رواية نار الميراث الفصل الثالث 3 بقلم هويدا زغلول

نرجس

نعرف عنكم ايه يعني يا ماما ده اخويا الوحيد ومن حقنا نكون معاه في يوم زي ده ولا انتوا خلاص بقيتوا بتعملوا كل حاجه من ورا عيالكم من غير ما تاخدوا رأينا في اي مصيبة بتحصل في البيت ده

ايمان دخلت في الكلام وبصت لعاصم وقالت

ايمان

وانت يا عاصم وافقت بالبساطة دي تروح وتخطب من غير ما تقول لنا ولا عشان انت عارف ان البنت دي مش شبهنا وكنت خايف من مواجهتنا ليك ولأمي

وساعتها عاصم قام وقف وهو متعصب وقال بحده

عاصم

بس بقى انتوا الاتنين انا مش ناقصكم ومحدش ليه دعوة بيا انا حر في حياتي اعمل اللي انا عايزه وعلى ما اظن ان انا مش عيل صغير علشان خاطر تتكلموا معايا كده وانا عارف بعمل اي كويس

الام بصت لنرجس وايمان وقالت بغضب

الام

جرى ايه يا بت انتي وهي انتوا هتتحكموا فيا وفي اخوكم ولا ايه انا اللي اخترت له البنت دي وهي دي اللي هتعرف تخليه ينسى الماضي اللي كان هيدمره وكمان دي بنت غلبانة ومفيش منها

نرجس ضحكت بسخرية وقالت

نرجس

غلبانة ومفيش منها دي البنت دي هربانة منها خالص يا ماما والمنطقة كلها عارفة بلاويها وانت يا عاصم رايح ترمي نفسك في النار برجليك عشان بس تهرب من حب عبير اللي لسه عايش جواك

عاصم بحده

صفحتها قفلت يوم ما اتجوزت وانتوا عارفين كده كويس ومستحيل افكر فيها تاني واخر مره تتكلموا في الموضوع ده ثاني البيت بتكم انا داخل انام

ويروح عاصم سابهم وبيدخل اوضته ورزع الباب وراه وهو حاسس بخنقة شديدة ومش قادر يتنفس وقعد على السرير يفتكر كلام عبير ودموعه وكلام قمر وجنانها والسكينة اللي كانت في ايدها

وساعتها بيكلم نفسو وقال

عاصم

يا ترى يا قمر مخبيه ليا ايه من ساعه ما انا شفتك وانتي لخبطي حالي وفي حاجه جوايا بتحركني ناحيتك

ربنا يستر علي الي انتي مخبياه

واول لما عاصم بيدخل الام بتقول بغيظ

الام

عاجبكم كده بدل ما تيجي تفرحوا ل اخوكم وتباركوا له على الخطوبه بتاعته جيتوا وعكننتو عليه

ايمان

والله الموضوع لو كانت واحده تانيه في البلد كنا قلنا ماشي اما مش لاقيين قمر دي بنت قويه ومفتريه وما فيش حد يقدر يقول لها 2 x 3 بكام

الام

بقول لكم ايه مهما تقولوا ولا تعملوا انا عارفه كويس البنت دي مغلوبه على امرها وهي مش كده خالص واخر مره تتكلموا عليها بشكل ده وبالذات كلها اسبوع وهتبقى مرات اخوكم سمعته

نرجس

هو في ايه بالظبط يا ماما هو حرام تاخده راينا فيها ما البلد مليانه بنات كتير اشمعنا قمر هي وقفت عليها

الام

ايوه وقفت ويا ريت تقفلوا على الموضوع ده بدل والله العظيم ما تعرفي انا هعمل ايه

ايمان

ولو على ايه يا ماما اعملو اللي تعملوه بس خليكي فاكره ان احنا جينا وقلنا راينا في البنت ومحدش سمع الكلام ده ما ترجعيش تندموا لما تعرفوا ان هي بنت مش كويسه

