رواية نسختي الاخري الفصل الثالث 3 بقلم حبيبة سامح
فتحت لينار عينيها بتعب لتضع يديها أمامها لضوء الشمس الساطع
نظرت لينار بصدمه عندما رأت أنهم في مكان يوجد به زرع و جبال و أشجار بألوان مختلفه منها الازرق و الاحمر البنفسجي و ألوان متنوعه
و يوجد أيضا شلالات بمياه زرقاء تلمع بسبب ضوء الشمس عليها
و أمامهم مبنى كبير يبدوا مثل المدرسه
لتنظر لينار بجانبها لتجد نور قد استيقظت
نور بتعب : احنا فين ؟
نظرت لينار بدهشه للذي تراه لتقول
لينار بدون وعي : في الجنه
نور : جنه ايه ده انا بأعمالي دي هدخل النار و
كانت نور سوف تكمل حديثها لكن أنصدمت عندما رأت كل تلك الأشياء التي رأتها لينار
نور بدهشه : ايه ايه ده ؟
اتت لهم فتاه وهي تبتسم لهم
الجنية بابتسامه : اهلا و سهلا بيكم أنا جنية الاستقبال
نظرت نور باستغراب للينار لتقول
نور : مش أسمها سكرتيره الاستقبال أنا أول مره أسمع جنية لحظه واحده !! جنية ؟!! دي دي عندها جناحات فعلا ؟
لتقوم الجنية بالضحك
الجنية : ايوه جنية و جايه عشان أعرفكم على كل حاجه هنا في عالمنا تعالو
لتقوم الجنية بأعطاء يديها لهم ليمسكوا يديها بتوتر و فجاه
قامت الجنية بالطياران لتصرخ لينار و نور معا
نور بخوف : يا نهار اسوح يا نهار اسوح دي جنية بجد
لينار : بس بس الجنيات مش موجوده ازاي ؟
نور بصوت عالي : و أدينا عرفنا أنهم موجودين بطريقه نيله انتي يا انثى الجن براحه شويه
كانت الجنية تقوم بالطياران و تقوم بتعريفهم على كل مكان في العالم
الجنيه بابتسامه : و ده بقى سوق س للناس الغنيه فيها كل حاجه بس بإسعار غاليه جدا و بالنسبه لهنا
وقفت الجنيه عن الطياران وهي في السماء و مازالت ممسكه بلينار و بنور لتقول
الجنيه بتوتر : دي المنطقه المحذوره اوعوا تدخلوا عندها
نور بسخريه : ما هي ناقصه ندخل عشان نروح لعالم تالت زي المره الي فاتت
لينار بفضول : ليه فيها ايه ؟
الجنية: فيها وحوش متوحشه و مخلوقات مؤذيه هنا
نظرت لينار لها بهدوء لتقول
لينار : ايه و بعدين
نور بزعيق : لينااااار و الله ما ناقصه الواحد يتسحب السحبه دي تاني ده انا جسمي أتكسر بسبب السحبه دي
نظرت لينار لها لتقوم بهز رأسها
الجنية بابتسامه : و اخر حاجه و الاهم
قامت الجنية بتغيير طريقها لتطير بتجاه أخر يوجد به أشجار بنفسجيه جميله و الأنهار تلمع و هم يسمعوا تغريد الطيور
لتقف الجنية أمام مدرسه كبيره بالون الذهبي و الابيض تلك المدرسه تبدو على شكل دائره و في وسط تلك الدائره زرع و أشجار جميله و بالون الزهري و البنفسجي و الاصفر و الازرق
لتنزل الجنية للأرض أمام سور المدرسه
الجنية : يااا حارس أفتح الباب في ضيوف عندنا جم
ليقوم الباب بالانفتاح لتنظر لينار و نور لبعض بخوف
الجنية بابتسامه : متقلقوش انتوا عليكم بس انكم تروحوا للحكيمه و هي هتقولكم هتعملوا ايه
نور باستغراب : الحكيمه ؟
لينار : و هنلاقيها فين
الجنية: في مكتبها
لتطير الجنية و تذهب بعيدا ثم أغلق الباب عليهم
