارته بهدوء، وما ان ردت عليه حتي امسك الهاتف سريعا واستمع لرسالتها وهي تقول له..
لينا
" لما هتشوفني هتعرف انا عايزااااك في ايه، ولا انت مش عايز تشوفني بجد ولا ايه يا سولي"
_ما ان استمع لاسمه بنبرتها المرحه، حتي ضحك بكل قووته ورد عليها وقال..
اسلام
"شووفي عايزانا نتقابل فين وهنتقابل يا لينا"
_وفتح صورها وبدأ يقلب فيها وهو ينظر لها بأعجاااب كبير، لا يعلم كيف لتلك الفتاه ان تؤثر فيه وتثير دائما رغبته واعجاابه فيها، وفي ذلك الوقت دلفت عنده شااديه وكانت ترتدي ملابس جذاابه وما ان جلست بجواره حتي اغلق هو الهاتف سريعا ورمقها بجمود قائلا..
اسلام
عايزه ايه؟
شاديه بهدوء وهي تقترب منه
وحشتني اووي..
ابتعد عنها سريعا وقال
لا والله وده من امتي، مش انتي اللي قررتي يا شاديه ان كل واحد فينا يبقي في حاله؟
شاديه بهدوء
وفيها ايه احنا عايشين لوحدنا، اوقات كتير بنوصل لمرحلة الملل مع بعض فبنقرر نبعد لحد ما كل واحد يرجع شغفه للتاني ونهدي شويه وبنرحع زي الاول واحسن مش ديما ده بيحصل..
وقف اسلام بعيد عنها وقال بحمود
من لما اتجوزنا وانتي بتعملي كده، وفي كل مره بسيبك براحتك لحد ما ترجعي وتعقلي، بس خلاص انا فاض بيا وجيبت اخري يا شاااديه..
شاديه بقلق
خلاص مش هكررها تاني، هفضل ديما جنبك ومش هبعد عنك تاني ابدا..
ابتسم اسلام بسخريه وقال
مش عارف اقولك ايه بصرااحه، بس انا حبيت الوضع اللي احنا فيه ده يا شااديه، خلي كل واحد فينا في اوضه وبعيد عن التاني كده هنبقي مرتاحين واحسن بكتير..
شاديه بغيظ
انت من امتي بتختار بعدي يا اسلام؟
اسلام
لا بلاش جو قلب الترابيزه ده، انتي اللي اختارتي تخليني اتعود علي بعدك وعدم وجودك، وبعدين انتي شكلك فاااضيه وانا عندي قضيه مهمه بكره ومش فاضيلك..
_واخذ اورااقه من علي الطاوله وهاتفه وتركها في غرفتهم بمفردها وذهب لغرفة مكتبه واغلق باباها عليه من الدااخل حتي لاتزعجه، وهي وقفت تنظر له بصدمه وحزن وندم...
ـــــــــــــــــ #بقلم_الكاتبه_رحاب_القاضي ــــــــــــــــــ
_وفي ذلك الوقت كان ياسر واقفاً بسيارته امام منزل اهل زوحته، ونظر للاعلي وتنهد بضيق وهبط من سيارته ووقف امام باب المنزل ورن ابحرس، ففتحت له زينه شقيقة زوجته الصغري صاحبة الـ 32 عام ورمقته بضيق وقالت..
زينه
اتفضل
ياسر
اندهي اختك انا مش فاضي
زينه بحده
مش هناخد منك حته لو عملت قيمه لاهل مراتك ودخلت وسلمت عليهم..
ياسر
زينه ما لكيش دعوه واندهي لاختك وخلصيني..
زينه بعصبيه
لا مش هنده لاختي، وهي مش هترجعلك غير لما تتلم، انت فضيحتك مع البنت البلوجر الشمال دي في كل مكان..
ياسر بغيظ
مش بااقي غيرك انتي يا بايره اللي تتكلمي
زينه
احترم نفسك..
دفعها ياسر بقوه ودلف للداخل وقال بنبره عاليه
رحمه... رحمه..
_جاءت رحمه من الدااخل وعيناها حمرااء من كثرة البكاء وقالت بحزن..
رحمه
نعم..
ياسر
من غير كلام كتير ودوشه هاتي الولاد ويلا بينا علي البيت..
رحمه بحده
انت ايييه كفايه بقي انا ما بقتش عارفه احط عيني في عين الناااس بسبب عمايلك، انا مش رجعالك يا ياسر واللي عندك اعمله..
ياسر بسخريه
برافو حلو الدور ده، اتأثرت اووي ياريتك بدل ما كنتي دخلتي كلية الحقوق كنتي دخلتي معهد تمثيل كنتي هتبقي ممثله قديره اوووي
زينه
انت ما بتحسش، اختي منهاره بسببك
ياسر بحده
رحمه انا مش هسكت لاختك البايره دي كتير، يا ترووحي تيجي الولاد ونمشي دلوقتي، يا هاخد ولادي لوحدهم بطريقتي بس وقتها ما تلومنيش علي اللي هعمله..
_هبطت دموع رحمه وهي تنزر لن بضعف وحزن، وزينه وقغت امامه وقالت بعصبيه..
زينه
هي مش هترجع وانت مش هتقدر تاخد ولادها منها، واللي عندك اعمله يا ياااسر..
_لم ينظر لها بل كانت عينااه مثبته علي زوجته وقال بجمود وهدوووء مستفز..
ياسر
لسه واقفه يا رحمه، انا بزهق بسرعه واختك دي مستفزه خليها تسكت عشاان ما ازعلش
رحمه بنبره ضعيفه
خلاص يا زينه تعالي ساعديني اصحي الولاد
زينه بصدمه
انتي مجنونه ده كان بيخوونك، فضيحته في كل مكان وانتي هترجعيله عادي....
رحمه بحده وبكاء
ما لكيش دعوه ما طلبتش منك تدخلي..
_وتركتهم رحمه وذهبت لغرفتها كي تنفذ كلام يااسر، الذي جلس علي الاريكه ووضع قدماً فووق الاخري، وهو ينظر لـ زينه بشماااته ودلف في ذلك الوقت عزيز والدها وهو يستند علي عكازه وقال بقلق..