هو بتروح واخده نرجس وبروحوا ماشيين وهم متضايقين

وفي الوقت دا عند بيت قمر كانت قاعدة في اوضتها بتنط من الفرحة ومش مصدقة ان خلاص هتمشي من البيت ده

وقتها بتسمع هناء بتتكلم في الصاله بصوت عالي وبتقول

هناء

الحمد لله اللي لقيت مغفل ياخدها ويخلصني من قرفها وجنانها ده البت دي كانت هتضيعني وتوديني في داهية لولا ان امه جت ووقعت في شر اعمالها وشربت المقلب

الاب

خلاص بقى يا هناء ما لهوش لزوم الكلام ده وخلاص يا ستي انت هترتاحي منها لما تتجوز

هناء

يا رب بس يتعمر في الجوازه دي تعصل زي بنتك مستحيل تعمر فيها ده انا هكسر وراها زير علشان ما ترجعش البيت هنا تاني

واول لما قمر تسمع كده بتروح ضحكه بشر وبتروح خريه وهي بتقول

قمر

مغفل في عينك يا ولية يا عقربة ده سيدك وسيد ابوكي كمان وانا ماشية من هنا وسايبالك البيت اشبعي بيه بس افتكري كويس اني مش هسيب حقي منك والايام بينا ولا انت ناسيه اللي انا هتجوز كبير البلد

واول لما هناء بتبص ليها بخوف وقالت

هناء

امشي يا بت من قدامي ربنا ياخدك ويريحني منك ومن طول لسانك ده روحي شوفي خطيبك اللي وشه اتقلب اول ما شافك ماسكة السكينة ده لو واد ذكي مش هيعتب الباب ده تاني

قمر

سلام تشوفوا النظر يا مرت ابويا وانت مش واخده بالك ان هو وافق على الجواز وما قالش اي كلام يعني ريحي نفسك

انا علي قلبهم زي العسل دوري على نفسك انت

وبتروح سايباها وبتمشي وهي بتمشي بدلال وبتفضل تغني

واول لما بتدخل هناء بتقرب من الاب وبتقول

هناء

عاجبك اللي بدك تعمله انا لولا اللي انا خايفه عليها وان هي قويه ومفتريه وممكن تعمل في حاجه كنت قمت جبتها من شعرها

الاب

اهدي يا هناء هو ما فيش مره اليوم يعدي من غير ما يحصل مشكله ويا ست خلاص كلها كم يوم ونرتاح منها عاوزه ايه اكثر من كده

هناء

ده يوم السعد والهنا ليا لما تغور من البيت هنا ده انت ما تعرفش هي كابسه على نفسي قد ايه

وتاني يوم عند عاصم كان قاعد في شركتته وكان قدامه ملفات كثيره وبيشتغل فيها وساعتها بتقاطعوا السكرتيره وهو اول ما بتدخل بتقول

السكرتيه

اسفه يا عاصم بيه اللي انا عطلتك بس في واحده مصممه ان هي تخش لك وبتقول ان انت عارفها وما ينفعش تمشي الا لما تدخل لك

عاصم

مين دي طيب على العموم دخليها بسرعه خليني اشوفها عاوزه ايه

وفعلا سكرتيره بتخرج وبعدها بتدخل عبير اللي كان وشها شاحب وكان باين عليها التعب واول لما عاصم بيشوفها بيروح واقف وبيقول باستغراب

عاصم

عبير انتي ايه اللي جابك هنا الشركة انتي مش ناوية تجيبها لبر معايا خالص ولا ايه وعايزة تخربي حياتي وخلاص

عبير قربت من مكتبه وعيونها مليانة دموع وقالت بصوت واطي

عبير

سمعت انك خطبت يا عاصم معقولة قدرت تعمل كدا بالسرعة دي بعد كل اللي قلتهولك في الفيلا معقولة هونت عليك تكسر قلبي بالطريقة دي وتروح لوحدة تانية