نور بسخريه : ياااا سلام ساعدتنا أوي و انا ايش عرفني ام مكتبها فين
لينار بابتسامه : متقلقيش هنلاقيها أن شاء الله
نور : نفسي اخد ربع التفائل و الهدوء الي عندك ده يا لينار
لينار بضحك : الثقه في ربنا بتعمل المستحيل
نور بابتسامه : عندك حق يلا بينا
دخلوا داخل المدرسه كان يوجد بعض الطلاب الذين هم في نفس عمرهم و هناك من اصغر و اكبر منهم
ليذهبوا لبنت تقف هناك
نور : احم احم
ألتفت لهم الفتاه بابتسامه
الفتاه : اهلا أنتوا جداد ؟ أول مره أشوفكم ؟
نور : اه جداد هنا و مش عارفين حاجه بصراحه
الفتاه : أسمي نيره
لينار بصدمه : أسمك نيله ؟
لتضع نور يديها على فم لينار وهي تضحك بزيف
نور : معلش أصل أختي مش بتسمع و عقلها على قده شويه
نيره بابتسامه : لا ولا يهمك انتوا محتاجين حاجه ؟
لتبعد لينار يد نور عن فمها بعصبيه لطيفه و قالت
لينار : اه كنا بندور على الحكيمه
نيره : اه تعالو معايا هوصلكم ليها
لتذهب نيره و خلفها لينار و نور
كانوا يصعدون على سلالم مصنوعه من الورد و يوجد ورود ورديه صغيره على حروف السلالم
وقفت نيره لتقوم بالطرق على الباب لتسمع الاذن بالدخول
نظرت لهم نيره بابتسامه لتقول
نيره : أتفضلوا لو محتاجين اي حاجه تبقى تيجوا ليا أنا تحت في جنينه أرت الي هي الجنينه الي قابلنا بعض فيها
لتقوم لينار بهز رأسها لها لتذهب نيره بعيده لينظروا لبعضهم البعض ثم يدخلون
ليجدوا مكتب كبير و ضخم ليدخلوا للداخل من ثم وجدوا امراه عجوز قليلا و هي تجلس على مقعد المكتب و بيديها أوراق
لترفع نظرها لهم لتقول بابتسامه
الحكيمه بابتسامه : شرفتونا و نورتونا
لينار : شكرا لحضرتك
لتقف الحكيمه و تذهب لهم و تقف أمامهم
الحكيمه : طبعا انتوا عايزين تعرفوا كل حاجه عن المدرسه ؟
لينار : بصراحه حضرتك احنا منعرفش وصلنا لهنا ازاي؟ و كمان مش عارفين ازاي نرجع
الحكيمه : مش انتوا دخلتوا الغابه الملعونه ؟
نور بصدمه : هو حضرتك تعرفيها ؟
الحكيمه : طبعا دي هي الي بتوصلكم لهنا هي صحيح مش ملعونه بس الناس سميتها كده عشان الناس لما بتروحها بتختفي بس الحقيقه هي مش بتختفي هي بتيجي هنا في المدرسه مدرسه الأنعكاس
لينار باستغراب : الأنعكاس ؟
الحكيمه بابتسامه : اه
نور : طيب حضرتك شكرا جدا بس احنا عايزين نروح بيتنا و نخرج من العالم الي احنا فيه ده
الحكيمه : مفيش خروج
لينار و نور بصدمه : أيههههه
الحكيمه : مدرسه الأنعكاس من أول ما الواحد بيدخلها بيكون إجباري أنه يدرس فيها
لينار : بس بس إزاي
الحكيمه بمقاطعه : كل حاجه عن المدرسه هتعرفوها في يوم الترحيب بالجداد والي منهم أنتوا
نور بصدمه : معناه أن في ناس جديده جت هنا كمان ؟
الحكيمه : اه عشان اي حد بيدخل الغابه الملعونه بيجي هنا في مدرسه الأنعكاس بس الاهم دلوقتي انكم تروحوا لاجوازتكم
لينار بصدمه : احنا مش متجوزين أزواج ايه بس ؟
لتقوم الحكيمه بالنظر للاسفل ثم لهم لتقول
الحكيمه : لا انتوا هنا متجوزين و الي هي نسختكم
يتبع٠
أديلوا على الصدمه 
تفاعل