عزيز
في ايه يا زينه، انت هنا يا ياسر يا ابني
انزل ياسر قدمه وقال بهدوء
ايوه يا عمي عامل ايه وصحتك عامله ايه
صافحه عزيز وقال
انا بخير يا ابني مالكم بتزعقو ليه؟
ياسر
لا ابدا بس رحمه عايزه تباات وانت عارف بقي انا مش بجب مراتي تبات بعيد عني..
_ضحك عزيز معه بهدووء، ونظرت له زينه باستحقار وذهبت لغرفة شقيتها التي كانت تجمع في اغراااضها حتي تعود مع زوجها لمنزلها التعيس معه، وما ان رأت زينه حتي ذهيت لها واحتضنتها بقوه وقالت..
رحمه
انا اسفه حقك عليا يا حبيبتي
ابتعدت عنها زينه وقالت بحده
اوعي يا رحمه ليه بتعملي في نفسك كده، ليه دايسه علي كراامتك وكرامتنا احنا كمان وماشيه ورااه
رحمه ببكاء
انا مش هقدر اتحرم من ولادي يا زينه، وبعدين ياسر هو اللي فاتح البيت ده وبيصرف علي علاج بابا وكمان اخوكي شغال عنده في شركته وبيته مفتوح علي حس الشغل ده،انتي الوحيده اللي بتشتغلي وبتصرفي علي نفسك ، فـ انا ما اقدرش اسيب يااسر ولا اخسره..
زينه بدموع
اللي انتي عايزاااه اعمليه، بس لو قررتي في يووم تشتري نفسك وكرامتك هتلاقيني في صفك ومعاكي وهساعدك انه ما ياخدش ولادك منك ابدا..
رحمه احتضنتها مجددا وقالت
انا عايزااكي ديما تشوفيني كويسه وتفضلي تحبيني يا زينه، وعايزااكي ديما تفضلي جنبي
زينه بدموع
ما اقدرش ما اكونش جنبك، ولو عليا اطلع اكله بسناني الحيوان ده عشااان مزعلك..
رحمه بحزن
ربنا يهديه... تعالي بقي نصحي الولاد..
_وبعد قليل دلفت رحمه لمنزلها وذهبت مع ابناءها لغرفهم، وبعد ان تأكدت من نومهم ذهبت لغرفتها ووجدت ياسر في انتظارها وهو يجلس علي المقعد امامها واضعاً قدما فووق الاخري وقال بجمود..
ياسر
عارفه يا رحمه لو اللي حصل ده اتكرر تاني وسيبتي البيت وخدتي ولادي معاكي انا هوديكي انتي واللي جاابك في ستين داهيه، عايزه تمشي يبقي تغوري لوحدك ومش هسأل فيكي، انما ولادي مش هيتربو بعيد عني فااهمه ولا لا..
رحمه بدموع
حاضر انا اسفه، حاجه تاني يا ياسر..
_لم يرد عليها وتركها وذهب وصفع الباب خلفه، فأتنفضت وهي واقفه وجلست علي الفرااش وظلت تبكي حتي ذهبت للنوم....
ـــــــــــــــــ #بقلم_الكاتبه_رحاب_القاضي ــــــــــــــــــ
_وباليوم التالي صباحاً دلف اسلام خارج المحكمه ومعه المساعدين الخاصين بهِ، وبجواره كان يقف رجل في الستين من عمره وقال بنبره سعيده..
جلال
برافو عليك يا متر، دي القضيه ما اخدتش في ايدك شهرين تلاته وخلصتها وطلعت اخويا براءه..
اسلام بجمود
الاتعااب تكون عندي في المكتب النهارده..
جلال
عينيا ليك بس كفايه 5 مليون، اصلا شكلها قضيه ساهله وانت ما تعبتش فيها..
وقف اسلام امامه وقال بجمود
اخوك كان حبل المشنقه هيتلف علي رقبته انا طلعته من القضيه من غير اي دليل يمسه بحاجه وهيرجع لحيااته عادي من غير اي مشاااكل، وانت تقللي اتعابي النص، انا متفق معاك علي 10 مليون ولا لا..
جلال
انا حر وشاايف انك ما تستاهلش غير خمسه وبس..
اسلام ابتسم ببرود وقال
تمام احنا مش هنفااصل لان ده مش اسلوبي مع الموكلين بتوعي، بس انا موافق بالخمسه..
_فرحَ جلال كثيراً لكن تحولت فرحته لغضب عندما اسلام قال بجديه..
اسلام
5 مليون دولار يبقو عندي النهارده..
جلال
حيلك حيلك دولار ايه احنا حسابنا بالمصري وو..
اقترب منه اسلام اكثر وقال بنبره هامسه
عيب احنا في المحكمه وبعدين ابنك اتقبض عليه في تهريب ممنوعات سعرها لوحده 20 مليون دولار وفلوسها معاه، وانا اقدر ارجع ابنك للاعداام تاني لو الفلوس ما كانتش عندي النهارده، وزي ما انت قولت 5 بس مش هاخد عشره بس غير العمله بقي يا جلال بيه..
_ابتسمو المساعدين الخاصين بـ أسلام وهم ينظؤوون له بفخر ، وذهب من امام جلال وهم خلفه ايضا، ونظر له جلال بغيظ وقال..
جلال
يا ابن ال...
_وصعد اسلام سيارته وامسك هاتفه الذي كان علي وضع الصامت، وما ان فتحه حتي وجد عدد لا نهائي من المكالمات الفائته وجميعها من رقم لينا الجندي، فتنهد بضيق وقال.
اسلام
هنبتديها زن من اولها..
_وقااد سيارته وهو يتصل بها، فاجاابته سريعاً وقالت بنبره غاضبه..
لينا
لحقت نفسك كنت هروحلك مكتبك وهعملك فضيحه، فينك بقي بكلمك من الصبح ما بتردش عليا..
اسلام
كانت عندي محكمه يا لينا..