عاصم بص لها بوجع وضيق وقال

عاصم

انتي اللي عملتي فينا كدا زمان يا عبير ومبقاش ينفع نرجع لورا انا ماشي في طريق جديد ارجوكي ابعدي عني وسيبيني في حالي بقا انا دلوقتي خاطب ما ينفعش حد يقول عليا كلمه

عبير صرخت في وشه وقالت

عبير

مش هسيبك يا عاصم ومش هسمح للبت دي تاخدك مني لو انت فاكر انك بالخطوبة دي هتنساني تبقى غلطان انا هخرب الجوازة دي ومحدش هيقف في طريقي انت ليا انا وبس

واول لما عاصم بيسمع كده بيضايق وبيقول بحده

عاصم بحده

انت شكلك اتجننتي خالص وما بقيتيش واخده بالك من الكلام اللي انت بتقوليه انت لو ما لمتيش نفسك هيكلم اخوك ويجي ياخذك بمعرفته انا لحد دلوقتي عامل حساب للعيش والملح اللي كان بينا

وساعتها عبير تنهار وبتقول

عبير

معقول يا عاصم انت نسيت حبيبه القلب انا مش مصدقه والله ليه بتعمل فيا كده انا اذيتك في ايه

عاصم

لو سمحت يا عبير انا قفلت صفحه الماضي من زمان من ساعه ما انت اتجوزتي وخلاص ما بقتش افكر فيك فريحي نفسك وشيليني من دماغك خالص وانت كمان هترتاحي

عبير بحزن

يعني ده اخر كلام عندك معقول يا عاصم هو انت عليك تقول كده

عاصم

ايوه اخر كلام يا ريت تمشي من هنا عشان ما ينفعش نقف مع بعض اكتر من كده

واول لما عبير بتسمع كده بتروح واخده بعضها وبتمشي وهي متضايقه

واول لما بتمشي عاصم بيقعد مكانه متضايق ومش عارف الي بيعملوا ده صح ولا غلط

وفي الوقت ده عند عبير اول ما بتطلع بتلاقي محروس اخوها واقف مستنيه هو لما بيشوفها بيقول بقلق

محروس

عملت ايه طمنيني وفرح قلبي ان هو وافق ان هو يسيب اللي اسمها قمر ويتجوزك مالك طالعه ساكته عامله ليه كده

عبير لغيظ

اسكت يا محروس انت ما تعرفش انا مش طايقه نفسي قد ايه تصور ان اللي اسمه عاصم مش موافق على موضوعي وشكله قفلوا خالص

محروس

الله يخرب بيتك يا عبير الكلام اللي انت بتقوليه ده انا كنت حاطط امل ان خلاص اللي احنا عاوزينه هو اللي يحصل هي بقت كده

عبير

وانا كنت مفكره زيك بس شكلي كنت غلطانه اللي متغاظه منه دلوقتي اللي انا اتطلقت من صلاح جوزي علشان خاطر ابقي في العز والهنا اللي هو فيه اديها خربت من كل ناحيه يا ريت ما سمعتش كلامك لما جيت وقلت لي على ان انا اطلق

محروس

بقولك اي بطلي اللي عامله تقولي ده هو انتي ناسيه هو كان بيعمل فيكي اي ولا اي

وساعتها عبير بتبدا تفتكر اللي حصل زمان لما كانت قاعده وبيدخل عليها محروس وبلاقي وشها وارم من ضرب جوزها ليها

#فللش باااك

محروس

يا خبر يا عبير ايه اللي بيحصل دي يا بنتي ومين اللي عمل في وشك كده انت كويسه

عبير

الله يخرب بيته صلاح هو العمل فيا كده وكل ده ليه علشان خاطر ما كانش واخد الكيف بتاعه كان يوم اسود لما اتجوزته اما ما بقتش قادره استحمل اللي هو بيعمله ده