لينا
وده سبب يخليك ما تردش عليا
اسلام
التلفون بيبقي صاامت ومع المسااعده بتاعتي، المهم انتي فين وانا هجيلك دلوقتي..
لينا
في الجامعه هستناااك اول ما تيجي كلمني وهخرج علي طول..
اسلام
قبل ما واوصل بـ 5 دقايق هكلمك تخرجي مش عايز استني..
لينا
اوك يا سولي باااي
اغلقت معه وهو ابتسم بهدوء وقال بهدوء
كنت عمو ودلوقتي بقيت سولي!!!..
_وبعد قليل وقف بسيارته امام الجامعه التي تدرس فيها لينا، ووجدها تقف مع شااب في نفس عمرها وهما يمزحان سوياً وضحكاتها تملأ المكان، نظر لهاا بضيق من اسفل نظارته الشمسيه، واصدر صوتاً بسيارته وما ان رأته، حتي احتضنت صديقها بهدوء وتركته، وبتلك الحركه وذلك العناااق العفوي جعلته يفقد اعصاابه وما ان صعدت السياره، رمقها بحده وقال..
اسلام
مين ده؟
لينا
ايااد صاحبي ما تخافش انا قولتله انك صااحب بابي وبتاخد بالك مني وهو شايفك زي بابي مش هيشك ان في حاجه بينا يعني..
_تنهد بنفاذ صبر وقااد السياره بسرعه وهي قالت له بقلق..
لينا
احنا رايحين فين؟
اسلام بضيق
مش عارف انتي طلبتي تشوفيني عايزه ايه؟
لينا
مامي بتسأل انا بجيب الفلوس منين وانا ما بقتش عارفه ارد عليها اقول ايه..
اسلام بجمود
قوليلها انك وخدااهم من واحده صاحبتك..
لينا
بااخد الفلوس دي كلها من صحاابي، اكيد مش هتصدق..
اوقف السياره ونظر لها بجمود وقال
ايه رأيك تقعدي مع امي
لينا
علي اساس ايه، انت عايز ايه؟
اسلام
ما تفهميش غلط انا مش عايز منك حاجه، بس ممكن تقعدي عند امي لحد ما ابوكي يرجع..
لينا
طيب لو مامي او طنط شاديه عرفو هتقولهم ايه؟
اسلام
عادي هقول ان ابوكي كلمني قبل ما يسافر وقالي اخليكي تقعدي معايا لحد ما يظهر..
لينا بحزن
ولو بابي ما ظهرش هيحصل ايه؟
اسلام
عادي يا لينا هنشووفلها حل
لينا بحمااس
اوكي خلاص وديني البيت اجيب حاجتي وتوصلني عند فوفا..
اسلام
انا مش فاضيلك هوصلك وانتي عارفه العنوان وانا هكلم امي تستنااكي..
لينا ابتسمت بهدوء وقالت
حاضر..
اسلام
شايفك فرحتي، للدرجه دي عايزه تطفشي من بيتكم..
هزت رأسها بمعني نعم وقالت
فوووق ما تتخيل اصلا مش هيفرق معاهم امشي ولا لا، وبعدين انا مبسووطه اني هقعد مع فوفا وادهم..
اسلام
امم بقيتي واخده عليهم اووي..
لينا
هما كمان بيحبوني لما فوفا بتكلمني ادهم سعات بيكلمني معاها..
اسلام بهدوء
ماااشي يا لينا وياريت تعقلي شوويه..
لينا
انا عاقله
اسلام
ما فيش بنت عاقله تقف مع ولاد وتضحك معاهم في الشارع..
لينا
قصدك علي اياد، ده صااحبي عادي وبابي كان يعرفه، وكمان الكلام ده كان علي ايامك دلوقتي الدنيا كلها كده
اسلام بحده
الصح صح والغلط غلط يا لينا دلوقتي وزمان وفي كل وقت..
لينا
خلاص بعد كده مش هقف معاه غير جوه الجامعه، بس هو صاحبي عادي يعني
اسلام بحده
خلاص يا لينا خلصنا..
لينا نظرت له بخبث وقالت
هو انت بتغير عليا، بحس كده ديما من نظراتك؟
_توتر من كلامها ومصارحتها له بما يشعر به ، ولكنه اخفي حقيقة مشاعره واجابها قائلا..
اسلام
غيرة ايه ووفت ايه هو انا عيل قدامك يا بت انتي هغير عليكي انتي..
لينا بخبث
هو انت ما بتغيرش علي طنط شااديه؟
اسلام
طبعا بغير عليها دي مراتي..
امسك يده وقالت
وانا كمان مراتك مش عيب لو غيرت عليا يعني..
جذب يده من يدها وقال بتوتر
قولتلك ما بغيرش عليكي، كل الحكاية اني حاسس بالمسؤليه ناحيتك، وادينا اهو وصلنا انزلي يلا، وانا هكلم امي وهبلغها عشان تستناكي وتاخد بالها منك..
اقترب منه وقبلته من خده وقالت بهدوء
ميرسي اووي يا سوولي تعبتك معايا..
_وتركته وهبطت من السياره، وهو عيناااه تتابعها بصمت ونظرات مليئه بالاعجااب الرغبه الشديده، وفي نفس ذلك الوقت يحاول ان يظهر ثابتاً، واخذ سيارته وغادر المكان بأكمله، وهي قبل ان تدلف لمنزلها اوقفها مراد الذي وقف بسيارته امامها وهبط منها سريعا و قال بجديه..
مراد
لينا استني لو سمحتي..
لينا نظرت له بهدوء وقالت
نعم..
مد يده لها وقال
انا مراد البحيري اخو اسلام الصغير..
لينا صافحته بهدوء وقالت
اااه طنط وفااء قالتلي عليك، اهلا وسهلا...
مراد
فاضيه حابب اتكلم معاكي شويه..
لينا
خير في ايه؟
مراد
اسلام بيستغلك علي فكره، ده بني ادم ما عندوش ضمير وانتي مستحيل تفهمي نيته فيها ايه؟
لينا بقلق
انت ليه جاااي تقولي كده دلوقتي؟
مراد
تعالي معايا وانا هفهمك كل حاجه..
لينا
لا قول اللي عايزه هنا..
مراد بهدوء
تمام انا عايز اساااعدك تلاقي ابوكي وتاخدي حقك تالت ومتلت من اسلام
لينا
وهتخليني اعمل ايه عشاان اخد حقي والاقي بابي؟
مراد
تفضحي اسلام وتقولي انه... انه يعني خدرك واعتدي عليكي..
لينا بصدمه
انت بتقول ايه، انا مستحيل اعمل كده انت اتجننت..
مراد بجمود
لا يا لينا هتعملي كده، عشان دي الطريقه الوحيده اللي هتخلي ابوووكي يرجعلك، لما يشووف اللي حصل في بنته، غير انك مش هتبقي محتاجه لحد بعد كده، مقابل ظهورك معايا وانك هتحمي اللي حصل هتاخدي مبلغ كبير ومستعد اخليكي تاخديه دلوقتي بس نتفق..
لينا بحده
انت متأكد انك اخو اسلام، وعلي فكره بقي اسلام مش مخليني محتاجه حاجه، وانا مستحيل افضحه لان اللي حصل ده كان غصب عني وعنه..
مراد بغيظ
يا بنتي افهمي اسلام ده بتاع مصلحته بيشتري سكوتك عشااان لو اتكلمتي هيروووح في داهيه، ومش بعيد كمان يكون هو سبب ان ابوكي ما يرجعش لان لو ابوكي رجع برضو هيفضحه..
لينا بتوتر
تفتكر ممكن يكون اسلام عمل كده ومش بيسااعدني الاقي بابي؟!
اقترب منها مراد وقال بحزن
اسلام ده اخويا وانا اعرفه اكتر منك، انا اهو جااي وبعرض عليكي اني اسااعدك وانتي برااحتك يا لينا..
لينا بدموع
انا موافقه، المطلوب مني ايه؟
ابتسم مراد بانتصار وقال
كل خير وما تقلقيش انا جنبك وهسااعدك بجد مش زي ما هو بيعمل..
واخرج موبيله وقال بجديه
اكتبي رقمك وانا وهنتواصل معاكي وصدقيني مش هتندمي يا لينا..
_استمعت له وما ان ءهب من امها حتي دلفت هي للمنزل، ووجدت زوج والدتها يجلس ومعه احدي الفتيات وما ان رأتهم حتي قالت بضيق..
لينا
مامي فين؟
فخري نظر لها بخبث وقال
خرجت ما تيجي تقعدي معانا..
لينا بغيظ
قعدت علي راسك حيطه انت واللي معاك...
_وصعدت لغرفتها واغلب الباب عليها جيدا، وجلست علي سريرها وهي تحتضن نفسها بقوه، وحديث مراد البحيري معاها جعلها تخااف كثيرا من اسلام وتشك في جميع تصرفااته معها، وامسكت هاتفها وقامت بالاتصال بهِ فاجابها قائلا بضيق..
اسلام
وبعدين بقي انا مش فاضيلك..
لينا بحده
انا مش هرووح عند مامتك، ومالكش دعوه بيا تاني..
اسلام بقلق
في ايه يا لينا، حد عملك حاجه سواء امك او جوزها؟!
لينا بحده
انا ما حدش يقدر يعملي حاااجه انت فااهم، انا اللي بقولك المره دي مش عايزه اشووف وشك تاني وحقي هعرف اخده منك كويس..
_واغلقت الهاتف في وجهه والقت الهاتف من يدها بجوارها وهي تبكي بقوه...
ـــــــــــــــــ #بقلم_الكاتبه_رحاب_القاضي ــــــــــــــــــ
_وفي منزل ياسر السويسي كانت جالسه رحمه ومعاها شااديه التي قالت لها بحزن...
شاديه
ما كنتيش رجعتيله يا رحمه، وكنتي كلمي اسلام وهو كان هيتصرف معاه..
رحمه
لا لا ما تعرفيش اسلام حاجه، ده صااحبه واكيد يعني هيبقي في صفه..
شاديه
والله يا رحمه انا نفسي اصلا اسلام يبعد عنه...
رحمه
اشمعنا يعني دول صحااب من زمان واكتر من الاخوات..
شاديه
اسلام متغير وخاايفه يكون يااسر عرفه علي واحده كده ولا كده وهي سبب تغيره عليا
رحمه
لا بيتهيألك اسلام من يوم ما عرفنااه وهو محترم وفي حاله ومن عيله كويسه ومحترمه، انتي بس بترخمي عليه بزيااده، والرااجل مش مقصر معاكي في حاجه..
شاديه بجمود
حقي انه ما يقصرش في حاجه، كفايه اني متحملاه وهو ما بيخلفش..
رحمه
شاديه انتي بتحبي اسلام بلاش تخسريه بكلامك ده، وانتي بنفسك بتقولي انه بيدايق من الموضوع ده..
شاديه
بس دي الحقيقه وهو لازم يقدرني في الموضوع ده، استني اكلمه المفرووض انه مخلص شغل من بدري...
رحمه
يمكن رجع البيت..
شاديه
لو كان رجع البيت كان كلمني..
_وبعد عدة محاولات للاتصال به لكنه لم يجيب عليها، فتنهدت بضيق وقالت..
شاديه
كلمي ياسر كده يمكن يكون معاه..
رحمه
قلبك ابيض مهما كلمت يااسر مش هيرد عليا..
شاديه
ايه قلة الذووق بتاعته دي، افرض في حاااجه مع ولاده؟!
رحمه
هيعرف من الحرااس او الناني..
شاديه
بجد الله يعينك علي الرااجل ده، لو مكانك ما استحملش اعيش معاه دقيقه واحده..
رحمه بدموع
هانت يا شاااديه هانت اوووي..
ـــــــــــــــــ #بقلم_الكاتبه_رحاب_القاضي ــــــــــــــــــ
_وبمنزل اخر راقي جدا، كان يجلس اسلام مع يااسر ويبدو عليه الضيق بقوه وقال له ياسر بسخريه..