محروس

والله يا حبيبتي ما حدش ضربك على ايدك اللي انت تتجوزيه انت طمعتي لما عرفتي ان هو يجي يتقدمك وكنت مفكره ان انت هتعيشي في المستوى احسن من كده

عبير

خلاص بقى يا محروس بالله عليك مش هتزود الجرح وانا مش طايقه نفسي اصلا بس غريبه يعني جاي هنا تعمل ايه مش من عادتك اللي انت تيجي ولا الحنيه نزلت عليك فجاه وجاي علشان تطمن عليا

محروس بغيظ

لا ولا ده ولا ده انا جاي اقول لك ان هي مرات عاصم ماتت واتاريها كاتبه لي كل حاجه ودلوقتي عاصم بقى في ايده كل فلوسها ويعتبر اغنى واحد في البلد دي كلها

عبير

انت بتتكلم جد معقول عاصم اللي ما كانش لاقي اللي لقمه ياكلها بقى من كبارات البلد يمرك يا عبير على اللي انت فيه فعلا منحوس منحوس لو علقوا على ديله فانوس

محروس

بس لسه كل حاجه ما ضاعتش يا عبير انت ناسيه ان عاصم كان بيموت في التراب اللي انتي بتمشي عليه ده لو لعبناها صح ممكن يرجع لك تاني وتعيشي ملكه بدل البهدله اللي انتي فيها دي

عبير بصت له بعدم فهم وقالت

عبير

يعني ايه مش فاهمه انت ناوي على ايه بالظبط

محروس قرب منها وقعد جنبها وقال بصوت واطي

محروس

اسمعيني بس للاخر عاصم اكيد امه مش هيسيبه كده من غير جواز واكيد هيدور على عروسه والحل دلوقتي ان هو يتجوزك

عبير ب

ايه الكلام اللي انت بتقوله ده يا محروس هو انت ناسي اللي انا متجوزه

محروس ضحك بخبث وقال

محروس

ومين اللي قال لك اللي انا هخليك على ذمته دقيقه واحده وانت مش واخده بالك ان هو بيهينك كل دقيقه وثانيه انا هكلمه دلوقتي واخليه يجي ونفضها سبره اكيد اول لما عاصم يعرف ان انت اتطلعتي مش هيلاقي احسن منك واتجوزك

عبير سكتت وهي بتفكر وكلامه بدأ يدخل دماغها وساعتها قالت

عبير

بس لو عاصم عرف ان احنا لينا دخل هيكرهني اكتر لو عارف ان انا رجعتله علشان خاطر الفلوس

محروس

ما تخافيش انا هرتب كل حاجه وانتي عليكي بس ترجعي تدخلي قلبه من تاني خليه يحس انك مكسوره وندمانه والرجاله بتموت في الست الضعيفه

عبير نزلت دموعها وقالت بحزن

عبير

انا فعلا ندمانه يا محروس انا ضيعت من ايدي واحد كان بيحبني بجد علشان الفلوس وفي الاخر لا خدت فلوس ولا راحه

محروس بحده

البكا ده مش هيعمل حاجه فوقي لنفسك بدل ما تفضلي طول عمرك مكسوره مع واحد مدمن وضربه ما بتخلصش

وفعلا بعدها محروس بيكلم صلاح اللي بيجي

صلاح

خير يا محروس كلمني وخليتني اجي على ملا وشي في ايه اللي حصل

محروس

. بقول لك ايه يا صلاح انا مش عاوزه الكلام كثير انت هتطلق اختي ودلوقتي حالا

صلاح

هو مين اللي قال لك اللي انا واقف على الموضوع ده بقول لك ايه امشي اطلع بره وما لكش صالح في اللي انا بعمله في اختك

محروس

بقول لك ايه يا صلاح لو انت مش عاوزني احطك في دماغي هتطلقها من سكات ويا سيدي عليا انا اخليها تتنازل على كل حاجه في القايمه قولت اي