ياسر
انت مزعل نفسك ليه ما تكبر دماغك منها، مش انت كنت مداايق من وجودها في حياتك اهي بعدت من نفسها..
اسلام
عايز افهم ايه اللي حصل خلاها قلبت عليا كده..
ياسر بجديه
اسلام ما تخليش بنت مراهقه زي دي تلعب بيك، ده انت مراتك لما بتداايق ما بتشلش هما بالشكل ده..
اسلام
ما لينا مراتي برضو، وبعدين هي عملتلي حاله جديده كده في حياتي،كسرت الروتين المُمل اللي كنت عايش فيه،خلتني انشغلت بيها واقلق عليها غصب عني فااهم يا ياسر؟..
ياسر نظر له بشك وقال
لا والله...
انت ناوي علي ايه مع البت دي من الاخر كده؟
تنهد اسلام بضيق وقال
اسمها لينا واتكلم عليها كويس..
ياسر
كمان؟!..
اسلام خليك دوغري معايا، ناوي علي ايه مع البرنسيسه لينا بتاعتك دي؟
اسلام بجديه
كل خير..
المهم انت عملت بعد فضيحتك مع البلوجر اللي حذرتك منها كتير وقولتلك دي ممكن تطلعك تريند بفضيحه وانت ما صدقتنيش..
ياسر
ولا حاجه، كل اللي فارق معايا الواد تياام ابني، كبر وبقي فااهم كل حاجه..
اسلام
طيب خف شويه لو مش عشاان نفسك ومراتك، عشااان خاطر ولادك يا ياسر..
_وصدح في ذلك الوقت رنين هاتفه، فتنهد بضيق ولم يجيب وسأله يااسر وقال..
ياسر
شااديه برضو؟
اسلام
لا ده ادهم..
ياسر
ما تشوووفه عايز ايه ليكون اخوووك مرااد عمله حاجه تاني..
اسلام
ليه يعني بتقول كده؟
ياسر بضيق
بص انا مقدر انه اخووك وعشان كده ما رضيتش اعمله حاجه..
اسلام
في ايه يا ياسر اتكلم؟
ياسر
انا يقول عليا في البرنامج بتاعه الارجووز النسوانجي..
كتم اسلام ضحكته وقال
معلش ما هو بيخبط فيا انا كمان..
ياسر
يا عمم انت اخوووه انا هيجيب سيرتي تاني هطحنهولك..
اسلام
لا مالكش دعوه بيه انا هعرف اتصرف معاه، واصلا القنااه بتاعته اللي هو فرحان بيها هتتقفل قريب..
ياسر
احسن برضو، المهم انت ناوي علي ايه مع نمبر توو..
اسلام
قصدك لينا!..
مش عارف يا ياسر بس كلام في سرك انا بقيت حابب وجودها في حياتي
ياسر
وشااديه؟
اسلام
مش عارف هي دي اكبر مشكله بالنسبالي..
ياسر
لااا لو فااكر ان دي اكبر مشكله في علاقتك مع لينا تبقي غبي، اولا فارق السن بينك وبينها ثانيا هي بنت وليد الجندي اللي انت وهو من زمان شبه اعداااء، ثالثا انت عندك مشكلة الخلفه وانت رافض حتي تشووف دكتور وتتعالج هتكمل معاها ازاي..
تنهد اسلام بضيق وقال
معاك حق هو انا اصلا عارف كل ده انت مش محتاج تفكرني، بس البني ادم برضو ما بيعرفش ما يتمناااش..
ياسر
نصيحه من اخوك اوعي تسيب نفسك وتحبها لان وقتها هتبقي في ورطه كبيره،هتبقي عامل زي اللي اشتري بيت وفضل يحسن في شكله ويعمر فيه،وفي الآخر الارض مش بتاعته اصلا،قصدي يعني ان هي نفسها مستحيل تحبك يا اسلام، مش هتسيب الشباب اللي في سنها واللي شبهها وتبصلك انت..
_كلام ياسر جعله يتذكر ذلك الشااب الوسيم صديقها في الجامعه الذي رأهُ معها عندما ذهب لها الجامعه وتنهد بضيق وقال..
اسلام
حتي لو... هي ما ينفعش تبص لاي حد غيري طول ما هي مراتي..
ياسر
خلص نفسك من الحوار ده بسرعه يا اسلام، وما تخليش حنيتك وقلبك يخسرووك اسمك وسمعتك..
_قبل ان يجيبه صدح صوت رنين هاتفه مجددا برقم شقيقه ، فأجااب وقال بنفااااذ صبر..
اسلام
في ايه يا ادهم نازل زن زن عليا، عايز ايه؟
ادهم بنبره خائفه
تعالي بسرعه المستشفي امك تعباانه اووي وبكلمك انت واخووك ما حدش بيرد عليا..
اسلام بخووف
انت بتقول ايه، تعبااانه ازاي ايه اللي حصل؟
ادهم
مش عارف دكتور رشوان عندها جوه، اخلص وتعالي انا ما بعرفش اتصرف في المواقف دي لوحدي..
اسلام
طيب انا جاااي علي طول اهو..
اغلق معه اسلام الهاتف وياسر قال ببرود
في ايه؟
اسلام
امي تعبت وفي المستشفي، انا هرووحلها حالا وانت ارجع بيتك ولم نفسك شويه بقي
ياسر
رووح لامك وابقي طمني عليها
_لم يجيبه اسلام بل ذهب سريعا للمستشفي، وقلبه ينتفض بخووف علي والدته..
ـــــــــــــــــ #بقلم_الكاتبه_رحاب_القاضي ــــــــــــــــــ
_وفي المستشفي كان واقفاً ادهم بجوار هياام ابنة خاله وخطيبته وامامهم وفاااء راقده علي الفراااش الطبي بغرفتها في المستشفي، وبجوارها لينا وقالت وهي ممسكه بيدها..