صلاح

يعني الموضوع كده تمام يبقى انا موافق روحي وانت طالق يا عبير انا اصلا كنت زهقت منك وزهقت من النكد بتاعك

واول لما صلاح بيطلقها محروس بياخدها وبيرجع البيت تاني

#باك

عبير

حسبي الله ونعم الوكيل فيك يا محروس خليتني امشي وراك لحد ما ضيعت كل حاجه وبقيت دلوقتي لوحدي بس الغلط مني من الاول ان انا مشيت ورا الطمع

هو بتروح سايباه وبتمشي

بتعدي الايام وفعلا عاصم بيتجوز من قمر واول لما بيدخل الاوضه عليها بيلاقيها قاعده على السرير واول لما بيشوفها ما بيقدرش ينزل عينه من عليها

وساعتها بيتخض لما بلاقي قمر قالت

قمر

مالك يا عاصم داخل عامل كده ليه انت كويس وانت اول مره تشوف في عروسه ولا ايه

وبعدها بتكمل قمر وبتقول بدلع

قمر

يا نهار ابيض هو انا حلوه للدرجادي ولا انت اتسحرت لما شوفتني

عاصم خرج من شروده وقرب منها وقال

عاصم

المشكله اني مش عارف انتي حلوه ولا مرعبه

قمر

اخص عليك يا عاصم دي برده كلام تقوله لعروستك يوم فرحكم

عاصم ضحك غصب عنه وقال

عاصم

اعملي ايه بس من ساعه ما شوفتك وانتي يا ماسكه سكينه يا بتتخانقي مع حد ومن ساعته وضمير عمال يانبني ويقول عملت كده في نفسي ليه

قمر قامت وقفت قدامه وحطت ايديها في وسطها وقالت بحزن

قمر

لا والنبي ما تحكمش عليا بسرعه اصل ما تعرفش ايه اللي حصل لي علشان خاطر اعمل كل الكلام ده

عاصم قرب منها اكتر وقال

عاصم

في ايه اللي انت مخبياه يا قمر قولي لي ممكن اساعدك

وليه عاوزه تبيني الناس حاجه مش موجوده فيكي

وانا لحد دلوقتي مش فاهم هو انت ليه وفاتت تتجوزي واحد اكبر منك بالشكل ده

وساعتها قمر بسط له بحزن وقالت

قمر

انا وفقت اللي انا هتجوزك وصممت عشان اخويا محمود كان بيسك فيك وكنت متاكده ان انت هترجع الحق لاصحابه

وساعتها بيستغرب عاصم ما بيفهمش في ايه

عاصم

اخوكي محمود مين انا مش فاكر حد بالاسم ده

اتكلمي وقولي انا سامعك ولو ليكي اخ زي ما انت بتقولي ليه انا مش شفته في جوازك

واول لما عاصم بيقول كده دمعه حزينه بتنزل من قمر وبتقول

قمر

علشان خاطر ما بقاش موجود بقى تحت التراب

وانا من وقتها عايشه دور ومراكبه وش مش بتاعي

حلقت وقتها ان حق اخويا وامي انا اللي هجيبه

عاصم

قصدك ايه بالكلام ده هو في حد عمل فيهم حاجه ولا هو اللي اذاهم

قمر

انا هقول لك على كل حاجه يل عاصم بس بالله عليك ما تسيبني لوحدي عايزك تفضل جنبي لحد ما اجيب حقهم

وبتبدا قمر تحكي اللي حصل. زمان لما ابوها اتجوز هناء بعد موت امها بفتره واللي كانت وقتها بتعملها معامله وحشه لحد ما في مره بتلاقي محمود اخوها رجع من السفر واول لما بيشوفها بيلاقي هدومها متبهدله قال بحده

#فلاش باك

محمود

هو ايه اللي بيحصل ده يا قمر واللي انت عاملاه في نفسك ده اللي يشوفك يقول ان انت زي الخدامه