لينا
سلامتك يا فوفا ان شاء الله اللي يكرهك
وفاااء بدموع
الله يسلمك يا حبيبتي، معلش خضيتك عليا
لينا
المهم انك كويسه، بس هو ايه الفديو اللي انتي شووفتيه وخلاكي تزعلي كده واحنا بنتكلم؟
ادهم بقلق
فديو ايه ده يا ماما؟
وفاء بحزن
اخوك فين؟
ادهم
كلمت اسلام وجااي حالا ومراد كلمته ما بيردش..
وفاء بدموع وحده
ما تكلموش تاني، انا لا عايزه اشوووف مراد ولا اسمع سيرته..
اقتربت هياام من ادهم وقالت بصوت واطي
هي مين دي اللي قااعده جنب عمتي؟
ادهم بتوتر
دي واحده كده..
هياام
ايوه واحده مين تعرفوها منين؟
ادهم
دي صاحبة مراد وبعدين ده وقته يا هياام؟..
هياام
صاحبة مراد ازاي، هيخطبها يعني وهيتجوزها..
ادهم بتوتر
حاجه زي كده وبعدين مش وقته مش وقته يا هياام..
_دلف في ذلك الوقت اسلام واقترب من والدته سريعا وهو ينظر لـ لينا بطرف عينه وقال..
اسلام
الف سلامه عليكي يا ست الكل مالك ايه اللي حصل؟..
وفاء بدموع
حقك علية يا حبيبي، انا شوفت الكلام اللي مراد قاله عليك..
تنهد اسلام بضيق وقال
هو ده اللي زعلك يعني، وبعدين ما حدش صدقه هو بيعمل كده عشان يبقي تريند وخلاص..
وفاء ببكاء
انا ما فيش حاجه تعبتني قد انه بيخلي النااس تشتمك وتغلط فيك، ويفتري عليك بالكلام اللي بيقولو ده..
اسلام
ما فيش حاجه يا امي ما تخافيش، انا هعرف اتعامل مع مراد كويس وارجعه لعقله من تاني، المهم انتي تبقي كويسه وصحتك كويسه يا حبيبتي..
نهضت لينا وقالت
انا مااشيه يا فوفا وهبقي اكلمك اطمن عليكي..
وفاء
مااشي يا حبيبتي ومعلش تعبتك وقلقتك عليا..
لينا
لا عادي المهم انك كويسه.. باي باي..
_وذهبت لينا للخارج واعين اسلام تراقبها وقال وهو يذهب خلفها..
اسلام
دقيقه واحده يا امي وجااي..
_وذهب سريعاً خلفها وقبل ان تدلف دااخل الاسانسير امسك يدها بقووه، وجذبها له بقوه وقال..
اسلام
استني يا لينا
نفضت يده من يدها وقالت بضيق
نعم عايز ايه؟
اسلام
في ايه؟!
وايه الطريقه اللي بتتعاملي بيها معايا دي، مش متفقين انك هتروحي تقعدي مع امي، غيرتي رئيك ليه، وايه الكلام العبيط اللي قولتيه لما كلمتيني النهارده ده؟
لينا بجمود
انا حره اعمل اللي انا عايزاااه، وبعدين انا مش عايزه اقعد عند امك واسيبك تتحكم فيا وتعمل اللي في مزاجك..
اسلام بحده
هو ايه اللي في مزاجي، لينا بلاش شغل العيال ده وخلينا علي اتفاقنا..
لينا
بابي فين؟
اسلام
وانا اعرف منين بدور اهو عشاان الاقيه..
لينا
مش عايزاااك تلاقيه، انا هعرف اوصل لبابي بطريقتي..
_قبل ان يرد عليها جاءت هياام ووقفت بجوار اسلام وقالت بخبث لـ لينا..
هياام
معلش يا عسل والنبي لو تعرفي توصلي لمراد كلميه خليه يجي وبصالح عمتي انتي شايفه لوحدك اهي حالتها عامله ازاي..
نظرت لها لينا بعدم فهم واسلام قال
مالها هي بـ مراااد يا هياام؟!..
هيام بشك
هي مش صاااحبته، ادهم قالي انها صااحبة مراد وداخلين علي مشروع جواز..
نظر لها اسلام بضيق ولينا قالت بخبث
ايوه هو كده فعلا، وهحاول اوصل لمرااد واقوله يجي لطنط، باي باي يا عمو اسلام..
_وتركتهم وذهبت واسلام رمقها بنظرات غاضبه حتي اختفت من امامه، واقتربت منه هياام وقالت..
هياام
انا شااكه في حاجه..
اسلام
شااكه في ايه؟
هياام
البت دي اخوك ادهم شااقطها وبيلبسها لمرااد عشاان ما اخدش بالي انه بيخوني..
اسلام بنفاذ صبر
غوري من قداامي يا هيااام، وما تفكريش تاني؟
هياام
طيب انت راجل كبير وعاقل، بالله عليك البت دي تخص مين مراد ولا ادهم؟
اسلام
لا ده ولا ده..
هياام بعدم فهم
ازاي اومال هي تعرفكم منين؟
اسلام بجمود
تخصني انا ومالهاش اي علاقه لا بمرااد ولا خطيبك..
وكاد ان يذهب لكن هياام اوقفته وقالت بصدمه
تخصك ازاي، يعمي دي عيله صغيره دي اصغر مني انا وو وبتقولك يا عمو، انا مش فاهمه حاجه خالص..
اسلام
كبري دماغك يا هياام مش هي ما تخصش خطيبك، مالكيش دعوه بالموضوع ده بقي..
_وتركها وذهب لغرفة والدتهُ مجددا، وهياام ظلت واقفه تفكر فيما قاله لها اسلام وقالت لنفسها بفضول..
هياام
انا لازم اعرف مين البنت دي وايه حكايتها مع ولاد عمتي.
ـــــــــــــــــ #بقلم_الكاتبه_رحاب_القاضي ــــــــــــــــــ
_وبعد اياام في منزل نيجار، كانت جالسه تشااهد التلفاز بجوار والدتها وسألتها بقلق وقالت..