قمر

سيبك من الكلام اللي انت بتقوله ده يا محمود انت ما تعرفش انا مبسوطه قد ايه لان انا شفتك كويس البيت بقى وحش من غيرك من ساعه ما سافرت

ساعتها محمود بيبص على امه اللي كانت قاعده وقال

محمود

هو اللي حصل لامك ده حصل ازاي وامتى وازاي ما حدش قال لي

تطلع في الوقت ده هناء وبتقول

هناء

ايه الصوت ده يا بت يا قمر مين اللي عمل يزعق كده وساعتها بتستغرب لما بتلاقي محمود واقف

محمود

انت مين يا ستي انت ومالك لابسه الهدوم ديت كده ليه في البيت كانك انت اللي صاحبه البيت

هناء

ايه ده هو انت نزلت يا محمود امتى غريبه ديت مش المفروض كنت قلت لنا قبل ما تنزل على العموم ابوك مش جاء له فرصه وقال لك هو اتجوزني وبقيت انا صاحبه البيت

محمود

نعم نعم كلام اي اللي انت بتقوليه ده ان شاء الله يعني اتجوزك

بيدخل في الوقت ده سعيد الاب الاول لما بيشوف محمود بيتوتر وبيقول

سعيد

معقول اللي انا شايفه ده حمد لله على السلامه يا ابني بس ما قلتيش ليه كنت جيت استقبلتك في المطار بدل ما تيجي هنا لوحدك

محمود

يا ابويا سيبك من الكلام اللي انت بتقوله ده انا عاوز افهم هو انت ازاي تتجوز على امي وغير كده وكده مبهدل القمر بالشكل دا

سعيد

بقول لك ايه يا ابني انا ما عملتش حاجه حرام انا اتجوز على سنه الله ورسوله وعلى ما اظن اللي انا ليا الحق اللي انا اتجوزه بالذات بعد ما انت سافرت على طول امك اتشلت كنت عاوزني اعمل ايه اعيش في الحرام

محمود

حلو الكلام اللي انت بتقوله ده وطالما انت معاك فلوس اللي انت هتتجوز كل شويه تبعت لي اللي انت عاوز فلوس انا لو كنت عارف ان انت متجوز ما كنتش بعثت لك ولا جنيه لو كنت عارف ان انا ارجع والاقي امي واختي متهنين بالشكل ده

هناء

بقول لك ايه يا جدع انت تقعد كده معوج واتكلم عدل وعلى ما اظن ابوك ما عملش حاجه غلط ولا حرام يعني تلم نفسك واحمد ربنا ان هو لسه سايب امك على ذمته واحد غيره كان طلقها من زمان

محمود

والله يا حبيبتي الكلام ده لو هو شاري الفيلا والبيت بفلوسه اما الهيلمان دا كلو بتاعي

وبقولك اهووو كل جنيه بعته ليك انا هاخده منك ثلاث ومثلث

سعيد

وريني هتعمل ايه بس اعمل حسابك كويس ان ما فيش اي جنيه هتاخده مني وزي ما بيقولوا القانون لا يحمي المغفلين

محمود

هنشوف يا ابويا كلام مين اللي هيعمل واعمل حسابك باللي انا هكلم عاصم اللي ماسك كبير البلد واكيد هو اللي هيجيب لي حقي

وبيروح سايبه بيروح واخد قمر والام وبيروحوا داخلين على جوخ

اول لما بيدخل سعيد بيقول بتوتر

سعيد

هنتصرف ازاي دلوقتي يا هناء انت عارفه لو القعده دي حصلت كل حاجه هو بعتها تبقى ليه هو

هناء

نعم نعم والله العظيم لو ده حصل ليكون اخر يوم في عمره

سعيد

طب انت ناويه على ايه

هناء

بقول لك ايه ابنك جاب اخره معايا وانا هعرف اعمل فيه ايه بس انت ما تتدخلش ولا يصعب عليك