نيجار
هو خالي فاروق جاااي عايز ايه؟
فتحيه
مش عارفه، انتي امام بيكلمك؟
نيجار بضيق
لا من يووم ما كان هنا اخر مره وعمل اللي عملو ده ما كلمنيش خالص، حتي خرحت من غير ما اقوله اكتر من مره وما حصلش حاجه، يارب بقي يكون ناوي يسيبني في حالي..
فتحيه
هو تقريبا عنده شغل..
نيجار
انتي ليه عايزااه ديما يدايقني يا ماما؟
فتحيه
مش كده بس انا لو حصلتلي حاااجه انتي ليكي مين غيره، خالك ده انا ما استأمنوش عليكي، الوحيد اللي هبقي مطمنه عليكي وانتي معاه هو امام..
نيجار بغيظ
علي اساس انه شيخ جاامع مش بلطجي ومجرم، انا عندي اموت يا ماما ولا اني اتجوز امام..
فتحيه
طيب خالك جه اهو رووحي افتحيله واللي فيه الخير يقدمه ربنا..
_نهضت نيجار وفتحت الباب وكان فعلا فاروق الجندي واقفاً امامها، وابتسم لها بهدوء وقال..
فاروق
عامله ايه يا نيجار؟
نيجار
بخير الحمد لله، تعالي اتفضل يا خالي..
_دلف فاروق للداخل ومعه نيجار واقترب من شقيقته وقبل رأسها بهدوء وقال..
فاروق
عامله ايه يا فتحيه؟
فتحيه
بخير يا اوفا عاش من شافك
فاروق
ما بلاش الاسم ده بقي، كفايه الواد سُهيل من لما سمعه منك ومش مبطل يقولو..
فتحيه
هو انا يعني اللي طلعتو عليك، امك الله يرحمها هي اللي ما كانتش بتحب تقولك غير يا اوفا، بس ايه سبب الزياره دي بقالك يجي سنه ما دخلتش عندنا؟..
قعد فارووق قدامها وقال
جاي اتكلم مع نيجاار واتفق معاها علي معاد فرحها هي وامام...
نيجار بعصبيه
فرح مين يا خالي انا مش هتجوز حد..
فاروق بجمود
ادخلي يا نيجار غيري هدومك وهننزل سوا نقعد في مكان هادي نتكلم فيه مع بعض...
فتحيه
ما تتكلمو هنا هو في حد غريب
فاروق
معلش يا فتحيه انا عايز الكلام اللي اقوله ما حدش يسمعه غير نيجار..
فتحيه
اسمعي كلام خالك يا نيجار..
_ذهبت نيجار لغرفتها حتي تبدل ملابسها، ونظرت فتحيه بقلق لفاروق وقالت..
فتحيه
عايز ايه من بنتي يا فاروق؟!
فاروق بجديه
انا عارف ان نيجار اغلي حاجه عندك، انا برضو اب وفااهم يعني ايه الضنا، وانا كمان عندي ولادي الدنيا واللي عليها، واهم حاجه عندي اني اشووفهم نبسووطين وخصوصا امام، نفسي اشووفه سعيد ومبسووط، لان من بعد اللي حصل لامه قدااامه وهو مطفي وكئيب، والحاجه الوحيده اللي بتخليه كويس للاسف بنتك..
فتحيه
بس بنتي مش بتحبه ومش عايزااه
فاروق
هي كانت تحلم تتجوز واحد زي امام، دي لو طلبت منه ايه هيبقي عندها، والاهم من ده كله انه بيحبها يا فتحيه وانتي عارفه كده كويس، وامام ابن اخوكي يعني من دمها واكتر حد يخااف عليها ويصوونها
ابتسمت فتحيه بسخريه وقالت
لو كانت حنان الله يرحمها عايشه، كان زمان امام دلوقتي دكتور ولا مهندس وكنت انا اللي اطلب اجوزه لبنتي، لكن بعد ما حنان ماتت، انت شقلبت مستقبل ولادك، خليتهم يدخلو معاك في السكه الشمال وايديهم تتلوث بالدم ويبقو مجرمين..
فاروق
كان لازم ولادي يبقو كده عااان يعرفو يااخدو حق امهم، واللي فيه امام دلوقتي يخلي الف دكتور يتمنو يبقو زيه، انتي عارفه حساابه كام في البنك، كلكته بتتسمع وسط ناااس رتب ومهمين في البلد وهو في السن ده..
فتحيه
بنت اختك عندك يا اوفا، لو وافقت مش هعترض بس مش عشان امام معاه ايه ومكانته ايه، لا عشااان امام هيفووق وهيرجع لعقله في يوووم وانا نفسي اشووف اايووم ده قبل ما اقابل ربنا، ولو امام فاااق وحاله اتصلح، هيااخد بايد اخووه هو كمان..
فاروق بغيظ
ولادي تحت طوعي يا فتحيه ومس هيطلعو ابدا برا طوعي..
خرجت نيجار من اوضتها وقالت
انا جاهزه يا خالو..
وقف فاروق وقال
يلا بينا يا روووح خالو، وان شاء الله با فتحبه هنرجع ومعانا اخبار كويسه ونلم الشمل بقي..
_وذهبت نيجار مع فاروق للخارج، وفتحيه وضعت يدها علي صدرها وتنهدت بضيق وقالت..
فتحيه
يارب استرها يااارب..
ـــــــــــــــــ #بقلم_الكاتبه_رحاب_القاضي ــــــــــــــــــ
_وبمنزل فخري الامير، كانت لينا جالسه بغرفتها وتتحدث في الهاتف مع مراد الذي قال لها..
مراد
كمان شويه البرومو بتاع الحلقه هينزل كمان ساعتين تلاته، اوعي يا لينا اسلام يكلمك ويهددك او يخوفك من حاجه، مصلحتك معايا اقسم بالله
لينا
ما تقلقش انا هقول كل اللي حصل، ومش عشااانك لان ده الحل الوحيد ان بابا يعرف اني مش كويسه ويرجع..
مراد
اكيد وانا هحميكي لحد ما هو يرحع ما تقلقيش مش هخلي اي حد يأذيكي، هليكي واثقه فيا يا لينا..
لينا
اوكي... المهم ممكن ترووح لطنط وفاء؟!..
مراد
ماما؟!
لينا
ايوه هي كانت تعباانه ومدايقه بسبب الكلام اللي قولته علي اسلام
مراد
امم عارف انها زعلانه مني، بس مس هرووح دلوقتي ده هي لسه هتزعل مننا اكتر لما تشووف الحلقه بتاعت بكره..
لينا بضيق
مش مهم انا بس انت ابنها، وبعدين انت عندك ام كويسه اووي فعشاان كده بقولك رووحلها وما تخليهاش تزعل منك
مراد
حاضر يا لينا هرووحلها، ومش هخليها تزعل منك انتي كمان انا هفهمها كل حاجه..
_قبل ان ترد عليه وجدت ان أسلام يحاول الاتصال بخا، فتنهدت بضيق وقالت..
لينا
انا هقفل دلوقتي وما تقلقش احنا علي اتفاقنا..
_اغلقت معه سريعا واجابت علي اسلام وقالت بتردد ونبره غاضبه..
لينا
نعم يتكلمني ليه؟
اسلام
هبعتلك لوكيشن لمكان انا مستنيكي فيه تيجي حالا يا لينا..
لينا
انا مش عايزه اقابلك ولا عايزه اشوووفك
اسلام
معلش تعالي علي نفسك المره دي، انا لازم اشوووفك ضروري يا لينا..
صمتت ولم ترد عليه فقال هو بألحاح
هقفل وهستناااكي
لينا بغيظ
اووووف طيب..
ـــــــــــــــــ #بقلم_الكاتبه_رحاب_القاضي ــــــــــــــــــ
_وبدااخل سيارة فاروق الجندي التي كان يقودها السااائق، وتجلس بالخلف نيجار بجوار فاروق الذي قال بجمود..
فاروق
انتي هتتجوزي امام يا نيجار، ولو مش بمزااجك هجبرك انه يبقي بمزاجك..
نيجار بضيق
مش بالعافيه يا خالي، انا ما بحبوش ومش هبقي مبسوطه معاه
فاروق
مش مهم.. المهم انه هو للاسف بيحبك وعايزك وهيبقي مبسوووط معاكي، وانا مش هسمحلك تكوني سبب في تعاسته يا نيجار
نيجار
هو بالعافيه وعشاان يبقي هو سعيد اتجوز انا واحد مش بحبه..
فاروق
ايوه لان ده الحل الوحيد عشاان امام يبقي مبسووط
نيجار
انا اسفه يا خالي بس انا مش موافقه..
فاروق
هتوافقي يا نيجار انتي ايوه بنت اختي وانتي وامك غاليين عليا، بس انا ما عنديش في الدنيا دي كلها اغلي من ولادي
نيجار بدموع
انا ما حدش هيقدر يجبرني علي حاجه يا خالي
فاروق بحده
وانتي مين يا بت انتي، ما تفووقي لنفسك ونزلي مناخيرك اللي رفعاها السما دي، هو انتي فااكره اني هسيبك تعذبي في ابني، ولا تتجوزي واحد غيره وهو يتقهر عليكي
وجذبها من زراعها بقوه وقال
ده انا اخلص عليكي وامحيكي من علي وش الدنيا..
هبطت دموعها وقالت بحزن
برضو مهما عملت انا مش هتجوز ابنك يا فاروق بيه، بلاش بقي خالي مالهاش لازمه..
فاروق
لا ما فيش منه ده، انتي يا توافقي بأمام وتبقي مبسووطه معاه كمان غصب عنك، يا والله هلبسك اي مصيبه واخليكي ما تتحنليش تعيشي يووم واحد علي الدنيا، ده غير امك اللي هتموت بحسرتها عليكي..
نيجار ببكاء
حرااام عليك اللي بتعمله ده..
فاروق بنبره غاضبه
اسمعي يا بت بكره هتكلمي امام وتقوليلو انك موافقه تتجوزيه، ومن اللحظه دي ابني مش عايز اشووفه غير وهو مبسووط والا ما تلوميش نفسك علي اللي هعملو فيكي، وبلاش تحاولي تقولي لامام اي حاجه من اللي حصلت بينا دي، عشاان انتي مش قدي يا نيجار انا باشاره مني اخليكي تشووفي اياام سودا عمرك ما تتقدري تتخيلي بشاعتها..
_اتنفضت بخووف وهي تبتعد عنه ودموعها تهبط بحزن، هو نظر للسائق وقال بجمود....
فاروق
رجعها لبيتهم الاول يا ابني، وبعدين ابقي رووحني..
_تفتكرو بقي نيجار هتعمل ايه؟..
ـــــــــــــــــ #بقلم_الكاتبه_رحاب_القاضي ــــــــــــــــــ
_وبعد قليل بمكان ما.. علي النيل كان يقف اسلام بجوار سياره لونها احمر باهظة الثمن، وهبطت لينا من سيارة الاجره التي جاءت فيها، وكانت ترتدي بنطال ضيق جداً وتيشرت قصير جدا وعليهم جاكيت مفتوح ومظهرها كالعاده كان ملفتاً للغايه وجذااب جدا، وما ان ذهبت ووقفت امامه وقالت..
لينا
نعمم عايز ايه؟
اقترب منها واغلق لها الجاكيت وقال
عيب تنزلي كده من البيت، وعيب حد غريب يشوووف جسمك كده..
توترت من اقترابه ونبرته وابتعدت عنه قائله
وانت مالك انا حره..
اسلام بجديه
انا جوزك واللي اقوله يتسمع..
تنهدت بضيق وقالت
انت عايز ايه، جاايبني هنا ليه؟
_تفتكرو اسلام عايزها في ايه وايه اللي هيحصل في الحلقه القادمه؟ 👋🏻👋🏻👋🏻❤🌺
"وكل سنه وانتو طيبين وبخير وعام سعيد عليكم"
ـــــــــــــــــــــــــــــــــــــــــــــــــــــــــــ
الرابع من هنا