لو مش عاجبك الكلام ده انت حر لما تلاقي نفسك في الشارع

سعيد

طبعا موافقه ده كلامي تقوليه اعملي اللي تعمليه بس القعده ديت مش عاوزاها تحصل علشان لو حصلت هتخرب عليا

هناء

ما تشغلش بالك باي حاجه انا عارفه انا ناويه اعمل ايه بالظبط

في الاوضه عند قمر محمود قال لها بحته

محمود

هو ازاي يحصل كل ده من غير ما تقولي لي انت اتجننتي يا قمر

انا لو كنت اعرف ان ده كله بيحصل ما كنتش بعثت الفلوس اللي انا كنت ببعتها كلها

قمر بدموع

غصب عني يا محمود هددوني اكتر من مره لو فتحت بوقي ولا قلت لك حاجه هيرموني انا وامي في الشارع وما كانش ينفع ده يحصل

محمود

اهدي يا حبيبتي وما تقلقيش كل حاجه ترجع زي الاول واحسن

قمر

انا متاكده وبالذات لما انت جيت من السفر وتاكدت اني كل حاجه هتتغير انا هدخل اجهز لك لقمه تاكلها ترم عظمك تلاقيك راجع من السفر هفتان وبتروح سايباه وبتروح تعمل الاكل واول لما بتخلص بترس الاكل على السفره واول لما بتخلص

بتلاقي هناء وراها وبتقول

هناء

يا قمر بصراحه كده انا اول ما شفت اخوكي صعب عليا ان هو الفتره دي كلها بره البلد خدي روحي جيبي له فاكهه وحلويات تقدميها بعد الاكل

وساعتها بقى القمر بتبص ليها باستغراب

قمر

حاضر يا مرات ابويا بس مش غريبه دي شويه

هناء

والغريب في كده هو حرام نرحب بالضيف لما يجي يلا روحي واسمعي الكلام يلا

وفعلا بعدها القمر بتمشي واول لما بتمشي بتطلع هناء قزازه مخبياه وبتوديها في الاكل وبعدها بيجي محمود وبيجيب امه وبيبداوا ياكلوا

واول لما بيخلصوا الاكل هناء بتروح واخده الاكل بسرعه بتروح غسله الاطباق

بعد شويه هتيجي قمر وساعتها بتسغرب لما بتلاقي كل حاجه مغسوله

قمر

ايه اللي انت عاملاه ده ده انت اول مره تعمليها من ساعه ما اتجوزت ابويا ايه الحنيه اللي نزلت هي دي

هناء

هو انت ولا عاجبك كده ولا عاجبك كده على العموم انا شطفت لك المطبخ عشان ما تقوليش ان انا مبسعدتكيش

هو بتروح ماشيه وساعتها القمر بتكلم نفسها وبتقول

قمر

ياه يا محمود كنت جيت من زمان بدل اللي هناء معيشاني ولا الخدامه اكيد خافت منك لا تمشيها من البيت

بعدها بتطلع من المطبخ واول ما بتدخل الاوضه بتتصدم لما بتلاقي محمود وامها وقع عين قاطعين النفس

وبتفضل تصرخ قمر لحد ما بيدخل عليها الاب وهناء وبيقولوا بحده

الاب

صوتك يا بنت انت بدل ما تعرفي انا هعمل فيك ايه

قمر

انا مش هسيبكم النهارده انتم الاكيد عملتوا كده فيهم

هناء

يا بنت انت انت لو فتحت بقك ولا اتنفستي هتحصليهم سمعتي

سعيد بجبروت

وساعتها ما فيش حد هيقتلك غيري

قمر بتخاف وبتسكت وفعلا بيجيبوا واحد تبعهم وبيطلع تصريح الدفنه وبيتدفن محمود والام وقمر بتبقي مقهوره عليهم لحد لما بتعرف ان عاصم متقدملها وقتها بتوافق وبيتجدظ الامل ان حق امها واخوها هيرحع

الرابع من هنا